دعواتكم لزميلنا المفكر د.الباقر العفيف بالشفاء العاجل
|
|
 مسـيرة .. المريـخ والهـلال في الكونفدرالية والأبطال
|
تبدأ بعد أقل من أسبوعبن
الهلال في الأبطـال والبداية مع الأهـلي المصرب
المريخ في الكونفدرالية والبدابة مع الإسماعيلي المصرب
ملحوظةأولى
العنوان إقتضى تقديم المريخ على الهلال لسببين
(1) المريخ الفريق السوداني الوحيد الذي أحرز بطولة خارجية
(2) حتى يكون العنوان موسيقيا
ملحوظة ثانية
البوست مخصص لمتابعة الفربقين حتى نهاية المنافستين
يابكري لو جات أرشفة البوست ده حولو لينا معاك
|
|
 
|
|
|
|
|
|
|
 Re: مسـيرة .. المريـخ والهـلال في الكونفدرالية والأبطال (Re: ثابت محمد)
|
توقعات وإحتمالات مبدئية
الذهاب
الهلال X الأهلي .. القاهرة .. فوز الأهلي أو فوز الأهلي
الهلال X الترجي .. تونس .. فوز الترجي أو التعادل
الهلال X أسيك .. ساحل العاج .. فوز أسيك أو فوز أسيك
الإياب
الهلال X الأهلي .. الخرطوم .. فوز الأهلي أو التعادل
الهلال X الترجي .. الخرطوم .. فوز الهلال أو التعادل
الهلال X أسيك .. الخرطوم .. فوز الهلال أو التعادل
| |
|
|
|
|
|
|
|
|
|
Re: مسـيرة .. المريـخ والهـلال في الكونفدرالية والأبطال (Re: ثابت محمد)
|
بناءً على التوقعات أعلاه
سيجمع الهلال ( 6 ) نقاط أو ( 9 ) نقاط على أحسن تقدير
سيجمع المريخ ( 9 ) نقاط أو ( 12 ) نقطة على أحسن تقدير
تبدو مجموعة الهلال أقوى من مجموعة المريخ إذا إستثنينا الإسماعيلي
بطولة الأبطال يتأهل فريقان من كل مجموعة
بطولة الكونفدرالية يتأهل فريق واحد من كل مجموعة
.
.
ربنا يستر
| |
|
|
|
|
|
|
|
|
|
Re: مسـيرة .. المريـخ والهـلال في الكونفدرالية والأبطال (Re: ثابت محمد)
|
غايتو حسين و حسن دى أصلها ما بتجي
وتقديم اسم المريخ علي الهلال لن يغير من الواقع شيئا
والقبلك كانو أشطر وهم يحاولون لمدة 75 سنة تغير الصيغة ليأتي المريخ أولا ولم ينجحو
كنت أعتقد أن محاولات مزمل و كمال حامد هي آخر المحاولات
حتب أتي أخي ثابت ( ثبت الله فلبك علي الايمان و زحزحه عن حب المريخ)
آخر محاولات كمال حامد كان أن ألزم المعلقين أن يقولو الهلال و المريخ أو المريخ والهلال
وكانت شينة خلاس
| |
|
|
|
|
|
|
|
|
|
Re: مسـيرة .. المريـخ والهـلال في الكونفدرالية والأبطال (Re: ALGARADABI)
|
القرضابي
سلاام وإحترام ليك ولي هلالك
يازول أنا قلت التقديم تم لسببين
وأعتقد أنهم منطقيين
يعني مفروض تناقش الأسباب الأنا ذكرتها .. مش تقول حسين وحسن
Quote: العنوان إقتضى تقديم المريخ على الهلال لسببين
(1) المريخ الفريق السوداني الوحيد الذي أحرز بطولة خارجية
(2) حتى يكون العنوان موسيقيا |
ونضيف للسببين أعلاه سبب ثالث
إنشاء نادي المريخ سبق إنشاء نادي الهلال
وكمية إحترام تحيرك
| |
|
|
|
|
|
|
|
|
|
Re: مسـيرة .. المريـخ والهـلال في الكونفدرالية والأبطال (Re: ثابت محمد)
|
أخونا ثابت/
| Quote: تبدو مجموعة الهلال أقوى من مجموعة المريخ إذا إستثنينا الإسماعيلي |
لا ياخ ...!!!! 
أنت بتتكلم كأنوا الهلال و المريخ بلعبوا في بطولة واحدةّّّ !!!!!
أصحي يا زول!!! الهلال بلعب في البطولة رقم واحد في أفريقيا و المريخ بلعب في بطولة أدني منها مستوي لو ما عارف أعرف.
غايتو ضحكتني أضحك الله سنك
خالد
| |
|
|
|
|
|
|
|
|
|
Re: مسـيرة .. المريـخ والهـلال في الكونفدرالية والأبطال (Re: خالد عبد الله محمود)
|
خالد عبدالله محمود
تحية زرقاء كلون هلالك
| Quote: أنت بتتكلم كأنوا الهلال و المريخ بلعبوا في بطولة واحدةّّّ !!!!! |
يازول إنت ما بتشوف ؟؟
قلنا الكونفدرالية والأبطال .. يعني بطولتنين مختلفتين
العنوان واااضح وقلنا الهلال في الأبطال والمريخ في الكونفدرالية
أنا لم أقصد المقارنة ولم ترد كلمة ( مقارنة ) في كل البوست
قصدت مجموعة الهلال كوحدة قائمة بذاتها .. وحظوظ الهلال فيها
وقصدت مجموعة المريخ كوحدة ثانية .. وحظوظه فيها
وقع ليك كلامي ؟؟
لكن لقيتكم كلكم ما منطقيين .. بطلو تعصب
عضم البوست ونخاعه هو التوقعات والإحتمالات قبل أن يبدأ التنافس
وسيكون التحليل والمناقشة بعد أن تبدأ المنافسة
عشان كده بطلو رجفة وورورنا توقعاتكم لنتائج الفريقين
منتظر توقعاتك لنتائج الفريقين
ربنا يضحكك على الدوام
بس انا خايف الضجك يشرطك يوم 23 يونيو 
خالد .. محبة تملا الكون
| |
|
|
|
|
|
|
|
|
|
Re: مسـيرة .. المريـخ والهـلال في الكونفدرالية والأبطال (Re: ثابت محمد)
|
تحياتي يا ثابت (يا صديق محمود ولدي) ووينك يا راجل؟
بصراحة موقف الفريقين صعب في المرحلة دي من البطولة، ومحتاج لشغل علمي مؤسس لأنو الكورة بتدي بقدر عطاءك واستعدادك بغض النظر عن تاريخ الفريق وانجازاته، يعني المريخ الجاب الكاسات المحمولة جواً ده منو كان بتوقع يتهزم من فريق تشادي مغمور لا تاريخ له في اي بطولة أفريقية؟ وبنفس القدر قدامك الزمالك بعراقته وبثقل ورصيد انجازاته اتبهدل من الهلال في الخرطوم في القاهرة وجاء تاني اتبهدل من فريق أردني وانهزم في القاهرة أمام جمهوره ... الإعداد الجيّد والعطاء في الملعب هم الوصفة السحرية للنصر في كرة القدم وفي الرياضة بصورة عامة بمختلف ضروبها ... وبالنظر لإعداد الفريقين وبأداء الفريق القومي البيمثل لاعبيه الهلال والمريخ، من وجهة نظري الوضع لا يبدو مبشراً بأي حال من الأحوال وربك يستر والله يجيب العواقب سليمة ... وأظهر ياخي نحنه عايزين نبقيك شيخنا بعد سفر تنقو لأنو الأولاد ديل (حمد+بدري) فرفرتم كترت...
| |
|
|
|
|
|
|
|
|
|
Re: مسـيرة .. المريـخ والهـلال في الكونفدرالية والأبطال (Re: نادر)
|
اخى ثابت محمد
يازول انت خامة جيدة ولك تحليل جميل وراقى رايك شنو انوسط ليك فى art
يازول نحن بنتورب فى البورد يوميا ما لاقنى فهم كروى زيك كدا
هنئا للمريخ الذى تشجعه لانك سوف ترتقى به مع كاساته المحمولة جوا
ياخى شغلة تلميهع اللغيبش تعب منها مزمل ابو القاسم, ودا زول حريف وكتاب ومشهور
ادفع ليك كم تنزل من اسى,,المشوار طويل,,,
بس حاجة واحدة اضفها لفهمك الكروى,,الهلال لو كان انهزم من ناصراوا لاشترك معكم فى البطولة
طيب وين المقارنة اصلا ,,, زى لما زول يقولك جراى الحصان ام غريق البحر
عشان كدا ياخى ثقف نفسك كرويا اولا ثم تعال افتى لينا فى شغل زى دا
اما عشان تخصص بوستك للمنافسة ,,طيب نحن هنا شغالين شنو..
دا شغلنا , تاج السر , احمد الريح , عباس , عمر الفاروق قرضاوى, تمبس
وبقية ناس البورد الهلالاب...
تمرن صحفيا فى ناس المريخ ديل,,,كويس
وبعدين تعال اكتب عن الكبار..
ما تزعل وما تغيب كويس ..وما تخلى بوستك دا يمشى الصفحات التانية
اضافة تانية
اما عن تقديم الاسم,,,اتصل على والدتك او اى زول ما بفهم فى الكرة
وقول ليه احسن فريقين مشهورين منو ومنو,,,
اما دوليا اسال اى مواطن من الدولتين ديل..
واحدة عربية والتانية افريقية..وانا اخترتهم ليك لعلا كعبهم فى االبطولات الافريقية
مصر ونيجيريا,,اساله وقول ليه عاوز اسم فريق سودانى مشهور ...
كلامى دا كله قلت ليك عشان ما تسوق للوهم,,,
ودى لك ياحبيب
| |
|
|
|
|
|
|
|
|
|
Re: مسـيرة .. المريـخ والهـلال في الكونفدرالية والأبطال (Re: شهاب الفاتح عثمان)
|
شهاب الفاتح
المحبة والتقدير ومن التحايا الكتير
جميل حضورك .. وبإذن الله نتابع المنافستين
بس ساعدنا بمرورك
والله الواحد بحاول ما يتعصب
بس مرات مرات المريخ ده بدهشنا
عشان كده أغفر لنا تعصبنا أحياناً لرافع إسم السودان ومسجل إسمه في الخارج
والأيام دي الوالي مع رئيس برشلونة .. شفت كيف ؟؟
الوالي رئيس المريخ .. ولابورتا رئيس برشلونة
شووف العلمين الوراهم ديل .. أها مالينا حق نتعصب ؟؟
خوالص المودة
| |
|
|
|
|
|
|
|
|
|
Re: مسـيرة .. المريـخ والهـلال في الكونفدرالية والأبطال (Re: abuguta)
|
أبو قوتة
الحبيب كيفنك واخبارك .. يازول برد نفسك شوية
والله تصدق عاجبني اسم بلدكم
عندي خالاً لي كان شغال مدير متوسطة هناك
بس الكلام ده زماااان
Quote: ياخى شغلة تلميهع اللغيبش تعب منها مزمل ابو القاسم, ودا زول حريف وكتاب ومشهور
ادفع ليك كم تنزل من اسى,,المشوار طويل,,,
بس حاجة واحدة اضفها لفهمك الكروى,,الهلال لو كان انهزم من ناصراوا لاشترك معكم فى البطولة
طيب وين المقارنة اصلا ,,, زى لما زول يقولك جراى الحصان ام غريق البحر
عشان كدا ياخى ثقف نفسك كرويا اولا ثم تعال افتى لينا فى شغل زى دا |
يازول الأغبش ممسح بي ستة كاسات جوية
واحد فيها من كريمات أفريقيا المشهورة .. كريم مانديلا
شوف الأغبش الما ضاق مسوح من ولدوهو .. ولا حتى زيت سمسم
أدفع ليك كم وتركب سفريات المريخ العظيم من هسي ؟؟
بعدين التذاكر بتكون غاااالية وإنت عارف سفريات أفراس مستواها كيف جميل .. بكيييفك
والله يا أبوقوتة زول جاب سيرة مقارنة مافي
وناصروا البتقولو ده نحن ح نلاقي دوالا الغلب ( ناص ودراوة ) الغلبكم .
أوعدك البوست ده ح يكون فوووق .. كما المريخ فووق فوووق مريخنا وبوستينا فووق
Quote: اما عن تقديم الاسم,,,اتصل على والدتك او اى زول ما بفهم فى الكرة
وقول ليه احسن فريقين مشهورين منو ومنو,,,
اما دوليا اسال اى مواطن من الدولتين ديل..
واحدة عربية والتانية افريقية..وانا اخترتهم ليك لعلا كعبهم فى االبطولات الافريقية
مصر ونيجيريا |
الوالدة ربنا يرحمها ويغفر ليها .. والله كانت بتشجع المريخ
بس سألت حبوبتي الله يطول عمرها.. فيها عرق نيجيري
تعرف قالت شنو ؟؟
قالت لي المرييييييييييخ .. وووب علينا .. تصدق نطقت المريخ بي خلعة
قالت لي ده شال مننا كاس مانديلا حُمرة عين عديييل جووة بلدنا
وقالت الهلال ده جانا مسكو فريق إسمو ( ناص ودراوة ) معطو تلاتة
ملحووووووووووووظة
أم بدة كييييييييف ؟؟ برضو ضربات جزاء ؟؟
العزاء الوحيد أنو مستوى ام بدة الأيام دي أحسن من الأهلي القاهري
مع كامل المودة والمحبة
| |
|
|
|
|
|
|
|
|
|
Re: مسـيرة .. المريـخ والهـلال في الكونفدرالية والأبطال (Re: أبوالزفت)
|
Quote: اذا اقيمت المباراة بين الهلال والاهلى
يوم 24/06/2007م كما ذكرت فالنتيجة إن شاء الله
3/1 لصالح الهلال |
أبو الزفت
توقعك ده ليهو علاقة بالأبراج ؟؟
ثلاثة أهداف للهلال مقابل واحد للأهلي .. وفي القاهرة ؟؟
يازوووول .. والله ياهو أبو الزفت زاااتو
عليييك الله حبة حبة
أها والبجيب يتيمة الأهلي منو ؟؟
تؤخذ الدنيا غِلابا
| |
|
|
|
|
|
|
|
|
|
Re: مسـيرة .. المريـخ والهـلال في الكونفدرالية والأبطال (Re: ثابت محمد)
|
يا ثابت أخوي الحارق رزق شنو؟؟
الهلال فريق بطولات ولعب فاينل الابطال مرتين وما غريب عليه يصل يحقق البطولة والمثل عندنا بيقول الثالثة ثابتة.
بعدين مشكلتكم يا مريخاب ما بتعرفوا غير المريخ حتى يا كافي البلة الوطنية نسيتوها وما ناقشين أن فوز الهلال فوز للمريخ والعكس صحيح.
بس الواحد يقول شنو مع جمهور ما راقي.
ولكن تعال شوف جمهور الهلال الراقي والوطنية الزايدة عندهم كيف!!!!!
خالي مشجع متعصب للهلال ومسمي الجماعة (رشاشات) و (صهاينة) وبالرغم من كدا بيشجع المريخ لو لاعب مباراة خارجية.
| |
|
|
|
|
|
|
|
|
|
Re: مسـيرة .. المريـخ والهـلال في الكونفدرالية والأبطال (Re: ثابت محمد)
|
Quote: توقعات وإحتمالات مبدئية
الذهاب
الهلال X الأهلي .. القاهرة .. فوز الأهلي أو فوز الأهلي
الهلال X الترجي .. تونس .. فوز الترجي أو التعادل
الهلال X أسيك .. ساحل العاج .. فوز أسيك أو فوز أسيك
الإياب
الهلال X الأهلي .. الخرطوم .. فوز الأهلي أو التعادل
الهلال X الترجي .. الخرطوم .. فوز الهلال أو التعادل
الهلال X أسيك .. الخرطوم .. فوز الهلال أو التعادل
إحتمالات وتوقعات لفريق المريخ
المريخ X الإسماعيلي .. القاهرة .. فوز الإسماعيلي أو التعادل
المريخ X كوارا .. نيجيريا .. فوز كوارا أو التعادل
المريخ X دولفين .. نيجيريا .. فوز دولفين أو التعادل
الإياب
المريخ X الإسماعيلي .. الخرطوم .. فوز المريخ أو التعادل
المريخ X كوارا .. الخرطوم .. فوز المريخ أو فوز المريخ
المريخ X دولفين .. الخرطوم .. فوز المريخ أو فوز المريخ |
يا ثابت انت قدمت المريخ على الهلال
وبررت فعلتك لكن لمن اتوقعت وبدون وادراك منك
رجعت للاصل وقدمت الهلال على المريخ
وزى ما قالوا العين ما بتعلى الحاجب
والى اللقاء يوم الاثنين
| |
|
|
|
|
|
|
|
|
|
Re: مسـيرة .. المريـخ والهـلال في الكونفدرالية والأبطال (Re: أبوالزفت)
|
Quote: يا ثابت انت قدمت المريخ على الهلال
وبررت فعلتك لكن لمن اتوقعت وبدون وادراك منك
رجعت للاصل وقدمت الهلال على المريخ
وزى ما قالوا العين ما بتعلى الحاجب
والى اللقاء يوم الاثنين |
أبو الزفت
الحكاية لا عين ولا حاجب
أسباب التقديم في العنوان وضحناهابثلاث أسباب
= حتى يكون العنوان موسيقياً
= المريخ الفريق السوداني الوحيد الفائز ببطولة أفريقية
= المريخ تأسس قبل الهلال
تقديمنا للهلال في التوقعات كان بسبب أن الهلال سيلعب قبل المريخ
وقع ليك ؟؟؟
الإتنين قرب يخلص وما شفناك يا أبو الزفت 
المودة جوز جوز
| |
|
|
|
|
|
|
|
|
|
Re: مسـيرة .. المريـخ والهـلال في الكونفدرالية والأبطال (Re: ثابت محمد)
|
باذن الله النتيجة ايجابية للهلال
الهلال : الاهلي القاهرة احتمال : 1\صفر ،1\1 ، صفر\ صفر ، 2\صفر
الهلال : الاهلي : الخرطوم اكيد : 1\صفر او 2\صفر او 3\صفر
المريخ:الاسماعيلي القاهرة اكيد ْصفر\X وخت اي رقم ممكن
المريخ : الاسماعيلي الخرطوم احتمال: صفر\1 ، صفر\ 2
وهاك الرد كاسل دا
نتمني ان يحرز الهلال والمريخ نقاطا ايجابية في مباراتهما في القاهرة والتعزيز في الخرطوم
وفوق فوق هلالنا فوووووووووووووووووووووووووووووووووووق
منصورين باذن الله
| |
|
|
|
|
|
|
|
|
|
Re: مسـيرة .. المريـخ والهـلال في الكونفدرالية والأبطال (Re: ثابت محمد)
|
| Quote: راااجي ربنا يفتح عليك بتعادل عشان تشيل حالي؟؟ |
...
التعادل زي ما عارف نشلو الحكم .. وطبعا كالعادة كان نفسك مكتوم للآخر وما لقيت ليك طريقة علشان تكورك لما يجي قون في الهلال حتى ولو كان من الأهلى المصري ..
عارف ياثابت الوطنية خلاص خليناها طــرف .. بعد الشفناهو منكم ده قبال المصريين ..
ابقو انسترو مع الاسماعيلي .. واليوم داك .. العندو فاليوم يشوفو من بدري .. والعندو حاجات تانية برضو يشوفه من بدري .. لكن ما نلقى واحد حايم هنا وعامل لينا فيها محلل . وناقد وصحفي ..
والله الهلال ده يا ثابت .. شهرا ما عندكم فيهو نفقه حقو ما تعدوا ايامو
خليكم مركزين في الجاي ليكم ...
والله تنضربوا بطن وضهــر ..
ومن حسع دي .. وسعوا شوالاتكم ..
إنتو فاكرننا ملائكة .. والله اليوم داك انا القدامك ده .. ( أمصر ) من ( المصريين ) ..
والغائب يكلم الحاضــر ..
| |
|
|
|
|
|
|
|
|
|
Re: مسـيرة .. المريـخ والهـلال في الكونفدرالية والأبطال (Re: tmbis)
|
Quote: التعادل زي ما عارف نشلو الحكم .. وطبعا كالعادة كان نفسك مكتوم للآخر وما لقيت ليك طريقة علشان تكورك لما يجي قون في الهلال حتى ولو كان من الأهلى المصري ..
عارف ياثابت الوطنية خلاص خليناها طــرف .. بعد الشفناهو منكم ده قبال المصريين ..
ابقو انسترو مع الاسماعيلي .. واليوم داك .. العندو فاليوم يشوفو من بدري .. والعندو حاجات تانية برضو يشوفه من بدري .. لكن ما نلقى واحد حايم هنا وعامل لينا فيها محلل . وناقد وصحفي ..
والله الهلال ده يا ثابت .. شهرا ما عندكم فيهو نفقه حقو ما تعدوا ايامو
خليكم مركزين في الجاي ليكم ...
والله تنضربوا بطن وضهــر ..
ومن حسع دي .. وسعوا شوالاتكم ..
إنتو فاكرننا ملائكة .. والله اليوم داك انا القدامك ده .. ( أمصر ) من ( المصريين ) ..
والغائب يكلم الحاضــر .. |
للتوثيق فقط 
| |
|
|
|
|
|
|
|
|
|
Re: مسـيرة .. المريـخ والهـلال في الكونفدرالية والأبطال (Re: tmbis)
|
Quote: عارف ياثابت الوطنية خلاص خليناها طــرف ..
بعد الشفناهو منكم ده قبال المصريين |
تمبسكو
إنت بحالتك المعتبرة شرعياً ؟؟
يازووول .. كدي أتفرجخ لي في الباااردة دي النكلمك
وطنية شنو البتتكلم عنها ؟؟
وين الوطن في الهلال والمريخ ؟؟
لعيبة المريخ
ايداهور .. نيجيريا
ايفوسا.. نيجيريا
أبالو .. توغو
باولينو.. البرازيل
كوني الله يشفيهو .. دولة مالي
وهسي بجنسو في ليتانا.. موزمبيق
وهاااك ديل لعيبة الهلال
كلاتشي .. نيجيريا
يوسف محمد .. نيجيريا
بيتر جيمس .. نيجيريا
داريوكشافات .. موزبيق ولا وين ما عارف
قودوين ... نيجيريا
وهسي بجنسو في شريف سولي بتاع حي العرب برضو نيجيريا
ديل كلهم من نيجيريا وموزبيق والبرازيل وتوغو
ديل فضلو فيها إحساس بوطنية ؟؟
الوطنية محلها معرووووف .. المنتخب الوطني
نفتح ليهو الوريد ونموت وراهو ومابنفرق بين العجب وهيثم مصطفى
هناك تذوب العصبية وتنصهر في شريان الوطن
لكن هلال ومريخ ديل مافيهم وطنية ..
كل نادي بلعب لي سمعتو وعشان يحقق إنجازات تحسب بإسمو
ولما يجيب بطولة بتتسجل بي إسم النادي ( زي بطولات المريخ )
طيعاً الهلال صفر كبييييييييير من بطولة خارجية
سمعنا بسبع سنين عجاف .. بس ما سمعنا بخمس وسبعين عام عجاف
والله إنتو عليكم جنس صبر .. لا حولااااااااا
بعدين يا حبيب مريخ وهلال ديل من ما عرفناهم متعصبين
قبل المباراة مافي زول بتكلم .. بعد المباراة الشماتة بتقع
يعني عشان هلالك الكحيان ده عاوز تعمل لي فيها مثالي
وطالع لي فيها من مؤتمر الخريجين ؟؟
والله ده مابحلك
قبل المباراة نتوقع .. وبعدها نشمت لو غلبوكم وتشمتو لو اتغلبنا
بعدين إنت حارق زرك مالك ؟؟
الأهلي أصلو قاعد يديكم كف وشلوووت .. ليست مرة ولا إثنتان
دي المرة التالتة كف وشلووت .. بتتذكر ولا أذكرك ؟؟
وراجينكم ناس الخمسات .. وسع صدرك ساااي
والسنة دي فيها ساحل العاج .. الله يستر من رقم قياسي جديد
وبرجع ليك
بس ماقلت لي .. ويييييييين عمرالفاروق
| |
|
|
|
|
|
|
|
|
|
Re: مسـيرة .. المريـخ والهـلال في الكونفدرالية والأبطال (Re: ثابت محمد)
|
| Quote: التعادل زي ما عارف نشلو الحكم |
تمبسكو
عينك للـ ( مرق ) تطعن في ضلو ؟؟
بتتذكر إنو الهلال إتغلب وما طلع الحكم خائن ؟؟
إنتو عاوزنو يكون زي الحكم ليكم مع هلال الساحل يزيدكم ربع ساعة ؟؟
ولا زي بتاع أم بده الحسب دقيقتين وبقاهم تسعة عشان تعادلو ؟؟
بالمناسبة
وييييييييييين عمر الفاروق ؟؟ 
| |
|
|
|
|
|
|
|
|
|
Re: مسـيرة .. المريـخ والهـلال في الكونفدرالية والأبطال (Re: ثابت محمد)
|
Quote: إنتو عاوزنو يكون زي الحكم ليكم مع هلال الساحل يزيدكم ربع ساعة ؟؟
ولا زي بتاع أم بده الحسب دقيقتين وبقاهم تسعة عشان تعادلو ؟؟ |
.. ااي ما تقول كدا من الصباح .. شن جاب امبده لي دوري التمنية الكبــار ..
ما تكتبه هنــا سيستعمل ضدك في مقبل الأيام ..
ما تكتبه هنــا .. ح يخليك في مقبل الأيام تنوم من الساعة تمنية .. كما نومتك الشهيرة .. وتقول مثل قولتك الشهيرة .. الكورة دي بايخه علشان كدا نمته بدري ..
الحمد لله أن جعلنا من الذين حضرو كورة كان فيها طرف الهــلال وطقطق الجماعة زي الترتيب .. وإنت عملت فيها نايم وما شايف
إنت قايلني ما بعرف ؟؟
..
غايتو بل راسك ... اسماعيلية رائح جــاي ..
بعدين تحليلاتك دي ح تموضه وتشرب مويته .. تتضربو وتشترو ليكم تسالي من ( العتبة ) وتجو تحضرو باقي مبارياتنا وتشجو لينا في ناس اسيك وتشجعو الأهلى من جديد لما يجي الحلــه هناك ..
كترو من الانسولين .. والبندول .. والبنج .
وبالنسبة للناس ( البتسف ) .. الترابة في خشمــم
| |
|
|
|
|
|
|
|
|
|
Re: مسـيرة .. المريـخ والهـلال في الكونفدرالية والأبطال (Re: ثابت محمد)
|
عودة لمباراة الهلال والأهلي
لعب الهلال بصورة دفاعية كاملة كانه يسقط من حساباته الفوز على الهلي
معظم عناصر الهلال كانت دفاعية
ثمان من اللاعبين يميلون للدفاع
عدا هيثم .. قودوين .. وكلاتشي
نجح الهلال في كسب التعادل في الشوط الأول .. ولكن
لم تسعفهم خبرتهم ولا لياقتهم في إكمال الشوط الثاني
إنهاروا في سبع دقائق وإستقبلوا هدفين
قد يحمل البعض الحكم ولوج الهدف الأول وهذا غير صحيح
مرق وريتشارد هما من يُسأل عن ولوج الهدف
ساعة وصول الكرة لمرق لاحظنا عدم تواجد ريتشارد وهذه منطقته
مرق لا يمتلك الخبرة للتعامل في مثل هذه الحالات
كان يمكنه إعادة الكرة بالرأس للمعز أو تشتيتها خارج الملعب
لو كان مرق يمتلك الخبرة كان يجب أن يضع إحتمال وجود مهاجم خلفه
تأخر كثيراً إستبدال هيثم مصطفى فقد كان عالة على الفريق
مهند لاعب فنان ونزعته الهجومية أكبر من هيثم
لا دخل لتغيير كلاتشي بالهزيمة فقد كان عالة كذلك
ريكاردو خطته كانت ( الخندقة ) لذا قودين يكفي في المقدمة
كان من الممكن اللعب بمهند مع قودين منذ البداية فهذا اللاعب مظلوم
هاردلك الهلال والترجي في الطريق للخرطوم
| |
|
|
|
|
|
|
|
|
|
Re: مسـيرة .. المريـخ والهـلال في الكونفدرالية والأبطال (Re: ثابت محمد)
|
في سبيل الإعداد لمباراة الإسماعيلي المصري
خاض المريخ تجربتين مع فريق أشانتي كوتوكو الغاني المشهور
فاز في التجربتين بتيجة واحدة ( 2 / 1 )
وكان مستواه مميزاً
أكمل تجاربه بمباراة دورية مع جزيرة الفيل وفاز باربعة نظيفة
ولم يكن في مستوى تجاربه مع الأشانتي
الهلال إكتفى بماراته الدورية مع الميرغني الكسلاوي
فاز بهدفين نظيفين
نتمنى الفوز للفريقين أمام الإسماعيلي وأسك
| |
|
|
|
|
|
|
|
|
|
Re: مسـيرة .. المريـخ والهـلال في الكونفدرالية والأبطال (Re: ثابت محمد)
|
ثابت محمد
Quote: العنوان إقتضى تقديم المريخ على الهلال لسببين
(1) المريخ الفريق السوداني الوحيد الذي أحرز بطولة خارجية
(2) حتى يكون العنوان موسيقيا |
ده كلام ده...
علاقة الموسيقي بتقديم المريخ علي الهلال او الهلال علي المريخ شنو يا ثابت يا بطل.
لو قلت بالترتيب الهجائي كان لقيت عذر.
بالتوفيق للهلال والمريخ ولكل السودان.
شول اشوانق
| |
|
|
|
|
|
|
|
|
|
Re: مسـيرة .. المريـخ والهـلال في الكونفدرالية والأبطال (Re: شول اشوانق دينق)
|
الأخ الكريم شول أشوانق دينق
تحية واحترام
Quote: ده كلام ده...
علاقة الموسيقي بتقديم المريخ علي الهلال او الهلال علي المريخ شنو يا ثابت يا بطل |
شول اخوي
كدي غمض عيونك وردد في سرك
المريخ والهلال في الكونفدرالية والأبطال
الهلال والمريخ في الأبطال والكونفدرالية
ياتو واحدة فيهم فيها موسيقى ؟؟
ياتو واحدة فيهمم بتحس فيها بدوزنة ونفس شعري ؟؟
بعد تفتح وريني النتيجة
| |
|
|
|
|
|
|
|
|
|
Re: مسـيرة .. المريـخ والهـلال في الكونفدرالية والأبطال (Re: ثابت محمد)
|
ليلة السبت
لعب المريخ مباراة العمر ضد فريق دولفين النيجري
أغرق المريخ الدولفين في ست بحار كل بحر يحكي رواية مختلفة
سيطر المريخ على معظم فترات المباراة بفضل السرعة واللياقة والمهارة
إبتدر المريخ التسجيل براسية مجاهد وأردفها العجب براسية أخرى
إنتهى الشوط الأول بهدفين للمريخ مقابل لاشيء للدلافين
بدأ المريخ الشوط الثاني مسترخياً وكانهم ضمنو الفوز وبعدد وافر
أيقظتهم راسية إزاجي في بداية الشوط الثاني بعد تراخٍ دفاعي واضح
ليشتاط الغضب الأحمر ناراً ويبدأ سيل الأهداف المريخية
أربعة أهداف تبادل إحرازها .. العجب .. سفاري .. إيداهو .. موسى الزومة
لتنتهي المباراة بنصف دستة في شباك الدلافين مقابل هدف ولج شباك الصياد المريخي
مثل المريخ
بهاء الدين .. سفاري .. دامر .. أبالو .. الزومة .. قلق
مجاهد .. إيفوسا .. العجب .. باولينو .. إيداهور
أظنها اكبر هزيمة ينالها فريق نيجيري في التاريخ الحديث
بهذا تصدر المريخ مجموعنه بأربع نقاط
هدفان فقط ولجا مرمى المريخ في المباراتين وسجل رماته سبع أهداف
المريخ يخطو نحو البطولة بثبااات تام
| |
|
|
|
|
|
|
|
|
|
Re: مسـيرة .. المريـخ والهـلال في الكونفدرالية والأبطال (Re: ثابت محمد)
|
Quote: توقعات وإحتمالات مبدئية
الذهاب
الهلال X الأهلي .. القاهرة .. فوز الأهلي أو فوز الأهلي
الهلال X الترجي .. تونس .. فوز الترجي أو التعادل
الهلال X أسيك .. ساحل العاج .. فوز أسيك أو فوز أسيك
الإياب
الهلال X الأهلي .. الخرطوم .. فوز الأهلي أو التعادل
الهلال X الترجي .. الخرطوم .. فوز الهلال أو التعادل
الهلال X أسيك .. الخرطوم .. فوز الهلال أو التعادل
|
Quote: إحتمالات وتوقعات لفريق المريخ
المريخ X الإسماعيلي .. القاهرة .. فوز الإسماعيلي أو التعادل
المريخ X كوارا .. نيجيريا .. فوز كوارا أو التعادل
المريخ X دولفين .. نيجيريا .. فوز دولفين أو التعادل
الإياب
المريخ X الإسماعيلي .. الخرطوم .. فوز المريخ أو التعادل
المريخ X كوارا .. الخرطوم .. فوز المريخ أو فوز المريخ
المريخ X دولفين .. الخرطوم .. فوز المريخ أو فوز المريخ |
كانت هذه توقعاتنا في صدر البوست
وحتى الآن تحققت جميعها
تمنياتنا للهلال بالفوز اليوم في ساحل العاج
رغم أن توقعاتنا لمباراة اليوم هي فوز أسيك او فوز أسيك
| |
|
|
|
|
|
|
|
|
|
Re: مسـيرة .. المريـخ والهـلال في الكونفدرالية والأبطال (Re: Elawad Eltayeb)
|
| Quote: الهلال X أسيك .. ساحل العاج .. فوز أسيك أو فوز أسيك |
العوض الطيب
هل تلاحظ انه حتى الآن كل توقعاتنا صااااااائبة ؟؟
قلنا فوز أسيك او فوز أسيك
وقد حدث أحدهما بالفعل ... وفاااااااز أسيك
| Quote: ربنا يكضب الشينة... وبعدين إلاّ تفتح ليك بورد تاني |
مع الهلال لا حاجة لفتح بوست جديد يا العوض
مع أمنياتنا لكم لو فضلت فيها طريقة
| |
|
|
|
|
|
|
|
|
|
Re: مسـيرة .. المريـخ والهـلال في الكونفدرالية والأبطال (Re: ثابت محمد)
|
Quote: بناءً على التوقعات أعلاه
سيجمع الهلال ( 6 ) نقاط أو ( 9 ) نقاط على أحسن تقدير
سيجمع المريخ ( 9 ) نقاط أو ( 12 ) نقطة على أحسن تقدير |
هذا ما كتبناه وتوقعناه في صدر البوست
قلنا الهلال بين ستة وتسع نقاط ( تسعة دي أحسن تقدير )
.
.
.
هل تعدى فريق الهلال السقف المرسوم له ؟؟
ربما يفعلها المريخ .. فالمريخ صانع المعجزات
| |
|
|
|
|
|
|
|
|
|
Re: مسـيرة .. المريـخ والهـلال في الكونفدرالية والأبطال (Re: ثابت محمد)
|
هاردلك للهلال..
نعترف كان الأداء ضعيفا وكان حضور الهلال عموماً باهتاً في الملعب.. وكثرت الأخطاء.. لذلك جاءت النتيجة بقدر ما قدموا ..
مخيبة للآمال العريضة.
المباريات الجاية أصعب.. والنصر فيها حيكون غالي... لذلك لا بد من مراجعة جادة لأداء الهلال من أجل أن يظهر بصورة أفضل.. ويتم معالجة نقاط الضعف والتركيز في مكامن القوة لإنتزاع النصر.
وفي النهاية نتمنى النصر للكرة السودانية.
| |
|
|
|
|
|
|
|
|
|
Re: مسـيرة .. المريـخ والهـلال في الكونفدرالية والأبطال (Re: Elawad Eltayeb)
|
Quote: هاردلك للهلال..
المباريات الجاية أصعب.. والنصر فيها حيكون غالي |
العوض الطيب
التحية والتقدير
نعم هاردلك الهلال نقولها معك
نؤمّن أن المباريات القادمة أصعب
تبقت للهلال مباراتان الأهلي في الخرطوم والترجي في تونس
إن أراد أن يضمن التأهل عليه كسب أربع نقاط ليضمن تماماً
وأراها مهمة صعبة للغاية
مع تمنياتنا بالتوفيق للهلال
| |
|
|
|
|
|
|
|
|
|
Re: مسـيرة .. المريـخ والهـلال في الكونفدرالية والأبطال (Re: ثابت محمد)
|
Quote: سيجمع الهلال ( 6 ) نقاط أو ( 9 ) نقاط على أحسن تقدير
سيجمع المريخ ( 9 ) نقاط أو ( 12 ) نقطة على أحسن تقدير |
حتى الآن لن يستطيع الهلال كسب أكثر من ماهو متوقع بعاليه
غداً سيسطع نجم السعد في ديار كوارا
أتوقع أن يقلب المريخ طاولة توقعاتي .. ويفوز
لا أعتقد ان الزعيم بقيادة العجب وقلق وسفاري سيكتفي بالتعادل
وغداً لناظره قريب
| |
|
|
|
|
|
|
|
|
|
Re: مسـيرة .. المريـخ والهـلال في الكونفدرالية والأبطال (Re: ثابت محمد)
|
تسع ساعاتٍ فقط وتبدأ معركة المريخ في الورين بنيجيريا
تقام المباراة في الخامسة عصراً بتوقيت السودان
ستنقل المباراة على قناة ( ART ) الرياضية الأولي
هناك إحتمال بعدم نقلها نسبة لقطوعات الكهرباء المستمرة بالملعب
أتوقع ان يفعلها المريخ العظيم اليوم
إن فاز المريخ فسيلعب نهائي البطولة
قلوبنا وأرواحنا مع المريخ
| |
|
|
|
|
|
|
|
|
|
Re: مسـيرة .. المريـخ والهـلال في الكونفدرالية والأبطال (Re: ثابت محمد)
|
| Quote: وأنا الساعة عشرة ( بغتس ) حجرك |
اثبت يا ثابت ..
حسع مالك عايز تغتس لي حجري .. ومالك متحسس ..
انا كل العملتو كنت حايم بي هناك في الصفحة التانية .. قمت لقيت البوست ده قدامي .. وقمت جبتو هنا دا ..
نانو لقتيك إنت وفرانكلي نسيتوهو ..
انا قلت طالما الناس نست الناس .. احسن حاجة نمعمل ليهم فرش متاع..
يا مثبت قلوب العباد يا الله ..
Up
| |
|
|
|
|
|
|
|
|
|
Re: مسـيرة .. المريـخ والهـلال في الكونفدرالية والأبطال (Re: ثابت محمد)
|
| Quote: انا كل العملتو كنت حايم بي هناك في الصفحة التانية .. قمت لقيت البوست ده قدامي .. وقمت جبتو هنا دا |
تمبسكو
لو أنا صدقتك .. إنت بتصدق روحك ؟؟
البطبطة ما بتحلك
نحن أتغلبنا ولسه أملنا كبييير
الخوف عليكم إنتو .. إنت عارف حتى ( لو ) إنتصرتو برضو أملكم ضعيف ؟؟
بالمناسبة
قلنا ليك يد الفنيلة بتاعتك دي غير ألوانها ما تجيك كاروشة
المريخ ده أصلو بكرش أصحاب الصفر الدولي
| |
|
|
|
|
|
|
|
|
 Re: مسـيرة .. المريـخ والهـلال في الكونفدرالية والأبطال (Re: ثابت محمد)
|
Quote: نحن أتغلبنا ولسه أملنا كبييير
الخوف عليكم إنتو .. إنت عارف حتى ( لو ) إنتصرتو برضو أملكم ضعيف ؟؟
|
يا زول حسع الجاب سيرة البحر منــو ..؟
قلت لي لسه ( املكم ) كبير ( واملنا) مالو ..؟
طيب الأمل عطبرة كيف معاك ..؟؟
عليك الله عيب لي الأمل عطبرة ده ..
أقول ليك حاجة ..?!!
( أمل عرفة ) كيف معاك...؟
| Quote: المريخ ده أصلو بكرش أصحاب الصفر الدولي |
فتحت ليك كابنية اتصالات من وراي والا شنــو يا ثابت ..؟
Up
| |
|
|
|
|
|
|
|
|
|
Re: مسـيرة .. المريـخ والهـلال في الكونفدرالية والأبطال (Re: ثابت محمد)
|
ثابت
سلام
اضاع المريخ فوز هو اهل له
وخسر ثلاث نقاط ذهبية كانت فى متناول يده
خيرها فى غيرها ونتمى له الفوز فى جميع المباريات المتبقية
اما الهلال اليوم اتوقع له التعادل السلبى
وبرضو توقعى صابى فى توقعاتك التى لم تخب الى الان
حقو نديك لقب نستراداموس البورد
ولا ناجلو الى اكتمال التوقعات
| |
|
|
|
|
|
|
|
|
 Re: مسـيرة .. المريـخ والهـلال في الكونفدرالية والأبطال (Re: ثابت محمد)
|
| Quote: تمبس يا حبيبنا بطّل الحنك البيش |
الله يسالك ( ابيش ) من حنكك ده في ..؟
البوست ده بالذات انا القدامك ده ( بدوعلو ) ليك للضحية .. ( توثيق ) بس بجيهو ليك ..
نــانو من امس قلت عديل كدا .. بتغتس حجري ..
اهــا احسن ليك تزوغ عديل .. من البتعمل فيهو ده ..
حالتك بقت تحنن ..
اقول ليك حاجة ؟:
أعمل فيها رايح .. زي فرانكلي .. فرانكلي عامل فيها رايح من امس ..
اهــا حسع لميت فيك الرشاشات ساكت .. عليك الله استفدت شنــو ..؟
يا خراااابي
Up
| |
|
|
|
|
|
|
|
|
|
Re: مسـيرة .. المريـخ والهـلال في الكونفدرالية والأبطال (Re: tmbis)
|
Quote: توقعات وإحتمالات مبدئية
الذهاب
الهلال X الأهلي .. القاهرة .. فوز الأهلي أو فوز الأهلي
الهلال X الترجي .. تونس .. فوز الترجي أو التعادل
الهلال X أسيك .. ساحل العاج .. فوز أسيك أو فوز أسيك
الإياب
الهلال X الأهلي .. الخرطوم .. فوز الأهلي أو التعادل
الهلال X الترجي .. الخرطوم .. فوز الهلال أو التعادل
الهلال X أسيك .. الخرطوم .. فوز الهلال أو التعادل |
Quote: الإياب
الهلال X الأهلي .. الخرطوم .. فوز الأهلي أو التعادل |
قلنا ندي الموضوع رفعة... واحد اثنين ثلاثة.. هوب
عفيت منك يا الهلال.. البيان بالعمل.. لعباً ونتيجةً.. غلبوا الأهلي المصري 3/صفر للما عارف
وأهو يا ثابت توقعات مرة تصيب ومرة تخيب
لكن جمال الهلال إنو بيعمل المستحيل وبيحقق الغير متوقع بطريقة مدهشة وإلاّ ما كان هلال.
| |
|
|
|
|
|
|
|
|
|
Re: مسـيرة .. المريـخ والهـلال في الكونفدرالية والأبطال (Re: Elawad Eltayeb)
|
Quote: توقعات وإحتمالات مبدئية
الذهاب
الهلال X الأهلي .. القاهرة .. فوز الأهلي أو فوز الأهلي
الهلال X الترجي .. تونس .. فوز الترجي أو التعادل
الهلال X أسيك .. ساحل العاج .. فوز أسيك أو فوز أسيك
الإياب
الهلال X الأهلي .. الخرطوم .. فوز الأهلي أو التعادل
الهلال X الترجي .. الخرطوم .. فوز الهلال أو التعادل
الهلال X أسيك .. الخرطوم .. فوز الهلال أو التعادل |
العوض سلااام
إنتهى دور الثمانية
بالله كم مرة خابت توقعاتنا ؟؟
والله حتى الخاب ده عندنا فيهو شك ؟؟ عارف ليييه ؟؟
مودتي
| |
|
|
|
|
|
|
|
|
|
Re: مسـيرة .. المريـخ والهـلال في الكونفدرالية والأبطال (Re: ثابت محمد)
|
Quote: اهــا يا هريدي ..ناس كوارا ديل ..
ح تجيبو ليهم زهــور برضك .. وحمام رقاص وجداد وادي ..
والا ح تجيبو ليهم اقاشي ..؟ |
تمبسكو
هزمناه بأربعة
أربعة لم يخالطها تابوت ولا نعش
أربعة لم يخالطها إرهاب ولا هراوات ولا كلاب بوليسية
أربعة بتوقيع مجاهد القدال وعبدالحميد الطيار وسفاري السم الهاري وساحر السامبا باولينو
أربعة فن وجمال وسلام وأناقة .. ولا للعنف
أربعة ولم يرقص أحد لاعبي المريخ أمام لاعب من كوارا بعد نهاية المباراة
هكذا هي الصفوة
والفرح قداااام
| |
|
|
|
|
|
|
| |
ثابت محمد
ALGARADABI
خالد عبد الله محمود
abuguta
شهاب الفاتح عثمان
أبوالزفت
محمد عادل
Habib_bldo
Ahmed Mohammed Osman
tmbis
khaleel
شول اشوانق دينق
Elawad Eltayeb
Frankly
نيازي عبدالله مرحوم احمد
محمد البشرى الخضر
فيس بوك
تويتر
انستقرام
يوتيوب
بنتيريست