يا قلب سلامات و مشتاقين عارفة ذكرتيني شنو ؟ التبروقة متذكراها ؟ شكرا علي الشرح عارفة حالة اخوكـ لكن خمنت انه يكون بايت او ما شابه لانه مكان كتابته كان معناه كده
__ دعواتي ان تكوني دوماً بخير ( رعاكـ الله ).
11-27-2007, 12:10 PM
abuguta abuguta
تاريخ التسجيل: 04-20-2003
مجموع المشاركات: 8276
حسين يا بتاع صدام حسين مشكلتكـ الوحيدة انكـ صهيوني .. تعرف كلما نجيب سيرتكـ في نقاش الكورة هنا مع شباب من قراء المنبر بيقولو لي حسين ياتو حسين بتاع صدام حسين
برضو بيكونكـ طرحكـ فطير لما تطلع من علبكـ و تقول علي سيد البلد ما تقول.. نحاول نسمو بأنفسنا شوية حلوة نسمو دي مش كده.
_ سلم لي علي عاصم ابوحجل ما نسيت الاسم المرة دي و قول ليو أظهر ياخ .. بكري قطع راسنا بالمسنجر ده ياخ
11-27-2007, 12:29 PM
فيصل نوبي فيصل نوبي
تاريخ التسجيل: 09-16-2005
مجموع المشاركات: 14194
القلب النابض .. سلام وتحية ... تعرفي زمان كنت قايلة انو كلمة فطير بتطلق فقط على البعملوا في الاعراس يوم الصبحية داك ... اها شاءت الظروف اني اصاحب شايقية مغرمة باكل اهلها ... علمتني القراصة .. والفطير .. هسة مرات باكون قاعدة وفجاة باقول لصاحبتي .. اعملي لي ملاح ويكة بفطير ... وآكله بمزاج ... بس باللبن والزبادي ما جربتو... للمغامرة حدود ...
11-27-2007, 12:23 PM
Ishraga Mustafa Ishraga Mustafa
تاريخ التسجيل: 09-05-2002
مجموع المشاركات: 11885
علينا ان نحترم طرح بعض لو كان فطير ولو فسيخ معمول منو شربات كركدى والله فكرة {نحن} و {الآخر} دى كلما تنوم فى رأسى تعشعش تانى يعنى لو قعدت احلل الكلام ده بلقى انو ازمتنا كلها بتكمن فى نفى الآخر وعشان انفيك ممكن اعمل كل حاجة/ ديناميت قاتل/ قنابل كلامية/وفطائر... حسع انا مالى والكلام الكبار كبار ده نرجع للفطير احسن
اشراقة ...
دي نقطة مهمة جدا ... كيف نناقش الاخر ونحترم طرحه حتى لو اختلفنا معاهو في وجهات النظر ؟؟!!
في حالة الاختلاف ... كيف نخلي النقاش موزون وماشي في خط مستقيم بدون اعوجاج او ميلان خارج اطار الموضوع الاساسي ؟؟
هل اثبات صحة وجهة نظري يستدعي اعلان الحرب ؟؟ واستخدام كل الاسلحة المتاحة ؟؟
لك التحية والود .. وخلينا نتلاقي بهناك في بيت البكا بتاعنا ...
والله الاكتئاب مش هكر الروح وبس ... دة هكر الدم واللحم والشحم والعضام زاتها ...
11-27-2007, 12:47 PM
نجوان نجوان
تاريخ التسجيل: 04-01-2006
مجموع المشاركات: 2641
Quote: تعرفي زمان كنت قايلة انو كلمة فطير بتطلق فقط على البعملوا في الاعراس يوم الصبحية داك ...
وانا كنت فاكرة نفس الشئ يا سناء إلى ان دخلت هذا البوست .. وعرفت انه في فطير بياكلوا كمان مع شئ غير السكر في بيت عرس.. وفوق كل ذي علم عليم ____ شكرا نوبي على إتاحة الفرصة للتعلم
11-27-2007, 12:55 PM
sanaa gaffer sanaa gaffer
تاريخ التسجيل: 11-16-2006
مجموع المشاركات: 1238
Quote: وانا كنت فاكرة نفس الشئ يا سناء إلى ان دخلت هذا البوست .. وعرفت انه في فطير بياكلوا كمان مع شئ غير السكر في بيت عرس.. وفوق كل ذي علم عليم
العزيزة نجوان ... تفرحني رفقتك في اي مكان .. وما عارفة ليه !! ... هسة ينط زول يقول ليك عاملين فيها حناكيش غايتو الفضل لصديقتي الشايقية في معرفة الفطير المن غير سكر ..
تخريمة : والله مشتاقة لفطير الصبحية ابو سكر ..
ممكونة .. انتي وين ؟؟ ما عندكم فطير ؟؟ يعني الكعك وقلنا الموسم انتهى .. اها دة عندو موسم برضو ؟؟ ما تحنو علينا ياخ .. انشاء بطرد دي اتش ال ..
11-27-2007, 01:41 PM
فيصل نوبي فيصل نوبي
تاريخ التسجيل: 09-16-2005
مجموع المشاركات: 14194
د. إشراقة سلامات و تحيات كتارات .. علي قول صاحبتي التي افتقدها شيماء. طرح فطير دي كلمة عجيبة بالجد ياخ لذيذة عديل كده.. عجبتني و ما كنت فاهم معناها .. لكن بعد ما فهمتها عجبتني اكتر يعني المفروض الزول ما يتحسس منها علي حسب ما ورد في هذا (الخيط*) ملحوظة خارج الموضوعنوبي اصلا ما عنده موضوع بالجد لمن اكون فاضي بهابش هنا.. و مبروكـ الوجوه الضاحكة .. جربيهم هنا .. و اذا بقدر اساعد اديني خبر لانه ما عندي موضوع
ملحوظة خارج الموضوع بالجد المرة دي يعجبني تواضعكـ و سعة صدركـ .. أتابعكـ عن كثب .. تاني تحيات كتارات.
11-27-2007, 12:41 PM
ملكة سبأ ملكة سبأ
تاريخ التسجيل: 06-18-2003
مجموع المشاركات: 3855
اما البعملو في في الصبحية داك ياسناء فنحن غايتو بنقول ليهو (فطيرة) بالتا المربوطة
اما البتأكل بملاح الويكة دا اسمه (الطبطاب او الطاب) وهي درجة بين الفطير والقراصة
يعني انتي لو جيتي تتعلمي تعوسي فطير ماحاتكوني ماهرة من أول مرة فلازم تمري بمرحلة الطبطاب دي وفطيرك يحردو ليك نحن في البلد بنعوس الفطير بحرف اليد وشوشوة شديدة لمن تتعلمي غايتو ، ناس خالاتي وبناتهم في الجزيرة حناكيش وبيعوسو الفطير بالقرقريبة والعجين كلو بطلعو في (المواصة) ..
ــــــــــــــ يا نوبي انا من زماااااااان من المنبر دة، ماعندي ادنى خلفية عن موضوع الفطير دة، لكن بس انتهزتا الفرصة بكري حيرنا بقينا الا نرسل (السلامات الكتارات) بالطريقة دي جووووووووة البوستات
11-27-2007, 04:24 PM
فيصل نوبي فيصل نوبي
تاريخ التسجيل: 09-16-2005
مجموع المشاركات: 14194
Quote: اما البعملو في في الصبحية داك ياسناء فنحن غايتو بنقول ليهو (فطيرة) بالتا المربوطة
اما البتأكل بملاح الويكة دا اسمه (الطبطاب او الطاب) وهي درجة بين الفطير والقراصة
يعني انتي لو جيتي تتعلمي تعوسي فطير ماحاتكوني ماهرة من أول مرة فلازم تمري بمرحلة الطبطاب دي وفطيرك يحردو ليك نحن في البلد بنعوس الفطير بحرف اليد وشوشوة شديدة لمن تتعلمي غايتو ، ناس خالاتي وبناتهم في الجزيرة حناكيش وبيعوسو الفطير بالقرقريبة والعجين كلو بطلعو في (المواصة) ..
الملكة .. ازيك .. الطبطاب دي جديدة علي ... صديقتي تولت مهمة ازالة جهلي بالمصطلحات المغرقة في الخصوصية .. اها كلمة الواقود دي ما عرفت معناها الا لمن سمعت عقد الجلاد بيغنوا مسدار السرة للقدال ... اتعلمت ( اقطع ) القراصة .. لكن مرحلة عواسة الفطير باليد دي لسة بدري عليها ... هسة يا بلقيس انتي كلامك دة زاتو فيهو حاجات محتاجة ترجمة وما قدرت آكل الفطير بالروب لاني ما باحب الروب .. لكن كدة نحاول باللبن ونشوف ...
تحياتي ليك .. ولكل المعاك بدون فرز ...
11-28-2007, 08:00 AM
ملكة سبأ ملكة سبأ
تاريخ التسجيل: 06-18-2003
مجموع المشاركات: 3855
Quote: هسة يا بلقيس انتي كلامك دة زاتو فيهو حاجات محتاجة ترجمة
قربتي تقولي لي :
لو استمع إليك سليمان لاحتاج لترجمان
القرقريبة : دي حاجة من السعف (اظن كدا) بيعلو بيها الكسرة المواصة: دي موية بختوها في اناء عشان يغسلو فيها القرقريبة بين الطرقة والطرقة (طرقة الكسرة) الدوكة : دي البيعوسو فيها الحاجات دي (من قراصة وكسرة وفطير) ويطلق عليها ايضا الصاج لقيط : جمع من يجمع فهو مجموع الواقود او الويقود : فكتر خير القدال وكدا
مديدة الحلبة برضو بتكوني عرفتيها منهم
ممكن اشرح ليك حاجة قريبة وهي : الموص : ودي كسرة بتتبلى في موية ويضاف إليها السكر وأحيانا الحطنية وتخلط بالخلاط او المفراكة واخيا تهرس بالأيدي .. بعملوها الناس المازينا نحن (انا وإنتي) وننصح بيها أخونا نوبي
ودا طبعا غير البقولو ابوساندرا اختصارا او تدليلا لعزيزنا الموصلي
11-28-2007, 08:00 PM
sanaa gaffer sanaa gaffer
تاريخ التسجيل: 11-16-2006
مجموع المشاركات: 1238
Quote: ممكن اشرح ليك حاجة قريبة وهي : الموص : ودي كسرة بتتبلى في موية ويضاف إليها السكر وأحيانا الحطنية وتخلط بالخلاط او المفراكة واخيا تهرس بالأيدي .. بعملوها الناس المازينا نحن (انا وإنتي) وننصح بيها أخونا نوبي
تشكري يا ملكة على الشرح الوافي ... بس كلمة واحدة الغلبتني ( الحطنية ) دي ما عرفتها ... غايتو شكل الخلطة لذيذة ودسمة وممكن تساعد نوبي على الانتقال من وزن الريشة الى وزن ( ناس نحنا )... اقول ليك كلام ؟؟؟ نفسي في ملاح سبروق ...
11-27-2007, 01:46 PM
Frankly Frankly
تاريخ التسجيل: 02-05-2002
مجموع المشاركات: 35211
السخيفة الكيشة وصلت أفتقدتكـ أول أمس و بحثت عنكـ في هذا (الخيط) لغة المثقفين دي مرات بتعمل وجع حلق في الكتابة.. مختفية مالكـ ما لاقية ليكي طرح فطير ولا حتي احباط فطير
__ العنوان عندكـ .. ما تقولي لي راح .. عشان ما اقول ليكـ يا فطيرة
11-28-2007, 07:41 AM
فيصل نوبي فيصل نوبي
تاريخ التسجيل: 09-16-2005
مجموع المشاركات: 14194
واذا زادت سماكته فهو قراصة اهل الوسط من الخرطوميين السنة الناعمة واما اذا تكلست فهذه الا الميلوحة وعند اخوتنا في شمال الوادي الفطير مشلتت من الشلاليت اما في الباكستان فيسمى براته
فيصل نوبي يا فطير بي اللبن مشتاق ليك
11-27-2007, 01:32 PM
نجوان نجوان
تاريخ التسجيل: 04-01-2006
مجموع المشاركات: 2641
كفانا الله و اياكم شر العواسة.. العواسة الفكرية مصيبة كبيرة .. لانه الاصرار علي الخطاء .. أفدح من الخطاء نفسه .. تصل لدرجة التجلط كما هو حال (البراتة الباكستانية)
__ نفتقدكـ .. في الدار .. أظهر أدينا طلة
11-27-2007, 01:31 PM
فيصل نوبي فيصل نوبي
تاريخ التسجيل: 09-16-2005
مجموع المشاركات: 14194
نوبي ما بسألك إنت مش جبتها كرونتها مكسورة إنت بعد كسرتها خليتها قبلها عديل وجيت تلولح في المفتاح أيا هداك الله اغاب عن ضعيف شخصك و فطير طرحك القول الماثور خير اللعب ما كان أرضا
11-27-2007, 02:36 PM
حسين يوسف احمد حسين يوسف احمد
تاريخ التسجيل: 08-17-2005
مجموع المشاركات: 4490
امشي يا جهوي وكمان فطير.... لما بتعمل حقاني يا نوبي مفروض تقول الحق كله اولا ما هبشتك في زولتكم الكنتو بتطبلوا ليها عملت اضان الحامل طرشاء على منو يا فطير انت!! عايزه اعرف ما رديت علي ليه؟؟؟؟؟؟هناك؟؟
Quote: عارف يا نوبي هذا ما كنا نقوله نحن ناس كندا عن بوست نور تاور المسكوت عنه سودانيا لاننا كمقيمن هنا كانت توصف بعض الناس بطريقه تجعلنا نعرف تماما من تقصد لذا تجد تداخلات ناس كندا معها معدومه تماما لاننا كنا نرى ان ما تفعله هو شيل حال ودق طار...ومن وجهة نظرها ويمكن فيها شمار وثوم حسب خلافها مع الشخصيات لذا ربما اتفهم عبارتك هذه:
Quote: لا يعجبني فيها ( ضربكـ للامثال بالشخصيات بالتفصيل الممل عن الشخصية حتي انه ان كان هناكـ من يعيش معكـ في نفس المدينة او يعلم عنهم ابسط المعلومات قد يعلم من هم .. و هذا قد يُعد تشويه لسمعتهم )
شكرا لاثارتك لهذه النقطه.
العزيزه عواطف لا دخل لردي هذا بموضوع البوست وهذه نقطه عامه اشتركت لاول مرة مع نوبي في الاتفاق عليها.وعشان تعرفي الموضوع ماشخصي وانما مدارس مختلفه في تشخيص المشكله اتمنى ان تتابعي في منبر سودان فور ال حوار هاله الكارب وصراع الاجيال بين نساء الحزب الشيوعي انفسهم يعني رغم انتمائهم لحزب واحد الا انهم مختلفات,تحياتي وتقديري.
بعدين يا ريت كان مسعنا راي قريبتك القلب النابض سيدة نساء البورد كما تدعي احيانا مالها لبدت في موضع البنات السائبات؟؟ولا بس بتعرف للشغل الجهوي؟؟؟؟
ما كان تجي القلب النابض وتورينا راي الاسلام ولا سكتت لزوم التطبيع مع بقية الجلابيات التدقميات الوقفوا الف احمر لعواطف؟؟؟؟
لا واظرف حاجه شنو لقيت لك نوبي عامل فيها تقدمي هناك وبيدافع عن ناس دينا خالد؟؟؟ WAW تطور ملحوظ يا نوبي...عارف لو علي يحصل شنو؟؟؟؟ تختفي كل اصوات ناس الهامش من هنا ونقعد نتفرج فيكم انا متأكده انكم حتقطعوا بعض زي ما ناس سودان فور ال قاعدين يقطعوا في بعض الآن
11-27-2007, 03:21 PM
Ishraga Mustafa Ishraga Mustafa
تاريخ التسجيل: 09-05-2002
مجموع المشاركات: 11885
Quote: نحنا منو ياتراجى؟ وكيف يقطعوا بعض؟ هم منو؟ اوعى يكون ديل الجلابيات التقدميات؟ وناس سودان فوراول بيقطعوا فعلا فى بعض ولا بيتحاوروا؟ وهم دخلهم شنو بموضوع البوست ده؟
انت سمي حوار وانا بسميه تقطيع في بعض. دخلوا بموضع البوست انه الجهويه بتخليكم تتكموا الكوم الشايفه ده يعني نوبي يوم يعمل فيها نصير للقلب النابض ويوم لدينا خالد مع فارق معسكراتهم الفكريه واتفاقهم في انحداراتهم العرقيه. وعايزيني اسميها شنو؟؟؟؟ ولما حتى اتفقت معاه عمل ما شايف ولبد ما رد بس عشان ما عايز يقول يوم اتفق مع تراجي؟؟شفتي الجهويه دي قدر شنو؟؟؟؟ دخلهم ضرب مثل يا اشراقه
Quote: وهم دخلهم شنو بموضوع البوست ده؟
للبيحاول يقول انه طريقتكم في دارة الحوار كلها راقيه وباقي الناس بتدافس بس وبتستخدم العنف اللفظي. ودخلهم انه محاولات جلابة المنابر للتصوير انهم في معسكر واحد وباقي الناس في معسكر آخر وما ان نختفي الا تبدأ الناس في تقطيع بعضها. ولو بتسمي الحصل بين بولا وحسن موسى وعادل عبد العاطي ده حوار !!...ده طرفي من الحوار.
11-27-2007, 06:47 PM
Tragie Mustafa Tragie Mustafa
تاريخ التسجيل: 03-29-2005
مجموع المشاركات: 49964
Quote: نحنا منو ياتراجى؟ وكيف يقطعوا بعض؟ هم منو؟ اوعى يكون ديل الجلابيات التقدميات؟ وناس سودان فوراول بيقطعوا فعلا فى بعض ولا بيتحاوروا؟ وهم دخلهم شنو بموضوع البوست ده؟
انت سمي حوار وانا بسميه تقطيع في بعض. دخلوا بموضع البوست انه الجهويه بتخليكم تتكموا الكوم الشايفه ده يعني نوبي يوم يعمل فيها نصير للقلب النابض ويوم لدينا خالد مع فارق معسكراتهم الفكريه واتفاقهم في انحداراتهم العرقيه. وعايزيني اسميها شنو؟؟؟؟ ولما حتى اتفقت معاه عمل ما شايف ولبد ما رد بس عشان ما عايز يقول يوم اتفق مع تراجي؟؟شفتي الجهويه دي قدر شنو؟؟؟؟ دخلهم ضرب مثل يا اشراقه
Quote: وهم دخلهم شنو بموضوع البوست ده؟
للبيحاول يقول انه طريقتكم في دارة الحوار كلها راقيه وباقي الناس بتدافس بس وبتستخدم العنف اللفظي. ودخلهم انه محاولات جلابة المنابر للتصوير انهم في معسكر واحد وباقي الناس في معسكر آخر وما ان نختفي الا تبدأ الناس في تقطيع بعضها. ولو بتسمي الحصل بين بولا وحسن موسى وعادل عبد العاطي ده حوار !!...ده طرفي من الحوار.
11-27-2007, 07:06 PM
فيصل نوبي فيصل نوبي
تاريخ التسجيل: 09-16-2005
مجموع المشاركات: 14194
تراجي علي عجلة من أمري لظروف عائلية و لكني اتابع البوست بقدر الامكان بجيكـ صاد .. لكن في سؤال في بالي من كم يوم ..
طرحكـ خمّر و صار غير فطير .. اللي بيكتب ليكـ او بيكتب معاكـ منو
_ لا أنكر انني ناصرت دينا خالد (مع ان زمن تواجدي في البوست سبقها) لاتفاقي مع ما طرحته .. و لا انكر انني تجاهلت مداخلتكـ ولكن ليس للابد .. لم اتركـ ذاكـ البوست مع انه غير مرحب بي هناكـ.. بإختصار بغض النظر عن توجه الاخت دينا خالد أو العزيزة جدا القلب النابض.. وإن اتفقتا في خط معين .. لا يعني اتفاقهما في الخطوط الاخري .. لم تعجبني طريقة ( الطرح الفطير ) في ذاكـ البوست او ما سبقه .. لي عودة بالتفصيل إن أذن الله .. كوني صبورة ..
11-27-2007, 07:27 PM
Ishraga Mustafa Ishraga Mustafa
تاريخ التسجيل: 09-05-2002
مجموع المشاركات: 11885
لسة سؤالى قائم بتفتكرى كل اللى تداخلن فى البوست المعنى هن جلابيات؟ وفهمك شنو لجلابيات تقدميات؟
يا دكتوره ما تحكيها شديد كده .. اصلو مرات كده بنكتب حاجات بتكون جات عفوا او نكتب بس من اجل الكتابه وطقطقه الاصابع وكدا........... ولو مصره شديد انا اظنها زى الفطير بالسليقه زى ما قالت القلب النابض فى استخدام الفطير ( تخيلو فطير بالسليقه ) و تحياتى
11-28-2007, 07:20 AM
عمران حسن صالح عمران حسن صالح
تاريخ التسجيل: 11-26-2004
مجموع المشاركات: 10159
يا نوبي إزيك الطرح الفطير (نسخة مُعدَلة) ... New version ( للحنك البيش ) .. ( مع حفظ كامل للحقوق ) لـ عمر الفاروق الطرح الفطير للمواضيع الجادة ... والحنك البيش ( لونسة الأخوان ) .... ...... تمبس زيارتو واجبة جداً لهذا البوست ( الما فطير )
11-28-2007, 10:29 AM
فيصل نوبي فيصل نوبي
تاريخ التسجيل: 09-16-2005
مجموع المشاركات: 14194
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
فيصل نوبي
القلب النابض
عارفة حالة اخوكـ 
abuguta
...
طلحة عبدالله
معتصم محمد صالح
tmbis
حسين يوسف احمد
Ishraga Mustafa
نجوان
.. 
ملكة سبأ
Shayma
Frankly
الطاهر عثمان
نادر محمد الراضي
قرشـــو
د.محمد حسن
محمد البشرى الخضر
Tragie Mustafa
Rawia
حيدر حسن ميرغني
Raja
malik_aljack
رقم صفر
يوسف الولى
عمران حسن صالح
mamkouna
فيس بوك
تويتر
انستقرام
يوتيوب
بنتيريست