|
دعواتكم لزميلنا المفكر د.الباقر العفيف بالشفاء العاجل
|
|
 Re: أحب رشا ... ( سالب فؤاي و ما عليك انا في جحيم مشتاقة ليك ) ... (Re: فيصل نوبي)
|
كيفك يا روميو ...
طبعا الفنانة رشا شيخ الدين عندها أغاني مبالغة جدا في الساحة وعلى ما اعتقد عندها كم اسطوانة في السويد وتم توزيعا في أوروبا ولاقت نجاح شديد ..
الحاجة التاية انو الفنانة رشا بتغني باللغتين الان[ليزية والعربية وأنا استمعت ليها في حفل تكريم عملتو ليها فرقة كواتو الفنية لمن جات السودان قبل حوالي سنة وفيها صوت جميل جدا تحس كدة انو قريب من صوت الفنان أمال النور ..
صنفرة :
من أجمل أغاني الالبوم اغنية (يا سودان معليش حكموك ناس الديش) !!
| |
 
|
|
|
|
|
|
|
|
Re: أحب رشا ... ( سالب فؤاي و ما عليك انا في جحيم مشتاقة ليك ) ... (Re: هاشم نوريت)
|
هاشم نوريت
Quote: انتو شنو اليومين ديل الحب بقى على الهواء مباشرة؟
اقعدوا فى حب بنات الناس لما يوم تموتوا كمد
غايتو كان شفتك ماشى فى حلتنا ساى الا العكاكيز كان تعباك. |
عليك الله يا نوريت شوف البنية دي ..
و أسمع صوتها .. و طريقة أدائها .. و تخيل انو الاغاني دي ما حقتها ..
شوف لو بقت الاغاني حقتها و كلمات ليها براها ح تطلع كيف ...
العكاكيز حقتكم عسل علي قلبنا يا ود نوريت ..
اها تجي ولا نجي .. في مطار ابوظبي ...
| |
|
|
|
|
|
|
|
|
|
Re: أحب رشا ... ( سالب فؤاي و ما عليك انا في جحيم مشتاقة ليك ) ... (Re: عشة بت فاطنة)
|
تعرف يا فيصل لما اتوفى العم شيخ الدين رحمة الله تغشاه وجاء الأخ هشام مشينا أنا واخونا عثمان المهندس ومعانا الخال محجوب شريف أتم الله صحته وأعاده لمحبيه سالم معافى يارب
المهم قعدنا كدا وكان الدنيا مغربيه شربنا الشائ وقام هشام مشى نادى رشا وبعد أديناها الفاتحه قعدت إتونست معانا شويه كدا والكلام جاب الكلام وقلنا للاستاذ محجوب رشا دى عندها صوت رنان التفت على وقال لى ياخى صلى على النبى انت يازول داير تشكر فنانه والله مذيعه وضحكنا وعندما طلب منه هشام ان تتغنى رشا ببعض قصائده وافق وبحماس تحسه فى صوته وأبدى كامل استعداده ودون قيد او شرط لكن انا سافرت وهشام سافر وكمان رشا وحتى الان ما عارف الحكايه دى وصلت وين ياريت هشام يعمل لنا أبديت
مع تمنياتى للخال محجوب بالشفاء العاجل الكامل شفاء لا يقادر سقما يا
أكرم الأكرمين يا رب
وشكرا ليك يا نوبى على هذا الامتاع
| |
|
|
|
|
|
|
|
|
|
Re: أحب رشا ... ( سالب فؤاي و ما عليك انا في جحيم مشتاقة ليك ) ... (Re: WAD ELGAALI#4)
|
ِWAD ELGAALI#4
أشكرك يا ود الجعلى على هذه الكلمات النيرة ، تصدق ما زال صدى تلكم الجلسة فى مخيلتى لم يبرحها قط ، وكل ذلك الجمال (المحجوب شريفى) يسطع فى دواخلنا ، نسأل الله العلى القدير ، رب العرش العظيم أن يوافى محجوب شريف صحة وعافية وشفاء لا سقم بعده
رشا ، حتماً ستغنى لمحجوب شريف ، وهى بالطبع تتشرف بذلك ، وسأظل مواصلا (دفراتى) لها حتى استمتع شخصيا بترنيمها لأغنيات ذلك القامة الذى لا يأتى السودان بمثله
كما اشكر أختى (عشة بت فاطنة) على كلماتها الحلوة ، وأؤكد لها إننى أفهم نوع حب فيصل نوبى ، لرشا ، وحب كل معجبيها وهذا طبعا مما يثلج صدرى ويسعدنى ،
شكرا
| |
|
|
|
|
|
|
|
|
|
Re: أحب رشا ... ( سالب فؤاي و ما عليك انا في جحيم مشتاقة ليك ) ... (Re: WAD ELGAALI#4)
|
ود الجعلي
أشكرك علي المعلومة القيمة
Quote: تعرف يا فيصل لما اتوفى العم شيخ الدين رحمة الله تغشاه وجاء الأخ هشام مشينا أنا واخونا عثمان المهندس ومعانا الخال محجوب شريف أتم الله صحته وأعاده لمحبيه سالم معافى يارب
المهم قعدنا كدا وكان الدنيا مغربيه شربنا الشائ وقام هشام مشى نادى رشا وبعد أديناها الفاتحه قعدت إتونست معانا شويه كدا والكلام جاب الكلام وقلنا للاستاذ محجوب رشا دى عندها صوت رنان التفت على وقال لى ياخى صلى على النبى انت يازول داير تشكر فنانه والله مذيعه وضحكنا وعندما طلب منه هشام ان تتغنى رشا ببعض قصائده وافق وبحماس تحسه فى صوته وأبدى كامل استعداده ودون قيد او شرط لكن انا سافرت وهشام سافر وكمان رشا وحتى الان ما عارف الحكايه دى وصلت وين ياريت هشام يعمل لنا أبديت
مع تمنياتى للخال محجوب بالشفاء العاجل الكامل شفاء لا يقادر سقما يا
أكرم الأكرمين يا رب
وشكرا ليك يا نوبى على هذا الامتاع |
و لك مني هذه
يا صاحب المعراج نور المدينة
| |
|
|
|
|
|
|
|
|
 Re: أحب رشا ... ( سالب فؤاي و ما عليك انا في جحيم مشتاقة ليك ) ... (Re: Rasha Hatim)
|
Quote: يا فيصل
رشا دى أختى الصغيرة ، هى آخر العنقود فى منزلنا أنا (البكر) وهى (الحتالة)
شكرا على إيرادك هذا البوست الظريف
تحياتى
هشام |
غايتو عيني عليكم بارده يا آل شيخ الدين .. أفهم أن يخرج واحد من القبيلة يحمل شعلة الإبداع وينثرها زهراً مؤتلقاً على كل الأصقاع .. أما ما شاء الله ثلاثة من بيت واحد "تسلم البطن الجابتهم" ...
نوبي .. أكاد أن أقسم بالله العظيم وأنا صادق بأنني لم استمع طوال حياتي لمثل هذا الصوت الملائكي الرخيم .. نوبي المبدع الخرافي .. جزاك الله عنا كل خير ... ولو سمحتم لي فأنا من اليوم بموث في رشا وتماضر وهشام كمان لو ما عاجبك ...
ينصر دين دينك با نوبي ...
| |
|
|
|
|
|
|
|
|
|
Re: أحب رشا ... ( سالب فؤاي و ما عليك انا في جحيم مشتاقة ليك ) ... (Re: إدريس محمد إبراهيم)
|
Quote: نوبي .. أكاد أن أقسم بالله العظيم وأنا صادق بأنني لم استمع طوال حياتي لمثل هذا الصوت الملائكي الرخيم .. نوبي المبدع الخرافي .. جزاك الله عنا كل خير ... ولو سمحتم لي فأنا من اليوم بموث في رشا وتماضر وهشام كمان لو ما عاجبك ...
ينصر دين دينك با نوبي ... |
و ينصر دينك يا ادريس
تعال أشرب معانا كأس موية لكن ما زي كأسك داك
كأس نقي هنا .. :اسك داك مخليك دايش لا تفرز رندا لا رشا ..
أصحي للون 
| |
|
|
|
|
|
|
|
|
|
Re: أحب رشا ... ( سالب فؤاي و ما عليك انا في جحيم مشتاقة ليك ) ... (Re: القلب النابض)
|
يا نوبى
حبك ده طالع مع رشا بى الخسارة
قول لى كيف!!!
انت هسى نزلت الCD كلو هنا و اى يزول ح يعمل ليهو download بالمجان
اها ال ح يشترى الcd ده منو طالما موجود هنا for free
تقوم تدفع 100 يورو عشان الdamage العملتو ده،
واى زول عمل download يدفع ما يعادل خمس/ة يورو -هو اليورو ده مذكر ولا مؤنث-
وانت مسؤول توصل القروش دى لى هشام وبعدين انا وهشام بنتفق حول العمولة بتاعتى -حق
الفكرة- واحتما اقنع هشام يعفيك من المية يورو لو الناس كلها دفعت
_____________________
انت عارف يا نوبى نحن ما بنشجع الفن ولكن بنحبو وده ما كفاية...التشجيع الحقيقى للفنان انو الواحد يشترى الاسطوانة او الكاسيت- ما بتفرق معانا العشرة ولا الخمستاشر دولار، لكن بتعمل للفنان الكتير...بتساعدو فى ان يتعامل مع استوديوهات افضل وتوفر ليهو المادة الممكن تخليهو المرة الجاية يقدم/يخرج لينا فن وعمل اجمل ...تخيل الفنان السودانى زاتو عندو قناعة انو الفن ده ما وظيفة "بتْعيِش"... تلقاهو شغال شغلة تانية- الجزار، الترزى، وهلمجرا- عشان يعيش والفن كدة ما ح يواكب تطلعاتنا عشان نشوفو فن منافس افريقيا، عربيا، وعالميا
مودتى
ما تنسى ال مية بتاعتك
| |
|
|
|
|
|
|
| |
فيصل نوبي
خالد عبد الله محمود
AMNA MUKHTAR
saif massad ali
Rasha Hatim
ناذر محمد الخليفة
عشة بت فاطنة
معتصم الطاهر
هاشم نوريت
عمران بابكر بدري
saif basheer
يازولyazoalيازول
WAD ELGAALI#4
عبدالكريم الامين احمد
JAD
قرشـــو
إدريس محمد إبراهيم
محمد الامين احمد
برهان تاج الدين
Hafiz Bashir
Tumadir
عمر عبد الخالق سعيد
القلب النابض
Yassir Tayfour
ابو عثمان
غادة عبدالعزيز خالد
ناصر البطل
ayman haroun
عنيده
رأفت ميلاد
فيس بوك
تويتر
انستقرام
يوتيوب
بنتيريست