|
دعواتكم لزميلنا المفكر د.الباقر العفيف بالشفاء العاجل
|
|
 Re: مهرجااان الأعضاء الجُـدد .. فرصة الرعاية مفتوحة (Re: ثابت محمد)
|
إلى كل الذين سـجلوا مؤخراً
وما زالوا يحملون إحساس هــدهد سليمان
تعالو إلي هنــا
ليجــرح كل منكم قلمــه لنميّـز رائحة حبره
أو
ليمس كل منكم بقوسـه عصب الكمان حتى يشجينا بألحانه
دقيقــة
إحرصوا على تقديم أروع العروض فالعيون ترقبكم
وموسم فك التسجيلات شغال ربما ترعاكم شُـلة كبيرة
أجمل الأماني
| |
 
|
|
|
|
|
|
|
|
Re: مهرجااان الأعضاء الجُـدد .. فرصة الرعاية مفتوحة (Re: ثابت محمد)
|
الحــرف يثيـر متعــة الروح
أجعلــوا حروفكم مثيرة ولا تخجـلوا
بعض الحـروف لا تأتي أكلها إلا بكشف سيقانها
أجعلــوه سفور محتشــم
بعض الحروف شــفاء
أجعلوا حروفكم كإنسياب البُـرء في الروح العليـلة
دقيقــة
الموضوع لكل من يحس بالغربة في هذا الحوش
ولكل من يحس أنه يمتلك وعطــاؤه مسجون
بالتوفيـق
| |
|
|
|
|
|
|
|
|
|
Re: مهرجااان الأعضاء الجُـدد .. فرصة الرعاية مفتوحة (Re: محمد عيد الله)
|
محمد عيد الله
التحيــة والإحترام
والله قلنا بدل ما الناس تتبهدل وتقعد تلف في الفاضى نقوم نعمل المهرجان
والناس القديمة تجي تحضر التمارين ويسجلو المبرزين
وأصحاب العروض الرائعـة
بس والله فكرة رابطة أكتوبر دي حلوة خاصة أنو أكتوبر شهر بطولات وثورات
وبعدين لو حصل أي نزاع فإنت كفيل بفضه حسب ما يظهر فى بروفايلك
لك الــود غير منقوص
| |
|
|
|
|
|
|
|
|
|
Re: مهرجااان الأعضاء الجُـدد .. فرصة الرعاية مفتوحة (Re: ثابت محمد)
|
ثابت يا لذيذ يا رايق :
طيب يا سيدي
عندك ناس غيرو اسمائهم من العربي للانجليزي
زي ديل بيبدو من الاول (صفرو ليهم العدادات)
في ناس كانو بيكتبو بي اسماء تانيه ( Nick Names )
برضو صفرو ليهم العدادات
و في ناس كانو مرفودين و رجعو باسمائهم الحقيقيه
و برضو من خط البدايه
تهريجة
يعني بالعربي برالمه بي سنونهم 
اما اخوك حدث ولا حرج !!!
| |
|
|
|
|
|
|
|
|
|
Re: مهرجااان الأعضاء الجُـدد .. فرصة الرعاية مفتوحة (Re: فيصل نوبي)
|
الأخ الظريف فيصل نوبي
يا سفن أب إنت
التحـية لمشاركاتك مع إخوانك البرالمة
شوف أنا بعرف شغل الحراج كويس
يعني أي عربية مصفرين ليها العداد أخوك بنقش سريع
أي ميتسوبشي مركبين ليها شبك أمامي بتاع بي إم دبليو برضو بتتنقش
العربات العلى الزيرو واااضحة مكينتها تنقط موية مش باريها دخان
بعدين أخوك خبرة فى الـ
دقيقـــة
شفت يا نوبي إنت بالتهريجــة ظريف كيف ؟؟
| |
|
|
|
|
|
|
|
|
|
Re: مهرجااان الأعضاء الجُـدد .. فرصة الرعاية مفتوحة (Re: ثابت محمد)
|
الاخ الفاضل ثابت
اولا بعتذر لتأخيرى..زى ما قلت إنت يا أخى إحرصو على تقديم أروع العروض
..
ودى من الحاجات الكنت بفكر فيها انه ما فى داعى للكتابه لو ماعندى موضوع يستحق الكتابه واكتفى بالمشاركة فى الموضوعات المطروحة لحد ما اجهز القوس لعصب الكمان.
وفاء تاج الدين
| |
|
|
|
|
|
|
|
|
|
Re: مهرجااان الأعضاء الجُـدد .. فرصة الرعاية مفتوحة (Re: ناصر محمد خليل)
|
الرائع ناصر محمد خليل
لك المـودة والـوداد
يازول مش إنت من خريجي أكتوبر ؟؟ يبقى عضو
خلينا فى الأول نلم الجماعة البرالمة كلهم ونوزع المهام
وأكيد ح نديك مهمة ، بس خلي نومك خفيف
وبرضو ما تغيب من الحتة دي
عشان إحتمال يجو مدربين كبااار يحضروا التمارين
نرجو عدم إهـدار هذه الفرصة
فى إنتظارك بكامل الحـب
| |
|
|
|
|
|
|
|
|
|
Re: مهرجااان الأعضاء الجُـدد .. فرصة الرعاية مفتوحة (Re: ثابت محمد)
|
الاخ الفاضل
ثابت
السلام عليكم ورحمة الله تعالى وبركاته
صدقنى يا اخى الكريم العبرة مش فى العنوان احسن حاجة تعملها
تعمل ليك شلة من الاعضاء الجدد وبعد داك تسوى ليك شوية كتاحة شديدة
ذى هبباى طوكر وتعال شوف البوست حقك كل يوم تجده فى القمة
مع امنياتى لك بالتوفيق
انتصار
| |
|
|
|
|
|
|
|
|
|
Re: مهرجااان الأعضاء الجُـدد .. فرصة الرعاية مفتوحة (Re: ثابت محمد)
|
الاخ ثابت
ياخي والله عجبتني فكرتك.. يعني شغال ترحب بي روحك برااااااك.. وكمان لامي معاك البرالمة وتشيلوا وتصفقوا لروحكم.. حقيقي فكرتك (عثل بث) ومن مداخلاتك
يا قريبك شكلك كده مولود بسنونك.. وانا بسجل معاك تضامن وشيك رعاية على بياض.. اخوك مسجل من بدري لكن زي سنه كامله كده نسى الموضوع.. ويادوب
مكن الجاز بدأ يسخن.. يلا يا زول في انتظارك وانتظار كل جميل منك
| |
|
|
|
|
|
|
|
|
|
Re: مهرجااان الأعضاء الجُـدد .. فرصة الرعاية مفتوحة (Re: nashaat elemam)
|
نشأت الإمــام
من أرض المحنــة ومن قلب الجزيرة
وليت وقتي يسعدني
أشق صدر الأشواق من لسان كبري حنتوب مروراً بالدباغـة
ويلاا طواااالي شرقاً
يحاذي الشوق ضفاف الأزرق الخصيب
ينثر العبير عن يمينه فيصيب رزازه أقاصي بركات ومارنجان
يجود بشماله حباً يغتسل فى المياه الزرقاء يروي عطش حنتوب وتخوم الملكية
يااااااه
أثِـرت فينا الذكرى
من علمني أن أقفـز للبروفايل حين يداخلني أحدكم ؟؟
نشــأت الإمــام
هــذه المدينــة أستدعيها من ذاكرتي بحاسـة الشّـم فقـط
شكراً نبـيلاً علي مرورك المعطــر
| |
|
|
|
|
|
|
|
|
|
Re: مهرجااان الأعضاء الجُـدد .. فرصة الرعاية مفتوحة (Re: ثابت محمد)
|
ثابت.. لك الحب وأنت تلعثم لساني وذاك شأني دوماً حينما تشدهني انتباهة بالغة الروعة.. مثل حديثك الذي انسكب شهداً
وانثال عبيراً وأنت تستجدي من ذاكرتك هذه الصور المدهشة لمدينتي.. عروس المدائن ود مدني.. اواه لكم أعشقها هذه
الفاتنة.. هذه الأنثى الوحيدة التي لم أخنها في حياتي.. احبها حد العشق والوله والهذيان.. لها في القلب مكان لا يشغله
سواها..
ثابت. أثرت فيّ شجوناً كنت أكتمها عفاً.. ولكن لك مني هذه الأبيات لشاعر مدني مصطفى حاج عمر الزواوي:
مدني وهبتك كل عمري.. وهبتك ما حييت زمام أمري
ذكرتك والنوى يطوي ضلوعي.. وانت مسامعي ومدام سكري
فلن أنسى حدائق وارفات يغرد طيرها.. ويغني شعري..
ونيل زان عنقك واحتواك وخلد فيك ما يحلو ويغري
خمائل عند شطك ملهمات وتوحي بالغريض وفيا تسري
كسري الكهرباء لها دبيب تهز مشاعري وعمود فقري
| |
|
|
|
|
|
|
|
|
|
Re: مهرجااان الأعضاء الجُـدد .. فرصة الرعاية مفتوحة (Re: ثابت محمد)
|
الاخ محمد ثابت
تحيانى كث ث ث ث ثير على ترحيبك بنا
وبالمناسبه انا اخر المسجلين وبلعب فى الوسط
وما شايف اى خانه فاضيه فى البرالمه خصوصا انكم
قلتو التسجيل لناس شهر اكتوبر المهم ماتنسو انو
لازم يكون عندكم احتياطى0
تحياتى وشكرى نيابة عن الجدد لو
كان بعدى مسحلين جدد0
ربنا يديم المعرفه
اخوك - سيدمسى
تنويه - دا اسم الشهره فى الملاعب
| |
|
|
|
|
|
|
|
|
|
Re: مهرجااان الأعضاء الجُـدد .. فرصة الرعاية مفتوحة (Re: ثابت محمد)
|
تحية لكل الذين إنضموا للمنبر خــلال 2005
نتمنى أن يكونوا إضافة حقيقية للحوش
وإن يعم الســلام ويكون الهدف عطاءً في كل المجالات
والبعـد الكامل عن الخــلافات الشخصية والمهاترات
لنعيش في ســلام
فنحن نأتي هنا لنلتقي بالوطن الجميل
الحوش ملاذنا من ضغوط الحياة وحمى الغربـة
فأجعــلوه كذلك
| |
|
|
|
|
|
|
|
|
|
Re: مهرجااان الأعضاء الجُـدد .. فرصة الرعاية مفتوحة (Re: ثابت محمد)
|
الاخ ثابت
تحياتى و كل سنة و الجميع بخير
ذكرنى هذا البوست بحكاية ( استقبال البرالمة و توديع الخريجين ) ذلك التقليد السنوى فى الجامعات السودانية ....كواحد من البرالمة اسمحوا لى أن القى كلمة البرالمة هذا العام 2006 ( حتى يظهر من هو أجدد منى لينال هذا الشرف ) ....أجد المتعة اكثر فى الجلوس فى مساطب المتفرجين و استمتع باللعبة الحلوة و قد اساعد فى ( جيب الكور ) مرات .....
قد يشاطرنى الكثيرون من البرالمة اننا لازلنا (زغب الحواصل ) لذا نحتاج الى هذا النوع من الرعاية لذا ( اقترح افتتاح مدارس خاصة بالبرالمة ) تكون نواه لبورداب للمستقبل ...عشان نحل مشكلة تدهور مستوى الكورة
تحياتى
| |
|
|
|
|
|
|
|
|
|
Re: مهرجااان الأعضاء الجُـدد .. فرصة الرعاية مفتوحة (Re: ثابت محمد)
|
ياثابت يابطل
انا جاييكم من فريق Sunday و عايزكم تخلوني اجيب ليكم الكور من برة ، على الاقل اجري دمي شوية ما دا ياهو الفضل لينا ... وبعدين شنو يعني قاصر الترحيب دا على دفعة 2005 م يعني نحن موديل 2006 م " معدل " ما عندنا "موقف" معاكم و لا شنو؟
لك مودتي
يحى القدال
| |
|
|
|
|
|
|
|
|
|
Re: مهرجااان الأعضاء الجُـدد .. فرصة الرعاية مفتوحة (Re: ثابت محمد)
|
الاخ /محمد ثابت
كل سنة وانت طيب
شئ من عبق الدواخل ينثر اريج الود علي بساط التواصل عبر اسير الحرف ,
دخلنا هذا الحوش بالرغم من قنابل الاقتتال الحرفي التي تدير معارك الافكار ولكن اليت لي نفسي
ان احاور العقول والافكار واناي الاسفاف في القول لنؤسس لمنبر حر معافي من امراض الانقسامات .
ولك تحياتي
| |
|
|
|
|
|
|
|
|
|
Re: مهرجااان الأعضاء الجُـدد .. فرصة الرعاية مفتوحة (Re: ثابت محمد)
|
العزيز ثابت
تحايا صباحية بطعم الجروف
وأحييك على مبادراتك الجميلة دائما
وما قاله بعض الزملاء هنا من أن كثيرين قد تغيرت تواريخ إنتسابهم للمنبر
صحيح تماما، وقد إقتضته بعض الأسباب
فأنا مثلا، يظهر تاريخ تسجيلى فى يوليو العام 2005 بينما أنا هنا منذ نهاية العام 2001 وقد تغير إسم الإشتراك مرتين حتى استقر على الإسم الحقيقى أخيرا وكل ذلك كان لأسباب وجيهة كما أراها
أجدد التحية ولك المودة
| |
|
|
|
|
|
|
| |
ثابت محمد
عبدالناصر معتصم
فيصل نوبي
وفاء تاج الدين
ناصر محمد خليل
انتصار محمد صالخ بشير
nashaat elemam
Ahmed Mohammed Osman
سيد محمد احمد سيدنا
showgi idriss
يوسف السماني يوسف
أبوذر بابكر
فيس بوك
تويتر
انستقرام
يوتيوب
بنتيريست