دعواتكم لزميلنا المفكر د.الباقر العفيف بالشفاء العاجل
|
|
 جبيبنا آدم عمر ... (الجاتك فى مالك سامحتك)
|
تعرض الزميل آدم عمر لحادث حركة مروع بمدينة لوزان
تحطمت سـيارته تمامآ
ولكن لطف به الكريم وخرج سليمآ معافى
حمد لله بالسلامة يا بقارى
لسة عندك عندك نصيب فى العنبلوق
سلامة وكرامة
|
|
 
|
|
|
|
|
|
|
|
Re: جبيبنا آدم عمر ... (الجاتك فى مالك سامحتك) (Re: عواطف ادريس اسماعيل)
|
يا أخو ..
حمدالله على سلامة آدم ياخ ..
و ما يشوف شر إن شالله .
بعدين تعال .. شنو حكاية الجاتك في مالك سامحتك دي ؟؟
ولا سامحتو ولا حاجة ياخ ..
راحت العربية شمار في مرقة ..
و ح يضرب صاحبنا الكداري في الصقط داك , وللا يرتكب الترماي .
( تتذكر الترماي يا ابن خالتي ؟؟ ) .
قديم إنت يا رأفت ياخ ..
هسع عنبلوق شنو البتقولو ده ؟ ..
ما تفكنا ياأصلي , عنبلوق ده ما بيعرفوه ليك الناس السغار الهنا ديل ..
بيعرفو جيلنا و جيلكم و السابقون السابقون .
عنبلوق قال !!! .
ساعدنا شوية باللغة المودرن يا استان .
تتذكر مخبز لوزان الزمان داك ؟؟ .. و رغيف سيحة و بابا كوستا ؟ ..
و بعدين لوزان دي وين ؟؟
أوع تكون لوزان بتاعت سويسرا ديك محل الناس المرطبة و الزليق فوق التلج و المكنات العجيبة ؟
بالله يا ود عم ميلاد بقيت آخر عمرك تتزحلق كمان .. ؟؟ أفوووو
هسع تقول كده لناس الديم يطلعوك حنكوش ساكت .. و يقاطعوك .
أحسن تقطّم , و تقرّض على كده .
عنبلوق ..!! عنبلوق يا رأفت ؟؟ .
طيب .
| |
|
|
|
|
|
|
|
|
|
Re: جبيبنا آدم عمر ... (الجاتك فى مالك سامحتك) (Re: Emad Abdulla)
|
كيفك يا عمدة
ما تشيل هم آدم عمر
الحديدة بطقطق ليك أختا هسه
البركة فى تولا
لا لا يا خوى الترماى ما حضرناه لكين قضيبو فى كبري أمدرمان شفناهو
أما رغيف بابا كوستا وعمك سيحه قرضناهو
تتذكر العيش الشمسى أبو قرون
فتة كوارع يا فردة
ياخوى زحلقة شنو
بتزحلق البقارى آدم عمر والحلبى خالد أميرى
يشحتو بالفرنساوى
ولما تقفل يقلبو رندوك
شوف الزمن
أخوى فيصل عثمان ماسك ضهرو
وأنا تحت البطانية
والسنة تحت السرير زى زمان
بس بدل بتاع (عجبة) دلعناهو
والعنبلوق ما بنفرط فيهو
بشرك بيه
ما بقدر على محاحاتم
آدم عمر يجيك مهاجر
وعماد عويس يغنى ليك للصباح
وجنابو فيصل عثمان (بتاع المايقوما) يجمع دغش
العمبلوق مهم ياخوى
دبر الإجازة والتزكرة علينا
| |
|
|
|
|
|
|
|
|
|
Re: جبيبنا آدم عمر ... (الجاتك فى مالك سامحتك) (Re: رأفت ميلاد)
|
(الحبيب رافت شكرا كــــــــتير ةاللة ما جاب يوم شكرك واللة غايتو جات فى الشيكفة او زى ما بقواو التوانسة جات فى الكربة والحمدللة الجات على كدة اصلو نحن مارقين لى الربة التلاف وبعدين العمبلوق( شايف عماد مزحلق المرة وفيصل رجع من سورياوالحلبى مشكور ما قصر
| |
|
|
|
|
|
|
|
|
|
Re: جبيبنا آدم عمر ... (الجاتك فى مالك سامحتك) (Re: رأفت ميلاد)
|
رافت ازيك
الف سلامة ليك والحمدلله انها جات على العربية
بتتعوض المانيا وبلجيكا مابعدين خالص وربنا يعوضك باحسن منها انشالله
غايتو يارافت مرات فى سيرة بتقلب المواجع ذى سيرتك دى هسه انا ذاتى
الشهر الفات ده كان برضو الجاتنى فى مالى سامحتنى
تحياتى رافت وعمر
| |
|
|
|
|
|
|
|
|
|
Re: جبيبنا آدم عمر ... (الجاتك فى مالك سامحتك) (Re: Muna Khugali)
|
Quote: وانا يا عماد ويا رأفت ما صغيره لكن برضه ما عارفه عمبلوق ده شنو..
حيوان ولا نبات ولا حاجه بيعملوها من مشتقاتهم؟
|
يللا .. قول واحد ..
كويس كده يعني ؟
تجيب لينا الكلام ؟
مشتقات شنو يا منى ياخ ..!!
ده نبات .. 
زمااااان قبل مايو و الإنقاذ و التصحر , كان في شدرة إسمها شدرة العمبلوق ..
زي شدرة الشعيرية كده ..
تلقي نازل منها عمبلوقات عمبلوقات .
بس .. ياها دي .
ناس رأفت ديل كان عندهم شدرة عمبلوقات قدام بيتهم في الديم ..
نجي نقعد تحتها و نعمبلق منها 
| |
|
|
|
|
|
|
|
|
|
Re: جبيبنا آدم عمر ... (الجاتك فى مالك سامحتك) (Re: Muna Khugali)
|
Quote: وانا يا عماد ويا رأفت ما صغيره لكن برضه ما عارفه عمبلوق ده شنو..
حيوان ولا نبات ولا حاجه بيعملوها من مشتقاتهم؟ |
كيفك يا منى
أها عصام جاب ليك الشجرة بعبلوقاتا عديل .
صيفنا دخل وهو أجمل صيف فى الدنياوإنتى فركة كعب
لكن يشركوا ليك بشنو
لا عنبلوق ولا عكو بجيبك
شفتك زوغتى من الكمونية والمرارة فى قرورة
نضبح ليك الجبنة (الصفرا) نحن سيادها
يلا تعالى صيفى
كان بتدورى الركلسة بونسك
وكان حوامة بفكك مع الحجة مقددة البلد
فكرى فيها
وعمومآ العنبلوق موجود
| |
|
|
|
|
|
|
|
|
|
Re: جبيبنا آدم عمر ... (الجاتك فى مالك سامحتك) (Re: Muna Khugali)
|
الاخت العزيزة بت عوض خوجلى ســــــــــــلامات وشكرا على الطلة وبعدين ما عارفة العنبلق ( دى كلام ناس كبار زى رافت كدة وبعدين ما شايفة عصام جبراللة مجقلب كيف الواطا سخنت وتانى مافى عتوت يكون حايم حيلل(كسر الحا ) وركلسة فى شجر بازل الكتير داك ورافت يعجبك ما يقصر الا الملح
| |
|
|
|
|
|
|
|
|
 Re: جبيبنا آدم عمر ... (الجاتك فى مالك سامحتك) (Re: رأفت ميلاد)
|
الأخ آدم سلامات,
والحمد لله وكفارة وحمدالله على السلامة,
الجاتك فى مالك سامحتك,
قبل شهر أخوكم واقف فى إشارة والدنيا ليل وشايل سمك وعازم أحد الأصدقاء وجارى على البيت! فجأة
واحد تركى سأئق أكبر مقاس شاحنات تشوفو عيونك صادم عربيتى فى أقصى الجانب الأيسر !!خير وسلامات و
البوليس الأول جاء وعاين الحادث وطلب إخلاء الطريق حتى يحضر التحقيق و خارج نفسه!! صاحب الشاحنة
لا عربى لا إنجليزى لكن إعتذر بأدب والموضوع واضح والعربيات مؤمنة شامل!! بعد ساعتين إنتظار جاء
الأخ المحقق وتفاءلت خيرا بكونه يمنى واليمنيين أخوانا وحبايبنا! لاحظ البوليس الأول طلب إخلاء الطرق!
أبويمن الله يديهو العافية شاف العربيات واقفة وبدون أى سؤال ودون أى كلام وقف دقيقتين وطلب منّاالحضور
غدا لإستلام التقرير حتى نتمكن من إصلاح السيارات والتعامل مع التأمين والإجراءات السخيفة الطويلةإياها!
تانى يوم الراجل ما موجود وتالت يوم غايب ورابع يوم ظهر !!! التقرير واضح وصريح أنا غلطان!! سؤال واحد
يا سعادة المحقق ممكن ترسم لى الحادث !!! أبو يمن قرر إنو يرسم العربيات وهي واقفة برّة بعد الحادث ولما
حاولت أبين ليه إنو فاهم غلط والقصة ما كده قرر إنو ما مفروض سودانى يسوق عربية زاتو وإنو السودانين
مفروض يسوقوا حمير بس!! وأعفينى من الإفلاس الحصل بعدها لأنو آخر ناس يتكلمو فى السواقة والنظام هم اليمانية!
أخوكم متهم الآن بالإساءة لرجل قانون وشتمه والتعريض به تخيلوا!!! رغم إعتراف التركى بروايتى.
إنشاء الله بس تأمينك شااااااااااااااااااااااامل يا آدمو!
دمتم
| |
|
|
|
|
|
|
|
|
|
Re: جبيبنا آدم عمر ... (الجاتك فى مالك سامحتك) (Re: أيمن الطيب)
|
يا أيمن حمد لله بالسلامة
دى بسموها (ميته وخراب ديار)
لا حاريها لا داريها عربيتك راحت فى حق الله
وإتسلط عليك أبو يمن
راجع أعمالك 
قلت لى قال ليك
Quote: قرر إنو ما مفروض سودانى يسوق عربية زاتو وإنو السودانين
مفروض يسوقوا حمير بس!! |
أبو يمن بتاع الدباب  والله حكاية
الراجل داير ليهو غمتة ولا لفة قاد
أصلو الرشوة لما طلعت للعالم طلعت منهم
الله يديك الصبر
وألف سلامة ليك
| |
|
|
|
|
|
|
|
|
|
Re: جبيبنا آدم عمر ... (الجاتك فى مالك سامحتك) (Re: أيمن الطيب)
|
اخى العزيز ايمن واللة كفارة ليك وشكرا على مرورك لكن ابو يمن دا باى قانون اتعامل معاك واللة السـودانين ما يسوقو الا حمير دا كلام يجب ان لا تسكت علهو وانا عملت معاى الحادس واحدة سكرانة لط وكمان قالت شونو ما تطلب البوليس هنا حالة السكر البتودى الواحد فى سيتين داهية (0/5)وحياتك اخوك طوالى (117) وعباس جا طاير اصلو شقل ما عندهم
وما اكتوم عليك سر
اخوك راجى التعويض
وكمان ادونى سيارة اى مدة (21 يوم)
تقول لى ابو يمن
الراجل دى يمكن جاى مخزن ةانت ما لاحظت الحتة دى
| |
|
|
|
|
|
|
|
|
|
Re: جبيبنا آدم عمر ... (الجاتك فى مالك سامحتك) (Re: رأفت ميلاد)
|
اخونا ادومة اب شنب
سحروك الما بشبهوك ... داير ليك بخور تقيل و حجاب كارب من فكى سويسري ودقبايل ساكن فوق اعلى جبل، بالله ديل لو ما بعملو حجبات بلدهم الكلها حجار و تلج دى بقوها زى الجنة كيف؟
اها انحنا في انتظار العمبلوق
يا عمدة
| Quote: أوع تكون لوزان بتاعت سويسرا ديك محل الناس المرطبة و الزليق فوق التلج و المكنات العجيبة ؟ |
ياها زاتا ... توفيق زيادة صاحب بهى الروح كان ساكن في لوزان دى كان امنيتو يشوف كوشة بي ضبانا ...
في احدى الروايات اللاتينية يحكى الراوى عن صديق فوضوى قال انه عاش في سويسرا والراوى لم يصدق الحكوة لانه "عندما مر بسويسرا لنظافتها تخيل ان ربات البيوت يكنسن الشوارع كل صباح و يرمين القمامة في ايطاليا، بلد ضيعت فرصتها الوحيدة لتكون لها ماساة قومية عندما اصاب ويليام تيل التفاحة، بلد لا تصلح الا لصانعى ساعات "
ياخى ما تختف رجلك تجى ... اهو تشوف العمبلوق و ادم و عمايل ود عمك ميلاد ده!!!!!!
Quote: أخوى فيصل عثمان ماسك ضهرو
وأنا تحت البطانية
والسنة تحت السرير زى زمان
بس بدل بتاع (عجبة) دلعناهو |
يا رافت
العمبلوق نظبط بيهو برنامج الصيف الاتفقنا عليهو؟ ضهر فيصل ده انا بقيت شاكى فيهو... في سوريا ببقي كويس؟
القصة فيها انة ... نسال نجاة، جنابو ده حركات الضباط دى ما بخليها... ديل كانو بمصرو الغنم...
منى سلام
Quote: وانا يا عماد ويا رأفت ما صغيره لكن برضه ما عارفه عمبلوق ده شنو..
حيوان ولا نبات ولا حاجه بيعملوها من مشتقاته؟ |
يا زولة و لا يهمك ... غايتو فتشت ليك في النت ولقيت صور قليلة لشجرة العنبلوق، نادرة جدا والقدام بيت ناس رافت دى من القلائل في السودان ... ما شايفه عماد و رافت معنبلقين كيف؟
سلام يا ناس
| |
|
|
|
|
|
|
|
|
|
Re: جبيبنا آدم عمر ... (الجاتك فى مالك سامحتك) (Re: doma)
|
الأخ العزيز رأفت .. تحياتي لك،
Quote: تعرض الزميل آدم عمر لحادث حركة مروع بمدينة لوزان
تحطمت سـيارته تمامآ
ولكن لطف به الكريم وخرج سليمآ معافى
حمد لله بالسلامة يا بقارى
لسة عندك عندك نصيب فى العنبلوق |
وحمداً لله على سلامة أخونا آدم ..
وبعدين يا رأفت هو ما عنبلوق .. عنبلوك
والأصل عنبلو ومعناها ذبوحك وقرنك دابو
برم .. أضيفت له الكاف لتأكيد أنه هـو
أي العنبلو بذاته وصفاته التي تؤهلــه
ليكون كرامة لمن يتوعك أو يتعرض لحادث
ويعنبله بعضهم لمأرب غير الكرامـــــة
والحوادث والله أعلم.
| |
|
|
|
|
|
|
|
|
|
Re: جبيبنا آدم عمر ... (الجاتك فى مالك سامحتك) (Re: Mohamed Abdelgaleel)
|
صديقى الجميل ود عبد الجليل
مساك الله بالخير
لكن عاد قعدت العمبلوق/ك قعيد تمام
نحن من ما نشوفوا نعلقوا
أصلو ما سألنا نفسنا . دايمآ الزمن ضيق
Quote: وبعدين يا رأفت هو ما عنبلوق .. عنبلوك
والأصل عنبلو ومعناها ذبوحك وقرنك دابو
برم .. أضيفت له الكاف لتأكيد أنه هـو
أي العنبلو بذاته وصفاته التي تؤهلــه
ليكون كرامة لمن يتوعك أو يتعرض لحادث
ويعنبله بعضهم لمأرب غير الكرامـــــة
والحوادث والله أعلم. |
نحن مآربنا لا تحصى ولا تعد
شكرآ على المعلومات وعلى وجودك المفرح
محبتى
| |
|
|
|
|
|
|
|
|
|
Re: جبيبنا آدم عمر ... (الجاتك فى مالك سامحتك) (Re: esam gabralla)
|
سلام يا عصام
والله شدرة العمبلوق عندكم
دى كان لقاها آدم عمر بسكن تحتها
Quote: العمبلوق نظبط بيهو برنامج الصيف الاتفقنا عليهو؟ ضهر فيصل ده انا بقيت شاكى فيهو... في سوريا ببقي كويس؟
القصة فيها انة ... نسال نجاة، جنابو ده حركات الضباط دى ما بخليها... ديل كانو بمصرو الغنم... |
ياخوى حدد ومشغولياتك الما بتنتهى
أنا لسة ما أخدت إجازة السنة دى
جنابو وصل لكن باقى لى ما بقدر علينا
| |
|
|
|
|
|
|
|
|
|
Re: جبيبنا آدم عمر ... (الجاتك فى مالك سامحتك) (Re: esam gabralla)
|
يا عصام ســــــــــــلامات ياخوى جايب لى شجرة كاملة غايتو بقسية بطيخية مع منى عوض خوجلى
واللة يا عصام سر البلد دا كلو فى الجبال دى بعدين الفكى لازم يكون من عندكم
قلت لى توفيق ذيادة قال داير لية كوشة بى ضبانا
عصام موضوع العنبلوق تقدم بطلب عضوية والموفقة تاتى من
عماد شمت
وفيصل عثمان
وادم عمر
| |
|
|
|
|
|
|
|
|
|
Re: جبيبنا آدم عمر ... (الجاتك فى مالك سامحتك) (Re: abubakr)
|
كيفك يا قريبى وليك وحشة
بروفايلك إتملا صور أحزانك | Quote: وبعدين هو انتو كمان عندكم "حوادث سيارات مريعة ؟ " انا فاكر دي من الارث العربي والهندي؟ |
نحن حوادثنا خطيرة لأنو الخواجات منظمين وبحترموا قواعد المرور بحزافيرا ومابختوا margen للخطآ أبدآ . عشان كدة ما عندهم حنكة تفادى الحوادث . يعنى تدخل صباعك يقطعوه .
آدم حظه بطال خبتتو مرأة سكرانة . لكن الجزء المضيئ السكران بدون أى تحقيق يتحمل الخطأ 100% . يعنى التأمين بتاعا يدفع كله Quote: بعدين الغنم والشجرة دي بتاعتي وكنت زمان سلفتها لمني خوجلي؟
يا بوليييييسسسسسسسسسسسسسسس |
أيوة متزكرا شجرة العنبلوقات بتاعتك . البوليس يقبض عصام جبرالله ياخوى هو النكتا .
دمت بخير
| |
|
|
|
|
|
|
| |
رأفت ميلاد
عواطف ادريس اسماعيل
Emad Abdulla
Adam Omer
ماجدة عوض خوجلى
Muna Khugali
أيمن الطيب
انعام عبد الحفيظ
doma
Mohamed Abdelgaleel
فرح
abubakr
فيس بوك
تويتر
انستقرام
يوتيوب
بنتيريست