|
|
 آها يا جماعة... الكلام دة إسمه حقارة!!؛
|
كتبت عضوة البورد هوزي؛ (Hozy) Quote: لاخ بوش
انا بصراحة عندي اسئلة كتيرة محتاجة
افهم حاجات
كتيرة لانه بصراحة ما تابعت الموضوع ده من البداية
فعاوزه افهم الحاصل شنو بيحصل شنو في البلد
سؤالي تحديدا
من هم هؤلاء ؟؟؟؟؟
من وين من اي مكان تحديداهؤلاء ؟؟
يعني سودانيين اصليين ولا جزء منهم من الجنوب؟
وعاوزين يصلو شنو للاخر؟ يعني هم مخططاتهم يصلو العاصمة ولا شنو؟؟؟؟
افيدوني
--------------------------------------------------------------------------------
وطني
صرير باب
مؤلم في قلبي
كلما بعدت
او نادتني مطارات العالم |
ورد هذا الكلام في موضوع الأخ بوش ( خبر عاجل .... وهام جدا)؛ والحقيقة أنا لست من الذين يهوون المشاجرات ولا المساجلات ولكن بعض الناس لديهم القدرة ـ المبالغ فيها ـ على الاستفزاز وأرجو أن لا يأتي أحدهم ويقول لي إنها أسئلة بريئة، أو يبرر لي بأن هوزي هذه حنكوشة أو بنت مغتربين (وجاهلة وديعة) أو ما شابه ذلك، لأن هوزي هذه ـ كما تقول؛ ولدت في أمدرمان وتخرجت في جامعة الخرطوم ومنذ تسجيلها في البورد وخلال أربعة أشهر كتبت 455 بوست وتعمل مبرجمة ولها دراية بالإنترنت وفي متناول يدها الغث والسمين مما هو مكتوب عن السودان وقبل كل ذلك، أظن أن هناك بديهة يعرفها يعرب ابن قحطان نفسه وهي أنه لو أن هناك سودانيين أصليين فهم هؤلاء (الجنوبيين) قبل غيرهم ثم ما الذي يجعل وصول الذين تلقبينهم بـ(هؤلاء) للعاصمة مستنكرا هكذا؟؟ هل اشتريتم هذه العاصمة بدراهمكم القطرية ـ يا هوزي ـ أم ماذا؟؟؟ ـ "وإتمنيت معاك
تسقط كلاب الحر
وناموس المجاري
ويا جلاليب الخلا الجواني
شيلي الصبر
شيلي الصبر
ودقي بيبان العمارة الطافحة بين ضلك وحوش الطين
وسويلنا الضحى القايلة
انخمج فنجان مساك
والقهوة يبست من غياب الطقس فينا
وما دفينا
وما نسيناك
لما حت البال صفق شجر الجلل
في الحلة
تاوقناك مكتّحة بالغبار والليل
وريحة حنتك شايلة
أدخلينا بسلامٍ آمنة
يا آمنة
عثمان البشرى"؛. . .
|
|
 
|
|
|
|
|
|
|
|
Re: آها يا جماعة... الكلام دة إسمه حقارة!!؛ (Re: أبكر آدم إسماعيل)
|
عزيزي د. أبكر آدم
للأسف أبجديات تاريخنا مجهولة تماما
بعد اتفاقية البقط التي مهدت لدخول العرب السودان، كان لابد للعرب الوافدين أن يكون معهم مترجمين حتى يتمكنوا من التواصل مع السكان الأصليين ( من السودانيين) النوبة و البجة والفور والنيلاوين من الجنوبيين.
أحاول أن أخط للتاريخ مكانه لدى هؤلاء ولكن هل من ......؟؟؟؟؟؟؟
| |
|
|
|
|
|
|
|
|
|
Re: آها يا جماعة... الكلام دة إسمه حقارة!!؛ (Re: أبكر آدم إسماعيل)
|
ياعاشقة دا كلامك؟؟؟
نصحك بقرااءة بعض الكتب عن تاريخ السودااان
ستجد ان سكااان السودان الاصلييين هم جنوب السوداان وشمال السودان
وناس غرب السودان ما وقعوا في عينك ... ولا ديل كلهم تشاديين ومن مالي... وناس الشرق مالهم ما عندهم معاكم في السودان
ولا ديل كمان ارتيريين برضو
هوي المي حامي ولا لعب قعونج
| |
|
|
|
|
|
|
|
|
|
Re: آها يا جماعة... الكلام دة إسمه حقارة!!؛ (Re: cantona_1)
|
الاخ سانتانا
لك التحية
احب ان اقول لك انني عندما ذكرت شمال وجنوب السودان لم اخصصهم لاني من احهما او لمحبتي لهما او غير ذلك انما انا سردت حقيقة واقعة والمكتووووب في كل كتب التااريخ عن السودان
وناس الغرب ربقية الشعوب كلهم ليهم مكااانة تفوق الاخرى وفي النهاااية لا فرق لعربي او عجمي الا بالتقوى
مع خالص احترااامي
عاشقة
| |
|
|
|
|
|
|
|
|
|
Re: آها يا جماعة... الكلام دة إسمه حقارة!!؛ (Re: أبكر آدم إسماعيل)
|
ابكر اخوي
عندك حساسية ضد الحنكشة ولى شنو
وشنو حكاية الاستفزاز الحايمه دي
شخصيا فعلا نفس السؤال خطر ببالي
عندما رجعت الى الموضوع
ديل منو ديل ياربي؟؟؟ اصلو الحكاية
دي بقت فيها لعبةمصالح ومكاسب شخصية
وكلو على حساب البلد المحزون.
خاصة وانو حركة التمرد بقت لحم راس
زي نظام البشير.
ولى اي استفسار فى مثل هذه
المواضيع يصبح سلوك مستفز طوالي
ـــــــــــــــــــــــــــــــــــ
آآآه يا غبش
| |
|
|
|
|
|
|
|
|
|
Re: آها يا جماعة... الكلام دة إسمه حقارة!!؛ (Re: أبكر آدم إسماعيل)
|
أبكر ياخوي الفهم قسم ، والقلم ما بزيل بلم ، السودان الأرض والجغرافيا والتاريخ لنا جميعا جنوبيون وشماليون وغربيون وشرقيون وأضيف إليها وسطيون ، وبهذا الفهم اعتبرنا دز جون قرنق يدافع عن السودانيين الغلابة والمهمشين ، وصفقنا لانتفاضة شرق السودان ، كما هللنا لانتفاضة الغرب ونقول للخرطوم هبي وانطلقي واهزمي الديكتاتورية والظلامية
| |
|
|
|
|
|
|
|
|
 Re: آها يا جماعة... الكلام دة إسمه حقارة!!؛ (Re: أبكر آدم إسماعيل)
|
الاستاذ القدير ابكر ادم اسماعيل
وجميع الذين كتبوا بهذا البورد
اولا استاذي انا لست بحنكوشة وليست جاهلة
وبما انك تحريت كل هذا عني فاذا قرأت بوستاتي لتدرك هذا استاذي
استمتع جدا بالمناقشات والحوارات الساخنة المفيدة في هذا البورد
واحب حوار الاخوان كلهم وابتعد عن مايسبب لي ضيق او حرج مع اي اخ
في البورد اعتبره صديق
انا مذهولة الان وانا اكتب هذا البورد الذي فتحته بالصدفة
في ان البوست مفرود مخصوص لكلمة اوردتها
دائما كان لي راي قلته في مناقشات كثيرة مع الاخوة
انه نحن في هذا البورد معظمنا نجهل بعضنا البعض وتكون سبب المشاكل
والحوارات الساخنة
ان جملة او كلمة تقيم بها انسان وهذا غير كاف ، فلا نعرف بعضنا بعض
فليس لنا الحق ان نحط من مواضع بعضنا بعض او نقذف الاتهامات
وانا لست هنا ادعي البراءة او اصور شي لانني لست بريئة ولست مذنبة
كذلك في شي ، واذا كان ما اوردته لاقى صدأ سي في نفسك فهذا من حقك
ولكن من حقي عليك ان تفهم مقصدي وتسالني في نفس البوست عن ماوراء القصد لانك تجهل قصدي كما تجهلني تماما ومن اكون
بصراحة انا مامصدقة الموقف ومحتاجة يمكن اهدا شوية عشان افهم،،،،
ما اذكره فعلا ان سبب كتابتي في هذا البوست وقد ووددت ان افرد بوستا كاملا عن الموضوع ، انه انا كنت متابعة كل خبر ورد عن حرب العراق اكتر من شي بيخص البلد وتفاجأت بان الخبر اكبر من تجاهله ولم اكن افهم من هم هؤلاء واسئلتي فعلا عن جهل وليست عن تجريح ، وانا ادري ان الجنوبيين سودانيين اكتر مننا وهم الاصل وانا لا احب اخوض في نقاش عن الجنوبيين والشماليين فاذا كنت تودشخصك القدير
معرفة راي فعلا كي تكون فكرة عن شخصي
الضئيل
يمكن ان تتابع مشاركت سابقة عني
ولكن ان تمسك لي تعبيرا خانني اللفظ فيه ولم ارجع لاقراه مجددا
وان كنت سافعل كي ارد اي معلومات قدمت لي ، ولكني وجدت بوستا
مخصوص فرد لي وهذا غريب وعجيب
واصدقك القول اني فعلا لا افهم من هم
توقعت انه يكون مجموعة لاجئين مثلا من الذين يزحفون للسودان
او جنوبين يهددون الاهل في غرب السودان من اجل صراع السلطة
او من الغرب فعلا ولهم مطالب
يمكن اسئلتي لم تكن واضحة
ولكن صدقني ، لم تستحق ان تفرد لها شخصك الجليل هذا البوست
وكل هذا الاهتمام ،،، لانه كل سوء فهم لي
وانا كثيرا ما تمنيت ان يبتعد ادباؤنا وفنانينا عن هذه الاشياء
كما كرهت ان تطالهم اي اقلام بما يحزننهموكنت حالا سافرد بوست اطالب فيه بكري
بحصانة للعظماء في البورد
ولكن من اين لنا حصانة نحن الضعفاء
هل ساطالب بحصانة الضعفاء من العظماء
!!!!
| |
|
|
|
|
|
|
|
|
|
Re: آها يا جماعة... الكلام دة إسمه حقارة!!؛ (Re: Hozy)
|
الاخوة الاعزاء
تحياتى للجميع
انا ايضا قد استنكرت هذه الكلمة(سودانيين اصليين ولا جنوبيين)عندما قرأتها فى رد هوزى واستفساراتها لبوش حول احداث الفاشر
ولكن
حين قرأت ردها هنا ورجعت وقرأت تلك الجملة فى سياق حديثها واستفساراتها،حقيقة فهمت انها لم تكن تقصد ما فهمته لاول وهلة وهو- عدم اصالة الجنوبيين فى السودان-
ولكنى ادركت ما كانت تقصده وهو:-هل هؤلاء الثوار من دارفور؟اى سكان دارفور الاصليين؟ ام ان جزء منهم ينتمى لمنطقة اخرى من السودان اى جنوب السودان؟وهل هم ينتمون للجيش الشعبى لتحرير السودان؟
وما هى اهدافهم؟ ومخططاتهم؟
والدليل على انها بدأت بالتساؤل على المنطقة التى ينتمون اليها (من وين ؟من اى مكان تحديدا هؤلاء؟
وكلها اسئلة مشروعة وواضحة،اذا قرأناها فى سياقها،ولم تكن تقصد من ورائها اى اشارات او معانى خفية،والا لجاءت الاسئلة فى سياق آخر غير الذى كتبته هوزى،ووجهته الى بوش ليجيب على تساؤلاتها التى كانت تريد من ورائها المعرفة بالحقائق وليس اثارة اى فتن
اخوتى
بعد ان وضحت هوزى قصدهاارجو ان نصدقها وان نصحح فهمنا لتساؤلاتها فهما يختلف عن قصد تساؤلاتها،وان بعض الظن اثم
والمتهم برىء حتى تثبت ادانته،وهوزى اثبتت براءتها
ارجو ان نعذرها
ولسنا فى حاجة لاثارة مزيد من الفتن
ولنعمل لاجل وحدة السودان ورفعته وكلنا اهل وكلنا اخوان واحباب
| |
|
|
|
|
|
|
|
|
|
Re: آها يا جماعة... الكلام دة إسمه حقارة!!؛ (Re: Hozy)
|
الاستاذ ابكر ادم اسماعيل
بعد التحيه والسلام
كلما رايت بوستا لك فانني اشعر بمتعه فائقه حتى قبل ان افتح هذا البوست
و بوستاتك بالزات لاااعلق ولا اساهم و لا اشارك فيها
لانني اكتفي بالاستمتاع بها
و احيانا ارفعها عده مرات لمزيد من المتعه
كما فعلت في بوستك للملا عمر
و لكني افاجاء اليوم بهذا البوست المابشبهك و الذي ما تنميتك ان تكتبه
حقيقه كلما تسببت بوستات الشكلات والخلافات في البورد في احباطي
و سد نفسي من البورد الجأ الى مثل ابداعاتكم انت و الكثيرين و الكثيرات في هذا المنبر حيث احس بانني انتقلت الى عالم اخر
عالم الرقي والابداع
عالم كله شفافيه و جمال
حقيقه الان فقط اكتشفت النكهه الحقيقيه للاحباط
استاذي
راي بسيط متواضع
و ان كانت الاخت هوزي كتبت ما كتبت الا انه كان بامكانك التعليق في نفس البوست و لم يكن هناك داعى لهذا البوست المنفرد
و ان كنت تريد ان تناقش موضوعا ما فانت تمتلك المقدره على الكتابه
بصوره اجمل من هذه بكثير
كلمه حق
| Quote: أو يبرر لي بأن هوزي هذه حنكوشة أو بنت مغتربين (وجاهلة وديعة) أو ما شابه ذلك، |
لقد اخطات في حقها
كلمه الاخت هوزي كانت انسب من كلمه هذه
و انت الاستاذ الرائع الذي نحترمه و نعحب به واعتقد ان الاخت هوزي
اخت مبدعه و تستحق الاحترام كذلك
و نحن كلنا اخوه في هذا البورد بغض النظر عن اي شي
الاخ هدهد
كلنا مفتونون بالاستاذ
و لكن ما علاقه ذلك بهذا البوست بالتحديد
اتمنى انا تزول كل الشوائب من بوردنا الحبيب بس الناس تخلي بالها اطول
و تلعن الشيطان
اظن انو البورد ادوهو عين
كل ما تخمد نار تبق تانيه
كل الود والتحايا للجميع
| |
|
|
|
|
|
|
|
|
|
Re: آها يا جماعة... الكلام دة إسمه حقارة!!؛ (Re: أبكر آدم إسماعيل)
|
دقيييييييييقة!!!!!ء
الحناكيش واولاد المغتربين مالهم؟
جاهلين؟ وديعين, يمكن عورة وتافهين وما بيعرفوا عن السودان شي كمان
معليش يا استاذ ابكر لاكن انت زاتك حسي اسأت لفئة لا باس بها من السودانيين ويجب عليك الاعتذار لسوء ظنك بهم
يعني هوزي لو حنكوشة كنت حتسامحها؟
وما تسامحها حسي لي؟
فعلا ارى انها فتاة راقية ولطيفة المشعر واستبعد تماما سوء النية فيما كتبته دي تكون زلة لسان, وحاسب ناس بيستاهلوا يتحاسبوا اكتر منها
استغرب التحليل والتفسير والتبرير واسقاطات لا لزوم لها على فتاة مسكينة
اذا كان في عنصرية في السودان ارجو ان تفرد بوستا آخر لمناقشاتها لان هوزي ما سببها
وبعدين انا مسامحاك على اسائتك لفئة الحناكيش واولاد المغتربين الجارحة
فباللله انت كمان سامح هوزي وفكونا من الموضوع الما ليه لزوم
ملاحظة
مش كان ممكن ترسل ليها سؤالك عن قصدها في المسنجر لزومه شنو التشهير
تحياتي وحبي للجميع
زولة123
الحنكوشة وبت المغتربين
| |
|
|
|
|
|
|
|
|
|
Re: آها يا جماعة... الكلام دة إسمه حقارة!!؛ (Re: الزومـــــــه)
|
مع احترامنا الشديد وتقديرنا لسعادة الدكتور في كل ماكتب وحسن ظننا في ما سيكتب ان امد الله في عمرنا وعمره .. عدا الذي كتبه هنا ..
ان قبل رأينا فيه فانه لا يليق ابدا به ولا بتاريخه الطويل الملئ بالابداع .. فهو سيدنا وتاج رأسنا .. ومنبع فخرنا .. اما ان لا فايضا له منا كل الاحترام والتقدير نفسها لا ينقص منه شيء ...
غير انه وهذه بالمره بالذات ماقاله في حق الاخت هوزي لم استطع ان ابلعه ..
ماعايزه ابدو مثل التي تحمش في النيران .. لكن طالما انك (فتحت) بوست سعادة الدكتور منفصلا لتبرز ماقالته الاخت هوزي فانه يتوجب علينا ان نقول كلمة الحق .. لان الله لا يستحى من الحق .. والا وان كانت نيتك غير تلك التي من اجلها ابرزت لها بوستا كاملا .. فانه كان من الممكن ان كنت فعلا تريد ان توجه الاخت هوزي ان تكتب لها في الماسنجر او في ان تكتب ماكتبته موجها لها في نفس البوست . كلنا نخطأ وكلنا نصيب وليست اقوالنا في عمومها مجردة من الخطأ ولا الهوى ..
بغض النظر عن ما قالته .. ورغم كل ما قيل من وجهات في كلامها فانني اري ان ماقالته لا يستوجب كل هذا الهجوم الذي اراه (مجرحا) لعضوة لها كامل كينونتها .. .. هي اسئلة مجرد اسئلة ..؟ من حق اي انسان ان يتساءل وهذا لايعني باي حال من الاحوال انه تجني او انتقاص . اخبرونا يا اهل اللغة متى كانت الاسئلة الاستفهاميه نوع او اشارة للتجني او الاستفذاذ للوجود ؟
فهؤلاء التي ابتدرت بها تساؤلها لم تؤدي الى سلب الجنوبيين حقهم ؟ ولن تمنع ان يعيش الجنوبين او المخربيين ان يصلوا الى العاصمه ..
فما يحصل في السودان هو الخراب بعينه .. بايدي الجنوبين والشمالين وحتى الذي يحدث الان في غرب السودان هو التخريب العظيم نفسه الذي يفكك وحدة الامه ويزج بها في غياهب القبلية المقيته التي تقول كلماتك ان هوزي استهزأت بها ..
لا سيدي .. ان كنت غاضب من الوضع في السودان او محموق على حقوق الجنوبين الذين هم اصحاب السودان الحقيقيين فنحن ولا هوزي اولاد المغتربين من اضعناهم .. فان كانت هناك اشارة تقصير فانني اوجهها اليكم كلكم .
كل الذين تفضلوا وسلموا بما قلت . بل بصموا عليه بالعشرة .
انتم معشر النخبه . التي فتحت عيونها على هذه المشكلة بل بعض منكم عاصر لحظات ولادتها ، ولم يحرك ساكنا . وكل الذي فعلتموه انكم اطلقت النظريات والحلول الورديه والوعود التي تودي البحر ثم تجيبنا عطشانيين ..
لم نعيش في السودان فترة كافيه لندرس تاريخ السودان .. فهذا ليس بذنبنا اننا عشنا خارج السودان . هي المشكلة نفسها التي انتم السبب فيها التي افرزت جيلنا .. وابشرك ان الجيل الذي يعقب جيلنا ، سوف لن يكون لدية حتى الاستعداد ليتفهم طبيعة السودان . ناهيك ان يعيش فيه ..
فنأمل ان لا نرمي مشاكلنا التنشئة (الخارجيه) ونرضى بهذه الحلول التي اوجدناها ..
شماعة اولاد المغتربين لا تحل مشكلة الجنوب .. ولن تمنع ان يطلع كل يوم (عقل) مفكر او (كفاءة) فريدة من نوعها للخارج ويفرخ عياله في بعيدا عن السودان.. لن توقف هذه الاتهامات التي تطلقونها جزافا على (الحناكيش) باسم اولاد المغتربين الخراب الذي يحدث في السودان .. ولن تمنع ان يخرج كل (متمرد) من كل حتة من ارض السودان .. ولن تمنع الحكومة ان تسفك الدماء ايضا باسم الوحدة ولن تمنع ان تسفك حركات التمرد دماء الابرياء باسم التحرر ودواعي الاضهاد والدونيه ..
وكل الذي يحدث انكم (معشر النخبة ) التي ادمنت الفشل وبشهاداتكم انفسكم .. انكم سوف تأتون بالنظريات الاكاديميه عن المسكوت عنه وشعارات كثيرة . من السهل المناداة بها ومن السهل الايمان بها .. لكن ما الذي يؤؤول اليه وضع السودان ..
المشكلة نفسها . والشقه تباعد بيننا . والحرب مدورة من اكثر من اربعين سنة .. ولم تخلص ولا اري انها وشيكة الانتهاء ..
مع ان الحل بسيط جدا .. هو قليل من التنازل من هنا ومن هنا وان ينسى قادتنا ولو لقليل من الوقت النظرة التي لا تبعد عن ارنبة انوفهم قيد انملة ومصالحهم ومصالح احزابهم الشخصية ..
والسلام
| |
|
|
|
|
|
|
|
|
|
Re: آها يا جماعة... الكلام دة إسمه حقارة!!؛ (Re: shiry)
|
محاضره تاريخيه للاستاذالمحترم عاطف عبدالله
(خاص بالحناكيش اولاد المغتربين)
| Quote: أحاول أن أخط للتاريخ مكانه لدى هؤلاء ولكن هل من ......؟؟؟؟؟؟؟ |
اتفضل يا استاذ عاطف
نحن في انتظار الحصه الاولى ممكن ناخدا هنا عشان البورد بره زحمه وحر و ما حا نفهم حاجه
ودقاسم فعلا القلم ما بزيل بلم
| |
|
|
|
|
|
|
|
|
|
Re: آها يا جماعة... الكلام دة إسمه حقارة!!؛ (Re: أبكر آدم إسماعيل)
|
الاخ أبكر أدم
نعم من المؤسف بأن تجد مثل هذا الحديث من أحد أفراد بلدك, لكن هذا هو حال السودان أمس واليوم. الذي بدر من هوزي وغيرها في هذا البورد بحق الجنوبيين كثير, لكن قد يكون مثل هذا السلوك هو سلوك طبيعي لبعض الاخوة في شمال السودان. الشيء المحزن بالنسبة لي أن معظم الردود كانت تلمح لك وتلومك عن إضاءتك ورفضك لمثل هذا السلوك الذي أعتبره أنا سلوك استفزازي مشبع بتعالي زائف. بعض الذين ردوا عليك حاولوا بأن يخلقوا أعذار واهية لهوزي متناسين أن هذا كلام مكتوب وليس بذلة لسان. أن الذي فعلا أحزنني نوع الردود وليس ما كتبته هوزي أو غيرها, أنا شخصيا متعود على مثل هذا السلوك أو الكتابات العنصرية, لكني كنت أطمع بأن تكون الردود واضحة وبعيدة من الرمادية.
دينق
| |
|
|
|
|
|
|
|
|
|
Re: آها يا جماعة... الكلام دة إسمه حقارة!!؛ (Re: أبكر آدم إسماعيل)
|
للجميع.
هذا هي العقلية التي تسيطر على مقاليد الحكم في السودان
القيادة العسكرية.. تشادي يقود الهجوم على الفاشر
Posted on: 4/29 at 4:33am CDT
الخرطوم - رويترز
قال الفريق ابراهيم سليمان والي شمال دارفور ان تشاديا قاد القوة التي هاجمت الفاشر عاصمة الولاية يوم الجمعة الماضي وان متمردي الحركة الشعبية لتحرير السودان شاركوا في الهجوم عبر نقل الامداد العسكري والاسلحة بطائرات لمواقع المسلحين بالولاية.
وقال سليمان في تصريحات نقلتها الصحف اليوم الثلاثاء ان التشادي يدعى عبد الله ابكر وهو ضابط مدرعات كان معارضا للرئيس التشادي السابق حسين حبري ثم اختلف أيضا مع الرئيس الحالي ادريس ديبي وصار يشكل خطورة على السلطة في تشاد.
وكان الهجوم على مطار الفاشر وبعض مواقع القوات المسلحة في المدينة اسفر عن مصرع 30 من افراد القوات المسلحة بينهم ضابطان احدهما برتبة مقدم والاخر ملازم واثنان من الشرطة وعشرة مدنيين اضافة الى اسر لواء طيار وتخريب عدد من الطائرات بالمطار فيما قتل 40 من القوة المهاجمة واستولت القوات المسلحة على مركبتين ودمرت أربع مركبات أخرى.
واوضح الوالي في لقاء بالصحفيين امس الاثنين بمدينة الفاشر ان معظم المهاجمين من ابناء قبيلة الزغاوة اضافة لافراد من الدينكا والفور ورجح اشتراك تشاديين في الهجوم أيضا مشيرا الى أن المسلحين اعترفوا بوجود تنسيق بينهم والحركة الشعبية نافيا وجود صلة للمهاجمين بتجمعات معارضة من ابناء المنطقة اتهمت سابقا بضلوعها في تأجيج الاحداث بدارفور.
الأخبار المنشورة لا تعبر بالضرورة عن رأي الموقع
اخبار السودان بالانجليزى | اخبار السودان بالعربى | الجرائد العربية | نادى القلم السودانى | المنبر الحر | دليل الخريجين |
الصفحة الرئيسية| دليل الاحباب |تعارف و زواج|سجل الزوار | اخبر صديقك | مواقع سودانية|البول سيستم
contact Bakri Abubakr
© Copyright 2001 Sudanese Online.
All rights reserved.
| |
|
|
|
|
|
|
|
|
|
Re: آها يا جماعة... الكلام دة إسمه حقارة!!؛ (Re: أبكر آدم إسماعيل)
|
و الله يا جماعة عايزين ليكم مشكلة مع هوزي لا أكتر و لا أقل
لأنو هوزي لا نحن شفنا منها شئ غلط و لا حتى كلمة واحدة
لكن الظاهر الحساسية عندكم زيادة كتير لأنو نحن قرينا الموضوع
لكن ما شفنا فيه أي شئ.
و هوزي إمكن معروفة بي في كل مشاركاتها كل همها السودان و المسلمين
و ما حصل بالخطأ كتبت كلمة فيها إساءة لي أي زول أو طائفة و فئة
و أفتكر هي ردت على الدكتور و قالت بالواضح إنها ما قصدت شئ
لكن في ناس مصرة على إنها تجعل القضية كبيرة و تدخل فيها كل السودان
الحساسية و العقد الزيادة سبب مشاكلنا لم تتخلصوا من الحاجات دي
حا تلقوا إنو السودان بقى بدون أي مشاكل.
و تحياتي ليك يا هوزي لأنك كنتي واضحة جدا و قلتي الشئ اللي إنتي بتقصديهو
و الناس اللي مصرين على إنو إكبروا الموضوع و إصنفيهو كنوع من العنصرية
أرجعوا لي رد الدكتور و حا تلقوا إنوا هو نفسوا أساء لي شريحة كبيرة
من الناس .
يا جماعة ما تفتكروا إنو أي كلمة تتقال مقصودين بيها فئة دون أخرى
أو جماعة دون غيرها .
بالله خلونا من الحساسية الزايدة و العقد المتأصلة دي خلونا نعيش حياتنا
بدون أي تعقيدات علشان نمشى لي قدام .
ســـــــــــــــلااااااااااام للـجـمـيـع
| |
|
|
|
|
|
|
|
|
|
Re: آها يا جماعة... الكلام دة إسمه حقارة!!؛ (Re: أبكر آدم إسماعيل)
|
اها ياجماعة الخير هوزي ما غلطانة وهي ما قالت حاجة كعبة بس سعلت سعال قالت:
(ديل سودانيين أصليين ولا جنوبيين)
الكلام دا ما عاوز ليه تفسير ولا يستحمل ولا يحمل إلا معنى واحدا ولكن بدل ما تلوموا هوزي على هذه الغلطة سعيتم جاهدين لإيجاد تبرير لكلام هوزي
أخص بالكلام هنا مهيرة- لمعرفتي الشخصية به فهو رجل وليس إمرأة-
يا سعادتك دفاعك عن هوزي غلطة شاطر أرجو مراجعة نفسك والكلمة المكتوبة حارة أكثر من زلة اللسان وانت الكاتب الحصيف الذي اعرف
أما التركيز على جهل اولاد المغتربين فما بحل مشكلة غير يجلب المتاعب ولكن أقول لكم وبصراحة لمن القى لي زول يكتب كلمة (لكن) هكذا لاكن عاوزني أقول عليه شنو خاصة إذا متعلم وخريج
ألمي البارد بقد الدلو
| |
|
|
|
|
|
|
|
|
|
Re: آها يا جماعة... الكلام دة إسمه حقارة!!؛ (Re: cantona_1)
|
الاخ الكريم كانتونا
سلام
اولا صحح معلوماتك انا امرأة(بس بوزن رجال زى حبوبتى مهيرة بت عبود.ومعرفتى بك لا تتجاوز حدود هذا البورد،ولوائحه وقوانينه،ولم تتجاوز الاحترام المتبادل بين اعضائه،وارجو الا تتجاوزه
انا لا اسعى لايجاد تبرير لهوزى فهى اقدر منى على شرح كلماتها،وقد فعلت،لقد فهمت كلماتها على انها تقصد هل هم سودانيين اصليين من منطقة دارفور ام سودانيين من مناطق اخرى هم ايضا اصليين فيها.واشكرك على تقريظك لى بالكاتبة او الكاتب-لا يهم المهم الشهادة- الشاطر والحصيف.والمتنبى قال فى رثاء خولة اخت سيف الدولة
فما التأنيث لاسم الشمس عيب------ولا التذكير فخر للهلال
اعذرونى اذا فى خطأ فى بيت الشعر
تحياتى للجميع
| |
|
|
|
|
|
|
|
|
|
Re: آها يا جماعة... الكلام دة إسمه حقارة!!؛ (Re: أبكر آدم إسماعيل)
|
أبكر آدم اسماعيل
لك التحية و الاحترام بما انك لاتهوى المشاجرات و لا المهاترات وقد اعترفت بانك سريع الاستجابة للاستفزاز و الذوبان في وحل الانحطاط باتهامك لابناء المغتربين بعدم الفهم والدراية يا سيد الفهم والعلم ماذا فعل ابناء المغتربين حتي تزج بهم في امر كهذا ام انك تسعي لجرح شعور المغتربين اؤليك المثقلين بالضرائب وقسوة الدهر لتاتي انت وتضيف لها خيبة أبناءهم كلام مابتبلع حقيقة القلم مابيزيل بلم أفففففففففففففففففففففففففففف
| |
|
|
|
|
|
|
|
|
|
Re: آها يا جماعة... الكلام دة إسمه حقارة!!؛ (Re: أبكر آدم إسماعيل)
|
حقيقة يحيرني كثيراً أمر هذا السودان الحبيب
كل من في السودان يدعون ملكيته
الكل في السودان مظلوم
جنوبنا وغربنا وشرقنا وحتى شمالنا والذي يلتزم أهله الصمت
حتى لا (يزيدو الطين بلة)؟
في داخل كل منّا ألف سؤال ولا إجابة
حرام لمن لا يعلم أن يسأل أهل العلم؟
في إعتقادي الأرض لمن يعمرها وليست لمن يسعى لخرابها
هذه الأمريكا بكل طغيانها وجبروتها أصولها الهنود الحمر الأجلاف
أين هم الآن؟؟؟؟ لا أظن أن أحدهم يذكرهم بالخير أو الشر
من يتوقف في محطات التاريخ لن ينال حظه يوماً من هذا التاريخ
لأنه لن يقدم ما يستحقه التاريخ
كل سوداني يعيش على أمجاد أجداده
سياسياً، عقائدياً، عملياً وحتى رياضياً وللأسف
ولكن أي نحن؟
كل السودان ينزف وبيد أبناءه
كلما زادت نزعة القبلية والأصل زاد الإحساس بالظلم
إذن لو كان السودان أصوله جنوبية فقط فمن حق
كل جنوبي أن يقتل أي من أطراف السودان الأخرى
لأنه دفاع شريف لغزاة سرقو حقه وحق أجداده
وكذلك الغرب ... وكذلك وكذلك
صار كل من له قضية يحسها (يدخل الغابة) حتى إمتلأت كل غابات السودان
من المستفيد أخيراً من أرض بور لا خير فيها بعد أن صارت بقايا حروب
من المنتصر ومن الهزوم؟
للأسف جنسيتنا السودانية التي تعيش أسوأ فترة في حياتها
حتى من تغرب وطال إغترابه يبقى السودان همه وفؤداه وحبه الأول
ولأجل ذلك كلنا هنا
من بالداخل ومن بالخارج نحمل هماً وحزناً وأملاً واحد في أن ينصلح الحال
فالحال يغني عن السؤال
ولأجل هذا تسأل هوزي وتستفسر شيري وتجيب أنت والموصلي وكل كبارنا
أستاذنا الحبيب، تكفي آلام الغربة فلا تزيدها على أحداهن وأنت ملاذنا
حين يستعصي على أحدنا سؤال...دع الكل يسأل ووجه من يخطئ إن أخطاً بالتي هي أحسن
ودي الحارينها فيك
سؤال أخير
من نحن من العالم الآن؟؟؟؟؟
وليس من هؤلاء
يا جماعة كدي بعد كده روقوها شوية وختو السلاح
في الواطة وخلونا نتفاهم شوية في البورد البقى
زي العراق ده
| |
|
|
|
|
|
|
|
|
|
Re: آها يا جماعة... الكلام دة إسمه حقارة!!؛ (Re: أبكر آدم إسماعيل)
|
الاعزاء بالبورد
والعزيزين د.ابكر- هوزى
لكم التحية
اعتقد توضيح وجهة نظر هوزى تغفر لها ما ادى الى سؤ فهم لكن فى تقديرى ما تحدث عنه د.ابكر واقع وملموس فى الحياة اليومية وما تعانى منه بلادنا فى ازمة الثقة الموجودة بين ابنائه
وان مسألة الاستعلاء القومى والثقافى والتعريب والاسلمة موجودة والوضع السياسى الحالى عبر عنها ومارسها باعلى درجة من الوضوح وان
هذه الممارسة لها اساس بنى كبير بدأ من الاستعمار الى الحكومات الوطنية المتعاقبة الى تاريخ اليوم وما عناته هذه المناطق من تهميش وتخلف وان طلائعها صارعت ضد ذلك حتى اصبح صراع مسلح وتمتد صور هذا الصراع وتتجه الى كل المناطق الاخرى وخاصة بعد مهدت الحركة الاسلامية لذلك بفهما النظرى والايدلوجى الاحادى النظرة بنفى الاخر وحتى فى حالة استيعابه يكون فى اطار دأئرتها المحددة الحركة منها
ودعوة من يطالب ان يحقق له ما يريد ان يمتلك قوة السلاح خلاف ذلك لايعبأ به وهى الدعوة الصريحة للسلاح
وما موضوع المركز والهامش الدى يشغل بال ساستنا الا نتاج لهذه الازمة ويبقى الدور فرد مساحة من الحوار والحوار لوضع ارضية لحل المشكلة قد لانجنى ثمارها نحن لكن لاجيال قادمة وتنعم بوحدة وسلام حقيقى ويقدموا للانسانية من نسج هذا الشعب العطيم تجربة فريدة
ولدى اقتراح فى هذا البورد لتحويل هذا السؤ فهم الى حوار عن الاستعلاء القومى والثقافى وسياسة الاسلمة والتعريب
بفرد مساحة لجذوره واقتراح الحلول
وهذا ما نصبو اليه من لقاءاتنا الالكترونية
ولكم ودى
ابو السرة
| |
|
|
|
|
|
|
|
|
|
Re: آها يا جماعة... الكلام دة إسمه حقارة!!؛ (Re: أبكر آدم إسماعيل)
|
يا لارك يا مغترب او ابن مغترب عبارتك دي جارحة لزول ممكن يكون في عمر والدك أو يكون في عمرك ولكن احترامه مع غيره واجب عليك
كلام مابتبلع حقيقة القلم مابيزيل بلم أفففففففففففففففففففففففففففف
ما أعلمه ان أبكر دا ما عنده علاقة بالضرايب والشغلات بتاعة الحكومة وسفاراتها فيا أخي في الله لا تزج بمواضيع في مواضيع وتلخبط الكيمان
لا اظن ان الأمر يتطلب غضبة مضرية من المغتربين وأبنائهم إذا قال عندهم زيد او عمرو انهم جاهلين... رأي الناس في بعض المسائل غير مهم. المهم انك إنت تكون عارف قدرنفسك وقدر علمك
كل ما نرجوه من ابناءنا المغتربين ان يدرسوا تاريخ وجغرافية السودان يعني مثلا يعرفوا شيكان كانت سنة كم وعلي عبد اللطيف دا منو؟ وعمل شنو؟
كمان تعرفوا أين تقع ام طرقن عراض من أم قرنا جاك وكما يعرف قبائل السودان المختلفة واين تسكن كل قبيلة ومواقع واسماء الولايات والمحافظات وكدا الواحد يكون عدّاه العيب وعرف كل شي عن السودان الحبيب... ولاّ انا غلطان
ألمي البارد بقد الدلو
| |
|
|
|
|
|
|
|
|
|
Re: آها يا جماعة... الكلام دة إسمه حقارة!!؛ (Re: cantona_1)
|
صديق طلب منى القاء نظرة والادلاء براى
بعد اطلاعى على الردود قد عرفت
الحناكيش من الكشاكيش
وعيال الراحات من عيال الاهات
والحقيقة
ان تربية اولاد المغتربين تجعل فهم الكثيرين منهم بعيدآ عن الواقع السودانى حيث يستمد البعض ثقافتهم من القنوات الفضائية العربية التى تعتبر الشماليون هم الاصليون وبقية اتجاهات السودان وخاصة الجنوبيون دخلاء
عندما يهتم مقيمى قطر بدستور والتصويت عليها
فان ذلك حتمأ يقود الى الجهل بقوانين السودان وجغرافيته وقبائلها
وبصراحة
ثمانين في المائة من مواليد وتربية الخليج لا يعرفون عن السودان سواء الغبار والسخانة
وهذا من اعراض الحنكشة
وعندما يفتكرون ان الجنوبين والغرابة يشتغلون فقط في بيوت الشمالين فهذا هذا هو الجهل المركب
واخيرآ
عندما يفتكر البعض ان كلام هوزى تساؤل وليس استفزاز فهذا جهل مرفوع للقوة ثلاثة
| |
|
|
|
|
|
|
|
|
|
Re: آها يا جماعة... الكلام دة إسمه حقارة!!؛ (Re: أبكر آدم إسماعيل)
|
المـصـيـبـة الكـبـرى يا هـــوزي
إنــو بـعـد ما وضـحـتـي رأيـــك صـاحـب البوسـت غاااااااااائب
لـكـن الشـمـشـــارة ما قـادريـن إسـكـتوا لـسـه بـنـزلـوا في السـمـوم
يا جماعة هي وضحت رأيها و كانت واضحة زي الشمس .
يعني كلامكم دا كـلـوا تحميش نيران و تنظير في غير محله.
و مهما قلتو كلنا عارفين هوزي كويس و متأكدين إذا كانت هي فعلا بتقصد
النظريات اللي إنتو ما قصرتو و شطحتو فيها دي .
بالله ريحونا الحساسية المتأصلة فيكم دي من أي كلام إتقال أنسوها علشان
نعرف نتكلم و نتفاهم و نتناقش بي موضوعية .
| |
|
|
|
|
|
|
|
|
 Re: آها يا جماعة... الكلام دة إسمه حقارة!!؛ (Re: ABUHUSSEIN)
|
الاخ ابوحسين
سلمت اخي لسماحة اخلاقك وروحك الطيبة
اشكرك والله
وكلامك صحيح
عارف المشكلة الكبيرة وين
ودي مش هنا بس دي في كل البورد دي فرصة من زمان نفسي اقولها
هو رجـــــــــــاء
انه الناس البتدخل وتكتب في البوست ده
تقرأ كل الكلام وتستوعبه قبل ماترد
عشان ما نبتدي من الاول
يعني انا فهمت ووضحت وشرحت
وما ممكن تحت كل واحد اعيد الشرح انت مادام دخلت
اقرا الكلام كامل
الاخ بلير
اشكرك جدا على الكلام الطيب ده
كتر خيرك
بس هل احنا اتعارفنا قبل كده، ولو من البورد في كلامه ذكرته
الحقيقة عكسه تماما ولا انت واثق من كلامك ده؟؟؟
!!!!!!!!!!!!
لو كنت حنكوشــــــة انا فعلا
بس برضو سودانيــــــة غصبا عن اي شي
ووطنيتــــــــــي يشهد لها من يعرفونني
وحبي للسودان يفوق الخيال
| |
|
|
|
|
|
|
|
|
 Re: آها يا جماعة... الكلام دة إسمه حقارة!!؛ (Re: أبكر آدم إسماعيل)
|
الاستاذ القدير الغائب
ابكر ادم
لماذا الاعتكاف عن تسيير دفة هذه المحكمة
الم تجري كما وددت لها ؟ ام ماذا ياترى؟
ماهي الاسباب؟
هل ضاع بريق اتهاماتك فلم يعد لها طعم؟
ام هل ادت لك المهمة بنجاح ولم تعد تحتاج التعقيب؟ ام ماذا ياترى؟
أتمنى ان تواصل قدراتك الخارقة التي ارعبتني كثيرا
وتكب لي نقاشا حاسما ضدي او معي
استوعبتني وفضلت ان تصعد قمتك كي لا تتنازل للضعفاء مثلي عن حدة قلمك وفكرك،، ؟؟؟؟؟؟؟ ام لم يصلك مني شي بعد واثرت السكوت عن الرد
لكل هذه الافواه التي تقف بجانب هذه الهوزي ؟؟؟؟؟؟؟
| |
|
|
|
|
|
|
|
|
|
Re: آها يا جماعة... الكلام دة إسمه حقارة!!؛ (Re: أبكر آدم إسماعيل)
|
يا مهيرة
انا آسف جدا لآن لي صديق يقيم في الشرق الاقصى ويكتب في اماكن كثيرة ويوقع باسم مهيرة وكنت اظن انه هو ولهذا خاطبتك بالذي ورد في بوستي
مادام انت ما الزول الأنا كنت فاكره فتجديني آسف اشدّ الأسف ولن اتعرض لبوستاتك ابدا مهما كان الموضوع ... ومعليش مرة اخيرة
أما بخصوص المعرفة فانا لا اعتبر معرفة المنتدى هذه معرفة ولي قناعاتي في ذلك.. يعني ماتزعجي نفسك بمعرفتي من عدمها لانها لا بتضر ولا بتنفع
ألمي البارد بقد الدلو
| |
|
|
|
|
|
|
|
|
|
Re: آها يا جماعة... الكلام دة إسمه حقارة!!؛ (Re: cantona_1)
|
الأخت هوزي
لك التحية
حقيقة أتفهم موقفك بعد التوضيح وللدكتور ولنا العذر أن شعرنا بالاستفزاز لطرحك السؤال بتلك الطريقة
ديل سودانيين أصليين ولا جنوبيين؟؟
ولك العتبى لما لحقك مني ومن الحادبين على وحدتهم الشعبية
الأخ إيهاب
لقد كتبت في هذا البورد كثيرا عن الهوية بمنهج التاريخ وحكمه ويمكنك الرجوع لتلك الدراسات ولم أدعي يوما بفتح مدرسة لك أو لسواك .... لكني مازلت أسعي لكي أخط للتاريخ مكانه لكل من تؤرقه الأسئلة ....أخط للتاريخ مكانه حتى نرعوي جميعا ونتعلم منه .. وليس مني كما فهمت .. أتمنى أن أكون قد أوضحت
| |
|
|
|
|
|
|
|
|
|
Re: آها يا جماعة... الكلام دة إسمه حقارة!!؛ (Re: أبكر آدم إسماعيل)
|
ولوجه سلمى
والنهارات الصبية
ما تبقى من غناء
الأخ الأستاذ د.أبكر آدم اسماعيل
بس عشان كلامك ـ الفوق دا ـ الرائع والراقى زيك
.. أحب أقول ليك انو الموضوع الكاتبو ده ما بشبهك، وأنا كلى ثقة فى انو كل قضايانا ومشاكلنا الأجتماعية والسياسية والثقافية مؤرقاك حتى النخاع .. ودا يمكن المبرر الخلاك تكتب ما كتبته .. وأعلم تماما انك كنت وما تزال تحلم وتنادى لنا بوطن أجمل .. يسع الجميع بلا استثناء .. ميرى .. لوال .. أوشيك .. ومحمد أحمد.
لكن يبدو انك اتسرعت شوية فى هجومك على الأخت هوزى
أختنا الحبيبة .. الرايعة هوزى
يعجبنى هدؤك .. احترامك لوجهة النظر الأخرى .. ودواخلك الجميلة .. وموضوعيتك فى الرد، أنتى أجمل من
جميع من ساهم فى التعليق على هذا الموضوع .. فقد كنتى أقل انفاعلا على الرغم من انك صاحبة الحق
دعونى أعتذر للجميع نيابة عن الجميع .. فلكم جميعا العتبى
فالأمر لا يعدو عن كونه سوء فهم
ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ
إبني البيت
ممتلئا نورا
شيده بالأحلام
لا بالطوب .
فكٍر في ممر شاسع مزهر
ضع مدفأة هناك
وملاكا لحراسة المدخل
| |
|
|
|
|
|
|
|
|
|
Re: آها يا جماعة... الكلام دة إسمه حقارة!!؛ (Re: خضر حسين)
|
والله يا جماعة تشوفو القيل وتطعنوا في ضلو
بغض النظر عما قالت هوزي ؛ وعما تقصد ؛ وانا اصدق شرحها بانها زلة لسان ؛ الا انكم يا اولاد البحر عنصريون عنصريون الي درجة لا تصدق
الا تقولون البجي من الغرب ما بيسر القلب ؟
الا تزالون توصفون الجنوبيون بانهم عبيد ؛ وهم الذين لم تعرف العبودية الي محتمعاتهم سبيلا ؛ كما عرفها تاريخكم العربي " المزعوم " في جزيرة العرب ؛ وتاريح استعرابكم المازوم علي البحر
الم نر الي العديد ممن دافعوا عن وحش بغداد ؛ يدافعوا عن وحش الخرطوم ؟ ويتهموا الثوار الاحرار المناضلين من بنات وابناء دارفور ؛ بانهم متمردين وقطاع طرق ونهب مسلح واجانب ومرتزقة ؟
متي تتعلموا من التاريخ ؟
اتحتاجوا الي حرب اخري في دارفور تستمر مائة عام ؛ حتي تصلوا لبعض العقل الفطير ؛ الذي وصلتم له - او لم تصلوااليه - بعد خمسين عاما من حرب الجنوب ؟
الي متي يظل ضيق افقكم وعنصريتكم الكامنة والطافحة في كل امتحان ؛ تحكم علي الوطن بالدمار ؟
الا تعرفوا ان لكل فعل ردفعل ؛ مساو له في القوة ؛ ومضاد له في الاتجاه ؟
هل فكرتم في ردالفعل علي عنصريتكم غير المؤسسة ؛ واستعلائكم المبني علي الجلافة والجهل ؛ واصراركم علي انكم اسياد البلد ؛ وغيركم هم عبيد واجانب ومرتزقة ؟
ثم وجدوتها فرصة للهجوم علي استاذ ابكر
الا تروا ما يطفح به البورد من عنصرية معلنة ومضمرة ؛ لتوجهوا نقدكم لها ؟
ويا استاذ ابكر ؛ جنس ما جاء به البعض في البورد عن ثوار دارفور ؛ واهل دارفور ؛ ليس فقط حقارة ؛ بل عنصرية
ولكن انتهي زمن الحقارة
والفاشر تشهد
عادل
| |
|
|
|
|
|
|
|
|
|
Re: آها يا جماعة... الكلام دة إسمه حقارة!!؛ (Re: Abdel Aati)
|
سلام
معليش يا شباب انا شايف البوست لي يومين وما قادر ارد ... لكترة المشغوليات .... لو لا توضيح الاخت هوزي لكان لي رد آخر ... عموما فهمنا المقصد من الاسئلة وكلامك حكم يا هوزي ... ولك التحية يا دكتور
الاخت شيري تحياتي يا بغدادية ... وين صدام سهر العلوج ولا نوم الديكة في الحبل... طلعتنا مخربيين يا ست شيري ... مش بطال برضو ... قالو قحة ولا صمة خشم
ولكل الاخوة تحية
| |
|
|
|
|
|
|
|
|
|
Re: آها يا جماعة... الكلام دة إسمه حقارة!!؛ (Re: أبكر آدم إسماعيل)
|
للجميع
| Quote: يعني سودانيين اصليين ولا جزء منهم من الجنوب؟ |
هذا هو الذي كتبته هوزي, ومعني هذا الكلام واضح جدا. اما الذين يريدون أن يفسروا ذلك لمعني لأخر أو يتعزرون لها بغير ذلك فيؤسفني بأن أقول لكم بأن زمن كنس القمامة تحت البساط قد ولي. أني فقط أستغرب! فمثلا إذا صدر هذا الحديث مني أو من أحد أبناء الغرب فماذا كان سيكون رد الفعل عندكم؟ وكيف كان يكون حال هذا البورد والبوست؟
دينق
| |
|
|
|
|
|
|
|
|
 Re: آها يا جماعة... الكلام دة إسمه حقارة!!؛ (Re: أبكر آدم إسماعيل)
|
الاخوة الاعزاء تحياتي
ان المعروف عن نظام الجبهة الظالم هو تشوية وقلب الحقائق وبما انو مسيطر علي الوضع في السودان وعلي جميع وسائل الاعلام وبما انو المناضلين في السودان ملاحقين وممنوعين من اشئاء كثيرة تولدت هناك عدم معرفة ودراية لدي العامة خصوصا الجيل الجديد الذي تربي في ظل هذا الوضع الغاشم والسؤال هنا للاخ عادل عاطي والباقين من هو المسئول هل هو المواطن البسيط المتلقي ام صاحب الفكرة والبرنامج او التنظيم المعين . حتي لا ياتي الاخ ابكر ادم ويفرض ان فلان كان مفترض به ان يعلم كان الاحري بالاخ ابكر وباقي الاخوان ان يتحدثو عن ما حدث ويوضحو الحقائق اعتقد هذا افيد لهم وللجميع ويعتبر نضال ضد استبداد حكومتنا بدل من تعميق الهوة والخلاف .
والاخ دينق
في كل مرة مصر علي النظرة المتعالية للاهل الشمال ومصر علي اشئاء كثيرة ومغلوطة وهذا الاشئاء لا وجود لها الا في مخيلتك . انا اديك ملاحظة بسيطة يااخ دينق ويمكن يكون فيها تدليل علي ما ذكرت في كل رودك تخاطبنا بالاسم مجرد او الجميع ونحنا نخاطبك بالاخ وننعتك بالصديق وكل هذا لما تعتقد انك تمثله لنا ولكن من المواضح اننا لا نمثل لك سواء الجلابة ولك الود .
| |
|
|
|
|
|
|
|
|
|
Re: آها يا جماعة... الكلام دة إسمه حقارة!!؛ (Re: أبكر آدم إسماعيل)
|
الاخ الساحر تحياتي بس عندي ملاحظة معليش لقد خاطب الأخ دينق د. ابكر ادم اسماعيل وقال الأخ يا ربي دي شوفتها ولى سقطة سهوا الاخ عادل لماذا لم تتكرم بتوضيح طبيعة ما حصل فى الفاشر حتى يعلم من لا يعلمون بدل من الحديث من منطلق انك تعلم وتتساءل متى تتعلمون هل ما كتبت يعدو الاستعلائية قيد أنمله الاخ عادل تقول عنصرية فى البورد!!! اين هذه العنصرية ارجع لملاحظة الاخ الساحر فهي ليست خارج البورد الذى نعته بالعنصرية وخبرنا اين ترى العنصرية فى البورد والجلافة؟؟ الاخ أبكر وهل ما تقوم به يعدو المهاترات في شي اين المهم التى تركز عليه هنا ما كتبته لا يعدو زخم لغوي يحمل فى طياته المهاترة مزخرفة كان الاحرى بك ان تكتب عن ما يجري فى الفاشر وعن الحقيقة التى تعلم ولا يعلمها الآخرين( الحناكيش) ولكم التحية ــــــــــــــــــــــــــــــــــــــ آآآآه يا غبش
| |
|
|
|
|
|
|
|
|
|
Re: آها يا جماعة... الكلام دة إسمه حقارة!!؛ (Re: أبكر آدم إسماعيل)
|
الزملاء الأحباب
مع احترامي الشديد لكل الزملاء الذين أدلوا بآرائهم حيال الاشكال لكن عذراً
كل المداخلات دي أدت لزيادة حجم المشكلة وتضخيمها بلا طائل
الاشكال أو سوء الفهم أي كان المسمى بين الدكتور أبكر والأخت هوزي
طيب كان ممكن يتحل الاشكال بينهم وبين بعض لو تفاقم الاشكال ممكن الأجاويد يتبرعوا
لكن هوووووووب كده كل الناس تقع تنظير في المشكلة من طرف ؟؟؟؟؟؟؟؟
عذراً مرة أخرى لو مس كلامي أحدكم في غير ما أقصد
التحية ليك يا دكتور أبكر وأنت تعتذر بهذه الشفافية التي عرفناها عنك والباقي عليك يا هوزي تقبلي الاعتذار وتقفلوا الموضوع وتعودا أنت والدكتور آدم لدعم البورد فكرياً كعهدكما فنحن لا نقبل أن نفقد أي منكم
دمتم
نادر
| |
|
|
|
|
|
|
|
|
|
Re: آها يا جماعة... الكلام دة إسمه حقارة!!؛ (Re: أبكر آدم إسماعيل)
|
ياهوزي بعد السلام
العرب قالت: التسوي إيدك يغلّب أجاويدك
الحمد لله المرّة دي جات سليمة ... بس أعملي حسابك وقالوا العترة بتصلّح المشية
تاني لمن تكتبي ليك بوست راجعيه مرتين قبل ما ترسليه عشان الجماعة مايقوموا عليك بغضبة مضرية وواحدين يدافعوا عنك بكل جهد
الجفلن خلّوهن أقرعوا الواقفات
| |
|
|
|
|
|
|
|
|
|
Re: آها يا جماعة... الكلام دة إسمه حقارة!!؛ (Re: أبكر آدم إسماعيل)
|
الاخ عادل تحياتي
عندما قلت كان الاجدر بك ان تحدث
من لا يعلمون كانت اشارتي
واضحة للاستفسار بتاع الاخت هوزي عن ما حدث فى الفاشر
اعلم ان هنالك عدة مصادر تعرضت للموضوع
ولكن يبدو ان الاخت هوزي لم توفق فى الاطلاع عليها
لذلك كان الاجدر بالاخ ادم ابكران يضع هذه الروابط المتعلقة بالموضوع
من الاول تجنبا لاي سؤ تفاهم كما فعلت اخي عادل ام اذا كان لا يعلم
بحقيقة ما يجرى هناك فلا ضير عليه.
فيما يختص هجومي شخصيا على الاخ ابكر مازلت متمسكا به
وارى فى ما كتبه لهجة استفزازيةوتحمل المهاترات التى انكرها
مرارا وتكرارا.وان حديثه لا يعدو زخم لغوي ولعب بألفاظ تحمل
استفزاز واضح ومتعمد وحمل كلمات الاخت هوزي
اكثر مما تحتمل و لااعتقد ان هدفه فقط ان يثبت ان ابناء المغتربين
حناكيش ولا يعرفون شي عن بلدهموالدليل هاهي الاخت هوزي تنتقي من الكلام اطيبه
فى محاولة اثبات انها ما كانت تقصد ما ذهب اليه
ولكنه مصر على رايه وأخذ يصرف كلامهاويتعامل مع الحروف باسلوب حرفي
بحت مجرد من كل شي. ترى لماذا هذا التصرف
ان هذه الحروف التى تجري فيها مشرطك الخاص ايها الطبيب البارع تحمل فى داخلها انسان جسد ودم. اذا كان غضبه فعلا نابع عن مشاعر حقيقة وردة فعل كما ذكرت اخي عادل اين ردت فعل الاخ ابكر تجاه كلمات الاخت هوزي هل كانت مساويه فى المقدار كما قلت اما هنا المعادلة غير قابلة للوزن
ولك تحياتي
ــــــــــــــــــــــــــــــــــــــــــــــــ
آآآه يا غبش
| |
|
|
|
|
|
|
|
|
|
Re: آها يا جماعة... الكلام دة إسمه حقارة!!؛ (Re: أبكر آدم إسماعيل)
|
الأخ / عادل
تحية وود
لو رجعت لما كتبته ستجدني أتحدث عن تضخيم المشكلة والبحث والتقصي من قبل عناصر أخرى في الإشكال البيحصل بين إتنين في البورد يعني لمة الناس حول اشكال محدد بيحصل بين اتنين من عناصر المشكلة وسلبياتها وتداعياتها
عادة لا أقحم نفسي في هكذا أمور كي لا أدخلي نفسي في مهاترات (طالع رد بعض الزملاء على تعليقي بأني فاضي عشان كده حقو أعمل قاضي!! ) لكن أنا شخصياً أكن وداً خالصاً للدكتور آدم يعلمه هو وودت أن ينتهي الإشكال حتى لا نفقده ولا نفقد هوزي لإعجابي بمشاركاتها ومتابعتي لها من حين لحين هذا كل الأمر
دمت مع ودي وتقديري
نادر
| |
|
|
|
|
|
|
|
|
|
Re: آها يا جماعة... الكلام دة إسمه حقارة!!؛ (Re: أبكر آدم إسماعيل)
|
الساحر
Quote: والاخ دينق
في كل مرة مصر علي النظرة المتعالية للاهل الشمال ومصر علي اشئاء كثيرة ومغلوطة وهذا الاشئاء لا وجود لها الا في مخيلتك . انا اديك ملاحظة بسيطة يااخ دينق ويمكن يكون فيها تدليل علي ما ذكرت في كل رودك تخاطبنا بالاسم مجرد او الجميع ونحنا نخاطبك بالاخ وننعتك بالصديق وكل هذا لما تعتقد انك تمثله لنا ولكن من المواضح اننا لا نمثل لك سواء الجلابة ولك الود . |
نعم, هناك نظرة متعالية وعنصرية يا الساحر.أنا لم أسمع قصص ولم أقرا أخبار فقط هذا هي تجربتي الشخصية طيلة حياتي في السودان. كما أريد أن أنبهك أيضا بأن الحرب الدائرة ألان في السودان قد قامت لتلك الأسباب أيضا.أعتقد أنا لي مطلق الحرية بأن أخاطب أي شخص في هذا البورد بالطريقة المناسبة لي وفي حدود الأدب, وهذا حق يخصني أنا. وفي نهاية الأمر هذه مجرد أسماء مستعارة فقط.أما ما تمثله لي أنت يا الساحر سوف أعبر عنه لك من خلال ردودي عليك وعلي كل فرد في هذا البورد, فقط أريد أن أنبهك أني أحد الذين يسمون الأشياء بأسمائها.
دينق
| |
|
|
|
|
|
|
|
|
|
Re: آها يا جماعة... الكلام دة إسمه حقارة!!؛ (Re: ALZOLZATOO)
|
الزول ذاتو
تحية
والله انا معجب بشخصيتك وردودك الساخرة واللسان الاحمر ده
وهههههه يكه دي ما بالغت فيها
وكلي اسف انك لم تجد في هذا البوست ما يؤسف الا كلامي
واتمني ان تجد في السودان وفيما يجري في الجنوب ودارفور ما يثير اسفك ؛
من الممارسات التي اشرت اليها ؛
والتي تولد ردود افعال طبيعية ومشروعة
ومحل رهيفة التنقد زي ما قال الاخوان
عادل
| |
|
|
|
|
|
|
|
|
|
Re: آها يا جماعة... الكلام دة إسمه حقارة!!؛ (Re: أبكر آدم إسماعيل)
|
Quote: الكل في السودان مظلوم
جنوبنا وغربنا وشرقنا وحتى شمالنا والذي يلتزم أهله الصمت
حتى لا (يزيدو الطين بلة)؟
|
يا شباب بعد السلام
الكلام الفوق دا قال كلنا مظلومين .. لكن ماورانا الظالمنا منو ... طبعا ماتقولوا حكومة الجبهة لاننا هنا بنتكلم عن الشرق والغرب والجنوب والشمال ... - شفتوا انا كتبت الشمال في النهاية عشان ماتقولوا دي عنصرية, هو التقول انا من الشمالية
مادام نحنا ما عارفين الظالم منو حنكون كدا إلى يوم يبعثون.. حتى ولو زالت حكومة الجبهة برضو البجو حيكونوا سودانيين يعني مش امريكان
يعني الفترة الإنتقالية الجاية القالوا تكون ستة سنوات دي لو ادوا كل إقليم الحكم الذاتي يكون افضل ... بعد فترة الإنتقال نشوف هل الناس عاوزة دولة واحدة إسمها جمهورية السودان ولا كل ناس إقليم عاوزين يكونوا دولة براهم
بصراحة ربنا كدا... نحن في كردفان عاوزين دولة برانا.. عشان عندنا الشغلات السمحات كلهن من المحاصيل والشاي والمواشي والفواكه والخضروات وهلم جرا... وما ناقصنا إلا السكر نستورده من الجزيرة وندينهم بدله مما عندنا...
بكدا تكون المشكلة إنحلت وتاني مازول يقول نحن مظلومين وناس الجهة الفلانية ظلمونا
يا جماعة الخير المسألة ليست ظالم ومظلوم المسألة كلها سوء تخطيط وعدم معرفة ودراية بمشاكل الأطراف في السودان... سوء التخطيط الذي أقام مصانع الزيوت في الخرطوم والفول ياتي من غرب السودان
سوء التخطيط الذي اقام المسالخ للتصدير والماشية والضأن تأتي من غرب السودان
سوء التخطيط الذي ركّز الإقتصاد والبنوك وشركات التأمين في الخرطوم وترك باقي الوطن خالي الوفاض
سوء التخطيط الفتح الجامعات في الخرطوم والمستشفيات في الخرطوم واصبح ذلك سببا ان ينزح ناس ابوجبيهة وما شابهها إلى الخرطوم لكسب العيش... ويخليني انا اطفش في ام طرقا عراض عشان وليداتي ياكلو
سوء التخطيط الذي ركّز الصناعات في الخرطوم مع ان المواد الخام مما جميعه تأتي من خارج الخرطوم
سوء التخطيط البخلي الفي الفاشر وعاوز ليه رخصة مشروع زراعي يجي الزراعة الألية في الخرطوم والعاوز يحفر ليهو دونكي في كردفان يمشي كيلو عشرة في الخرطوم عشان يدوه التصديق
هل تعلمون ان أحد موظفي كيلو عشرة عندما قدموا له الطلب للحصول على تصديق الدونكي ماذا كان ردّه ؟؟؟؟؟؟؟؟؟
قال لمقدمي الطلب ما تمشوا وزارة الثروة الحيوانية لانهم بفهموا في الثروة الحيوانية أكتر من هيئة توفير المياه الريفية في الخرطوم
الراجل معاه حق لانه ترجم كلمة دونكي لحمار-أكرمكم الله- وإفتكر الجماعة عاوزين مساعدة ليهم يشتروا حمار عشان يجيبوا بيهو الموية للشراب
طبعا احد العرب الجو في الوفد قال لحكنوشة هيئة توفير المياه: ياولدي دايرين لينا دونكي يسقينا موية؟
وتقولوا أولاد المغتربين حناكيش... بالله دا يطلع شنو؟؟؟؟
الجفلن خلّوهن أقرعوا الواقفات
| |
|
|
|
|
|
|
|
|
|
Re: آها يا جماعة... الكلام دة إسمه حقارة!!؛ (Re: أبكر آدم إسماعيل)
|
الاخ عبد العاطي
شكرا لاعجابك بشخصي الضعيف وبي اللسان
وكما قال الشاعر
لسان الفتى نصف ونصف فؤاده فلم يبقى الاصورة اللحم والدم
اسفي كان لتعميم ماقلت على كل اولاد البحر زي مابتقول
ياخي والله نحن من ماقمنا لقينا جارنا اليمين من الغرب وجارنا الشمال من الشرق وقمنا مع بعض تربية واحده فرحنا واحد وحززنا واحد لم تكن العنصرية يوما بيننا عشان كده لمن قريت كلامك حسيت بي حسرة والله
لانو انا من ضمن غالبية لانعرف معنى العنصرية عشان كده يازول ارجو ان يكون هذا البورد دعوة للنقاش من اجل سودان بلا اتجاهات جغرافية
ضحكه هدية
تعرف يازول في الحلة كان عندنا فريق كورة لامي كل القبائل وكان فريق يشار اليه بالبنان بس انا كنت الكابتن ههههههههههههه يكه
ولك التحية
زاتوووووووو
| |
|
|
|
|
|
|
|
|
|
Re: آها يا جماعة... الكلام دة إسمه حقارة!!؛ (Re: أبكر آدم إسماعيل)
|
يا الساحر شايف دينق اهو قال الحبيب كانتونا يعنى الراجل ما بقصد تفرقة أو كلام زي وصدقني الزول ممتاز جدا مما جميعه وانا بعرفه وبعرف والده من زمان بس ما قاعد يقول لي عمو كانتونا عشان ما عاوز يكبرني
لكن صدقني أخلاقه ممتازه وهو قاعد يقول هو جنوبي لكن انا بقول ليهو إنت دينكاوي من الخرطوم ... زي ما انا غرباوي من لندن - لندن دي حلوه مش كدا يالساحر-
بس الراجل ماخد في خاطره زي ناس كتار عشان الحاجات الكتيرة البتحصل في السودان... لكن سبل ووسائل الإتفاق بين السودانيين متوفرة وبكثرة لو خلصت النيات وكمان كل زول عرف هو عاوز شنو ولشنو وهكذا
يا دينق ألمي البارد بقد الدلو ... عشان كدا قلنا الونسة أخير عشان لو قلت ليك كلمة كدا ولا كدا يحلك الحلّ بلّه... لذا قلنا أحسن نتونس عشان الونسة طول عمر... ربنا يدينا عمر طويل ونشوف السودان الموحّد من حلفا لنمولي... قولوا آمييييييييييييييييييين
الجفلن خلّوهن أقرعوا الواقفات
| |
|
|
|
|
|
|
|
|
|
Re: آها يا جماعة... الكلام دة إسمه حقارة!!؛ (Re: cantona_1)
|
هوزي
اسمحى لي اجاوبك على بعض تساؤلاتك
| Quote: ولا انت واثق من كلامك ده؟؟؟ |
ليس المهم عندى الثقة او اللاثقة في كلامى
حقيقة او كذب اقوالي
المهم اننى مسئول عن اي كلمة اكتبها في البورد امام الله وامام من يقراها واننى على استعداد لتحمل اي نتائج من وراءها
| Quote: بس برضو سودانيــــــة غصبا عن اي شي |
غصبآ عنى انت سودانية....ليس هذا موضوع النقاش
| Quote: واكره من يقللوا سودانيتنا في قلوبنا لاننا خارج الوطن |
لم اقلل سودانيتك...انما قللت من معرفتك بقوميات الغرب والجنوب
اننى خارج الوطن كذلك
| Quote: ماذا تعرف انت عن سبب خروجنا ؟ وعن ماذا تربينا؟ وكيف تعلمنا حب الوطن من اباءنا وكيف خدم اباءنا الوطن؟؟؟؟؟؟ |
حاشا الله ان اقول شيئآ عن ابائكم او اطعن في حبهم وانتمائهم للوطن وعلمهم بها او اقلل عن قدموه للوطن
اننى لا اشك فى تربيتك السودانية بل اشك في معرفتك بجميع بالقوميات السودانية
لا اعرف سبب خروجك ....ولم اتطرق الى ذلك
من حقك ان تكرهينى اذا حسيت انني استحق الكراهية
انها سنة الحياة
ان نفرح البعض ونغضب اخرين
نحب البعض ونكره اخرين
نحترم البعض ونحتقر اخرين
نمدح البعض وننقد اخرين
نشكر البعض ونلوم اخرين
اخيرآ
نصيحة لله
تجاوزي ما حصل
لا تتاثرى بالنقد وسلبياتها
استخرجى الايجابيات منها
سوف تستفيدى الكثير
player
| |
|
|
|
|
|
|
|
|
|
Re: آها يا جماعة... الكلام دة إسمه حقارة!!؛ (Re: Abdel Aati)
|
الأخوة / د. أبكر وهـوزي
لكما التحية ... ومعظم النار من مستصغر الشرر .. تحدث الكثيرون عن عقلانية هوزي وبررت ودافعت من أن خطأها هو زلة لسان نحن نقدر ذلك ونفهمه وقبله الاخ أبكر. بالطبع لست انوي سكب مزيد من الزيت على النار كما قد يظن البعض لأن المسألة بالنسبة لي مدخل ..ولكن بالخلفية التي نعلمها كلنا في الصراعات القبلية التي نعيشها.ما زال الكثير من السودانيين يستعملون كلمة خادم وعبد لكل ذو سحنة داكنة وللأسف صارت عادية كشرب الماء حتى أحد الاخوة إن كان لونه أسود من الباقين ترى كل الاسرة تناديه بالعبد أو الخادم بمنتهى السهولة .. صراحة هذه المسألة ولدت ومازالت تولد الكثير من الغبن وبصريح العبارة وكما تعلمون كلكم هي ليست بشئ سهل أولاً أن يتخلص الاخوة والاخوات من نبرة القبلية والعصبية في دواخلهم...أتوق لذلك اليوم الذي لن يسأل السودانيين بعضهم البعض ذلك السؤال الاستفزازي من وين انت؟ امعاناً في العصبية ... ولن ينقطع الحلم بوطن واحدلكل الاحرار..
| |
|
|
|
|
|
|
|
|
|
Re: آها يا جماعة... الكلام دة إسمه حقارة!!؛ (Re: أبكر آدم إسماعيل)
|
الاخ عادل عاطي
لك والود والاحترام
العبودية والرق تكاد تكون موجودة في معظم المجتمعات ليست قاصرة علي العربية فقط وليس اللون هو اساسها كما يعتقد البعض والعرب كغيرهم من المجتمعات كانت عندهم تلك الصفة وجاء الاسلام وحاربها وانتهت يعني ارجو ان لا تربط بالعروبة ومسالة العبودية او الرق دي .
لماذا تفصل الشمال عن الجنوب والغرب والشرق انت الان تعمق الهوة وتدعوا دعوة غريبة بين السطور في كلامك كانك اختزلت حكومة الجبهة الفاشية اوي ديكتاتور مره علي السودان في الشمال واعتبرت ان اهل الغرب والجنوب والشرق محتاجين لتحرر من قبضة الحكومة الفاشية التي تمثل الشمال .
تعالوا نطلع من الحته دي تعالوا ندعو للسودان موحد كلنا اخوان لكن قبل كده لازم تتصافي القلوب وعلي من حانق ديق علي الساحر ما فعل الساحر وعلي من ثائر ابكر علي هوزي وعلي من غاضب عادل عاطي علي السنجك ماذا فعلوا جميعا ما ذنبهم انو ولدوا في هذه الفترة وورثوا ارث استعماري لا يد لهم فيه ان انهم يرزحون تحت وطاة حكومات ظالمة تعالوا نحاول نوجد لينا صيغة لوحده حتي هنا في البورد تكون نواة لتقارب وجهات النظر تعالوا ننسي الخلافات دي والاحقاد القديمة دي تعالوا نتسامح تعالوا نتفرغ للكيزان الموجودين في البورد الايام دي وبقوا يدخلو بمداخل عجيبة مرات بالشعر والمجاملات حتي يكسبوا ود الناس تعالوا نعريهم ونكشف مخططاتهم تعالو ننور بعض تعالوا نجند بعض ونخندق بعض ضدهم بدل ما ننفرالناس مننا ويكون صيد سهل للكيزان ويستمتع الكيزان الظلمة بالفرقة دي حتي يكون جاثمين في صدرونا للابد
تعالوا الان نرقص رقصة البدء
ونعلم ان نمد الكف نحو الشمس للدفء
تعالوا ايها الجوعي تعالوا ايها الفقرا
| |
|
|
|
|
|
|
|
|
|
Re: آها يا جماعة... الكلام دة إسمه حقارة!!؛ (Re: الساحر)
|
الاخ الساحر
تحية طيبة
ليست المشكلة سياسية وحسب في هذه الحكومة ؛ او غيرها من الحكومات الدكتاتورية ؛ ولو كان الامر كذلك لهانت ؛ ولكن المشكلة في العقلية التي تنتج مثل هذه الحكومة ؛ وتتقبل اة تتغاضي عن التطهير العرقي والقتل الجماعي اذا ما كان موجه لقوميات من غير الشمال والوسط المستعرب المتاسلم ؛ وتنتج ممارسات التهميش والاقصاء ؛ والتي تبدأ من مقولة يا عب ؛ وتنتهي بالحديث العنصري القبلي الذي تسمعه هذه الايام عن الزغاوة وعلوج الفاشر الخ الخ
كم من الحبر قد تدفق تضامنا مع اطفال وشعب العراق؛ في حين لم اسمع للمتباكين والمولولوين كلمة عن معاناة اطفال الجنوب وجبال النوبة وشرق السودان ودارفور؛ ااولئك بشر وهؤلاء بقر ؛ ام ان انتمائ هؤلاء المولولين للعراق اكثر من انتمائهم لمواطنيهم ؛ وتدور الحرب العنصرية التي تستخدم فيها ابشع الاساليب من القصف العشوائ والقتل من غير محاكمة واعدام القصر واغتصاب النساء منذ خمسة عقود؛ ولا تحرك في العقل والضمير الشمالي المستعرب المتاسلم شيئا ؛ اهو نقص المعلومات ام هي عقلية الاستعلاء فاضت حتي غمرت البسطاء والمضطهدين من قبل الحكومة في الشمال ؛ ولكنهم يشاركوها المشاعر في حربها ضد الجنوبيين والنوبة والغرابة ؟
المشكلة يا عزيزي مشكلة اجتماعية - فكرية - نفسية ؛ وهي اعمق بذلك من المشكلة السياسية ؛ ولن تحل دون مواجهتها ؛ دون مواجهة الارث الفبيح للاستعلاء والسيطرة المزروع في عقلية النخبة الشمالية ؛ والمنسحب بقوة الدعاية والايدولوجية علي بقية سكان الوسط الشمالي ؛ وليست هي كما زعم ابويوسف عقدة متحكمة بالجنوبيين وابناء الغرب ؛ بل هي اساسا مشكلة فقدان الشمالي المستعرب لهويته ؛ ومحاولته اكتسابها عن طريق وعي "عربي " زائف ؛ قائم حتما علي اضطهاد الاخرين
اعدم البشير ضباط شهداء في رمضان 1990 ؛ ولا زالت الاحتفالاات تقوم كل سنة في ذكراهم من مختلف المنظمات ؛ وهذا حسن ! السؤال هو : لماذالا تقيم هذه المنظمات احتفالا او تابينا او تذكيرا بذكري شهداء قرية كاوودا ؛ والتي ابيدت واحرقت بالنابالم ؟ ويقيني لو فعلت الحكومة هذا بالمتمة او رفاعة او كريمة ؛ لما صمدت يوما واحدا ؛ ولكن افعالها في الجنوب والغرب وجنوب كردفان تجد السكوت ؛ ان لم نقل التاييد ؛ من قبل العقل والضمير الشمالي المستعرب المتاسلم
اما الرق والعبودية ؛ فالعرب لهم باع طويل فيه قبل الاسلام وبعد الاسلام ؛ وهم من ادخلوه الي السودان ؛ او جعلوه ظاهرة احتماعية ؛ ولا تزال تعشعش في اذهانهم وهم يتعاملوا مع من هو ادكن لونا منهم ؛ ويمكنك ان تسال من يسكن بالخليج او بالعراق الصدامي الذي كان
وشكرا وانا في خندق المظلومين
والظلم ليلته قصيره
عادل
| |
|
|
|
|
|
|
|
|
|
Re: آها يا جماعة... الكلام دة إسمه حقارة!!؛ (Re: أبكر آدم إسماعيل)
|
Quote:
الاخت هوزي
مهما تعلم هؤلا الناس في جامعات ومعاهد بلاد بره
ومهما تلقوا من العلم
فان العنصريه موجوده في اعماق اعماقهم هم فقط
ولن ينسوا يوما انهم كانوا عبيدا
مهما حاونا نحن ان نمسح عنهم ما تربوا به
ولو جئنا بكل ماء الدنيا
لما اغتسلوا ولن يغتسلوا
سيظلون كما هم
يعانون من مركبات نقصهم
ولن تفلح محاولاتهم في نسيان ما ترعرع بداخلهم
والمثل بقول الفي بطنه ابو الحقرص براهوا برقص
والله ديل كان عاينتي ليهم بس بحسوا انه انت حقار وقاصد حاجه
عشان كده حقوا ما ندسها ونقولا ليهم في وشهم
الموضوع بيشمل ناس الغرب كمان
|
أوجه كلامي لبكري أبو بكر...
إذا كنت قد أوقفت محمد لأنه أساء للدكتور الموصلي
وأوقفت ود العمدة لأنه أساء لتماضر أو سمير ولكن ارجعته
أرجوك الإفادة بماذا انت فاعل في الإساءة أعلاه لكل ناس الغرب والجنوب الذين وصفهم ابويوسف بانهم عبيد؟
إنني لا نطلب لبن الطير ولكنني أطلب منكم كإدارة لهذا المنتدى ومالك له أن تبعد أبويوسف اليوم قبل الغد لأنه بحديثه هذا يثير مشاكلا الكل في غنى عنها وهو اول الكل
هل من مجيب أم أن الحكاية ستكون عايرة وأدوها سوط وكل ينزل في الآخر بما يريد وكما يريد دون حاكم أو كابح
ألمي حامي ولا لعب قعونج
| |
|
|
|
|
|
|
|
|
|
Re: آها يا جماعة... الكلام دة إسمه حقارة!!؛ (Re: أبكر آدم إسماعيل)
|
Quote: الاخ عادل
حاول ان تنسى انت في دواخلك انك عبد للشايقيه او عبد للجعليه
ثم نعود انا وهوزي وغيرنا من ابناء البحر كما تزعم لننسى
سالتني عن التاريخ
ولو راجعت انت تاريخ السودان الحديث واكرر الحديث
لعرفت من هو الزبير باشا
ولعرفت لماذا اطلقوا عليه لقب الباشا
|
الأستاذ بكري أبوبكر
هل ما ورد أعلاه وما أوردناه من قبل كاف لتوقيع عقوبة الطرد على أبويوسف ..أم ننذره ونلفت نظره كما سيأتي بعض المتحذلقين ويقولون اعطوه فرصة؟؟؟؟؟؟؟؟
هل تعلم ان أعظم النار من مستصغر الشرر؟؟
نتوقع تكرمكم بالرد علينا صرفا أو عدلا ونعلم فرق التوقيت
ألمي حامي ولا لعب قعونج
| |
|
|
|
|
|
|
|
|
|
Re: آها يا جماعة... الكلام دة إسمه حقارة!!؛ (Re: أبكر آدم إسماعيل)
|
Quote:
بالله يا عادل
من هو المتاسلم انا ام انت ،،،ام قد عماك مركب النقص الذي تحمله في داخلك سنين عمرك
ارجع الي تاريخ اهل البحر والحمد لله الذي جعلنا اهل بحر
وجعل غيرنا اهل صحراء ورمال |
هنا أدعو كل أولاد البحر وبنات البحر -إن كان للبحر أولاد وبنات غير الحوت والتماسيح والضفادع والقرنتي- وأخص الشايقية والجعلية الذي نصب أبو يوسف نفسه متحدثا باسمهم- أدعوهم إلى المطالبة معنا بطرد أبو يوسف من المنتدى مطالبة جماعية... ولكن إن كان هنالك تضامنا خفيا معه فلا تلومونا عندما نتصدى للرد عليه إذا لحقكم رأس الصوت وأصابكم رشاش مما سنكتب في ردنا عليه...
فالمثل بقول: قولة عر بتسوق الحمير
وأبويوسف -هداه الله- قال بالفم المليان كل ناس الغرب والجنوب عبيد!!!! فهل انتم موافقون معه على الرأي الذي قاله .. فإن كانت الإجابة لا فاثبتوا لنا ذلك بالكتابة منددين بما قال مطالبين بطرده من البورد.... وإن كانت الإجابة الصمت... وهو من علامات الرضا فلا تلومونا على ما سنورد في ردّنا عليه وما قد يصيبكم من أذي فقد تأذينا بسبب واحد منكم نصّب نفسه متحدثا باسمكم ولم تردوه, وحينها تكون على نفسها جنت براغش
والله المستعان
ألمي حامي ولا لعب قعونج
| |
|
|
|
|
|
|
|
|
|
Re: آها يا جماعة... الكلام دة إسمه حقارة!!؛ (Re: Elmosley)
|
الاستاذ الموصلي
لا عاش من رد لك طلبا
انا من اليوم لن اشارك في هذا البوست بناءا علي رغبتك ؛ واعتذر للجميع اذا كانت هناك اي عنصرية في كلامي ؛ ولكني متمسك برايي ان هناك مشكلة نظرة عنصرية استعلائية تسود في الشمال بين النخب والجماهير ؛ وما ابويوسف الا التعبير الصريح في البورد عنها ؛ اما الاخرون فيظهروها باشكال ملتوية ؛ وهي التي تحكم تعامل هذا النظام مع مناطق الغرب والجنوب والشرق وشعوبها
ساحاول ان اشرح وجهة تنظري في بوستات اخري ؛ وشكرا للجميع
عادل
| |
|
|
|
|
|
|
|
|
|
Re: آها يا جماعة... الكلام دة إسمه حقارة!!؛ (Re: أبكر آدم إسماعيل)
|
بسم الله الرحمن الرحيم
الحلوين د. أبكر والأستاذة هوزي
لكما التحية والصفح
زمان أنا كنت صغير وقبل ما أدخل المدرسة كان عندنا واحد شغال في الجنوب .. أها لمن جاء راجع جاب معاهو ولد صغير من الجنوب إسمو (ماتيو)
أها أنا وحسب جهلي وعدم تعليمي في الوكت داك سألتو قلت ليهو
إنت يا ماتيو هسع كان إتحاربو السودان والجنوب البغلب منو؟
فرد علي قائلاً
جنوب ما ياهو سودان ذاتو
ودي كانت أول مرة أعرف فيها أن السودان هو الجنوب والجنوب هو السودان
لكما حبي وتقديري
| |
|
|
|
|
|
|
|
|
|
Re: آها يا جماعة... الكلام دة إسمه حقارة!!؛ (Re: cantona_1)
|
بسم الله الرحمن الرحيم
كنتونا ون صاحبي
سلام وإحترام وحب وإعتذار
طبعاً أنا إخترت ليك كلمة (صاحبي) لأني بحبها أكتر من كلمة صديقي أو عزيزي .. لأنها كلمة فيها براءة .. علها تشفع لي الخطأ القاتل الذي وقعت فيه بدخولي لهذا البوست أولاً وعدم قراءتي لما كتبه أبو يوسف وأخوته وأخواته ثانياً .. وصدقني يا صاحبي أنا كل الذي قصدته الطرفة وتلطيف الجو ولكن يبدو أني فشلت في أن أكون طريفاً بل وكنت سمجاً وثقيل الدم .. وإن لم تغفر لي وترحمني لأكوننا من الخاسرين لهذه الصحبة الوليدة
نحن للقومية النبيلة
ما بندور عصبية القبيلة
تربي ضغاين وبيلة
تزيد مصائب الوطن العزيز
صاحبكم بدرالدين شنا
| |
|
|
|
|
|
|
|
|
|
Re: آها يا جماعة... الكلام دة إسمه حقارة!!؛ (Re: cantona_1)
|
عزيزي كانتونا
صدقني انا لم اطالب بابعاد محمد ولن اطالب بابعاد احد
لانني اكره هذه الكلمه
ولكنني اطالب المخطئين بتصحيح اخطاؤهم وعدم تكرارها
عزيزي ابو يوسف صدقني انني اكن لك كل الاحترام
والتقدير ولكنني فقط تالمت من خطا كبير لم نتعوده منك
وانتقدتك فيه بكل اخوه
ونرجو ان تعود بعد ان تهدا الامور قليلا
كما ارجو منك ان تقرا مواعيد البوست الذي انزلته انا وبوست ابو يوسف ستجد انني سابق له
وانا الوحيد يا كانتونا الذي طالب ابو يوسف باعتذار واضح
وانا طالبت بقفل البوست لانه امتلا بعنصرية كريهة شارك فيها كثيرين للاسف
بينما الاثنين الاساسيين في البوست
وهما د ابكر وهوزي لم ينجرفا في هذا التيار العجيب
| |
|
|
|
|
|
|
|
|
|
Re: آها يا جماعة... الكلام دة إسمه حقارة!!؛ (Re: أبكر آدم إسماعيل)
|
الاخ عادل عبد العاطي.
أنه من المؤسف بأن يكون بأن هناك أشخاص يكتبون في هذا البورد بهذا الصورة العنصرية, لكن الذي يؤسفني حقا هو صمت وتجاهل أضاء البورد في أدانة مثل هذا السلوك المشين.
الأخ كانتونا.
نعم أنا أقف معك, على الأخ بكري واجب تنظيف البورد من أبو يوسف وأمثالهم, اليوم وقبل الغد. لقد سئمنا دور الأجاويد ودور المجاملين في البورد, مثل فلان هذا طيب وفلان ذلك لا يقصد, سئمنا التلاعب بالألفاظ. نحن نريد البيان بالعمل.
Deng.
| |
|
|
|
|
|
|
|
|
|
Re: آها يا جماعة... الكلام دة إسمه حقارة!!؛ (Re: أبكر آدم إسماعيل)
|
الساكت عن الحق شيطان اخرس
ليس صبا للزيت فى النار
ولكن ما نحتاجه حقيقة ليس مجرد كلمات اعتذار تقال هنا ونذهب ززما نحتاجه تغيير كامل للذهنية المتعامل بها فى وسط وشمال السودان
نحتاج لاحساس حقيقى بالاخوة بيننا جميعا تجعلنا ان الم منا عضو تداعينا له كلنا بالسهر والحمى..
عنى انا زززانا ااااسفة لما كتب الاخ ابو يوسف وارجو ان يراجع نفسه
| |
|
|
|
|
|
|
|
|
|
Re: آها يا جماعة... الكلام دة إسمه حقارة!!؛ (Re: أبكر آدم إسماعيل)
|
العزيزة هـوزي..لك السلام وكل الاحترام
نعم لك الحق المشروع في السؤال..وبعيدا عن المماحكات وما تحتمله صيغة سؤالك من دلالات مثيرة..وبعيدا من تأجيج النيران..وافتراض انك فعلا في حاجة للمعلومة..اليك هذه المقتطفات المقتضبة املا ان تكون ذات فائدة وقيمة يمكن ان تساعدك في تكوين صورة عن شعوب السودان المسكين..
من خلال مشاركاتك العديدة ، وكما ذكر احد الاخوان مشكورا ، بانك غيورة على حاجتين العرب والمسلمين..العرب خليهم شوية..لكن ندخل من باب غيرتك على المسلمين..وأهل دارفور هم جزء اصيل من هذه الملة..وبالتالي..حسب المنطق..هم كانوا أجدى بان يكونوا جزء من غيرتك..اللهم الا اذا كان الاسلام في ذاته اصبح خشوم بيوت ولانستغرب ذلك في هذا الزمان المدهش..المهم..ما علينا
*كانت مملكة دارفور واحدة من الممالك الاسلامية في الوسط الغربي من افريقيا..ويوم كانت البعثات العلمية تذهب بغرض العلم..الذي كان تعليما دينيا اسلاميا..كان لدارفور جناح "رواق" عظيم في الأزهر الشريف..وفي بعض الأحيان كان ملوكها يتكفلون بكسوة الكعبة الشريفة من حر مالهم
*بالنسبة لتأريخ السودان الحديث..فان دارفور هي اخر جزء خضع للمستعمر الانجليزي..وقد سقطت بعد مقاومة شرسة في يوم 23-مايو-1916 واخر سلاطينها السلطان على دينار
*و عند لحظة الاستقلال..تقدم النائب عبدالرحمن دبكة..وهو نائب من دارفور..باقتراح طالب فيه باستقلال السودان التام عن التاج الانجليزي والمصري
*هنالك عدة تشكيلات سياسية انشأها اهالي دارفور لكي يعبروا من خلالها عن مطالبهم المشروعة..فكانت جبهة نهضة دار فور.. حزب سوني..اللهيب الأحمر..التحالف الفيدرالي..وغيرها من التنظيمات
*بعد الاستقلال اصبحت تعرف بمحافظة دارفور..ثم قسمت الىشمال وجنوب دارفور..وحاليا اصبحت شمال وجنوب وغرب دارفور
من مدنها نيـالا..الفاشر..الجنينة..كــتـم..زالنجي..الضعين..ام دافـوق..وغيرها
وبها جبل مرة..الذي كنا نتعلم في المدارس السودانية بأنه أعلى القمم في السودان ومن اجمل المناطق السياحية في القارة
*هنالك عدة تجمعات وتشكيلات سياسية انشأها ابناء الأقاليم والمناطق المهمشة..وذلك لاسباب ودوافع عديدة منها الظروف الاقتصادية والسياسية والاجتماعية والثقافية..ومعظم مطالب هؤلاء البشر بسيطة تتركز في محورين
اولا..العدالة والمساواة في التنمية وتوزيع ثروات الوطن
ثانيا..المشاركة في السلطة كغيرها من التنظيمات او الاحزاب الحاكمة
المصدر..عمر عبد الرحمن
"التجمعات الأقليمية"
وردت المقالة في"التنوع
الثقافي وبناء الدولة الوطنية
في السودان"ـ الناشر مركز
الدراسات السودانية1995
بالنسبة لسؤالك من اين اتي هؤلاء ومن هم؟
فلقد اتوا من صلب الظلم والمعاناة وعدم المساواة ودهور السكوت الطويلة التي ادمنوها لحد الغيبوبة ..ولم يكن صمتهم خوفا أو غشامة و انما كان من باب الأدب عسى لعل ان يرعوي الأخرون
أما من هم.فهذه اكبر من المماحكات والغمز واللمز والتدليس الثقافي والمعرفي والسياسي..والاستهبال كمان
في النهاية ياهوزي يا صديقة..المسألة ليست مسألة افراد وانما هي مسألة تيار وعي هادر..كانت مهمته ولازالت تغبيش الرؤى والمفاهيم وتفريخ احكام القيمة المتعسفة في حق الاخرين
ودمت
الأخ ابويوسف..سلام واحترام
لفتني في احد ردودك ان الناس اتعلمت في بلاد بره
بعد اذنك..احب ان أزودك بمعلومة بسيطة..أبكر ادم..وانا اقول ابكر..من غير حوافي من جنس دكتور..استاذ..مبدع..الى اخرها..هو انسان عادي جدا..بسيط..خلوق..تلقى تعليمه الابتدائي والمتوسط والعالي في كردفان ..واحسبها بحساب البعض من بلاد بره..اما تعليمه الجامعي كان في بلاد جوه في جامعة الخرطوم..وهو انسان عصامي..عميق..تهزه كل الجراحات التي انتابت السودان ولازالت..ولازال يحلم بدولة المواطنة التي يمكن للجميع ان يلعبوا فيها بحرية
ولقد دفع قسرا للهجرة والمنفى مثل بقية الأصيلين من بنات واولاد السودان
وفي تقديري هو سوداني اصيل..ولكن ليس مثل سودانية عبود التي يتندر بها البعض
ودمت
محمد النور كبر
| |
|
|
|
|
|
|
|
|
|
Re: آها يا جماعة... الكلام دة إسمه حقارة!!؛ (Re: أبكر آدم إسماعيل)
|
السيد بكري أبوبكر
بعد السلام
ألف شكر على استضافتك الكريمة لي خلال هذا الزمن الذي قضيته عضوا في البورد . ولكن يؤسفني ان أقول لك انني إكتشفت انه ليس المكان الصحيح لوجودي فيه
فلربما أنا الغلط في المكان الصحيح ... ولا أقول العكس
لم أتعود ان يمسكني أحد من يدي التي توجعني مما تبيت صغير انا كدا
وعليه تكون مشكور ألف وزيادة إّذا تكرمت بشطب عضويتي في المنتدى فانا لا أحب ممارسة سياسة الخيار والفقوس ان تمارس علي.
لم تكن منصفا معنا نحن معشر الغرّابة والجنوبيين... كيف تطرد محمد لأنه قال كلاما على لسان الموصلي... كلام لا يضر لا ينفع.
وتعطي المدعو ابويوسف الذي قال ان كل ناس الغرب والجنوب عبيد تعطيه إنذارا فقط !!!!! دي ما مقبولة ...ودا الكيل بمكيالين... لكن انت صاحب الحق ... والريس يجيب الهوا من قرونه
وعندما عاد ووجه كلامه بصورة أكثر شخصية ورددت عليه الرد الذي يتناسب ومقامة قمت بعمل مونتاج لبوستي... برضو كتّر خيرك كتير
وربنا يوفقك في عملك
إلى اللأئي والذين عرفتهن وعرفتهم في فترة عضويتي في المنتدى لكم التحية والمودة ... وأطلب عفوكم وسماحكم إن كنت قد جرحت أحدا بكلمة او عبارة عن غير قصد .. وربنا يجعلها له في ميزان حسناته
واتمنى للجميع التوفيق في حلّهم وترحالهم
والسلام عليكم ورحمة الله وبركاته
كباشي النور الصافي
لندن .. بريطانيا
ألمي البارد بقد الدلو
| |
|
|
|
|
|
|
|
|
|
Re: آها يا جماعة... الكلام دة إسمه حقارة!!؛ (Re: cantona_1)
|
اخي العزيز كانتونا يبدو انك لا تقرا البوستات بتمعن ودقه
محمد لم يوقف من اجل موضوعي الذي كتبته ولكن لاعتدائه بالقول
علي تماضر وحمزه واخرين انا لست من بينهم ولكنني شكوت الاسلوب الذي مسح به بوستاته
وانت الذي يصف الحديث عن الفن
اراك تنبري وبهمه للدفاع عن صحة الفنانين
مثل الزميل المبدع عبد الرحمن عبد الله
فان لم يكن هذا تقديرا للفن
قل لي اي نوع من التقدير هو؟
ولكم خالص الود
| |
|
|
|
|
|
|
|
|
|
Re: آها يا جماعة... الكلام دة إسمه حقارة!!؛ (Re: أبكر آدم إسماعيل)
|
Cantona.
I don’t think it is a good idea for you to leave the board for someone like Abu-Yousif. It is better to stay and to fights them racist people on this board. So I am asking you as a brother to stay, so we can finish the incomplete business around here.
Deng
| |
|
|
|
|
|
|
|
|
|
Re: آها يا جماعة... الكلام دة إسمه حقارة!!؛ (Re: أبكر آدم إسماعيل)
|
من خلال متابعتى للردود على ماطرحه د ابكر ادم اسماعيل
تبين لى ان عدد كبير من المشاركين يتصور ان معالجه مثل هدا السلوك
تتم بالسكوت عنه، واعتقد ان د ابكر ادم اسماعيل، فى عرضه لهده الحاله وغيرها تجاوز الخاص (اى الحاله المعينه) فى اتجاه العام (اى السلوك وعلاقته بوعينا عموما) المباشر وغير المباشر. عليه فان معالجه هكدا سلوك تتم بهتك حجبه’ حتى نستطيع القول ان هدا المنبر يساهم فى حل المعضلات المتعلقه بالانسان السودانى
| |
|
|
|
|
|
|
|
|
|
Re: آها يا جماعة... الكلام دة إسمه حقارة!!؛ (Re: أبكر آدم إسماعيل)
|
To Abu Yousif & all racist people on this board.
Until the philosophy which holds one race
Superior and another inferior
Is finally and permanently discredited and abandoned
Everywhere is war, me say war
That until there is no longer first class
And second class citizens of any nation
Until the colour of a man's skin
Is of no more significance than the colour of his eyes
Me say war
That until the basic human rights are equally
Guaranteed to all, without regard to race
Dis a war
That until that day
The dream of lasting peace, world citizenship
Rule of international morality
Will remain in but a fleeting illusion
To be pursued, but never attained
Now everywhere is war, war
And until the ignoble and unhappy regimes
That hold our brothers in Angola, in Mozambique,
South Africa sub-human bondage
Have been toppled, utterly destroyed
Well, everywhere is war, me say war
War in the east, war in the west
War up north, war down south
War, war, rumours of war
And until that day, the African continent
Will not know peace, we Africans will fight
We find it necessary and we know we shall win
As we are confident in the victory
Of good over evil, good over evil, good over evil
Good over evil, good over evil, good over evil
"BOB Malrley Song" ( WAR)
Deng.
| |
|
|
|
|
|
|
| |
أبكر آدم إسماعيل
عاطف عبدالله
cantona_1
alsngaq
ودقاسم
james
مهيرة
ايهاب
Elmosley
zola123
shiry
Deng
ABUHUSSEIN
Mohd Mubarak
abuelsora
PLAYER
Abdel Aati
BousH
beko
tariq
احلبوا)
ALZOLZATOO
intehazy
بدرالدين شنا
Kabar
abdelgafar.saeed
فيس بوك
تويتر
انستقرام
يوتيوب
بنتيريست