|
|
|
 Re: الغضب (Re: رأفت ميلاد)
|
الغضب
كما ذكرت يتملكنى غضب لم أشعر بكنههه ولا أحس بأنى غاضب .. حتى جلسة "الهنود الحمر" السابقة .. لا أخبئ بأن الأمر أقلقنى وأنا "زول ضغط" .. بحثت فى النت عن الغضب .. وجدت موضوعآ دسمآ أحاول ترجمته لكم .. وأعتقد واثقآ أننا كلنا يتحكم فى تصرفاتنا وكتاباتنا غضب كامن داخلنا لا ندرى به ..
أتمنى أن يشاركنا أصحاب الإختصاص لتصويبا..
الموضوع بعنوان: تحكم فى الغضب .. قبل أن يتحكم فيك
العناوين البارزة فى الموضوع:
ماهيةالغضب
كيفية التحكم فى الغضب (ضبط النفس)
إستراجية الحفاظ على حدود الغضب
هل تريد إستشارة (مساعدة) ؟
المصدر: Controlling Anger -- Before It Controls You
.
| |
 
|
|
|
|
|
|
|
|
Re: الغضب (Re: رأفت ميلاد)
|
الجميل رأفت سلام
واصل متابعين رغم اننا ما من ذوي الاختصاص بس لانو الموضوع بهمني بشكل شخصي جدا
| |
|
|
|
|
|
|
|
|
|
Re: الغضب (Re: سفيان بشير نابرى)
|
حبيبنا سفيان ود أهلنا ناس نابرى
شوق كبير | Quote: الصور الصور يا عمك |
ياتو صور يا عمك .. كان صور الغضب إلا أنزل ليك صورتى .. وكان صور صاحبة الأنامل السحرية لازم ترسل لى شهادة من القمسيون الطبى بتوقيع شاهدين راشدين تؤكد عطب ظهرك .. وحماك الله من الوجع
محبتى
| |
|
|
|
|
|
|
|
|
|
Re: الغضب (Re: حافظ حسن ابراهيم)
|
سلامات يا حافظ | Quote: واصل متابعين رغم اننا ما من ذوي الاختصاص بس لانو الموضوع بهمني بشكل شخصي جدا |
والله يا حافظ بعد أن أنزلت هذا الموضوع .. قرأت موضوعك .. اوجاع مبعثرة صدقنى سخرت من نفسى وأسباب غضبى ..
سأواصل وأنا يدى فى الماء البارد .. يا ليت الله ينزل عليكم بردآ وسلام من عنده على طاقة الجحيم المفتوحة لديكم بفعل فاعل والله منها براء ..
محبتى
| |
|
|
|
|
|
|
|
|
 Re: الغضب (Re: رأفت ميلاد)
|
الأخ الـحـبـيـب الـحـبـوب،
رأفت ميلاد،
تـحـية الود والأعـزاز،
والسـلام العـطـر الحار لك وللعائلة الكريـمة... متمنيآ من اللـه تعالـي ان يـمن عليك بالصـحـة الوافرة ودوام العافية.- لـم اتـصـل بك فـي الفتـرة الأخيـرة لانني مازلت بموسكو ودفتـر التلفونات فـي الـمانيا.
*** - لـما قريت بوسـتك الـحالـي ضـحـكت كما لـم اضـحك من قبل!!!، ياأخـي انت قبل كتبت لنا يومـيـن عـن " الكـدندار " ومـسـحـوق الخفايش ومادارك مامـسـحوق الخفافيـش!!!!... وفـجـأة مابيـن غـمـضـة عيـن وانتباهـتها تكتب لنا عن حسناوات مسـتشـفي التدليك والـمساج!!
*** - بصـراحـة يارأفت، بـتـمني لك الصـحـة التامـة، ......لكن مابتـمنـي لك تطلع من الاسـتبالية دي!!!
" وجـه حاسـدك شـديييييد!!!"
لكم مودتي.
| |
|
|
|
|
|
|
|
|
|
Re: الغضب (Re: بكري الصايغ)
|
يا رافت يا اخوى خلينى من الغضب. اخوك عندو الام ظهرى تضايقنى اها يا ابلع (كافينول)
وده مافى ولا اجى عيادتكم دى اها رتب لى مواعيد ....
اسع تفتكرنى بهظر وتطلع الموضوع شمار فلى مرقه...
سلام وكبف حالك واحوالك عساك والاسره بخير
انا كنت مفكر امشى لى (بت بتى) لكن ما عارفه حيه ولا لا ...
تحياتى
| |
|
|
|
|
|
|
|
|
|
Re: الغضب (Re: عمر سعد)
|
ود سعد حبابك ألف[| Quote: B]يا رافت يا اخوى خلينى من الغضب. اخوك عندو الام ظهرى تضايقنى اها يا ابلع (كافينول) |
أيوة كافنول بريحك .. سيبك من المداقرة .. وجعتنا دى لازم يكون عندك عيال بى أمهم أقل حاجة 20 سنة عشان يُنظر فى أمرك .. قايلا فيزا وطيارة ..| Quote: انا كنت مفكر امشى لى (بت بتى) لكن ما عارفه حيه ولا لا ... |
بت بتى الله يرحمها ياخ .. ديك بتخلعك وتطير الرحمن من قلبك .. يوم شكلة فى سوق الشهداء أخوك عامل كلاى كتفو إنقلع .. ودونى ليها .. شبكتم جيبوا الطوبة وعملت ليها غلبة وهمية مع واحد من أحفادا .. نسيت كتفى وإنشغلت مع الزول المتلكع ده .. غدرتنى ورجعت كتفى .. قولة آآآى قطعتا فى خشمى .. ياخ ديل تكتيكاتم ما فيها حنية .. خلينا فى الطراوة دى أخير ..
تحياتى للأسرة ولأختنا وأولادهاوزوجها ..
| |
|
|
|
|
|
|
|
|
|
Re: الغضب (Re: بكري الصايغ)
|
كيفك يا بكرى .. طبعآ موسكو هسة أجمل ربيعها .. ما شفته لكن ب يالمقارنة بحرايتنا ..
| Quote: ياأخـي انت قبل كتبت لنا يومـيـن عـن " الكـدندار " ومـسـحـوق الخفايش ومادارك مامـسـحوق الخفافيـش!!!!... وفـجـأة مابيـن غـمـضـة عيـن وانتباهـتها تكتب لنا عن حسناوات مسـتشـفي التدليك والـمساج!! |
ولسة المدد .. ماشى أتجلى لامن أجلى .. خليك قريب وأنت موسوعة فى كل الإتجاهات .. وبعدين أحرف ناس المساج فى العالم على الإطلاق فى موسكو .. "وش خبيث" ..
| Quote: بصـراحـة يارأفت، بـتـمني لك الصـحـة التامـة، ......لكن مابتـمنـي لك تطلع من الاسـتبالية دي!!! |
الحراية ما مريحانى .. كان بعد المساج يختو ليك حاجة لستك سخنة تحت الضهر .. إسمها فانقو" .. يدمدموك بيها زى اللحاف فى ضهر اللورى .. تنوم تعسل وإمكن تحلم .. وتطلع من عندهم ناسى ليك كم طاشر سنة كدة .. لكن مع الحر ده أبيتا آخر مرة .. | Quote: " وجـه حاسـدك شـديييييد!!!" |
أها يعنى أتمنى ليك وجعة ضهر على خفيف كده ههههههه
تحياتى
| |
|
|
|
|
|
|
|
|
|
Re: الغضب (Re: رأفت ميلاد)
|
الحمد اللة على سلامة ظهرك.
فى اعتقادى ان الغضب ينتج من نقطتين او فى حالتين هما
الاول: رد الفعل لتصرف ما من شخص او جماعة فى النظرية الاجتماعية التى تتحكم فى علاقة الفرد مع
المجتمع وعلاق الفرد مع الفرد, كل الديانات السماوية والكتب التى انزلت من اللة اتت
لتنظم سلوكيات البشر وتعطى الانسان حقة فى الحياة.
الثانى: الطبيعة ,كأن تشاهد منظرا جميلا يبعث فى نفسك مشاعر معينة تجعلك تنتحب ,او تمر نسمات
الليل تدغدغ وجدانك فى هدوء ونعومة.
او ان ترى كلبا اوحيوانا يفترس غنيمتة فيضقى شئيا من الغضب,او تشاهد موقفا ماساويا
فكل هذة تبعث فى النفس الاحساس بالغضب.
الدراسات الاجتماعية تدعو الفرد بان يراعى النقاط الاتية
1- ان لا ترفع صوتك عاليا فى الكلام مع شخص .
2- ان تشعر بالامان والطمانينة.
3- ان تجعل الابتسامة مفتاح كلامك وتحيتك,وان لا يكون وجهك غاضبا يعطى دلالات ما.
وهنالك الكثير من النقاط التى يجب مراعاتها فى علاقة الفرد مع الاخر.
موضوع المساج والتدليك او العلاج الطبيعى لة مواقف طريفة فى الوطن العربى
نشرت فى المجلات العربية .............
لك السلام رافت
| |
|
|
|
|
|
|
|
|
|
Re: الغضب (Re: سيف الدين مصطفى كرار)
|
سيف يا وجه الخير يومك تلقى فيه كل الخير Quote: كل الديانات السماوية والكتب التى انزلت من اللة اتت
لتنظم سلوكيات البشر وتعطى الانسان حقة فى الحياة. |
صدقت والله .. السماء أعطتنا كل الخير والطمأنينة .. وعكرناها بأيادينا .. لم ننفد نقول قدر ولطف .. ولما نغرق نقول كله بأمره .. وهو بريئ منا ليوم الدين | Quote: او ان ترى كلبا اوحيوانا يفترس غنيمتة فيضقى شئيا من الغضب,او تشاهد موقفا ماساويا |
تعرف يا سيف يا ريت بقت على حيوان .. ذكرتنى قصة ونحن بنتسامر بالنت .. واحد أخير منه أنا .. آخر مرة زار السودان فى التمنينات .. بحكى بحرارة قال: (نومنا فى بحرى تصوروا تانى يوم الصباح لقينا فى الكوشة القدامنا حمار ميت) نطت واحدة من السودان ردت عليه: (حمار شنو ياخ هسة عاااادى تلقى فيها طفل ميت) الرجل تم الشهادة وما فتح خشمه[/BQuote: ] 1- ان لا ترفع صوتك عاليا فى الكلام مع شخص .
2- ان تشعر بالامان والطمانينة.
3- ان تجعل الابتسامة مفتاح كلامك وتحيتك,وان لا يكون وجهك غاضبا يعطى دلالات ما. |
غايتو التلاتة ديل يا سيف إلا يصرفوهم لينا كبسولات ..
سعيد كالعادة بطلتك
| |
|
|
|
|
|
|
|
|
|
Re: الغضب (Re: رأفت ميلاد)
|
مداخلة مهمة عبر القارات فى قلب الغضب
كتبت د. حنينة Quote: سلام رافت
كنت مشغولة الايام الفاتت
لطالما فكرت قبلاً
كيف يمكن تفريغ شحنات الغضب قبل ان تدمرك؟
1-بالتحدث لصديق وفي يفهمك و يحفظ سرك
(لكنه كالغول و العنقاء يا رأفت)
2- التحدث الى متخصصين في هذا الشأن Professionals
يرونك الطريق لكن لا يتعاطفون معك شخصياً
It's their job, get on with it
don't sympathise
في الكورس الذي تحدثت لك عنه (تعرف البي هذه الأيام) الأوراق لا يمكن الوصول إليها
للكن الذي أذكره أن المحاضرة ذكرت الآتي
Every one can be a healer
but be careful, keep negative charges out of your way
أي إنسان يمكنه أن يكون معالجاً نفسياً
لكن إحذري أن تصلك الشحنات السالبة
عليك باليوقا يا رأفت
و نفِّس غضبك
إذهب لمكان فارغ من البشر ..بعيد
إصرخ بأعلى صوتك
و أغسل غضبك بدموع غزيرة
و هي وسيلة رخيصة و فعالة لتنفيس الغضب!!
__
لي صديقة عراقية عملت في قسم الأمراض النفسية قبل فترة
وجدت عندها يوماً موبايل مصنوع من المطاط فسألتها عنه
ردت.. إحدى شركات الأدوية توزعه لتنفيس الغضب
عندما تشعر بالحنق و الشد العصبي
عليك بالضغط عليه بشدة إعصره و أخنقه بدلاً من أن تخنق نفسك أو زمارة رقبة الأهل أو الجيران
سلامتك من كل غضب
always welcome
سودان راى
|
| |
|
|
|
|
|
|
|
|
|
Re: الغضب (Re: صلاح أبودية)
|
سلامات ومفارة وانشاء الله الدست ايديها في ضهرك كفارة
تحياتي مروري للسلام والدعاء بالعافية لك ولمن تحب
.....................................................حجر.
| |
|
|
|
|
|
|
|
|
|
Re: الغضب (Re: الرفاعي عبدالعاطي حجر)
|
سلامات يا حجر بزيارتك بيتنا نور Quote: سلامات ومفارة وانشاء الله الدست ايديها في ضهرك كفارة
تحياتي مروري للسلام والدعاء بالعافية لك ولمن تحب |
الله يعافيك ياخ .. والدست يدها ما طلعت فاضية .. والله يا حجر زى قصص السحر .. ولا أخوك إتخلع ساكت ههههه ..
تحياتى للجميع طرفكم
مودتى
| |
|
|
|
|
|
|
|
|
|
Re: الغضب (Re: صلاح أبودية)
|
الصديق رافت ميلاد،،
تحية طيبة،،
اولا،
سلامة ضهرك،،،
اما عن الغضب، فأنا عندى نظرية:
1. نحن نغضب لاننا لا نفهم ما نريد (توقعاتنا مغايرة للواقع)،،،
2. نحن قوم غير متسامحون مع أنفسنا،،،
و بجيك راجعة،،،،
| |
|
|
|
|
|
|
|
|
|
Re: الغضب (Re: Hala Hassan)
|
كيفك يا هالة Quote: اولا،
سلامة ضهرك،،، |
الله يسلمك ويخليكى Quote: اما عن الغضب، فأنا عندى نظرية:
1. نحن نغضب لاننا لا نفهم ما نريد (توقعاتنا مغايرة للواقع)،،،
2. نحن قوم غير متسامحون مع أنفسنا،،، |
يا هالة نحن لن نفهم ما نريد .. وليس قصور
مننا .. نحن قوم مسيرون وغير مخيرون .. ويا ليتنا كنا مسيرون فى طريق معبد واحد .. تتغير القوانين صباح مساء .. وماتفعليه اليوم لا تستطيعى غدآ ..
فى يوم من الأيام فى نفس هذا السودان .. كانت مواعيد قهوة الصباح وشاى "العصر" تظبطين عليها الساعة .. ويمكن قضاء ثلاثة مهمات مبرمجة بين بحرى والخرطوم وأمدرمان ..
يجب أن تكون توقعاتنا مغايرة للواقع .. قبولنا بواقع مثل هذا هو بداية النهاية .. فيجب أن نكون "كسالى وحرامية وكذابين" لنكون جزء من هذا الواقع .. الذى قبل به الكثيرون .. فطوبى للغضبى والمجانين ..
نحن لسنا غير متسامحين .. نحن قرفانين .. ومحروقين .. وحانقين .. حتى ونحن نضحك ..
معليش فكيت فيك شوية زعل .. لكنه جزء من العلاج مستنيكى
| |
|
|
|
|
|
|
|
|
|
Re: الغضب (Re: صلاح أبودية)
|
صلاح أبودية سلامات Quote: الغضب والحزن ..
وجهان لمعول واحد هدنى ! |
الغضب وليده الشرعى هو الحزن لك ولمن حولك .. عندما ينظّر المنظرون .. فهم يتحدثون عن غضب آخر مسئول عنه صاحبه وليس مفروض عليه كحالنا ..
سلامتك من الحزن ..
| |
|
|
|
|
|
|
|
|
|
Re: الغضب (Re: رأفت ميلاد)
|
Quote:
بت بتى الله يرحمها ياخ .. ديك بتخلعك وتطير الرحمن من قلبك .. يوم شكلة فى سوق الشهداء أخوك عامل كلاى كتفو إنقلع .. ودونى ليها .. شبكتم جيبوا الطوبة وعملت ليها غلبة وهمية مع واحد من أحفادا .. نسيت كتفى وإنشغلت مع الزول المتلكع ده .. غدرتنى ورجعت كتفى .. قولة آآآى قطعتا فى خشمى .. ياخ ديل تكتيكاتم ما فيها حنية .. خلينا فى الطراوة دى أخير |
الطراوه دي ذاتها هي سبب وجع الظهر
حليل ايامك يا رأفت ايام كنت صحراوي
اسمع ما تشوف لينا واحدة من العشرينيات ديل لمعلم شمس كان تعالج ليه وجع الظهر المزمن بتاعو ده
تحياتي لك وللعائلة الكريمة
| |
|
|
|
|
|
|
|
|
|
Re: الغضب (Re: محمد الشيخ أرباب)
|
| Quote: فى يوم من الأيام فى نفس هذا السودان .. كانت مواعيد قهوة الصباح وشاى "العصر" تظبطين عليها الساعة .. ويمكن قضاء ثلاثة مهمات مبرمجة بين بحرى والخرطوم وأمدرمان .. |
بس يا رأفت..
كلامك الفوق ده ياهو سبب غضبك!
غايتو احتمال لما تمشي هناك وتلقي شمس الغضب ووجع الضهر يغادروا..
مشتاقين شديد شديد..
| |
|
|
|
|
|
|
|
|
|
Re: الغضب (Re: Muna Khugali)
|
منى خوجلى .. أها زيارتك دى براها نزلت الضغط | Quote: غايتو احتمال لما تمشي هناك وتلقي شمس الغضب ووجع الضهر يغادروا.. |
بركة القدمتى كلمة إحتمال دى ..
يا منى بقينا على الهبشة .. فاشنه فى الخواجات ديل .. بى عنصريتهم بستحملونا .. أمبارح طلعت لقيت فى الشارع (كنترول) رخص عربات .. الراجل مشى 5 عربات ولما وصلته طلعنى من الصف للكنترول .. قلت أنت بتختار بشكل السواق ولا العربية .. عربيتى طالعة من الترخيص قبل أسبوع .. لونى ما مناسب معاها؟؟ الراجل ما رد .. طلب ورق العربية .. أديته الورق والرخصة والتأمين الصحى وكرت البنك وقلت ليه عندى تحليل بول بتحتاجه؟؟ .. رجع لى ورقى براااحة وإنصرف .. تقولى أمشى لشمس الغضب وووجع الضهر يفارق .. يا دوب الما بقى فينى بفعل فاعل ههههههه
السلام أمانة
| |
|
|
|
|
|
|
|
|
|
Re: الغضب (Re: محمد الشيخ أرباب)
|
ود أرباب يا حليلك Quote: الطراوه دي ذاتها هي سبب وجع الظهر
حليل ايامك يا رأفت ايام كنت صحراوي |
(فى حاجة حزفتها هنا).. فى جدة يا محمد الشيخ كان عندنا واحد محشش إسمو "جربكس" .. سألو واحد "أنت يا جربكس كلاب جده ديل ما بهوهو ليه .. قال ليه من الرطوبة ههههههه | Quote: اسمع ما تشوف لينا واحدة من العشرينيات ديل لمعلم شمس كان تعالج ليه وجع الظهر المزمن بتاعو ده |
ياخ شمس الدين تهبش ضهرو المنشى داك تجيها نفسيات .. ياخ هو أخبارو شنو ؟
تحياتى للأهل القراب والبعاد
| |
|
|
|
|
|
|
|
|
|
Re: الغضب (Re: رأفت ميلاد)
|
رافت سلامتك والسودان كله كرامتك
انت تبرا من الالم
اكان انت بعد صور تك الضاحك فيها دي
وروحك الحلوه غضبان الناس
يعملو شنو
| |
|
|
|
|
|
|
|
|
|
Re: الغضب (Re: عفاف أبو حريرة)
|
| Quote: وشايفك إتخصصت فى عمك أرنست .. |
ياخى الزول ده من زمان كنتو داسينو وين ,, نحن دايرين زول راقى زى ده
يختلف معاك لكن تحس انو اخوك الأكبر ماداير يأذيك ,, لكن زى ماشفت يا روفة ,, المنبر ده فيهو ناس مش تجيب ليك وجع ضهر فيهو ناس تجيب سكته قلبية ,, تحياتى لهذا السودانى العجوز الذى بقى عبقا فى تاريخ التعايش نستنشقه ليزول عنا الزكام الناتج عن عراكنا فى غير معترك ,,
الناس لوفهمت انو ربنا مانزل الدين عشان نختلف فيهو كان كل شئ بقا عال العال..
| |
|
|
|
|
|
|
|
|
|
Re: الغضب (Re: عبدالعزيز الفاضلابى)
|
Quote: ياخى الزول ده من زمان كنتو داسينو وين ,, نحن دايرين زول راقى زى ده
يختلف معاك لكن تحس انو اخوك الأكبر ماداير يأذيك ,, لكن زى ماشفت يا روفة ,, المنبر ده فيهو ناس مش تجيب ليك وجع ضهر فيهو ناس تجيب سكته قلبية ,, تحياتى لهذا السودانى العجوز الذى بقى عبقا فى تاريخ التعايش نستنشقه ليزول عنا الزكام الناتج عن عراكنا فى غير معترك ,,
الناس لوفهمت انو ربنا مانزل الدين عشان نختلف فيهو كان كل شئ بقا عال العال.. |
تعرف يا عبد العزيز .. موضوع الخلاف فى المواضيع دى صعب جدآ .. عشان الأحكام المسّبقة .. ومهما كانت الروح جميلة يغلفها "الإنتقاد" .. والنقد بكون فى كل شيئ بكون بناء عدا العقيدة يتحول الى إهانة .. عشان كدة ناشدت أرنست أن يقرأ من الإنجيل بعيدآ عن المقارنة .. لكن ناس القوالب الجاهزة ما بريحوا ..
عشان كدة أخوك بعيد .. وزى ما بقول القرآن "انك لا تهتدى من تحب ولكن الله يهدى من يشاء" ومعلومة صغيرة مكتوبة فى الإنجيل .. إنه هناك أناس لم يحملوا "الناموس" وعملوا به فكُتب لهم الخلاص .. قريت الوصايا العشرة التى أنزلها الله على موسى يا فاضلابى ؟ .. ده مجمل الناموس وهى ملخص الأخلاق .. الكنكش فيها خارج روحه .. وبعدين يوم الفصل ما بخارجك إلا روحك .. ما بتحلك كان كنت مسلم ولا كنت يهودى ولا مسيحى .. عمايلك هى البتجيبك وا طة ولا تخارجك .. غايتو يوم ما عارف نزوغ منو كيف ..
غايتو الله فى ويهدى الجميع
| |
|
|
|
|
|
|
|
|
|
Re: الغضب (Re: عفاف أبو حريرة)
|
حبابك بت أبو حريرة
تسلمى وتسلم أيامك .. يحفظ ليك الله الحفيدة المنورة البروفايل وأمها وأحمد وأبو أحمد
عاد بعد طلتك كان الزعل ما راح يبقى تلكك ساكت
ألف مرحب بيك وشكرآ لجميل كلماتك
| |
|
|
|
|
|
|
|
|
|
Re: الغضب (Re: رأفت ميلاد)
|
يا رافت يا جدع,
قعدت اقرا المقدمة و وصلت لحتة مليص القميص و البنية الشابة و بدات الصدمة: What? Is he serious? و قلت ال ?!! midlife crisis و دى can't be?!! و بدا قلبى يدق دلدلدلدل و قلت اخونا has lost it big time.
اها الحكاية طلعت false alarm.
يا رافت لو الوطة سخنةهناك قوم اشترى لك اطناعشر هاينكين ساقطة. It helps cool you down.
| |
|
|
|
|
|
|
|
|
|
Re: الغضب (Re: Zakaria Joseph)
|
طبعاً انا تلاتة يوم بقرا فى العنوان ... وخايف اخش اقرا ...
باقى "غضب" زول زى رأفت بكون مخيف شوية .... لأنو من النوع البيستبطن الغضب ....
كان لحق لامن سلّ غضبو دا فى خلق الله ...
على الأرض السلام!
لاكين اتكيفت من حنكة الـ Occupational therapist دى خالس خالس ...
(بالمناسبة؛ وين الصور؟)
... المهم ...
| |
|
|
|
|
|
|
|
|
|
Re: الغضب (Re: تبارك شيخ الدين جبريل)
|
Quote: باقى "غضب" زول زى رأفت بكون مخيف شوية .... لأنو من النوع البيستبطن الغضب ....
كان لحق لامن سلّ غضبو دا فى خلق الله ... |
سلام يا تبارك
ياخ والله كان بقدر الزول يفشها برتاح .. كل ما الواحد يشمر يجيك ود حلال يرشك بموية باردة .. الوحد يكش زى الضب .. ويموت بى غله ..
جد يا تبارك كتابتنا كلها من غضب خارج الموضوع الحقيقى .. وكلمة المرأه طلعت نص الغضب وخلت الواحد قدام المراية .. ومافى طريقة تنصح الناس .. لأن اللحظات ديك تنسخ كل نصيحة ..
الحال ما بنصلح إلا بإصلاح عام .. يعنى إلا يلغو الدنيا دى ويعملوا لينا واحدة تانية فستا
تحياتى
| |
|
|
|
|
|
|
|
|
|
Re: الغضب (Re: Zakaria Joseph)
|
Quote: قعدت اقرا المقدمة و وصلت لحتة مليص القميص و البنية الشابة و بدات الصدمة: What? Is he serious? و قلت ال ?!! midlife crisis و دى can't be?!! و بدا قلبى يدق دلدلدلدل و قلت اخونا has lost it big time.
اها الحكاية طلعت false alarm.
يا رافت لو الوطة سخنةهناك قوم اشترى لك اطناعشر هاينكين ساقطة. It helps cool you down. |
غايتو يا زكريا قريت مع أخوى فى السعودية كلامك ده فى النت قطع مصارينا من الضحك .. ياخ نحن مابقينا على اللسان بس ..
غايتو الهاينكن أحسن وصفة وصلتنى لحدى هسة .. بس الوصفة بعد الجلسة ولا قبل الجلسة .. لكن للضمان بعد الجلسة بعيد بعيد 
.
| |
|
|
|
|
|
|
| |
رأفت ميلاد
حافظ حسن ابراهيم
سفيان بشير نابرى
عمر سعد
صلاح أبودية
الرفاعي عبدالعاطي حجر
محمد الشيخ أرباب
Muna Khugali
عبدالعزيز الفاضلابى
عفاف أبو حريرة
Zakaria Joseph
تبارك شيخ الدين جبريل
فيس بوك
تويتر
انستقرام
يوتيوب
بنتيريست