دعواتكم لزميلنا المفكر د.الباقر العفيف بالشفاء العاجل
|
|
 الحنفية بت نقط .. وأم فتفت بت فكها
|
كل جيل لديه ما لديه من المصطلحات الشفرية أو الأريحية .. وهذه المصطلحات بالية لا محالة من جيل الى آخر .. لا يتقبلها الجيل القادم .. لا يحتفظ بها الجيل السابق .. فهى تنبع من حياة إجتماعية أو عمرية أو بيئية .. بصورة مؤقتة ..
عندما يأتى رجل مثل صديقى الذى ناهز الخامسة والستين ويقول لك "كده يا ور ور" تجد نفسك وصفته "ده كبر بى جهله" .. وهذا يعنى تمامآ بأنها لا تناسب مرحلة عمرية أو زمنية .. وهذا بديهى إذ تتجدد الأشياء بمؤثرات الزمن ..
الذين قبلنا تغنوا محورين أغنية الكاشف (الله خلق للنعجة ضنب .. والكوم بى قرش .. والدقُة بلاش) .. و(الدُقة) بضم الدال من لا يعرفها هى خليط الملح والكمون والسمسم المسحون الذى يتم رشه "مجانآ" على (قرطاس الطعمية) .. هذه إذا ترنم بها اليوم أحدهم على قارعة الطريق فسيكون رد الفعل (ياخ قوم لف) ولو فعلها قبل (كم طاشر سنة) لوصفوه بـ (الوهم ده مالو) وقبلها بكم مثلها لكان التعليق (الغنماية دى جنت ولا شنو) ولضحك جيل (الدُقة) ملئ فيه ..
بدون أن (أقوم ألف) تملكتنى خواطر بأن هذه السلوكيات يمكن رصدها لمراقبة تطور كل بيئئة من حال الى أخر من تبدلات إقتصادية أو إجتماعية أو ثقافية ..
فمثلآ العلاقة المختلطة تطورت من رؤية المرأة كمخلوق مستهلك الى شريك ند .. الذين قبلنا كانوا يوصفونها (بالكديسة) ربما لنعومتها أو (لخربشتها) .. والعلاقة تعرف (بالتكديس) والحالة (مكدس)..
وفى زماننا عُرفت (بالكيس) من اللفظ الإنجليزى Case .. ولا أدرى هل لأنها كانت تُهمة أو مشروع مستقبلى .. ولكن فى كل الأحوال عليها الإنتظار ..
وتطور وصف المحبوبة من طريف ونابى القول حتى وصلتم الى مرحلة (الجكس) الذى أصبح مذكرآ و مؤنثآ .. وصارت (الكديسة تقالع فى جكسها)
فى طفولتنا فى الجزيرة كانت وسيلة الإتصال بالعالم المتحضر هى السفر .. ولا تأتى رياح الحضارة إلينا إلا فى موعد الإنتخابات .. أو بعد موسم الحصاد .. فيظهر سياسيون أو تجار بلغة أخرى .. وتظهر لنا قيمة لا نعرفها عشرة أشهر فى العام على الأقل ..
صارت (اللوارى) السفرية هى حلم المجهول .. أصبح سائق (اللورى) كفارس من العصور الوسطى .. وتوازى الشاحنة طبق طائر خارج الكون .. وأصبح التغنى به والتغزل حتى فى وصف (عجاجته) ..
كانت اللوارى لها أسماء مثل (قدوم صغيّر) .. أو (السفنجة) وكنا نغنى مثل (زول الدُقة) .. (سفنجة جديدة شاحنة قنا .. سواقا أنا .. أحبك أنا ..) الى آخرة ما قد يصل الى ألفاظ نابية تندم عليها (بعلقة) ساخنة ..
ووصل بنا الحال فى حب (اللوارى) حتى سمعنا أغنية البلابل (لون المنقة) فترنمنا بها (لورى المنقة) ..
هذه شريحية بيئية لجأت لها ليس سردآ ولكن مثالآ ..
نعود للنداءات .. والتوريات .. والقفشات على مر العصور .. والبورد مليئ بالشباب و (الجلاكين) .. و(الجلكين) لا أعرف مصدرها ولكن صراحة لا أستسيغها لنفسى .. فى زماننا كان الوالد (بعبعآ) حقيقيآ .. وكان يرمز له فى أحاديثنا (بالشيبة أو العجوز) ليس تقليلآ بل لفظة (أبى) كانت لا تليق بشاب نبتت شواربه ولا أدرى لماذا
أذكر يومآ طلبنا من فاروق أمين أن يرافقنا فقال دون أن يلحظ والده خلفه (أخلى العجوز يطّرق وألحكم) فرد العم أمين عبدالله من خلفه (تعال صارعنى يا ود الكلب ونشوف العجوز منو) ..
نواصل
|
|
 
|
|
|
|
|
|
|
|
Re: الحنفية بت نقط .. وأم فتفت بت فكها (Re: رأفت ميلاد)
|
يا "عجوز" بالغت في البوست ده ..... ياخ البوست ده حقي عديل كده (ممكن أأجرو ليك)
يمكن يكون في إختلاف أجيال، لكن (الدقة) البنعرفها هي (دقة القنقليز) بالإضافة للخليط العجيب الذكرتو.
لكن تعال نصحح الأغنية القلتها (الله خلق للنعجة ضنب والكوم بقرش والدقة بلاش)، والله أعلم دي ياخ ما على أغنية الكاشف، لكن كدي إتذكر الأغنية البتقول:
الزهور صاحية وإنت نايم
داعبت شعرك النسايم
وايقظك صوت الحمايم
تم ترررم
_______________
عارف يا رأفت قبل كم سنة كنت في إجازة، وأول ما وصلت إستعملت موبايل إبن أختي، وبعد ما عملت (شريحة) رجعت ليهو شريحتو وكانت شبعانة رصيد. لما إكتشف الحكاية، كان بيتكلم مع إبن أخوي ورطنوا مع بعض كلام ما فهمت منو شئ، فإذا بأختي (والدته) تنفجر ضحكاً، لما سألتها قالت لي الأولاد باعوك واشتروك وإنت ما عندك خبر. خلاصة كلامهم إنو الولد بلغ إبن خالو وقال ليهو (الخال عبى لي الموبايل وإتفقوا إنو يتقاسموا الرصيد) ........ ياخ الراندوك بتاع الأولاد ده أبى لي كلو كلو ..... عدم مواكبة بعيد عنك.
| |
|
|
|
|
|
|
|
|
|
Re: الحنفية بت نقط .. وأم فتفت بت فكها (Re: محمد أبوالعزائم أبوالريش)
|
العزيز/ رأفت
سلام
بوستك واللواري ذكرني ماضي الطفولة والكلمات التي تكتب على جانبي اللوري..
الكتابة بتكون ليها خلفيات متباينة فمنها ما هو ثقافي أو ديني او اجتماعي/اقتصادي..
أذكر أنه في واحد اشترى لوري جديد كتب عليهو "بس روق وأحلي" وعندما انقلب في جهات الكرمك..
مسح اغنية أحمد المصطفى هذه وكتب عليه: "يا ودتكتوك" ومن الناحية الأخرى "يا أبوشراء".
وفي مرة واحد كاتب على اللوري: يا المكاشفي في ناحية.. وفي الأخرى " يا ود البرعي" جاءه الخبر
بانقلاب اللوري.. فأرسل رسالة للسواق يأمره بمسح اسم الشيخ الذي انقلب اللوري على ناحيته!!
وهنالك العديد من الطرائف في مجال التسميات والعبارات الجميلة وهي تتغير تدريجيا مع كل جيل.
نتابع بوستك الرائع..
عبدالعزيز
| |
|
|
|
|
|
|
|
|
|
Re: الحنفية بت نقط .. وأم فتفت بت فكها (Re: Abdlaziz Eisa)
|
سلامات يا رأفت
عارف حكاية المصطلحات دي هي أكثر ما يشعرني بالغربة عن محيطي. في الواقع كما في هذا المنبر.
كثير منها يقابلني هنا ولا أفهمه، واكسل أو أخجل من الاستعانة بصديق لفهمه.
وكثير منها يصكّ أذني ولا استسيغه، ولا أجرؤ على استخدامه مهما كان. ومن ذلك كلمة جلكين وجلاكين هذه.
لا أدري لمَ ترتبط في ذهني بالفحش والمجون ... وربما الشذوذ.
ومن ذلك مفردةٌ أخرى تقال للأنثى التي تعدت مرحلة الصبا ولم تبلغ الشيخوخة. وتبدأ بحرف الجيم أيضاً.
Quote: و(الدُقة) بضم الدال من لا يعرفها هى خليط الملح والكمون والسمسم المسحون الذى يتم رشه "مجانآ" على (قرطاس الطعمية)
|
أما "الدقة" التي أعرفها ـ فهي الشمالية، في خليط الملح والشمار والفلفل الأسود، ويكاد استعمالها يكون قصراً على البيض (جنا الجداد) المسلوق.
وهي في الغرب ـ حسب علمي ـ خليط الملح والشطة ... فقط.
Quote: (الله خلق للنعجة ضنب .. والكوم بى قرش .. والدقُة بلاش)
|
ما سمعناه في طفولتنا يزيد شطراً عن هذا:
الله خلق للنعجة ضنب
ولي "بُرّه" شنب ..
والكوم بى قرش ..
والدقُة بلاش
و"بُرّه" لمن لا يعرفها هي القطة المشهورة بـ "الكديسة"!
| |
|
|
|
|
|
|
|
|
|
Re: الحنفية بت نقط .. وأم فتفت بت فكها (Re: محجوب البيلي)
|
ألف مرحب بيك يا البيلى Quote: عارف حكاية المصطلحات دي هي أكثر ما يشعرني بالغربة عن محيطي. في الواقع كما في هذا المنبر.
كثير منها يقابلني هنا ولا أفهمه، واكسل أو أخجل من الاستعانة بصديق لفهمه.
وكثير منها يصكّ أذني ولا استسيغه، ولا أجرؤ على استخدامه مهما كان. ومن ذلك كلمة جلكين وجلاكين هذه.
لا أدري لمَ ترتبط في ذهني بالفحش والمجون ... وربما الشذوذ. |
تعرف يا البيلى الما قادر أهضما قصة حنكوشة .. لامن أكش .. لكن بستعملا ولا تكون متخلف .. أما قصة تستعين بصديق تلقى نفسك فى كورس .. أحسن فطها .. فى حاجات كده تنفع فيها رد "عليكم بما قلتم" وهو حظه .. | Quote: ومن ذلك مفردةٌ أخرى تقال للأنثى التي تعدت مرحلة الصبا ولم تبلغ الشيخوخة. وتبدأ بحرف الجيم أيضاً. |
دى ما عرفتها .. لكن كان كانت بنفس المواصفات دى بشوية شحمة .. تبقى جقة مدنكلا هههههه Quote: أما "الدقة" التي أعرفها ـ فهي الشمالية، في خليط الملح والشمار والفلفل الأسود، ويكاد استعمالها يكون قصراً على البيض (جنا الجداد) المسلوق.
وهي في الغرب ـ حسب علمي ـ خليط الملح والشطة ... فقط. |
تمام دى كلها الدقة .. موش قنقليز أبو الريش .. Quote: ما سمعناه في طفولتنا يزيد شطراً عن هذا:
الله خلق للنعجة ضنب
ولي "بُرّه" شنب ..
والكوم بى قرش ..
والدقُة بلاش
و"بُرّه" لمن لا يعرفها هي القطة المشهورة بـ "الكديسة"! |
برضوا إضافة موفقة وشنب "برة" مهم .. أنت طفولتك كانت سنة كم يالبيلى ههههه
مرحبيك خليك داخل
| |
|
|
|
|
|
|
|
|
|
Re: الحنفية بت نقط .. وأم فتفت بت فكها (Re: Abdlaziz Eisa)
|
كيف أحوالك يا عبدالعزيز Quote: وفي مرة واحد كاتب على اللوري: يا المكاشفي في ناحية.. وفي الأخرى " يا ود البرعي" جاءه الخبر
بانقلاب اللوري.. فأرسل رسالة للسواق يأمره بمسح اسم الشيخ الذي انقلب اللوري على ناحيته!! |
دى صحكتنى لامن إتشرقت ..
أيضآ طرائف أخطاء الخطاطيين .. واحد من معجبين عثمان حسين كاتب على الحافلة (مات الهواء) بهمزة على السطر أو 2000 سلام لإبن البادية بالأرقام ..
زمان اللورى الجديد يكتبوا عليه قاهر الصحراء ولما ينخ يكتبوا "ما دوامة"
شكرآ يا عبدالعزيز على اللمسة الجميلة .. أبقى سيد بيت
| |
|
|
|
|
|
|
|
|
|
Re: الحنفية بت نقط .. وأم فتفت بت فكها (Re: محمد أبوالعزائم أبوالريش)
|
كيفك يا محمد أبو الريش | Quote: يا "عجوز" بالغت في البوست ده ..... ياخ البوست ده حقي عديل كده (ممكن أأجرو ليك) |
يدك مطلقة يا فردة .. وكانت يا زُمل وقبلها يا جوك ههههه | Quote: يمكن يكون في إختلاف أجيال، لكن (الدقة) البنعرفها هي (دقة القنقليز) بالإضافة للخليط العجيب الذكرتو. |
ياخ ما فيها قنقليز .. يكن تكون كل مواصفات البيلى التحت دى .. لكن قنقليز كان دقة كان قراصة حاجة حديثة .. Quote: لكن تعال نصحح الأغنية القلتها (الله خلق للنعجة ضنب والكوم بقرش والدقة بلاش)، والله أعلم دي ياخ ما على أغنية الكاشف، لكن كدي إتذكر الأغنية البتقول:
الزهور صاحية وإنت نايم
داعبت شعرك النسايم
وايقظك صوت الحمايم
تم ترررم |
ياها الغنية .. ده ما الكاشف؟ | Quote: عارف يا رأفت قبل كم سنة كنت في إجازة، وأول ما وصلت إستعملت موبايل إبن أختي، وبعد ما عملت (شريحة) رجعت ليهو شريحتو وكانت شبعانة رصيد. لما إكتشف الحكاية، كان بيتكلم مع إبن أخوي ورطنوا مع بعض كلام ما فهمت منو شئ، فإذا بأختي (والدته) تنفجر ضحكاً، لما سألتها قالت لي الأولاد باعوك واشتروك وإنت ما عندك خبر. خلاصة كلامهم إنو الولد بلغ إبن خالو وقال ليهو (الخال عبى لي الموبايل وإتفقوا إنو يتقاسموا الرصيد) ........ ياخ الراندوك بتاع الأولاد ده أبى لي كلو كلو ..... عدم مواكبة بعيد عنك. |
ياخى دى ما بتتواكب .. والشافع باين رندق محلى .. كان عملو قلوبل أختك زاتا كان طلعت كيت
فى إنتظارك وأعمل لينا (مس كول) لى ماضى .. دى بسموها مسكله ..
| |
|
|
|
|
|
|
|
|
|
Re: الحنفية بت نقط .. وأم فتفت بت فكها (Re: abubakr)
|
رأفت سلام .... انت عارف انا عجبتني ام فتفت بت فكها دي و جيت طاير .... لكن لقيت ليك البوست اجمل من ام فتت الفكاكة ... لكن بجي برواقة طبعاً يا رأفت و المتداخلين انا بغطي ليكم حكاوي الجيل الرابع بعدكم ...لاني بعد ما اجريت حسابات و خصومات محددة كدا لقيتكم فايتني باربعة اجيال مع وقف التنفيذ
المهم جاي صادي بعد استعدال المود
| |
|
|
|
|
|
|
|
|
|
Re: الحنفية بت نقط .. وأم فتفت بت فكها (Re: حافظ حسن ابراهيم)
|
والله دى بالغت فيها يا هافز | Quote: لاني بعد ما اجريت حسابات و خصومات محددة كدا لقيتكم فايتني باربعة اجيال مع وقف التنفيذ |
برغم الفرفشة جملة "مع وقف التنفيذ" دى غمتنى .. وكثيرآ قلت بأن هذا الجيل وُلد كهلآ .. نعود بدون نكد وتقليب مواجع ..
المهم مستنين عودتك وبكتاباتك الماتبعها دى ,. عينك كاحلة كويس
مرحب بيك يا حافظ
| |
|
|
|
|
|
|
|
|
|
Re: الحنفية بت نقط .. وأم فتفت بت فكها (Re: abubakr)
|
| Quote: ياقريبي .. جنس غتاتة .. يعني الغصبونا عليهو داك في المدارس وقالو علي كلامنا رطانة ماهو "العربي "؟؟ بتاعنا داك كان abridged وبتاعكم full version وعندو كمان ملاحق ... |
لووووورل يا أبوكر .. والله كان نقطوها تفضلوا الرطانة قدام ود عرب خلوة ما دخل .. ده version تانى يا قريبى ..
تعرف يا أبوبكر بى غيبتنا دى إلا تتكلم مع بتاع الرقشة بالإنجليزى
| |
|
|
|
|
|
|
|
|
|
Re: الحنفية بت نقط .. وأم فتفت بت فكها (Re: رأفت ميلاد)
|
| Quote: تعرف يا أبوبكر بى غيبتنا دى إلا تتكلم مع بتاع الرقشة بالإنجليزى |
انا غايتو غيبتي طولت بالحيل والانجال (دة عربي يا مرسي) بيحكو انكليزي لانعدام من يتحدث العربية بتاعتكم ( ما قلتو عرب ).. وانا بس لبلب في الرطانة (بكلم روحي براي )..
| |
|
|
|
|
|
|
|
|
|
Re: الحنفية بت نقط .. وأم فتفت بت فكها (Re: ماضي ابو العزائم)
|
و الحكومة بت كلب
يا رأفت يا لذيذ
غايتو في ايامنا كانت ( الكدايس )
إسمها ( البلوم )
بلومتي وبلومتك وبلومتو
ثم تراجع المصطلح إلى ( الرمة )
وهي تسمية ذات بعدين
بعد متأتي ( حلوة متأتي دي ؟) من شقلبة الحروف
وعنكبة الخروف
وبعد راجع لحالة تعالي وخاصة من رفاقنا الذين بيفضلوا القعدة
على مبارات القماري ويرون الحالة مضيعة وكت
وبيرونهن مضيعات للوكت
عشان بيتسببن في تأخير القعدة عن مواقيتها
ومرات كان البعض منا بيجيب رمتو معاهو القعدة
بين البلوم والرمة
مرت عديد من المصطلحات وكانت بتصلنا وافدة من بيئات مختلفة
كتلك التي ذكرتها
واحد جانا من الجزيرة وفك فينا ( ناموس) و (نمتي )
واحمد آدم ( جيرك ) جانا من الغرب وشبكنا ، الككو بتاعك جا ماشي بي جاي
وفلان طبق الككو بتاعو وشق معاو الميدان على الكلية
وحاجات من هذا القبيل
وح نتابع
وعزائم الصغير ما يتسلبط في البوست بتاعك
عامل فيها ناقش الغناء
قول ليهو : اها لو ماالكاشف طيب منو؟
| |
|
|
|
|
|
|
|
|
|
Re: الحنفية بت نقط .. وأم فتفت بت فكها (Re: Manal Mohamed Ali)
|
كيفك يا منال ومتلوميون معاك ياخ Quote: باص خليوه ..كنور
كان عنده بوري بقول يا امال يا امال يا امال كرجه يا بنوت خليوة انا تعبت
يا بنوت طمور انا وصلت..ترررم تررم ترررم |
ياخ ده شغال مقطوعة كاملة .. كان عندنا واحد بقول: بص الجزيرة وصل" بس نطقا عديل .. وبص طابت كان بنادى الركاب بالبورى " طابت .. طابت .. طابت" | Quote: لما يقولوا فلانه ديك عندها كيس بنعاين ليها من بعيد ..عشان ده كلام كبار وصعب |
تلقاها كانت زاتا عاملة عليكم كيس كبير ..
فى تكييس موقت يعنى على طول الحفلة كدى ويمكن الواحد يطلع فيه بى شبال وكدة
طلتك مفرحة يا منال
| |
|
|
|
|
|
|
|
|
|
Re: الحنفية بت نقط .. وأم فتفت بت فكها (Re: Manal Mohamed Ali)
|
مساء الخير استاذة منال
مساء الخير يا رافت
ياستاذة منال اسمعى الحكاية الصغيرة دى
مرة من المرات قمت بزيارة الى الاهل قى منطقة خليوة وعطبرة اول مرة فى التاريخ الحديث
عندما كنت فى بداية العولمة , فكنا بنسافر مصر وبمر بمنطقة خليوة وانا مسطح فى قطر حلفا!
المهم فى الموضوع كان الرئيس جعفر نميرى اللة يرحمة فى زيارة خاصة لمنطقة كنور
جلس الرئيس نميرى وزوجتة وبعض الوزراء فى الصيوان المعد مسبقا لاستقبال الرئيس والضيوق
وحولينهم الجمهور الغفير , فقال الرئيس نميرى لاهالى كنور ان منطقتكم هذة اسمها كالنور وليس
كنور باضاقة الالف واللام للكلمة , فى تلك اللحظة اتى السيد حسن الترابى متاخرا لكى ينضم
الى الرئيس وبقية الوزرا فى صيوان الاستقال , لا اعرف لماذا اتى متاخرا عن الرئيس !
وعندما اتى الترابى كان الرئيس نميرى مستمرا فى مخاطبة اهالى كنور.
هنا قال الرئيس نميرى " انا شايف الاخ حسن الترابى قد وصل"
قطار حلفا من الزكريات التى لا تنسى.
سلامى الى اهل المنطقة.
لكى التحايا يا استاذة منال.
| |
|
|
|
|
|
|
|
|
|
Re: الحنفية بت نقط .. وأم فتفت بت فكها (Re: سيف الدولة كامل)
|
ميلاد لك كل الود .. البوست ظريف .. وإطلالة مفيدة فعلاً على مصطلحات تعبر عن حالة اجتماعية مكتملة في حقبة ما ... واصل .. ولك حبي
تخريمة : إثنين من أولاد اليومين ديل ، جداد لنج في السعودية بتكلموا عن واحد صاحبهم لقى شغل والمدعو ( شرش ) أو هكذا لقبه لدى الشلة كما أظن ... فواحد بقول للتاني ( اخبار شرش شنو يا مان ) رد الثاني : يا زول صاحبك لقى شغل بي حبة ونص ومنجرية وفيتنام بالله كيف مش حاجة تمام ....
حاشية : بي حبة ونص يعني بـألف وخمسمائة ريال / منجرية يعني معاها وجبات طعام / فيتنام يعني مأوى مجاني حيث ينام ...
| |
|
|
|
|
|
|
|
|
|
Re: الحنفية بت نقط .. وأم فتفت بت فكها (Re: فرحات عباس)
|
الكيس .. والحكاية ... والحاجة .... واللقوية .. والبلومة ( ناس مدينة الأبيض ) والكيس اشارات تعني الحبيبة
الغريب أن الشعراء يرون تطور المراة في أنها ( ما بتشيل جردل على الزيل .. ولا بتحش قش التناقير ... وآخرين يدعونها لهجر الدعة والكبرتة واللحاق بقطار العصر ...
وفي زمن ما ... يقيني أنه زمني قال الشاعر :
أو تكشحي موية الغسيل بجردل
يا جردلاً كشحته أحلى يدان
ولك ودي
فرحات
| |
|
|
|
|
|
|
|
|
|
Re: الحنفية بت نقط .. وأم فتفت بت فكها (Re: فرحات عباس)
|
مرحب بيك كتير يا فرحات عباس وشرف لينا كبير طلتك دى Quote: تخريمة : إثنين من أولاد اليومين ديل ، جداد لنج في السعودية بتكلموا عن واحد صاحبهم لقى شغل والمدعو ( شرش ) أو هكذا لقبه لدى الشلة كما أظن ... فواحد بقول للتاني ( اخبار شرش شنو يا مان ) رد الثاني : يا زول صاحبك لقى شغل بي حبة ونص ومنجرية وفيتنام بالله كيف مش حاجة تمام ....
حاشية : بي حبة ونص يعني بـألف وخمسمائة ريال / منجرية يعني معاها وجبات طعام / فيتنام يعني مأوى مجاني حيث ينام ... |
تعرف منجرية من زمنا وأصلها إيطالى .. دخلت مع الطليان بتاعين كمبونى حيث كانوا يطعموا الأطفال .. الحبة فى آخر أيامنا كانت 100 .. سبحان الله البقت ألف ريال .. ومن فيتنام دى المدعو "شرش" أكيد ديامى .. | Quote: الكيس .. والحكاية ... والحاجة .... واللقوية .. والبلومة ( ناس مدينة الأبيض ) والكيس اشارات تعني الحبيبة |
اللقوية دى شنو؟ نحن كان عندنا الحبكانة والقبورة وغيرا .. لكن الكيس كانت حاجة جادة البتجيب العرس ديك .. وتبقى الكيس الجد جد البدخل السجن .. Quote: الغريب أن الشعراء يرون تطور المراة في أنها ( ما بتشيل جردل على الزيل .. ولا بتحش قش التناقير ... وآخرين يدعونها لهجر الدعة والكبرتة واللحاق بقطار العصر ...
وفي زمن ما ... يقيني أنه زمني قال الشاعر :
أو تكشحي موية الغسيل بجردل
يا جردلاً كشحته أحلى يدان |
تعرف يا فرحات أغنية الحقيبة المشهورة "حاول يخفى نفسه .. وهل يخفى القمر بسماه" .. الجكساية كانت طالعة تكشح موية البلاعة فى الشارع .. شافت الشاعر وشلته وزاغت راجعة" وشالوا حسها "شفناه شفناه" .. الواحد كان يعتقد شافا فى ليلة حالمة ..
سعيد بطلتك يا فرحات
| |
|
|
|
|
|
|
|
|
|
Re: الحنفية بت نقط .. وأم فتفت بت فكها (Re: سيف الدولة كامل)
|
كيفك يا سيف يا أمير | Quote: يا اخي البابور ما بت دور |
واللمبة بت نور .. تعرف الناس القبلنا كانوا أشتر لامن تكون داير تدقو .. يجيك بدون مناسبة "صلعة أبوك .. قول إشمعنى" تقول ليه إشمعنى .. يقول ليك "ميدان بلى" Quote: حليل زمن مشروع الجزيرة وصرف
الحوافز والهجيج في دلاس |
زمان بعد العمال يقبضوا "البونص" ويمشى الواحد أبو شمس .. الخواجة يجر ليه الكرسى ويديه اسكريم .. وأول أربعة طلبات مجانى .. بعدها صاحبك يحلف طلاق القاعدين كلهم على حسابه .. وبكرة تجى الفكرة
تسلم على جمال الطلة
| |
|
|
|
|
|
|
|
|
|
Re: الحنفية بت نقط .. وأم فتفت بت فكها (Re: طارق جبريل)
|
Quote: أيضآ طرائف أخطاء الخطاطيين .. واحد من معجبين عثمان حسين كاتب على الحافلة (مات الهواء) بهمزة على السطر أو 2000 سلام لإبن البادية بالأرقام ..
زمان اللورى الجديد يكتبوا عليه قاهر الصحراء ولما ينخ يكتبوا "ما دوامة"
|
رأفت
تذكرت هذه " واقفين تحننوا.. راكبين تجننوا"
في عالم الركشة اليوم أكيد العبارات مختلفة تماما..
في العام الماضي التقيت دفعة كبيرة من طلاب احدى الجامعات السودانية في زيارتهم لماليزيا..
جلست وسط هؤلاء الشباب حوالي نصف ساعة زمان وكنت غريبا وسطهم بعد خمس دقائق لزوم السلام والمجاملة
وبعدها كل مجموعة بدأت تواصل حديثها وهناك مقاطعات ومشاترات هنا وهناك لكن وجدت نفسي غريبا وسطهم..
كثير من مفرداتهم غريبة علي, ومواضيعهم بعيدة عني.. هذا ناهيك عن الأشكال , الزي والمظهر..
الجيل الجديد مفتح على الدنيا بالوسائل التقنية الجديدة.. فهناك ما هو وافد وما خالط المحلي من مفردات
لغوية فتولدت أشياء جديدة.. جعلتنا غرباء..
نواصل...
تحياتي
| |
|
|
|
|
|
|
|
|
|
Re: الحنفية بت نقط .. وأم فتفت بت فكها (Re: Abdlaziz Eisa)
|
Quote: وجدت نفسي غريبا وسطهم..
كثير من مفرداتهم غريبة علي, ومواضيعهم بعيدة عني.. |
تعرف يا عبد العزيز عيسى هذا ما يشغلنى فعلآ .. ليس المصطلحات ولكن طريقة التفكير المسطحة وليس لها أى مدلول ثقافى .. هذه من الأشياء المخيفة .. طالب الثانوى يومآ من الأيام كان يمثل قيمة ثقافية ومسؤلية مطالب بها .. تجد الآن خريجين جامعات لا يقنعونك .. ربك يهون القواسى ساكت..
واصل
| |
|
|
|
|
|
|
|
|
|
Re: الحنفية بت نقط .. وأم فتفت بت فكها (Re: أبو ساندرا)
|
والله يا بركة شرطتنى من الضحك .. قلت لى الككو؟ .. ياخ والله دى أخير منها الرمة .. | Quote: ومرات كان البعض منا بيجيب رمتو معاهو القعدة |
أها دى ما رمة ومتابعة ليها رمة غايتو البلوم عندنا .. وارد الشمالية .. ومعناها الزول الذى يسهل خداعه .. والبوم ده ياهو الرمة .. رغم الجابرى كان بغنى "البلوم فى فرعه غنا" الله يرحمه كان فى قعداتكم ولا ما مطعمين؟ .. مع الحفاظ بالرويلتى لعماد عبدالله .. Quote: وعزائم الصغير ما يتسلبط في البوست بتاعك
عامل فيها ناقش الغناء
قول ليهو : اها لو ماالكاشف طيب منو؟ |
كويس يعنى ما جلينا
أبقا داخل .. راجنك
| |
|
|
|
|
|
|
|
|
|
Re: الحنفية بت نقط .. وأم فتفت بت فكها (Re: ماضي ابو العزائم)
|
كيفك يا ماضى ومشتاقين .. أمبارح بنكش ولقيت منك إيميل تجى تقول لى: Quote: عيييييييييييييييييك
ياخى إنت من زمن الطمبور القبل حقيبة الفن |
دى زمان فى زمنا بنقول "خلااااس يعنى أكتشفت أمريكا" يعنى نحن من زمن كولمبس Quote: كدى تعالو شوفوا كلمة الراندوك دى زاتا
لقطوها من وين؟؟؟؟؟
عالم عجيب |
تعرف مافى عجيبة .. الضغوط الحالية تولد بلاوى .. قابلت شباب هنا قادمين حديثآ .. حاولت أساعدهم لكن نفضت يدى .. لقيتهم يوم فى الترماى ماشين كورس لغة .. قلنا خطوة جيدة .. وين العنوان ؟ "ما عارفين لكن جينا قبال كدة .. بنشوفه نعرفه" .. يا جماعة هنا كده ما بنفع .. أنا 15 سنة هنا وبمشى بخريطة" .. قالوا كلام شكله فرايحى ولكن معناه "ياخ فكنا" .. نزلنا محطة .. ورجعنا محطة .. وعدنا محطتين .. واحد رندق أخوه وقالوا أفتح ليها ياخ .. وعادوا أدراجهم ..
كدى سيبك منهم وأدينا رندوك أيامكم .. والرندوك ما عارف أصلها ولكنه قديم ومسجل ديامى 100%
| |
|
|
|
|
|
|
|
|
|
Re: الحنفية بت نقط .. وأم فتفت بت فكها (Re: بكري الصايغ)
|
| Quote: كدى خش وأحكى لى كنتوا بتكدسو كيف فى خلا القرين فيلدج داك |
تصوّر يا رأفت .. منطقة القرين فيليدج ما كانت خلا في يوم من الأيام .. كانت في غابة صغيرة (غابة ود النور) .. وطبعاً دي أخدت حظها من رحلات بريئة وغير بريئة. شوف هسي بقت قرين فيليدج ومعرض وفيلل رئاسية ... الدوام لله.
| |
|
|
|
|
|
|
|
|
|
Re: الحنفية بت نقط .. وأم فتفت بت فكها (Re: محمد أبوالعزائم أبوالريش)
|
Quote: أبوساندرا ياخ توّرت لي نفسي ....
الأغنية لرمضان حسن، والكلمات (على ما أظن) لعبدالرحمن الريّح
وهاك الغنية قوم فكّنا .... |
يادوبك وصلت الميس
لما قلت ما حقت الكاشف وسكت
عرفتك مجللي رمضان حسن
ف إتشربكت فيك
وبخصوص هذه :
لا املك سوى ان اقول لك : أجيي
كما ان الدكتور مانعنا وكده
بعدين أنت صواميلك وين حتى نفكك
زمان واحد من معارضي الفنادق قال : النظام ده ح نفككو صامولة صامولة
دي طبعآ كانت محاولة إختطاف للبوست
وعشان الباشا رأفت مايزعل ، نساله :
كيف ومتى نجر مصطلح {السنة} بكسر السين
ومتى تعدل ل {الطشمة} و مصادر المصطلحين
في الديم كان عندنا3 معلمين
معلم سنة
و معلم طشمة
ومعلم بدر
| |
|
|
|
|
|
|
|
|
|
Re: الحنفية بت نقط .. وأم فتفت بت فكها (Re: أبو ساندرا)
|
يا معلم Quote: وعشان الباشا رأفت مايزعل ، نساله :
كيف ومتى نجر مصطلح {السنة} بكسر السين
ومتى تعدل ل {الطشمة} و مصادر المصطلحين |
أولآ السنة غير الطشمة .. السنة هى (المتريال) ذاتا .. أما الطشمة هى الحاله .. شفت البخيط الشارع داك ياها الطشمة ..
عندنا واحد نسيت ليك إسمه .. بجى بالليل ومروته بتخلص قدام شارع بيتنا جمب الغسال .. بقع وتتكوم عجلته من فوقو .. ما بفضل فيه إلا لسانه .. يبدا بأبو مروة .. وبعدين ينادى ناس الحلة إسم إسم .. مافى زول بهببه ليه .. بجوا ناس طاشين ساكت ما كاحلين ويحاولوا يساعدوه .. أول يهبشوا زول يصل لأمك وصفتا ونعتا .. يديه شلوتين ونبقى تانى فى أبو مروة .. الفلم يستمر للصباح لا يهمد لا يسكت Quote: في الديم كان عندنا3 معلمين
معلم سنة
و معلم طشمة
ومعلم بدر |
هههههه .. غايتو معلم بدر سمعتا بيه .. لكن معلم طشمة وسنة ده فى حلتكم بى غادى .. حلتنا ناس السنة كنا تلاتة .. سمعتنا شايلاها الناس ساكت ..
| |
|
|
|
|
|
|
|
|
|
Re: الحنفية بت نقط .. وأم فتفت بت فكها (Re: محمد أبوالعزائم أبوالريش)
|
| Quote: تصوّر يا رأفت .. منطقة القرين فيليدج ما كانت خلا في يوم من الأيام .. كانت في غابة صغيرة (غابة ود النور) .. وطبعاً دي أخدت حظها من رحلات بريئة وغير بريئة. شوف هسي بقت قرين فيليدج ومعرض وفيلل رئاسية ... الدوام لله. |
فلل رئاسية دى المصيبة يا محمد أبو العزايم .. يقوموا يفكروا يقطعوا برى ويبشتنوها .. وما تقول ملك حر .. ديل ياكلوا مال النبى ...
غايتو فلل رئاسية دى خبر ما سر بالى
| |
|
|
|
|
|
|
|
|
|
Re: الحنفية بت نقط .. وأم فتفت بت فكها (Re: بكري الصايغ)
|
| Quote: *** - تـصـدق،... (الـدقة) ..بقينا نستوردها من الصـيـن?!! |
كيفك يا بكرى الصايغ
تعرف يا بكرى الشطارة فى الصينيين .. ببيعوا بالأرخص .. وهم بفتشوا فى كلتور الناس ويبيعوا .. شى عراريق وجلاليب وتياب .. لكن وصولم للدقة خطير واللة .. بكرة يداقرونا فى أم تكشو
| |
|
|
|
|
|
|
|
|
|
Re: الحنفية بت نقط .. وأم فتفت بت فكها (Re: رأفت ميلاد)
|
رأفت كيف ضهرك انشاء سلك
ابو ساندرا .... والله تصدق قبال ما بكري يحن علي حالي و يديني حساب ... ال تقول حساب في بنك امدرمان الوطني (شفت الطموح دا قدر كيف).. المهم قبال يديني الحساب دا كنت متابعك بشدة و تحديداً شكلاتك
Quote: في الديم كان عندنا3 معلمين
معلم سنة
و معلم طشمة
ومعلم بدر |
لكن يا ابو ساندرا عرفنا معلم سنة و معلم طشمة .... لكن بدر دي بالجد غلبتني و لا يا ربي دا يكون بدر والاسد
لكن يا رأفت بوست المعاشيين دا ما تقول مبالغة غايتو هنا انا في خدمتكم شاي, قهوة , و الاجابات علي اسئلتكم التعسفية في حال مرور اي حد , الاسئلة علي شاكلة(يا ولد انت ود منو, و ماشي وين,و عمرك كم سنة)... بتبرع بالاجابة في حالة الود المسئول يكون لميط شوية او ما عندو ليكم زمن
معاشيون نعم جلاكين لا
| |
|
|
|
|
|
|
|
|
|
Re: الحنفية بت نقط .. وأم فتفت بت فكها (Re: حافظ حسن ابراهيم)
|
| Quote: رأفت كيف ضهرك انشاء سلك |
يا حافظ سيرة الضهر ما تجيبوا مع ناس السنة ديل .. أصلهم دايرين سبب يفطونى | Quote: لكن يا رأفت بوست المعاشيين دا ما تقول مبالغة غايتو هنا انا في خدمتكم شاي, قهوة , و الاجابات علي اسئلتكم التعسفية في حال مرور اي حد , الاسئلة علي شاكلة(يا ولد انت ود منو, و ماشي وين,و عمرك كم سنة)... بتبرع بالاجابة في حالة الود المسئول يكون لميط شوية او ما عندو ليكم زمن |
يا حليل زمن الجك البغسلوا بيه للكبار .. زمن ولى .. هسة إلا تقش يدك فى عراقيك عشان الموية مقطوعة ..
بمناسبة الأسألة التعسفية | Quote: معاشيون نعم جلاكين لا |
جلكين يعنى شنو ؟
شكلها مجغمز كده
| |
|
|
|
|
|
|
|
|
|
Re: الحنفية بت نقط .. وأم فتفت بت فكها (Re: بكري الصايغ)
|
Quote: عادل سيد أحمد
0912364904
يا ليالي زمان.. الله عليك..!
أغاني البنات من «الزمام والفِركه
والجدله».. إلى «بله.. يا بله.. العسل الـ «إِندله»..!
لمــــاذا خرجت «أغاني البنات» إلى العلن..؟!.
وقد كانت - زمان- تُغني في «العُلّومية»، توطئةً لأن تؤديها العروس، يوم «رقصة العروس»، تحت إجراءات أمنية مشددة، وبتحوطات، يقودها العريس «شخصياً»، والذي لا يرضى بأن يشاهد «أُسودٌ» آخرون، زوجته، وهي تلبس ما يُظهِر مفاتنها.. فتعلّق النساء، اللواتي ينظرن.. ويصفن «جسم العروس»، بطريقة «تخوّف» العريس نفسه..!.
كانت العروس، تلبس «الرحط والجدله والفِركه»، في ليلة «الجرتق وبخّ اللبن»... بـ «العديل والزين»..
وكانت «مباراة» العريس والعروس، لا تقل عن مباراة «هلال / مريخ»..!.
والزمن داك الهلال والمريخ، في عهدهما الذهبي.. زمن ناس جكسا وصديق منزول وبشارة وزغبير.. مش زي «الخيبة» بتاعت كأس إفريقيا..!.
والعروس في إمتصاص طلعات العريس، كانت أخطر من «حامد بريمة».. لذلك، فإن معظم «مباريات» رقصة العروس، كان فيها الرجال مهزومين، بـ «نقاط» وافرة، لصالح الزوجة..
صحيح، أنَّ كثيراً من «العرسان»، مهزومين، بـ«التواطؤ»، وبالاتفاق المسبق.. وعيونهم على «شهر العسل»..!.
إنّ العريس كان مستعداً، في ليلة العُمر تلك، أن يتنازل لعروسته، أثناء رقصتها.. فتقع.. ولا يستطيع هو أن يمسكها.. متواطئاً ومتنازلاً.. ولعلها المرة الوحيدة، التي يتنازل فيها العريس، طواعيةً واختياراً..!.
***
حتى «أغاني البنات» في الزمن السمح داك.. كانت جميلة.. ولا تخلو من إحترام، وليس بها «إيحاءات جنسية» أو تشبيهات هابطة ومنحدرة..!.
نعم.. كانت «أغاني زمان»، تجمع ما بين الحُب والطرافة:
يا جميل.. يا جميل يا سادة
حُبك جهجهني زيادة
يا جميل حُبك خلاني
نسيت أهلي وخِلاني
كيف يا جميل تنساني.. الحُب قسمة وإرادة..!.
***
أما الآن.. فإن «أغاني البنات» خرجت للعلن.. يتغنى بها «فنانون»، في الحفلات.. ليؤدي الفنان دوراً مزدوجاً..
«أُغنية ورقصة» معاً..!.
كشِف صاح..!.
***
بل ولا يتردد «هابطون»، أن يغنوا أغاني.. هي ثمرة «يابسة» للعطالة.. ودليل قوي على العزوف عن الزواج، بسبب الفقر والتوهان:
بله يا بله.. العسل الـ إندله..!
بله ود عشه.. سائق الركشة..!
بله يا بله.. دَقّا الرقم.. جَله..!
***
لقد اختفى الرحط..
إن حاجات زمان كانت سودانية، فإن العروس تلبس «السيموته والزُّمام والفركه والجدلة»..!.
أما الآن.. فإنهن يلبسن «الرِدا»، فوق الرُكبة.. وبلوزة قصيرة.. وتقليد «الهنديات» في أن «الصُرة».. طالعة وظاهرة..
نعم.. الصُرة.. بره..!.
***
ويغني «الهابط».. وعلى الملأ.. أغنية أكثر هبوطاً وانحطاطاً:
عمي حسبو ** الـ شتت قصبو
يا ولد لا ** بالباب لا.. بالشباك لا..
تعال بكره** سيد البيت جاء..!
هذه الأغنية، الممعنة في الإنحطاط، وثقافة العطالة والضللة، وانحسار سياسة الرقابة..
هذه الأغنية مقروءة مع أخرى، أكثر إنحداراً وقُبحاً:
الليلة مغرزه.. راجل المرا دا حلو حلا..!
طلعوني لبره..
وحلفوني اسم الله..
راجل الملا، ما بتخلا..!
العجوزه الخرفانا.. تتمسح بالديانا..
والوش حالتو تعبانه..!
ركبني عربتو..
وعرفني ببتو..
هو راجل مرا.. وأنا قبلتو..!.
***
مع أن أجدادنا، كانوا على مقدرة فائقة في الجمع بين زوجتين أو ثلاث.. وحتى أربع.. في بيت واحد.. بدون بثّ ثقافة التفرقة والضّرة القاتلة..
هل تصدقون أن «حبوبتي»، عليها رحمة الله.. في أيامها الأخيرة.. وهي مريضة..
كانت معها «في نفس السرير»، ولم تفارقها لحظة.. ليلاً ونهاراً.. تخدمها.. وتتألم لألمها.. الزوجة الثانية.. حاجة مريم..! وحتى الثالثة، ما كانت لتفارقهما« حاجة السيدة».. حيث تحضر إليهما من «الجريف»، ومعها «العمود» المليء بالأكل.. ما لذّ وطاب...! كسرة ومُلاح وسلطة وشعيرية.. وفواكه من الجنائن..!.
***
كانت ثقافة «أغاني البنات» مُحترمة، ولا تخرج عن قيم وتقاليد المجتمع.. في محاولة جادة ووقورة لإيجاد العريس الواعي والمتعلم والمثقف:
شايل المسطره.. أَنا يا منجه
معاها المنقلا.. أَنا يا منجه
هندسة.. هندسة.. هندسة
اللابس الأَبيض.. أَنا يا منجه
شايل السماعه.. أَنا يا منجه
دكترة.. دكترة.. دكترة
وما كان هذا مانع، للزواج من التربال والتكّاسي والعامل... وغيرهم.
كُلهم.. كانوا محترمين..
تحيطهم ثقافة رفيعة، وأدب جم.. حيث أن الأب، ما كان يقول اسم زوجته، أمام الغرباء.. إذ كان يناديها بـ «أم الأولاد»..!.
***
إنَّ ما تُسمى بـ «أغاني»، هذه الأيام، هي ليست كذلك.. وهي تعكس أزمةً حقيقية، عميقة ومتعمّقة.. نتاج «للسطحية والسبهللية»، الناجمة عن ضعف التعليم، وتفشي العطالة، ووهن الثقافة، والإهتمام بسفاسف الأمور، والانقياد الأعمى لثقافة الآخر، عبر الفضائيات..
زمان... كانت تقسيمات الفرح في غاية الروعة: زفاف وصبحية.. ورقصة عروس.. وقبلها قولة خير.. وقيدُومة..
حاجة حلوة شديد..
محترمة جداً..
***
إنها أزمة جيل..
مكبل بالفقر.. ومحاط بفيديو كليب أغاني «الجسد»..
يتحدث بعد منتصف الليل، مجاناً.. حتى الصباح..!.
ويرسل الرسائل الفاضحة، بـ«البلوتوث».. مستغلاً التكنولوجيا، أسوأ استخدام.. وغير مستفيد من منافعها وخيراتها..!.
***
لقد اختلط الحابل بالنابل..
فنانون مُخنّثون..
وفنانات مُسترجِلات...
ذات مرة، سألت فنانة «راقصة» مشهورة جداً... حول الفترة الأكثر رواجاً لـ «فنّها»...
فقالت لي: «هل تصدق أنني عملت «عمارتي» دي، في العهود الديكتاتورية.. وأنا قد عاصرت ثلاثة أنظمة: مايو والديمقراطية والانقاذ»..!.
***
من يومها: أيقنت تماماً أنْ ثمّة علاقة بين الشمولية وهبوط الفن..!.
وأنّ الإبداع دالّة في الديمقراطية..!.
http://www.alwatansudan.com/index.php?type=3&id=8506
. |
بكرى الصايغ دى ختيتا هنا بتين ؟ لكن عجبتنى جبتها كلها
| |
|
|
|
|
|
|
|
|
|
Re: الحنفية بت نقط .. وأم فتفت بت فكها (Re: محمد مكى محمد)
|
| Quote: عندما يأتى رجل مثل صديقى الذى ناهز الخامسة والستين ويقول لك "كده يا ور ور" تجد نفسك وصفته "ده كبر بى جهله" .. وهذا يعنى تمامآ بأنها لا تناسب مرحلة عمرية أو زمنية .. وهذا بديهى إذ تتجدد الأشياء بمؤثرات الزمن .. |
رأفت
كده ياور ور 65 سنة..... لا حولا
ياخى وقفت قلبنامالك علينا
ماضى ماتشوف صاحبك ده
| |
|
|
|
|
|
|
|
|
|
Re: الحنفية بت نقط .. وأم فتفت بت فكها (Re: حيدر امين)
|
سلام يا حيدرأمين Quote: كده ياور ور 65 سنة..... لا حولا
ياخى وقفت قلبنامالك علينا |
ما تشيل الهم يا حيدر الزول كان بورور قبل 35 سنة كدة .. زمن "تشرب شاهينا وتكسر كبابيبنا"  نحن يادوب حصلنا آخرا يعنى أنتوا جاكم الرشاش فى اللفة .. إنتو يادوب حصلتوا"ياتتى حمامكم بدى ولا بعضى"
تحياتى
| |
|
|
|
|
|
|
|
|
|
Re: الحنفية بت نقط .. وأم فتفت بت فكها (Re: رأفت ميلاد)
|
عمى رافت سلام . ات عارف لاوقتا قريب فى حاجه اسمها عربية اللبن دى البتشيل اللبن
توديه الملجه وطبعا معروف الخط ومواعيد اون تايم كل زول بحلب لبنو وبكبو فى الصفيح
وبنتظر 5دقايق سواق السفنجه بكون عندو بعبر اللبن وبشيل الطلبيه من صاحب البقرات
جيب لى معاك رده وبذره وكيلات دقيق وعراقى دموريه ويكه وبصل .
السواق فى الزمن داك زى كبتن الاى واكس عندو وضع خاص وقالو شعر فى السفنجه والهوستن
السودان مكنتاير بضاعه نضيفه
وماتقول السفنجات فى المسافه ضعيفه
الهوستن بس حركتو خفيف
لكن الملفات تاكلا وهى حريفه
__________________
كل زمن عندو ناسو شوف السرعه هسى وصلت وين يارافت
| |
|
|
|
|
|
|
|
|
|
Re: الحنفية بت نقط .. وأم فتفت بت فكها (Re: حبيب نورة)
|
حبيب نورة الرايق مشتاقين ياخ Quote: والباسطة !!!
بت شنو؟؟
بس ما تقول لي بت حرام؟!!! |
الباسطة شنو ياخ المقطوعة من شجرة .. الباسط بت مطق .. وبت نز عسل وبت ساعد كتير ..
يا حبيباأنت .. بتعرف الباسطة 1980 زمن المصريات بجن الفرع سنة أولى بالصباح ؟ دى كانت بت لزينة ياخ
| |
|
|
|
|
|
|
|
|
|
Re: الحنفية بت نقط .. وأم فتفت بت فكها (Re: محمد أبوالعزائم أبوالريش)
|
صباح الخير يا محمد| Quote: في فترة كان الواحد لمّا يفك (بلنتي) يقوموا يقولوا ليهو (اُف) ... يعني (يسدِّروهو) |
أها زمن "التسديرة" ده كان زمن ياما أكلنا فيه علقات .. والفكرة كانت بينى وبينك بايخة ..
القبلنا كانت أثقل وهى "حكاية أم ضبيبينة" وكانت أيضآ قضية إنصرافية .. لكن ليست خارجة عن الأدب ولكن فيها كمية من المضايقة .. ذكرتنى دى أوصاف النساء فى التورية زمن مشاغلة الشوارع .. تجى الطويلة تتعالى كلمة "الزراف" القصيرة ياها البلنتى .. الى آخره ماندخل السجن ..
واحدة أنجليزية كانت تعشق السودان .. بتجادلها واحدة سودانية مثقفاتية بأن المرأة تتعرض للمعاكسات السمجة فى شوارع الخرطوم ولكن لها إحترامها فى شوارع لندن .. ردت الخواجية .. لما أنزل السوق فى الخرطوم وتتعالى الصفافير والصيحات أحس بأنى أنثى ..
ما يعجب العجب ياخوى أبو الريش
| |
|
|
|
|
|
|
|
|
|
Re: الحنفية بت نقط .. وأم فتفت بت فكها (Re: خالد المحرب)
|
حباب الجد خالد .. على وزن الجد شعبان
Quote: عمى رافت سلام . ات عارف لاوقتا قريب فى حاجه اسمها عربية اللبن دى البتشيل اللبن
توديه الملجه وطبعا معروف الخط ومواعيد اون تايم كل زول بحلب لبنو وبكبو فى الصفيح
وبنتظر 5دقايق سواق السفنجه بكون عندو بعبر اللبن وبشيل الطلبيه من صاحب البقرات
جيب لى معاك رده وبذره وكيلات دقيق وعراقى دموريه ويكه وبصل . |
أها ده زمن سمح شديد يا ود المحرب .. طبعآ ناس حلة كوكو سبب كبير فى نهايتو .. لكن الكتيرين بقوا يمشوا براهم للمصادر دى .. طبعآ اللبن طبيعى وصحى أكثر من تبن ناس حلة كوكو وكافورى ..
تعرف زمان عربات اللبن المورده من حول أمدرمان كانت "الكندا" .. هى إيطالية من زمن الحرب العالمية الثانية .. وهى بقايا عربات الجيش التليانى وتم جلبها من أثيوبيا .. مقرها خلف جامع أمدرمان .. وهناك يتم تمويل "سيد اللبن" صاحب الحمار الهايلكس ..
الطريف عربات الكندا بتدور بالمنفلة .. وفى الشتاء القارص يجب إخراج الزيت ويتم تحميته بالنار وإعادته للعربة وإلا لن يدور الموتور Quote: السواق فى الزمن داك زى كبتن الاى واكس عندو وضع خاص وقالو شعر فى السفنجه والهوستن
السودان مكنتاير بضاعه نضيفه
وماتقول السفنجات فى المسافه ضعيفه
الهوستن بس حركتو خفيف
لكن الملفات تاكلا وهى حريفه |
أغانى اللوارى الدكاكينية كثيرة .. ويتم تحريفها وزيادتها من بيئة لى بيئة زى أغانى السباتا .. والسواق دائمآ صاحب الحظ الأوفر من التدليل خاصة فى السيرة "سواقنا زينه وحالف ما يدلينا"
أتذكر السواقين عندما يمروا بالناس يحيوا بالبورى ويقللوا "الترس" مع الضغط "فيشخر اللورى" فيصاب الناس بالطرب وتصدر أصوات حماسية .. مثل "أمعط .. أمرق .. أنهز" .. ويمكن تكون فى "عرضة" بخبط الأرجل ..
| |
|
|
|
|
|
|
|
|
|
Re: الحنفية بت نقط .. وأم فتفت بت فكها (Re: محمد عثمان)
|
ود عثمان مشتاقين ياخ
ما شايف أبو الريش هزمنا كيف فى رمضان حسن .. ما أديتنا بخرة ياخ | Quote: شايفك متجدع...اعمل حسابك ما تقع.. |
كان بقولوا "ما بقع إلا الشاطر" .. تبع الأمثال الكذابة .. البقع إنبرش لا محالة ..
وبعدين أنت من زمن "البص غلّق" "تتجدع" دى مسروقة من زمن ناس تنبس .. خليك فى مع ناس "تتفرجخ"
.
| |
|
|
|
|
|
|
|
|
|
Re: الحنفية بت نقط .. وأم فتفت بت فكها (Re: رأفت ميلاد)
|
| Quote: وبعدين أنت من زمن "البص غلّق" "تتجدع" دى مسروقة من زمن ناس تنبس .. خليك فى مع ناس "تتفرجخ" |
ههههههههههه
لا من زمن حدى نازل يافطة..؟؟؟
و فاصلويا صلصة بيضه...و كان ما عجبك برضو جيب وصله
بعدين لمن تقع دى كانت زمن السدّير..هههه
| |
|
|
|
|
|
|
|
|
|
Re: الحنفية بت نقط .. وأم فتفت بت فكها (Re: محمد عثمان)
|
| Quote: لا من زمن حدى نازل يافطة..؟؟؟ |
طبعآ دى لغة ناس بوتسودان .. يا محمد عثمان نحن زمن ناس الطاهر حسيب والطاهر هوارى .. زمن البلى "أب دبة" و"بولى .. بلبالاتى"
ناس بورتسودان كانت الميناء ليها أثر فى اللغة المحلية .. ولغة الهدندوة والبنى عامر والجداويين خلقت لغة خاصة جدآ ..
وهبة بتاع "الفيسبة" كان صاحب أشهر صفارة .. ونداءات الليل كانت "سليلى" والإجابة "وايا آآآه" .. | Quote: بعدين لمن تقع دى كانت زمن السدّير |
السدّير زاتو إتطور وبقى زى السجع .. زمان كان لما تفهم وتسأل تانى "آآه" يلصقوا ليك ..
تاكل تساليناوتنسى أسامينا يا ود عثمان .. أمشى جيب التلج وألبس نضيف ...
| |
|
|
|
|
|
|
|
|
|
Re: الحنفية بت نقط .. وأم فتفت بت فكها (Re: حافظ حسن ابراهيم)
|
| Quote: قول الجملة كاملة والله بكره تلقي نفسك في ام طرقاً عراض |
وبعدين الما بشترى يتفرج .. وأخوك يبقى زى نشال سوق الخضار .. والبوستات تتفرع
الله يغطى على ولايانا يا حافظ
بركة الشفتك على خير .. طولت من أوراقك المبعثرة .. الدخول شح .. أشوفك هناك
مودتى
| |
|
|
|
|
|
|
|
|
|
Re: الحنفية بت نقط .. وأم فتفت بت فكها (Re: محمد عثمان)
|
الحبيب/رافت
تعرف اليومين ديل الناس بقت
بت حير
تعرف من الجكسويه والكيس والبلومه والحنان والقلب000
اتحولت الي القطعة 000والحته000 الناصيه000
معقوله 00بس000
مشكله الزمن بقى مادي خاااااااااااالص000
زمنكم كعب يا 00حافظ
تحياتي
| |
|
|
|
|
|
|
|
|
|
Re: الحنفية بت نقط .. وأم فتفت بت فكها (Re: طارق عبد اللطيف نقد)
|
الحبيب رأفت ميلاد
نهارك سعيد
على وزن صلصة سعيد
وحلويات سعد
حلويات ريا دي طبعا زمنكم إنتو
والله كنت كتبت مداخلة طويلة عريضة وين راحت مش عارف
لكن يصعب علي كتابتها مرة أخرى لدواعي المزاج (صعب صعب يا علي)
ياخي إنت عارف أنا بقرأ في البوست ومع كل مداخلة أحس بأني في بقعة مختلفة من بقاع السودان
مرة في حتة طينية ومرة رملية ومرة على شاطئ النيل الجميل
ومرة في عشش فلاتة ومرة في مزرعة أبقار ومرة في حواشة في الجزيرة ومرة في ساقية من سواقي كسلا الجميلة
ومرة في شارع من شوارع بورتسودان الواسعة ومرة على سكة قطر أو في قوز على رمال كردفان
ودينا مرة الجنوب .
شكرا حقيقي على هذا البوست
| |
|
|
|
|
|
|
|
|
|
Re: الحنفية بت نقط .. وأم فتفت بت فكها (Re: جعفر محي الدين)
|
مرحب بيك كتير يا جعفر محي الدين | Quote: حلويات ريا دي طبعا زمنكم إنتو |
وكريكاب وكرملة وبسكويت كوكو .. وبكريك بالدوم
Quote: والله كنت كتبت مداخلة طويلة عريضة وين راحت مش عارف
لكن يصعب علي كتابتها مرة أخرى لدواعي المزاج (صعب صعب يا علي) |
بتحصل يا حافظ وتخلى الزول محبط .. غير الإنترنت إكسبلور هو المعقد ياخ Quote: ياخي إنت عارف أنا بقرأ في البوست ومع كل مداخلة أحس بأني في بقعة مختلفة من بقاع السودان
مرة في حتة طينية ومرة رملية ومرة على شاطئ النيل الجميل
ومرة في عشش فلاتة ومرة في مزرعة أبقار ومرة في حواشة في الجزيرة ومرة في ساقية من سواقي كسلا الجميلة
ومرة في شارع من شوارع بورتسودان الواسعة ومرة على سكة قطر أو في قوز على رمال كردفان |
ما ياهو الفضل لينا يا حافظ .. ذكريات ممزوجة بغربة وأحزان .. | Quote: ودينا مرة الجنوب . |
يا ريت ناس الجنوب يجونا .. ناس تور كبير .. ودى لغة تانية كانت عامة فى أمدرمان .. عربى جوبا ..
أولاد جدى إتربوا فى جوبا وتعلموا هناك .. لما يجوا الخرطوم بنتعب فى التفاهم .. كبيرهم الله يرحموا .. كان بقول "موندكورات بتاع خرطوم ده ما بعرفوا عربى"
مرحب بيك كتير يا حافظ
| |
|
|
|
|
|
|
|
|
|
Re: الحنفية بت نقط .. وأم فتفت بت فكها (Re: طارق عبد اللطيف نقد)
|
سلام يا طارق نقد وطولنا ما إتلاقينا .. ليك وحشة Quote: تعرف من الجكسويه والكيس والبلومه والحنان والقلب000
اتحولت الي القطعة 000والحته000 الناصيه000
معقوله 00بس000 |
القطعة والحتة والناصية دى جكس ؟؟ لا حولا القصة فعلآ بقت بزنس .. يعنى الواحد بقى يقع واقف .. والشيلة بقت على العروس الناصية .. الله فى .. Quote: مشكله الزمن بقى مادي خاااااااااااالص000
زمنكم كعب يا 00حافظ |
كعب وبس ؟! .. دى آثار الدقون وكله بقى بى تمنه
تحياتى يا طارق
| |
|
|
|
|
|
|
|
|
|
Re: الحنفية بت نقط .. وأم فتفت بت فكها (Re: khaleel)
|
لعزيز رأفت و كل المتداخلين سلامات
والله يا شباب قدر ما قلت اتداخل في البوست دا بمداخلة حقيقة والله غلبني , فضلت الف و ادور وما قادر اعمل اي حاجة ذات فايدة .... انت عارف يا رأفت اي مداخلة تجي في رأسي بتكون عندها مشكلة مع الخلق السوداني القويم و بكون خايف انها تخدش زجاج هذا الخلق الشفاف.... و بعدين معاك معظم الحاجات انا قلتها و اني طفل بتعبير اخر انا احتملتها و عمري اقل من 12 سنة .... ما عارف باي منطق ما قادر يحتملها انسان عمره اكثر من 18 سنة .... و لا في اطفال في المنبر دا معانا.....
والليله و الليله يا خليل
في الطليح عديل كدا....والله انت خدشت الزجاج السوداني القويم والله معاك .... و يارجال الرواجاب يلم فيك بكري و ناس تانين في المنبر دا يخلو ريحتك طلح طلح
خليل يا خليل خليلك وين ما بنوم الليله
و يا حكومة اجري و يا ناس النظام في حد هنا استفز الشعور العام
انا برا
| |
|
|
|
|
|
|
|
|
|
Re: الحنفية بت نقط .. وأم فتفت بت فكها (Re: حافظ حسن ابراهيم)
|
الله عليك يا رأفت يا قديم ..
سلام يا ابن خالتي
وقديم دي بالمناسبة ما معناها إنك كبير ( وجلكنت )
دي معناها زي ناس يا رائع ويا خطير ، طبعاً ده نوع آخر من شغل ( الكُرُب )
تخيل إنو كلمة ( طيب ) الواحدة دي ، عندها أكتر من معني
وما بتفهم معناها الا من سياق النقة
عندنا فردتنا في الديم وده ( ملك الرندكة ) عندو طريقة غريبة في الشغل ده
والناس بيكونوا منتظرينو ينطق ، وفي ربع ساعة تلقى كلامو ( شرّف الرجاف )
أما معاني معلمين بركة التلاتة فهم كالتالي :
معلم سِنة + معلم طشمة معانهم واااااااحد وديل الناس البيجيهو ونستهم تمام وما بيلعبوا فيها ..
أما معلم بدر ، فكان عندو محل عشا في الديم جنب عيادة صبحي اسكندر
وهو واحد من أخطر ( وأطعم ) التباخين ، تخلص من ونستك وتمشي له في أي وكت بيعشيك
برجع ليك بعد أمشي البيت ، كرسيي ده ما في زول يقعد فيهو ..
لكن يا حافظ ياخ إنت زول ونّاس بالجد ، وكلامك ليس فيه ما يخدش الحياء
فبالله كلامك ما ( تفلترو ) شدييييد كده ،،، فكوا ياخ ، القزاز هنا ( مُصفّح ) ..
| |
|
|
|
|
|
|
|
|
|
Re: الحنفية بت نقط .. وأم فتفت بت فكها (Re: Salah Abdulla)
|
عارف يا رأفت .. في أغاني كتيرة إتحرّفت زي بتاعة (الله خلق للنعجة ضنب والكوم بقرش والدقة بلاش) .. يعني في واحدة برضو كان بيقولوها ناس الكورة .... (ليه يا ماجد تعمل كده .. تعذب جكسا بالشكل ده) ....... <طبعاً دي حكوها لينا ما حضرناها>
| |
|
|
|
|
|
|
|
|
|
Re: الحنفية بت نقط .. وأم فتفت بت فكها (Re: محمد أبوالعزائم أبوالريش)
|
| Quote: عارف يا رأفت .. في أغاني كتيرة إتحرّفت زي بتاعة (الله خلق للنعجة ضنب والكوم بقرش والدقة بلاش) .. يعني في واحدة برضو كان بيقولوها ناس الكورة .... (ليه يا ماجد تعمل كده .. تعذب جكسا بالشكل ده) ....... <طبعاً دي حكوها لينا ما حضرناها> |
تعرف يا محمد لما كنا صغار كنا بنغنى أغنية "صديق منزول أيواا .. العب شوات أيواا .. قد الشبكات أيواا " وبعدين طلعت بتاعة "ماجد كفرو فكا" .. ونحن فى قلب المسالمة .. فكان الوالد رحمه الله يعاقبنا بصرامة .. فكنا بنعتقد إنها كلام نابى .. أتاريه الراجل كان مريخابى ..
إتخيل لى الأولى دى بتاعة الكاشف .. ولا جلا برضو
| |
|
|
|
|
|
|
|
|
|
Re: الحنفية بت نقط .. وأم فتفت بت فكها (Re: Salah Abdulla)
|
سلام يا صلاح
Quote: لكن يا حافظ ياخ إنت زول ونّاس بالجد ، وكلامك ليس فيه ما يخدش الحياء
فبالله كلامك ما ( تفلترو ) شدييييد كده ،،، فكوا ياخ ، القزاز هنا ( مُصفّح ) .. |
ايوااااااا يا صلاح دا نظام دردقة و كدا لكن تلقاها عند الغافل .... والله اقول الفي رأسي بكره اطلع من تشاد .... الفيلم دا دخلناهو زماااان ... لكن يا فرده السعيد يشوف في اخوهو و الشقي يشوف في نفسو و المرة دي انا قررت اكون سعيد و داير اشوف في خليل بتاع الطليح , ولا يكون دا خليل ابراهيم مدسي.... بس خليل دا لو ما عملوا ليهو حاجة بطلحوا و شافوا ديل و كمان معاهم حاجة كعبة بتخدش الزوق السوداني النبيل .... لو ما عملوا ليهو حاجة ياني الانبهلت هنا....
و بعدين يا صلاح عندك شنو قصة المصفح دي .... مصفح الهمبر بختلف عن مصفح اللكزيس .... و نجيريا ما جم دبي.....
يا رأفت اخوي انت شايف صلاح دا قال عنك شنو
Quote: الله عليك يا رأفت يا قديم ..
|
والله انا عارف انك ما قديم و الشهادة بكتابتك لكن والله لو عرفت قديم دي معناها عندنا شنو , قسماً تقيم في صلاح دا الحد 0دي نظام مديدة حارة , و كومين تراب...و الكومين ديل بعنن اعضاء الاب الانجابية, و البكشح الكومين تراب ديل أول بيكون خصا الاب ... و بعدين عشان ترجع لابوك رجولته لازم تعلق الخصم علقة جد .... هو دا كلام زايد و انا مغطيهو بقوسين رأفة بالزجاج السوداني و رأفت ميلاد)
و في الختام يا فرد
(الروس الروس
مرحب بالتيوس
من الابيض الشاقي الطين , للسفنجة الصوتها حنين
اختاروا من الاتنين ديل لمن اجيكم راجع باتنين تاني)
| |
|
|
|
|
|
|
|
|
|
Re: الحنفية بت نقط .. وأم فتفت بت فكها (Re: حافظ حسن ابراهيم)
|
| Quote: والله انا عارف انك ما قديم و الشهادة بكتابتك لكن والله لو عرفت قديم دي معناها عندنا شنو , قسماً تقيم في صلاح دا الحد 0دي نظام مديدة حارة , و كومين تراب...و الكومين ديل بعنن اعضاء الاب الانجابية, و البكشح الكومين تراب ديل أول بيكون خصا الاب ... و بعدين عشان ترجع لابوك رجولته لازم تعلق الخصم علقة جد .... هو دا كلام زايد و انا مغطيهو بقوسين رأفة بالزجاج السوداني و رأفت ميلاد) |
زمان محافظ مدنى رحمه الله كان راجل فرايحى جدآ .. طلع قرار إدوات البناء لا تُباع إلا بتصريح من المحافظ لمكافحة السوق السوداء .. صاحبك كل البجيه بيمضى ليه .. واحد شال التصريح صاحب المغلق ما عنده .. فعمل شمطة ويصر على التصيح .. صاحب المغلق قاليه أمك وأم المحافظ .. عمل شهود ومشى للمحافظ .. قال ليه ياخوى أمى سيبا أمشى خارج أمك .. دحين أنا بخارج روحى أنت أبقى عشرة على القزاز ما يتخدش
. Quote: و في الختام يا فرد
(الروس الروس
مرحب بالتيوس
من الابيض الشاقي الطين , للسفنجة الصوتها حنين
اختاروا من الاتنين ديل لمن اجيكم راجع باتنين تاني) |
دى غايتو لقيتك ما جديد
| |
|
|
|
|
|
|
|
|
|
Re: الحنفية بت نقط .. وأم فتفت بت فكها (Re: Salah Abdulla)
|
كيفك يا أبو صلاح Quote: وقديم دي بالمناسبة ما معناها إنك كبير ( وجلكنت )
دي معناها زي ناس يا رائع ويا خطير ، طبعاً ده نوع آخر من شغل ( الكُرُب )
تخيل إنو كلمة ( طيب ) الواحدة دي ، عندها أكتر من معني
وما بتفهم معناها الا من سياق النقة |
غايتو جبتنا ورا مع حافظ بقديم دى .. عندنا واحد فى مدنى أحرف من معلم بدر .. برد عليها بعرضحال .. "أخير المن زمن التركية وجات عليهم المهدية هييييييي"
وطيب دى مرات بتجيب الأرض .. ولما يدلعوها يقول ليك "إمكن صالح" .. معناتو كمل الهبالة ..
Quote: أما معاني معلمين بركة التلاتة فهم كالتالي :
معلم سِنة + معلم طشمة معانهم واااااااحد وديل الناس البيجيهو ونستهم تمام وما بيلعبوا فيها ..
أما معلم بدر ، فكان عندو محل عشا في الديم جنب عيادة صبحي اسكندر
وهو واحد من أخطر ( وأطعم ) التباخين ، تخلص من ونستك وتمشي له في أي وكت بيعشيك |
دى بركة دقسنا فيها عديل كدة .. طلع المعلم الكبير | Quote: برجع ليك بعد أمشي البيت ، كرسيي ده ما في زول يقعد فيهو .. |
يادابا ما حِلت .. Quote: لكن يا حافظ ياخ إنت زول ونّاس بالجد ، وكلامك ليس فيه ما يخدش الحياء
فبالله كلامك ما ( تفلترو ) شدييييد كده ،،، فكوا ياخ ، القزاز هنا ( مُصفّح ) .. |
الزول ده ما تسخنو شديد .. قاعد فى الجنينة .. السخانة الجد بس مقديشو .. 
.
| |
|
|
|
|
|
|
|
|
|
Re: الحنفية بت نقط .. وأم فتفت بت فكها (Re: حافظ حسن ابراهيم)
|
| Quote: والله يا شباب قدر ما قلت اتداخل في البوست دا بمداخلة حقيقة والله غلبني , فضلت الف و ادور وما قادر اعمل اي حاجة ذات فايدة .... انت عارف يا رأفت اي مداخلة تجي في رأسي بتكون عندها مشكلة مع الخلق السوداني القويم و بكون خايف انها تخدش زجاج هذا الخلق الشفاف.... |
ده معناته يا حافظ طفولتك كان مشردة شديد ياربى كنتو ساكنين جمب توتو ماتا ..
يا زول ما يدردقك خليل و ترش بالتقيل .. فى زمن "بالغت" .. قالوا واحد من الأقاليم رجع الحلة .. وشبك ليك الناس أى حاجة "والله بالغت" أمو سألتو "بالغت دى يعنى شنو" .. قال ليها والله بالغتى كان ما بتعرفيها ..
| |
|
|
|
|
|
|
|
|
|
Re: الحنفية بت نقط .. وأم فتفت بت فكها (Re: khaleel)
|
يا خلى والله أنت زول أكل عليه الدهر .. طبعآ ما داير أقول ليك قديم بتاعة صلاح .. يجى يلولا لينا حافظ قلت لى Quote: والشاة ضاعت في قرية الطليح
فان الاعراب تقول
شاتحني في الطليح |
قال الأعراب ؟ بقيت الليلة عبدالله الطيب .. عليك الله أنت دفعة حنى ؟ .. حنى ده كان عندو قريبو إسمه قربة .. هسة كان وقفك فى الضل وسألوك لوقفك هنا منو ؟ شن بتسوى .. Quote: وهداك جمل بارك في المبارك في ايدي قصبة وفي (.................)
اكمل الجملة |
تمها براااك يا خوى .. أنا عندى مشوار
سلامات ياخلى
| |
|
|
|
|
|
|
|
|
|
Re: الحنفية بت نقط .. وأم فتفت بت فكها (Re: حافظ حسن ابراهيم)
|
| Quote: إتخيل لى الأولى دى بتاعة الكاشف .. ولا جلا برضو |
والله يا رأفت أخوي كان بودّي .... لكن برضو جلا يا معلّم ..... ده إبراهيم عوض.
وبمناسبة ابراهيم عوض برضو عندو غنية بتقول (يا ناري الحب أعياني ......... يا ناري .. يا ناري .. يا ناري) .... الجماعة حوّلوها بقت (يا ناري ياناري .. صلاح الدين بقى كمساري).
بعدين شايفك ذكرت البوري بتاع اللواري والبصّات السفرية، وأذكر إنو معظم البصّات كان سواقينها حريفين شديد في أغنية (إنتي كلك زينة وعايمة كالوزينة).
_____
ياخ نكتّ لينا عاجات عجيبة
| |
|
|
|
|
|
|
|
|
|
Re: الحنفية بت نقط .. وأم فتفت بت فكها (Re: محمد أبوالعزائم أبوالريش)
|
سلام يا رأفت،
إستلم دي كمان:
تشرب شاينا وتكسر كبابينا؟!
| Quote: زمان بعد العمال يقبضوا "البونص" ويمشى الواحد أبو شمس .. الخواجة يجر ليه الكرسى ويديه اسكريم .. وأول أربعة طلبات مجانى .. بعدها صاحبك يحلف طلاق القاعدين كلهم على حسابه .. وبكرة تجى الفكرة |
علشان كدا بنقول يا ربي الناس ديل ليه بيكونوا مفلسين من أول إسبوع في الشهر؟!
أتاري بمشوا على محل الخواجة أبو شمس (ياكلوا الجبنة المضفورة)؟
طبعا نحن جيل بعدكم.. الواحد فينا لما يمشي الحلفة ويشوف البنات بنستخدم مصطلحات
زمانا ونقول لأحد أصحابنا (الدامة أو القميص أو الكوتش) بتاعك قاعد متلبد أعمل حسابك
ما تمشي (تتكبكب) في واحدة ثانية ويبقى عندك قميصين.
مرة كنا مجموعة أولاد وبنات ركبنا بص ومشينا رحلة على جنينة في شرق مدني واحد صاحبنا
الجماعة دردقوا قعد يحسب في (قمصانه) في النهاية فك أخرو وطلع بحب ليهو 15 واحدة..
| |
|
|
|
|
|
|
|
|
|
Re: الحنفية بت نقط .. وأم فتفت بت فكها (Re: عزيز عيسى)
|
Quote: علشان كدا بنقول يا ربي الناس ديل ليه بيكونوا مفلسين من أول إسبوع في الشهر؟!
أتاري بمشوا على محل الخواجة أبو شمس (ياكلوا الجبنة المضفورة)؟ |
هى داب ضفرة يا عزيز .. | Quote: (الدامة أو القميص أو الكوتش) |
غايتو القميص دى جديدة .. يمكن قميص عامر Quote: مرة كنا مجموعة أولاد وبنات ركبنا بص ومشينا رحلة على جنينة في شرق مدني واحد صاحبنا
الجماعة دردقوا قعد يحسب في (قمصانه) في النهاية فك أخرو وطلع بحب ليهو 15 واحدة.. |
مكيس 15 المفترى .. عندناواحد عندو مواعيد يومية فى كل فسحة وبداية الحصص ونهايتها فى مدرسة شكل .. لما يسألوا منو بنقول عندو عيادة .. ولقبه كان الدكتور
قلت لى كسر كبابيكم يا عزيز
| |
|
|
|
|
|
|
| |
رأفت ميلاد
محمد أبوالعزائم أبوالريش
Abdlaziz Eisa
محجوب البيلي
abubakr
حافظ حسن ابراهيم
ماضي ابو العزائم
أبو ساندرا
طارق جبريل
سيف الدولة كامل
فرحات عباس
محمد عبد الماجد الصايم
محمد مكى محمد
حيدر امين
خالد المحرب
حبيب نورة
طارق عبد اللطيف نقد
جعفر محي الدين
khaleel
عزيز عيسى
فيس بوك
تويتر
انستقرام
يوتيوب
بنتيريست