|
|
|
 Re: "بعض" النساء .. ونشـوة الأعماق (Re: رأفت ميلاد)
|
أصبحت هناك ظاهرة "الوصاية"
ماذا يجب أن يُكتب وماذا لا يُكتب وكيف يُكتب أو كيف يُناقش
وحدثت وصاية بأن الخط يجب أن يكون محدد والمطلوب هو فقط "الآتى"
دون ذلك تسود لغة الغمز واللمز
أو التهاتر والإسفاف
ولأن الكرة أصبحت نسوية خالصة
ينزوى الرجال .. أو يسقطوا ..
فلنعود للسطح مرة أخرى .. وكل منا يراجع نفسه
المعطيات للهجوم دائمآ : هى النضال .. الثقافة .. أو نون النسوة
المحصلة النهائية معروفة
الحردان
لم الزملاء فلقد أصبتى الإساءة وأنا "أنثى"
اعلان الجهاد وقد يكون الهكر
ويسقد الجميع صريع الأعماق
ليس هناك وصاية .. وليس هناك تكميم .. وليس هناك أنثى
الرأى لنا .. ولغيرنا
| |
 
|
|
|
|
|
|
|
|
Re: "بعض" النساء .. ونشـوة الأعماق (Re: حسين محي الدين)
|
حسين محي الدين
تحباتى
Quote: المعطيات:
النضال .. الثقافة .. أو نون النسوة..
العمل:
إجتهاد وتفاني أكثر
المحصلة:
تلك النشوة التي ذهبت طائعة إلى أخواتي بسودانيز |
ما أبدعها من رسالةQuote: ميلاد لك التحية
وعبرك لكل الرائعات |
ولك التحية وتصل عبرك الرسالة
| |
|
|
|
|
|
|
|
|
|
Re: "بعض" النساء .. ونشـوة الأعماق (Re: Muna Khugali)
|
Quote: فلنعود للسطح مرة أخرى .. وكل منا يراجع نفسه
|
الحبيب رأفت
تعرف بعد مرات تقول تطلع السطح وتخاف يلاقوك ناس تقول ياريت لو كمل الاكسجين وانا تحت ..
يا اخي اكتب ما تريد .. وسطر لهن ما نريد اصلو هم حايروحو مننا وين ..
| |
|
|
|
|
|
|
|
|
|
Re: "بعض" النساء .. ونشـوة الأعماق (Re: علاء الدين حيموره)
|
حبيبنا علاء
صباح الخير
| Quote: تعرف بعد مرات تقول تطلع السطح وتخاف يلاقوك ناس تقول ياريت لو كمل الاكسجين وانا تحت .. |
أخد شوية أكسجين وأنزل تانى . الكر والفر أفضل منالإنتحار | Quote: اصلو هم حايروحو مننا وين .. |
وحنروح منهم وين
بنسميهم النصف الحلو .. وده ما صحيح .. هن النص الكامل
بدونهن لا يمتليئ ولا نصف الإطار
| |
|
|
|
|
|
|
|
|
|
Re: "بعض" النساء .. ونشـوة الأعماق (Re: Muna Khugali)
|
Quote: Quote: ولأن الكرة أصبحت نسوية خالصة
ينزوى الرجال .. أو يسقطوا .. |
ولا تثير "نون النسوه" عندي اي تعاطف ان تغاضت عن القيم الأنسانيه في خطاباتها.. |
يا منى الرسالة ليست "للجندر"
يهمنى النساء الناجحات اللائى قدمن رسائل مع غض النظر لعدد الأخطاء ومستوى الإنجاز . النجاح نسبى والفائدة عامة من الخطأ والصواب .
نساء أصبح لهن أسماء وإنجازات توجت المجتمع قبل تتويج المرأة مهما إختلفنا معهن أو توافقنا.
أما اللائى يتصيدن الأخطاء ويعملن على هدم الإنجازات للتسلق لخلق إسم ولو ببذيئ القول فهن لسن معنيات ولا يوجه لهن النصح ولا اللوم . من يسقط بمزاجه فله ما يريد وهذا النوع لن يرى سحر الأعماق لنحذره منه لأنه سيظل فى السطح "سطحى" مدى الحياة رجلآ كان أو إمرأة .
كل ما يكتب ليس لكل من يقرأ .. فهناك من يقرأ بدون عيون
مودتى
| |
|
|
|
|
|
|
|
|
|
Re: "بعض" النساء .. ونشـوة الأعماق (Re: رأفت ميلاد)
|
لا ده نقد شاعري جدا يا رأفت !
حكاية موت الثنائي بسبب "نشوة الأعماق" دي جذبتني أكتر من الموضوع الأساسي هنا!
حكاية تدعو للتأمل مع أنهم ناس عرفة و خبرة !
بعدين أها خلاص عذبتني بمحاولتي تذكر إسم المرحوم الباحث الشهير, أعتقد فرنسي, قائد فريق بحث أسرار البحار ..
السفينة غايتو كان إسمها "كاليبسو" !
بعدين حكاية نشوة الأعماق دي إنت و محمد سني بك ما دايرين تتوبو منها ?! ..
أظنو حسين ملاسي نسى "أوسكار شلهتة الكبار للسني و صحبو"!!
| |
|
|
|
|
|
|
|
|
|
Re: "بعض" النساء .. ونشـوة الأعماق (Re: Elmuez)
|
كيفك يا المعز ومشتاقين Quote: حكاية موت الثنائي بسبب "نشوة الأعماق" دي جذبتني أكتر من الموضوع الأساسي هنا!
حكاية تدعو للتأمل مع أنهم ناس عرفة و خبرة !
بعدين أها خلاص عذبتني بمحاولتي تذكر إسم المرحوم الباحث الشهير, أعتقد فرنسي, قائد فريق بحث أسرار البحار ..
السفينة غايتو كان إسمها "كاليبسو" ! |
فعلآ القصة كانت مؤثرة جدآ . أهو المعلومات إكتملت .. البرنامج إسمه أسرار البحار وليس عالم البحار .. والباحث الشهير فعلآ كان فرنسى زى ما قلت أنت .. وإسمه جاك كوستو زى ماأورد أشرف البنا .. وإسم السفينة كلبسوا والعالم الذى ضاع فى الأعماق هو مساعده لويس برنارد كما أورد عبد الناصر الخطيب ..
أها إرتحتا ؟ طبغآ أنا ما كنت ناسى من الزهايمر بس من السغرة  Quote: بعدين حكاية نشوة الأعماق دي إنت و محمد سني بك ما دايرين تتوبو منها ?! ..
أظنو حسين ملاسي نسى "أوسكار شلهتة الكبار للسني و صحبو"!! |
السنى الشباب الدئم ودائمآ على الأعناق .. بس موضوع ملاسى ده ما شفتو .. دلنى عليه .. وزى ما قال ود البشرى المسنجر يا بكرى
مودتى
| |
|
|
|
|
|
|
|
|
|
Re: "بعض" النساء .. ونشـوة الأعماق (Re: محمد عثمان)
|
محمد عثمان يا فنان
كيفك يا رجل Quote: هسى انا كنت جاى اكتب عن تجربة
لى فى الغوص فى بحرنا الاحمر .. |
أكتب وكلو "غطس" ما شايف ود البشرى بحول إتجاه البص على كيفو كيف
هى همسات لازعة من مودة حقيقية
بطلوا الجبن
معزتى
| |
|
|
|
|
|
|
|
|
|
Re: "بعض" النساء .. ونشـوة الأعماق (Re: رأفت ميلاد)
|
الأخ رأفت تحية و ود...
القبطان ( جاك كوستو ) هو بطل تلك الرحلة الإستكشافية الثرية بفوائدها ...
و ها نحن مع بوستك هذا نجتر أحدى تلك الفوائد ...
في هذا الزمان اعتدنا أن ندور حول الفراغ ...
ليس الحكم على الإطلاق ...
فالمرأة في حياتنا قيمة أكبر و أعظم من التصفيق للخواء و التيه الذي عرفت به حواء ...
ترى حول أي محور يدور هؤلاء ؟؟؟
في سابق الأيام كان للقطيع أناث كثر و ذكر واحد ...
اليوم يترك كل الذكور كل الإناث و يلتفوا حول أنثى واحدة ...
فليقنعوا اذاً بفتات النشوة ...
حتى و إن كانت نشوة الأعماق ...
تحية و احتراماً ...
| |
|
|
|
|
|
|
|
|
|
Re: "بعض" النساء .. ونشـوة الأعماق (Re: أشرف البنا)
|
العزيز أشرف البنا
تحياتى Quote: في هذا الزمان اعتدنا أن ندور حول الفراغ ...
ليس الحكم على الإطلاق ...
فالمرأة في حياتنا قيمة أكبر و أعظم من التصفيق للخواء و التيه الذي عرفت به حواء ...
ترى حول أي محور يدور هؤلاء ؟؟؟ |
أفهم عمق رسالتك وقد وشملت الجنسين . أتمنى تصل بردآ وسلامآ وأن لا تستغل للخلاف من أجل الخلاف كعادتنا .
تشكر عن معلومات رحلة القبطان ( جاك كوستو )
مودتى
| |
|
|
|
|
|
|
|
|
|
Re: "بعض" النساء .. ونشـوة الأعماق (Re: أشرف البنا)
|
جناب
القائد
رأفت ميلاد
هي رقة حرف
لم نالفها
ما بين ترانيم "للخلف دور"
لكن يبدوا أن "الكلية الحربية "بطرانة,,,تلد من تلد
وتخرج الشاعر,ورقيق المشاعر
وكذلك السفاح الجائر
لك التحية والود
**************
كم جميل ان يجمع هذا البوست الانيق وزميل الدراسة ,الانيق "انيق القول والمعشر" د.أشرف البنا
لك الود اشرف
ارجوا الاتصال
[email protected]
لك التحية
د.محمد عبدالله تيراب
___________________
الحق يعلو ولا يُعلى عليه
| |
|
|
|
|
|
|
|
|
 Re: "بعض" النساء .. ونشـوة الأعماق (Re: رأفت ميلاد)
|
رأفت ميلاد
مساء الخير
________________________________________________________
البرنامج الشهير ( أسرار البحار ) ومنتج البرنامج ومقدموا كان المرحوم عالم البحار الفرنسي ( جاك كوستو ) والابحر حول العالم بسفينة الابحاث ( كلبسوا )
وعمل حلقة شهيرة عن سلوك أسماك القرش في البحر الاحمر في السواحل السودانية .والكلام ده كان في سبعينات القرن الماضي
ومساعدوا ( لويس برنارد ) توفي بنشوه الاعماق أثناء تصوير واحدة من حلقاتهم في أعالى البحار
الانعش ذاكرتي لقيت لى قبل مدة كم حلقة DVD .
ولك الود كله
| |
|
|
|
|
|
|
|
|
|
Re: "بعض" النساء .. ونشـوة الأعماق (Re: عبد الناصر الخطيب)
|
عبد الناصر الخطيب
تحياتىQuote: البرنامج الشهير ( أسرار البحار ) ومنتج البرنامج ومقدموا كان المرحوم عالم البحار الفرنسي ( جاك كوستو ) والابحر حول العالم بسفينة الابحاث ( كلبسوا )
وعمل حلقة شهيرة عن سلوك أسماك القرش في البحر الاحمر في السواحل السودانية .والكلام ده كان في سبعينات القرن الماضي
ومساعدوا ( لويس برنارد ) توفي بنشوه الاعماق أثناء تصوير واحدة من حلقاتهم في أعالى البحار
الانعش ذاكرتي لقيت لى قبل مدة كم حلقة DVD . |
شكرآ على المعلومات الرائعة لكن طبزتها فى الآخر فى غرفة الإنعاش بتاع الـ DVD يعنى دخلت معانا فى نادى الزهايمر ولازم لكزة .
مودتى يا عزيز
| |
|
|
|
|
|
|
|
|
|
Re: "بعض" النساء .. ونشـوة الأعماق (Re: حسن الطيب يس)
|
مرحب حسن الطيب يس
Quote: لن تتم نشوة الأعماق هذة إلأ إذا
تلآقحت افتكار الشخصية المعنية مع افكار
الجو المحيط بالموضع و هذا يندر حدوثه |
هذا صحيح وذلك لخلط العدوانية بالخلاف . الخلاف والإختلاف فى الأفكار يولد الحلول ويوصل للنتائج المرضية . المشكله هى (الجو المحيط بالموضوع) . العمار قاسى وما أسهل الدمار .
رسالتك واضحة
محبتى
| |
|
|
|
|
|
|
|
|
 Re: "بعض" النساء .. ونشـوة الأعماق (Re: هشام آدم)
|
هشومي !!!
ودي ,,,
اصلي بمزح مع رأفت فقط ليس إلا أرجو أن لا يفسر مزحي بأكثر من ذلك خصوصا أنني لم أذكر أي شخص من
بعيد ولا قريب,,, لو ملاحظ إني دخلت متأخرة جدا خوفا من التفسير الخاطيء, عموما أقدر نصحيتك
الغالية ...
| |
|
|
|
|
|
|
|
|
|
Re: "بعض" النساء .. ونشـوة الأعماق (Re: هشام آدم)
|
Quote: رأفت !!!
يسعد صباحك ,,,
بما إني الآن في أعماق البحار قلت النديك تحية من الأعماق ,,,
بغطس شوية وبجيك طالعة ,,, وكان ما طلعت عاد الحقني عشان ما بعرف فن العوم ,,,
ودي ,,, |
ويسعد صباحك يا عواطف
ما عارف أخونا هشام آدم بقصد شنو Quote: عطّوفة ...
كنت آمل ألا تشاركي في هذا البوست |
لكن يا ريت يكون البوست للمعنيين فقط للقراءة . هدنة لمعرفة رأى الآخرين .
أنت بالطبع إحدى المعنيات وإحدى الناجحات . لا أقصد التهكم بنشوة الأعماق ولكن أقصد التوقف قليلآ لمزيد من الأكسجين لمواصلة الرحلة .. رأينا يهمكن بلا شك .
مودتى
مرحب هشام آدم
| |
|
|
|
|
|
|
|
|
|
Re: "بعض" النساء .. ونشـوة الأعماق (Re: saadeldin abdelrahman)
|
كيفك يا سعد الدين
Quote: بوست زي دا لو مددنا فيه اقامتنا بنبشتنوا ليك ساي
احسن نقرا و نمشي و نعمل حساب النشوة. |
لامن وصلتك مافى أى خسائر .. يبدو بتاعين الأمن فى الباب صادروا كل الأسلحة ..
الخصيات المعنية هنا مشمولة بكل الود والإحترام .. والله ما جاب حرابة .
مودتى
| |
|
|
|
|
|
|
|
|
|
Re: "بعض" النساء .. ونشـوة الأعماق (Re: رأفت ميلاد)
|
ما عارف يا عمك لكن عندي إحساس إنك سايق باصك دا على السوق الشعبي امدرمان
وكاتب عليه سعد قشرة
و الركاب فيهم الماشي الصحافة و فيهم المارقها في مدني عديل
ولا أظني أنا البقت ما بتقع لي بالساهل
________________________________________________________
يا بكري
المسنجر
المسنجاااااااااااااار
| |
|
|
|
|
|
|
|
|
|
Re: "بعض" النساء .. ونشـوة الأعماق (Re: Nader Abu Kadouk)
|
___________________
الأخ : رأفت ميلاد
لم أقصد بكلامي إلا ما فهمته الأخت عواطف تماماً .. لا نريد أن يكثر اللغط حول ذات الموضوع، الذي كان من الممكن مناقشته وإنهاؤه في ذات البوست. كثرت البوستات التي تتحدث حول هذا الموضوع ولا أعرف سبباً لهذه الأخطبوطية في تداول الموضوعات. أنت تفرد مساحتك الخاصة هنا الآن، والأخت ممكونة في مكان آخر والدكتورة إشراقة في آخر وكذلك الأخ محمد E سليمان !!! لم كل ذلك. ألم يكن من الأجدى اختزال كل هذه البوستات في البوست الأصلي أو البوست الذي أفردته الأخت عواطف مؤخراً حول ذات الموضوع؟
عموماً لم أقصد أبدأ بمداخلتي السابقة ما يسيء إليك.
| |
|
|
|
|
|
|
|
|
|
Re: "بعض" النساء .. ونشـوة الأعماق (Re: هشام آدم)
|
هشام آدم | Quote: كثرت البوستات التي تتحدث حول هذا الموضوع ولا أعرف سبباً لهذه الأخطبوطية في تداول الموضوعات |
أفهمك تمامآ ولم يقدر للبوست الأصلى الإستمرار بفعل فاعل . لقد مورست عليه سياسة التدمير ولا أعتقد عواطف تركنه تهربآ بل لأن أسلوب الحوار هو الذى إنحرف بتفخيخ مخطط وهذا سبب هذه الأخطوبوطية وكل يحاول رفع صوته ليسمعه وسط هذا الضجيج .
هنا رسالتنا لهن ليتوقفن .. الإستمرار مزيد من التهاتر .. هنا نطلب صوت هادئ من الصامتين فعلآ .. وطلب للهدنة لإحترامنا لكل الأطراف .. لفتك نظر عواطف لم أستنكره | Quote: عموماً لم أقصد أبدأ بمداخلتي السابقة ما يسيء إليك. |
متأكد من ذلك
مودتى
| |
|
|
|
|
|
|
|
|
|
Re: "بعض" النساء .. ونشـوة الأعماق (Re: محمد البشرى الخضر)
|
Quote: ما عارف يا عمك لكن عندي إحساس إنك سايق باصك دا على السوق الشعبي امدرمان
وكاتب عليه سعد قشرة
و الركاب فيهم الماشي الصحافة و فيهم المارقها في مدني عديل
ولا أظني أنا البقت ما بتقع لي بالساهل |
لا ما تخاف البص ماشى كويس يا ود البشرى .. الأرض مدورة وكلو بصل ومتصل بى بعضو ... خليك راكب معانا درب السلامة للحول قريب . زمان كان فى قطر إسمو الدوران ..
Quote: يا بكري
المسنجر
المسنجاااااااااااااار |
كلنا مغروضين الواحد كان ما محتاج لى بوست .
حط سفريات تانى:
برنامجك مسحتو .. سيطر على القوقل زاتو ياخى
مودتى
| |
|
|
|
|
|
|
|
|
|
Re: "بعض" النساء .. ونشـوة الأعماق (Re: badr alkalika)
|
يا بدر الخليفة ياحبيب | Quote: وبعدين قبل ما تاخذني تلك النشوة ايضا اقرا البوست بتاي وانا بفتش لامراة نخلة سودانية حبوبة |
النخلات كتار القراية كيف
جايك .. دخلت هنا وغرقت .. عندك بر الأمان ..
| Quote: واقول ان النساء في هذا الزمان وفي وطننا العربي بالذات هن الاوّل فاذا كتبنا الغت اشدنا واذا كتبنا العادي صفقنا واذا لم يكتبنا بحثنا عنهن الا اشراقة مصطفى |
إشراقة الله يديها العافية عالمة بقلب فنان ترى وسط الغيوم شروق الصباح | Quote: وبعدين اراك تبحر في عالم النساء اخشة ( واخشى هذه عاتبني عليها دينق ) اخشى عليك من الابحار في عالمهن |
سيبك من لغويات دينق وفتش ليهو على عروس معاك .. شايفو ماشى على تعنيسة . نحن أبحرنا وغتسنا لامن نفسنا إنقطع .. الخلا عليكم إنتو اللسة فى رحلة الأعماق ..
جاييك
| |
|
|
|
|
|
|
|
|
|
Re: "بعض" النساء .. ونشـوة الأعماق (Re: هاشم أحمد خلف الله)
|
جايك يا بدر
بس أشوف دندنة هشام دى Quote: | Quote: النساء .. ونشـوة الأعماق |
عنوان يحمل اكثر من معني !!! ويا ليت قومي يعلمون !
رأفت احبك حتي النخاع . خير الكلام ما قل ودل .
سيبني في نيراني
في هواك يا جميل
العذاب سراني |
شايفك يا هشام حزفت "بعض" بمزاااج .. باين جايبا لينا غنوة جديدة
يلا زيدنى فى نيرانى
يا جميل
محبتى
| |
|
|
|
|
|
|
|
|
|
Re: "بعض" النساء .. ونشـوة الأعماق (Re: محمد مكى محمد)
|
ود المكى لسة ما لامى فيك Quote: يازول أركز وخلينا نركز معاك
خليت الرقيطا وودالعمده وقبلت على النسوان? |
الريقطا راح لحالو ما لقيت لى زول ناقش . رغم محاكتو كانوا بجيبوها فى الراديو والتلفزيزن .. تلقا مسجل معانا هنا
مالك داير تجيب لينا الهوا .. ود العمدة صاحبى والخليفة ما جدو .. وهسة الجاب سيرة النسوان شنو ؟!
ما تلخبط لينا ياخى
برضو مستنيك
| |
|
|
|
|
|
|
|
|
|
Re: "بعض" النساء .. ونشـوة الأعماق (Re: badr alkalika)
|
Quote: واقول ان النساء في هذا الزمان وفي وطننا العربي بالذات هن الاوّل فاذا كتبنا الغث اشدنا ( اشادة ) واذا كتبنا العادي صفقنا واذا لم يكتبنا بحثنا عنهن الا اشراقة مصطفى
وبعدين اراك تبحر في عالم النساء اخشة ( واخشى هذه عاتبني عليها دينق ) اخشى عليك من الابحار في عالمهن
بدر |
نرجو الشرح أكثر..لأنني حقيقي لم افهم تماما..أو فهمت بشكل سلبي وأنكرت أن يكون مافهمته هو المقصود..
مع التحيات..
| |
|
|
|
|
|
|
|
|
|
Re: "بعض" النساء .. ونشـوة الأعماق (Re: Muna Khugali)
|
Quote: Quote: واقول ان النساء في هذا الزمان وفي وطننا العربي بالذات هن الاوّل فاذا كتبنا الغث اشدنا ( اشادة ) واذا كتبنا العادي صفقنا واذا لم يكتبنا بحثنا عنهن الا اشراقة مصطفى
وبعدين اراك تبحر في عالم النساء اخشة ( واخشى هذه عاتبني عليها دينق ) اخشى عليك من الابحار في عالمهن
بدر |
نرجو الشرح أكثر..لأنني حقيقي لم افهم تماما..أو فهمت بشكل سلبي وأنكرت أن يكون مافهمته هو المقصود..
مع التحيات.. |
تغاضيت يا منى لأنى أعرف بدر الخليفة لا يعنى التعميم ودخل فى قلب الواقعة بتحيز تام . أشدت معه بإشراقة وأنا لا أضيع حقها رغم إختلافى فى الطرح معها فى الموضوع المعنى .
هذا ليس دفاع ولكن وجهة نظر متفائلة
| |
|
|
|
|
|
|
|
|
|
Re: "بعض" النساء .. ونشـوة الأعماق (Re: محمد البشرى الخضر)
|
Quote: تغاضيت يا منى لأنى أعرف بدر الخليفة لا يعنى التعميم ودخل فى قلب الواقعة بتحيز تام . أشدت معه بإشراقة وأنا لا أضيع حقها رغم إختلافى فى الطرح معها فى الموضوع المعنى .
|
مساء الخير يا رأفت!!
من العنوان الرنان بتاع البوست نشوة أعماق ونساء لم اتخيل ان له علاقة {بالنيران المشعللة}
جيت داخلة قلت نقرأ لى شوية شعر لقيت ليك {طوبنا} داك كله بهنا بس ملون بنشوة الأعماق...
اها نجىء للموضوع: اكون شاكرة وسعيدة لو عرفت اختلافك معى فى طرحى للموضوع المعنى وياريت تجىء تزورنى بهناك عشان نقوم بالواجب الانسانى...
تحياتى واحترامى يارأفت
| |
|
|
|
|
|
|
|
|
|
Re: "بعض" النساء .. ونشـوة الأعماق (Re: Ishraga Mustafa)
|
يومك سعيد يا إشراقة | Quote: اها نجىء للموضوع: اكون شاكرة وسعيدة لو عرفت اختلافك معى فى طرحى للموضوع المعنى وياريت تجىء تزورنى بهناك عشان نقوم بالواجب الانسانى... |
الإختلاف ما فى الطرح يا إشراقة .. المشكلة فى "الطوب"
إختلافك فى الرأى مع عواطف كان مؤسس . تم إستغلاله "لرجم" عواطف .. وما أنتبهتى !!
نشوة الأعماق كانت هنا .. وتحول البوست الى "سلخانة" للفكر بالفكر . وأصبح الجدال نسائى نسائى بغمز وتهاتر غلب عليه الجندر . فى النشوة" إختلط الحابل بالنابل ..
عواطف عرضت قضية قوية .. أنا من الناس الذين تبنو الخلاف ولكن لم أفكر إطلاقآ بأنها طرحها "خارج" لتًعامل بهذا الهجوم المقصود ..
وهذا الهجوم لم تقصديه أنت ولا تراجى بإختلاف أوجه النظر فيه .. قاده آخرون لكن روعة النشوى حعلتكما داخل التيار وغيركم أيضآ .. وغلب التعاطف النسوى على لغة الحوار ..
(ده كلو ما كنت ناوى أقول منو كلمة) أرجو أن لا يضايقك رأيى فهو من إحترامى
مودتى
| |
|
|
|
|
|
|
|
|
|
Re: "بعض" النساء .. ونشـوة الأعماق (Re: رأفت ميلاد)
|
| Quote: أرجو أن لا يضايقك رأيى فهو من إحترامى |
العزيز رأفت
الله لاجاب الضيق يا اخوى، الكلام الدغرى عمرو مابضايقنى، البضايقنى هو الكلام المغتغت وفاضى وخمج
اعرف وواعية لملاحظاتك اللى قلتها دى ولهذا مابعتقد انو التيار كان جارفنى بل بالعكس كنت اعرف انه نحنا شعوب {وقبائل} مختلفة للاسف خلقونا لنتعارف فتنافرنا، والتعارف ده بيجىء عن طريق الحوار وطولة النفس، اها بالى طويييييييييييييييييييييييل سلبة بس، ولو كنت محظوظة وقريت ارائى فى مسائل الجندر دى كنت تيقنت ان فهمى للجندر ليس تعصبا ولكنه اداة مهمة من ادوات التحليل التى استخدمها... الموضوع مهم ومااراه مهما اقول فيه راى بوضوح ودون تجريح ومابكون مسئولة عن اراء الآخرين لانو اراءهم دى برضو بتمثلهم وهم واعيين ليها، صادف اننا اتفقنا فى رؤيتنا {النقدية} لشكل المعالجة....
أها عشان ما ابوظ نشوة الاعماق دى اخير اوقف لحدى هنا قبال ما انقل باقى طوبى واجىء.... فتك بعافية يا رأفت
وبينا يبقى الود والاحترام ورحابة الصدر
| |
|
|
|
|
|
|
|
|
|
Re: "بعض" النساء .. ونشـوة الأعماق (Re: Muna Khugali)
|
تحياتي منى خوجلي
بالطبع انا لا اقصد التعميم وحينما ذكرت اشراقة قصدت ان كلامي سالف الذكر لا للتعميم
يا موني لك العتبى
واقصد مثلا في الخليج هناك اتهامات ( ربما ) انم الكاتبات هنالك من يكتب لهن
وفي الوطن العربي ككل اصبح المجتمع اناثي فالبنت الانثى هي في الطليعة وصاحبة النصيب حظا سواء في الوظيفة او الاشادة ومن يكتبن في الوطن العربي باقلام رصينة قليلات جدا ولكن نجد الاشادة تترى عليهن جميعا والامثلة واجدة وشوفي اي بوست هنا فيهو فقط اسم نسرين سوركتي او نانسي عجرم او اووووووووووووووووووك الاف القراء وحينما نكتب عن وادي افو وقرى شكيري وقوز البيض وابقر لا تعليق اها رايك شنو
وتحياتي موني
| |
|
|
|
|
|
|
|
|
|
Re: "بعض" النساء .. ونشـوة الأعماق (Re: badr alkalika)
|
| Quote: واقول ان النساء في هذا الزمان وفي وطننا العربي بالذات هن الاوّل فاذا كتبنا الغث اشدنا ( اشادة ) واذا كتبنا العادي صفقنا واذا لم يكتبنا بحثنا عنهن الا اشراقة مصطفى |
الاخ الكريم بدر الخليفة
تشكر ياسيدى على حسن الظن ولكن هناك الآلاف النساء الغير مرئيات يفمن باعمال عظيمة ويضفن اضافات ثرة يتركهن بصمة رائعة على حياتنا ثم يمضن دون ان نذكرهن,,, وفى بوردينا ده كل امرأة هى مفيدة ومجيدة فى مجالها واراك متفقا معى بدليل انك لم تعمم...
معزتى واحترامى
| |
|
|
|
|
|
|
|
|
|
Re: "بعض" النساء .. ونشـوة الأعماق (Re: Ishraga Mustafa)
|
اليك يا صاحبة الفوانيس اسمى تحياتي
وادجلف الى الرائعة منى خوجلي لارفع القبعة طوعا واختيارا
والبركة فيمن يتدفق اقلامهن عطاء وهنا اقول ان بعض الرجال كمان يجدون فرصا ويصبحون نجوما وهم فكرهم ضعيف وعقلهم خواء واقلامهم جافة ولكن بريقهم لامع .......
| |
|
|
|
|
|
|
|
|
|
Re: "بعض" النساء .. ونشـوة الأعماق (Re: رأفت ميلاد)
|
أستاذ رأفت
تحياتي وودي وإحترامي
أولا شكرا ليك كتير وأنت تتطرق لموضوع أكثر من مهم وبالفعل نحن في حوجة لمناقشة فكرة الغوص إلي الأعماق أو الإكتفاء بالسباحة علي السطح...
سؤالي هو:
ماذا نحن فاعلات إذا سحبتنا الأعماق قسرا ؟ هل نطلق العنان لنشوة المجد أم نختار أن نطفو علي السطح لنترك المجال لمن هم أقدر منا علي سبر أغوار الأعماق؟؟؟؟
مودتي
| |
|
|
|
|
|
|
|
|
|
Re: "بعض" النساء .. ونشـوة الأعماق (Re: نها محسن أبورأس)
|
يومك جميل يا نها
Quote: وبالفعل نحن في حوجة لمناقشة فكرة الغوص إلي الأعماق أو الإكتفاء بالسباحة علي السطح...
سؤالي هو:
ماذا نحن فاعلات إذا سحبتنا الأعماق قسرا ؟ هل نطلق العنان لنشوة المجد أم نختار أن نطفو علي السطح لنترك المجال لمن هم أقدر منا علي سبر أغوار الأعماق؟؟؟؟ |
لا يانها لا يوجد من هو أقدر ومن هو نافص قدرة . المشكلة فى سحر الأعماق .. هى تجزبك الى الأعمق .. وتصابى بزهول الروعة وتنسى نفسك ويخلص "الأكسجين" .
هو الفرق بين المعقول واللا معقول ..
المجد ليس له قاع .. ونبع لا ينضب .. العودة الى السطح ليس إستسلام أو فشل بل هدنة وملئ الرئتين بهواء نقى للجولة القادمة ..
هى لمسة حب ونقد شاعرى كما قال المعز
طلتك بهية
| |
|
|
|
|
|
|
|
|
|
Re: "بعض" النساء .. ونشـوة الأعماق (Re: رأفت ميلاد)
|
أستاذ رأفت
تحياتي وتقديري
أتفق معك تماما في فكرة أن المجد ليس له قاع .. ونبع لا ينضب .. العودة الى السطح ليس إستسلام أو فشل بل هدنة وملئ الرئتين بهواء نقى للجولة القادمة ..
ولكن لي وجهة نظر أخري قد لا تروق للكثيرات ولكنها وجهة نظري والتي لا أفرضها علي أحد وهي أن قمة المجد الذي يمكن أن تصل إليه المرأة يكمن في نجاحها في إدارة مملكتها الصغيرة ومتابعة شؤون رعاياها المكونين من الزوج والأبناء ...فلا نجاح لأي إمرأة أخفقت في هذا الدور المهم...قد نصل لأعلي المراتب العلمية وقد نصل لمجد السلطة والعمل ولكنه مجد زائف ...
ولكن ما أحلاه من مجد ذلك الذي يجمع بين الأثنين المنزل والعمل ولكنها معادلة صعبة عدييييييييييل وعايزة ليها شمشمون مش ....
مودتي....
| |
|
|
|
|
|
|
|
|
|
Re: "بعض" النساء .. ونشـوة الأعماق (Re: نها محسن أبورأس)
|
ياسلام يا نها مداخلة موضوع بوست كامل
Quote: أتفق معك تماما في فكرة أن المجد ليس له قاع .. ونبع لا ينضب .. العودة الى السطح ليس إستسلام أو فشل بل هدنة وملئ الرئتين بهواء نقى للجولة القادمة ..
ولكن لي وجهة نظر أخري قد لا تروق للكثيرات ولكنها وجهة نظري والتي لا أفرضها علي أحد وهي أن قمة المجد الذي يمكن أن تصل إليه المرأة يكمن في نجاحها في إدارة مملكتها الصغيرة ومتابعة شؤون رعاياها المكونين من الزوج والأبناء ...فلا نجاح لأي إمرأة أخفقت في هذا الدور المهم |
قديمآ قيل ( الأم مدرسة اذا أعدتها .. أعدت شعبا طيب الأعراق ) وقيل أيضآ (وراء كل عظيم إمرأة) . هذا ليس إتفاق كامل معك ولكنه إتفاق كامل مع طاقات المرأة . مملكتها الصغيرة هذه هى نواة الحياة فلماذا تظل هى فى الظل لإعداد المجد بطبق من ذهب لغيرها تظل هى ظله .
هذا ليس تحريض ولكن مشاركتها فى المجد لا يلغى مهمتها الأساسية التى تكتسبها بالأمومة وليس من الجامعات والمعاهد التى لا ننكر تطويرها.
| Quote: ما أحلاه من مجد ذلك الذي يجمع بين الأثنين المنزل والعمل ولكنها معادلة صعبة عدييييييييييل وعايزة ليها شمشمون مش .... |
المرأة تستطيع أن تجمع الإثنين إذا توفرت لها الفرص . الدول الأوربية شملت رعايتها المرأة وهيأت لها فرصة الجمع . بل توجهت فرنسا لجعل الرجل حاضنآ إذا كان دخل زوجته أكبر فى عطلة الحضانة عند الوضوع .
شاهدت برنامج تلفزيونى يقارن بين إمكانية المرأة فى إدارة العمل على نسق (الكاميرا الخفية) أثبتت فيها المرأة تفوقها على الرجل فى أداء مهمتين فى وقت واحد بجدارة .
نسائنا ناقصات ثقة فى أنفسهن .. ولاأوافق على كلمة "الجندرة" تسلط المجتمع الذكورى .. فذكورنا يمجدون أمهاتهم وأخواتهم وزوجاتهم لدرجةالتقديس . ولكنه نمط المجتمع . وتقهم الفتاة من أمها فبل أبيها وأى تطلع منها "يا بت إنقهرى"
ياليت نقاش أوسع يا نها
مودتى
| |
|
|
|
|
|
|
|
|
|
Re: "بعض" النساء .. ونشـوة الأعماق (Re: رأفت ميلاد)
|
أستاذ رأفت
أعجبني كثيرا تفهمك لوجهة نظري وكأنك تقرأ ما يدور في خلدي...
ولكن كيف يمكن أن تتوفر لنا الفرص والإمكانيات حتي نستطيع تحقيق تلك المعادلة..فظروفنا الإجتماعية والسياسية والتقاليد الموروثة مازالت هي لا أريد أن أقول حجر عثرة لان معظمها صحيح ومفيد ولكن يمكنني تسميتها بأنها المتحكم الأساسي في حياتنا..
إذن وحتي تتوفر كل تلك الإمكانيات وحتي يتفهم الرجل محاولات المرأة بلوغ المجد أري أن تهتم كل إمرأة بمملكتها وأن تضعها في المقام الأول ونصب عينيها وأن نؤمن بأن الرجال قوامون عن النساء شئنا أم أبينا...
ياريت ياأستاذ رأفت تفتح بوست عن الموضوع ده عشان نقدر نشوف وجهات نظر أخري ونناقشها ويمكن نصل لحل....
مودتي وتقديري الكبيرين لشخصك الكريم
| |
|
|
|
|
|
|
|
|
|
Re: "بعض" النساء .. ونشـوة الأعماق (Re: نها محسن أبورأس)
|
صباح الخير يا نها
| Quote: ولكن كيف يمكن أن تتوفر لنا الفرص والإمكانيات حتي نستطيع تحقيق تلك المعادلة..فظروفنا الإجتماعية والسياسية والتقاليد الموروثة مازالت هي |
بل هى فى تطور متطرد .. أعنى التعنت والتسلط .. فرصة النساء أصبحت أوسع ومساحة حريتهم صارت أكبر ..
كثير من العادات التى تعمد لقهر المرأة تم إستئصالها أو المجاهرة بمحاربتها وإستعادت إنسانيتها بنسبة عالية .. هذا بالنسبة للتقاليد الموروثة .
أما ظروفنا الإجتماعية مساحة المرأة تتفاوت بنسبة الجهل والتعليم ما بين عائلة لأخرى ومابين المدينة والقرية .. توسعت أحيانآ الى الأحسن وأحيانآ الى الأسوأ ..
عن السياسية هى رأس الداء ومحاربة النساء و "محاحاتهن" لإرجاعهن الى سوق الحريم ومخادع الرجال متنى وثلاث ورباع .. تم محاربتهن فى أرزاقهن مثل بائعات الشاى وتقفيل سوق الحريم وتقليل فرص العمل ..
هؤلاء لعنة ليس على الحريم فقط بل فى وجه البشرية جمعاء ويجب إستئصالهم . | Quote: أريد أن أقول حجر عثرة لان معظمها صحيح ومفيد ولكن يمكنني تسميتها بأنها المتحكم الأساسي في حياتنا.. |
الصحيح والمفيد لا يمكن أن يكون حجر عثرة فى طريقنا .. وأعتقد تقيد المرأة بالأخلاق والحشمة والإلتزام و بالتقاليد الزوجية والأسرية لا يحجم طموحها وتطلعاتها للمجد .. | Quote: إذن وحتي تتوفر كل تلك الإمكانيات وحتي يتفهم الرجل محاولات المرأة بلوغ المجد أري أن تهتم كل إمرأة بمملكتها وأن تضعها في المقام الأول ونصب عينيها وأن نؤمن بأن الرجال قوامون عن النساء شئنا أم أبينا... |
الإلتزام بالمملكة الصغيرة كما أسلفت هو سر الحاة ومفتاح المجد للمجتمع .
أما موصوع الرجال قوامون على النساء فهو شيئ نسبى . الرجال مكملون للنساء ويمكن عكسها .. ولكن هم النصف الأعلى من الكوب . هذه تتحكم فيها الطبيعة الأنثوية والطبيعة الذكورية وهى شيئ غير قابل للأرقام والترقيم . فنقص الأنوثة عند المرأة مثل نقص الرجولة لدى الرجل وكلاهما مذمة .
المرأة تسعى للرجل للتقدم لها وتعرف كيف تفتح الأبواب له أو توصدها فى وجهه ولكن الرجل يتقدم لها صراحة متأكدآ من وضعه أو يحجم عنها أيضآ متأكدآ من وضعه .. ولكن له سبق التقدم لطلبها ولا تحصل هى على هذا السبف .. وهذا هو صدر الوعاء الممتلئ . هذا بالطبع فى حالة الزواج ولكن يمكن قياسه فى كل تفاهم ومناحى الحياة المشتركة وتخطيطها .
المرأة لها رجلان لهما قوام عليها .. والدها ثم زوجها .. لإكتمال بناء الأسرة
ولكن ليس أخوها أو جارها .. فهى قد تكون وصية .. أو رئيسة فى العمل .. أو للجمهورية .. لايمثل ذلك شيئ على وضع الحياة الأسرية . إنها معادلة الحياة .. | Quote: ياريت ياأستاذ رأفت تفتح بوست عن الموضوع ده عشان نقدر نشوف وجهات نظر أخري ونناقشها ويمكن نصل لحل.... |
دى مسئوليتك إنتى بنقيف معاك وكان سخنت بنزوغ
فى إنتظارك
مودتى
| |
|
|
|
|
|
|
|
|
|
Re: "بعض" النساء .. ونشـوة الأعماق (Re: رأفت ميلاد)
|
واللة نفس الفهم جانى ان عنوان البوست لرافت قلت اخد فرصة من غسيل العدة وجاء يتكلم
عن قصيدة او قصة قصيرة ..............لكن اول ما لقيت انو فى طين وطوب و(طراب) قلت هوى
مالك ومال المشاكل وانا زى اخوى دينق دةبفتش لى على طوبة سورى معطوبة سورى (نشوة اعماق)
لك التحية ومررنا للسلام ........................................................
لكن رايك شنو (المراة كان بقت فاس ما بتشق الراس)
تعديل (المراة كان ما بقت فاس بتشق القلب)
قراءتك للتعديل شنو ودى واحترامى
| |
|
|
|
|
|
|
|
|
|
Re: "بعض" النساء .. ونشـوة الأعماق (Re: عمر سعد)
|
Quote:
لكن رايك شنو (المراة كان بقت فاس ما بتشق الراس)
تعديل (المراة كان ما بقت فاس بتشق القلب)
قراءتك للتعديل شنو ودى واحترامى |
المرة كان بقت فأس بتشق انهار..
وياضلعنا المنقوص استقيم قافية ونشيد...
تحياتى ياعمر
| |
|
|
|
|
|
|
|
|
|
Re: "بعض" النساء .. ونشـوة الأعماق (Re: عمر سعد)
|
| Quote: واللة نفس الفهم جانى ان عنوان البوست لرافت قلت اخد فرصة من غسيل العدة وجاء يتكلم |
إنت داخل بوست بالغلط ولا شنو .. غسيل عدة شنو ؟ أقرأ إسم الكاتب .. رأفت ميلاد مش أو ساااااااندرا .
Quote: لكن اول ما لقيت انو فى طين وطوب و(طراب) قلت هوى
مالك ومال المشاكل وانا زى اخوى دينق دةبفتش لى على طوبة سورى معطوبة سورى (نشوة اعماق) |
يعنى لا بتطقعوا ولا بتجيب الحوار Quote: لكن رايك شنو (المراة كان بقت فاس ما بتشق الراس)
تعديل (المراة كان ما بقت فاس بتشق القلب) |
أها حل روحك جبتو لى نفسك عاين الدكتورة تحت
تخريمة: الولد ده قلت ليهو شنو حارس التلفون قال لازم يفهم
| |
|
|
|
|
|
|
|
|
|
Re: "بعض" النساء .. ونشـوة الأعماق (Re: رأفت ميلاد)
|
يا رافت ناس الجندر جونى وانا فقط داير اسلم عليك
| Quote: وياضلعنا المنقوص استقيم قافية ونشيد |
تانى لا بجيك لا بسلم عليك وانا قلت ليك بفتش الايام دى وما داير مصادامات معاهم
لكن الجندر خطيرين
العوين زمان يا رافت كانو .............كدى تم لى القصة
| |
|
|
|
|
|
|
|
|
|
Re: "بعض" النساء .. ونشـوة الأعماق (Re: رأفت ميلاد)
|
جيتك يا الكلس
احكي ليك قصة عمك المعاشاتي الجميل عندما كان مارا في العصرية الى بقالة مجاورة لمنزله وفي الطريق وجد طالب بيطلع في كتاب استعدادا لامتحان الشهادة السودانية وراح واقف جنب الطالب محكر يديه بوراء وساله يا ولدى بتقرأ في شنو ؟ الود قال ليهو انا يا جدو ممتحن ( بفتح التاء والحاء) الشهادة السودانية . عمك لولح راسه وقال للولد خير يا ابني لكن في تقديري يا جميل لو امتحنت احد امرين :
اما دخلت الجامعة او جبت ليك شهادة ساااااااااااى
اكان دخلت الجامعة حقك راح واكان جبت شهادة احد امرين
اما اشتغلت في الخدمة المدنية او الجيش
كان عملت في الخدمة المدنية حقك راح وكان عملت في الجيش احد امرين
اما شغلوك في سلاح المدرعات او الطيران
اكان شغلوك في المدرعات حقك راح لكن اكان شغلوك يا جميل في الطيران احد امرين
اما متّ في الهواء او متّ الارض
اكان مت في الارض حقك راح اما لو مت في الهواء احد امرين
اما تحولت نيتروجين او تحولت ثاني اكسيد الكربون
لو تحولت نتروجين حقك راح اما لو تحولت ثاني اكسيد الكربون احد امرين
اما صنعوك كرتون او صنعوك تشوز (مناديل ورق)
اكان صنعوك كرتون حقك راح اما لو صنعوك تشوز احد امرين
اما استعملوك النسوان او استعملوك اتلرجال
لو استعملوك الرجال حقك راح
اما لو استعملنك النسوان احد امرين
...............................................
بالامانات ( عندك ايميل؟)
| |
|
|
|
|
|
|
|
|
|
Re: "بعض" النساء .. ونشـوة الأعماق (Re: عمر سعد)
|
| Quote: تانى لا بجيك لا بسلم عليك وانا قلت ليك بفتش الايام دى وما داير مصادامات معاهم |
عليك آمان الله ياعمر سعد مافى زول يسألك بس انت ساعدنا فى الحفر وتفكيك الصواميل...لمن تفك الانهار بتصحى وبتكون حقوق السواحل محفوظة...
| Quote: العوين زمان يا رافت كانو .............كدى تم لى القصة |
غايتو رأفت ما اظنو يتمها عشان نشوة الاعماق..
ازيكم يا اهلنا...
| |
|
|
|
|
|
|
|
|
|
Re: "بعض" النساء .. ونشـوة الأعماق (Re: Ishraga Mustafa)
|
قال د اشراقة
| Quote: عليك آمان الله ياعمر سعد مافى زول يسألك بس انت ساعدنا فى الحفر وتفكيك الصواميل...لمن تفك الانهار بتصحى وبتكون حقوق السواحل محفوظة... |
دة كلام كبير على فهمو يا دكتورة يا راقية انتى ...يا زعيمة(الجندر) ممكن تبسطى لى اللغة عشان اقدر اتداخل معاك
او انو امشى اتعلم كويس وتعليم الكبر صعب ......................
اللة يحلنى يا رافت ياخى اللة يجيب لى يوم 21/12 ويحلنى منهم
حين تصدم الريح بالخشب المتاكل تستعيد الشبابيك صوت النساء الثواكل وتنام المصابيح قبل اليتامى
ابقى عافية دكتورتنا الرايعة
عليك النبى كان ما تميتى لى قصة (العوين زمان ........)وخلى رافت دة
| |
|
|
|
|
|
|
|
|
|
Re: "بعض" النساء .. ونشـوة الأعماق (Re: عمر سعد)
|
Quote: دة كلام كبير على فهمو يا دكتورة يا راقية انتى ...يا زعيمة(الجندر) ممكن تبسطى لى اللغة عشان اقدر اتداخل معاك
|
كدى فى التبادى زعيمة الجندر ده هى صاحبتنا الجندرية الله يردها لينا بفهمها وعلمها وحلاوة قلمها...وبعدين ياخوى ماتتواضع حسع دحين الكتب كلام المصابيح البتنوم قبل اليتامى بيكون عاوز ليهو شرح لكن بالله المصابيح دى خليها تكون صاحيه طوالى وعشان ابسطها ليك ودى فالحة فيها نسميها الفوانيس، دى لازم تكون دايما مشتعلة لحدى اليتامى دبل مايشربوا لبن ويزاكروا لشمس بكرة
| Quote: و انو امشى اتعلم كويس وتعليم الكبر صعب ...................... |
القال منو تعليم الكبر ده صعب اسأل مجرب!!
| Quote: اللة يحلنى يا رافت ياخى اللة يجيب لى يوم 21/12 ويحلنى منهم |
البوست ده ياعمر ماماشى الارشيف قاعد عشان الغطس ده، طيب لو مشى صاحبنا رأفت مابيغرق فى نشوة الاعماق دى!!
Quote: حين تصدم الريح بالخشب المتاكل تستعيد الشبابيك صوت النساء الثواكل وتنام المصابيح قبل اليتامى
|
اها دى اشرحها لى..
| Quote: عليك النبى كان ما تميتى لى قصة (العوين زمان ........)وخلى رافت دة |
دى غايتو خلى رأفت يشوف ليك حل، اخير ليك منى انا لانو دى الكتاحة لو جات بتشعلل ونشوة الاعماق دى بتفرتق..
فتك بعافية يا اخوى عمر
| |
|
|
|
|
|
|
|
|
|
Re: "بعض" النساء .. ونشـوة الأعماق (Re: Ishraga Mustafa)
|
Quote: دى غايتو خلى رأفت يشوف ليك حل، اخير ليك منى انا لانو دى الكتاحة لو جات بتشعلل ونشوة الاعماق دى بتفرتق..
فتك بعافية يا اخوى عمر |
العوين عندنا يا دكتورتنا كانو لو مرو بجمع او (قطيع) من الرجال يخلعن نعليهم بالوادى المقدس
ولا يلبسنها الا ان تجاوزن المكان .
وكن لا ياكلن الا بعد ان ياكل الرجال .....وكن يحفظن ما طاب ولذ للرجال
وكان العوين لا ينادون ازواجهم او اى اسم يتطابق مع ازواجهم صراحة الا رمزا
وفوق ذلك كن سعيدات ايما سعادة وكان سى السيد مرتاح ولا طلا قات ولا شكل ولا زعل
وكن مبسوطات غاية السعادة
فهل انتن مبسوطات غاية السعادة
ام ان انشغالكم بالحرب ابدى
| |
|
|
|
|
|
|
|
|
|
Re: "بعض" النساء .. ونشـوة الأعماق (Re: محمد مكى محمد)
|
Quote: الحق يارأفت
ودشيقوق شكلو كان تعلمجى فى الجيش
دى نفسها قصه جلال والبوت
بيحكها التعلمجيه لمن يكونا (شادين) واحد إداره داخليه... |
زى ما بقول ود البشرى يا حليل المسنجر .. دى كان رسلتها لأبو بكر سيد أحمد
ود شيقوق الكلس
| |
|
|
|
|
|
|
|
|
|
Re: "بعض" النساء .. ونشـوة الأعماق (Re: رأفت ميلاد)
|
رافت
ود المكي الوجيه
حالكما
Quote: بس أمانة عليك ترسل لى نمرة تلفونك
قبال تغتس حجرنا |
تميت ليك السالفة في ايميلك بس حقوق المؤلف ابقى عليها عشرة
ود المكي شنو التعلمجي البيعرف الكلام ده هو اكان بيعرف كلام زى ده اكان اترقى لنقيب طوالي
تلفوني في البروفائل يا الكلس
| |
|
|
|
|
|
|
|
|
|
Re: "بعض" النساء .. ونشـوة الأعماق (Re: رأفت ميلاد)
|
الجميل رأفت ميلاد ,,,
مساء الخير ,,,,
____________________________________________________________
حته الانعاش DVD دي لابد منها ,,,
( ويادهر أهوالك تشارق منها كم وكم شابت مفارق )
عودة لبوستك :
في حلقة من ( أسرار البحار ) عنوانه ( جنة في الاعماق )
بتتكلم عن الشعب المرجانية والحياة فيها وجمالياته وألوانه ,,,
وبرضوا في حلقة عنوانه ( رأس العواصف )
بتتكلم عن مضيف ماجلان أقصي جنوب القارة الامريكية الجنوبية
ومابين جمال الشعب المرجانية
وعواصف ( المضيق )
بستمر الابحار ,,,
أمنياتي لك دوماً بإبحار أمّن
لك ودي ,,,
| |
|
|
|
|
|
|
|
|
|
Re: "بعض" النساء .. ونشـوة الأعماق (Re: عبد الناصر الخطيب)
|
Quote: عودة لبوستك :
في حلقة من ( أسرار البحار ) عنوانه ( جنة في الاعماق )
بتتكلم عن الشعب المرجانية والحياة فيها وجمالياته وألوانه ,,,
وبرضوا في حلقة عنوانه ( رأس العواصف )
بتتكلم عن مضيف ماجلان أقصي جنوب القارة الامريكية الجنوبية
ومابين جمال الشعب المرجانية
وعواصف ( المضيق ) |
فتشتها يا عبد الناصر فى النت وفى اليو تيوب . لكن يبدو بكتب الآسامى بالحروف اللاتينية غلط . خاصة أعتقد الأسامى فرنسية بحروفم الكتيرة ديك الما بنطقوها .
يا ريت كان الواحد لقاها وسجلا .. حاجة قيمة
مودتى
وأتمنى برضو إبحار هادئ
| |
|
|
|
|
|
|
|
|
|
Re: "بعض" النساء .. ونشـوة الأعماق (Re: رأفت ميلاد)
|
الأستاذ رأفت ميلاد
ود حلتنا (بعد قطع الزلط) ازيك
طبعا المعلومة دي عرفتها من كتباباتك في بوست سلمى
ا| Quote: لمعطيات للهجوم دائمآ : هى النضال .. الثقافة .. أو نون النسوة |
معليش ل=اعذرني المخ ما تقيل ما فهمت المقصود شنو بالتحديد لكن كان فهمي طلع في محلو تعليقي:
عفوا انا اعتقد المعطيات لاي شيء بما فيها الهجوم او الدفاع يجب ان تكون نون النسوة في كل محاوره اي لا تفرد لها خانة محددة لانك بذلك ابعدتها ضمنيا من الخانات الاخرى التي قد تتقنها جيدا؟ دقيقة دقية بعد قريت الكلام تاني لقيت كلامي دة ما في محلو (أو) هل تعني بها ان النضال والثقافة يمكن ان تحل محلهما نون النسوة ان كان كذلك برضو اقول لا تحل نون النسوة فقط ولكن يملاها الانسان بشقيه نون النسوة هو الرجال بصفيهم بشنو واو الجماعة ولا شنو ما بعرف قواعد كويس لكن اقصد الرجل.
التعليق دي على حسب فهمي المتواضع واحتمال كبير اكون خارج النص
شكرا
صفية
| |
|
|
|
|
|
|
|
|
|
Re: "بعض" النساء .. ونشـوة الأعماق (Re: Safia Mohamed)
|
| Quote: لا يستطيع تصحيحها إلا "محمد المرتضى حامد" أو "ياسر الشريف" |
هلا هلا يا ود شيقوق اولاد البندر بقوا فطوك سااااااااااااى
هسع يا رافت لو عدلت اسم البوست ده باستبدال عبارة نشوة الاشواق بعبارة ( وشحتفة الروح ) اكان رجعت شاورتنا نحن اولاد البطانة .
بس انتو اولاد البندر ما بتحبوا الاحتباس الهوائي غرامكم الانسيابية والانتشاء .
هيييييييييييع
جاييييييييييك راجع
| |
|
|
|
|
|
|
|
|
|
Re: "بعض" النساء .. ونشـوة الأعماق (Re: الطيب شيقوق)
|
| Quote: هسع يا رافت لو عدلت اسم البوست ده باستبدال عبارة نشوة الاشواق بعبارة ( وشحتفة الروح ) |
انت ناقصة شحتفة يا شيقوق Quote: اكان رجعت شاورتنا نحن اولاد البطانة .
بس انتو اولاد البندر ما بتحبوا الاحتباس الهوائي غرامكم الانسيابية والانتشاء . |
ما شايف الزعيمة مالك ناكش لينا كلام الجلابة وجايب لينا الهوا
مرحب بيك
| |
|
|
|
|
|
|
|
|
|
Re: "بعض" النساء .. ونشـوة الأعماق (Re: Safia Mohamed)
|
صفية إزيك
كدى أفطعى الزلط وإتلتفى بمين وشمال وقولى بسم الله وتعالى لينا
إنتى جابتك النشوة ولا نون النسوة ولا الإتنين ؟  | Quote: هل تعني بها ان النضال والثقافة يمكن ان تحل محلهما نون النسوة ان كان كذلك برضو اقول لا تحل نون النسوة فقط ولكن يملاها الانسان بشقيه نون النسوة |
يا رايقة .. كنت قايل برانا البنتكلم لغات على قول ماجدة .
الفهمتو منك مافى مصيبة بدون هاتيك "النونات" الفى وجناتو
بوستات الأرشفة صواريخ موجهه .. عملناها لمسات حنية..
كلامك فى العموم "صاح" .. وحنروح منهن وين .. بس فى الخصوص .. لاحظى العنوان.. "بعض" النساء ...
مافى طريقة إلا تقرى البوست تانى
أقربا ليك .. طلعى منى وماجدة ونها وخلى بالك من باقى "النونات" ..
كان وقع ليك و دخلتك خوفه .. أمسكى فينى بقطعك الظلط تانى برااااحة وتصلى بالسلامة
وما تقطعى مننا
مودتى
| |
|
|
|
|
|
|
|
|
|
Re: "بعض" النساء .. ونشـوة الأعماق (Re: رأفت ميلاد)
|
Quote: أقربا ليك .. طلعى منى وماجدة ونها وخلى بالك من باقى "النونات" ..
كان وقع ليك و دخلتك خوفه .. أمسكى فينى بقطعك الظلط تانى برااااحة وتصلى بالسلامة |
أها عاد يارأفت يا اخوى ان ماوريتينى باقى {النونات} ديل مشن ووين مافى حلل ليك
لابحلك قطيع الزلط ولا بحلك الغطس...
يالله قول... لاسبيل للاستعانة بعمر سعد بقية العقد الجميل!!
| |
|
|
|
|
|
|
|
|
|
Re: "بعض" النساء .. ونشـوة الأعماق (Re: Ishraga Mustafa)
|
Quote: Quote: أقربا ليك .. طلعى منى وماجدة ونها وخلى بالك من باقى "النونات" ..
كان وقع ليك و دخلتك خوفه .. أمسكى فينى بقطعك الظلط تانى برااااحة وتصلى بالسلامة |
أها عاد يارأفت يا اخوى ان ماوريتينى باقى {النونات} ديل مشن ووين مافى حلل ليك
لابحلك قطيع الزلط ولا بحلك الغطس...
يالله قول... لاسبيل للاستعانة بعمر سعد بقية العقد الجميل!! |
وختيتى لى تحتا خط 
عمر سعد شنو المحتاج ليهو .. ده أنا محتاج لى بودى قارد ومحامى طلب من لاهاى 
.
| |
|
|
|
|
|
|
|
|
|
Re: "بعض" النساء .. ونشـوة الأعماق (Re: رأفت ميلاد)
|
| Quote: ده أنا محتاج لى بودى قارد ومحامى طلب من لاهاى |
دة والله ذاتو مابحلك!! يالله قول وبرضو ورينى الاشكال بتاع كابوى دى بجيبوها من ووين عشان اختها ليك هنا ولا اشوف واحد من شياطين منى الخاتهم فى بوستيهابتاع الفوران
اها تقول ولا انادى ناس النونات
* ناس النونات ديل منو يارأفت؟
| |
|
|
|
|
|
|
|
|
|
Re: "بعض" النساء .. ونشـوة الأعماق (Re: Ishraga Mustafa)
|
العزيز رأفت ميلاد
الجميل ورايق دائما بمزاج.....
يا اخي ضحكتني...لان فعلا هذا كان الواقع....
سند ومجموعه من اصحابهم هم الكانوا بتفرجوا على هذا اليوتيوب
وطوالي خطرت ببالي......واتذكرت اعماقك....(واسرار البحار)
وكنت بموت في البرنامج ده وقتها....
Quote:
مش سهرة مع حازم وسند وجايبا لى شياطين البحر
آمنة دى فتانة قتنة
خليك بى برة .. وأخدى ليك نفس وثعالى غاطسة
أقرى مداخلتى مع إشراقة .. وشرحو ..
مودتى |
وخلينا من اعماقك الرايقه ديك
وجيب لينا اعماقنا الهايصه دي وحمل الفيديو بشكل لذيذ زي بتاعك ده
وبعدين برجع لك......
عارف اللذيذ شنو في الفيديو داك؟؟؟
اتخيلت الضفدع ابو قميص برتقالي عواطف والمصائب البي اللون الاحمر
دي الجندريات مطاردنها...وانفقعت بالضحك...شي قلت دي تكون دينا خالد
وشيئ قلت تكون دي اشراقة...وشيئ قلت تكون دي انا......لكن طبعا الفيديو
عامل البطل ابو قميص برتقالي...وشكله حيتغلب على الخيانه كلهم بالزوغان
ويا(ناس نون النسوة) كلكم هنا انا بهظر مع رأفت وبس
مافي زعل بيناتنا.
| |
|
|
|
|
|
|
|
|
|
Re: "بعض" النساء .. ونشـوة الأعماق (Re: Tragie Mustafa)
|
Quote: ويا(ناس نون النسوة) كلكم هنا انا بهظر مع رأفت وبس
مافي زعل بيناتنا. |
الليلة مالك باتراجى راااااااااااااايقة كدى ذكرتينى زولة اختنا زمان اسمها تراجى برضو... زعل مابيناتنا مش.... حتى لمن نكون على الهواء مباشرة.الله ورقبتنا.
| |
|
|
|
|
|
|
|
|
|
Re: "بعض" النساء .. ونشـوة الأعماق (Re: Ishraga Mustafa)
|
| Quote: * ناس النونات ديل منو يارأفت؟ |
| Quote: الليلة مالك باتراجى راااااااااااااايقة كدى ذكرتينى زولة اختنا زمان اسمها تراجى برضو... زعل مابيناتنا مش.... حتى لمن نكون على الهواء مباشرة.الله ورقبتنا. |
أمى الله رحما بتقول " الليلة شادينى .. أختانى بى الله واحد" طبعآ فلانة شاديها خلقة
كدى نروق دمها
كان يحلنى
| |
|
|
|
|
|
|
|
|
|
Re: "بعض" النساء .. ونشـوة الأعماق (Re: رأفت ميلاد)
|
ياصفية ماتقولى والله رأفت دقة الجرسة لكن بعد الخضرة والموية دى روقت شوية زى روقة تراجى الليلة
يس عليك الله اعدل لى رأسى الختيتو مايل ده.. ختو فى نص البحر خليهو اليغطس ويحتل ذاتو كن يريحنا..شفت الكديسة فى البحر لو شاديها تقول ليك كتحتنى,,, اها حسع مكتحنا مالك... غايتو شوف لو عمر يحلك ده من خت {العوين} القالهم ديل لبد بيكون مستنى بعد يوم 21 اظنو بعدها يظهر..
غايتو مافى روقة فى الويكند ده لو ماقلت ناس النونات ديل منو!! يكون ياربى قاصداك ياتراجى  ، انا غايتو ماعندى نونات.. لكن مرات عندى شعنونة زى حقت الليلة دى
| |
|
|
|
|
|
|
|
|
|
Re: "بعض" النساء .. ونشـوة الأعماق (Re: salma subhi)
|
| Quote: عالم البحار غني بشتى أنواع الدرر....ولا يظهر بريقها الاّ بصفاء ماءه.... |
ماهو صفاه ده المطلوب يا سلمى
لكن جديع الطوب بعكر الموية ..
بس المشكلة فى الأكسجين .. وفترة البقاء بدون أخطار تحت الماء وسط النشوة
إزيك يا سلمى
| |
|
|
|
|
|
|
|
|
|
Re: "بعض" النساء .. ونشـوة الأعماق (Re: رأفت ميلاد)
|
| Quote: أهو صاحبتك الدكتورة شدت ليها خيمة بهناك .. ما قلت ليك الليلة شاديها |
عارف يارأفت لقيت الليلة تراجى مزاجها رايق شديد قلت يابت دى نقطة الصفر
اصلنا تربية انقلابات بعيد عنك..
اها والله الليلة مزاجى رايق زى صاحبتى ام نونات
ماقلت لى عاوز لوج ولاشعبى؟
| |
|
|
|
|
|
|
| |
رأفت ميلاد
حسين محي الدين
Muna Khugali
علاء الدين حيموره
د.محمد حسن
الطيب شيقوق
أشرف البنا
Mohammed Tirab
saadeldin abdelrahman
عواطف ادريس اسماعيل
هشام آدم
محمد البشرى الخضر
Nader Abu Kadouk
محمد مكى محمد
هاشم أحمد خلف الله
Ishraga Mustafa
نها محسن أبورأس
عمر سعد
AMNA MUKHTAR
Tragie Mustafa
Safia Mohamed
salma subhi
فيس بوك
تويتر
انستقرام
يوتيوب
بنتيريست