مبروك للعريس الذي بداء تسخينته وافراحه من ارض وسماء الدوحة... وشكرا نادوس وفيصل... ونعتذز بشدة عن عدم الحضور لاسباب فنية خارجة عن الارادة... وبالله الصور (بس ما تزعلوا محمد عبدالرحمن وبهاء بكري)... يعني بالعربي كده خلو الصور تنزل الناس سمحيين وناييريين
08-28-2006, 05:04 AM
بدر الدين الأمير بدر الدين الأمير
تاريخ التسجيل: 09-28-2005
مجموع المشاركات: 23401
الوجيه بدر الدين : جهدك كان مقدرا : وسافرد لك كلمات تعبر عن بهجتك واظن ترحاس كانت مشاركتها تعبيرا عن التواصل الاجتماعي وعن تلاقي الشعوب وما بين الخرطوم واديس روابط عامرة ، والاثيوبيات ملكات يبدعن رقصا وشهدناهن على ايام طيب الذكر (مهرجان الثقافة) ، وتفوقت عليك واخرين !بس كانت لفته جميلة
شكرا جميلا على نثر الفرح هنا وهناك، وشكرا لجميع الاخوة والاخوات الذين زينوا ليلتنا، وأبتهجت حتى حيطان منزلنا العامر بكم، وبمحبتكم، وبمحبة عريسنا الجميل عصمت الدسيس -ود الاشلاق وهذا حزب فروعه تنتشر في كل أصقاع السودان والانتماء له لا فكاك منه - والتحية لعروستنا ميسون (أختي الصغيرة) الحاضرة في كل تفاصيل يومنا وأيامنا الماضية، وأقول ليها الآن أفزعتني الصدف أكثر-
طبعايا فيصل انا كنت أمني نفسي بجلسة يتمدد في الفكر والسياسة، لقناعتي بأننا لم نعتصر ودالدسيس بما يكفي، وكنت أعد ليلتنا لوضح الجبهة الديمقراطية/الشيوعي، حق، والأمة على طاولة التفكيك، وأن أتحرش بثلاثتهم بدواخل عصمت، ولا أعتق محمد سليمان وبهاء وآخرين، أعددنا عدتنا ووزعنا المهام، ولكن يبدو أن الحبيب محمد عبدالرحمن وآخرين-بعض الحقانيين قد تآمروا بليل ليحيلوا ليلتنا فرحاً، وقد يكون وبعض الظن حق، لينجوا بحزبهم من طاولة العمليات.
كنا نفضلها ليلة سياسية ولكن تاتى الرياح كما لا تشتهى السفن الف مبروك ،،،، عصمت الدسيس وشكرا نادوس وابنوسة ولك فيصل الزبير ذو القلم الرشيق وتابع لينا سرد الامسية السياسية وناس بدر الدين هنا مابيقصرو
08-28-2006, 07:16 AM
Omar Bob Omar Bob
تاريخ التسجيل: 02-02-2005
مجموع المشاركات: 2543
و بقيت ( تبع ) بدر ؟؟؟ .. حليل أبوي . لكن .. يغفر لك كرم أبنوسة و شقاوة شوشو .. و يغفر لك العشاء اللذيذ ( و إن كنت أفتقدت أم فت فت ) .. و عصمت المسكين الماشي يقع على قدومو .. ( فرحان أوي يا خويا ؟؟؟؟ ) .. أديها صنّه بس .. و بعد داك تعرف الله واحد يا عصمت .
و مش العمودية دي !! .. أها ده طرفي منها .. وبرضو أخوك لسه نيرانو برّه : أنا الشافو خلو .. و حجر الظلط .. و الكيك .. و أب زرد .. و .. زول طيب خلاص . ـــــــ دعاء ( سري ) : ( و جعلنا من بين أيديهم سدا و من خلفهم سدا فأغشيناهم فهم لايبصرون ) .. عشان يجعل كلامنا خفيف على ( الراجيني في البيت ) .
08-28-2006, 08:09 AM
Hussein Mallasi Hussein Mallasi
تاريخ التسجيل: 09-28-2003
مجموع المشاركات: 26230
1_ صرف اوفر تايم للضحية (ترحاس) علي الرقص الايقاعي بتاع امس..(المادة 17) من قانون العمل القطري.. 2- نشر كل صور ودرملية ومن كل الزوايا والاتجاهات 3_نريد ان نعرف الاسباب الحقيقية لدبرسة محمد عبدالرحمن.. 4-عدم نشر العضو عمران لما فيها من دبلجة ومونتاج القصد منها حسم معركة قديمة لصالح الكهل الاربجي..
فيصل الزبير واصل الوصف...والوصف الدقيق بالله...!!!!
08-28-2006, 05:01 PM
معتز القريش معتز القريش
تاريخ التسجيل: 07-07-2006
مجموع المشاركات: 11347
بتقوّل الصور المابيتقال .. .. و تجيب لينا الطراوة مع أم العيال ( عشان يفرحوا ناس ديك العدة و ملاسي متلقي الحجج ) .. يديك العافية .. و أحسن تكتب الحكيتو لي داك .. وللا كمان أنا خشمي خفيف .. يا هندسة .
و يابدر .. ( الحمام بيولفوهو بموية السكر ) .. و ما بطال الزول يكون حمامة .. السّكر مرغوب في زمن المساخة ..
أما كبيرنا نادوس .. ( بالعمر و المقام ) فالفيهو انعرفت .. و باكر الفولة بتتملي .. و البقارة بتجي .
أبنوسة ( أم العريس ) .. كريمة و أريحية في كل شي .. و شالت الناس فوق إبتسامتها .. رغم الحزن في القلب .
أسلحة الدمار الشامل بتاعت بدر أبت تشتغل مع رادارات الأيواكس بتاعت رندا .. و عمران كان بياكل بلح رُطب طول الأمسية .. و خاتي الرحمن في قلبو .. .. سرك باتع يا رندوك .
قلت لعصمت : صحن الحنة الراجيك كبير خلاص .. قال لي : عندي حساسية .. ( و تحت تحت كده صرح تصريحات خطيرة .. ما تسمعا ميسون ) .. : عصمت زول خجول و جميل .. وديع لدرجة .. و بتلخبط قدام المشاعر الحلوة بتاعت الناس .. و بيتحول لغول في حواراتو الفكرية و السياسية .
عمر بوب .. كان بس مهموم ياخد الـ late permission عشان يبرر ابتسامتو الراجع بيها البيت .. ( رغم أن العلاقات بين دول الجوار في القرن الأفريقي كويسة والله ) .. شكيتك على الله يا بدر الدين كان تورت نفسنا .
محمد عبدالرحمن .. الليلة و الليلة .. أنا خشمي و عندي .
ود رملية طلع فشنك في هز الكتف .. و دمه الأمهري طلع .. شربات ساكت .
فيصل الزبير .. يا زول يا جميل .. دايما رايق و رزين و .. بسام .
بهاء الدين .. جه متأخر و عملا كلها نقة مع أستاذنا محمد سليمان و عصمت .. و الحبيب محمد عبدالرحمن كان بيراقب ( بتوجس ) ..
معاوية جه متأخر برضو .. و أنيق .. سمعت معتز الظلامي بيقول : تلقاهو كان بيعشي الكلب ..
قلنا لمعتز يوطي صوت الأورغ .. قال : العجايز البينزعجو و يخافو على بقية حاسة سمعهم يطلعوا بره بالله .. أنا و محمد سليمان و عبدالجليل و بدر و .. تاني منو ؟؟ طوالي سكتنا
مليون مبروك لعصمت .. ووالله يا ميسون إنتي زولة بخيتة و سعيدة ساكت .. الله يسعدكم .
و شكرا نادوس و أبنوسة .. على ليلة حلوة .. تشبهكم /brown]
(عدل بواسطة Emad Abdulla on 08-29-2006, 03:27 PM) (عدل بواسطة Emad Abdulla on 08-29-2006, 05:08 PM)
المهندس : معتصم الطاهر : تحياتي ابدعت في نشر الصور وهي بالتاكيد توثق للحدث الجميل منذ ان شهق الفلاش ، وهي بالتأكيد افضل من (ألف) كلمة ، وتسجل ايامنا في الدوحة ولن ننساها ، ولن تنزل عليها ستائر النسيان او تمر عليها عجلات الزمن ، بل ستظل ذكرى خالدة ، ومشاركة ودالدسيس فرحته . ود الطاهر : خليك خفيف على العمدة فالفنان يكون دائما شفيفاوحساسا ، ولكنه يكون حاضرا بكل الالوان وجماليات المشهد ، فهو ان كان صامتا فكما قيل فإن في الصمت كلام ، او لعله تحدث لنفسه وكانه يحلم برسمة للحفل واجزم انها ستكون مدهشة ، بس ياود الطاهر عماد ايضا يجيد فن الكاركاتير يعني خلي بالك يمكن يرسمك .
نتابع جلسة ود الدسيس في منزل معاوية العامر : ماذا قال عصمت الدسيس عن نفسه ؟. يقول عصمت عن نفسه ( انا من الجزيرة ، وفي حياتي اشياء مؤثرة وتفاصيل شكلت حياتي ومواقفي ، فانا ودعسكرى تربيت في قشلاق البوليس ، وهو يشبه سكن العمال ، وتسود فيه المساواة ، والجمعية التعاونية ابرز معالمه ، ومن صور المساواة حتى ملابس العيد نشتريها منها ، وايضا في تقلبات حياتنا الاسرية عشت في قرية في مشروع الجزيرة لمدة ثمانية سنوات ، وتجسدت في هذه المرحلة شخصية المزارع البرجوازي الصغير ) ! تلك كانت اهم ملامح بدايات تكوين ود الدسيس في حراكه الاجتماعي !
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Faisal Al Zubeir
محمد امين مبروك
عبدالكريم الامين احمد
بدر الدين الأمير
nadus2000
عبد المطلب خضر عبد المطلب
-1.jpg)
معاوية الطيب
Omar Bob
Emad Abdulla
.
Hussein Mallasi
عوض حمزة
معتز القريش
معتصم الطاهر
lana mahdi
ابوبكر الامين يوسف
عمران بابكر بدري
Muna Khugali
فيس بوك
تويتر
انستقرام
يوتيوب
بنتيريست