اماليا موهوبة في الرقص والغناء وقد وصلت لحد كتابة اغاني خاصتها - بالبولندية - وان كانت عندها اهتمامات علمية وقالت عايزة تاخد عشرة جوائز نوبل وتكتب كتاب اسمو " الكتاب عن كل شي "
اتمنى ان تكون سعيدة في حياتها وان تحقق احلامها وساقف قربها وخلفها ما دمت حيا ..
بمناسبة انا مورا
هي مغنية برتغالية شابة تغني اغاني الفادو وحاديك ليها فيلمين الاول مكون من صور - عشان تعرف انو الرقص معاها لو حصل بيكون متعة كيف -
والتاني فيديو كليب وفيهو يظهر انفعالها بالغناء
عموما لو داير زيادة اكتب Ana Moura في اليوتوب وحتجيك اغلب فيديوهاتها
09-14-2009, 00:39 AM
Abdel Aati Abdel Aati
تاريخ التسجيل: 06-13-2002
مجموع المشاركات: 33072
اتمني لها دوام الصحة والعافية ...في الرقيص دلالة علي الصحة النفسية والجسدية ....طبعاً كعادة اهل البلد العين باردة...وزي دي بقولو ليك الله يغطيها وكمان انت ساعدهم بإخفاءها ههههههه... لكني ياعادل عارف مستوي تمردك وسوف تزيد في اظهارها ...اتمني لها دوام التقدم والتطور في كل مجالات الانسانية....
09-14-2009, 08:21 AM
فيصل محمد خليل فيصل محمد خليل
تاريخ التسجيل: 12-15-2005
مجموع المشاركات: 26041
سلامات يا عادل,, ربنا يخلى البت الحلوة الأمورة ويحفظا إن شاء الله,, يوسو أندو وفرقته اسطورة موسيقية وفن أفريقى عميق وجميل,,, ساعدنى الحظ بحضور كونسرت له قبل عدة سنوات ,,
Quote: لكن هنا واحدة من اكثر اغاني يوسوز الاكثر انتشار - وان لم تكن الاجمل في رايي - (سبعة ثواني ) او 7 Seconds
هذه غناها مع نينا شيرى Seven Seconds Away وكانت سببا فى شهرتها القصيرة...
في الاخفاء وفي الاظهار رؤى ايدلوجية كامنة .. في الاخفاء الناس يخافون من العين او العيب (لاحظ تقارب الكلمتين ) - وهم في هذا ينطلقون من الخوف ( من الطبيعة وسحرها ومفآجاتها القاسية ) في حالة الخوف من "العين" ؛ ومن المجتمع وتخلفه واحكامه الأكثر قسوة ( في حالة الخوف من العيب) .
الطفولة فرح وانطلاق وتمرد .. والرقص جمال وصحة .. فأين يكون مقام الاخفاء او الخوف هنا ؟؟ أماليا روح حرة ومتمردة اكثر مني .. وانا لن اسعى اطلاقا لتقصيص اجنحتها .. فلتلحلق للسماء وما فوق السماء ان حملتها جناحاها ؛ وان لم استطع التحليق معها - بسبب رواسب الماضي ودواعي المستقبل وكون الانسان في النهاية يخرج من مرافقة ابويه - فأتمنى ان تكون اجنحتها في ذاك الوقت بقوة اجنحة العنقاء تحملها الى حيث تريد؛ وان اكوةن قد علمتها قليلا جمال ان تطير وفن ألا تقع بسهولة ..
لك ودي وانت تقرأ ما بين السطور
Quote: اتمني لها دوام الصحة والعافية ...في الرقيص دلالة علي الصحة النفسية والجسدية ....طبعاً كعادة اهل البلد العين باردة...وزي دي بقولو ليك الله يغطيها وكمان انت ساعدهم بإخفاءها ههههههه... لكني ياعادل عارف مستوي تمردك وسوف تزيد في اظهارها ...اتمني لها دوام التقدم والتطور في كل مجالات الانسانية....
09-14-2009, 10:23 AM
Abdel Aati Abdel Aati
تاريخ التسجيل: 06-13-2002
مجموع المشاركات: 33072
رهيبة اماليا ... القصة دى عاوزة شجاعة شديدة و ثقة بالنفس عالية
Quote: يبقي لو رقص ابوها مع اننا مورا التي ستغني في ذات الاحتفال سيكون قد اكتمل الفرح ..
غايتو اننا مورا الله يغطى عليها بس , لأنو الرقصة دى لو حصلت حنخش فيها شتره ما تطلع منها للقبر يا عادل شكلك في البشير اشتر صاحبنا عبدالعزيز كان برقص كويس بي نصو الفوق و اول ما يحرك رجلينو القصة بتتجوبك , يوم عرسو اقترحنا عليهو نشيلو في عنقريب و هو يرقص حياة بهيجة و مفيدة و ملونة لاماليا و لك
09-14-2009, 10:53 AM
Abdel Aati Abdel Aati
تاريخ التسجيل: 06-13-2002
مجموع المشاركات: 33072
Quote: رهيبة اماليا ... القصة دى عاوزة شجاعة شديدة و ثقة بالنفس عالية
ايوه ديل عندها ومعاهم ميل للاستعراض يا زول لو ما اشرت ليها تنزل كانت حترقص لحدي نهاية الحفلة.
Quote: ايتو اننا مورا الله يغطى عليها بس , لأنو الرقصة دى لو حصلت حنخش فيها شتره ما تطلع منها للقبر يا عادل شكلك في البشير اشتر صاحبنا عبدالعزيز كان برقص كويس بي نصو الفوق و اول ما يحرك رجلينو القصة بتتجوبك , يوم عرسو اقترحنا عليهو نشيلو في عنقريب و هو يرقص
هههه .. يا عصام والله انا مورا دي ترقص الحجر تقول لي اشتر ؟؟؟
زمان اخواتي كانوا بخجلو من رقيصي وعديلة اختى بتقول لي بتتلولو زي الدودة لكن برقص وما شغال بي زول .. والاوروبيين ديل ما عارفهم بتاعين مجاملات ولا داقسين ساي بقولوا لي بترقص حلو ..
Quote: حياة بهيجة و مفيدة و ملونة لاماليا و لك
وليك ولي اعزائك يا صديق .
09-14-2009, 10:36 AM
إسماعيل التاج إسماعيل التاج
تاريخ التسجيل: 11-26-2004
مجموع المشاركات: 2514
يا سلاااااام يا عادل على الاموره اماليا ما شاء الله تبارك الله.. تتذكر لما رسلت لى صورتها ولسه هى بت الكم شهر؟؟ وكان عندنا تعليق جميل وقتها .. يا ربى لى هسه التعليق ده راسخ فى ذهنك.. ولا غيرت رأيك لما كبرت واحلوت ما شاء الله (( وش باااااسم)) ربنا يحفظها ويغطيها ويخليها ليكم ويخليكم ليها يا رب كل عام وانتم بالف خير
09-14-2009, 05:39 PM
حواء سليمان ابراهيم حواء سليمان ابراهيم
تاريخ التسجيل: 02-13-2007
مجموع المشاركات: 2898
حقيقة مشتاق للونسة الزمان والواحد يجابد في الوقت واهمل الكثير من الاصدقاء والصديقات
تحياتي لاولادك الحلوين ودومتي طيبة يا صديقتي وكل سنة وانت طيبة ..
Quote: يا سلاااااام يا عادل على الاموره اماليا ما شاء الله تبارك الله.. تتذكر لما رسلت لى صورتها ولسه هى بت الكم شهر؟؟ وكان عندنا تعليق جميل وقتها .. يا ربى لى هسه التعليق ده راسخ فى ذهنك.. ولا غيرت رأيك لما كبرت واحلوت ما شاء الله (( وش باااااسم)) ربنا يحفظها ويغطيها ويخليها ليكم ويخليكم ليها يا رب كل عام وانتم بالف خير
09-15-2009, 09:24 AM
Abdel Aati Abdel Aati
تاريخ التسجيل: 06-13-2002
مجموع المشاركات: 33072
العزيز عادل عارف يا اخي اماليا دي فتحت لي نافذة قديمه . ولدي الكبير جنو رقص و حركات بلهوانية يتابع برنامج u think u can dance و يقوم بتطبيق ما يؤديه الهواة و المحترفون بالملميتر .. قررت ان ادخله معهد او نادي لتعليم الرقص حتى نرتاح من الضوضاء الذي يحدثه داخل البيت بسبب فرط حركته . سالت بعض الاخوة عن تلك الجهات فتهكموا مني و ضحكوا . عدلت عن فكرتي و قررت ادخاله الاندية الرياضية المتعلقة بالجمباز و ملحقاته و لكن ساعيد التفكير و سوف ادخله حيث يجب . الله يخلي ليك اماليا و نشوفها عند امنياتك .
09-14-2009, 08:14 PM
البدري عبد الله البدري عبد الله
تاريخ التسجيل: 07-30-2009
مجموع المشاركات: 1911
يالها رقة تكاد يرف الورد منها في الصخرة الجلمود ايّ شيء تراك ؟هل انت فينيس تهادت بين الورى من جديد؟ لتعيد الشباب والفرد المعسول للعالم التعيس العميد ام ملاك الفردوس جاء الى الارض ليحيي روح السلام العهيد
--
كذلك ، لم يغِب عن بالي ، ثلاثة أبيات لذاك الإعرابي الحنون والمُشفِق على ابنته من قسوة الدهر :
لولا أميمةُ لم أجزع من العدم ....... ولم أٌقاس الدجى في حندس الظلم وزادني رغبة في العيش معرفتي .... ذل اليتيمة يجفوها ذوو الرحـمِ أحاذر الفقر يوماً ان يلم بها ...... فيهتك الستر عن لحم على وضـمِ
يالها رقة تكاد يرف الورد منها في الصخرة الجلمود ايّ شيء تراك ؟هل انت فينيس تهادت بين الورى من جديد؟ لتعيد الشباب والفرد المعسول للعالم التعيس العميد ام ملاك الفردوس جاء الى الارض ليحيي روح السلام العهيد
--
كذلك ، لم يغِب عن بالي ، ثلاثة أبيات لذاك الإعرابي الحنون والمُشفِق على ابنته من قسوة الدهر :
لولا أميمةُ لم أجزع من العدم ....... ولم أٌقاس الدجى في حندس الظلم وزادني رغبة في العيش معرفتي .... ذل اليتيمة يجفوها ذوو الرحـمِ أحاذر الفقر يوماً ان يلم بها ...... فيهتك الستر عن لحم على وضـمِ
Quote: وليك ولمن تحب كل الاماني الحلوة يا صديق واتمنى تتبني ويبنوا لنفسهم اكوان ضوء وليس مجرد مدائن
ويا انور كنغ ما تقصر مع قيقراوي
زهرتين متوراطات بإسمي - بس ما قيقراوي - وعد & وجن يا عادل صح كلامك ما دام فيهم من دم لبنى و بقية الماجدات لعند ليم النجيب اكيد زي ما قال شاعرنا و استاذنا محجوب شريف : بكره ح يبنوا مدائن ضو و ما تعكر صفوالكون صفارة حرب وكت انور غنج قلنا نجيبا مكتوبة و نتبتبا
تبتبا تبتبا تبتبا تبتب باكر تعرف تقرا وتكتب وياما ترتب نحنا بنحلم وكم نتمنى هي تحقق كل ما تحب تبني حياتا الند بالند اي مكانة وخانة تسد هدهدا هدهدا كل الورد ينوم ويفرهد زي عصفورة تطير وترك تحبا وتمسك وتاني تفك سيبا تفكفك سيبا تلكلك عايزة تنطط بكرة حترسم وياما تخطط بكرة حا يبنوا مدائن ضو ما بيعكر صفو الجو صفارة حرب تشطب من قاموس الدنيا الضرب الشك الخوف ينعموا كم بالشم والشوف واغاني الحب افتح بابك آمن تب زي ما النهر بيلقى مصب اي حمامة بتلقى الحب تلقى الورده الندى في الكم تلقى حداها جناها الام يرضع صافي حليب الحب نقدل نحنا الجد والعم تملا عيونا كهارب سد باباً جاب الهم والزم والصد ينسد نفرح لما ندمع جد مد البصر الامل يمتد العمل يشتد البنا ينتم الغنا يمتد هدهدا هدهد اكتبي اكتبي الف المد حمام وسلام وسعادة بجد اكتبي اكتبي ياء المد سرير وعصير وعبير ينشم اكتبي اكتبي واو المد حقول وعقول تقرا المجهول كتاب الغد اكتبي علم وسلم لا حد يئن لاتسمع بم لا ينزف دم لا يعجز رد لا يعجز طب لا دمعه في خد تبتبا
-------------- ما دام اتعلمت الكتابة و بروحا و ثقتا في روحا دي صدقني ح تكتب
Quote: اماليا موهوبة في الرقص والغناء وقد وصلت لحد كتابة اغاني خاصتها - بالبولندية - وان كانت عندها اهتمامات علمية وقالت عايزة تاخد عشرة جوائز نوبل وتكتب كتاب اسمو " الكتاب عن كل شي "
09-15-2009, 00:17 AM
دينا خالد دينا خالد
تاريخ التسجيل: 06-26-2006
مجموع المشاركات: 8736
Quote: وقد وصلت لحد كتابة اغاني خاصتها - بالبولندية - وان كانت عندها اهتمامات علمية وقالت عايزة تاخد عشرة جوائز نوبل وتكتب كتاب اسمو " الكتاب عن كل شي "
لكن هى البريى بتشحدو ؟؟؟ لووووووووول
مش كويس الله مرقها او ذى ما بقولوا اهلنا فى الغرب الله شاف ليها من القرقد و اللون وحاجات تانية حاميانى !! ياعادل البت حلوة شديد سمحة وواضحه ودوغريه !! ورقاصة بعد !!
ـــــــــــــــــــــ يعنى البوست دا يمشى كدا من غير عنصرية ومشاكل ؟ معقول ؟؟ الكلام الفوق دا اسموا ضرضرى وطييه .. لوووووووب ركزو مع البت الحلوة دى عليكم الله .. واتعلموا الرقيص .. سمح ؟
09-15-2009, 04:14 AM
ثروت سوار الدهب ثروت سوار الدهب
تاريخ التسجيل: 07-22-2003
مجموع المشاركات: 7533
تقصدي شنو يا بت ولا بتقصدي شنو ؟؟ والله براية جدا وما بتديني فرصة ذاتو اتكلم كل ما اقول ليها حاجة تقول لي خلاص المووع دا عارفاهو ولا قلتو لي قبل كدة
عقدتني عديل ..
Quote: مش كويس الله مرقها او ذى ما بقولوا اهلنا فى الغرب الله شاف ليها من القرقد و اللون وحاجات تانية حاميانى !! ياعادل البت حلوة شديد سمحة وواضحه ودوغريه !! ورقاصة بعد !!
والله هي عاجبها الشعر الخشن اكتر بس لونها عاجبها .. وهي زي ما قلتي واكتر
Quote: يعنى البوست دا يمشى كدا من غير عنصرية ومشاكل ؟ معقول ؟؟ الكلام الفوق دا اسموا ضرضرى وطييه .. لوووووووب ركزو مع البت الحلوة دى عليكم الله .. واتعلموا الرقيص .. سمح ؟
انت والله بتاعة مشاكل لكن نهاية كلامك حلوة .. حنتعلم الرقيص
09-15-2009, 09:50 AM
Abdel Aati Abdel Aati
تاريخ التسجيل: 06-13-2002
مجموع المشاركات: 33072
والله فتنا درجات كونك عندك زهرتين نحنا لي اسا واقفين في زهرة واحدة فالفرحة دائما عندكم فرحتين والجمال جمالين تحياتي لوعد ووجن وبلغهن تحيات اماليا
Quote: زهرتين متوراطات بإسمي - بس ما قيقراوي - وعد & وجن يا عادل صح كلامك ما دام فيهم من دم لبنى و بقية الماجدات لعند ليم النجيب اكيد زي ما قال شاعرنا و استاذنا محجوب شريف : بكره ح يبنوا مدائن ضو و ما تعكر صفوالكون صفارة حرب وكت انور غنج قلنا نجيبا مكتوبة و نتبتبا
تتذكر كلامنا عن محجوب شريف ؟؟
محجوب شريف دا بيعقدني لمن يكتب عن امو او بناتو .. فيهو حب شديد وحنية وانسانية
ويا انور اظهر وبان عليك الامان .
09-15-2009, 09:43 AM
Abdel Aati Abdel Aati
تاريخ التسجيل: 06-13-2002
مجموع المشاركات: 33072
يا زول علمو الرقص وكل ما تهواه نفسه .. وما تشتغل بترهات السودانيين في الامر ؛ او كما تقول عديلة احتى" على المتخلفين الله اكبر" . وحقيقة الغناء والرقص عالم رائع ويطور من ملكات الانسان ويغني شخصيته ولكن ثقافتنا لا تشجع كثيرا في هذا الامر وليس هناك اهتمام بمواهب الاطفال
لك ولابنك ولكل الاسرة كامل التحايا واحلى الاماني
Quote: عارف يا اخي اماليا دي فتحت لي نافذة قديمه . ولدي الكبير جنو رقص و حركات بلهوانية يتابع برنامج u think u can dance و يقوم بتطبيق ما يؤديه الهواة و المحترفون بالملميتر .. قررت ان ادخله معهد او نادي لتعليم الرقص حتى نرتاح من الضوضاء الذي يحدثه داخل البيت بسبب فرط حركته . سالت بعض الاخوة عن تلك الجهات فتهكموا مني و ضحكوا . عدلت عن فكرتي و قررت ادخاله الاندية الرياضية المتعلقة بالجمباز و ملحقاته و لكن ساعيد التفكير و سوف ادخله حيث يجب . الله يخلي ليك اماليا و نشوفها عند امنياتك .
09-15-2009, 09:34 AM
Abdel Aati Abdel Aati
تاريخ التسجيل: 06-13-2002
مجموع المشاركات: 33072
ما شاء الله تبارك الله ربنا يحفظها ويبارك ليك.. مندمجة جدا مع الموسيقي وبتعبر عن نفسها بصورة جميلة على انغامها.. خطواتها متناسقة.. وما شغاله بالناس البتكورك دي كلها.. وكل شوية تدي الفنان نظره كده، كلها براءة.. وكأنها بتقول ليه رايك شنو، كده صاح.. رغم انه يتعلم منها! بداية الحركة نفسها جميلة.. الناس دي كلها كوركت.. وقفتها شجاعة.. وشخصيتها قوية.. رغم انه كلها بنوتيه...
معقول دي أماليا الشفته صورتها وهي في اللفة!؟
بخور تيمان كااااارب... يزكم انوف اليشوف وما يصلي على الحبيب
يا عادل العيد مبارك عليك وآماليا ووالدتها ياخي دا أجمل كرت معايدة يدخل قلبي وبيتي في هذا العيد حلاتها آماليا، لها المستقبل وأترابها ليفرحوا ويفرحونا بفرحتهم أكتر وأكتر في أعياد قادمة كونا بخير، وكل عام وأنت وهي في بسط وهناءة
09-26-2009, 10:20 PM
Abdel Aati Abdel Aati
تاريخ التسجيل: 06-13-2002
مجموع المشاركات: 33072
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Abdel Aati
AnwarKing
حيدر حسن ميرغني
الملك
كمال علي الزين
قيقراوي
خالد العبيد
وجن
Omayma Alfargony
حبيب نورة
أسامة عبد الجليل
ibrahim alnimma
فيصل محمد خليل
عزيز
أيمن الطيب
إسماعيل التاج
طارق جبريل
الطيب رحمه قريمان
Amin Mahmoud Zorba
الجيلى أحمد
خضر حسين خليل
بشري الطيب
HAIDER ALZAIN
حواء سليمان ابراهيم
Haydar Badawi Sadig
عمر عبد الله فضل المولى
كمال عباس
ياسر بيناوي
خدر
الصادق ضرار
البدري عبد الله
محمد أبوجودة
دينا خالد
نيازي مصطفى
مريم بنت الحسين
Marouf Sanad
معتصم الطاهر
محسن خالد
فيس بوك
تويتر
انستقرام
يوتيوب
بنتيريست