|
|
|
 Re: مامه دومه في ثياب العيد صور بالكوم قيقراوي كيكي بركوته عصام جبرالله وكل الرهط (Re: doma)
|
كل سنة وانت طيبة يا ماما دوما
--------------
قلتي لي ثياب العيد ؟ . . . عرفتي تجيبينا لكن 
انا اصلاً قررت تاني ما ادخل هناك خير شر . . .
انا قلت كل العندي . . كملت فهمي كلو هناك . . . مخي تاني مافيهو الا مخاتة ساي
لي خير كدا انا ماشي احذف مداخلتي الدخلتني مع المجارمة ديل :
كيكي بركوته عصام جبرالله وكل الرهط
كل سنة و كل ثانية و انت ماما دوما
و العيد مبارك عل الجميع حتى المجرمين
| |
 
|
|
|
|
|
|
|
|
Re: مامه دومه في ثياب العيد صور بالكوم قيقراوي كيكي بركوته عصام جبرالله وكل الرهط (Re: doma)
|
خالة دوما كل عام وانتي والاسرة بالف خير وبركة...
ومافي زعلا كده يا دوما لمن ينضمو بيهو كثير..
وكل الحصل تداعيات نقاش واختلاف في وجهات النظر وبالنسبة لي الامر انتهي في سريعا..
وحتي ذلك البوست اطمنك بانني (ما ماشي ليهو تاني) الاكمتابع ومتفرج من خلف الكيبورد
ومرات مرات كمان ...
فعشان كده يا زولة العفو والعافية ان اتاكي اي احساس غير مريح من ردودي في البوست داك...
فظني ان البوستات انفعال وتفاعل وان لم تتفاعل مع البوست ستدول فيه دون احساس..
وكوني بالف خير وعيد سعيد
| |
|
|
|
|
|
|
|
|
|
Re: مامه دومه في ثياب العيد صور بالكوم قيقراوي كيكي بركوته عصام جبرالله وكل الرهط (Re: Kostawi)
|
امى الحبيبة ,,,,,,,,,,,,,,كل سنة وانت انضر
شفتى الناس الذكرتيهم ديل ومعاهم ربع المنبر ده
ان شاء الله يبقوا شية بدرجة شاورما وتعيشى انتى
وبلاخص كوستاوى ده،،،
| |
|
|
|
|
|
|
|
|
|
Re: مامه دومه في ثياب العيد صور بالكوم قيقراوي كيكي بركوته عصام جبرالله وكل الرهط (Re: صديق الموج)
|
Quote: امى الحبيبة ,,,,,,,,,,,,,,كل سنة وانت انضر
شفتى الناس الذكرتيهم ديل ومعاهم ربع المنبر ده
ان شاء الله يبقوا شية بدرجة شاورما وتعيشى انتى
وبلاخص كوستاوى ده،،، |
داىالكلام البنعش الروح بعد ما تروح مش متل كوستاوي الخرده يقول لي خرفتي
وانت بكل الخير يا موج يا بن النيل يا سمح واصيل
| |
|
|
|
|
|
|
|
|
|
Re: مامه دومه في ثياب العيد صور بالكوم قيقراوي كيكي بركوته عصام جبرالله وكل الرهط (Re: doma)
|
هههههها قيقا عارفاك ما بترقد بمغستك انا ذاتي عندي معاك كلام وونسه طاعمه
لكين اول شئ شوف عيد الوليدات دا الاهم .
وبنتلاقي فيها ام قدود ونطق الحنك.
ما دا البكسرنا ذاتو ياخ ؟
اسي بكتب ليك بمصبع واااااااحد وشايل " وجن " في حكري عشان كديافي لي التكويت . . . .مابيناتنا مش ؟
وفادي وعد عاملين ظاهرة . .. بس ما يسمعوا ليهم اعلان في لتلفزيون بس الى انا اجيب او اوديهم
بالمناسبة ما عارفة ليك زول حداكم كدا يشتري تلفزيون ؟
ياخ دا افسد علينا الاولاد . . جاب ليه نظريات كمان ؟ قال ايه : يابابا تاني ما تجيب لينا صابون عادي
قال ايه لايفبوي فيهو حماية ؟
حرم ما عارف حاجة ساي ؟ في زمنا " الصابوني امريحي " دي بنشوفا - اونشمها - في الاعياد و قيل لحقتا او لا !
ياللخو كان لقيت ليك بروة صابون غسيل سااااااااااي تتصوبن تحمد ربك . . زيك و زي اي لستك لوري بس !
اها كان لقيتي لينا مشتري للتلفزيون بنعمل ليو خصم خاص عشانك
و كان بتقبليهو هدية ساي رسلي لينا زول ممن تثقين في امانتهم يستلمو
----------------
يا ماما دوما و الله ما في مغسة و لا حاجة
بالعكس انا سعيد جداً ياخ - طبعاًانافتح الرحمن لاكيني هنا ( سعيد ) و ( جداً ) دا ما ابوي و لا جدي دا جدن آخر ساكت
اها كب النقوم على" ملاهي الحكير " ساي
شكرن كتيييييييييييير يا ماما دوما
| |
|
|
|
|
|
|
|
|
|
Re: مامه دومه في ثياب العيد صور بالكوم قيقراوي كيكي بركوته عصام جبرالله وكل الرهط (Re: قيقراوي)
|
Quote: ما دا البكسرنا ذاتو ياخ ؟
اسي بكتب ليك بمصبع واااااااحد وشايل " وجن " في حكري عشان كديافي لي التكويت . . . .مابيناتنا مش ؟
وفادي وعد عاملين ظاهرة . .. بس ما يسمعوا ليهم اعلان في لتلفزيون بس الى انا اجيب او اوديهم
بالمناسبة ما عارفة ليك زول حداكم كدا يشتري تلفزيون ؟
ياخ دا افسد علينا الاولاد . . جاب ليه نظريات كمان ؟ قال ايه : يابابا تاني ما تجيب لينا صابون عادي
قال ايه لايفبوي فيهو حماية ؟
حرم ما عارف حاجة ساي ؟ في زمنا " الصابوني امريحي " دي بنشوفا - اونشمها - في الاعياد و قيل لحقتا او لا !
ياللخو كان لقيت ليك بروة صابون غسيل سااااااااااي تتصوبن تحمد ربك . . زيك و زي اي لستك لوري بس !
اها كان لقيتي لينا مشتري للتلفزيون بنعمل ليو خصم خاص عشانك
و كان بتقبليهو هدية ساي رسلي لينا زول ممن تثقين في امانتهم يستلمو
----------------
يا ماما دوما و الله ما في مغسة و لا حاجة
بالعكس انا سعيد جداً ياخ - طبعاًانافتح الرحمن لاكيني هنا ( سعيد ) و ( جداً ) دا ما ابوي و لا جدي دا جدن آخر ساكت
اها كب النقوم على" ملاهي الحكير " ساي
شكرن كتيييييييييييير يا ماما دوما |
لووووووووووول غايتوا التلفزيون كان فلات شرم بجي غاشياكم اشيلو واتراوح علي اهلي في بير الترك
هنووك ما بجيب الفضائيه ؟؟؟
بنتلاقي وننضم امش فسح الوليدات
| |
|
|
|
|
|
|
|
|
|
Re: مامه دومه في ثياب العيد صور بالكوم قيقراوي كيكي بركوته عصام جبرالله وكل الرهط (Re: قيقراوي)
|
| Quote: بهمني جداً اعرف اني كيف خرّبت البوست ( المفيد ) ؟ |
احي منك يا قيقا ما تقوم نفسي وتجيب لي البهق وابو الشهيق
هلاص قمت علي اللفحي وقطيع المحافض ؟؟!!
ما قلت انت خربت ولا زول خرب
قلت عشان ما تخربوا يعني باعتبار ما سيكون مش ما كان .
الله يصرف لغنتي الركيكه دي
يعني بلغتي وتفكيري لو في زول بدور يعاتبني ولا حاسس اني متحيزه لعادل يجي يقولوا لي هنا عشان ما نحرف البوست بعد اتعدل وبقي سجال معرفي واختلاف مصطلحات وغيره .
| |
|
|
|
|
|
|
|
|
|
Re: مامه دومه في ثياب العيد صور بالكوم قيقراوي كيكي بركوته عصام جبرالله وكل الرهط (Re: doma)
|
Quote: يا كيكي انا عاايزاكم تفهموا اني ما تصرفت من موقف شر او عداوه لبدر الدين ولا من موقف محاباه لعادل .
وقد قسو ت علي نفسي جدا كي اقسو عليه . ويؤلمني ما فعلت ولكن ما كان قدامي غير الذي فعلت .
ولبدر الدين اقدم اعتذاري حتي يرضي |
دوما ياخي انتي انسانة راقية وقلبك ابيض وبدر الدين بالتاكيد بالوعي بتاعو بتفهم الحاصل كلو
وح يقبل اعتذارك...
لو لاحظتي يا دوما انا البوست داك ما اتحمست اني اشتغل فيهو (حوار مازووم) والحوار المازووم حوار
بالمناسبة مادايرة ليهو شي كثير سوي ان تنفخ نفسك وتقيف تامبيرا وتدور في البشرية دي كععع كرععع
ولكن دائما الزول مع الناس البعزهم وبحترمهم بخلي مسافة للنوايا الحسنة والصبر حتي تذوب ثلوج النقاشات وهي بين الاخوان والاصدقاء سريعة الذوبان...
فعشان كده عصرت روحي وقلنا (انها ماما دوما خليها يا كيكي يا وحش ) وبلاش مشاكل عامل شلاليفي الشينة دي...
 وكوني بخير ..
وحكاية انو احنا عاوزين نبوظ البوست دي زاااتها عاوزة ليها وقفة تامبيرا واجيك صادي لوووووووول
| |
|
|
|
|
|
|
|
|
|
Re: مامه دومه في ثياب العيد صور بالكوم قيقراوي كيكي بركوته عصام جبرالله وكل الرهط (Re: doma)
|
Quote: ههههههها اها انا قلت عشان ما تخربوا باعتبار ما سيكون اقصد تخربوا الرصه يعني بدل مداخلات في موضوع الماركسيه واليبراليه تقوموا تحلقوا لي امكم كري لو فتحت الكلام دا معاكم هناك .
اها برجاك لسه يا هندسه عارفاك بتحضر في ادوات التفكيك تعال فكفك اصلي خرده |
البوست داك يا دوما وبعد مداخلات ود المشرف الزول البخربو انا وهو الا يفرزونا بالكدوس الفي بروفايلي ده..
نقة يعلم الله مستوي عالي (فلان اوكلاهوما ولا منو كده ماعارف) وزولك عادل زاااتو اضاير
لو رجعنا يا دوما للموضوع بتاعنا والقهمة القهمتيها لينا (علي قولة احمد التجاني صحبي)
نلقي انو انتي اتهمتي اولادك اتهام شديد مفاجي (بالحامو حامو) وقايلانا جايين نشيل ابريق بدر الدين
نشتغل دروع اسفيرية..
طبعا في ساعتها الزول بزعل زعل شديد وبقول لييييه ياخي الحجة دي بتقول كده شافت علينا شنو في المنبر ده ومتين جينا وقفنا مع خطاب زي ده... وبتحاول تلقي اجابات بعيدا عن اثارة النقاش وتخلي الاشياء مبلوعة جوااك عشان ما تازم الموقف والعجاجة تقوم
.
| |
|
|
|
|
|
|
|
|
|
Re: مامه دومه في ثياب العيد صور بالكوم قيقراوي كيكي بركوته عصام جبرالله وكل الرهط (Re: doma)
|
Quote: معليش يااخي امسحوها لي في وشئ الشين دا .
انا بس اخدت في خاطري منك لما قلت لي مهما تحاولي تستفزيني بعاملك في حدود الاحترام البينا ؟
ما عرفت كيف استفزيتك يا كيكي ؟؟ واتحيرت |
هلا يا دوما
تعرفي لمن قلتي ركيب سرجين ضهيب ولغة بالجد ما قدرت ابلعها وساعتها احنا كنا بنتاقش برواقة
وبدون توتر هنا بصراحة وما عليك مدسة وقفت (تامبيرا) وخلاص بقيت زول كلاشنكوفات اسفيرية وعكاكيز
وقلت كيييييف الكلام وليه دوما تقول في الكلام الواااضح ده كده...
ولكن سرعان يا دوما ما ذابت هذه السحابة الكعبة والزول تسامي عن نصرة الذات وظنا مني اني حملت الموضوع اكثر مما يجب..
وبعدها ما رجعت البوست الا للرد علي الاخ رافت والتاكيد علي كلام محمد الامين الوافق الحقيقة..
لاني بالجد ما كنت متحمس لكركبة معاك يا دومة ولا ينبغي له (اطلاقا)
| |
|
|
|
|
|
|
|
|
|
Re: مامه دومه في ثياب العيد صور بالكوم قيقراوي كيكي بركوته عصام جبرالله وكل الرهط (Re: Gaafar Ismail)
|
Quote: اي زول زعلان مني يجي بجاي يفضفض والموده في مكانها .
زعلان او عنده نقد كونستركتف ديستركتف شجب ادانه سجن غرامه كله مسموح به والاختلاف لا يفسد للود قضيه
ومامه دومه ليست فوق النقد فان اخطأت فقوموني واحلقوا لي صلعه كمان . |
العزيزة ماما دومه
تحية وتقدير
والعيد مبارك عليك
ما بيني بينك الا الخير , ولاني معني ولا اسمي مكتوب , علا جيت أعيد عليك واقوليك كل سنه وانتي طيبه .
وازيدك من الشعر بيت :
ما بالضرورة اتفق معاك في ( كل ) كلامك البتكتبيهو هنا ( لاقتك جنس الصراحه دي ) الا النصيحه لي الله كلامك مليان حكم ومنطق وكتاباتك موضوعية وأنا متابع تب , مع اني ماشي جنب الحيط , وبربي في بنيات وماني متشالق تب .
وكل سنه وانتي ووليداتك طيبين
| |
|
|
|
|
|
|
|
|
|
Re: مامه دومه في ثياب العيد صور بالكوم قيقراوي كيكي بركوته عصام جبرالله وكل الرهط (Re: البشير دفع الله)
|
حباب البشير ود د فع الله
مرحب بيك يا ابني والعيد مبارك عليك وعلي بنياتك وامهن .
وحاشاك الشلاقه وما تمش جنب الحيطه والبورد دا هدفه كل زول يقول رايه بمحبه واحترام
ودا البهمني انه اي زول يقول رايه حتي ولو مختلف معاي . والاختلاف دا سنه الحياه وبوسع مداركنا .
اكان بقينا كلنا متفقين نسخه واحده ما بنبقي بشر بنكون ملائكه .
والناس بتتفاوت مقدراتها عشان كدا بيكون فهمنا لنفس الشئ مختلف .
وحبابك با ختلافنا برضك بن عزيز علي .
كون بخير اسعدني مرورك وصراحتك
| |
|
|
|
|
|
|
|
|
|
Re: مامه دومه في ثياب العيد صور بالكوم قيقراوي كيكي بركوته عصام جبرالله وكل الرهط (Re: Abdelmuhsin Said)
|
Quote: ياعمده امكن الكلمه عجباهم والبراه والرقة كاتلاهم خليهم يتفسحو .
لكن بينى وبينك فى كيكى ما لافقه . انتو دومة الجن دى اصلو دومة ودحامد عمرها كم |
عبد المحسن تحياتي وعيد سعيد ياخي..
غايتو في الاربعة الموجودين في العنوان (ماما وخالتو ) دي يتفق معاك انها ما لافقة مع عصام جبرالله وبركوتة..
ولكن انا واخوي الكاشف قيقراوي اتخيل لي مراحلنا السنية تسمح لينا بحكاية ماما وخالتو دي..
فالكيمان مفروزة يا عبدالمحسن فما تشيل هم
| |
|
|
|
|
|
|
|
|
|
Re: مامه دومه في ثياب العيد صور بالكوم قيقراوي كيكي بركوته عصام جبرالله وكل الرهط (Re: Abdelmuhsin Said)
|
Quote: شين جابك لى عصام وعماد حلاتم ماشاالله وتبارك الله البشوفم لابسين وقاشرين يقول من طلبة الجامعه
اما انت يا كيكى عجوززز وحات الله اظنك قدر ست البوست |
والله يا محسن (يو ميد مش ماي ديي بل ماي عيييييد وضحكتني ضجك شديد مفاجي)
وقالو في المثل المكجنك يبقيك قدر ست البوست لوووووول..
يا زول عماد ده لمن كان ضابط بوليس الوكت داك احنا كنا في الكشافة ولابسين اردية
وعصام ده لمن كان بعمل اركان في الجامعة ونجي نتفرج فيها الحرس الجامعي بجي بطردنا وبقول لينا يااولاد زحو من كلامات الشيوعيين الكبار ديل لووول
| |
|
|
|
|
|
|
|
|
|
Re: مامه دومه في ثياب العيد صور بالكوم قيقراوي كيكي بركوته عصام جبرالله وكل الرهط (Re: عبدالكريم الامين احمد)
|
اها يا خوانا ؟
الحاصل شنو ؟
مشينا المنتزها - قال ملاهي قال ! - و جينا
Quote: عبد المحسن تحياتي وعيد سعيد ياخي..
غايتو في الاربعة الموجودين في العنوان (ماما وخالتو ) دي يتفق معاك انها ما لافقة مع عصام جبرالله وبركوتة..
ولكن انا واخوي الكاشف قيقراوي اتخيل لي مراحلنا السنية تسمح لينا بحكاية ماما وخالتو دي..
فالكيمان مفروزة يا عبدالمحسن فما تشيل هم |
و الله يا كيكي سبقتني كنت جاي افصل مسار قضيتي من الكرمبات ديل
يا عبد المحسن الزول دا صدقوا نحن اتعاصرنا في الجامعة
( ما تعصر علي اكتر من كدا يا كيكي بقول الحقيقة )
يا عمدة ياخ كلك نظر ياخ . . .
شنو ملخبت الكيمان ؟!
عيدك سعيد
و ان شا الله ايامك كلها ساكوبيس
كل سنة و كلكم طيبين يا رب
العفو فوق العافية يا قول الحاجة بت السيمت
الدنيا ما معروفة . .. اعفو لينا
| |
|
|
|
|
|
|
|
|
|
Re: مامه دومه في ثياب العيد صور بالكوم قيقراوي كيكي بركوته عصام جبرالله وكل الرهط (Re: قيقراوي)
|
| Quote: مامه دومه في ثياب العيد صور بالكوم قيقراوي كيكي بركوته عصام جبرالله وكل الرهط |
ماما .... سلاااااااااام وكل سنة وانت طيبة...
قيقرواى وكيكى وعصام جبرلله شنو البتسوى ليهم راس وقعر ..
كفتى من طرف وانا بساعدك ...
النبى فيك تزحى لى من كيكى ختفة رجل قريب جنبى طاخ طاخ والقصة انتهت
وقيقراوى السعودية قررررريبة ليك على اخلص ليك حققك مضاعف
اما عصام جبرالله ....ساهمى معاى فى الشيرينق بتاع التذكرة والله ما اقصر معاهو اصلى
مبيتة ليهو النية
والله عزالة ياماما دومة....
________________________________________________
استبعد بركوتة من الكفوف بسبب عامل السن
وضعف النظر
| |
|
|
|
|
|
|
| |
doma
khaleel
قيقراوي
حيدر حسن ميرغني
عبدالكريم الامين احمد
Abdelmuhsin Said
طارق جبريل
محمد عبد الماجد الصايم
عبدالعزيز الفاضلابى
Kostawi
صديق الموج
AnwarKing
عبدالوهاب علي الحاج
Gaafar Ismail
Zakaria Joseph
فرح
البشير دفع الله
Emad Abdulla
سيف الدولة كامل
jini
munswor almophtah
الصادق ضرار
عفاف الصادق بابكر
عشة بت فاطنة
Shiraz Abdelhai
JAD
الخير محمد عوض
محمد حيدر المشرف
حبيب نورة
فيصل أحمد سحنون
فيس بوك
تويتر
انستقرام
يوتيوب
بنتيريست