|
دعواتكم لزميلنا المفكر د.الباقر العفيف بالشفاء العاجل
|
|
 Re: وتعوزوا من الشيطان الرجيم (الشاطر) (Re: رأفت ميلاد)
|
Quote: ونأخذ العبر من هذه الحكم .
وننفى عن الكيزان كل التهم.
والزين راحوا فى الكرعين
والزين ذاقوا الأمرين
كانوا ضحية (الشيطان الشاطر)
وليتصالح الأخوة الأعداء
من أجل سودان الرخاء
ومن أجل للأقوى البقاء
وليفصلوا التشريعية من التنفيزية
والشكوة لى أبو يدآ قوية
وكله من أجل الوطن
ما مهم منو الدفع التمن
وتعوزوا من الشيطان الرجيم (الشاطر) |
ولا يهمـك ...بكـرة نموت ونروح عنـد ربنـا ونلقي السلطـات مفصـولة!
وسـيبـك انت مـن افـلام حـسـن ونعيمة دخـلوا السيما..
بتجـيب وجـع القلب ونهايتها معروفـة حـتي والمخـرجين مختلفين!
اقـرا كلماتي الغلبانه هـذه بالحـبر السـري..سـرا
علشان أهلي صـعايـدة وممكـن يقطـوني حـتت!
| |
 
|
|
|
|
|
|
|
|
Re: وتعوزوا من الشيطان الرجيم (الشاطر) (Re: Muna Khugali)
|
أهلآ يا منى خوجلى
تعرفى أكتر شئ لفت نظرى للقصة دى شنو
| Quote: تدخل (أبناء الحلال ) |
قصة أبناء الحلال وعندهم دايمآ الحلول الجاهزة
ويمكن الواحد ما عارف الحاصل شنو
ولا بهمه التبعيات
وفى النوع الوصولى متطلع لى سلطة أو فائدة مالية
والقوالب جاهزة
أمر الله و نفذ
ولكل أجل كتاب
مافى زول بموت ناقص عمر
الحى أبقى من الميت
العفو عند المقدرة
والكاتبا الله فى شارع الزلط تقوم
وينفض الجمع ويتحمل ربنا سبحانه وتعالى تبعيات كل القتلة والحرامية والنصابين فينومون قريرين العين
وأصحاب الوجعة والمظلومين إذا خالفوا ذلك فهم المشركين وأصدقاء ذلك الشيطان الشاطر الرجيم
ودمتى
| |
|
|
|
|
|
|
|
|
|
Re: وتعوزوا من الشيطان الرجيم (الشاطر) (Re: رأفت ميلاد)
|
رأفت ميلاد
شكرا لك وليوسف ادريس
وكما قلت فكمية الذين تلوثوا بالتورط مع هذه الحكومه كل يوم في ازدياد
وربما علينا فعلا ان نضع كلماتك نصب اعيننا...
Quote:
وليتصالح الأخوة الأعداء
من أجل سودان الرخاء
ومن أجل للأقوى البقاء
|
مودتي وتقديري....
تخريمه:
قلت لي ماشي وين؟؟؟؟؟
بالله الزيك ده ممكن نفرط فيه... معقول بس؟؟؟؟؟
تراجي.
| |
|
|
|
|
|
|
|
|
|
Re: وتعوزوا من الشيطان الرجيم (الشاطر) (Re: رأفت ميلاد)
|
| Quote: مسكين الشيطان ...!!!شماعة..اضرب ..اقتل ..اغتصب ..اسرق ..بيع البترول ودخل فلوسو في جيبك ..بيع حليب الاطفال وابني قصر علي بحيرة زيورخ وبعدين اشتكي الشيطان للبرلمان ... |
وتتحول قضيته الى محاكم الفساد العام
وترمى عليه التهم الجسام
إهدار المال العام
ومحاولة تغويض النظام
والعدو اللأول للإسلام
وتتحول أوراقه لمفتى الديار العام
وتتدخل المنظمات والسفارات
و أمريكا تضج بالكلام
إجتماع بأبوجا ونيروبى وسرنام
وإنت يا أبو بكر لاعندك بيت فى زيورخ
ولا حتى خرم فى فيتنام
بس قاعد فالح لى في الكلام
ما قلته بتمشى فى الضلمة
تحياتى
رأفت
| |
|
|
|
|
|
|
|
|
|
Re: وتعوزوا من الشيطان الرجيم (الشاطر) (Re: رأفت ميلاد)
|
أقصد 2007
نحنا ناس شوية دايشين
بتعرفوا أحلام زلوط
إمكن شالوها من مقرر المدارس
لقيتك اللنك ده ل د.عمر شاع الدين
http://www.alsahafa.info/news/index.php?type=6&issue_id=589&col_id=21&bk=1
مراجعة كتاب الأمثال السودانية
د.عمر شاع الدين
قلت: لم اجد اشارة لأصل ارجع إليه، سوى ما اذكره من ان السيد (ظلوط) من شخصيات كتب الاطفال عندنا في الخمسينات (بخت الرضا) وهو من الديوك التي انمعط ريشها، لكني لا اعلم فحوى قصته الآن. ورأيت لتمام الفائدة الاستعانة باستاذنا وصديقنا التربوي الكبير محمد الحسن حسين حاج علي (ود الزينبية) الذي افادني في اريحية معهودة ان (ظلوط) ديك وقور قد انمعط ريش رقبته واصبح قبيحاً وسط الديوك، مما ازعجه و(عقده). وفي كتاب الاطفال تنسب إليه قصة انه ذات ليلة هادئة طلع على الحبل ونام (نومة الديك في الحبل)، ولما استغرقه النوم تمادى في الحلم، ان عنقه ذاك (المزعوط) (المظلوط) قد اكتسى ريشاً زاهياً في تلوينه مما ابطره وادخل الفرح على قلبه المسكين. وكان هذا مما اوقر صدر ديك آخر حاقد حاسد (مزعمط الريش) (وقديما كان في الديوك الحسد) فهجم عليه في قسوة يريد ان يسلبه ريشه الجميل، وكان ان دافع ديكنا الحالم (زلوط) في استماتة و(رجولة) عن مكاسبه في حماس دافق. ويبدو انه في فورة حلم العراك والدفاع اندفع وانتفض نفضة كبرى قذفته بعيداً عن حبله فوقع اثرها على الارض.. وقد آفاق من حلمه الجميل.. ورأي ريشه مظلوطاً مزعوطاً، فداخلته حزنته القديمة. وهكذا صار السيد (ظلوط) مثالاً لخيال الاحلام وخيلائها.. لا تتحقق واقعاً.
| |
|
|
|
|
|
|
|
|
|
Re: وتعوزوا من الشيطان الرجيم (الشاطر) (Re: رأفت ميلاد)
|
وصلنى من أخونا نبيل e-mail
باين عجبو ردحى بالسجع وهو زول السجع زااااطو (زى ما بقول هبانى)
كتب بقول:
إجتمع الأخوان و قالوا عفا الله عما سبق
التشريعية تشرع
والتنفيزية تقول حبر على ورق
سألوهم والماتوا؟!
قالوا ديل راحوا شمار فى مرق
أصول اللعبة السمك أكل النبق
وجابوا القدح كسرة وملاح ورق
وعبد الله كدحان فى الخلا
غموز عيشه عرق
إبليس شاف عمايلم
هج من السودان مرق
فهل من مساجع ؟
| |
|
|
|
|
|
|
|
|
|
Re: وتعوزوا من الشيطان الرجيم (الشاطر) (Re: رأفت ميلاد)
|
الاخ العزيز رافت ميلاد
تحية طيبة
في نكتة شنيعة جدا عن الشيطان لو كتبناها هنا بتودي بوستك الظريف ده الخور
لكن اطرح تساؤل النكتة فقط
عندما قال الشيطان(والله ..دي انا ذاتي ما عرفتك فكرت فيها كيف؟؟؟
تحياتي لك ولهذه النفحة الطيبة
وبعدين منو بدين منو في السودان ..والله الناس العاملين فيها بتاعين سياسة انزه من الحاكمين ديل لو عملو ليهم فيش من سنة 1956(البلد كلها حتبات في الشارع ذي ما قال عادل امام في شاهد ما شافش حاجة) ..ما في زول بترشح لانتخابات ..الا نستورد حكومة من اليابان
انت معانا
او
مع التانين؟؟
| |
|
|
|
|
|
|
|
|
|
Re: وتعوزوا من الشيطان الرجيم (الشاطر) (Re: Muna Khugali)
|
كيف الحال ياعادل أمين
| Quote: عندما قال الشيطان(والله ..دي انا ذاتي ما عرفتك فكرت فيها كيف؟؟؟ |
النكتة دى عارفه . الخوف ما على البوست يمكن تودينا نحن زاتنا الخور
| Quote: وبعدين منو بدين منو في السودان ..والله الناس العاملين فيها بتاعين سياسة انزه من الحاكمين ديل لو عملو ليهم فيش من سنة 1956(البلد كلها حتبات في الشارع ذي ما قال عادل امام في شاهد ما شافش حاجة) ..ما في زول بترشح لانتخابات ..الا نستورد حكومة من اليابان |
والله بينى وبينك دايرين معجزة وإنتهى عهد المعجزات
Quote: انت معانا
او
مع التانين؟؟ |
طالما القصة مصرية أنا مع الحق
تحياتى
مع الود
رأفت
| |
|
|
|
|
|
|
|
|
|
Re: وتعوزوا من الشيطان الرجيم (الشاطر) (Re: رأفت ميلاد)
|
بمناسبة مداخلة عادل أمين
| Quote: وبعدين منو بدين منو في السودان ..والله الناس العاملين فيها بتاعين سياسة انزه من الحاكمين ديل لو عملو ليهم فيش من سنة 1956(البلد كلها حتبات في الشارع ذي ما قال عادل امام في شاهد ما شافش حاجة) ..ما في زول بترشح لانتخابات .. |
تزكرت قصة واحد (شيطان)
كنا نسميه بهذا الإسم
كنا فى جده فى بداية الثمانيات . وكان هذا الرجل صومالى . لاجئ سياسى أبان فترة جبروت الرئيس السابق زياد بري .
من المعروف حب الصوماليين للسودانيين وإرتباطهم بهم . كنا نقبلهم رغم عدم توافقنا فى العادات والتقاليد . ولكن نسبة لإحترامهم لنا نجد نفسنا ملزومين بهم.
كان هذا الرجل دائم التواجد فى مجتمعات السودانين . ويحول دائمآ مجرى الحوار الى السياسة والإستخفاف بإدراك السودانين بالسياسة والإقلال من مواقفهم الوطنية مقارنة ببسالة الصومالين . فكان وجوده يولد الغضب الشديد ولذا لقب بالشيطان .
فى إحدى (سغالاته) ثرت فيه وقلت له بدلآ من تسولك هنا من موائد السعوديين وصرف الأموال على الخمر والقاد والنساء عد وحرر بلدك مع الأبطال الذين تتحدث عنهم.
ضحك عاليآ(ما بحس) وقال لى:
هل تعلم عند إستقلال السودان برنامج رفع العلم نسق بواسطة الإنجليز
وعندما تأخر السيد على المرغنى والسيد عبد الرحمن المهدى فى الحضور
أرسلو لهم من يستعجلهم لبداية الإحتفال برفع العلم ماذا قالوا؟
قالوا أخروها بعد الفطور
كدت أن أنفجر غيظآ
ولكن الآن أفكر وأقول ربما قالوا ذلك
وربما نحن صرنا ذلك الشيطان ونحن نتسول من موائد (الخواجات)
| |
|
|
|
|
|
|
|
|
|
Re: وتعوزوا من الشيطان الرجيم (الشاطر) (Re: رأفت ميلاد)
|
الفوارس والكوارث
هاشم صديق
ياتو ورقاً إتمضى
وكان دوانا من الأذى ؟!
ياتو ظلماً إتنسى
بس عشان مكاً ضحك
أوعشان سيداً عفا؟!
ياتو خطباً في إضينَا
جمّلت في عيونا شينة ؟
وياتو تلفاز
ياتو رادي
ياتو راوي
ياتو زينة
لبّست عريانّا توب
وبدلت طعم ( السخينة) ؟!
وياتو حلماً في عصورنا
ما صبح باللّت عجينة؟!
وياتو مركب في بحرنا
طاش صوابها
وهدهدت أعصابا مينا؟!
أعفونا من كتر التحالف
والتخالف
والشراكة
والشياكة
والمواثيق
والتواثيق
والورق.
كم مرة أذنا الفجُر
قبال نفيق شفقو إنسرق
كم مرة بشّرتو الحشوم
أكلت عديل
مُر الصفقْ
كم مرة جربنا البيان
كم مرة جبناكم عيان
نشف البلد قلبو إنحرق
الشعب وين يا مؤمنين
ودستوروا في حلة إنسلق ؟!
و ( القسمة) في ثروة منو
والشعب بي جوعو إنشرق
و (النسبة) في سلطة منو
و سكرنا زاد بالنسبة
في الدم إنطلق
إنتو الفوارس والمكوك
الداير يبيع تدوهوا في جاهكم يلوك
واللسه ماسك في الجمر
يا ريتو بس يلقى النبق
والجوع يقطع في الحشا
ألفين سنة
أدونا بس حق الصبر
خلونا من غش الكلام
وعد الرخا ، وليلة القدر
خلونا من كضب البشاير في القصايد والجرايد
يـا (مبيور) ويـا (جلابة)
أنحنا الشعب سدْرنَا ولَّع
وكركب تب
حتفاوضونا ؟؟
ولا نولِّع ونبدا حرابة
نخش الغابة ؟؟
ياتو ورقا إتمضا
وكان دوانا من الأذى
وياتو ظلما إتنسى
بس عشان مكاً ضحك
أو عشان سيداً عفا ؟!
| |
|
|
|
|
|
|
|
|
|
Re: وتعوزوا من الشيطان الرجيم (الشاطر) (Re: رأفت ميلاد)
|
وعدل نبيل السجع
إجتمع الأخوان والسرق
تشريعيه تشرع وتنفيزية تقولك حبر على ورق
والغريم مع الغريم قعد وإتفق
وقالوا أصول العبه السبق سبق
والسبق أكل النبق
والماتو ديل راحوا شمار فى مرق
وإبلييس من ظلمهم
لما ود إبليس وبت إبليس وهج من البلاد مرق
وغبد الله مسكين فى العتاميبر غموزه لقيمته عرق
والبشير والصادق العمرو ما صدق
والترابي الضل وفسق
لو صحيح خلق الإنسان من علق
ديل مخلوقن عديل كدىمن ودك
آخ يا عازة أنا فى هواك دمى إتحرق
| |
|
|
|
|
|
|
| |
رأفت ميلاد
Muna Khugali
Tragie Mustafa
abubakr
adil amin
فيس بوك
تويتر
انستقرام
يوتيوب
بنتيريست