|
|
|
يُعجـبني ولا يُعجـبني في ( الدنيـا أم قُـدود )
|
|
 Re: يُعجـبني ولا يُعجـبني في ( الدنيـا أم قُـدود ) (Re: وفاء تاج الدين)
|
وفــاء شــكراً على المرور الجميل
إنتي عارفة ؟؟
الدنيا دي فيها لحظــات حلوة شديد
تخيلي أنك تكون راقد في سريرك في حوش واسع
وجيرانك ( البعيديييين ) عندهم عرس
يقوم شنو .. الهـواء يجيب ليك ريحة الحنة والضريرة والجرتق
بعد شوية تسمع أم العريس تغني ليهو
الليل ليل العديل والزين
يقوم الهواء يقطع منك الصوت
بي سرعة تلبس وتشوف ليك شبشب وتتخارج صوب السعادة
تلقى الناس متلمة وريحة البخور والصغير شايل الكبير
يااااااه والله لحظات مبااالغة
وبرجع
| |
 
|
|
|
|
|Articles
|News
|مقالات
|بيانات
|
|
|
|
|
|
Re: يُعجـبني ولا يُعجـبني في ( الدنيـا أم قُـدود ) (Re: ثابت محمد)
|
شـكرا اخـي علي ترحـيبك الجمـيل ..لن أجـد اجمل مـن مكان مبتسـم لأقـول مـا أود ان أقـول ,,
أشـتاق الي
صـعـود صـخرات جـبل البركـل..ثـم الوقوف علي قمته انظـر لأهلي يجـلسـون أسفله رافعـون رؤوسـهم ينظـرون لي وهم يضـحكـون..ثـم انظـر شـمالي فأري كـريـمة ..وبعـدها انظـر امـامي فأري النيل..يفرح قلبي واصـفق لنفسي!
اشتاق لنزولي علي رمال جـبل البركـل من الطـرف الآخـر عي طـريقة 'التزحـلق علي الجـليـد'
مـني عـوض خـوجـلي
| |
|
|
|
|
|
|Articles
|News
|مقالات
|بيانات
|
|
|
|
|
|
Re: يُعجـبني ولا يُعجـبني في ( الدنيـا أم قُـدود ) (Re: ثابت محمد)
|
صـباحـك خـير اخي ثابت..ضـحكت عنـما قـرأت تعليقك ..أمي واخـوتي يقـولـون نفس الشـئ!
أشـتاق لأن أعيش في بيت مـن طـين..له شـبابيك خشـبية صـغيرة غـير منتظمة الزوايا..تدخـل الشـمس مـن شـقوقه القـديـمة في الصـباح الباكـر..
وفي الظـهر أجـلس تحت شـجرة النيم الكبيرة فيه..وفي العصـرية ترفـرف الملايات النظـيفة الباهتة الوانها مـن القـدم والمفروشـة علي عناقريبه
في رقـة ثم مسـاءا وليلا انام فـوق تلك العناقريب وانـا اسـرح فيما يهم وفيـا لايهم!
مـني
| |
|
|
|
|
|
|Articles
|News
|مقالات
|بيانات
|
|
|
|
|
|
Re: يُعجـبني ولا يُعجـبني في ( الدنيـا أم قُـدود ) (Re: ثابت محمد)
|
أختي منى
تحياتي
قلت
| Quote: أشـتاق لأن أعيش في بيت مـن طـين..له شـبابيك خشـبية صـغيرة غـير منتظمة الزوايا..تدخـل الشـمس مـن شـقوقه القـديـمة في الصـباح الباكـر.. |
قلنا ومالو حاجة ظريفة
عدت ثانية لتقولين
| Quote: ولا اشـتاق الي ان تتسرب المـدنية لجـدران الحيط الطـينية فتلون جـدرانه بالجـير الأبيض أو أي لـون آخـر! |
تقول ليك وبعديـــــن معاك ؟؟
يعني نحن ما نشتغل ولا شنو ؟؟
| |
|
|
|
|
|
|Articles
|News
|مقالات
|بيانات
|
|
|
|
|
|
Re: يُعجـبني ولا يُعجـبني في ( الدنيـا أم قُـدود ) (Re: عاطف عمر)
|
طـيب ياعاطـف أخـوي..أنـا هأحليك تـواصـل شـغلك ..بس شـوف اناالليلة
مشـتاقـة لشـنو!
أمشي في زراعـة الزومـة..وسط نخيلها وارضـها الطـينية ..ومـن بعيـد شـوية اشـوف حمـار حبـوبة سـعيـدة ..قـايـداة بت بتها فـاطـنة ..
اسـمع خالي عبـد الحـفيظ يناديها ويسـألها..
أمـك سـعيدة مالها مـاجات نضـفت محلات الشـتلات دي?
اشـيل انـا حتة طـين بحـر..اختها في لسـاني..واقبـل للجـدول اغـرف بايـديني منـو مـوية واشـربها.. وفـجـأة.. اتشنكـل واقـع في طـرف الجـدول..اتملي طـين أضـحك وتضـحـك سـهام لكـن فاطـنة تضـحك اكـثر!
مـني
| |
|
|
|
|
|
|Articles
|News
|مقالات
|بيانات
|
|
|
|
|
|
Re: يُعجـبني ولا يُعجـبني في ( الدنيـا أم قُـدود ) (Re: ثابت محمد)
|
الحمـد لله رجـعت لينـا ولمسـاحات مـن الحكـم 'wisdoms' والذكـريات الجميـلة..
أشـتاق لأن أذهـب 'لأبـو شـقرا' محـل الكباب الشـهير العريـق في شـارع القصـر العيني في القـاهـرة..
ووسط السلطـات التي يفوق عـددها الخمسـة والعيش البلـدي السـخن تأتي طلباتي الكبابية مـن الكفتة واللحمـة..
ثـم انظـر للطـاولات الأخـري فـأري رجـال ونسـاء مـن الفلاحـين والصـعايـدة 'المنتشـرين عـرضـا' يرتـدون جـلاليب واسـعة تمكـن بطونهم المنتخفـة مـن الإرتياح والاسـترخـاء..تتراجـع أكـمامهم الواسـعةالي أعلي وأذرعتهم البيضـاء السـمينة تقطـع الحمـام المحشـي والفراخ المشـوية وفخـذة الحمـل في شـوق الجـائع .. فتسـمع الأم تقـول لأطـفالهافي صـوت مصـر..
كـلو يا عيـال.. دا انتو مكـالتوش مـن الضـهر..يكـرر الأب نفس الحـديث وشـنبه العريض يلمـع مـن أثر الدهـون..وكـذلك تفعـل عيـونه مـن الفرح بالأكـل!
مـني
| |
|
|
|
|
|
|Articles
|News
|مقالات
|بيانات
|
|
|
|
|
|
Re: يُعجـبني ولا يُعجـبني في ( الدنيـا أم قُـدود ) (Re: ثابت محمد)
|
Quote: أشــتاق أن
أكون فى ( الديوان مع أصحابي ) وبعـد الغـداء
الدنيا خريف والجو مغيّـم
تشم ريحـة النعناع وتسمع كشكة الكبابي |
ثـم يـأتي مبخـر كـبير هادئة جمـراته وبخـور تيمـان معلنـا وصـول الجبنة الممسحـة بالصـندلية او الزيت ذات الهبهان والجـنزبيل ..والفنـاجـين البيضـاء ذات النجـوم الفضـية الصـغيرة مبـرة بالمسـتكة..فنسـمع اصـواتكـم المستمتعـة بالجلسة مـن الطـرف الآخـر مـن المـنزل فنضـحك ونـن نشـرب جـبنتنا مـع سـكينة ورضـا!
مـالها الحياة تبـدوا بسـيطـة وجميـلة?
شكرا اخي ثـابت
مـني
| |
|
|
|
|
|
|Articles
|News
|مقالات
|بيانات
|
|
|
|
|
|
Re: يُعجـبني ولا يُعجـبني في ( الدنيـا أم قُـدود ) (Re: Muna Khugali)
|
| Quote: مـالها الحياة تبـدوا بسـيطـة وجميـلة? |
لأنّ الجمــال يعشـق تلك البساطة
بس سؤال ... ممكن ؟؟
هسي المسـتكة والصندلية ممسحة بيهن الجّبنة ولا حروفك ديل يا مُنـي ؟؟
يُعــجبني
شــاي الصباح في القـرية
تشرب في بيتكم وبيت خالتك وعمتك وجارك وإنت ماااشي لحد الشبع
ولاتفرق بينهم .. الشاي البطلع أول تشرب منو
هــذه هي البساطة يا بت خُــوجلي
وهذا هو الجمال والحياة الممتعـة
| |
|
|
|
|
|
|Articles
|News
|مقالات
|بيانات
|
|
|
|
|
|
Re: يُعجـبني ولا يُعجـبني في ( الدنيـا أم قُـدود ) (Re: ثابت محمد)
|
اهلا خالتي
لا لا الضحكه الرقيقه دي (هههه) بتاعت الانيقه تماضر..الحكمه امكن تقولي تبعنا
بعدين هي قالت الناس الكان بتكتب ليها وهي مافي ( وانا كنت واحد منهم)
زي الكانو بكاووها كده لوول..يعني كناعاملنها زي القاعده.. عارفنها
بتااوق.. موية النيل عمرها ما زي ايو ميه..
فقر ابونا و خدمة النبرو ( دي كده ساااي بس)
...........
يعجبني الابداع في بلادي
لا تعجبني لحد (الكجنه) هاشميتنا و مجاملتنا الزائده.
| |
|
|
|
|
|
|Articles
|News
|مقالات
|بيانات
|
|
|
|
|
|
Re: يُعجـبني ولا يُعجـبني في ( الدنيـا أم قُـدود ) (Re: saadeldin abdelrahman)
|
أشـتاق لأيـام زمـان.. والإسـتعـداد للذهـاب للمـدرسـة بعـد أجـازة أربعـة أشـهر!
ويكـون ذلك دائمـا يـوم سـبت في أول شـهر يـوليـو مـن كـل سـنة..
في اسـكـيرت رمـادي وكـرافـتة رمـادي علي قميص أبيض .. ثـم حـذاء أبيض 'كـاوتش' مـع شـراب أبيض..أذهـب للمـدرسـة مـع والـدي أو ببص المـدرسـة...
والشـوق لأول يوم يكـون دائمـا قـوي بسـبب التلاقـي مـع زمـلاء وزميلات الدراسـة وبسـبب المـلابس الجـديـدة..
مـني
| |
|
|
|
|
|
|Articles
|News
|مقالات
|بيانات
|
|
|
|
|
|
Re: يُعجـبني ولا يُعجـبني في ( الدنيـا أم قُـدود ) (Re: saadeldin abdelrahman)
|
أشـتاق لذكـريات الحب الأول المجـنونـة والـوان 'فـسـاتيني التي فـرحـت به'.. تـذكـرت منظـرهـا وهي تتكـوم علي السـرير بجـانب شـماعاتهـاوحـيرتي في مـاذا ألبس.. فهـذا رآني فيـه مـن قبـل.... يجـب ان أظـهر جميـلة ومختلفـة... وهـذا لا يناسب لـون حـذائي الذي أحـب ان ارتـدي اليـوم..ثم تطول وقفـتي أمـام المرآة..هـل أترك شـعري منسابا..ولا اربطـه ديل حصـان .. لكـن اذا لبست البلوزة والاسكـيرت يبقي لازم الم شـعري ..و... و...
مـني
| |
|
|
|
|
|
|Articles
|News
|مقالات
|بيانات
|
|
|
|
|
|
Re: يُعجـبني ولا يُعجـبني في ( الدنيـا أم قُـدود ) (Re: Muna Khugali)
|
يعجني الرجل المتواضع والقوي الذي يعرف كيف يوظف قوته.
لا يعجبني الرجل المغرور الأجوف المتقلب المزاج والهوى يوماً متدين ويوماً غير ذلك
يوما صوفي المزاج ويوماً متزمت ويوماً لا هذا ولا ذاك
لا يعجبني الرجل المغرور المتوهم لأسياء لا يملكها
لا يعجبني الرجل المستهر بالقيم ويتمشدق بها
لا يعجبني الرجل الذي ينطبق عله المثل"الطول طول النخلة والعقل عقل السخلة".
تحياتي لثابت ومنى ودمتم بخير
سلام من الله عليكم.
| |
|
|
|
|
|
|Articles
|News
|مقالات
|بيانات
|
|
|
| |
ثابت محمد
وفاء تاج الدين
Muna Khugali
Adil Osman
garjah
عاطف عمر
saadeldin abdelrahman
Ahmed Abdallah
القلب النابض
انستقرام
يوتيوب
بنتيريست