|
|
|
 Re: اعلن عن تحولى من المريخ الى الهلال(لم اعد احتمل الهزائم) (Re: فايزودالقاضي)
|
من قبل شهدنا تحول عمار من (الحركة الإسلامية) إلى .... (لا أدري بالضبط إلى أين تحول)
والآن تحول جديد ولكنه رياضي : من المريخ إلى الهلال
أتوقع أن نشهد بوستات من نوع:
1- كشف المستور في المريخ ...
2- هل تحسب على رؤسنا قنابير يا مازدا
3- كنت مطلق إشاعات في فرقة تشجيع المريخ
4- طلقو زوجاتكم يا مريخاب
5- .........................................
==
هل هذه التغييرات قرارات نهائية للأخ عمار أم أننا قد نشهد عودة عمار للحركة الإسلامية وللمريخ في المستقبل
| |
 
|
|
|
|
|
|
|
|
Re: اعلن عن تحولى من المريخ الى الهلال(لم اعد احتمل الهزائم) (Re: محمد البشرى الخضر)
|
الاستاذ عمار محمد ادم
بشتن للرياضة وجهجه كمان مريخنا
ليه تهزم فريقنا وتبصق على تاريخنا
شرباتنا الفريق سويتو انت فسيخنا
يا الوالى الكعب فرضوك زعيمنا وشيخنا
يا الوالى المخستك كيفن تخربو فريقنا
النار ولعت وبى سرعة زدت حريقنا
دايرين ننطلق ولابد تفكو طريقنا
يا زول الحكومة ما كغاية نشفوا ريقنا
عولقت الفريق وعولق معاهو لعيبة
لى هذا الفريق لابد تجيبها مصيبة
يا والى السجم كل خزلة انت تجيبها
ما تحل عن وجوهنا والله حاجة عجيبة
لو اسمك جمال يازول جمالك طاير
ضيعت الفريق جمهور ممحن وحائر
تاريخك كعب ونسدل عليهو ستائر
كان اعظم فريق ودارت عليهو دوائر
مريخنا البطل خليتو انت فطيسة
والماء الزلال يبقالنا نحن مريسه
يا الوالى الهزائم والله انت عريسها
يا الشيخ الكنائس ضاقت على قسيسها
لونا الاحمروقانى خليتو اغبشر وباهت
لونا الاصفر فاقع بقيتو اسود وغامت
ضيعت الفريق اسعدت حاقد وشامت
دايماترتجف ما شفنا حالك ثابت
رد من الاستاذ يوسف الموصلى
ياعمار اخوي سيبوهو داك الوالي
ابدا مابخل كان بي رخيص او غالي
ايه يعني اتغلب سيد الجناب العالي
ما كان منتصر سيد الفرح طوالي
للمريخ هداك الوالي فاتح جيب
دوما منتصر في لعبو راقي عجيب
لكن لو عتر ما ياهو علم الغيب
والتور ان وقع كتر البتابت عيب
وينو الصدق بازول ما تبقي بس ضرار
شن الفنجره باكر بتاكل النار
شن جاب التبش للغالي سيد الدار
اولاد الاسود ما فقعة الفوار
رد الاستاذ عمار محمد ادم
مبروك يا موصلى بكرة بتجيك قروش
تشبع وتتملى لامن تسوى كروش
يا زول الكلام الليلة دخل الحوش
والوالى السجم نديهو بالبرطوش
رد الاستاذ يوسف الموصلى
نحن ولاد بلد حشانا نبقي وحوش
مابغرينا زول بي كنز او بقروش
اولاد الاسود بكره بيجوكم توش
وداك زولنا الهصور مابتترمشلو رموش
رد من انور التكينه
المصيبة يا عمار ما فى ادارة نادى
لكن فى روح قتال ليها ديمة ننادى
الوالى سوا العليهو و فات بى غادى
بس تدريبنا تايه و الخطط فى وادى
خلى الضل هناك وواجه انت الفيل
و البنعرفو عن اخلاق والينا ماهو قليل
بنقولا كلمة حق خاتية من تطبيل
انجازات جمال ما محتاجة منى دليل
متمسكين بى فريقنا و دربنا لسه طويل
و بنصحح لى الخطأ و نمسك طريقنا عديل
نتماسك جميع و لى كل غلط بنزيل
و نجومنا بكره تلمع و تسمع التهليل
رد الاستاذ عمار محمد ادم
بس شوفوا التكينة الليلة اصبح شاعر
والزول ماتجم لا فيهو حس لا مشاعر
فى لم القروش ما انت فالح وشاطر
فيك اقصى الكرم تملانا شاى وسكاكر
رد من انور التكينه
انا ما تجم انا ود الفطانة الباينة
و شاعر من زمان بس ظروفى الخاينة
عمار انقرع خلى الكلام الفاضى
و ما تعمل خصم و مرة تعمل قاضى
ما طولة لسان احسن تراجع الماضى
و اعدل فى كلامك ابقى عنك راضى
يانى التكينة بتعرف مكارمى و جودى
و ما بتعدى على زولا افوتلو حدودى
رد الاستاذ عمار محمد ادم
شوف التكينة الشين الليلة مد لسانو
حالف انتقم واهدو من اركانو
يجمع فى القروش والبركة فى اعلانو
مسكون التكينة وظاهر عديل شيطانو
رد من انور التكينه
الله يجازى محنك عمار لسانك فالت
فايت لى الحطيئة و لى جرير بتغالت
فكيتو دربك و من مصايبك فايت
و من الليلة لا بفتح جهاز لا( سايت )
khalil eisa
مشاهدة ملفه الشخصي
البحث عن المشاركات التي كتبها khalil eisa
#23 19-08-2009, 06:44 AM
أبو غازي
مشرف تاريخ التسجيل: Tue Dec 2003
المشاركات: 2,533
اقتباس:
المشاركة الأصلية كتبت بواسطة أمين الحلفاوي
الأخ سفيان مساء
| |
|
|
|
|
|
|
|
|
|
Re: اعلن عن تحولى من المريخ الى الهلال(لم اعد احتمل الهزائم) (Re: عمار محمد ادم)
|
Quote: عقب ترجع تعود للاحمر المتجلى
ابوالهل و ان غلبنا مصيرو للمحلى |
يا ابوبكر ياخ الزول ده خلو .. خلو
قلتلك خلووووو
يا عمار يازول طريقك ااااااااخدر
والنبي فيك انت ومحمد عادل يومي
علي الله تعالو اعملو لينا اي واحد
فيكم 3 بوستات عن الهلال واي واحد
فيكم يعمل 3 تانيات انت عن الطيب
مصطفي وعن مدير التلفزيون وعن و
ذكرياتك في اليمين الاسلامي .
ومحمد عادل خليهو نص مبارك ونص الصادق.
يا ناس الهلال ما دايرين اي شكاوي .
انتباه صغير:-
عمار ياخ مشتااقين
شدييييد ياخ .
| |
|
|
|
|
|
|
| |
عمار محمد ادم
ادريس خليفة علم الهدي
حيدر حسن ميرغني
Mohamad Shamseldin
بكري الخير
عبدالوهاب علي الحاج
فايزودالقاضي
Habib_bldo
Hani Arabi Mohamed
معتصم عيدروس
مزمل خيرى
معاوية عوض الكريم
محمد البشرى الخضر
ناذر محمد الخليفة
keiga2000
almogira alemam
معاوية محمد الحسن
أسامه الكرور
سفيان بشير نابرى
Azhari Mohamed
ناصر جبريل
جمال السنوسي
جعفر سومي
abdalla osman
عمران حسن صالح
صلاح أبودية
إدريس البدري
فيس بوك
تويتر
انستقرام
يوتيوب
بنتيريست