|
دعواتكم لزميلنا المفكر د.الباقر العفيف بالشفاء العاجل
|
|
 Re: حرب التمباك .. يا أهل الصعوط .. "السفة مسمومة" (Re: حيدر حسن ميرغني)
|
Quote: كان عندنا بتاع عماري كارب فى عطبرة
يضيف العرقي وبنج الحصان بدلا من العطرون
تلقى عمال السكة حديد يراوحون حوله كالسكارى
لما قبض عليه البوليس راسنا انقطع
كانت اجمل خلطة دخلت الدماغ |
يا حيدر سعنا البنج والعطرون بويدوهم للعرقى .. إنتو للصعوط ؟ والله إنتو صعبين ..
غايتو عم بين قالوا كان بسقى الباسطة بالشرى
كانت ألذ باسطة فى أمدرمان ..
| |
 
|
|
|
|
|
|
|
|
Re: حرب التمباك .. يا أهل الصعوط .. "السفة مسمومة" (Re: رأفت ميلاد)
|
Quote: لا لا لا .. لازم تسألوا كتير .. ولازم ناس الخرطوم يكونوا بنقلوهم بالنقالات والمستشفيات ما شايلة ..
فى منو ما بسف فى الخرطوم ؟
توزيع الخبر ده بالموبيلات معناهو .. يا ناس الخرطوم الفور دايرين يكتلوكم .. أكتلوهم
نسيتوا الجنوبيين الكانوا بلقطوهم فى الشوارع زى الطير .. يكتلوهم قبل ما يقتلوكم
نسيتوا مناوى وكيف هاجموهم قبل ما يهاجموهم
وكلو بيبدأ بإشاعة
الصعوط من دار فور .. حرب التمباك لازم تًكشف من أولها
فتشوا الأخبار .. أدحصوا الإشاعة .. أكشفوا الكذب |
| |
|
|
|
|
|
|
|
|
 Re: حرب التمباك .. يا أهل الصعوط .. "السفة مسمومة" (Re: رأفت ميلاد)
|
Quote: التمباك فى السودان مسموم .. إمتداد لحرب دار فور !!!!؟؟
ده كلام شنو ؟؟؟؟ |
رافت ازيك
انت السفه دى طالعة موضة ولا شنو وين كده فلان محدد برضو قال الانقاذ طلعت السفه لبرا بعد كانت ..
مدسوسه وهناك برضو علشان داك ظهر برضو قالو ايوة اكيد فى سفه ...
ورونا معاكم علشان نكون عارفين حكاية السفه غايتو عندكم كلامات تانيه...
تسلم يارافت يارب ..
| |
|
|
|
|
|
|
|
|
|
Re: حرب التمباك .. يا أهل الصعوط .. "السفة مسمومة" (Re: ماجدة عوض خوجلى)
|
ماجدة إذيك | Quote: انت السفه دى طالعة موضة ولا شنو |
بقت أرخص حاجة .. السجاير فى السودان رفاهية Quote: فلان محدد برضو قال الانقاذ طلعت السفه لبرا بعد كانت ..
مدسوسه وهناك برضو علشان داك ظهر برضو قالو ايوة اكيد فى سفه ... |
عاد سبقتونا فى اللغات .. | Quote: ورونا معاكم علشان نكون عارفين حكاية السفه غايتو عندكم كلامات تانيه... |
ده الكايسنو وبنديك الخبر
مودتى
| |
|
|
|
|
|
|
|
|
|
Re: حرب التمباك .. يا أهل الصعوط .. "السفة مسمومة" (Re: نها محسن أبورأس)
|
يا اخينا دى والله تكون مصيبة جديدة للاقتصاد الوطنى والسوق المحلى والبنوك--
هو السوق فيهو شنو غير التمباك --
-------------
عارف ما تستبعد بعد كم يوم كدة يعرض التلفزيون المعتمد او الوالى واقف فى طابور طويل قدام دكان سورج او سوق الجلود عشان يعبى حقتو ليؤكد خلو التمباك من اى سموم اجنبية
ويعلو التهليل والتكبير من الجمهور الخرمان وهو يرى الوالى بنفسه يضع دقارا كبير
امام اعينهم -
| |
|
|
|
|
|
|
|
|
|
Re: حرب التمباك .. يا أهل الصعوط .. "السفة مسمومة" (Re: Ahmed Osman)
|
يارأفت ازيك؟
كدي ركز معاي شويه
الاشاعة بتقول السم في التمباك وللا في العطرون؟
وبمناسبة سيناريو الأخ/احمد عثمان:
Quote: بعد كم يوم كدة يعرض التلفزيون المعتمد او الوالى واقف فى طابور طويل قدام دكان سورج او سوق الجلود عشان يعبى حقتو ليؤكد خلو التمباك من اى سموم اجنبية
ويعلو التهليل والتكبير من الجمهور الخرمان وهو يرى الوالى بنفسه يضع دقارا كبير
امام اعينهم - |
ايام الحمى النزفية وقبل العيد بأيام طلع مسؤول كبير -اظنو وكيل وزارة- على التلفزيون وقال موجها حديثه للبلدان التي تستورد لحوم السودان "يا اخوانا فيروس الحمى النزفية ده فيروس ضعيف زيو زي فيروس انفلونزا الطيور" وبس !!!!!
| |
|
|
|
|
|
|
|
|
|
Re: حرب التمباك .. يا أهل الصعوط .. "السفة مسمومة" (Re: Ahmed Yousif Abu Harira)
|
كيفك يا أحمد أبو حريرة | Quote: الاشاعة بتقول السم في التمباك وللا في العطرون؟ |
بتقول إمتداد لحرب دار فور | Quote: ايام الحمى النزفية وقبل العيد بأيام طلع مسؤول كبير -اظنو وكيل وزارة- على التلفزيون وقال موجها حديثه للبلدان التي تستورد لحوم السودان "يا اخوانا فيروس الحمى النزفية ده فيروس ضعيف زيو زي فيروس انفلونزا الطيور" وبس !!!!! |
ما هو جعلى .. وتلقاهو لحمتو جاية من الخارج ..
حمى الطيور لسة فى السودان ؟
والله ما فضل إلا الحمى النملية .. من النملة ..
| |
|
|
|
|
|
|
|
|
|
Re: حرب التمباك .. يا أهل الصعوط .. "السفة مسمومة" (Re: Ahmed Osman)
|
أحمد عثمان سلام Quote: يا اخينا دى والله تكون مصيبة جديدة للاقتصاد الوطنى والسوق المحلى والبنوك--
هو السوق فيهو شنو غير التمباك -- |
وزاتو فى ناس ما قادرين يشتروه Quote: عارف ما تستبعد بعد كم يوم كدة يعرض التلفزيون المعتمد او الوالى واقف فى طابور طويل قدام دكان سورج او سوق الجلود عشان يعبى حقتو ليؤكد خلو التمباك من اى سموم اجنبية
ويعلو التهليل والتكبير من الجمهور الخرمان وهو يرى الوالى بنفسه يضع دقارا كبير
امام اعينهم - |
تعرف يا أحمد يبدو لى الإشاعة من عندهم ما عليهم .. يعنى السيناريو .. صور من جبال شوالات توحى إنها تمباك .. مصور جمبها كم عسكرى مدجج بالسلاح .. والوالى بتفقدها .. العنوان الكبير "ضبط جوالات الصعوط السمومة القادمة من دار فور للهجوم على أهل الخرطوم" .. بعد يومين آيات قرآنية وموسيقى ثورية كدا .. ويقطعوا الإرسال وإعلان القبض على أخطر شبكة تعمل على إبادة أهل السودان بسلاح التمباك .. ويلملموا ناسم الدايرنهم .. ويمكن تطلع مظاهرات .. وناس شيلين سيوف يطالبون بدم المعلمة الإنجليزية .. التى أرسلها الفور فى شوال تمباك .. عيييييك ..
حاجة تحير
| |
|
|
|
|
|
|
|
|
|
Re: حرب التمباك .. يا أهل الصعوط .. "السفة مسمومة" (Re: نها محسن أبورأس)
|
نهى كيفك | Quote: والله علي حسب علمي إنو التمباك بسبب سرطان الفم واللثة...ولكن ده بكون علي المدي البعيد(يعني ما من أول سفة) فإذا كانت الفكرة إمتداد لحرب دارفور فالمفروض الناس دي تشوف حاجة مفعولها سريع واللا رأيك شنو؟ |
ما هو الإيحاء من "مسموم" و "حرب" حاجة سريعة زى الحزام الناسف .. عشان كدة قلت ليهم فتشوا المستشفيات
| |
|
|
|
|
|
|
|
|
|
Re: حرب التمباك .. يا أهل الصعوط .. "السفة مسمومة" (Re: نها محسن أبورأس)
|
سلام تانى يا نها Quote: معناها الموضوع عايز بحث وتدقيق إبتداءا من جميع محلات (العماري) وحتي حوادث جميع المستشفيات والله يكضب الشينة,,,
غايتو الموضوع لو بقي صاح معناها السودان حايطلع من قائمة أكبر دولة مهربة أقصد مصدرة للتمباك في العالم... |
البوست ده زاتو تدقيق .. كان فى كلام زى ده .. مافى زول بدسو .. وكان فى مليون بوست طلع ..
الإشاعة يجب أن تدحص من أولها .. ولى زمن بقودونا زى الخراف ..
| |
|
|
|
|
|
|
|
|
|
Re: حرب التمباك .. يا أهل الصعوط .. "السفة مسمومة" (Re: رأفت ميلاد)
|
يا حبيب
ممكن سفه من اقرب (كيس) ليك
للتاكد من نوعية السم
وفك الخرمه..
خاصة وان الدوحه تعاني من شحه هذي الايام يا رأفت يعني لو عندك فايض رسلو هنا ينيلك ثواب .
وعندها ستكون حقوق السف محفوظا ليك بالكامل ومؤكد اننا بنردها ليك في حالة خرم عارم عندك..
كل سنه وانت طيب يا ميلاد
| |
|
|
|
|
|
|
|
|
|
Re: حرب التمباك .. يا أهل الصعوط .. "السفة مسمومة" (Re: فيصل عباس)
|
سلام يا فيصل عباس Quote: ممكن سفه من اقرب (كيس) ليك
للتاكد من نوعية السم
وفك الخرمه.. |
مافى يا فيصل .. بنجيبو من لندن .. بس قال ليك أقعوا القديم Quote: خاصة وان الدوحه تعاني من شحه هذي الايام يا رأفت يعني لو عندك فايض رسلو هنا ينيلك ثواب .
وعندها ستكون حقوق السف محفوظا ليك بالكامل ومؤكد اننا بنردها ليك في حالة خرم عارم عندك.. |
ياخوى المسافر الدوحة بنقول ليه جيب لينا "سوفت وير عربى" للموبايل وتمباك .. كان شح عندكم .. مصيبة .. بقيتوا مستنين الجديد المسموم .. سوقكم قفلناها كان كدة ..
وأنت بالصحة والسلامة .. وأحزر التمباك
| |
|
|
|
|
|
|
|
|
|
Re: حرب التمباك .. يا أهل الصعوط .. "السفة مسمومة" (Re: رأفت ميلاد)
|
تعرف يا رأفت
الواحد كدا من طاشر سنة
متعتو الاجمل
و الابهى
و الاكثر إشراقا
(سفة) فى كيس جاى هسه و رأسا من السودان
..
لانو الباكستانى و المخلوط و حتى الكوبنهاجن .. لا يعادل (وقية) من العمارى
لا لحرب التمباك
أخر معاقلنا .. و قلعتنا الحصينة ..
و فى دى .. تحديدا .. ممكن الدم يجرى ركب !
و الله يجازى الكان السبب
لك مودتى و أمنياتى و دمت
| |
|
|
|
|
|
|
|
|
|
Re: حرب التمباك .. يا أهل الصعوط .. "السفة مسمومة" (Re: اسعد الريفى)
|
| Quote: خاصة وان الدوحه تعاني من شحه هذي |
يا عمك نفتح ليكم درب تصدير .. وما تخاف ( تسليم الدوحة ) ولا الدوجة زي ما قال رأفت ..
والله في واحد بتاع تمباك ( في الكلاكلة ) بنى ليهو بيوت واشترى ليهو عربات وفتح بقالات وفتح اكثر من 10 فروع في أقل من 10 سنوات وايراداته اليومية ما اقل من 3 مليون ..
| |
|
|
|
|
|
|
|
|
|
Re: حرب التمباك .. يا أهل الصعوط .. "السفة مسمومة" (Re: معتصم محمد صالح)
|
يا معتصم "الدوجة" دى شايفا عجبتك Quote: يا عمك نفتح ليكم درب تصدير .. وما تخاف ( تسليم الدوحة ) ولا الدوجة زي ما قال رأفت ..
والله في واحد بتاع تمباك ( في الكلاكلة ) بنى ليهو بيوت واشترى ليهو عربات وفتح بقالات وفتح اكثر من 10 فروع في أقل من 10 سنوات وايراداته اليومية ما اقل من 3 مليون .. |
شايفك داير تفتح بزنس تصدير .. هسة زولك بتاع الكلاكلة إشاعة زى دى ما بتخرب بيتو .. قول الحمدلله الما إستثمرت مدخراتك بتاعة "الدوجة" فى حقة تمباك فى الخرطوم 
| |
|
|
|
|
|
|
|
|
|
Re: حرب التمباك .. يا أهل الصعوط .. "السفة مسمومة" (Re: اسعد الريفى)
|
كيفك يا أسعد Quote: الواحد كدا من طاشر سنة
متعتو الاجمل
و الابهى
و الاكثر إشراقا
(سفة) فى كيس جاى هسه و رأسا من السودان
..
لانو الباكستانى و المخلوط و حتى الكوبنهاجن .. لا يعادل (وقية) من العمارى |
أها حتى التمباك حسدوكم عليه Quote: لا لحرب التمباك
أخر معاقلنا .. و قلعتنا الحصينة ..
و فى دى .. تحديدا .. ممكن الدم يجرى ركب !
و الله يجازى الكان السبب |
الله يجازيهم ما خلوا حاجة ما حاربونا فيها .. الحرية .. الأرزاق .. وصلت للتمباك !!!
تحياتى يا أشرف
| |
|
|
|
|
|
|
|
|
|
Re: حرب التمباك .. يا أهل الصعوط .. "السفة مسمومة" (Re: fadlabi)
|
فاضلابي
مساء الخير
| Quote: طبعا التمباك في اسكندنافيا زي السودان عادة قديمة جدا و بسفوا كلهم بنات و أولاد |
اكان الجكس بتاع اسكندنافيا قاعد يسفوا ........يااخوي نحنا مفروض ناكله عدييييييييييل كده .
وبعدين ...هم برضوا عندهم عماري نمره واحد ....وسلطان الكيف والاسامي العجيبة ديك....؟
ارقد عافية
هارون دياب
| |
|
|
|
|
|
|
|
|
|
Re: حرب التمباك .. يا أهل الصعوط .. "السفة مسمومة" (Re: haroon diyab)
|
كيفك يا هارون Quote: اضحكتني في هذا اليوم الخريفي الجميل.... اضحك الله ايامك .
لكن برضو ماحااخلي التمباك....الا اكان توريني مكان عم بين ده. |
عم بيّن بتشديد الياء يا هارون الله يرحمو كان أشهر صاحب عربية باسطة فى أمدرمان .. أيام خيرات ميامى وخيرات فى عزها .. تلقى الناس واقفين لى عم بيّن طابور .. قرازة الشري فوق راس العربية ومافى زبون بعدى منو من ودون عمك "يسدرو" 
شايفك داخل بتقول للفاضلاابى Quote: اكان الجكس بتاع اسكندنافيا قاعد يسفوا ........يااخوي نحنا مفروض ناكله عدييييييييييل كده .
وبعدين ...هم برضوا عندهم عماري نمره واحد ....وسلطان الكيف والاسامي العجيبة ديك....؟ |
الخواجات كلهم بسفوا .. والتمباك دخل السودان مع الإنجليز .. خاصة الإسكتلنديين .. لكن الجكس هنا ما بشتروه .. جماعة فاضلابى قبلهم وقبالم ..
وعندنا حاجة تانية دخلا الإنجليز .. جماعة ناس حمادة بت .. ما أخير التمباك ؟
مودتى
| |
|
|
|
|
|
|
|
|
|
Re: حرب التمباك .. يا أهل الصعوط .. "السفة مسمومة" (Re: رأفت ميلاد)
|
رافت ميلاد
مساء الخير
| Quote: تعرف يا فاضلابى عندنا ولد حلفاوى مجكس شافعة شغالة فى الدكان الجمبهم .. قام علما التمباك .. قال عشان ما تفوت تخلينى |
ايام الزمن زين وفي بورسودان كان عندنا واح ود خالنا .....جانا زيارة وعزمناه بارتي ....اها قام يرقص ليه مع واحدة ...وفي نص الرقيص ....صاحبك يتفأجا بانه اختنا تفت السفة......قال ليها يابت ده شنو ده....؟ ردت عليه وبسرعة : يازول ماتقفل .......! ده.
وكانت لنا ايام .
التحايا
هارون دياب
| |
|
|
|
|
|
|
|
|
|
Re: حرب التمباك .. يا أهل الصعوط .. "السفة مسمومة" (Re: haroon diyab)
|
| Quote: ها قام يرقص ليه مع واحدة ...وفي نص الرقيص ....صاحبك يتفأجا بانه اختنا تفت السفة......قال ليها يابت ده شنو ده....؟ ردت عليه وبسرعة : يازول ماتقفل .......! ده. |
ياخوى طالما مافى تمباك مسموم خلينا متونسين .. قصتك زكرتنى فى السيول والفيضان كان النسوان بخوضن خور أبو عنجة .. الصعاليك يكوركوا بى برة "أوع البوبينه أوع البوبينة" طلعت ليهم واحدة قالت ليهم "جاز يا خو....."
| |
|
|
|
|
|
|
| |
رأفت ميلاد
معتصم محمد صالح
عبدالكريم الامين احمد
خضر حسين خليل
فرح
الطيب شيقوق
حيدر حسن ميرغني
بابكر التوم
الزبير صالح الزبير
ماجدة عوض خوجلى
نها محسن أبورأس
واللا رأيك شنو؟
Ahmed Osman
Ahmed Yousif Abu Harira
فيصل عباس
اسعد الريفى
haroon diyab
fadlabi
فيس بوك
تويتر
انستقرام
يوتيوب
بنتيريست