صحوة فى موسم البيات الشتوى .. درجة الحرارة الآن 4 درجة + .. ما بطال الإيميل رحمه الله منور .. بالأخ ماضى أبو الريش وكمال عطا والأخوات إشراقة ومنى خوجلى ..
الأخ محمد من الهند .. ياخ ما مصهين والله كانت عكة مستشفيات وجرى بايخ .. رسالة الموبايل ما فتحتها لتورطى فى موبايل جديد بليد فى تكنلوجيته ..
أتمنى الأمور مشت بخير .. أرجو مدنى بالمعلومات فى الإيميل [email protected] ووضع نمرة التلفون ..
بديت مشوار أوله عطالة ورغبة فى إستكشاف الجديد بعد الحصول على صفحة إنترنت مجانية للمرة الثالثة .. الفكرة تبلورت للتوثيق بعد أن أستطعت نوعآ إختراق دهاليز النت ..
فكرة تجوالنا فى المنتديات ما بين المناكفة والإستفادة والفنون .. نظمت صفحة نواة لأفكار كثيرة أساسها عصارة المنتديات ..
أطرحها هنا فكرة .. والجماعة المختارة ليسوا صفوة ولكنهم ملح المنتديات وفى قلوب الجميع .. أنتظر أفكاركم آراؤكم .. وهذه ليست بداية فهى المحاولة رقم صفر ..
قبل التحايا والتهاني وقبل ان ارى صورتي تحت فتحت البوست لاكلمك عن الاب قيلو ثاوث الذي ضمتنا جلسة ريد من خلال برنامجي الاذاعي ( سيد الإسم ) والذي استضفته فيه ليفأجئي الناس باسمه الحقيقي سمير ولكنه اختار اسم كتاب لدوره في الوقار العلمي والديني وقال لي لمن اقدم نفسي سمير جيكون كاني بقدم ولد فافي حنكوش وضخكنا وتخدثنا عن السودان وعن الهوية واهداني الف كتاب هم زي عشرة كتب لكنها كانها الف كتاب وقلت للمجموعة انا عندي اصحاب درسنا سوى زي المرحون الرياضي المطبوع فكتور وديع ـريري ـ ولكن دايما ما يكون قريب لي قلبي اولد بلدي زي رأفت ميلاد واخوانو بنتعتبرهم اولاد مدني وان اتربوا فيها بسيط وضخكنا واحتضنا بعض في دفء ونامت ايادينا في ايدي بعض اخوة في الدم والتراب وابونا النيل رافت كل التهاني القلبية وكل عام وانت في الف خير وعافية كل العياد تتوشحك عيد المسيح في احتغاليته الشرقية والغربية واعياد الستقلال وراس السنة وسنتك العامرة الجديدة بالنجاحات والتوفيق محبتي ليك اكيدة
يا ديوفجين الباحث عن الحقيقة شمعة لك وشمعة لي لنبحث عن الآمــل
12-07-2008, 08:24 AM
الطيب شيقوق الطيب شيقوق
تاريخ التسجيل: 01-31-2005
مجموع المشاركات: 28804
كيفك يا شيقوق ومشتاقين معليش على التأخير .. جرى شديد ياخ .. ويا ريت فى المليان برد وهم وزى ما بقولوا أهلنا المصريين (تجرى جرى الوحوش وغير رزقك ما تحوش)
كل سنة وأنت والأسرة الصغيرة والكبيرة بألف خير
12-07-2008, 08:30 PM
رأفت ميلاد رأفت ميلاد
تاريخ التسجيل: 04-03-2006
مجموع المشاركات: 7655
كما قالت إشراقة دي عيدية تذكرني بعيديتنا في عطبرة أيام الصبينة ...
أتمنى أن تواصل ... فالأسافير مزدحمة بكتاب و شعراء لا يشق لهم غبار .. أساتذة و جهابذة .. هم أيضاً صامتون ... لا نريد أن نزكي لك أحد .. و لكنني أثق تماما في سبرك لأغوار الأدب بكل أصنافه لتختار في روزنامتك كل هؤلاء المبدعين .. خطوة موفقة و رائدة .. واصل يا جميل
12-08-2008, 08:12 AM
فيصل محمد خليل فيصل محمد خليل
تاريخ التسجيل: 12-15-2005
مجموع المشاركات: 26041
حبيبنا جلال .. جالب السعد .. وخالق الروعة فى نفوسنا كل عام أنت والبنيات وكل الأهل والأحباب بألف خير ..
Quote: فالأسافير مزدحمة بكتاب و شعراء لا يشق لهم غبار .. أساتذة و جهابذة .. هم أيضاً صامتون ...
وهو كذلك يا جلال .. وما قصدته بـ "صامتين" الأعمال خارج الأسافير .. قد يكون تفريغ الأسافير إكتفاء زاتى .. الأسافير فائدة ضخمة للمتلقى .. لكن يجب أن لا يكتفى به الكاتب .. يجب إعادة ترتيب المواد وإعادة صياغتها فى كتابة متكاملة .. توثيق فى مكتباتنا .. وإضافة الى تاريخ الكتابة ..
أنتظر مجموعة أبو جهينة فى قائمة كتاب العالم..
مودتى
12-10-2008, 06:45 AM
رأفت ميلاد رأفت ميلاد
تاريخ التسجيل: 04-03-2006
مجموع المشاركات: 7655
ود أبارو .. مشتاقين والله يا زول .. طلتك مفرحة .. كل سنة وأنت وكل الأهل بألف خير
شكرآ للتعليق .. لكن النقد أيضآ مطلوب .. الشغلة تطورت من تعلم النت الى محاولة الكتابة .. وهنا داير المساعدة أكتر .. خاصة من مبدع متطور مثلك .. ما تنسى نحن متشعلقين فى زمن تسلل من بين أصابعنا ..
برضو مستنيك
مودتى
12-09-2008, 03:50 PM
Safia Mohamed Safia Mohamed
تاريخ التسجيل: 07-21-2007
مجموع المشاركات: 2365
لا حولا .. عارف يا ابن خالتي .. إنت زول مُتعِب .. المهم , اللوحة دي بتاعت شمس الدين آدم بشارة .. تشكيلي و صديق و دفعة و أخ و رفيق و لا أروع .. شرس و رقيق و حقاني و صادق و أحمق و أغبش و فقير مال و ود بلد ودود زي الورد .. ( على نيل بلادنا .. سلام ) .. ديك كانت كانت سنة تخريجنا من الفنون , و مزنوقين إمتحانات و فايض بينا , طلعنا سطح الداخلية و الليل خميس باتع السر كعوايدو . دورنا حلتنا القطر قام و قعدنا .. نقنقنا و احتدينا و اتحاورنا و جطنا بعض و ... لغاية ما بقينا على قلب رجلٍ واحد .. و قال الهم و البلد : إستوووووا .. فاستوينا فغنينا . و عمك أبوعاج كان في عز فورة سم أجهزته الامنية و كلنا يا إما جبهة ديمقراطية يا شيوعيين يا ناس محتقنين بالغضب على هذا البلد و ناسو و الأحلام التي هي قيد الوأد .. غنيت أنا من بعد السلطنة الصاح ( ياخي أحب أغني لما السلام الجوه داك يتمدد فيك سبه بلا سبب و تحلو الرفقة و تروق المسائل - و كنت غناي يا رافي ياخي .. و الحبال الصوتية مطرّقة بالشباب قبل أن ترخيها الغصة - ) .. فغنيت يا ابن خالتي في ليل المقرن داك و اللمة ديك و الشوق و الشجن و الإحساس المتيقن بأنك عارف راسك من رجليك .. و انك ( هنا ) كامل و متجذر و ثابت و شايف و عارف . فمرق كل شي كعب من جوه .. إنسل مرق ياخي كل الصديد و الوجع .. مرق غنا .. و كانت ( على نيل بلادنا ) .. و الحلاقيم العطشانة للحرية و حاجات بكره السمحة الجاية .. تشيل و تخت : سلاااااام .. و شباب بلادنا .. : سلااااااام .. و نخيل بلادنا ... سلااااااااام .. و علقنا فيها يا رافي ياخ .. علقنا نكرر و نكرر : على نيل بلادنا سلام .. و شباب بلادنا سلام .. و نخيل بلادنا سلام .. و كأننا كايسين نثبت للنيل سلامو و للشباب سلامو و للنخيل سلامو .. هو الوطن شنو غير مكان و ناس تصنع فيهو الحياة و تواريخها .. و إرادة !! شمس الدين بكى بكى بكى .. بكل حرقة الدنيا بكى ( و قد كان حينها رئيساً لاتحاد طلاب الفنون ) و شيوعياً صادقاً كالسراط و أغبشاً كما حلتهم الجا منها ( الصّياح ) في أقصى غرب البلاد التي سفح دمها الغول الآن و ولغ فيها فأنجسها . و عمت نوبة البكا .. فبكينا يا ابن خالتي فاغتسلنا بالدمع العزيز داك .. و ما كان بكا مهزوم و مكسور .. كان بكا مغبون و غضبان و وقود إرادة .. و وعد و وعيد . رجال طوال عراض و متخرجين بعد شهر شهرين و موجوعين بالحيل على كل شي .. بكوا في مكانهم داك وطن و أحلام و أهل و ناس .. بعدها بشهور .. كنست الشوارع نميري و نظامو .. فذهب العطش و ابتلت العروق و ثبت الأجر .
.... إنت زول متعب .. و جميل كما هذا البلد .. يا رأفت ود عمي ميلاد .. كل سنة و إنت صاح زي ما إنت . و مبروك لمتصفحي الأسافير أنك تضع حرفك حيث تكون القناديل الهدّاية .. لأنك لا تصلح إلا قنديلا من وعي و محبة و .. وطنية .
لكن يا إبن خالتى ما ريحتنى صاح بشمس الدين ده مرتين .. أولآ رجعت وسجلت أسماء الفانيين على اللوحات .. وفتشت إسمو سلقط ملقط ما لقيتو .. عملت نايم وقلبى تقيل .. ثانيآ النكشة النكشتا ليك لوحتو دى .. إتخيلتوا وإتخيلتكم .. وإتخيلت المقرن والبلدية الجندول وكعكاتى .. لامن غبيت .. الزمن داك بى كعبو وبى حلوهو وين نلقاه تانى .. وزى ما قالت أم كلثوم "لو كنت عايزنا نرجع زى زمان .. قول للزمان أرجع يا زمان .. وهاتلى قلب .. لا حب ولا داب ولا إنجرح ولا عمرو ضاق حرمان" .. عمى الله يرحمو كان بكون ضارب الشرشور وسايح معاها .. يرد عليها " أجيبو ليك زى ده من وين .. من العدنى ؟"
غايتو يا قريبى أسوى شنو غير أقول ليك الله يديك العافية ويسامحك على البتسويهو فينا دة ..
وعيدك طيب وأنت طيب ومتخصص فينا
12-10-2008, 12:07 PM
Rihab Khalifa Rihab Khalifa
تاريخ التسجيل: 07-07-2006
مجموع المشاركات: 3738
عروس السفائن والبردُ في ألقِ الصُبحِ خَزُّ وليس يهاجر في الفجر إلا الأوَز رسى السأمُ السرمدي بجسمي وليس سوى غامضاتِ البِحار التي تستفزُّ أصيحُ.. خذيني لأسمع أجراسها ان برقاً بقلبي يلز أنا عاشق أيهذي البحار لأجراسكن فقد أوحشتني الشوارع مما بها من لحى ً ورؤوس تجز وفاض الإناء بنيت بيوتاً من الوهم والدمع أين هوَ العشقُ.. أين هوَ العشقُ أين هو العشق.. تم البناءُ أُحاور روحي .. وكل حوار مع الروح ماء بكى طائر العمر في قفصي مذ رأى مخلب الموت ينزل في صحبه ويَكُفّ الغناء متى أيهذي العروسُ يجيء الزمان الصفاء ففي القلبِ مملكةٌ للدمامل والجسد الآن في غاية الإعتلال خذيني.. لأقرأ روح العواصف حين تخانق سخط الليالي خذيني فإن العصارة تغرق بالإنحلال خذيني.. فما البحر في حاجة للسؤال خذيني.. فليس سوى تعب البحر يشفي وينقذ من فقمات المقاهي كفى لغطاً عاهراً أيها الفقماتُ كفى يا ضفادع هذا النقيق الدنيء فأنتم سبات سأصرخ يا بحر.. يا رب.. يا رقص.. يا عتمات.. زٌحَارٌ بكل التقاليدِ لا يتبعَ البحرُ بوصلةً بل تتابعه البوصلات..
في النص غنى عركي:
حبيبتي البلد الولد ياهو الولد الدواس ماهو الاساس الحرب ماهي الاساس خللي السلام يبقى الاساس
ما بين رأي
ومصطفي
ومظفر
وعركي
طلعت ثآليل
وفقمات
ونوارس
تقتات من كبد العرائس
هنيئا
لهم بشدةٌ
بعدها شدةٌ
ثُم مدةُ
12-12-2008, 07:18 PM
ASHRAF TAHA ASHRAF TAHA
تاريخ التسجيل: 08-04-2007
مجموع المشاركات: 1017
يا كوجان غدرت بى ولا غدرت بينا الأيام .. تأخر السفر غدرآ من الزمن .. ولما تيسر .. حضرت ولم أجدكم .. لكن تنفعك رحلة السودان .. والجايات أكتر من الرايحات .. وأهلك الخواجات أدونى 6 شهور داخل مارق .. وراكم وراكم ..
شول مشتاقين ياخى ولميت فيك قبيل فى حفرة تانية وجاييك هنا وهناك ..
أشرف طه قلت أحصلك قبل الأرشفة وأطرب من طربك .. ألكز لينا لمة مع بداية العام الجديد ولم لينا العزوة كلها ..
ود الشيخ كيفك .. فى سيرتك طوالى وقضيت ليك يومين مع صاحبك .. لسة فى خمالتو ووكادت ناس سليمان .. ومعلم رحمى .. والبلد كان الله أدى العمر 2009 أكيد .. وبتكون المشية الياها .. الما منها رجعة ..
كل سنة والجميع بألف خير
12-24-2008, 10:47 AM
ماضي ابو العزائم ماضي ابو العزائم
تاريخ التسجيل: 09-07-2007
مجموع المشاركات: 3598
أهاااااااااااا ده الكلام البياباهو عطية شكيت محنك على الله يا رافت يا ود ميلاد ما تفتح بوستات جنس دى الا فى الوكت الما عندنا طريقة للنت إلا متاوقة كل سنة و انت طيب
12-24-2008, 10:53 AM
ماضي ابو العزائم ماضي ابو العزائم
تاريخ التسجيل: 09-07-2007
مجموع المشاركات: 3598
الأخ - رأفت - تحياتي لك والعيد مبارك عليك طولنا منك ياخي وانا انقطعت خمسين يوم من المنبر التقيت فيها النيل وغتست فيهو لكين تصدق يا رأفت النيل قبالتنا بقى مسيكين ما بعرفو مالو؟
كلمت شمس الدين آدم بشارة بأن جعلت له ذكرا في العالمين وهو صديق ويعمل هنا بالرياض المملكة العربية السعودية ولا زال مؤملا يرسم ساااااكت
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
رأفت ميلاد
حسين محي الدين
محمد سنى دفع الله
الطيب شيقوق
Ishraga Mustafa
فرح
ابو جهينة
فيصل محمد خليل
طارق جبريل
Safia Mohamed
عواطف ادريس اسماعيل
Emad Abdulla
Rihab Khalifa
ASHRAF TAHA
عبدالعزيز الفاضلابى
خضر حسين خليل
ibrahim kojan
شول اشوانق دينق
محمد الشيخ أرباب
ماضي ابو العزائم
Dalal Ezzaldin
محمد فضل الله المكى
شهاب الفاتح عثمان
معتز جعفر الحسن
Mohamed Abdelgaleel
فيس بوك
تويتر
انستقرام
يوتيوب
بنتيريست