و السلام الحار للأستاذة أمانى ،الأستاذ عثمان و الأطفال الميامين
قد أتيت يا أسامة بما لم تأتى به الأوائل ووظفت هذا المنبر لما تعجز عنه الرسائل
أثارت أشجانى معزوفة الأستاذ شرحبيل أحمد ولم أستطع سماعها كاملة ، فقد حرمت على نفسى كل ضروب الغناء ما خلا أغنية ـــحرمت الحب و الريدةـــ وذلك لأنها تقوى العزيمة و تجلد القلب...
أهدى لك و للأخت أمانى هذا المقطع الشعرى لأبى الطيب المتنبى
أحن الى أهلي وأهوى لقاءهم................ وأين من المشتاق عنقاء مغرب
فأن لم يكن الا أبو المسك أو هم............. فأنك أحلى في فؤادي وأعذب
كما أطالب معك بإلغاء قوانين سبتمبر ،سيئة الزكر،إطلاق سراح المعتقلين السياسيين و عودة الأستاذة امانى عبد الجليل للمنبر العام فكما إفتقدتها أنت كذلك إفتقدتها أقوام ....
سلامى لأهل Iowa City
متوكل مصطفى الحسين
11-26-2007, 09:35 PM
Abomihyar Abomihyar
تاريخ التسجيل: 03-19-2002
مجموع المشاركات: 2405
تماضر والجندرية....لو تعرف الشوووق...الذهبية مرة أخرى!!! العام الماضى...كان ترحيب الجندرية وتماضر شيخ الدين جميلا وعالى الحفاوة....الوادعتان... تماضر والجندرية احتفيتا بفوز نادر وعزيز حققه احد الفنانين...امير المبدعين بين شباب المخرجين على كثرتهم وقلة الناتج الابداعى والفنى...
العام الماضى فاز المخرج مجدى عوض صديق فى مهرجان القاهرة للاذاعة والتلفزيون عن فيلمه الهادف(سنوات الألم) وهو تنويه اجتماعى حول مخاطر ختان الاناث وكان عملا جريئا... وكمافاز بجائزة emmy الامريكية عن افضل عمل عالميا فى برامج الاطفال وذلك فى اليوم العالمى لبث برامج الاطفال.... هذا العام...وقبل يومين فاز مجدى عوض صديق بالجائزة الذهبية عن اغنية(لو تعرف الشوق) للفنان شرحبيل احمد والجدير بالذكر ان الاغنية كفيديو كليب او اغنية مصورة سيناريو ومونتاج واخراج مجدى وتفوقت على جميع الاغانى العربية التى تقدمت للمنافسة فى مهرجان القاهرة هذا العام... وفى ذات المهرجان فاز المخرج مجدى كذلك بالجائزة الذهبية للتنويه الاجتماعى عن حقوق الاطفال وتحدث التنويه فى تفصيلاته عن ايقاف عمالة الاطفال... اذن...المخرج مجدى عوض صديق ...الف تحية ومائة سنبلة.. وينتظر حفاوتكم/كن جميعا بالنصر الذى تحقق عبره للسودان... مع مودتى وتقديرى
12-30-2007, 10:04 AM
الجندرية الجندرية
تاريخ التسجيل: 10-02-2002
مجموع المشاركات: 9450
شكرا ابومهيار عودة الجندرية تعني عودة الروح للمنبر وتعني أن الأنهار جميعها يمكن أن تنساب دون توقف قرات لها ذات مرة مقالاً عن صنعاء خفف عني الكآبة والاكتئاب ووعثاء السفر
تماضر ازيك هذه الحروف الصادقة فعلاً هي من أنفاس قلمك خرجت علينا تماضر مزورة قبل أيام بكى الجميع معها لأنهم يحبوك ويحبون قلمك ورغم انني كنت مشكك كثيراً في ذلك لعدة اسباب لكنني احتفظت بها لنفسي اولها انو تماضر ماقاعدة تكتب بمثل هذه اللغة الركيكة والشيء الثاني انها ماقاعدة تكتب في هذا الوقت الذي نزل فيه البوست واعرف ذلك من خلال متابعاتي لبوستاتك تاني شيء عمرها تماضر ماممكن تكتب ايميل واحدة للملأ وخاصة ان هناك أناس سيقعون على خشومهم لو شاهدوا ايميلاً ناعماً والشيء الأهم من كل ذلك انو تماضر لو في واحد أو واحدة طلبت منها تزكية فليس من المعقول أن تستجدي بكري على الهواء مباشرة وانما عرفنا من شهامتها أنها ستركب القطر وتذهب الى اريزونا وتطرق الباب على بكري وتقلع الباسووووووور وترجع
لكل هذه الأشياء كنت اسخر في البوست الخاص بيك عوداً حميدا وتاني حافظي شديد على ممتلكاتك الشخصية
قال نسرين سوركتي قال !!!
11-26-2007, 05:33 AM
عبد المنعم ابراهيم الحاج عبد المنعم ابراهيم الحاج
تاريخ التسجيل: 03-22-2005
مجموع المشاركات: 5691
ابو مهيار ياجميل لك التحايا والاشواق لاماني الجندرية ولعثمان تراث كتابات الجندرية الحصيفة نفتقدها ولكن عزاءنا في انها كلما غابت عن اصدقائها وقرائها علي السايبر , بعودتها وفي معيتها بحثا او دراسة او ازاحة غبش من قطعة ادبية,, نفتقدك ياجندرية.
تماضر سلامات ومشتاقوون..
11-29-2007, 04:03 AM
Abomihyar Abomihyar
تاريخ التسجيل: 03-19-2002
مجموع المشاركات: 2405
بعد ما قفلت باب الرد وماشة تووووش على السرير ..رجعت وليك كلماتك الطيبات..
أها يا أبو حراز ده الخلانى أشعر بأنى لازم أكون هنا أكتر من زمان..
أنا قريت البوست وشفت ردود الناس ...
وفهمت انى بين أهلى وناسى ..
الناس أما اترددوا فى "الاسلوب" وناس كتيرة كانت بتقول "ده ما أسلوب تماضر" ...
وأما ثنوا وتثنيتهم كانت عشان خاطرى ... وبرضو فى ناس طبعا كان عشان خاطر نسرين لكن
الكلام ده كان بالنسبة لى باسويرد ..اكتر من الاداه التكنولوجية المتعارف عليها..
وقلت يا بت أنتى الكسبانة ..كسبانة ثقة الناس ومعرفتهم العميقة دى ....والتى لا تخلو من مودة واحترام ..انكربى وأبقى عشرة على المبادى وأكتبى فى البورد بكل ما تقدرى..
وما تغيبى ...
ده ياهو المساهر بى الليلة ..وكان رفدونى الليرفدونى ..انتو مش فى؟؟ شفت التلتلة دى كيف؟؟ ده حب ده ولا مسئولية مع انى ما كنت دايرة ارفع للموضوع دعه ضو ..لكن الكلام جاب الكلام ... شكرا ابى حراز...(مع انى مافى اداة جر بس قلت اجرجرك فى الموضوع شوية) هههههههه
ويا عبد المنعم انا اتلومت معاك وشلت النمرة عشان اتصل عرفت انكم فى كليفورنيا ...بتصل ..ان شاء الله...
11-26-2007, 07:31 AM
ابوحراز ابوحراز
تاريخ التسجيل: 06-27-2002
مجموع المشاركات: 5537
شكراً فعلاً ياها دي تماضر نفسها البنعرفها وياهو دا قلمك
تعرفي نحن في اهل العوض لمن نمشي الخرطوم بنشوف كل الأمور متقلبة وماشة أعوج أعوج مرة كده أخذت الأسرة وقلنا منعول ابو الدنيا دي بس نمشي نرفه كيتاً على أهل العوض يسألونا ماشين وين وجايين من وين قلنا ليهم عندنا عرس صاحبنا
على التسودها علينا وجدنا اعلان حفلة للمخضرم محمد الأمين بنادي الضباط قلنا والله الليلة كان ندخل الحفلة دي وليكن مايكون ولدي الصغير هشام أول مرة يدخل مسرح ويشوف فنان ظازج عيني عينك بس الولد العريبي مما شاف محمد الأمين قعد يكورك والله يا ابوي دا ذاتو القاعد يجي في التلفزيون !!! وست النفر بدل ماتضحك عليك أمان الله لاوية خشمها زي التقول ضاربنها { بنية } ياولية مالك ؟؟ قال زهجانه من بنات الحفلة كلهن لابسات فصل الدين عن الدولة قلت ليها طيب ما كان أحسن ليك إنت تفصلي دينك عن الدولة في زول قال ليك لا ؟؟ وعليك أمان الله من نادي الضباط توش رجعنا من حيث أتينا
Quote: اما آن لك الرجوع؟؟ ثم المواظبه بعد الرجوع؟؟
الرجوع ادينا رجعنا ، وياريت نكون قدر العشم المواظبة دي يا ستي وانت ست العارفين امرها في يد المدير وأحوال شغل البيت. ربك يدي المروة والوقت . تسلمي يا منو
01-06-2008, 09:23 AM
الجندرية الجندرية
تاريخ التسجيل: 10-02-2002
مجموع المشاركات: 9450
اهو جينا لكن يبدو لي انه المكان لسه شاغر ياخ مرات كدا في جية اخير عدمها لانه البال هناااااااك في ستمية شدهة وتكون بتكت بطرف اصبعك واللخبطة تقع غايتو ربك يسبل سترو
شكراً يا عاطف على الكلام الجميل والظن الطيب وكان على الصحوبية دي انت ما عارف البير وغطاها زي ما قاليك اسامة ربنا يديم المحبة واليعمر بيها القلوب باقي ياهو دا ميراثنا من اهلك ديل
11-27-2007, 07:40 AM
أبو ساندرا أبو ساندرا
تاريخ التسجيل: 02-26-2003
مجموع المشاركات: 15493
اسامة .. ازيك وانت ذاتك البركة فى الشوفة وكانت لنا لحظات جميلة وصور الناس البلديات اوعك تنزلها هنا لو امانى دى ماظهرت ... مشتاغوون يا امانى ياخ وجميلة ذاتها.. تعالى عشان فى حاجات حلوة شديد ماتفوتك00 *********** ملحوظة: اوععك تتاخرى اكتر من كدا عشان الناس الجاتك هنا دى فى بت اخوك دا يعنى, لازما تردي عليهم فردا فردا..
11-27-2007, 09:41 AM
tayseer alnworani tayseer alnworani
تاريخ التسجيل: 07-30-2007
مجموع المشاركات: 1500
ياسلام يا عاطف ياخي انت عارف البير وغطاها زي مل بيقولوا المصريين.
خدر: يا صاحبي جهز مدحتك ساي خلينا نكبها ليها في الجحر حق البوست الجاي.
أبو ساندرا: يا أخي حمدلله على سلامتك وانت جيتك زاتها بالدنيا. تيسير وصفية واحلام يا حليلن بالكتير والبركة في بورد بكري دا اللمانا في اتنين منهن وان شاء الله نلم في التالتة. سلمي عليها كتير يا تيسير وبليغها أشواقنا وتسلم عيونك يا أبو ساندرا.
بكري ياسمندلاوي: والله لمة البلديات في نيويورك ردت فينا الروح وان شاء الله نتلاقى دايما في ساعات الخير. والجندرية لبدت بالحاجة في صنعاء وقطعت الحركة. تسلم ياحبيب.
تيسير: شرحب الملك المتوج والله العظيم سمعته في مصر المؤمنة بيضرب ليك في السباعي زيو وزي أجعص مصري والصوت زي ماكان أيام كردفان ولا شخشخة مافيه. يا حليل أيام الجيتار حياها الغمام وحياك.
لطفي: أبن عمي سلام للعم وللأسرتين الصغيرة والكبيرة. وبت عمك يبدو انها ما قاعد تدخل الأنترنت اليومين ديل وتلفوناتم من هنا معنقدة وما راضية تفتح.
12-08-2007, 04:17 PM
الجندرية الجندرية
تاريخ التسجيل: 10-02-2002
مجموع المشاركات: 9450
لكن يا حباني ، يعميني في النت دا من شهور الليلة مسارقة دخلت من المكتب شروق ربي يطرح البركة فيها نبتهتني وقلت ليها اني ما قاعدة اشوف اي موقع ويعلم الله ما حفا ولا جفا لكن ظروف وان شاء الله تعدي
يا سلاااام على جبل الحنان الساند قفاي تسلمن يا الحبيبات تسلمو يا الحبان وبجي باذن واحد احد اقلدكن/ن نفر نفر
عزيزي أسامة يا أخي أنا الليلة أول يوم أجمع بين اسم أبو مهيار وأسامة عبد الجليل!! لأن غشياتي متقطعة وسريعة قلت كدي النشوف الزول البعلن شوقه في بوست مفتوح للجندرية دا منو؟؟؟ لول وعندما وصلت إلى النهاية بطل العجب الأول، وظهر عجب جديد، بالأخبار المدهشة عن توفق السودانيات في الدورة الرياضية العربية، وشرحبيل، ثمر العقد الفريد الذي شارك في البوست أما عن شرحبيل أحمد فهذا الرجل فلتة في الدهر، استغرب دائما كيف تمكن من تلك الريادة المبكرة والفذة لدنيا الجاز وربما في أفريقيا، وريادته في رسوم الأطفال، وتعدد ملكاته وعمق ثقافته وروحانيته العجيبة. يجمع بين الغناء والعزف على مختلف الآلات الموسيقية والرسم والتصوف هذا البوست جمع ناس عجيبين، أحييكم جميعا، أبومهيار والجندرية ومتوكل وتماضر ولطفي وعاطف عمر والبقية ، وأرجو المعذرة في عدم ذكري لبقية الأسماء لأني لا استطيع الرجوع في هذه اللحظة للاطلاع عليها مرة أخرى المرأة السودانية سيكون لها شأن عظيم في مستقبل في البلد، في جميع المجالات، السياسية والاقتصادية والثقافية والاجتماعية والرياضية وأتمنى أن نرى شرحبيل قريبا في الولايات المتحدة، وأن يتمكن من إعادة تسجيل كل أعماله وتصويرها
03-21-2008, 12:31 PM
الجندرية الجندرية
تاريخ التسجيل: 10-02-2002
مجموع المشاركات: 9450
Quote: قلت كدي النشوف الزول البعلن شوقه في بوست مفتوح للجندرية دا منو؟؟؟ لول
شفت كيف ؟ زيتنا في بيتنا ابو مهيار هو من عرفني على هذا الموقع ودعاني للمشاركة فيه منذ عام 2002م ابن امي الذي دلني على/ و في طرقٍ كثيرة ، كادت وعورتها لولا رفقته / هم ان تدمي القلب. هو وبقية اخوتي ساظل ادين لهم بالكثير ، غير علائق العشيرة ، واقدي جمر معرفتي ، سندي في خياراتي الصعبة، ورفاقي في طريق الامل نحو وطن فسيح ويسع انسانه رجل وامراة على قدم المساواة .
ربي يخليهم لي الحاقين الشكر الما بتلوموا وما بقطعوا لساني
12-21-2007, 01:37 PM
salah awad allah salah awad allah
تاريخ التسجيل: 07-15-2007
مجموع المشاركات: 2298
والله يااااااحليلكم كلكم.. أشاركك الأشواق يا أسامة والآخرين.. واشكر من سأل عني مع السؤال عنها.. انأ كذلك اشتاق إليها مثلما اشتاق إليكم. الجندرية بقت موظفة بالصباح والمساء (دوامين) .. وتخلت عن جزء مؤثر من جندريتها: صارت تدخل المطبخ أكثر وتفتقد الشغالة. أماني بقت تجي من الشغل تخش المطبخ تسوى الغداء، وقبل أن تجد فرصة لراحة قليلة تخرج للشغل مرة أخرى، فتعود بعد الثامنة مساء، فتدخل المطبخ مرة أخرى لتحضير عشاء الأولاد، وأثناء تأكدها- بروح عصبية - من أنهم قاموا بواجباتهم المدرسية، يجرها عنوة فراش النوم وهي منهارة من الإرهاق.. فتنهض منه فجر اليوم التالي لتبدأ مرة جديدة متكررة في ممارسة يوميات الحياة بالشكل الذي لا يرجوه منظرو الجندر للنساء. أنا لم أجنٍ أية استفادة من هذه التحول في حياة الجندرية، بل على العكس صرت افتقدها، مثلكم، ومثل ما افتقدكم، خاصة وأنني سبقتها بأشهر في اللجوء إلى "الدوامين".. وعملي صار أكثر من عملها بكثير.. وأعود ليلا، او في آخر المساء، فأجدها في سابع نومه.. فادخل المطبخ- كعادتي منذ أن تزوجت الجندرية تحديدا- لأزبط وجبتي الأساسية: العشاء. ورغم ذلك كله فالحال هو الحال.. الديون والأشواق فقط هي التي تزيد. لقاؤنا مع بعضنا البعض صار اقل مع الأولاد صار أقل مع الأصدقاء التلفزيون النت معكم وكل ذلك مضاف لغربتنا وبعدنا عن الأهل والبلد والأحباء هناك. سعادتنا تقل.. الحقونا بدعواتكم.
12-21-2007, 09:13 PM
jini jini
تاريخ التسجيل: 02-04-2002
مجموع المشاركات: 30720
Quote: والله يااااااحليلكم كلكم.. أشاركك الأشواق يا أسامة والآخرين.. واشكر من سأل عني مع السؤال عنها.. انأ كذلك اشتاق إليها مثلما اشتاق إليكم. الجندرية بقت موظفة بالصباح والمساء (دوامين) .. وتخلت عن جزء مؤثر من جندريتها: صارت تدخل المطبخ أكثر وتفتقد الشغالة. أماني بقت تجي من الشغل تخش المطبخ تسوى الغداء، وقبل أن تجد فرصة لراحة قليلة تخرج للشغل مرة أخرى، فتعود بعد الثامنة مساء، فتدخل المطبخ مرة أخرى لتحضير عشاء الأولاد، وأثناء تأكدها- بروح عصبية - من أنهم قاموا بواجباتهم المدرسية، يجرها عنوة فراش النوم وهي منهارة من الإرهاق.. فتنهض منه فجر اليوم التالي لتبدأ مرة جديدة متكررة في ممارسة يوميات الحياة بالشكل الذي لا يرجوه منظرو الجندر للنساء. أنا لم أجنٍ أية استفادة من هذه التحول في حياة الجندرية، بل على العكس صرت افتقدها، مثلكم، ومثل ما افتقدكم، خاصة وأنني سبقتها بأشهر في اللجوء إلى "الدوامين".. وعملي صار أكثر من عملها بكثير.. وأعود ليلا، او في آخر المساء، فأجدها في سابع نومه.. فادخل المطبخ- كعادتي منذ أن تزوجت الجندرية تحديدا- لأزبط وجبتي الأساسية: العشاء. ورغم ذلك كله فالحال هو الحال.. الديون والأشواق فقط هي التي تزيد. لقاؤنا مع بعضنا البعض صار اقل مع الأولاد صار أقل مع الأصدقاء التلفزيون النت معكم وكل ذلك مضاف لغربتنا وبعدنا عن الأهل والبلد والأحباء هناك. سعادتنا تقل.. الحقونا بدعواتكم.
الله يديكم العافية ويقويكم
صاحبنا ود الخليفة ماهيتو كانت 60 الف جنية اربعن الف مواصلات وعشرين الف جنية فطور! اقترحت عليهو يبطل الشغل والمواصلات والفطور! قال لى والبدينى منو!! جنى
03-27-2008, 07:27 AM
الجندرية الجندرية
تاريخ التسجيل: 10-02-2002
مجموع المشاركات: 9450
أسامة وكل المشتاقين والمشتقات للجندرية سلام كل سنة وانتو طيبين يا اماني زي ما قالت تيسير جات الحزينة تفرح ما لقتلهاش مطرح جينا نشارككم الافراح /الاتراح ولكن تواريتي عننا بس البركة في ابو مهيار اهو خلاك ترجعي شوية شوية مشتاقييين وكل سنة وانتي طيبة وسلامي للعيال وتراث وماما رقية
صفية
03-28-2008, 09:25 AM
الجندرية الجندرية
تاريخ التسجيل: 10-02-2002
مجموع المشاركات: 9450
نسمة من زمن جميل : أهلاً بكَ أبو مهيار وأهلاً بالنبع الذي لا ينضب : الجندرية وأهلاً بالأحباء الذين أغرتهم شجرة التفاح ومن إغواء آخر وأكلتُم ثمرتها الممنوعة . كل سنة وأنتم عقدٌ منضد واُلفة لا يفرقها مُفرِق .
Quote: والله يااااااحليلكم كلكم.. أشاركك الأشواق يا أسامة والآخرين.. واشكر من سأل عني مع السؤال عنها.. انأ كذلك اشتاق إليها مثلما اشتاق إليكم. الجندرية بقت موظفة بالصباح والمساء (دوامين) .. وتخلت عن جزء مؤثر من جندريتها: صارت تدخل المطبخ أكثر وتفتقد الشغالة. أماني بقت تجي من الشغل تخش المطبخ تسوى الغداء، وقبل أن تجد فرصة لراحة قليلة تخرج للشغل مرة أخرى، فتعود بعد الثامنة مساء، فتدخل المطبخ مرة أخرى لتحضير عشاء الأولاد، وأثناء تأكدها- بروح عصبية - من أنهم قاموا بواجباتهم المدرسية، يجرها عنوة فراش النوم وهي منهارة من الإرهاق.. فتنهض منه فجر اليوم التالي لتبدأ مرة جديدة متكررة في ممارسة يوميات الحياة بالشكل الذي لا يرجوه منظرو الجندر للنساء. أنا لم أجنٍ أية استفادة من هذه التحول في حياة الجندرية، بل على العكس صرت افتقدها، مثلكم، ومثل ما افتقدكم، خاصة وأنني سبقتها بأشهر في اللجوء إلى "الدوامين".. وعملي صار أكثر من عملها بكثير.. وأعود ليلا، او في آخر المساء، فأجدها في سابع نومه.. فادخل المطبخ- كعادتي منذ أن تزوجت الجندرية تحديدا- لأزبط وجبتي الأساسية: العشاء. ورغم ذلك كله فالحال هو الحال.. الديون والأشواق فقط هي التي تزيد. لقاؤنا مع بعضنا البعض صار اقل مع الأولاد صار أقل مع الأصدقاء التلفزيون النت معكم وكل ذلك مضاف لغربتنا وبعدنا عن الأهل والبلد والأحباء هناك. سعادتنا تقل.. الحقونا بدعواتكم.
لاحول ولاقوة الابالله......هب جنة الخلد اليمن....انا لو منك اعود عدل لامدرمان حتي لو الثورة الحارة100
Quote: ورغم ذلك كله فالحال هو الحال.. الديون والأشواق فقط هي التي تزيد.
ذبلت في الروض زهرة رد الله غربة تراث والجندرية وابومهيار قولوا آمييييييييين
03-28-2008, 10:17 AM
الجندرية الجندرية
تاريخ التسجيل: 10-02-2002
مجموع المشاركات: 9450
Quote: شكرا ابو مهيار لقد ساعدتنا في عوده قلم اماني
الغريبة يا صبري كنت جاية وناوية اعتب على اسامة انه جر رجلي تاني للادمان دا بعد ما كان الظروف اجبرتني على التوبة والشفاء منه . يا ود امي تراث ما شرح الحاصل يعني المشاركة هنا خصم على حاجات ضرورية شديدة غايتو ربنا يقدرنا لكن الحكاي بقى فيها تأنيب ضمير كمان غايتو الله غالب
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Abomihyar
محمد عكاشة
الجندرية
Tumadir
ابوحراز
Muna Khugali
ود العجمى
Ishraga Mustafa
سلمى الشيخ سلامة
نهال الطيب
عاطف عمر
خدر
أبو ساندرا
سمندلاوى
salah awad allah
تراث
jini
Amin Elsayed
Safia Mohamed
mohmmed said ahmed
عبدالله الشقليني
مطر قادم
فيس بوك
تويتر
انستقرام
يوتيوب
بنتيريست