|
|
 سِحر المُشاط !!
|
بما انه ده اسبوع التكسير في المنبر
نقوم نفتح باب المكسرين في ما يسمي بـ "المُشاط"
ياخ المشاط ده بيعمل حاجات غريبة ..
بيخليكـ مرات تحركـ يدكـ لتلامسه او تتحسسه دون ان تفكر..
بما انني ممن يستفذ المُشاط كوامن احاسيسهم ..
كثيرا ما يتبادر الي ذهني بعض من الاسئلة علي شاكلة..
متي و اين فكر الناس في هذا الاختراع الجميل ..
هل هي عادة افريقية ام هي عادة مستقطبة من قارات و دول اخري !!
حاولت كثيرا ان ابحث عن معلومة بهذا الخصوص و لم افلح ..
و معلوم انه "المشاطات" شتيمة "لناقل/ة الحديث" ..
وهن ذائعات الصيت بانهن يطربن مجالسهن اثناء تأدية عملهن بنقل الحديث مع إضفاء بعض من البهار حتي يحلو ..
_
بوست غير مفخخ يا نجوان 
|
|
 
|
|
|
|
|
|
|
 Re: سِحر المُشاط !! (Re: Maawya Hussein)
|
سلام يا ذوق
لم افهم اسبوع التكسير دي علي وزن شنو يا ربي
انت ما عندك شغلة غير صور البنات وتسريحات البنات
لكن الموضوع لذيذ وتوثيقي بعيدا عن السخف حقي اعلاه
اذكر ان لوالدتي عليها رحمة الله مشاطة خاصة تمشط شعرها كل فترة وتوصله بما يسمي السلة (شعر اسود)
وبعد المشاط يتم تسكب عليه الكركار و المجموع لتقليل حدة الم شد الشعر وتقام علي شرف هذه الجلسة الدورية
مائدة تسعدني كثيرا... كما يستهويني ان اجلس بقربهم لألتقط بقايا الشعر واضيفها الي بتي العروس والصق عليها شعر ذيادة
ذكريات جميلة حليل الماما ومشاطة الماما .. بقينا نحن في حمام الزيت والمكوة والكوفير الكلو اجانب من لبنان و اثيوبيا
البارحة مشطت بت اختي مشاط يسمي شتات حسب لغة الشباب وطلعت أحلي من بتك الفي البروفايل بس خفت اختي تزعل لو ختيت الصورة
تحياتي يا قديم .. من زمن المشاط 
| |
|
|
|
|
|
|
|
|
 Re: سِحر المُشاط !! (Re: حيدر حسن ميرغني)
|
حيدر
يا صديقي .. أصدقكـ القول .. هذا حالي اليوم صباحاً ..
خصلات الشعر المتلاصقة و المتراصة بعناية فائقة تجعلكـ تسترق النظرات دون أدني حياء ..
فهي تبدل ملامح صاحبتها كلياً .. لتجعلها فاتنة فوق فتنتها
_
عليكـ بفنجان من القهوة المُرة لتبداء العلاج من مكامن العلة
| |
|
|
|
|
|
|
|
|
 Re: سِحر المُشاط !! (Re: DKEEN)
|
آبدول
Quote: رايتُ البرتقال...
بلا مُشاط بلا طمبور معاك.. |
قاتل الله الطمع
ما طعم البرتقال ان لم يكن علي فارعة يتهدل علي كتفيها و برتقالاتها بعض مُشاط يا صديقي !!
__
بركة المُشاط مرقكـ من كوامنكـ .. و هذا ما عنيته يا صديقي
| |
|
|
|
|
|
|
|
|
|
Re: سِحر المُشاط !! (Re: Emad Abdulla)
|
عمدة
صاحب الليل و صديق الهدوء و السكون ..
اخبرتكـ اليوم صباحاًانني لا اقراء لكـ الا ليلا يا صديقي ..
لكتابتكـ طعم خاص مع بداية اليوم الجديد مع فنجان القهوة ..
أتيت اليوم بفنجان قهوتي لااشرككـ استمتاعي بخصل شعرها الممزوجة ببعضها فيما يسمونها اصطلاحا "مُشاط"
كتب الشعراء و تغني الفنانيين غزلا في خصلات الشعر ..
لم استمع يوما الي من يمدح مزج هذه الخصل و ضمها الي بعضها تتعانق كما الاجساد ليلا
تبث اليكـ الطمأنينة و تغطي ما تبقي من اضاءة القمر حول ذلكـ الجسد الماثل امامكـ ..
تجبركـ علي ان تشهق ... و هي تلطمكـ اذ ما حاولت ضمها ..
__
ليلة بين خصلات ممزوجة .. تحتاج الي سنادات جانبية .. خالية من القطط
| |
|
|
|
|
|
|
|
|
 Re: سِحر المُشاط !! (Re: فيصل نوبي)
|
نوبي اللذيذ
جابت ليها كمان دور مشاطات أقصد موشاط ..
قلت :
Quote:
بما انه ده اسبوع التكسير في المنبر
|
منو العمل الأسبوع دا ومتين وكيف ولشنو ما دعيتونا ...؟؟؟؟؟؟؟؟؟؟
| |
|
|
|
|
|
|
|
|
|
Re: سِحر المُشاط !! (Re: طلحة عبدالله)
|
الاخ العزيز فيصل نوبى
عزيز ولذيذ ودمك خفيف
بس ما طلع الزيت وقلنا
ووب من جمال ناس زمان
لا بوهيه لا دهان .
وسحر المشاط دا بس امشى من
شرق السودان ولف ارتيريا
واثيوبيا كمان عشان تشوف
مع البساطة دى كيف شكل الحنان
واخاف عليك ما ترجع ونقول كان
وكان .
والبجنن هناك التشكيل والدوران
واذا باريت سبيبه واحده الا تسأل
دا مكانا ولا وين كانت مزروعه زمان .
ووصى دكين البرتقال كيمان كيمان لحدى
ما يزغلل ويرجع بدون اضان .
تحياتــــــــى
ســــــــــــيد
| |
|
|
|
|
|
|
|
|
 Re: سِحر المُشاط !! (Re: طلحة عبدالله)
|
طلحة يا رايق...
ما دام جابكـ "المُشاط" يبقا اتفقنا في شيء
جرب يوم تلاحظ لمُمشطة تتمايل و مُشاطها يتمايل لاهثا خلفها !!
___
الاسابيع دي اسال منها الرشاشة ود البشري ... موجوع هو بمصادرة بعض من ممتلكاته ..
| |
|
|
|
|
|
|
|
|
|
Re: سِحر المُشاط !! (Re: فيصل نوبي)
|
| Quote: عليكـ بشاكلة هكذا بوستات لتبقي في صدر المنبر اكبر فترة ممكنة |
لا ياخوي
إذا كان إلا كدا سدر البورد حد الله ما بيني و بينو
بمناسبة الكديسة
هاك المشاط دا
كفاك ولا أجيب ليك كلاتشي
| |
|
|
|
|
|
|
|
|
|
Re: سِحر المُشاط !! (Re: محمد البشرى الخضر)
|
نوبي
بوسـت لطيـف جدا والصـور تجملـه أكثـر
Quote: وسحر المشاط دا بس امشى من
شرق السودان ولف ارتيريا
واثيوبيا |
من نوع ناس ابو السيد دا ,, عرفنا المشاط الاقليمي
وزي مشاط راوية دا بسموهو السودان قفـل (بس قفل ليه ,,, أنا ما عارف)..
من الحاجات الطريفـة في جلسـة المشاط ,,, الطـقـوس ,,, السجائر البرنجي (ابو كاس ذهبي) للسـت المشاطـة,,, والجبنـة المستمرة
ومن الطقوس المشهورة في وسـط السودان (الشعقيقـة)
طبعا دي إلا تجيبو شيقوق يشرحها ليكم
تحياتي
أحمـد الشايقي
| |
|
|
|
|
|
|
|
|
|
Re: سِحر المُشاط !! (Re: أحمد الشايقي)
|
حبوبة بتقول :::
اعوذ بالله الجليل الرحيل !
دا كلو عشان انا قلت لى راويه مشتطك دى عاجبانى الاقيك وين ؟؟؟؟
يانوبى ياخ اضانك بى وين ؟؟
عالم جبانات
| |
|
|
|
|
|
|
|
|
|
Re: سِحر المُشاط !! (Re: دينا خالد)
|
دندونة 
حبوبة كانت بتتمشط ! ..
دايره تجيبي لينا الكلام مع راوية انتي صاح !!
نقول سمح يبقي غزل . نقول ما سمح يبقي جر مشاكل ..
سمح المُشاط في خشم سيدو
جيبي اضانكـ دي هنا ياخ
__
عالم ما بينخافش عليها
__
| |
|
|
|
|
|
|
|
|
|
Re: سِحر المُشاط !! (Re: أحمد الشايقي)
|
احمد الشايقي
معلوماتكـ شديدة
Quote: من الحاجات الطريفـة في جلسـة المشاط ,,, الطـقـوس ,,, السجائر البرنجي (ابو كاس ذهبي) للسـت المشاطـة,,, والجبنـة المستمرة
ومن الطقوس المشهورة في وسـط السودان (الشعقيقـة)
طبعا دي إلا تجيبو شيقوق يشرحها ليكم |
بس اذا شرحت لينا الشعقيقة تكون ما قصرت
__
حاولت أجيب معناها لكن لم أفلح ..
| |
|
|
|
|
|
|
|
|
|
Re: سِحر المُشاط !! (Re: fadlabi)
|
هوي يا فاضلابي
إنت قايل مدينة ما بتكبر و تقرأ عربي و ترجم لأمها
واولاد الحلال ما شاء الله كتار
بتلقى البدلها على الإرشيف
| |
|
|
|
|
|
|
|
|
|
Re: سِحر المُشاط !! (Re: طارق جبريل)
|
طارق جبريل يا صاحب التليشة ..
Quote: والله جيت اسلم بس
مافي اي نية مبيتة
تليشة:
الكسير خليناهو زمان لمن كنا طُلب |
الحالة قلت لي جاي تسلم ساي ما مبيت نية.. كيس والله..
لكن يا اخوي النصيبة دي لو كنت جيت زرتنا بجاي حينوبك ثواب وأجر عظيم ..
أنجلينا جولي !!
------------
فيصل نوبي .. جاييك برواقة .. عندي كلام وتصاوير كتيرة في هذا المجال الحيوي
| |
|
|
|
|
|
|
|
|
|
Re: سِحر المُشاط !! (Re: محمد نور أحمد)
|
ابو حميد
| Quote: جاييك برواقة .. عندي كلام وتصاوير كتيرة في هذا المجال الحيوي |
في انتظار التصاوير و الروقة ..
__
اكيد الشريف يشاركنا تِكِسِر المُشاط
| |
|
|
|
|
|
|
|
|
|
Re: سِحر المُشاط !! (Re: طارق جبريل)
|
طارق يا حبيبنا
تعرف كل فترة بفتش النت عشان اجيب صور جديدة لحبيبتي أنجلينا و اخبارها..
ما لاقتني صورة ممشطة خالص .. بعدين بيني و بينكـ القلب ما بيستحمل ..
هي بلا مُشاط ِمكسرة ضلوعنا .. لامن تنمشّط نمش وين بعد داكـ !!
كان لقيت ليكـ واحدة بالله ما تبخل بيها علينا
واذا لقيتها ما بتنزل في المنبر رسلها ايميل
__
متابع الجرائد المغربية
| |
|
|
|
|
|
|
|
|
|
Re: سِحر المُشاط !! (Re: bushra suleiman)
|
بشري
ياخ مشتاقين كميات ..
صورة معبرة شديد .. و فيها معاني أكتر من المُشاط زاتو ..
جلابة و كده ( الله يستر علينا من بشاشا )
__
طوباتكـ عيّنة ربنا يحفظهم.
| |
|
|
|
|
|
|
|
|
|
Re: سِحر المُشاط !! (Re: فيصل نوبي)
|
بس بيقولوا انو اجدادنا النوبيين القدماء هم اول من استعملوا المشاط
ودى لوحات من مطبوعات المتحف البريطانى توضح انو دا كان قبل 1400 سنه قبل الميلاد
| |
|
|
|
|
|
|
|
|
|
Re: سِحر المُشاط !! (Re: فيصل نوبي)
|
Quote: انتي شفتي مداخلة تيسير فوق هنا ..
ولا جاية شايتة ساي |
والله يا نوبى وما طالبنى حليفة
من مما شفت البوست دا فى راسى راوية العباسى
بس تقول شنو الله غالب
وغايتو ما شفت مداخلة تيسير الا اسى دى لمن لكزتنى...
اشوف كيفن مع الجن الراكب البورد اليومين دى..
كسير كسير شديد.. رجال على نسوان الله يكضب الشينة ...
| |
|
|
|
|
|
|
|
|
|
Re: سِحر المُشاط !! (Re: Amira Elsheikh)
|
بت الشيخ
Quote: اشوف كيفن مع الجن الراكب البورد اليومين دى..
كسير كسير شديد.. رجال على نسوان الله يكضب الشينة ... |
اها و انتي وين مين ده !!
_
معانا و لا مع الخيانة !
| |
|
|
|
|
|
|
|
|
|
Re: سِحر المُشاط !! (Re: salma subhi)
|
الاخت سلمي
وانت بالف خير .. ربنا يحقق أمنياتكـ و يحفظ لكـ من تحبينهم ..
أثمن مجهودكـ في الصورة .. من الواضح انها "Scanned"*
_
علي ما أظن يسمونهم "المساير" صحيح !!
| |
|
|
|
|
|
|
|
|
|
Re: سِحر المُشاط !! (Re: فيصل نوبي)
|
رجعنا لي سيرة البرتكان و الذي منو تاني
ياخ لو ما كتا راجل مرا
كان شلتها في كتفك زي صاحبك المعفن دا و لَا شنو ؟
دكين يجعل لياليك كلها زي بتاعة اول امس ياخ
ما تجي بعد بكرا ،،،
ولَا اغشي ابو السيد و شاركنا الوداع من علي البعد ...
| |
|
|
|
|
|
|
|
|
|
Re: سِحر المُشاط !! (Re: حمد فتح الرحمن)
|
احوالـ حمد
و متين نحن وقفنا من سيرة البرتكان !!
نعيش في صقع من دروب الدنيا لا يعرف معني كلمة "موسمية" .. ما تشتهيه تجده امامكـ..
عليه يا صديقي .. بقي البرتكان فاكهة طول السنة ..
اي شيء ممكن يكون طول السنة الا المُشاط .. موسمي بحت
ولا ما كده !!
..
جيب لي ثابت ده سريع ..
__
بخصوص التانية ؛ مُش قالو البحر ما بيابا الزيادة !!
| |
|
|
|
|
|
|
|
|
|
Re: سِحر المُشاط !! (Re: salma subhi)
|
الاخت سلمي
مساهمتكـ حقيقي عميقة و الصورة معبرة جدا ..
اتمني ان تبحثي في ارشيفكـ عن المذيد ..
لك الاحترام و التحايا
__
أظن أنني قرأت ما قبل التعديل
| |
|
|
|
|
|
|
|
|
|
Re: سِحر المُشاط !! (Re: Kostawi)
|
يا خردة سلامات
الشعر الاشقر لا يلفت النظر حتي ان كان مُمشط
هي جميلة لكن ينقصها بعض من سُمرةٌ نعشقها
__
كدي حاول لوّن أديها شوية سُمرة و شوف الفرق
| |
|
|
|
|
|
|
|
|
|
Re: سِحر المُشاط !! (Re: الجندرية)
|
الجندرية..
هلت انواركـ أستاذتنااماني ..
و اتمني ان يطيب لكـ المقام و ننهل بعض من علمكـ..
Quote: البسموه المبروع وقد قالت حبوبة بتول عندما لاحظت تحديق الطبيب الذي اتى لعيادتها بالمنزل ودهشته من تمتعها بهذا القدر من الجمال في تلك السن:
هووووووووي يا جنا مالك بتعاين فوقي
ماني تمنة رمال مزروعة
بي طورية مي مقروعة
بنسف برمتي المبروعة
ولي سيدي الرسول مودعة
وغنت امي لهبة بتي وهي تسرح لها شعرها:
ياسلام منو
الديسو بارعينو
اماتو ما ادنو
والعاشقين جنو |
أكيد كانت ممشطة
| Quote: والمشاط المبروع يتم فيه مشط الضفيرة حتى النصف ويترك الباقي على سجيته، لهذا فقد كان يستخدم لصاحبات الشعر الناعم وطويل . |
هذا يطابق تماما الصورة التي أتي بها صديقي العزيز بشري سليمان اعلاه
معلومة عميقة جدا و اتمني ان تمدينا بالمذيد.
| |
|
|
|
|
|
|
|
|
|
Re: سِحر المُشاط !! (Re: Raja)
|
العزيزه رجاء
مشاطك لايقل جمالا من بتاع الجماعه الفوق ديل،، بل اجمل لانو طبيعى ميه الميه،،
وزادك جمال قعادك مع هولاء الصبيه وانت تآدين مهام جسام،،
لك التحيه ولاهلنا بدارفور
اسامه جعفر
| |
|
|
|
|
|
|
|
|
|
Re: سِحر المُشاط !! (Re: اسامة جعفر)
|
رجاء
لنا الشرف يا صديقة ..
صورتكـ دي فيها حاجات كتيرة جميلة .. أكان دورتها تاني ما بتنفكي مني
احسن الم لسان كيبورديني عليو
__
أسامة جعفر لكـ التحايا.
| |
|
|
|
|
|
|
|
|
|
Re: سِحر المُشاط !! (Re: فيصل نوبي)
|
Quote:
جرب يوم تلاحظ لمُمشطة تتمايل و مُشاطها يتمايل لاهثا خلفها !!
|
دا يتوقف علي جماليات خلفية أخري ...
لابدأن تكون مأكمة يضيق الباب عنها و...
هيفاء إن قال الشباب لها أنهضي ... قالت روادفها أقعدي وتمهلي ..
| |
|
|
|
|
|
|
|
|
|
Re: سِحر المُشاط !! (Re: محمد البشرى الخضر)
|
الاخ العزيز فيصل نوبى
Quote:
رايتُ البرتقال...
بلا مُشاط بلا طمبور معاك.. |
دكين ازعجك بالصوره دى وطوالى غيرت للاموره
الجميله الصغيرة .
تحياتــــــــى
ســـــــــــيد
| |
|
|
|
|
|
|
|
|
|
Re: سِحر المُشاط !! (Re: حبيب نورة)
|
أخي الجبيب
تحية لروحك الطيبة
يقال الشيء بالشيء يذكر .. المشاطة في زمن أمهاتنا كانت أجعص من الكوافير ، وأذكر أن المائدة لها كانت تعد بما يملآ العين لأنها بالطبع زي الحلاقين كثيرو الثؤثرة وكشف المستور.. وأذكر إنها جات يوم للوالدة وفي يدها خلطة أعشاب أعطاها لها المعراقي الفكي أحمدو وعرضتها على أمي على أنها تحيل ( الشعر حرير وضيل حصان) فقالت لها أمي أنها قانعة بعطية الخالق العطاي .. فقالت لأمي أنا حأجربها الليلة كان نفعت أبيعها على حبيباتي.. تاني يوم جاتنا الخالة هدية المشّاطة وإذا برأسها أصبح صلعة- كطريق مدني الخرطوم في عهده الذهبي - وليس به غير شعرة واحدة فقط حتى توفاها الله!!! ومشوا أولادها ( التُمنة) وفتحوا بلاغ على المعراقي الفكي أحمدو ومحل إقامته المزاد وعندما ذهب البوليس للقبض عليه كان المدعو أحمدو قد سمع بالخبر فأطلق ساقيه للريح وكان قريب يكون في (كانو) نهاية المطاف لم يعثر للمذكور على أثر والحسرة انو قبض منها (كتكتاية)زمن كانت الكتكناية قروش بالجد.. ومنذ ذاك اليوم كانت كل واحدة تشاكل واحة تدعي عليها وتقول ليهيا( الله يصلعك صلعة وصفت هدية بت على كُنّي)!!!
| |
|
|
|
|
|
|
|
|
|
Re: سِحر المُشاط !! (Re: محمد عبد الماجد الصايم)
|
Quote:
حبوبة بتقول :::
اعوذ بالله الجليل الرحيل !
دا كلو عشان انا قلت لى راويه مشتطك دى عاجبانى الاقيك وين ؟؟؟؟
يانوبى ياخ اضانك بى وين ؟؟
|
مايغلى عليك ياحبيبة
اتفضلي
نوبي قول الفي نفسك ولا يهمك
انت بتعرف زول اسمه بلو سكاي
| |
|
|
|
|
|
|
|
|
|
Re: سِحر المُشاط !! (Re: Rawia)
|
راوية
سلامات كُتارات ..
| Quote: قول الفي نفسك ولا يهمك |
دندونة صاحبتي دي بتاعت مغارز ..
اها لسه مُصرة اقول ؟
_
| Quote: انت بتعرف زول اسمه بلو سكاي |
بعرف صاحب البلوسكاي و بعرف بلوبيرد
ما بينفعو ؟
| |
|
|
|
|
|
|
|
|
|
Re: سِحر المُشاط !! (Re: فيصل نوبي)
|
Quote: انت زاتك ازيك
بالمناسبة مداخلاتك بتوقف الزول |
بخير وعافية .. وشكرا على سؤالك عن شخصنا الضعيف
وبحضرة جلالك يطيب الجلوس .. مهذب أمامك يكون الكلام
| |
|
|
|
|
|
|
| |
فيصل نوبي
Maawya Hussein
محمد البشرى الخضر
حيدر حسن ميرغني
Sabah Hussein
Emad Abdulla
sama7
تيسير عووضة
طلحة عبدالله
سيد محمد احمد سيدنا
دينا خالد
fadlabi
طارق جبريل
محمد نور أحمد
bushra suleiman
salma subhi
نيازي عبدالله مرحوم احمد
حمد فتح الرحمن
أبو عبيدة البصاص
ملكة سبأ
الجندرية
Kostawi
Raja
حبيب نورة
معتصم محمد صالح
محمد عبد الماجد الصايم
Rawia
فيس بوك
تويتر
انستقرام
يوتيوب
بنتيريست