وجاءت سَكْرَةُ ما كُنتُم منه تَحِيدُون! بقلم فتحي الضَّو
كامل إدريس لن يصبح جزولي انتفاضتنا القادمة بقلم كمال الهِدي
منبر التجانى الطيب للحوار بواشنطن يقيم ندوة بعنوان الازمة السودانية و افاق التغيير يتحدث فيها على الكنين
بيان من نصرالدين المهدي نائب رئيس الجبهة الثورية بخصوص اعلان قوات الدعم السريع بطلب مجندين
سقف العصيان ، زوال النظام ..هكذا يقول فقه الثورات !
منتديات سودانيزاونلاين    تحديث الصفحة    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest [دخول]
اخر زيارك لك: 12-05-2016, 08:37 AM الصفحة الرئيسية

مكتبة حيدر حسن ميرغني(حيدر حسن ميرغني)
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »

محسن خالد يحلق عاليا مع إبن بطوطة في لندن

12-19-2010, 04:13 AM

حيدر حسن ميرغني
<aحيدر حسن ميرغني
تاريخ التسجيل: 04-19-2005
مجموع المشاركات: 18370

للتواصل معنا

FaceBook
تويتر Twitter
YouTube

كيف احذف مداخلة من بوستى
محسن خالد يحلق عاليا مع إبن بطوطة في لندن

    21qpt83.jpg Hosting at Sudaneseonline.com

    محسن يتوسط الشاعر السوري نوري الجراح المشرف على المركز , الرحالة البريطاني ماكنتوش سميث , ملكة آل شريم. مديرة العلاقات العامة في 'الحي الثقافي' بقطر , الناقد الدكتور خلدون الشمعة , الناقد حسام الدين محمد

    85 باحثا في مؤتمر دولي بالدوحة عن ابن بطوطة والرحالة العرب
    كشف عنه مؤتمر صحافي بلندن حضره رحالة بريطاني وعدد من المشاركين:
    ندن ـ 'القدس العربي': في مؤتمر صحافي عقد في فندق لانكاستر في وسط العاصمة البريطانية لندن وحضره ممثلون عن الجهتين الراعيتين والصحافة العربية والاجنبية وعدد من المشاركين اعلن 'المركز العربي للادب الجغرافي (ارتياد الآفاق) و'الحي الثقافي- كاتارا' في قطر عن مؤتمر دولي الشهر القادم بالعاصمة القطرية، يجمع لأول مرة مترجمي الرحالة العربي الأشهر ابن بطوطة، ويلقي أضواء على إنجاز الرحالة العرب خلال ألف عام، ويشارك فيه اكثر من 85 باحثا من العرب والأجانب المهتمين بأدب الرحلة.

    ويشارك في مؤتمر (العرب بين البحر والصحراء) وهو عمليا المؤتمر السادس الذي يعقده المركز العربي للادب الجغرافي منذ أن تأسس قبل عقد من الزمن، باحثون عرب وأجانب من الهند وإيران وتركيا وماليزيا وإندونيسيا وإيطاليا وإسبانيا وفرنسا وبريطانيا واليابان وألمانيا وجنوب افريقيا وكينيا والصين.

    بدأ الشاعر السوري نوري الجراح المشرف على المركز ومؤتمره السنوي، المؤتمر الصحافي بشكر خاص للمشاركين ونقل تحيات محمد احمد السويدي راعي المركز لجميع الحضور، وبدأ بالترحيب بالرحالة البريطاني تيم ماكنتوش سميث، الذي طاف العالم على خطى ابن بطوطة، الذي يقيم في صنعاء منذ اكثر من 20 عاما، وكذلك رحب بالباحث والموسيقي العراقي سلطان الخطيب. وقدم للحضور بعض المشاركين بالمؤتمر ونوه بجهود كل من عمل حتى الآن في لندن وابوظبي والدوحة لجعل أول مؤتمر من نوعه في الجزيرة العربية، خلال عقود، أمرا ممكنا.. لاسيما المسؤولون في 'الحي الثقافي' في الدوحة الذين استضافوا المؤتمر بحماسة عالية، ووعي كبير بالأهمية الاستثنائية لأدب الرحلة، بوصفه جسرا بين الشرق والغرب وبين العرب والعالم.

    وأشار الجراح في كلمته إلى الدورات الخمس السابقة للمؤتمر، التي عقدت في كل من المغرب، الجزائر والخرطوم. وجاء بأمثلة على الآثار الكبيرة التي تركتها تلك الدورات على ميدان البحث التاريخي والأدبي في تلك البلاد.
    من ناحيته قال الرحالة البريطاني ماكنتوش سميث الذي حضر المؤتمر الصحافي، بعربية جميلة انه يفخر باتباعه آثار الرحالة العربي الأشهر ابن بطوطة، وعبر عن رغبته في تأسيس ادب رحلات انساني لا يعترف بالحدود الجغرافية والثقافية، بل يفتش عن الجامع الانساني. من جهتها قالت ملكة آل شريم، مديرة العلاقات العامة في 'الحي الثقافي' بقطر عن سبب اختيار المؤسسة لاسم 'كتارا' الذي يربط بين احد الاسماء القديمة لقطر الذي استخدمه بطليموس وبين تأسيس الدولة القطرية الحديثة، كما تحدثت عن النشاطات العديدة التي قام الحي الثقافي في قطر بانشائها، ونوهت بالتعاون مع المركز العربي للادب الجغرافي.

    الناقد الدكتور خلدون الشمعة تحدث عن مشاركته في الندوة القادمة من خلال بحثه عن رغبة العرب في التحديث وخوفهم من الغربنة، وفي العلاقة الجدلية بين هاتين القضيتين. كما تحدث الناقد حسام الدين محمد عن ورقته البحثية المقدمة والتي تتناول كتب ثلاثة من ادباء الرحلة العرب، خليل النعيمي، خالد النجار ومحمد الحارثي، مشيرا الى نقاط الافتراق واللقاء بين اعمالهم، وعن كون رحلاتهم تشكل نوعا من الدائرة الطامحة للاكتمال في عودتها الى طفولة وفردوس مفقودين.

    واخيرا تحدث الباحث السوداني محسن خالد الذي اشار الى كتاب تاريخي مهم عن مملكة دارفور واهميته في فهم التاريخ الحالي للسودان .هذا ويفتتح المؤتمر في السادس من كانون الأول (ديسمبر) ويستمر حتى العاشر منه، و'يرصد الأدوار الثقافية والحضارية للعرب والمسلمين في علاقتهم بجوارهم الشرقي وبالآخر الغربي، من خلال نصوص أدب الرحلة ورؤى الرحالة وكتابات الجغرافيين والبلدانيين العرب والمسلمين' خلال جلسات تستمر أربعة أيام.

    ويسلط المؤتمر الضوء على مضيق هرمز والشواطئ العربية والآسيوية والافريقية والرحلات عبرها والغزوات البرتغالية والهولندية والبريطانية للمنطقة وانعكاس الوجود العثماني في نصوص السفر ودور العرب في تاريخ العلوم البحرية والفلكية وريادتهم في التأسيس لعلم الجغرافيا ولأدب الرحلة ودور رحلات الحج في نقل العلوم والمعارف والأفكار الجديدة.

    وتشمل البحوث أيضا العلاقات الثقافية والسياسية والاقتصادية بين العرب وكل من الصين والهند وفارس وتركيا وافريقيا وأوروبا، كما يشهد المؤتمر 'للمرة الأولى لقاء يضم عددا من مترجمي رحلة ابن بطوطة إلى لغات أوروبية وآسيوية مختلفة.. سيقدمون شهادات حول تجاربهم في نقل الرحلة إلى لغاتهم'، إذ ترجمت رحلات ابن بطوطة إلى نحو 50 لغة.

    والمركز العربي للأدب الجغرافي - ارتياد الآفاق الذي يرعاه الشاعر الإماراتي محمد أحمد السويدي ينظم سنويا ندوة عن أدب الرحلة في بلد عربي أو أجنبي. واستضافت الندوة في السنوات الماضية عواصم منها الرباط والخرطوم والجزائر.

    ومن محاور المؤتمر (التواصل التجاري والدبلوماسي والثقافي بين العرب والشرق الأقصى من خلال نصوص الجغرافيين والرحالة والتجار والعلماء القدامى والمحدثين) و(دور الحج إلى مكة والمدينة وبيت المقدس ورحلاته في نقل العلوم والمعارف والأفكار الجديدة بين أطراف آسيا وبين آسيا وافريقيا) و(نظرة العرب إلى أوروبا وانطباعات النخب العربية المثقفة عن أوروبا من خلال نصوص المندوبين والعلماء والرحالة وأدباء الشرق إلى الغرب) و(تأملات ونظرات وأفكار في ملامح ومعالم القارة الأمريكية من خلال الرحالة والمندوبين والمغامرين العرب مشرقا ومغربا) و (البحرية العربية وعلاقتها بالبحريات التجارية والعسكرية الأوروبية والآسيوية) و(الهجرات العربية الجنوبية من اليمن وعمان ودورها في التطور الثقافي والحضاري لجنوب شرق آسيا).

    وقال الجراح، لوسائل الاعلام، إن المؤتمر يغطي ملامح من الرحلة المعاصرة واهتمامات الرحالة المعاصرين، من خلال شهادات وأفكار وأبحاث حول نصوص الرحلة المعاصرة 'بوصفها تقارير صحافية وتجارب ومغامرات إبداعية'، كما يتضمن أمسيات أدبية يقدم فيها رحالة معاصرون جانبا من تجاربهم وشهاداتهم.

    وأضاف أن المؤتمر سترافقه ثلاثة معارض تضم مئات الصور والخرائط والكتب، هي (الرحلة العربية في ألف عام) ويضم الكتب التي أصدرها المركز العربي للأدب الجغرافي طوال عشر سنوات في مجالات تحقيق المخطوطات والدراسات في أدب الرحلة والرحلة المعاصرة والرحلة الصحافية واليوميات. ويقام المعرض الثاني تحت عنوان (الريح تكتب.. شعرية الصحراء) في حين يحمل الثالث عنوان (على خطى الرحالة العرب.. من فاس إلى أصفهان) ويضم صورا للطرق التي سلكها الرحالة العرب من المحيط الأطلسي في أقصى الغرب إلى بلاد فارس مرورا بالجزائر والسودان وتونس وليبيا ومصر وشبه الجزيرة العربية والشام.

    ويشهد المؤتمر عرض أفلام وثائقية على خطى ابن بطوطة وغيره من أعلام الرحالة العرب إضافة إلى تكريم 13 فائزا بالدورة السابعة لجوائز ابن بطوطة للأدب الجغرافي وحفلات توقيع للكتب الفائزة


    http://www.alquds.co.uk/index.asp?fname=today\21qpt83.htm&arc=data\2010\11\11-21\21qpt83.htm
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

12-19-2010, 07:44 AM

بله محمد الفاضل
<aبله محمد الفاضل
تاريخ التسجيل: 11-27-2007
مجموع المشاركات: 7984

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: محسن خالد يحلق عاليا مع إبن بطوطة في لندن (Re: حيدر حسن ميرغني)

    "ويشارك في مؤتمر (العرب بين البحر والصحراء) وهو عمليا المؤتمر السادس الذي يعقده المركز العربي للادب الجغرافي منذ أن تأسس قبل عقد من الزمن، باحثون عرب وأجانب من الهند وإيران وتركيا وماليزيا وإندونيسيا وإيطاليا وإسبانيا وفرنسا وبريطانيا واليابان وألمانيا وجنوب افريقيا وكينيا والصين."

    ملاحظة أن اسم السودان لم يذكر ضمن المشاركين


    كذلك لم أعرف كيف ستكون مشاركة صاحبنا محسن خالد
    هل سيقدم بحثاً أو ورقة ضمن أحد المحاور المطروحة
    أم ماذا...




    إنا لنرجو توضيح الأمر
    ولنرجو أيضاً في الوقت عينه
    لمحسننا المجنون
    التحليق الدائم
    وهو أهلاً له



    شكراً حيدر على هذا النقل المفرح
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

12-19-2010, 07:59 AM

حيدر حسن ميرغني
<aحيدر حسن ميرغني
تاريخ التسجيل: 04-19-2005
مجموع المشاركات: 18370

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: محسن خالد يحلق عاليا مع إبن بطوطة في لندن (Re: حيدر حسن ميرغني)

    إطلعت مؤخرا على مقدمة رصينة كتبها اديبنا محسن خالد لمختارات شعرية للشاعر نوري الجراح صدرت بالجزائر بعنوان "ابتسامة النائم" وسرني أنه اختار نصوصها
    في إعتقادي كتابة المقدمة لعمل أدبي ليس بالأمر "الساهل" لانها قد تحييه اكثر او تقتله.
    محسن جعل من مقدمته للمختارات عنصر شد وجذب للقارئ بإسلوبه الرشيق حيث كتب :


    أنّ هذا شاعر يكتب على نهر هارب، كل قراءة لشعره تأتي بجديد، فنصه حي لا تميته قراءة ولا تأتي عليه قراءة، فنوري الجراح شاعر يأتي من المستقبل، فهل يمكن قراءة شعر ينتمي بجمالياته إلى مفاجآت المستقبل، أكثر مما ينتمي إلى انكشافات الحاضر بأدوات نقدية لذائقة كسلتْ واستنامت وتقادمت مباهجها الجمالية وما تزال توصف بأنها حديثة ؟

    أستهل هذه الكلمة بالأسئلة وأدرج مع الأسئلة، فشعر صاحب هذه المختارات يفتح النوافذ على شتى الأسئلة، لكونه شعراً تشتبك لغته في بنايتها وعناصرها وأخيلتها، مع أصوات الأسطورة والسرد والشذرات النثرية وإيماضات التاريخ والخيالات الجماعية، والانفعالات الوجدانية، وتتداخل فيه الأزمنة، وتتعدد مصادره الثقافية بين شرقي وغربي؛ وهو شعر يحمل آثاراً وندوباً عميقة تركتها فيه التجارب المؤلمة لعصر مضطرب، وقد أكسبته هواءات السفر في العالم شرقاً وغرباً وخبراته الجمة ملامح إنسانية لا شبهة في فرادتها؛ فهل يمكن لشعر كهذا تتداخل فيه أصوات الشاعر وتحولاته الفردية بأصوات التجربة الملحمية لجيل كامل من الشعراء العرب المنفيين في انفتاح تجاربهم على تجارب شعراء العالم، هل يمكن لمثل هذا الشعر أن يقرأ بيسر، وتتجرع كأسه بحواس بريئة؟
    إن عمل الشاعر، كما تفصح التجربة، المجتمعة في هذه المختارات، لهو عمل -على ما يوحي به من طلاقة وعفوية وتدفق وتطرف - مركب ومعقد إلى أقصى الحدود، ومن سماته أنه عمل يتجاوز التقاليد الكتابية الحديثة كما قَرَّت في الشعرية العربية، إلى حيوية فياضة في ابتكار الصور والخيالات والمشاعر والحالات وشتى الفيوضات التي تؤسس لشعرية خلابة وبالغة الحداثة معاً.

    هذه المجموعة من المختارات الشعرية متصلة حقيقة بذائقة شخصية اختارتها لسبب جوهري، وهو أننا نفرد تجربة نوري الجراح الشعرية إفراداً يؤكد نفسه مع كل سطر من سطوره الشعرية المدهشة والمفاجئة في طاقتها المتطرفة والموضوعية معاً. إنه، كما يخيل إليّ، شعر يقد ذاته من مصهر أقوى من الشاعر نفسه. حتى لأكاد أقول إن العنصر الإلهامي في هذه التجربة له دور حاسم في خلق قصيدة تستطيع أن تستقل عن شاعرها بقوة عجيبة وتؤسس وجودها في عالم موضوعي.
    إن ما يلح علي هنا مع شعر نوري الجراح هو الرغبة في العودة إلى روز المصطلحات التي تتداخل لتصف عمل الشاعر أو تكون خلاصته، موضوع التشبيه والاستعارة والقناع والصورة والأخيولة، والمجاز.


    thakafi_993299561.jpg Hosting at Sudaneseonline.com


    http://www.al-fadjr.com/ar/culture/150348.html
    http://www.djazairess.com/alfadjr/150348
    __
    المقدمة دي حبيت ارفد بيها البوست احتفاءا بها وبصاحبها 

    (عدل بواسطة حيدر حسن ميرغني on 12-19-2010, 08:17 AM)

                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

12-19-2010, 09:53 AM

محسن خالد
<aمحسن خالد
تاريخ التسجيل: 01-06-2005
مجموع المشاركات: 3900

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: محسن خالد يحلق عاليا مع إبن بطوطة في لندن (Re: حيدر حسن ميرغني)

    يا حيدر العزيز والجميل، لك من الشكر أوفاه، ومن الثناء لُبّه ونخاعه، على هذا الصنيع في العلن، ودمتَ يا عزيزي.
    وأحب أشكرك كمان هنا في العام، على كلّ ما تنورني به في الخاص، ولولاك لبقيت جاهلاً بالكثير من حوادث الدنيا والكتابة وأخبارهما، ومما جميعه يعني.
    فياخي كتّر خيرك، وربنا يقدرنا على جزاك
    من اليمين نوري، ثم خلدون الشمعة*، ود البتولا، ماكنتوش، ملكة (طبعاً)، حسام.
    هسّع كان كتبت للجماعة (توجد صور) كان فررر جوك جارين.
    كن بألف خير يا صديقي في الغار، ويضحك نهارك.

    البلّه جيّاب الغلّة
    وينك يا شاب، مشتاقين وكدا
    ياخي السودان لم يذكر بعملٍ من ظروفي لا ظروفهم.
    ممكن تراجع كلامي ببوست الإمصاع ههه
    دي قعدة من أمس مغارب، لما الصباح حنكو انشق كَرْ، كان واحد من كتب السجم ديل يكمل، وما داير يكمل. فأخوك نعسان ما بقدر أونسك هسع
    كن بألف خير


    ---------
    قرأتُه أيام الثانوي، في كتابه النقدي "المنهج والمصطلح" من مكتبة عمر السنوسي. هذا ليس لقائي الأوّل به يا حيدر، ولا تدري مدى اندهاشه حينما ونّسته عن كتابه ذاك، الرجل نفسه لم يعد يذكره لووول.
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

12-19-2010, 12:54 PM

حيدر حسن ميرغني
<aحيدر حسن ميرغني
تاريخ التسجيل: 04-19-2005
مجموع المشاركات: 18370

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: محسن خالد يحلق عاليا مع إبن بطوطة في لندن (Re: محسن خالد)

    عزيزي محسن
    لا شكر على واجب
    كما اخبرتك كنت بصدد ابتدار هذا البوست قبل فترة لافاجئك به
    ياخي اخبار مشرفة كهذه لابد ان نحتفي بها ونعلي من شأنها
    (زول غيرك كان شدانا ببوست من شاكلة توجد صور)
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

12-19-2010, 06:27 PM

حيدر حسن ميرغني
<aحيدر حسن ميرغني
تاريخ التسجيل: 04-19-2005
مجموع المشاركات: 18370

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: محسن خالد يحلق عاليا مع إبن بطوطة في لندن (Re: حيدر حسن ميرغني)

    Quote: كذلك لم أعرف كيف ستكون مشاركة صاحبنا محسن خالد
    هل سيقدم بحثاً أو ورقة ضمن أحد المحاور المطروحة
    أم ماذا..


    شكرا بلة
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

12-19-2010, 06:46 PM

خضر حسين خليل
<aخضر حسين خليل
تاريخ التسجيل: 12-18-2003
مجموع المشاركات: 15081

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: محسن خالد يحلق عاليا مع إبن بطوطة في لندن (Re: حيدر حسن ميرغني)

    ياسلام عليك ياحيدر
    لي كم يوم بفكر وأقول يا ربي الزول الاسمو محسن ده غاطس وين
    محسن ده محل ما يرك يبردالحشا
    ليهو الاشواق وليك الامنيات
    ويامحسن مشتهي وحاتك ومنتظر كتابتك انت بالتحديد
    عن حاصل الحاصل
    فياخ رجاءاً تعال بسرعة

    مودتي لكما حيدر ومحسن
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

12-19-2010, 07:03 PM

Maha Bashir

تاريخ التسجيل: 11-26-2004
مجموع المشاركات: 814

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: محسن خالد يحلق عاليا مع إبن بطوطة في لندن (Re: خضر حسين خليل)

    تحياتي حيدر علي البوست
    يا محسن تحيايا و تهاني علي الكتاب
    يا محسن ياخي غير الجينز ها ها ها
    تحياتي زمودتي
    مها بشير
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

12-19-2010, 07:53 PM

حيدر حسن ميرغني
<aحيدر حسن ميرغني
تاريخ التسجيل: 04-19-2005
مجموع المشاركات: 18370

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: محسن خالد يحلق عاليا مع إبن بطوطة في لندن (Re: Maha Bashir)
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

12-19-2010, 09:03 PM

محسن خالد
<aمحسن خالد
تاريخ التسجيل: 01-06-2005
مجموع المشاركات: 3900

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: محسن خالد يحلق عاليا مع إبن بطوطة في لندن (Re: حيدر حسن ميرغني)

    يا خدوري مشتاقين بالحيل، يا راجل وينك؟
    أخوك مجهجه للرأس وما زال.
    {محسن ده محل ما يرك يبرد الحشا}، خضر.
    شكراً على الكلام السمح دا، أريتني أستحقو.
    كن بألف خير، وكتّر خيرك
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

12-19-2010, 09:26 PM

محمد قرشي عباس
<aمحمد قرشي عباس
تاريخ التسجيل: 03-19-2010
مجموع المشاركات: 3195

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: محسن خالد يحلق عاليا مع إبن بطوطة في لندن (Re: محسن خالد)

    Quote:
    واخيرا تحدث الباحث السوداني محسن خالد الذي اشار الى كتاب تاريخي مهم عن مملكة دارفور واهميته في فهم التاريخ الحالي للسودان


    أخيرا بعض الإنصاف ..

    ففنون القول فقط لا تسعك بالتأكيد يا صديقي العزيز ..

    و لو أنك إلتزمت درب العلوم و الرياضيات ..

    لكان خيرا لك

                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

12-19-2010, 09:34 PM

Adil Al Badawi

تاريخ التسجيل: 07-27-2005
مجموع المشاركات: 1143

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: محسن خالد يحلق عاليا مع إبن بطوطة في لندن (Re: محسن خالد)

    منوّر مؤتمر ابن بطوطة يا ابن البتولا

    أتاريك لابِد بهناك وأنا أتاوق ليك هنا

    الغريبة الجماعة ديل يشكوا من "الندرة الشديدة في الأعمال الفنية الجيدة أو الأعمال الروائية الخالصة" ما سِمعوا بيك وألاّ بِستهبلوا!

    إلى الأمام يا زول. مشكور يا حيدر.
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

12-19-2010, 10:11 PM

محسن خالد
<aمحسن خالد
تاريخ التسجيل: 01-06-2005
مجموع المشاركات: 3900

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: محسن خالد يحلق عاليا مع إبن بطوطة في لندن (Re: Adil Al Badawi)

    يا مها إزيك
    حكاية الجنز دي ضحكتني شديد، بعدين ما براك ناس كتار نقوا فيه.
    غايتو ضحكتيني في الدنيا أم تلج دي.
    التلج بالله سادي القبل الأربعة، كما كتبت لصديقة عزيزة، باب الحوش دا إلا تدفرو دفر من عصلجة التلج حتى تحسبه باب الفريزر في تلاجة أهلها كانوا مسافرين.
    وبالحساب عدييل أدفأ تصنقر في التلاجة من تصنقر في الشارع.
    تسلمي يا ستي على مباركة الكتاب، ويباركولك السمح
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

12-20-2010, 07:35 AM

بله محمد الفاضل
<aبله محمد الفاضل
تاريخ التسجيل: 11-27-2007
مجموع المشاركات: 7984

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: محسن خالد يحلق عاليا مع إبن بطوطة في لندن (Re: محسن خالد)

    مشيت
    واتضح معاي الحاصل
    مؤسس عديل كدي
    دقر يا عين
    ياخي ما تسوي ليك شيتن زي دا للكوشرثيا بتاعتنا دي


    وكمان
    والله مبسوط للطيش
    عشان موضوع صلح الحديبية
    وهو ما يشبهكما

    وبالله خلي بالك منك
    ما تكتل لينا رقبتك دي فوق الورق
    سوي ليك كم محسن ومحسنة وراك
    وبعدين اتكل ما في مشكلة
    أبشرك بنبكي لمن تقرب تقرر ترجع
    محنة فوق دموعنا المشتتة دي


    حكاية النسب البتفتش فيها دي بتدور ليها واسطة قوية تب
    سيرتك الذاتية بهناك و س خانة و س خ السنين
    غايتو بقترح عليك دكتور بشرى زاتو
    زول واصل
    وإن كان ما نجح المسعى
    ما عليك إلا تركب وتمش راسك عديل



    يا اخي أنت زول كويس عديل وحات الله
    كويس لمن بغادي



    وتاني ما تقول لي يا شاب
    بصدق وحاتك



    هذا ولك الشكر والمحبات كلها
    وربنا يوفقك ويسدد خطاك

    (عدل بواسطة بله محمد الفاضل on 12-20-2010, 07:37 AM)

                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

12-19-2010, 09:57 PM

Adil Osman
<aAdil Osman
تاريخ التسجيل: 07-27-2002
مجموع المشاركات: 10193

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: محسن خالد يحلق عاليا مع إبن بطوطة في لندن (Re: حيدر حسن ميرغني)

    تحياتنا للاستاذ محسن خالد على مواصلته العمل مع ادب الرحلات. السفر فيه آلاف الفوائد. ولن يلتقط هذه الفوائد إلا كاتب جهبوذ، عينه نجيضة، وفضوله كبير.

    الرحالة البريطاني تيم ماكنتوش-سميث


    http://www.mackintosh-smith.com/
    ______

    خلدون الشمعة

    ولد في دمشق عام 1941.

    تلقى تعليمه في دمشق ولندن. عمل محرراً في الصحافة الأدبية، وأميناً لتحرير مجلة المعرفة، وعضواً في هيئة تحرير مجلة الموقف الأدبي، وعضواً في المكتب التنفيذي لاتحاد الكتاب العرب.

    عضو جمعية النقد الأدبي.



    مؤلفاته:

    1- رجل بلا ظل- لكولن ولسن- رواية- ترجمة- بيروت 1967.

    2- الشمس والعنقاء- دراسة في المنهج والنظرية والتطبيق - دمشق 1974.

    3- النقد والحرية- دراسة- دمشق 1977.

    4- المنهج والمصطلح ، مدخل إلى أدب الحداثة - دراسة- دمشق 1979.
    http://www.awu-dam.org/dalil/11shen/dlil029.htm
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

12-19-2010, 10:43 PM

محسن خالد
<aمحسن خالد
تاريخ التسجيل: 01-06-2005
مجموع المشاركات: 3900

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: محسن خالد يحلق عاليا مع إبن بطوطة في لندن (Re: Adil Osman)

    يا ود القرشي، مشتاقين وكدا، ما تزال أزمة النت قائمة، بفتح البوست أكتب المداخلة وأدفر اليو إس بي تاني لووول
    أهو يا شاب نباصر الحكاية من هنا لهنا، الله كريم.
    مسؤول من الخير، ياخي الرموز الرياضية في الكيبورد غلبتني ضُمّة، محتاج ليها في (شكلانية الأسس).
    الأيامات دي لاقي مزاج أشتغل على الجزء الثاني منها وعلي تحرير الليركس للمرة النهائية، فأمس الليل كلو مساهر والأماكن بتاعتها مفطوطة.
    أتفلسف على الكمبيوتر وأخمخم دفاتري وأحسّب على الورق، عشان بعدين صف المادة على الكمبيوتر ما يبقالي حار وأكسل منو.
    فكرت أعمل زي شغل حاتم دا، متابعكم بهناك، أصور الهاند رايتنغ تصوير، وأرسل ليك علي بريدك، أوحى لي بالفكرة دي تصوير (رسم المرفعين) لما حلاني منها الآي فون بكل بساطة، ياخي دا تلفون شيطان خلاص.
    جاييك لإبداء رأيك وللضبط لو تطلب الأمر، عملت كم حاجة كدا شوفن ينفعن وألا نكوس غيرهن، علي بالحلال الخوارزمي دا كان بطل هههه
    لكن بالله حل لي الحكاية بتاعة الكي بورد دي لو ساعيلك ليها بصارة
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

12-19-2010, 11:25 PM

محمد قرشي عباس
<aمحمد قرشي عباس
تاريخ التسجيل: 03-19-2010
مجموع المشاركات: 3195

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: محسن خالد يحلق عاليا مع إبن بطوطة في لندن (Re: محسن خالد)

    Quote:
    مسؤول من الخير، ياخي الرموز الرياضية في الكيبورد غلبتني ضُمّة


    كدي خش هنا علشان تتعلم كتابتها في الويرد Word
    http://spot.pcc.edu/~ssimonds/thisandthat/msword.htm

    و في برامج مجانية ..
    بيتيح ليك كتابتها في البورد عديل ..
    بس محتاجة شوية فتيش ..

    و أضعف الإيمان فكرة حاتم ما بطالة ..

    أعمل ليهم Scan و نزلهم كصور ..
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

12-20-2010, 01:44 AM

محسن خالد
<aمحسن خالد
تاريخ التسجيل: 01-06-2005
مجموع المشاركات: 3900

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: محسن خالد يحلق عاليا مع إبن بطوطة في لندن (Re: محسن خالد)

    يا ود البدوي أمّا ليك أشواق، وبوسات ومحبات لمن تقول بس
    ياخي دا رابط تحفة.
    علي باليمين ضحكت جنس ضحك، ديل كتاب ديل!؟ إنّا لله. أنا ليه ما دعوني! وأنا ليه ما فوزوني! أتحداكم شوفوا تاريخي الكتابي! كدي راجع الرابط دا تاني وشوف كم كاتب شايب عايب قال كدا؟ حكاية عجيبة.
    ياخي ود خالتك البتولا يبرأ ويستبرأ من جنس دا، ويعدك بأنه لن يمد يده إلى جائزة مما يتقدمون إليه اختبارياً مطلقاً.
    كان جاتني جائزة تكريم سااكت، على كتاباتي وفي محلي، ومن جهات بعينها، بدون استمارة أملأها ورقم جلوس، بكفنها ليك تب، دا الصح. لأني صراحة كدا مفلس، والكتابة دي تخرب مشهادك وما هي بمشهاد معايش. لكن جنس أمورهم دي إني والله أستعفف منها، وأحس بالبطر والتَّغَا عديل إزاءها. الناس ديل دايرين يصلوا لمكان، وإني موطِّن نفسي على أن تكون الكتابة ذاتها مكاني ومقامي ما دمتُ حياً.

    وألا كمان شنو يا عادل؟ الماتش الفكري الذي يقدمه أخونا حمور زيادة بهناك عن جائزة برضو.
    ما تخيّلته من جُمَل حمور العجيبة، صوت رادي غااايص وقدامك جنابية أو ترعة ملانة موية، وحمارتك رااتعة في البروس، وكشم كشم كشم. بينما تسمع برضو كواريك الرادي من بعيييد، حق واحد من المزارعية المجنونين بالكورة، ويتقدم فلان، يمررها طويييلة لفلان، الله الله، يخرج المفكر والكاتب فلان من دوري السطاشر، يا خسارة.
    والآاان ونحن في النهائي، الله الله، بنشوف الكاتب فلان في الميدان وهو بتمرن وبيستعد، بيشك الفنيلة في اللباس، يقول للحكم أبداً، ما عندي كرت أصفر. تنطلق الصافرة ويتقدم المفكر الفرتكاني الللله هوببببببا قوون قون قون.. أحلى الأهداف الفكرية. أحلاها وأروعها، تخرج مصر من المنافسة، الكأس من نصيب الجزائر. كأس أحلى الكتب الفكرية، ولم تكن هنالك أية ضربات جزاء، ولن تكون هنالك أية مباراة للرد، لا أشواط إضافية، لا ركلات ترجيحية... أعزائي المستمعين نقلنا لكم الماتش الفكري من أستدويهاتنا بأرض الرواية المكتوبة بالعربية. القادم أحلى، العام الجديد أحلى، والكتابة دي مَدَوَّرَة، مرة ليك ومرة عليك. فعلاً كما قال فيلسوف الماتشات الفكرية الكبير كابتن منفلّة، الناس بس كلّ العليها إنو تدق كَفَر للأيمان والدين، والباقي على التحكيم وعلي الله، والدنيا دي كلها يا كَفَر يا وَتَر، ونترككم في رعاية الله.
    اتخيّل إنك سمعت هذه الإذاعة، لهذا الماتش الفكري الغرائبي، من جنب حمارتك ديييك البتسوي كشم كشم كشم، وراااتعة في أمان الله، دحين إنت وحمارتك اللتنين ما بتجنّوا؟


    -----
    هسّع في ذمتك يا عادل زول بكتب جنس كلامي الفوق دا، بدوهوا جائزة؟ لو إنت دا عادل البدوي عندك جائزة في بطن بيتكم بتديني ليها، وألا بتخليها مطبولة في سحّارتها؟
    واوعَ، مش ياها الحالة دي كدي، لو الخواجات ديل أدوك –فرضاً كوميدياً- أصغر جائزة عندهم، تاني الجوائز العربيات ديل كلهن ح يجنك بخشم الدرب طائعات يسعن حتى دارك، فتعزل منهن الحنيذة –هههه- وتدفر الباقي بعد أن تَمَّغِي خلالاس. كما كانت تدفر خالتك الناعمة طربيزة اللقيمات، بعد أن تكوضم منها تماام حتى تفتر نواجذها. أخوك فيلسوف جوال، مادح بلغة الحرم بت طيفور، والحكاية دي دايرالها ناس متوهطين ومِنْتَجِّين في الواطـة، وعندهم برستيج، دا ما مشهاد خلاء.

    شخص يسخر من عالمهم هذا الذي يشيّعونه* بالجوائز، يداقش ويتفاعل كمثقف عضوي في الانترنت ولا ينتحي له مجلساً قصياً، ولا مقعدَ فلهمةٍ علياً، باقيلك دا زول جوائز وألا زول سقراطي مالي جيبو فتايل سم؟
    هسّع الحسن ود آمنة دا يَدُّو ما ساكنها جان رسمي، بدوهوا جائزة تشكيل من جوائزهم الكتيرة ومسيخة دي؟ هَيْ يا يابا هييي، حليل الحِبَّان! الجوائز والتكريمات للناس البُدَان من يجيدون قنصها مثل ناس الصلحي، عندهم ليها برستيج، ومتعنقلين ليها فوووق. ما شفتو رحبوا بيهو كيف ودخلوه بصالة كبار الزوار مع الطيب صالح؟
    خليهو يهابشهم بكراكاتير واحد من نوع حقات أحمد المرضي وحسن موسى ديل، ولومني تاني لو ما دخلوهوا بشعبتين كشّاشة في أم شديدة منقولاً من هناك بلوري حطب.
    في حشية كل جائزة يقبع كابوس، وكُلُّ صيوانٍ لتكريم دُقّت أوتاده على جسد مساومة، إلا ما استثنى ربك، وهو قليل. والمجتمع الركيك البتفرّج على دق النسوان في الشوارع دا، محتاج الجنيات القرت وفهمت دي، أولاد وبنات، تنزل لطينو وتدفر مراكبو علي الموية كان يقدر يدرّج ويلحق مراكب الدنيا الفاتتو. وألا ح يتصلح كيف لو كل مفكرٍ وفنانٍ، وصاحبِ رؤىً، ومتعلّمٍ ذي ثِقَل، اصطنع له برستيجاً لنيل التكريم وصيد الجوائز؟ وكمان يقال لك جائزة الدولة كما في الرابط أعلاه! هي بلاد العربان دي كلها فيها دولة؟ وألا فيها وزارات ثقافة؟ ما كلها لافتات أمامية لمخبرين يقبعون في كواليس حلكتها لمحاربة الثقافة والوعي. فليوفروا الدولة أولاً ثم وزارة ثقافتها، وبعدين يشدوا نار الجوائز ويتقسموا مُطّالتها.
    هسّع ناس جائزة الطيب صالح ديل، مالهم لو حجبوها في دورة من دوراتهم وأدوها لبشرى الفاضل كتكريم عن عمليه (حكاية البنت التي طارت عصافيرها) و(أزرق اليمامة) باعتباره كاتباً سودانياً مؤسِّساً في مجال القصة السودانية؟ دي فكرة صعبة دي، وألا محتاجة لعبقرية؟ وألا كمان راجنوا بعد يموت ويكرموهوا على (هامش) فوز كتاب ركيك بالجائزة؟ إنّا لله.

    --------------------------
    * الكلمة دي بتاعة السعيّة خلّ بالك، اضحك بس والخمسة فوق اللتنين.
    * يا أمير ما ليك بالكلام دا، لو فزت، الشرتيت دا عندي فيهو خمسة آلاف دولار، لزوم الشيلة وفتح الخشم والذي منه من مشهاد الزواج. تعرف جائزة من جمع رأسين في الحلال عند ربنا؟ أها الجوائز دي ذاتها مرة ليك ومرة عليك هههه. ياخي مشتاقين.

    (عدل بواسطة محسن خالد on 12-20-2010, 05:17 AM)
    (عدل بواسطة محسن خالد on 12-20-2010, 06:25 AM)

                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

12-20-2010, 01:59 AM

Balla Musa
<aBalla Musa
تاريخ التسجيل: 12-30-2004
مجموع المشاركات: 15238

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: محسن خالد يحلق عاليا مع إبن بطوطة في لندن (Re: محسن خالد)

    محسن ياولد
    كيب سورنق

    المهم رك ليك فى محل واجدع لينا تلفونك..

    كيف حالك مع ذاك الحال..
    أتمنى أن يكون قد دار الزمان دورته وقابلك بى سنن ضاحكة.
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

12-20-2010, 02:04 AM

احمد محمد بشير
<aاحمد محمد بشير
تاريخ التسجيل: 06-17-2008
مجموع المشاركات: 14243

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: محسن خالد يحلق عاليا مع إبن بطوطة في لندن (Re: Balla Musa)

    شرفت بلدنا كتتتييير يا أستاذ محسن.
    شكرا حيدر
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

12-20-2010, 02:07 AM

محسن خالد
<aمحسن خالد
تاريخ التسجيل: 01-06-2005
مجموع المشاركات: 3900

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: محسن خالد يحلق عاليا مع إبن بطوطة في لندن (Re: محسن خالد)

    يا عادل ياخي وينك؟ شنو الانقطاعة وكيف الأخبار؟
    على البال دائماً، وكل ما أقول أناولك تلفون تشجرني الشواجر، على قول العرب، أو تقشرني القواشر من قولي براي.
    بعدين لأوّل مرة أعرف أنّ خلدون أنجز ترجمة لأحد كتب كولن، دي حاجة بتستحق مناضمته لحاجة في نفس يعقوب.

    شكراً على اللنكات والإيضاحات
    وكتّر خيرك
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

12-20-2010, 04:53 AM

محمد سنى دفع الله
<aمحمد سنى دفع الله
تاريخ التسجيل: 12-10-2005
مجموع المشاركات: 10938

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: محسن خالد يحلق عاليا مع إبن بطوطة في لندن (Re: محسن خالد)

    محسن العزيز وغالي
    انت جاي مع الناس ديل اول الشهر ؟؟
    عشان نحضر شعورنا .
    بعدين ايام مؤتمركم حنشارك معاكم
    بعرض في المدرسة مع السفارة المغربية
    عن ابن بطوطة الحام الدنيا كلها وكسر ركبة في سوريا
    انت سوريا دي ماله اي واحد يجي بي جنبها يكسر ركبة
    ابن بطوطة وابن عربي ووو
    منتظرينك ومتشوقين لي لقاك
    مودتي ومحبتي يا رفيق الروح
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

12-20-2010, 10:25 PM

محسن خالد
<aمحسن خالد
تاريخ التسجيل: 01-06-2005
مجموع المشاركات: 3900

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: محسن خالد يحلق عاليا مع إبن بطوطة في لندن (Re: محمد سنى دفع الله)

    يا مها قصدك زي دا










    قلت أفحمك يا مها، لووول، إلا يمين قاعد أنكرش عديل من ضيقي بالبدل، تقول بس لابس لي بلال سعف

    --
    ناس الفيس بوك قالوا الألوان وما أدراك ما جُدَدٌ بيضٌ وحُمرٌ، مختلفٌ ألوانها، وغَرَابيبُ سودٌ! معقول لكن بعد معارض التشكيل الحمتها دي كلها، أجي ألبس بنظرية الظهري الغامق في البنطلون بناسبو الظهري الفاتح في القميص.
    ولون الكرافت لا بد ينتمي لعائلة لون القميص، والشراب برضو! دا كلام موظفين ساكت! هههه
    لا بد تباصر اللبس بطريقتك لكن كمان ما تشترها ولا تعميها، ولا بد من صنع حركة وتتش، وألا كيف
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

12-20-2010, 10:49 PM

محسن خالد
<aمحسن خالد
تاريخ التسجيل: 01-06-2005
مجموع المشاركات: 3900

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: محسن خالد يحلق عاليا مع إبن بطوطة في لندن (Re: محسن خالد)

    يا دكتور البلّه ود موسى
    أيام نوت، أم جست ستينغ أب الحاجات

    ياخي ركّيت والحمد لسيد الحمد، والبيت الجديد تلاجة مروحة، كما يرد في إحدى الأغاني.
    وأهم حاجة دافئ مع القِرّة دي، وطلبت التلفون والبرود باند، لكن بتأخرن شوية كما تعلم.
    أتوقع خلال الأسبوع دا يتركبن ونتناضم إن بقينا حيين.
    كن بخير إلى أن ننضم
    يا ياسر طيفور، مستخسر فينا التلفون إنت؟
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

12-20-2010, 10:50 PM

محسن خالد
<aمحسن خالد
تاريخ التسجيل: 01-06-2005
مجموع المشاركات: 3900

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: محسن خالد يحلق عاليا مع إبن بطوطة في لندن (Re: محسن خالد)

    أحمد البشير
    ياخي ألف مودات لك ومحبّات
    ويتشرّفن أيامك ويسمحن
    كن بألف خير يا عزيزي الكريم
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

12-20-2010, 10:57 PM

محسن خالد
<aمحسن خالد
تاريخ التسجيل: 01-06-2005
مجموع المشاركات: 3900

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: محسن خالد يحلق عاليا مع إبن بطوطة في لندن (Re: محسن خالد)

    ود السني العزيز وين الحي بيك يا رجل؟
    دا شيء ممتاز، وفي أم رويحتي دي ملان شوق ليكم، لكن أموري ملكلكة ونباصرها لداك الحين كان اتيسرت
    يا أخوي مسلسلي دا ما تشوفلو طريقة، كلمتك مية مرة ما اهتميت بالموضوع، نرسل ليك تشوف؟
    دايرو بالخليجي، بالسوداني، بالعملة الجديدة، أتفاهم معانا ياخ هههه.
    دمشق يا فردة ما كانت عاصمة الأمويين، والمسجد الأموي كان قبلة العلم وتواصلت المسألة.
    لذلك تجد الأندلسيين والمغاربة والمصريين والحجازيين وأهل اليمن وحتى السودان، كانوا بكسروا ركبة هناك في شأن العلم.
    بينما العراقيون كانوا بصارعوا كي يستمر سؤدد الكوفة والبصرة وبغداد محط العباسيين.
    دور القاهرة في المعرفة الإسلامية جاء لاحقاً، بعد أن أصبحت تلك القبل وجهة الغزاة وطلبتهم، وأماكن لاقتتال السياسيين.

    مشتاقين كتير
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

12-20-2010, 11:36 PM

esam gabralla

تاريخ التسجيل: 05-03-2003
مجموع المشاركات: 6116

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: محسن خالد يحلق عاليا مع إبن بطوطة في لندن (Re: محسن خالد)

    ايامك يا عريبي .... سوى ليك جيب في طاقيتك بعد ده.
    احسن حاجه تعملا انك تبعد من الاسافير .... ياخى اقعد للكتابة دى و سيبك من الباقي
    مشكور يا حيدر ياخ , دايمآ سباق , لسه راجى ردك
    سلام للجميع
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

12-21-2010, 01:03 AM

Yassir Tayfour
<aYassir Tayfour
تاريخ التسجيل: 08-18-2005
مجموع المشاركات: 10894

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: محسن خالد يحلق عاليا مع إبن بطوطة في لندن (Re: محسن خالد)

    شكراً يا حيدر ياخ،

    __
    يا محسن، وأنا مارق من الأهل، راجع للبرد والرفيق الفسل، في البانطون لاقوني أربعة لواري مشحونة "خدار"، البرتكان، البرتكان، يا سلام ياخ، إتذكرتك والله، وأنا بالضفة الغربية للنيل، طلعت الكاميرا وصورت ليك المشهد، ومن جيت راجع من السودان، المنبر في كركبة شديدة، داير أجيب ليك الصوّر وإنت تسوي النضم..
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

12-21-2010, 01:42 AM

Maha Bashir

تاريخ التسجيل: 11-26-2004
مجموع المشاركات: 814

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: محسن خالد يحلق عاليا مع إبن بطوطة في لندن (Re: محسن خالد)

    ولد دا .....ياها زاتها
    ضحكتني يا محسن الله يسعدك محل ما تقبل يارب قول آمين
    القميص الليموني و الكرفته الليمونيه حلوين شديد
    أوكيه إنت ما تتظبط طوالي تلحق ناس لؤي لكن بالله في المناسبات الرسميه بلاش جينز
    تحياتي يا محسن يا قيافه
    مها

    التعديل لتصحيح "الليموني"

    (عدل بواسطة Maha Bashir on 12-21-2010, 01:45 AM)

                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

12-21-2010, 05:57 AM

Adil Al Badawi

تاريخ التسجيل: 07-27-2005
مجموع المشاركات: 1143

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: محسن خالد يحلق عاليا مع إبن بطوطة في لندن (Re: Maha Bashir)

    Quote: تقول بس لابس لي بلال سعف
    الهقلة أل!

    ياخي شكراً على الكلمة الضافية في شأن الجوايز. داير النصيحة وألاّ الجنبها، الجايزة المطبولة في السحّارة في بطن بيتي هي الحوار الدربو كل ما ليهو ماشي مطيّن دا.


    _________________
    بلاّل سعف دي إلاّ كان تكتب فيها بوست تسمّيهو "شرح البلاّل" وبعد دا ما أظنّك تنجى من تجييرها لصالح "البلاّل تزورني مرّة"
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

12-21-2010, 12:31 PM

محسن خالد
<aمحسن خالد
تاريخ التسجيل: 01-06-2005
مجموع المشاركات: 3900

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: محسن خالد يحلق عاليا مع إبن بطوطة في لندن (Re: Adil Al Badawi)

    يا عصام، حالي دا قلت الزول دا لو قريب يكون مرقها في المريخ وألا الزهرة، أريتك بس تبقى طيّب.
    قعدة الكتابة دي أمانة ما حاارة، ما تسمع الفصاحة دي، كان ربطوا ليها الجن، يقطع قيدو ويعير.
    ياخي امرق بالسلام وزي ما بقولوا العساكر وري وشّك
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

12-21-2010, 01:06 PM

محسن خالد
<aمحسن خالد
تاريخ التسجيل: 01-06-2005
مجموع المشاركات: 3900

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: محسن خالد يحلق عاليا مع إبن بطوطة في لندن (Re: محسن خالد)

    ود طيفور
    هلاّ هلاّ..
    طيّب ما تمتعني بالإستف دا على الإيميل لامن يجي وكتو.
    ياخي وحشتنا ريحة الطين واللوبة في الجروف، أصوات السعية، وكل شيء.
    أمانة ما جِبْ خَبَر
    سمّعنا صوتك
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

12-21-2010, 01:57 PM

عمر عبد الله فضل المولى
<aعمر عبد الله فضل المولى
تاريخ التسجيل: 04-13-2009
مجموع المشاركات: 12062

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: محسن خالد يحلق عاليا مع إبن بطوطة في لندن (Re: محسن خالد)

    التحية للاخ محسن خالد
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

12-21-2010, 02:15 PM

Muhib
<aMuhib
تاريخ التسجيل: 11-12-2003
مجموع المشاركات: 3728

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: محسن خالد يحلق عاليا مع إبن بطوطة في لندن (Re: عمر عبد الله فضل المولى)

    خالد محسن..
    خبرني عن طنجه المغربيه ..
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

12-23-2010, 07:31 PM

لؤى
<aلؤى
تاريخ التسجيل: 06-01-2003
مجموع المشاركات: 14343

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: محسن خالد يحلق عاليا مع إبن بطوطة في لندن (Re: Maha Bashir)

    Quote:
    إنت ما تتظبط طوالي تلحق ناس لؤي

    اللهُـمّ لا إعتراض فـي حكمك يا رب
    مهّوية إزّيّك أوّل شـيء
    وإنتـي مختفية وين ذاتك ؟






    سلامات حيدر ومـحسن
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

12-22-2010, 05:53 PM

بله محمد الفاضل
<aبله محمد الفاضل
تاريخ التسجيل: 11-27-2007
مجموع المشاركات: 7984

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: محسن خالد يحلق عاليا مع إبن بطوطة في لندن (Re: محسن خالد)

    استغراب


    متاوقة


    فرحة



    سكون ... محبة


    هكذا قرأت الصور
    على التوالي



    محسن
    مساء النور عليك
    وعلى صاحب البوست
    والعابرين
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

12-22-2010, 06:39 PM

حبيب نورة
<aحبيب نورة
تاريخ التسجيل: 03-02-2004
مجموع المشاركات: 18410

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: محسن خالد يحلق عاليا مع إبن بطوطة في لندن (Re: بله محمد الفاضل)

    ياخ ده بوست سكر عديل كده


    كتّر خيركم وبارك الله فيكم

    محسن يا جميل كيفنك

    مشتهياك المساءات الطيبانة
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

12-22-2010, 07:53 PM

محسن خالد
<aمحسن خالد
تاريخ التسجيل: 01-06-2005
مجموع المشاركات: 3900

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: محسن خالد يحلق عاليا مع إبن بطوطة في لندن (Re: حبيب نورة)

    والتحيات لك يا أخي عمر فضل المولى، ومشكور على هذا القدوم
    كتّر خيرك
    وكن بألف خير
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

12-22-2010, 07:59 PM

محسن خالد
<aمحسن خالد
تاريخ التسجيل: 01-06-2005
مجموع المشاركات: 3900

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: محسن خالد يحلق عاليا مع إبن بطوطة في لندن (Re: محسن خالد)

    يا محب يا زول وينك مختفي؟
    يا حليلها المغرب، وهاديك البلاد الزوينة.
    إلا طنجة يعميني فيها، المشوار الكان مفروض أعملو مع واحد صاحبي من كُتّاب المغرب اتفرتك لأننا سمعنا معاً بينما كنا في اتحاد كتاب المغرب بالرباط خبر رحيل شكري
    كن بألف خير
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

12-22-2010, 08:39 PM

محسن خالد
<aمحسن خالد
تاريخ التسجيل: 01-06-2005
مجموع المشاركات: 3900

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: محسن خالد يحلق عاليا مع إبن بطوطة في لندن (Re: محسن خالد)

    يا حبيب نورة
    ياخي كرعين قلبنا ذاتهن فترن من الرحيح
    وفعلاً اشتقنا لتلك الراحة، وونسة من مغارب للصباح
    القاهرة من هذه الناحية بديعة
    مشتاقين ليكم أجمعين وكيف الشابات والشباب كلهم؟
    تحياتي للجميع
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

12-22-2010, 08:42 PM

محسن خالد
<aمحسن خالد
تاريخ التسجيل: 01-06-2005
مجموع المشاركات: 3900

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: محسن خالد يحلق عاليا مع إبن بطوطة في لندن (Re: محسن خالد)

    معقول الصور دي كلها ودينا خالد ما تجي تشورب!؟
    خلي بالكم دي بوادر عقلان من (سـ)يتزوجون قريباً.
    فأجمل حاجة في بوست مباركة عرس دكين، نَكَر ليك دينا خالد دي (حطب) يا عملات عادل البدوي هههه
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

12-22-2010, 09:26 PM

حيدر حسن ميرغني
<aحيدر حسن ميرغني
تاريخ التسجيل: 04-19-2005
مجموع المشاركات: 18370

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: محسن خالد يحلق عاليا مع إبن بطوطة في لندن (Re: محسن خالد)

    محسن سلامات بعد إنقطاع

    خلال حوار اجراه الإعلامي السوداني خالد عثمان مع الباحث والقاص والمترجم المغربي محمد سعيد الريحاني :
    Quote: سؤال: قال الأديب السوداني محسن خالد ذات مره أنه صادف أحد الأدباء في إحدي دول المهجر فمد له الأديب معرفا نفسه وموطنه فما كان لمحسن خالد إلا أن قال معرفا نفسه أيضا "محسن خالد" . ثم صمت برهة وأردف "الطيب صالح" فعرف الأديب من أي قوم هو "محسن خالد" ، فإلى من ينتمي محمد سعيد الريحاني؟

    جواب: أنا أنتمي إلى "يوبا الثاني" الملك-العالم الوحيد في التاريخ الذي اعتلى عرشا على كوكب الارض والذي غيبته عن تاريخ أعلام المغرب "غيرة" السلالات التي حكمت البلاد بعده فلم يبق منه غير نصب تذكاري في بلاد الإغريق.

    أنتمي إلى "طارق بن زياد" وسلالة الأبطال المغاوير الذين فتحوا الأندلس دون أن يوشحوا ولو بمجرد الاعتراف ببطولاتهم فماتوا مجهولين في الشام بلا حتى شاهد على قبرهم يدل الأجيال القادمة على محطة وصولهم.

    أنتمي إلى "يوسف بن تاشفين" مؤسس دولة المغرب الكبير وضامن هيبتها وموحد المغرب العربي وحامي الأندلس من الانهيار والزوال.

    أنتمي إلى "عبد الكريم الخطابي" معلم المقاومين في العصر الحديث ومبدع "حرب العصابات" وأستاذ ماو تسي تونغ وهوشيه منه وأرنستو تشي غيفارا وغيرهم من كبار الثوار في القرن العشرين.

    أنتمي إلى العلامة "ابن عرضون" الذي بلغت نسبة تمدرس الفتاة المغربية في عصره، القرن التاسع عشر، مرتين أكثر من نسبة تمدرس التلاميذ الذكور، والذي أدركه الموت قبل أن يكمل فتواه الدينية في "المساواة بين الرجل والمرأة في الميراث".

    أنتمي إلى "فاطمة الفهرية" بانية أول جامعة في التاريخ، جامع القرويين بفاس في اواسط القرن الثامن، قبل جامع الازهر وجامع الزيتونة وجامعتي أوكسفورد وكامبريدج بقرون.

    أنتمي إلى الرحالة "ابن بطوطة" والجغرافي "الشريف الإدريسي" و"ليون الإفريقي" الذي لا زلنا هنا في المغرب نسميه باسمه الأصلي "الحسن بن محمد الوزان"... هؤلاء هم عائلتي ورموزي ورموز بلدي وأعلامها التي لا تحتاج إلى "أقزام" ليجعلوا منها "عظماء".

    http://www.nirgalgate.com/asp/v_art.asp?id=1041

    وما ورد في "تيموليت" :

    Quote: أمّا أعجب الأعاجيب منها، فهي صداقة لي كانت مع رجل دانمركي وحرمه،...
    قابلني صدفة في المصعد، وظنّني هندياً لشُبهة شَعَري، فقال لي:
    - هالو غاندي،..
    - بل قُل هالو الأزهري،..
    ضحكنا وشرحت له من هو الأزهري، وكان يعرف "الطيب صالح" و"علي المك" كما توقعت الأوّل وفاجأني هو بالثاني،..
    استفزّني بمقطع من فيلم، كنت لحسن الحظ قد شاهدته،..
    الفيلم يتحدث عن ابن لملك الدانمارك يتخفّى في شخصية طالب عادي يذهب للدراسة في أمريكا ويقع في حب طالبة أمريكية، باختصار يزور الأمير أهل الفتاة فيستفزّه إخوتها بـ:
    "أنت وبلدك مجهولان، عرّف عن نفسك"،.. فيهزمهما الأمير في مشهد عميق ومؤثّر بذكره لـ: سورين كير كيغارد مبتدع الوجودية، ونيلز بور الفيزيائي المعروف،... وووو
    لأنني شاهدت الفيلم طبعاً، ذكرتُ له "الطيب صالح" على الفور،... وأضاف هو علي المك، فلاحقتُه باسمي الشخصي من بعد، ضاحكاً، ففهم النكتة وكان ميلاد صداقتنا.

    تيموليلت: يتسلسل
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

12-24-2010, 06:48 AM

دينا خالد
<aدينا خالد
تاريخ التسجيل: 06-26-2006
مجموع المشاركات: 9367

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: محسن نميرى يااااااا بدلة .. جننت الالوان جن !! (Re: حيدر حسن ميرغني)

    هىىىىىىىىىىى يا محسن والله حقرتنى حقره شديدة خلاس ..
    انا بجيبننى ايي صور؟ مكمكم كدا تقول حاكماك الانقاذ ؟
    ما عندهم بدلة كممها قصير ؟ من القبقبة البقيت فيها دى !!
    اناشخصيا اخير لى الجينز مها ما بعرفها ...
    الوان من وحى المسيكتاب وليمونها وبرتكانها ..
    وييين بتهرب منو ويييييييييييييين تررم تم تم ..

    هيجتا اشجانا وزكرتنا يطيب الذكر ستييف ووندر ..
    و الـ Knocks Me Off My Feet by Stevie Wonder –

    Stevie WonderWonder was born premature, which caused him to be blind, 13
    May 1950 in Saginaw, Michigan. His family later moved to Detroit
    when he finished fourth he took piano lessons at age 7
    , had mastered the age 9 During his childhood he was active in his church choir
    .He also taught himself to play harmonica and drums
    , and had control of both age of ten. Wonder also learned
    to play bass in his early years at Motown.
    Motown founder Berry Gordy signed him to 11 years, impressed by his many musical talents.



















    ـــــــــــــ
    بس اكيد الولادة فى ميتشغان بتفرق ..
    هناك بمسكوك الدرب وهنا يلمو فيك ناس ابرياله
    يخلو حياتك كلها مكابدة ومعاناه وانتظار للتلفون والبرود باند
    وزمنك يضيع ذى ما قال الشاعر مابين العفار والسك ،، الله لا كسبهم,,
    غايتو بدلك دى ذى كتابتك نصها ما مفهوم .. لوووووووووب
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

12-24-2010, 08:13 AM

دينا خالد
<aدينا خالد
تاريخ التسجيل: 06-26-2006
مجموع المشاركات: 9367

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: محسن نميرى يااااااا بدلة .. جننت الالوان جن !! (Re: دينا خالد)

    Quote: ما تخيّلته من جُمَل حمور العجيبة، صوت رادي غااايص وقدامك جنابية أو ترعة ملانة موية، وحمارتك رااتعة في البروس، وكشم كشم كشم. بينما تسمع برضو كواريك الرادي من بعيييد، حق واحد من المزارعية المجنونين بالكورة، ويتقدم فلان، يمررها طويييلة لفلان، الله الله، يخرج المفكر والكاتب فلان من دوري السطاشر، يا خسارة.
    والآاان ونحن في النهائي، الله الله، بنشوف الكاتب فلان في الميدان وهو بتمرن وبيستعد، بيشك الفنيلة في اللباس، يقول للحكم أبداً، ما عندي كرت أصفر. تنطلق الصافرة ويتقدم المفكر الفرتكاني الللله هوببببببا قوون قون قون.. أحلى الأهداف الفكرية. أحلاها وأروعها، تخرج مصر من المنافسة، الكأس من نصيب الجزائر

    طاعان مطاااعننه وختاي ختا وكاواى مكاوة ..
    هسه دا كلو فى شان ما نهموك ؟؟
    قرربت توصف البهم والسخل والعتوتات . لووووب







    ــــــــــــــ
    جنننكم مقاشيش وسعف ..
    وذى ما قال ليك عادل لو دايرين يجيروها لصالح البشرية والفهم؟
    ياخ انا غلبنى اتخيلها خيال ساكت ما قدرت
    اها قطعوا ليكم فى راسكم، بالهوفر دا لا بلل لا فاقةلا عطلة ..
    عارف الشوام ديل عندهم نضضمى كتيير ذى حق ناس البلد
    بس تامنها يا عيونى وتسلملى ونور الببى .. وديك ناشفين
    هسه تقبرنى او تؤبورنى دى ما ذى حليفة الله يقتلنى او امووت ليك !
    ومن شان الله ذى فى شان الله البقولوها الحبوبات
    مانى غضران ذى مانى قادر ومانى عارف
    دخيلك الله ذى وكيلك الله
    شو ذى شنو
    اها الزول الزيك كدا ما بلم القروش وكريم
    وبدى الناس حبوبتى بتقول ليك فلان دا وكيلو مطلوق ..
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

12-24-2010, 08:45 AM

Adil Al Badawi

تاريخ التسجيل: 07-27-2005
مجموع المشاركات: 1143

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: محسن نميرى يااااااا بدلة .. جننت الالوان جن !! (Re: دينا خالد)

    Quote: جنننكم مقاشيش
    Quote: ياخ انا غلبنى اتخيلها خيال ساكت ما قدرت
    لا هااا! شرح البلاّل وجب. ويا دينا البلاّل مذكّر ومؤنّثه بلاّلة والاتنين يصلحوا لأسامي البشر.

    لو ما ضوّة خالتي، شُفتي الاسم دا كيف، بِقَت ما بتضْـفُـر السعف لأنّها لجأت لتجارة التماطيق بعد أن تهمّشت تجارة القُفاف والبروش، كنت أسعفتك (ههه) بصور للبلاّل المنشود. بَسْ ما دوّامة الله هوي الدنيا ما دوّامة، ونركب الكركابة...الخ...الخ.
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

12-25-2010, 08:57 PM

حيدر حسن ميرغني
<aحيدر حسن ميرغني
تاريخ التسجيل: 04-19-2005
مجموع المشاركات: 18370

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: محسن نميرى يااااااا بدلة .. جننت الالوان جن !! (Re: Adil Al Badawi)

    سلامات محسن
    في إنتظار تعليقك
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

12-31-2010, 04:04 AM

محسن خالد
<aمحسن خالد
تاريخ التسجيل: 01-06-2005
مجموع المشاركات: 3900

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: محسن نميرى يااااااا بدلة .. جننت الالوان جن !! (Re: حيدر حسن ميرغني)

    معقول لكن يا دينا لو حقرت بالدنيا دي كلها أحقر بيك إنت؟ في ذمتك دا كلام دا؟
    ويكون كلامي دا كلو بس عشان ما نهموني؟ ياختي بالغت!
    مشتاقين يا زولة شديد
    بخصوص كلام ووندر وربطك له ببداوتي، أبصم عليه بالعشرة، كون البيئة والدعم منذ سن مبكرة يصنع الكثير في تنمية القدرات أو حتى (أحياناً نادرة) استيلادها.
    لو قلت لك إنني أتذكر لأول مرة رأيتُ فيها التلفزيون والمروحة والكمبيوتر ومتى لأوَّل مرة سمعتُ بالموبايل سماعاً وأنني أتذكر بالضبط كيف وأين، ألن تتعجبي؟ أو ألا يعني ذلك أنني تلقيتُ جرعتي من المدنية الضرورية، بوصفها شرطاً من شروط العيش في حد ذاته، متأخّراً؟ أعتقد أنني لو كنتُ ابن مدينة لتغيّر تصوري وتطوري نحو العالم بشكل مختلف، دعينا نقل (مختلفاً) ليس أسوأ أو أحسن.
    لو قلتُ لك أتذكر أوَّل مرة استمعتُ فيها لمصطفى سيد أحمد، وإنني تفاجأت بالنص الذي كان يغنيه، لعاطف خيري ونسيتُ نفسي تماماً حينها. كنتُ متوجهاً إلى مدني بعد قدومي من شندي، ولم أجد مواصلات مباشرة إلى مدني فحجزت تذكرة إلى سنار وقلتُ سأنزل في مدني، وفي نقطة ما من الاقتراب إلى مدني أدار سائق البص (لحظة شهيق)، فنسيتُ نفسي معها ومرقتها في سنار. قلتُ الله! هل هناك من يكتبون بهذه الصورة؟ و"كمان" هناك من يغنون هذه الكتابة؟ وسألتُ حينها لأوّل مرة سائق البص، من الذي كان يغني؟ قال لي إنه مصطفى سيد أحمد، سألتُه عن الشاعر فلم يعرف! فسجلتُ اسم مصطفى على نوتتي وتوجهت للمبيت مع أختي بسنار.
    المفارقات، أو المواجهات مع الحضارة، موضوع يستحق التأليف الجاد بالنسبة لمن يتذكرون مشاهداتهم هذه، من جنس حالي، تخيل أن تدهشك الحضارة المستجلبة في الخرطوم! البدقوا فيها النسوان بشارع عام!
    أعتقد أنَّ من أهم مشاهداتي في جنوب إفريقيا، أنَّ جنوب إفريقيا عبر البواخر والبحر، مما بعد العام 1887م تحديداً، أضحت تواكب أوروبا تماماً، أي منذ قدوم أولى الأسر الأوروبية إلى جنوب إفريقيا ليتم بعد ذلك اكتشاف الذهب ولتتسارع أعداد الأوروبيين في ظرف تسعة أعوام فحسب ليكون تعدادهم مائة ألف أوروبياً، تمهيداً للاكتساح بعدها والاستيلاء على كامل البلاد. وهذا الشيء لمسته وتأكدتُ منه تماماً من خلال معارضها المتعلّقة بالفنون والأثاث والمقتنيات والمخترعات والعلوم من أرشيف ذلك الزمن القديم.
    أي أنَّ جنوب إفريقيا كانت قطعة من الخارطة الأوروبية تحيى على خارطة إفريقيا، وهذا أثّر على الدول المحيطة بجنوب إفريقيا، بطبيعة الحال، رغم قوانين الأبارتيد.
    المفاد من هذه الملاحظة، أنَّ الريف السوداني ذاته، لا يواكب مدنه المجاورة، في أي سمت حضاري كان لتلك المدن، ناهيك عن مواكبة عاصمة البلاد. الفرق شاسع لدرجة أن يخلق بلاداً تسكنُ خارطةً من قارة أخرى، في الاتجاه المعاكس لجنوب إفريقيا. وكلّما أتذكر قصة سماعي المتأخرة لمدرسة مهمة في الكتابة عبر مصطفى سيد أحمد، وأربط هذه القصة بجنوب إفريقيا التي كانت تواكب أوروبا من إفريقيا، أصفّق إيديني وأدّي ربي العجب! وأشفق على الريف السوداني وكل شخص نابغة ينتظر له أن يأتي من هناك. فتذكروا يا إخوة وأخوات، أنّ 75 في المائة، ربما، احتمال، هذه نسبة جزافية منجورة نجراً بمقاربات منّي، من سكان السودان يسكنون في مناطق لا تصلها أية خدمة من خدمات الحداثة كي تساعد في تغيير أولئك الناس وتغيير أنماط عيشهم وأن تكفل لهم أبسط شروط العيش في عصر الـGalaxy Tab* الواقع سحري. هذا لكي نعلم حجم التغيير، الضخم، المطلوب منا، من مثابرتنا وجهدنا وعرقنا، نحن الذين تعلمنا، لأجل تحديث الحياة وترفيع وترقية كرامة الإنسان.



    * لعناية فيصل نوبي تحديداً، تقول لي الآي فون؟ هييييع، علي بالحلال الكورييين انتهوا من دين حجرو ذاتو، وسيدو رَقَد غَرِب جزلانه، كما تقول الكوشرثيا في توصيف بديع. آمنتُ بالله، جهاز مبالغة، مبالغة، مبالغة. هذه التكنولوجيا الفارقة والمتحدية لا المنافسة فحسب للغرب، تشرح بالواضح جداً، لماذا يحشد الأمريكان خمسمائة وثمانية وعشرين ألفاً من جنودهم في كوريا الأخرى، على وزن مريم الأخرى، ويصنّعون الفتن بين الكوريتين قشّة عيونهم من النوم حتى تغيب. هذا ما يهدد الغرب فعلاً، لو كان ذلك ضرورياً، انقلاباً على مفاهيم تكامل الحضارات، والمصطلح من عندي، لا مفاهيم صراع الحضارات، وأمريكا روسيا قد دنا عذابها، والجعجعة الفارغة وكاملة دسم الجهل والأميّة والتخلّف.



    تلفون لما التلفون يقول من جلكسيك اكتفيييت ويا كوريا مالك؟ وظائف الكمبيوتر لما البي سي يقول واااي، كل ما يتعلق بالتدوين والكتابة وأجهزة الاتصال الحديثة لما كاتب زي محسن خالد يقول (الروووب، أنا بحب الجلاكسي وبكره الآي فون) إنترتين منت عبر الفلاش لما أجهزة العرض كلها تتعقّد من روحها، وتصميم سمح ساااكت، مع حجم ووزن مضبوطين تماماً. حاكم إنني ممن لهم عقدة باتجاه إنو أنصح الكمبيوترات ديل لكن شينة التصميم، أنصح اللاب توبات توشيبا لكن شينة التصميم، أنصح العربيات مارسيدس لكن شينة التصميم.. إلخ.
    تكنولوجيا وسماح وحضارة للطيش، الناس وييين ونحن وين؟ الناس بأي عصور ونحن نتخبط في أية ظلمات؟
    (أقسم بالله العظيم ثلاثاً، والله على ما أقول شهيد "هههه") أنا ومعي إحدى صديقاتي الغربيات حينما أخذنا نتلمس ونتصفح هذه الآلة العجيبة والمُذهلة، رفعتْ صديقتي وجهها من على الآلة بذهول كامل، وقالت لي بالحرف الواحد، بليييز شيل النصيبة* دي ووريها للراجل الكان بضرب في البت السودانية وسط الشارع والمارّة، في الشريط الوريتني ليهو وطيّر النوم من عيني أسبوع كامل.
    فقصدها خُذ هذه الحضارة، المتمثّلة في هذه الآلة، وارجع بها إلى إخراج قومك من عصور قدو قدو، لهذا العصر. شرطتو عين الحضارة الإنسانية ذاتها، وأسأتوا إلى الإنسانية كلها وجمعاء، ومكابداتها عبر التاريخ والقرون، لترقية حياة الإنسان وتكريمه ومواساته بوسط هذا العدم الوجودي المرير، يا همج يحيون خطئاً بعصور الـGalaxy Tab، الواقع سحرية.
    يقولوا ليكم هذه الـGalaxy Tab، وراء تصنيعها نساء ورجال يسمون بقيادات وسراة بلادهم، ورؤسائها وحكمائها وكبرائها وآبائها وأمهاتها، الحادبون على مصلحتها لا مصالحهم، الرؤوفون الرؤومون بزلاتها والمواسون لها لدى مُلِّماتها، تقولوا لي حديث البشير في القضارف!؟
    ----
    دي ترجمة لـFu.ck.ing Hell

    (عدل بواسطة محسن خالد on 01-01-2011, 02:04 AM)

                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

12-31-2010, 08:31 AM

Adil Al Badawi

تاريخ التسجيل: 07-27-2005
مجموع المشاركات: 1143

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: محسن جالاكسي يااااااا تاب.. جننت التكنلوجيا جن !! (Re: محسن خالد)

    GalaxyTab1.jpg Hosting at Sudaneseonline.com


    يا محسن كيفنّك وكلّ عام وأنت بخير،

    ياخي عليّ الجزيمة دا محض استهبال! الجالاكسي تاب دا سعرو الليلة (الصباح الباهي دا، في الواقع) يا هو دا قِدّامك في الصورة الملتقطة بموبايل نوكيا 6120c كاميرتو اتنين ميقا بيكسيل بَسْ ومن حسن حظّك (أم هو حسن حظ سامسونق) أن الصورة التي التقطتها بالموبايل نوكيا E5 أبو كاميرا خمسة ميقا بيكسيل ما لقيت ليها وصلة يو إس بي عشان أنزّلها.

    الكنتة كلّها، طال عمرك، في المواصفات ومن هنا ينتج الاستهبال بالسعر، أقول ليك كيف:

    المهم من مواصفات الجالاكسي دا وموجود في النوكيا E5 وبزيادة: التوافق مع الجي ثري بلص (وبلص دا شنو ذاتو ما عارفو)، الواي فاي، البلوتوث، الجي بي إس، الإنتيرنال ميموري (في الإي فايف إكسباندابل إلى ثمانية قيقابايت) والكاميرا (الجالاكسي فيهو كاميرتين واحدة تلاتة ميقا بيكسيل والتانية واحد وتلاتة من عشرة ميقا بيكسيل). النوكيا E5 فيهو كل ذلك وكاميرتو خمسة ميقا بيكسيل. المافي شنو؟ (قيقراوي): حجم الشاشة بالإي فايف أصغر (حجم شاشة الجالاكسي يساوي تلاتة أضعاف حجم شاشة الإي فايف تقريباً) وبَسْ...تقريباً(؟)

    طيّب، النوكيا إي فايف بي كم (في مكتبة جرير)؟ بي تمنميّة ريال إلاّ ريال، يا بلاش! المغزى؟ حقّ الجالاكسي دا بمكتبة جرير يجيب ليك نيت بوك توشيبا بحوالي 1200 ريال أو نيت بوك ديل بحوالي 1300 ريال (أيّهما أبشع عندك تسترو بالاختيار من بين ألوان عجيبة فَدْ مرّة)، ونوكيا إي فايف (كان عليهو عرض أبو تمنميّة ريال إلاّ ريال مع شريحة انترنيت واشتراك شهر مجاناً من موبايلي قيمته، عند موبايلي، ميّة ريال)، وكاميرا سامسونق (ههه) خمسة ميقا بيكسيل بحوالي خمسمية ريال ومعاها إم بي ثري بلاير سامسونق (ههه) اتنين ميقا بايت مجّاناً. وبعد دا تفضّل معاك شوية فكّة (!) من الألفين وتمانمية تسعة وتسعين ريال دي تدخّل بيها صاحبتك الغربيّة دي السينما تشوف الجلد والمجالدين وممكن تعشّيها بعد داك إن ما طمّت بطنها من تخلّف الرجال الذين يجلدون النساء بأم درمان وتقدّمهم في اقتنائهم الهاي تيك من أدوات التصوير على الأرض والتحميل إلى السماء. ويا مدنيّة يا متخلّفة ليلك جنّ وعشوقك ذاتو جنّ من شدّة ما فجرك أوّه وأنّ!

    معليش، يا محسن، أنا محموق من الكوريين ديل في شان رفعو سعر العربات الهيونداي إلى ما يلامس أسعار تويوتا لكن تلك قصّة أخرى وأن كانت ذات صلة بالسؤال: أي الأمم ينافس الكوريّون!
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

01-01-2011, 02:05 AM

محسن خالد
<aمحسن خالد
تاريخ التسجيل: 01-06-2005
مجموع المشاركات: 3900

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: محسن جالاكسي يااااااا تاب.. جننت التكنلوجيا جن !! (Re: Adil Al Badawi)

    يا لؤي إزيك ياخ
    وكل عام وأنت بخير
    عاينت لصورتك لقيتها بالجلابية، لكن صحي إنت زمان كنت متظبط، لوول
    عامك سعيد
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

01-02-2011, 06:35 PM

لؤى
<aلؤى
تاريخ التسجيل: 06-01-2003
مجموع المشاركات: 14343

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: محسن جالاكسي يااااااا تاب.. جننت التكنلوجيا جن !! (Re: محسن خالد)

    Quote:
    يا لؤي إزيك ياخ
    وكل عام وأنت بخير
    عاينت لصورتك لقيتها بالجلابية، لكن صحي إنت زمان كنت متظبط، لوول
    عامك سعيد

    يا وجيه
    كُلّ سنة وإنت طيّب ياخـي

    قول ليها عليك الله مهّوية دي







    مودّتـي
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

01-01-2011, 02:07 AM

محسن خالد
<aمحسن خالد
تاريخ التسجيل: 01-06-2005
مجموع المشاركات: 3900

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: محسن جالاكسي يااااااا تاب.. جننت التكنلوجيا جن !! (Re: Adil Al Badawi)

    كل عام حبيبنا وصديقنا وصاحب المضيفة حيدر بخير، شفت بوست نجاة والبنية، وتاني غطس، ما لميت في المباركة هناك، لا بأس نبارك هنا، ونحتفل بقدوم هذا الكائن الرحمة والجميل.
    البنية مبروكة يا حيدر، وبالجد فرحت ليكم إنت وأمها، تكبروها بالخير والبركة وتنفعنا أجمعين
    عامك سعيد يا صديقي العزيز
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

01-01-2011, 02:56 AM

Rawia

تاريخ التسجيل: 11-23-2002
مجموع المشاركات: 8396

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: محسن جالاكسي يااااااا تاب.. جننت التكنلوجيا جن !! (Re: محسن خالد)

    كل سنة وإنت طيب يامحسن
    القابلة زي ماعاوز

    وتهنئة بالسنة الجديدة لكافة رواد البوست ومتصفحينه
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

01-01-2011, 03:55 AM

محسن خالد
<aمحسن خالد
تاريخ التسجيل: 01-06-2005
مجموع المشاركات: 3900

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: محسن جالاكسي يااااااا تاب.. جننت التكنلوجيا جن !! (Re: Rawia)

    كل عام وإنت بخير يا صاحبي عادل البدوي
    إنت ما تسأل نفسك ارتفاع الأسعار الكورية إجمالاً دا سببو شنو؟
    سببو إنو أمريكا مالية المياه من حول كوريا كلها بالجواسيس، أي نقطة بحر جوار كوريا تحتها جاسوس أمريكي، والغاغا لا تنتهي، والمحاحاة لا تكمل، ولو شاء الكوريون استيراد تسالي بس، فلا بد أن ينظر في جرابه ألف مخبر أمريكي.
    دا درب طويل، ويمين قاعد أكتب فيه تأملات الأيامات دي، مباريها من نكبة دول النمور الآسيوية اقتصادياً "الشهيرة"، التي دبرها تحالف الأسواق الأوروبوأمريكية، والتي لولا وقفة (اليابان) معها بصلابة حياة أو موت، كي لا يأتيها الدور هي أيضاً، لصارت النمور الآسيوية شحادة متلنا، أو همباتة متل الروس. بالرغم من كل الأفضال التي قدموها للبشرية الفقيرة في مجال التكنولوجيا والاقتصاد والتدريب على ذلك، وترويج ثقافته بالرخيص.
    الأمريكان محاصرين كوريا حصار الجن، فالأسعار ستزيد لكون الأمريكان يجففون أسواق مواد التصنيع أمام الكوريين، فليس لدى الكوريين حل غير يباصروا التكنولوجيا ذاتها، عشان يدسوا في تميزها الغلاء المفروض عليهم فرضاً، وهذه الآلة ذاتها تثبت ذلك في شوفي وبصارتي. يا أخوي إنت خلعك السعر، هههه، فما أخدت خبر الآلة دي كويس، أنا لقيت فيها سحبة أسبوع كامل، يا زول هوووي، الآلة ما آلة نصاح! ما أزال أعاني من مشكلة الإنترنت، في بريطانيا العظمى، تصدق!
    أها الأيامات الأخدت فيها الآلة دي شَدَّة، طلّعت بس السيم كارد بتاعة "الأو تو" بتاعي، وحشرتها في النصيبة دي، وشغلت نظام الـAP الكلمة دي عندها عقاب لكن نسيتو. ياخي جاري سمير الهندي الإنترنت وصلو، الجن الليهو قوب. قلت ليهو جلاكسي دا أنا، أديتو الباسويرد ودخل معاي ملح. والفكرة البسيطة هذه، الكبيرة والعظيمة جوهرياً، هي أيضاً مما تحاربه الأسواق الأوروبية والأمريكية، التي لو اشتريت منها آلة، يتحكمون فيها بحيث لا تنزل عليك أية رحمة لبرنامج مجاني أو تنصيب بالكامل مجاني، أو خصائص في الآلة مما يجب بالأساس أن يكون مجانياً، أو بالأحرى هو مدفوع الثمن مقدّماًَ، إنت قايل هنا زي الخليج؟ ياخي "الوينرار" العفين دا، إلا تدفع قروش عشان تنزله على جهازك.
    ما عدا سامسونغ، وكيلك الله. يبيعون لك الآلة وتدخل على الويب سايت بتاعهم تنزل ما تشاء مجاااناً، الآلة كلها بخصائصها كلها، شغاالة، نكاية في الرأسمالية الغربية اللَّحِزَة الشحيحة. لذلك "أو تو" لن يسرها أن أنتفع أنا وجاري سمير برحمات الإنترنت من خلال بطاقة تلفون رجل واحد فقير مننا. المفروض نشتري منهم تلفونين موبايل، ونشتري منهم اتنين برود باند، والجلاكسي بتاعتنا دي نوديها الـ(Cul-de-oie) البشرية، اقتباساً عن حسن موسى "ههه". شفت كيف الشغل الكوري غير المشفر ممكن يخرب خطط الرأسمالية في إنها تطلع أمبازك وأمباز بذرتك، وزيت زيت زيتك. في استهبال أكثر من إنك تبيع لي الآلة فيها (بلو توث) وتوقف هذا البلوتوث عن العمل، تلفوني الآي فون دا فيهو بلو توث ومشفَّر، تصدق؟ كي لا أستفيد من أي خصيصة تتعلّق بنقل الملفات من وإلى الجهاز، لماذا؟ لأنَّه كونتراكت وليس Pay as you go، عشان يضبحوني بهناك، كما ينبغي، محل البي آز يو قوو، محل ما تقبل ضبح، ووزنة السكين واحدة. في استهبال أكثر من إنك تبيع لي آلة وتشفرها بحيث لا تقبل برامج إلا من شركتك فقط؟ في استهبال أكثر من إنك تبيع لي خدمة نت، ولا أستطيع أن أستفيد منها إلا من خلال تلفونك أنت فقط، وبالطريقة التي تشاءها أنت تحديداً، بحيث لا أستطيع وصلها بجهاز الكمبيوتر كما فعلت لي الجلاكسي، بارك الله فيها، بالرغم من إني بدفع
    فاتورة بتاعة Unlimited down load؟ في استهبال أكثر من إني ما أقدر أستخدم الآي فون كمشين بس، بدون كونتراكت قطعاً تبتز الزبون وتطلّع زيته؟
    فياخي لم تحسب بالشكل الصحيح أبداً، فوائد ومنافع وبركات عديل، وجود "خوارج" تكنولوجيا مثل الكوريين والصينيين والنمور الآسيوية، فلولاهم لتنوَّر هذا العالم الذي يدعى بالأول وحده، ولبات باقي العالم كله في ظلام. وهذا العالم الأوَّل نفسه، لتنوّر منه فقط الذين لديهم استطاعة ولتبع نصفه الآخر، الفقير، لذلك العالم الثالث حيث قسَّم هؤلاء الجماعة أنفسهم مرارته. (يعني ديل يبقوا عالم تالت من منازلهم) هههه. لذلك التكنولوجيا الغربية تأتينا مكرهة يا أخي لا بطلة، لماذا؟ لأنَّ خوارج التكنولوجيا سيدبرونها أو حتى سيقتبسونها (وسيسرقونها عديل) ويمرقوها بالرخيص لسوق أم دفسو وأم جكو وجناح الطير، وأجاركم الله.
    عارف يا عادل؟ من حِزَّة ما لامِّي معلومات عدييل، بالأرقام الدقيقة والتفصيلية، مثل 28500 جندياً أمريكياً هذه، شغلتي شنو عشان أجيب معلومة كهذي في ونسة مفيدة زي دي؟ فوق رأي.. بالحيل. ياخي عندي كترة كلام هنا، لو فتحت فيك بالليل دا، إلا أبقيك في كوشرثيا جديدة، أعمي عيونك بالقراية وأديك السهر، يضحك نهارك، نتلاقى إن حيين
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

01-01-2011, 03:58 AM

محسن خالد
<aمحسن خالد
تاريخ التسجيل: 01-06-2005
مجموع المشاركات: 3900

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: محسن جالاكسي يااااااا تاب.. جننت التكنلوجيا جن !! (Re: Rawia)

    وييين يا راوية
    كل عام وإنت بخير، ومن حولك
    أجمل الأمنيات لك يا شابة
    وكوني بألف خير
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

01-01-2011, 04:11 AM

سارة علي
<aسارة علي
تاريخ التسجيل: 07-08-2008
مجموع المشاركات: 4413

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: محسن جالاكسي يااااااا تاب.. جننت التكنلوجيا جن !! (Re: Rawia)

    كل عام والجميع بخير ....
    يا محسن خالد عندي تعليق على صورة ومن قبيل يدي ماكلاني اكتبو ...
    قلتا ما ادخل توووووش وأعلق .. فاديني ضوء أخضر عشان آخد راحتي



    _________
    وبالعدم الضوء الشارد
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

01-01-2011, 04:45 AM

محسن خالد
<aمحسن خالد
تاريخ التسجيل: 01-06-2005
مجموع المشاركات: 3900

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: محسن جالاكسي يااااااا تاب.. جننت التكنلوجيا جن !! (Re: سارة علي)

    يا سارة كل عام وأنت بخير
    وأريت أمنياتك في هذا العام أقرب من حبل الوريد
    ضحكتيني بمشاورتك دي.
    شارد دا وين يا سارة؟ أفو، هيييع، الناقد المُبدع.
    شوتي ساكت، ستجدينني إن شاء الله أوَّلَ الشامتين من هذا البدوي المنحشر في بلالات السعف.
    أسعفينا –يا عملات ود البدوي- ههه، بالتعليق سرعة سرعة.
    خلينا نضحك قبال ننوم
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

01-01-2011, 05:33 PM

Maha Bashir

تاريخ التسجيل: 11-26-2004
مجموع المشاركات: 814

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: محسن جالاكسي يااااااا تاب.. جننت التكنلوجيا جن !! (Re: محسن خالد)

    محاوله لتصليح الرد

    (عدل بواسطة Maha Bashir on 01-01-2011, 05:43 PM)

                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

01-01-2011, 05:38 PM

Maha Bashir

تاريخ التسجيل: 11-26-2004
مجموع المشاركات: 814

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: محسن جالاكسي يااااااا تاب.. جننت التكنلوجيا جن !! (Re: Maha Bashir)

    دا شنو دا هسه الحصل شنو في الرد بتاعي دا؟
    حاجه تلخبط .. أنا ماشه خلاص وكان بتصلح صلحوه بالله
    معليش يا محسن و حيدر
    تحياتي
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

01-01-2011, 05:53 PM

Maha Bashir

تاريخ التسجيل: 11-26-2004
مجموع المشاركات: 814

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: محسن جالاكسي يااااااا تاب.. جننت التكنلوجيا جن !! (Re: Maha Bashir)

    يا محسن... سلامات
    Very Happy New 2011 to all of you
    تحياتي ياشباب يا حلوين
    Quote: أقسم بالله العظيم ثلاثاً، والله على ما أقول شهيد "هههه") أنا ومعي إحدى صديقاتي الغربيات حينما أخذنا نتلمس ونتصفح هذه الآلة العجيبة والمُذهلة، رفعتْ صديقتي وجهها من على الآلة بذهول كامل، وقالت لي بالحرف الواحد، بليييز شيل النصيبة* دي ووريها للراجل الكان بضرب في البت السودانية وسط الشارع والمارّة، في الشريط الوريتني ليهو وطيّر النوم من عيني أسبوع كامل.

    فقصدها خُذ هذه الحضارة، المتمثّلة في هذه الآلة، وارجع بها إلى إخراج قومك من عصور قدو قدو، لهذا العصر. شرطتو عين الحضارة الإنسانية ذاتها، وأسأتوا إلى الإنسانية كلها وجمعاء، ومكابداتها عبر التاريخ والقرون، لترقية حياة الإنسان وتكريمه ومواساته بوسط هذا العدم الوجودي المرير، يا همج يحيون خطئاً بعصور الـGalaxy Tab، الواقع سحرية.
    يقولوا ليكم هذه الـGalaxy Tab، وراء تصنيعها نساء ورجال يسمون بقيادات وسراة بلادهم، ورؤسائها وحكمائها وكبرائها وآبائها وأمهاتها، الحادبون على مصلحتها لا مصالحهم، الرؤوفون الرؤومون بزلاتها والمواسون لها لدى مُلِّماتها، تقولوا لي حديث البشير في القضارف!؟

    Quote: ]دي ترجمة لـFu.ck.ing Hell

    يا محسن أنا لسه بقرأ في صفحتك و الوقت معذبني عذاب شديد... و لسه بقرأ في " الناقد المبدع" و أنا منبهره و مستمتعه و أنا بحب القراءت المدهشه بحق و شكري يا عزيزي

    اها شنو يعني عاينت لصورة لؤي لقيتها بالجلابيه؟؟؟ عليك الله ما تعمل الحركات دي....خلي لؤي دا يقول ليك هو بتظبط النهار كله بالبدل ولا لا؟
    أنا لسه بقرأ في كل حاجه هنا.. الوقت الله يقطعه

    يا محسن عليك الله حارد علي لؤي دا هنا و شكرا مقدما...

    و يالؤي أنا ضربت ليك تلفونات أولا عشان أعزيك في سمندلاوي عليه رحمة الله
    و ثانيا عشان أبارك ليك و للينا " محمد وردي" لكن إنت ما بترد علي التلفونات و لسه حأتصل تاني

    و أنا حأحاول أجي هنا تاني بعد ما أسافر بي بتي و أوصلها الجامعه...
    يلا في أمان الله
    تحياتي و محبتي
    مها

    حاجه تخوف و الله الحصل في مداخلتي غريب
    علي العموم حاولت تصليحها و خلاص بعد دا
    إن شاء الله تكون إستعدلت... أخيرا
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

01-02-2011, 06:39 PM

لؤى
<aلؤى
تاريخ التسجيل: 06-01-2003
مجموع المشاركات: 14343

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: محسن جالاكسي يااااااا تاب.. جننت التكنلوجيا جن !! (Re: Maha Bashir)

    Quote:
    اها شنو يعني عاينت لصورة لؤي لقيتها بالجلابيه؟؟؟ عليك الله ما تعمل الحركات دي....خلي لؤي دا يقول ليك هو بتظبط النهار كله بالبدل ولا لا؟
    أنا لسه بقرأ في كل حاجه هنا.. الوقت الله يقطعه

    يا محسن عليك الله حارد علي لؤي دا هنا و شكرا مقدما...

    و يالؤي أنا ضربت ليك تلفونات أولا عشان أعزيك في سمندلاوي عليه رحمة الله
    و ثانيا عشان أبارك ليك و للينا " محمد وردي" لكن إنت ما بترد علي التلفونات و لسه حأتصل تاني

    و أنا حأحاول أجي هنا تاني بعد ما أسافر بي بتي و أوصلها الجامعه...
    يلا في أمان الله
    تحياتي و محبتي
    مها


    يا مهّوية
    مشتاقيـن

    كُلّ سنة وإنتـي والعيال بألف خيـر
    طبعاً لا جانـي منّك إتّصال ولا حاجة
    إتّصالاتك دي تكون زي مـحاولاتك بتاعة تصليح ردّك دي
    بنتّصل بيك نـحن
    الله يعوّضنا بس





    مـحبّتـي
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

01-03-2011, 10:57 AM

فيصل نوبي
<aفيصل نوبي
تاريخ التسجيل: 09-16-2005
مجموع المشاركات: 14194

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: محسن جالاكسي يااااااا تاب.. جننت التكنلوجيا جن !! (Re: لؤى)

    Quote: * لعناية فيصل نوبي تحديداً، تقول لي الآي فون؟ هييييع، علي بالحلال الكورييين انتهوا من دين حجرو ذاتو، وسيدو رَقَد غَرِب جزلانه، كما تقول الكوشرثيا في توصيف بديع. آمنتُ بالله، جهاز مبالغة، مبالغة، مبالغة. هذه التكنولوجيا الفارقة والمتحدية لا المنافسة فحسب للغرب، تشرح بالواضح جداً، لماذا يحشد الأمريكان خمسمائة وثمانية وعشرين ألفاً من جنودهم في كوريا الأخرى، على وزن مريم الأخرى، ويصنّعون الفتن بين الكوريتين قشّة عيونهم من النوم حتى تغيب. هذا ما يهدد الغرب فعلاً، لو كان ذلك ضرورياً، انقلاباً على مفاهيم تكامل الحضارات، والمصطلح من عندي، لا مفاهيم صراع الحضارات، وأمريكا روسيا قد دنا عذابها، والجعجعة الفارغة وكاملة دسم الجهل والأميّة والتخلّف.
    تلفون لما التلفون يقول من جلكسيك اكتفيييت ويا كوريا مالك؟ وظائف الكمبيوتر لما البي سي يقول واااي، كل ما يتعلق بالتدوين والكتابة وأجهزة الاتصال الحديثة لما كاتب زي محسن خالد يقول (الروووب، أنا بحب الجلاكسي وبكره الآي فون) إنترتين منت عبر الفلاش لما أجهزة العرض كلها تتعقّد من روحها، وتصميم سمح ساااكت، مع حجم ووزن مضبوطين تماماً. حاكم إنني ممن لهم عقدة باتجاه إنو أنصح الكمبيوترات ديل لكن شينة التصميم، أنصح اللاب توبات توشيبا لكن شينة التصميم، أنصح العربيات مارسيدس لكن شينة التصميم.. إلخ.
    تكنولوجيا وسماح وحضارة للطيش، الناس وييين ونحن وين؟ الناس بأي عصور ونحن نتخبط في أية ظلمات؟
    (أقسم بالله العظيم ثلاثاً، والله على ما أقول شهيد "هههه") أنا ومعي إحدى صديقاتي الغربيات حينما أخذنا نتلمس ونتصفح هذه الآلة العجيبة والمُذهلة، رفعتْ صديقتي وجهها من على الآلة بذهول كامل، وقالت لي بالحرف الواحد، بليييز شيل النصيبة* دي ووريها للراجل الكان بضرب في البت السودانية وسط الشارع والمارّة، في الشريط الوريتني ليهو وطيّر النوم من عيني أسبوع كامل.
    فقصدها خُذ هذه الحضارة، المتمثّلة في هذه الآلة، وارجع بها إلى إخراج قومك من عصور قدو قدو، لهذا العصر. شرطتو عين الحضارة الإنسانية ذاتها، وأسأتوا إلى الإنسانية كلها وجمعاء، ومكابداتها عبر التاريخ والقرون، لترقية حياة الإنسان وتكريمه ومواساته بوسط هذا العدم الوجودي المرير، يا همج يحيون خطئاً بعصور الـGalaxy Tab، الواقع سحرية.
    يقولوا ليكم هذه الـGalaxy Tab، وراء تصنيعها نساء ورجال يسمون بقيادات وسراة بلادهم، ورؤسائها وحكمائها وكبرائها وآبائها وأمهاتها، الحادبون على مصلحتها لا مصالحهم، الرؤوفون الرؤومون بزلاتها والمواسون لها لدى مُلِّماتها، تقولوا لي حديث البشير في القضارف!؟
    ----
    دي ترجمة لـFu.ck.ing Hell


    سلامات يا محسن
    و كل سنة و إنت طيب آزول
    النصيبة الفوق دي أخوكـ مقاطعها و اكان عرفت سبب اخوكـ بتقاطعها تضامناً
    في العمارة الت مكتبنا في السايد الشرقي منها حدا اشارات اربعة اكان في صورة الت بنية سمحة سماحة
    ماني خابر اكنها هندية ولا زلمية علا آزول من الصباح كل يوم اتاوقلها و اتكيف و ادخل علي مكتبي
    واكان مرقت أمصمص لي سجارة ياها المشاركاني فوقها
    البنية عجيبة و ممكن ابصم لكـ بالعشرة زمنها ده كلو زول تاوق للكتابة حدا الدعاية الت البنية دي ماف
    من ترفع طرف عينكـ لامن تفوتها و تدليها تكون بتعاين للبنية و تنسي الكلام المكتوب حداها
    اها قوم يا المسخوت المسعول من البكان ده شيل البنية السميحة دي و ختلنا بدالها نصيبتكـ الفوق دي
    اها يا معلم مقاطع مع أخوكـ ولا يفتح الله !


    _
    علا بعد كلامكـ ده بندخل عليها و نشوف في اليومين الجايات ديل و بنردلكـ خبرها ببوست ماكن متل الفات حق الآيفون
    مفروض ناس الايفون يدفعو لي حق الدعية 10% من قيمة كل تلفون إشترنو مساخيت الاون لاين ديل

    (عدل بواسطة فيصل نوبي on 01-03-2011, 10:58 AM)
    (عدل بواسطة فيصل نوبي on 01-03-2011, 11:08 AM)
    (عدل بواسطة فيصل نوبي on 01-15-2011, 01:22 PM)

                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

01-05-2011, 11:31 PM

محسن خالد
<aمحسن خالد
تاريخ التسجيل: 01-06-2005
مجموع المشاركات: 3900

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: محسن جالاكسي يااااااا تاب.. جننت التكنلوجيا جن !! (Re: فيصل نوبي)

    يا فيصل نوبي مشتاقين ياخي
    كدي أوّل حاجة تعال استعدل مداخلتك دي، عشان عمك العميان دا يقدر يشوف ويرد عليك في حكاية (السماح) الشال قليبك وراح، لامن عماك من تشوف محن الكوريين دي.
    قدر ما شحدتكم تشرحوا لي الاقتباس بصوره وضبانته دا بتعملوه كيف ما شرحتوا لينا، بس فوق طلع مجلي وإنت راجل معلّم ما يصحش ههه
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

01-08-2011, 05:11 AM

محسن خالد
<aمحسن خالد
تاريخ التسجيل: 01-06-2005
مجموع المشاركات: 3900

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: محسن جالاكسي يااااااا تاب.. جننت التكنلوجيا جن !! (Re: محسن خالد)

    تحياتي يا حيدر، ولك المودات التي لن تنتهي أبداً، أحياءَ كنّا، سواءٌ، ألَمَّت بنا جاذبيةُ الموتى الغامضة، اللاسعة، وهي تفور في –الهُنَاك- الذي نجهله كُلَّه.
    وتحياتي للأستاذ الكريم خالد عثمان وشكري الجزيل له، والمُسْتَعْذِب، لتَذَكُّرِه مقالاتي القديمة، منذ أيَّام حضرة المُلْهِمَة، الباهية، تموليلت، اتوحشناها الدريّة بزّاف. وأحزاننا عليها من ثقلها، ما يزال اللاقار يشحنها في قطارٍ، ويشحننا بآخر، نحو مراكش، وفاس، وكازا، وبني ملاّل -ريفي أزيلال.
    ولو أنَّنَي استقصيتُ ما كتبتُه بيديَّ بحثاً عَمَّا يدل –مجرَّد الدلالة- على مفردة (الانتماء) تلك، ولم أجد شيئاً. فاستخدام الأستاذ خالد لها، جاء على نحو شخصي، يخصّه وحده، ولا يمكن إسناده إلى النص المعني بأي حال من الأحوال. وبذا تَمَّت إحالةُ حمولتها المقحمة و"الحسَّاسة" بالنسبة لي، إلى النص. ومن خلال شواهد قاطعة وأكيدة، اشتملت عليها "إجابة" الأستاذ محمّد سعيد الريحاني، نجد أنَّ الحكاية كلّها، رُغم لا حقيقيتها وعدم وجودها، قد تمّت إحالة توهُّمِها ذلك، من محسن خيالي، تُحَصِّنُهُ سواترُ العمل الفني، إلى محسن واقعي، له اسم وعنوان، ولن يحصّنه إلا وَعْيُهُ مهما استغاث. بالضبط كما هو حال الريحاني الواقعي بقلب "حوار". فالحوار مادَّة واقع، تجري على سطح المُباشرة الأرضية في تمام الاحتراس، إذ لا تُقَنِّعُ الكاتبُ هنا مداءاتُ ما هو رواية، تتم خلو أي احتراس كان، عدا ما هو فَنِّي.
    وتعريف الجهة الفلانية بـ"العَلَم" كذا، لا يعني "الانتماء" لمدرسة أو فكر أو رؤية ذلك العَلَم نفسه، ولا لطرائق سياسته في الحياة. كما لا يعني أنَّك امتدادٌ له، ولا أنَّك تقوم فيما يليه من فضاء المعرفة. ببساطة، تعريف موقع البيت الفلاني، بأستاد الهلال الذي يجاوره، لا يعني أنَّ أهل ذلك البيت يتناولون غداءهم على نجيلة ملعبه "منتمين" بذلك للهلال ضد المريخ. الطيب صالح، على وجه التحديد، والتخصيص، أجدني لا أنتمي إليه في أي شيءٍ كان، ولا حتى أقوم فيما يليه من فضاء المعرفة. ولو قلتَ لي ماذا عن ود ضيف الله؟ لقلتُ لك مرحباً، أنا لا أنتمي إليه، ولستُ امتداداً له، ولكنني أقوم فيما يليه من فضاء المعرفة. والطيب صالح على صعيد الكتابة هو ("كلاسيكي"، التوصيف للروائي جمال محجوب، بالمناسبة). وإنَّني على نحو تاريخي، سندته تجربةٌ فعليةٌ لا افتراضات، أعرف أنّني باتجاه الآداب (تحديداً) بدأت تنبهاتي للحداثة السودانية (تحديداً) من خلال الشعر والشعراء لا الروائيين. وعلى وجه التعيين بدأت تلك التنبّهات بالشاعر محمد نجيب محمد علي في كتابه المسمّى (ضد الإحباط).
    وهذه العلامة التي هي في مقام شهادة هنا تُصَعِّبُ مسألة (الانتماء) تلك. إذ لا بُدَّ للانتماء من تأثُّرٍ بالرؤية السالفة للمتأثِّر، المنتمي إن شئت، على وجه من الوجوه التي يطول شرحها. أمَّا على صعيد الوعي المؤسِّس لرؤية الطيب صالح الوجودية التي عاش بها بين الناس بوصفه مُثَقَّفَاً، ومفكّراً، ومُبدعاً كبيراً من طرازٍ نادر، فهي تنحو بقوَّة نحو ما اعتدنا التعبير عنه أوساطَ المثقفين السودانيين بـ"الإسلاموعروبيين". والطيب لم يكن في هذه الناحية، تحديداً، يحفظ ولو حذية الوعي مع أبناء أيّامه ذاتها، ناهيك عن أجيالٍ تؤسِّس للكوشرثيا، ولأنانيا صفر في الثقافة السودانية.
    كما استقصيتُ في الإجابة التي تَفَضَّل بها الأستاذ محمّد سعيد الريحاني. ووجدتُها مفهومة، بل ومقبولة للغاية، ومقدَّرة عندي ومُكرَّمة جداً، في انتمائها إلى عبد الكريم الخطابي، ابن عرضون، فاطمة الفهرية، ابن بطوطة. ولكن.. الملك يوبا الثاني، وطارق بن زياد ويوسف بن تاشفين؟ كيف نجري لهؤلاء (العسكر) المذكورين تطريزاً ملائماً، تأثُّراً أو استلهاماً مفيداً، مع الوعي العلماني المعاصر؟ وكيف ينتمي إليهم كاتبٌ بالقرن الواحد و(عشرين)؟ بل ويُقَدِّمُهُم في الذكر على أهل الوعي الحقيقي والريادة في اكتشاف ثقافات الآخر، والتواصل معها، من خلال السياحة والتعارف لا الغزو، كابن بطوطة! الذي أدينُ له بانتماء وتأثُّر كبيريْن. كما يقدّمهم الريحاني في الذكر على بناة العلم والتعليم للرجال والنساء، ومؤسسي الجامعات والأفضال الكبيرة والخيِّرة، وعلى أهل النضال في وجه الإمبريالية والبغي كالخطابي، على روحه السلام في الخالدين.
    ويا تُرى ما الرابطُ بين (العسكر) المذكورين الثلاثة؟ (الدم الأمازيغي!؟). أفيجوز أن ننتمي بقلب هذا العصر من خلال الدماء!؟ أمَّا الخطابي فلزامٌ علينا أن نعفيه من مسألة دماء الأمازيغ هذه. أترى يا أخي الرياحي؟ عفيناه لأن رؤياه "إنسانية" تخصنا جميعاً، لذا مدخلك في الانتماء إليه لن تلحق به الشوائب، كما لحقت بك لدى الآخرين. لأنَّهم يشكِّلون مفاخر صغيرة لعرق أو جهة، وهي مفاخر مؤسَّسة على تَمَلُّك الناسِ وقِتالِهِم، وإزهاق الأرواح عبر أفكار الفتوحات لا السياحة في الأرض والتعارف، فما حاجتُنَا إلى ذلك الانتماء اليوم!؟

    ولو {"يوبا الثاني" الملك-العالم الوحيد في التاريخ الذي اعتلى عرشا على كوكب الارض}، الريحاني.

    فرجائي من الأخ الريحاني أن يراجع ما حوت إحدى الموصوفتين المذكورتين، أو كلتيهما، إمّا (التاريخ) أو (كوكب الأرض)، وبأيّهما يبدأ، فلا بأس. على سبيل المثال لا الحصر، فالريحاني قد غَفَل عن الرجل الشهير جداً (ماركوس أوريليوس)!
    **
    إنّي أنتمي إلى الوعي النبيل والخيّر "فقط"، أيَّاً يكن صاحبه، وأينما كان. خارج الحدود كلِّها، الجغرافية، الإثنية، الأيدولوجية، الطبقية، الجندرية.. إلخ. والذي هو غيرُ ذلك من وعي متحقّقٍ لأعلامٍ ومُنْجِزٍ، مهما كان يُشَكِّلُ من مفاخرَ ومنجزات، لا يُقَوَّم عندي بقطمير.
    وقديماً سُئلت: لماذا أكتب؟ ولم تكن إجابتي مدجّجةً إلا بالسلام وحده، ولم يتقدّمها عسكري واحدٌ أو يلحق بها.
    إجابة بسيطة للغاية، وربما حاكها لي نولُ براءةٍ يختبئ في مكانٍ ما منّي، هكذا، عفواً ودون تدبير
    لماذا تكتب؟ "لأكون وَفيَّاً لطفولتي".

    ------------------------------
    شايف يا خالد (بانتمائك) الجبتو من عندك دا، بقيتني في شنو؟ والطيّب صالح بقى ما يفرزوه من تاشفين لا بالخوذة ولا البوت؟
    يا عزيزي خالد، نص تموليلت ذاته، الذي استدللت منه هذا، ورد فيه بخصوص (الانتماء) الآتي:
    Quote:
    أهو الجهل؟ أم عقدة القصور، لجسمٍ كان متحرّكاً وسَكَن، للانتماء إلى مكان وناس، لا تنتمِ إلا للخلاء وما أجملك نمراً.
    ألم تسمعوا قول الأُحيمر السعدي:
    عوى الذئب فاستأنست بالذئب إذ عوى ..... وصوّت إنسانٌ فكدتُ أطير
    الحنين هو الموطن.
    مالكَ وحال المكان والناس!؟

    (عدل بواسطة محسن خالد on 01-08-2011, 05:51 PM)

                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

01-08-2011, 08:51 AM

دينا خالد
<aدينا خالد
تاريخ التسجيل: 06-26-2006
مجموع المشاركات: 9367

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: محسن جالاكسي يااااااا تاب.. جننت التكنلوجيا جن !! (Re: محسن خالد)


    Quote: لو ما ضوّة خالتي، شُفتي الاسم دا كيف،
    بِقَت ما بتضْـفُـر السعف لأنّها لجأت لتجارة التماطيق
    بعد أن تهمّشت تجارة القُفاف والبروش، كنت أسعفتك (ههه)


    غايتو يا عادل البدوى خالتك دى
    البرادعى عدييييل كدا فى زمنها ...
    ارشحها بعد التماطيق للعمل مع
    محمد البرادعي المدير السابق للوكالة الدولية للطاقة الذرية
    لووووووووووب
    فهو يتاج لخبرات فى عمل كل تلك الاشياء التى ذكرتها
    علها (تسعفه) فى عمله الجديد فى السياسة المصرية لوووب







    ـــــــــــــــ
    كلهن خليهن .. علييك الله يا عادل التماطيق دى شنو ؟
    اوعك يا محسن تجى تمطق لى الكلام فى السعى
    للعمل من الفسيخ شربات
    او لعمل المقاشيش هوفر
    والسعف ريش نعام .. كلمونى كلام افهموا
    نحن ما صدقنا فكينا طلاسم ..( المشهاد )
    تجونا راجعين بى طقاطيق !!!
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

01-08-2011, 03:48 PM

محسن خالد
<aمحسن خالد
تاريخ التسجيل: 01-06-2005
مجموع المشاركات: 3900

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: محسن جالاكسي يااااااا تاب.. جننت التكنلوجيا جن !! (Re: دينا خالد)

    فيصل يا عزيزي إزيك
    مما أذكره من حكايات العقد الفريد، أنّ القاضي شريح قد سُئِل عن أيهما أحلى والذُّ؟ اللوزينق أم الجوزينق؟ فأجابهم بلسان طويل ومتمطّق، إنِّي لا أحكم على غائب!
    فيا تباصر لينا صورة للسماح الشال قليبك وراح، عشان أتضامن معاك، وأقول البنيّة أسمح وتعمي عن رؤية هذه الآلة، وإلا سأعتبر الجلاكسي (((أسمح)))، أسمح فقط، كي لا نُسْأل عن مقارنة المرأة الإنسان بالحديد الجماد!؟ شفت كيف داير تجيب لينا مصيبة؟ أصبح ليس بمستطاع عقلنا أن يخط حرفاً واحداً دون تنقيب وحفر ومساءلة، ولو قلنا الوعي البعذّب دا إن شاء الله يطير عشان ما تطير العفوية، ح تقولوا: يا النبي نوح! لكن بيني بينك يا فيصل، الحديد السمح من كلٍّ خير ورهيب ههه
    مستنيك تمشي تشوف الجلاكسي دي، وتجي توريني رأيك.
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

01-08-2011, 04:23 PM

محسن خالد
<aمحسن خالد
تاريخ التسجيل: 01-06-2005
مجموع المشاركات: 3900

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: محسن جالاكسي يااااااا تاب.. جننت التكنلوجيا جن !! (Re: محسن خالد)

    هسّع يا دينا لما كنت طالبة في المدرسة، عمرك، ما أخدتِ دقة على شراية التماطيق!؟
    لووول
    بدُّوك القروش حقة الفطور في البيت، وبدُّوك جضيمتين مقدَّماً وجرَّتين من الأضان، القروش دي حقّة شنو؟
    وإنت تجاوب: حقّة الفطور. تُكرّر هذه العملية ثلاث مرات، وتختتم، بـ(أوعك من شراية التماطيق).
    والتماطيق هي كل ما دون (الساندوتش، الكان بعملوه من الرغيفة أم هَقَل، أم قلب)، وما يَنُدُّ* عن إقامة الأود ويقصّر. أي أنَّك تتمطّقها تمطّقاً بلسانك، دون أن تشبع.
    والتماطيق هي قائمة طويلة، مما يباع في المدارس والأسواق وأمام الدكاكين، تشمل اللقيمات والطعمية بالشطة والآيسكريم والقنقليس المسحون وغير المسحون (دقُاقة وغير دُقاقة) وحلاوة قطن وحلاوة لبان، والكريملا، وحلاوة حارّة (البيضاء الفوّراة)، وحلاوة حربة، وحلويات سعد، والنبق والدوم واللالوب ... وعيييك، وبرضو ما بتشبّع، تماطيق بس.

    ويا دينا، عادل يقول لكم أيّها الحناكيش إنَّ خالته (ضَوَّه) كانت منتجة حينما كان عملها في مجال صناعة السعف وفنونها، أمَّا بحلول الغول الذي تعلمون فقد تدمرت صناعتها، وتحولت من صانع منتج وفنّان، إلى تاجر تماطيق، شريف ونظيف ويأكل من عرف تجارته، ولكنه غير منتج، وغير صانع، ولا فنّان.

    -----
    يا عزيزنا عزيز البطل، الكلمة دي من تسوياتي لازمك ترخيص
    بضحك طبعا، سرني استخدامك لها.
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

01-08-2011, 11:39 PM

محسن خالد
<aمحسن خالد
تاريخ التسجيل: 01-06-2005
مجموع المشاركات: 3900

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: محسن جالاكسي يااااااا تاب.. جننت التكنلوجيا جن !! (Re: محسن خالد)

    وقصب السكّر، والتسالي، والفول المدمّس، والعيش ريف مقلياً (مشوياً) ومغلياً (بالموية الحارّة)، الهريسة، والسمسميّة، والتمر هندي.. إلخ


    ----------
    يا ود القرشي، جيب لي كلامك بتاعة إسحق فضل الله داك بجاي، عشان أتم معاك الونسة وحديث الذكريات، هذا البوست يسمح بذلك، بل هو مناسب للاندياح.
    بتذكّر -بعد طردة إسحق لي ورفضه إجازة إحداثيات الإنسان- لما مشينا لمسؤولة نشر أو مديرة نشر، لا أذكر، اسمها (هالة) في مكتبها، ومعانا د. ناهد محمّد الحسن ود. السماني يحيى؟
    رغم إنو ناهد بت خرطوم راقية ومتفلهمة لكن بالنسبة لي دي كانت أوَّل مرة أقابل فيها سودانية من أرقى وأسحر ما يكون.
    يمررر الزمن، وأكتشف إنو هالة دي، هي نفسها نفسها صديقة صاحبي محمّد جلال هاشم ورفيقته في الحياة! تخيّل!
    اتلاقينا في بيرمنجهام وكان شايل ليها صورة في جيب قلبه وودَّاً لا يُحد، وتجر الونسة والونسة، لامن طاااخ نصل لاعند هالة، وإنّها أم أطفاله! تخيّل!
    يا حليلو صاحبي محمّد السر، لو كان موجوداً لعاد بنا إلى قصة (قسيس الطبيعة) وبناء الأقدار وتركيبها.

    -----------
    نحن الأربعة بمجرّد خروجنا من مكتبها، قمنا جررري علي القطيعة في رقيها وسحرها. بساطة نتيجة عمق، تلطّف بنا بوصفنا بشراً لا ضيوفاً، حكمة، إمهال للمحاور، فهم، ذكاء رزين، يالله، مبالغة.
    *
    تقول لي أجيال هسّع المخلوعة دي، الواحد في كل حرف وألا كلمة وألا مسلك، داير يثبت ليك إنو ذكي! في أغبى في الدنيا دي من التكلّف والتمثيل، والادعاء والتنطّع، ومحاولات الإنسان -دون داعٍ- لإثبات إنو ذكي!؟
    أيوة يا حرف (الإيه دا!)، أنا قاصدك عدييل، تاني تجي الفيسبوك؟
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

01-08-2011, 11:52 PM

محمد قرشي عباس
<aمحمد قرشي عباس
تاريخ التسجيل: 03-19-2010
مجموع المشاركات: 3195

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: محسن .. صديقي في الغياب (Re: محسن خالد)

    Quote:
    يا ود القرشي، جيب لي كلامك بتاعة إسحق فضل الله داك بجاي، عشان أتم معاك الونسة وحديث الذكريات، هذا البوست يسمح بذلك، بل هو مناسب للاندياح.


    سمعا و طاعه يا صاحب ..

    Quote:
    العزيز محسن
    Quote:
    قال لي أحدُ الأصدقاء متصلاً، إنت الأيامات دي رجعت أنصار سنة تاني وألا شنو؟


    طبعا إتذكرت يومك المشهود مع إسحاق أحمد فضل الله ، لما منع ليك روايتك بالسودان ..

    و كان مفتكر إنو حيناقش واحد مثقفاتي بيفلفل في شعره

    قمت إنت أفحمته بالقراءات و العقيدة الطحاوية و فروسيتك البعرفها ..

    يكون ليوم الليلة ما فاهم زول زي ده قدر يكتب (الفليل) كيف !!!

    مشاكل القراءة الأحادية لا حد لها يا صديقي ..

    مودتي



    أها يلا تعال وري الناس القصة الحلوه دي ..
    يا بتاع هتلر إنت
    I will Be Back
    ــــــــــــــــــــــــــــــــــــــــــــ
    ما أظن في كتير عارفين إنك كنت أنصار سنة (بالمتوسطة موش كده؟؟)
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

01-08-2011, 11:54 PM

حسين يوسف احمد
<aحسين يوسف احمد
تاريخ التسجيل: 08-17-2005
مجموع المشاركات: 4490

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: محسن جالاكسي يااااااا تاب.. جننت التكنلوجيا جن !! (Re: محسن خالد)

    Quote: إلا يمين قاعد أنكرش عديل من ضيقي بالبدل، تقول بس لابس لي بلال سعف


    ههههههههههههه
    دا بتاع بيت الغبش؟ ولا بتاع خالتنا عرفة؟؟ (الله يرحمها)

    محسن العزيز:
    والله شرفتنا ورفعت راسنا وجعلتنا نفتخر بك..
    إلى الأمام يا عزيزي..
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

01-09-2011, 00:31 AM

عبدالحافظ عثمان
<aعبدالحافظ عثمان
تاريخ التسجيل: 08-12-2009
مجموع المشاركات: 161

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: محسن جالاكسي يااااااا تاب.. جننت التكنلوجيا جن !! (Re: حسين يوسف احمد)

    الاخ محسن خالد
    تحيه عطره...........
    وعام جديد تحلق فيه مع من تحب وفى سماء السعاده........

    والتصالح مع النفس اكثر..واكثر.......

    انك حبر هذا المكان..
    .
    تنثر فيه لغتا عريبة......... تضى ظلمات هذا العصر ومنبره...

    لم نلقى يوما ولكن ...........من متابعة مما تملك من مفاتيح لغة الضاض.

    يجعلنى اكاد ان امسح مفاتيح الانجيلزى او لغه سقراط

    واقف بين دهشات اين هى البدايات وكيف تكون النهايات .. فى يد كاتب ..

    تجدك نفسك بين سطوره تحلق....

    مرحبا بك فقد هلت بشارك بتوقف تساقط الثلوج..........

    وبدانا نحس بدف السودان......

    لك الود اخى.

    (عدل بواسطة عبدالحافظ عثمان on 01-09-2011, 00:48 AM)

                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

01-09-2011, 07:44 AM

محسن خالد
<aمحسن خالد
تاريخ التسجيل: 01-06-2005
مجموع المشاركات: 3900

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: محسن جالاكسي يااااااا تاب.. جننت التكنلوجيا جن !! (Re: عبدالحافظ عثمان)

    حسين يوسف أمَّا مشتاقين يا شاب
    ياخي هيثم خبرو شنو؟
    حزنتني بخبر رحيل خالتنا عرفة، غايتو الموت دا!
    عامل شنو في الحياة العُليا هذي؟ ليتك بألف خير
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

01-09-2011, 11:57 AM

محسن خالد
<aمحسن خالد
تاريخ التسجيل: 01-06-2005
مجموع المشاركات: 3900

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: محسن جالاكسي يااااااا تاب.. جننت التكنلوجيا جن !! (Re: محسن خالد)

    أخي عبد الحافظ جزيل الشكر لك على هذه الطلّة والإسماح في القول
    يا عزيزي لو بقيت في بلاد البريطان هذه فدعنا نلتقِ، لم لا؟ أصلها أيامات ونتلّب من ركشة العدم دي، يضحك نهارك
    كن بألف خير، وشكري لك مجدّداً، والمحبّة وراك وقدّامك
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

01-09-2011, 10:05 PM

محسن خالد
<aمحسن خالد
تاريخ التسجيل: 01-06-2005
مجموع المشاركات: 3900

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: محسن جالاكسي يااااااا تاب.. جننت التكنلوجيا جن !! (Re: محسن خالد)

    Quote: بخصوص كلام ووندر وربطك له ببداوتي، أبصم عليه بالعشرة، كون البيئة والدعم منذ سن مبكرة يصنع الكثير في تنمية القدرات أو حتى (أحياناً نادرة) استيلادها.
    لو قلت لك إنني أتذكر لأول مرة رأيتُ فيها التلفزيون والمروحة والكمبيوتر ومتى لأوَّل مرة سمعتُ بالموبايل سماعاً وأنني أتذكر بالضبط كيف وأين، ألن تتعجبي؟ أو ألا يعني ذلك أنني تلقيتُ جرعتي من المدنية الضرورية، بوصفها شرطاً من شروط العيش في حد ذاته، متأخّراً؟

    م. خالد


    سآتي لاستكمال هذه النقطة وربطها بالفكرة منها والخلاصة على صعيد الفكري السياسي والمعيش.

    ----------------
    معليش يا أخوانا شكلو البوست دا ح ينقلب للناقد المبدع، بكري عوقني في البوست بتاع الناقد المبدع، والحكاية وما فيها إني حردان وكدا، لأني طلبت منه مراراً وتكراراً يا بكري ياخ، أنا أصلاً في السنة كلها رؤوف جداً بالباندويث، وكلها بوست واحد بالكتير، على مدار العام كلّه، غالباً بكون عندي بوست واحد بس، أصلك ماتشيلو أي مكان لو ما طلبت منك ذلك، شال من قبل بوست الكوشرثيا، من أقوم وأعظم ما كتب هنا، وبعدها الناقد المبدع، ويبدو (والله أعلم) أنّ له رغبة في تدجيني مع مجموعة (يا ريس، وصاحب الحوش، والمعلم، وأب صلعة.. إلخ) ومع تلك القناطة المعهودة كلها.
    يا زول هووي، أنا محسن خالد هيمسيلف، والله،... لو الله ذاتو أذّن ليك في أضانك مش كاتب أسافير بسماجات غبية، ما أطلب منك -ولو مرة واحدة- ترجع وألا تأخر وألا تقدم، ومع ذلك بحتفظ بالفضل والعرف، والنقد معك، زي ما طلبت منك قبل كم يوم تصلح بوست، بورتسودان (تثتغيث) يا النبي نوح، شوف كمية الجهل هنا! ولا اهتميت بطلبي. الحكاية شنو؟
    يبدو أن ركاكة مستشاريك أكثر مما أتخيل، وإنا لله وإنا إليه راجعون.
    شيل البعجبك يا مان، دااااك سودانيات قاعد، ودااك موقعي براي خدمة ضراعي قاعد، الدايرني دائما يلقاني هناك.
    وألا كيفن شرحها يا بكري، لو المسألة تكنولوجيا وما أدراك! ستجدني والله من الصابرين والمعتذرين كمان، إني لا أستكبر على الحق.


                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

01-09-2011, 10:44 PM

عبدالحافظ عثمان
<aعبدالحافظ عثمان
تاريخ التسجيل: 08-12-2009
مجموع المشاركات: 161

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: محسن جالاكسي يااااااا تاب.. جننت التكنلوجيا جن !! (Re: محسن خالد)
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

01-10-2011, 09:08 PM

Adil Al Badawi

تاريخ التسجيل: 07-27-2005
مجموع المشاركات: 1143

للتواصل معنا

FaceBook
تويتر Twitter
YouTube

كيف احذف مداخلة من بوستى
شرح الدقّة! (Re: عبدالحافظ عثمان)

    Quote: هسّع يا دينا لما كنت طالبة في المدرسة، عمرك، ما أخدتِ دقة على شراية التماطيق!؟
    يا محسن أكان ما بِنخاف البهادل فيما يلي أصناف "طعام" أهل الهامش كان قدّمنا شرح الدقّة ("الطعام") بحكاية الخمجان الفات خمجو حدّو وقالوا ليهو بعد كَدي أظنّك داير لك "دقّة" فما كان إلاّ أن أفاق من خمجه فرحاً وقال: هَيْ نان هِنْ بِدنّها!

    ويا دينا أكيد محسن وقّع ليك شرح التماطيق طق طرق. أها، هو ذاك (ههه) هو ذاك.
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

01-13-2011, 02:02 AM

محسن خالد
<aمحسن خالد
تاريخ التسجيل: 01-06-2005
مجموع المشاركات: 3900

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: شرح الدقّة! (Re: Adil Al Badawi)

    Quote: يا محسن أكان ما بِنخاف البهادل فيما يلي أصناف "طعام" أهل الهامش كان قدّمنا شرح الدقّة ("الطعام")
    عادل البدوي


    سودان المريسة، بين التاريخ والحاضر



    الدَّقَّة والبَقَنِيَّة والقَدُو قَدُو والشِّرْبوت والكَجَمُورو وكَبْس التَّور والعَسَلِيَّة والدَّكَّاي والبَغُو... وعيييك. ما لا يقل عن مائة اسم بأقل تقدير.
    طعام أهل الهامش هو (المرائس) بجميع أنواعها، شاءت ثقافة الإسلاموعروبيين أم لم تشاء. ويستوي في ذلك الهامش كلّه، سواءً كانوا مستعربين أم كوشيين أقحاح. ومركز وأم هذه المرائس هو (الكِسْرَة) الواحدة هذه.
    ثقافةُ أطراف مناطق جعليي البحر، جعليين شوايقة رباطاب، ميرفاب، مناصير.. إلخ، ونوبة الشِّمال دناقلة، محس، حلفاويين، على سبيل المثال، لم تكن الأعراس والمناسبات تُقام لديهم جميعاً إلا إذا أصبحت ريحة المُخَمَّرَات بجميع أنواعها والزِّرِّيعة مما يشم، لصنع الدَّكَّاي والبَقَنِيَّة والشِّرْبوت. ثقافة مناطق النيل الأزرق وأطراف واسعة من غرب السودان أيضاً لم تكن الأعراس تُقام فيها إن لم يجهّز الكَجَمُورو والقَدُو قَدُو والبَغُو.
    كَبْس التَّور والعَسَلِيَّة في أطراف النيل الأبيض وأصقاع البطانة وبوادي غرب السودان. وهي في الأصل كانت طعاماً يومياً مما يستطعم ويقدم للضيف وتجده في الأوقات كلّها متوفراً.
    الجنوب، ويا حليلو، مرائس أينما ولّيت وجهك، ومن كل شاكلة ولون. ومنها ما تخميرته منقه، مانجو يا ابن أمّي! تكون لَطْ وريحتك منقه، شفت النعمة دي؟
    فما لنا قد فشلنا في محبّة إخوتنا واحتضانهم؟ ولو نلنا تلك المحبّة، لنلنا (مَنْقَةَ الدنيا وموز الآخرة).
    وقيل في تفسير (وطلحٍ منضود) التي وُصِفت بها الجنّة، إنّ الطَلْح هو شجر الموز.
    ولا أعتقد أنّ لفقهاء الإسلام السابقين مشكلة مع المرائس، بل بلادنا كلّها كانت تُسمّى بـ(مريس) كما يقول أبو حنيفة. إذ ينسب إليه ابن منظور قوله {ومريسٌ أدنى بلاد النوبِ التي تلي أرض أسوان}، لسان العرب.
    ويرد لدى اليافعي (مرآة الجنان وعبرة اليقظان) في ترجمة بِشْر المريسي المتكلّم بخلق القرآن وزعيم الطائفة المريسيّة، من مناظري الإمام الشافعي الأشداء، ويرمونه بالضعف في النحو واللحن (لاحظ لهذه العلامة)، يرد الآتي:
    {والمريسي، منسوب إلى مريس، قيل: قرية من قرى مصر، وقيل: بين بلاد النوبة والسودان. وقيل: بل منسوب إلى درب المريس ببغداد حيث كان يسكن}، المرآة، لليافعي.
    ولدى ابن خلّكان في (وفيات الأعيان وأنباء أهل الزمان) {وسمعتُ أهل مصر يقولون: إنَّ المريس جنس من السودان بين بلاد النوبة وأسوان من ديار مصر، وكأنّهم جنسٌ من النوبة، وبلادهم متاخمة لبلاد أسوان، وتأتيهم في الشتاء ريحٌ باردة من ناحية الجنوب يسمونها المريسي*}، الوفيات، ابن خلّكان.
    {ومريس من بلدان الصعيد، والمريسية الريح الجنوب التي تأتي من قبل مريس}، ابن منظور.
    هذا لأنَّ رائحة مرائس المانجو لا تبلغهم، على ما يبدو. اللهم بعد الحال انفحنا بريح مانجو مريسيّة تلم الشمل وتكفينا شر التقطُّع والتشرذم، يا حنّان يا منّان.

    Quote: هَيْ نان هِنْ بِدنّها!
    ود البدوي


    هي نان هم بعد شنقوا البلد بضفائر ومسائر ثقافاتها ذاتها، الحيكومة بدوها؟
    حَبيبة شُنِقت بضفائرها

    ----------
    * خَلِّ بالك دي بلهجة أهلنا الشوايقة

    (عدل بواسطة محسن خالد on 01-14-2011, 03:32 AM)

                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

01-13-2011, 05:38 PM

Adil Al Badawi

تاريخ التسجيل: 07-27-2005
مجموع المشاركات: 1143

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: شرح الدقّة! (Re: محسن خالد)

    Quote: وهي في الأصل كانت طعاماً يومياً مما يستطعم ويقدم للضيف وتجده في الأوقات كلّها متوفراً
    يا محسن كفيت ووفيت والله وإن كُنتَ قد أغفلت ذكر حبيبتنا "التمبارة" الكانت أمي بتصفّيها لينا بي عِمّة أبوي. ديك أيّام يا حليلها بَسْ...تقطع كورتك وتتكلها جنب كراع عنقريبك وتحكِـل كوعك فوق دومتك؛ لا منبّه ينهزك ولا موبايل يفرفر في جيبك ولا هَمْ ديدلاينز يطيّر النوم من عينك لا دا لا داك...الضبّان دا يغلب فيك حيلة ويقنع من خيراً في زعزعة نومك. تقوم من نومك وشّك نااااير إرقش وأثر وِسار الحبال مطبوع فوق جُضمك بالكربون؛ تاخدلك انكراشة، تمرق تدّيها بولة (بولة مريسة معتبرة) وترجع تنهر العتّان والجداد والسواسيو من فوق مملكتك وتاني تنجدع فوق عنقريبك كراع فوق ضهر مركوبك وكراع في بطن الكرّاب.

    Quote: لم تكن الأعراس والمناسبات تُقام لديهم جميعاً إلا إذا أصبحت ريحة المُخَمَّرَات بجميع أنواعها والزِّرِّيعة مما يشم
    عمّنا أمحمّد ود الجير، الله يطراهو بالخير، هو أوّل (وآخر) من أحيا عادة زرّيع العيش في الأعراس ففي يوم عِرِس ولدو حسبو شدّوا ليك البقنية بالبراميل والجماعة أها يقومو ويقعوا زرافات زرافات الصاحي فيهم صِـبِح يتيرب بالبليلة.
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

01-14-2011, 03:38 AM

محسن خالد
<aمحسن خالد
تاريخ التسجيل: 01-06-2005
مجموع المشاركات: 3900

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: شرح الدقّة! (Re: Adil Al Badawi)

    الشيء انفتل تاني، وطشّش بينا، براهن عيونا شغّالات بالدفرة.
    دحين البوست دا يا عادل أمس ما كان صفحتين، وألا أخوك جَنّ؟
    يا فيصل نوبي محمّداك جيّة تاني لاستعدال البوست من جديد، لازمك تصغير الصورة تاني، ننشادك وكذا.
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

01-14-2011, 07:34 AM

Baha Elhadi
<aBaha Elhadi
تاريخ التسجيل: 03-29-2008
مجموع المشاركات: 879

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: شرح الدقّة! (Re: محسن خالد)

    محسن وحيدر وما بينهما
    لكما ودا جميلا ، ومتابع لهدا الدي يحدث هنا

    لكما ودي ومحبتي
    البدوي بدوي مهما تنقل في بلودات الدنيا
    وأهو حالنا من الحاحاية لناطحة السحاب
    ونستمتع بالفوارق التي تبديها هده وهده

    نحمل القرية داخلنا ونعافر في ليالي البنادر
    بهاء
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

01-14-2011, 07:42 AM

Adil Al Badawi

تاريخ التسجيل: 07-27-2005
مجموع المشاركات: 1143

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: شرح الدقّة! (Re: محسن خالد)

    Quote: دحين البوست دا يا عادل أمس ما كان صفحتين، وألا أخوك جَنّ؟
    أخوي نصيح تَبْ إلاً البوست كشّ. الشهادة لله، بوستاً دخلنّو حول الميّة نوع من أنواع المرايس إن بِقى على الكشّة براها كتّر خيرو؛ الخوف يجيبلو سبعة تمانية.

    لامِن يجيك فيصل النطمّنك على العيون الشغّالات بالدفرة بتعليق جدّنا الأنصاري (الملقّب بالنفّاخ من شِدّة ما تعليقاتو نفّاخة)؛ قالوا زار ليهو زول شلّقوهو (باين محمّدانا أنا وإنت الشغلة دي) أها بعد ما كفّر ليهو سألو إن بِقى بشوف. الزول قال ليهو الحمُد والشُكُر ليك يا الله بقيت النّجِم دا أشوفو. الأنصاري نفخو قائلاً: النّجِم بِدور يعتّر ليك! الفي الواطـا دا شايفو وألا نشوفلك زولاً يقودك!
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

01-14-2011, 07:59 AM

دينا خالد
<aدينا خالد
تاريخ التسجيل: 06-26-2006
مجموع المشاركات: 9367

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: شرح الدقّة! (Re: محسن خالد)

    اقتباس:: ويا دينا أكيد محسن وقّع ليك شرح التماطيق طق طرق. أها، هو ذاك (ههه) هو ذاك.
    لووووب يا عادل
    لقيتك خبيييث ، واسمر جميييل فتااان فتان ...
    ياخ مش محسن صالحنا ؟؟
    انت وين ياخ









    ـــــــــــــــــ
    فاتك المنظر محسن يجر فيه من يدو
    وهو يشيييل ويتدردق بالواطة .. لمن
    وصلو
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

01-14-2011, 07:33 PM

محسن خالد
<aمحسن خالد
تاريخ التسجيل: 01-06-2005
مجموع المشاركات: 3900

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: شرح الدقّة! (Re: دينا خالد)

    بهاء الهادي
    أمَّا مشتاقين
    يا رجل وينك، وعساك بألف خير
    كتّر خيرك في الشوفة والتحيات مثلها للعزيز حيدر
    شايفو انقطع، يكون حارس بنيتو فرحان بيها المبروكة
    دُم باهياً يا الباهي
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

01-15-2011, 12:31 PM

محسن خالد
<aمحسن خالد
تاريخ التسجيل: 01-06-2005
مجموع المشاركات: 3900

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: شرح الدقّة! (Re: محسن خالد)



    كسلا كسلا كسلا
    يا الصُّلاّح رجال كسلا ويا ليلة هِمُّوا لَيْ بعَجَلة
    يا الصُّلاّح رجال كسلا ويا رجالة الوَسَلَة
    يا ليلة هِمُّوا لَيْ بعجلة
    شوف الرايقة عند أهلها
    شوف السمحة عند أهلها
    قبل الروح يتم أجلها
    ويا ليلة هِمُّوا لَيْ بعجلة
    جات في الرقصة منتصرة
    وديسها سابل لخصرها
    ويا ليلة هِمُّوا لَيْ بعجلة
    من حور الجنان أصلها
    عبّاسية في نسلها
    ويا ليلة هِمُّوا لَيْ بعجلة
    ويومها الفارقت كسلا
    خلاص عشاقها ضاع أملها
    ويا ليلة هِمُّوا لَيْ بعجلة
    دمع العين فرغ وملأ
    وبيها الحفلة زايدة حلاة
    ويا ليلة هِمُّوا لَيْ بعجلة
    يا الصُّلاّح رجال كسلااااا
    ويا ليلة (تِبِّوا) لَيْ بعَجَلة


    علي بالحلال كان مشتهي لَي خميس فاضي، أوظّفه في عَرْسَة ساكت (بس) عشان أشحد الزول دا ومعاه نادر خضر وهاجر كباشي يجوا يفرّقوا عن العالمين (طرافة الجحيم) النحن فيها دي.
    متّعتني هذه الأغنية التي لي معها ذكريات، في هذا الصباح الكابي قلت أعمّم المتعة، عسى أن ننتهي ذات يوم من هذه الصباحات الكابية، بغير الموت، وهيهات.
    البوست انقلب الناقد المبدع؟ أهو متونسين، وماذا خلف الهناك كلّه، المجهول في تمامه؟

    تطريب لما طيور دموعك تطير. شيءٌ من جنس لَذَّةِ الموتِ، وتراكيب أناشيده، كما الذَّهَاب في مراكب الآخرة الفرعونية، يا أيّها الواهن لا الميّـت، أيّها الواهن.
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

01-15-2011, 01:05 PM

محسن خالد
<aمحسن خالد
تاريخ التسجيل: 01-06-2005
مجموع المشاركات: 3900

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: شرح الدقّة! (Re: محسن خالد)

    لاحظ ليهم، كل ما البعيو يقوم يتجدّع يزحّوا الكاميرا منه، أمّال إيه؟ دا طبعاً تلفزيون لا إله إلا الله.
    غايتو الناس ديل دايرين يحشروا الشعوب السودانية دي كلها، وبثقافاتها كلّها، في لباس، ويطبلوا عليه اللستك، وألا يسووا شنو ما بعرفو!؟
    كل شيء عيب وكل شيء خجلة، التقول في زول جانا من الآخرة دي وورانا فيها شنو.
    ويا ريت لو هم متسقين مع الفكرة، يا ريت، المشكلة الأكبر تتجلّى في الإيهام، مجرّد الإيهام، وخداع الناس واللعب عليهم.
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

01-15-2011, 01:05 PM

محسن خالد
<aمحسن خالد
تاريخ التسجيل: 01-06-2005
مجموع المشاركات: 3900

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: شرح الدقّة! (Re: محسن خالد)

    لاحظ ليهم، كل ما البعيو يقوم يتجدّع يزحّوا الكاميرا منه، أمّال إيه؟ دا طبعاً تلفزيون لا إله إلا الله.
    غايتو الناس ديل دايرين يحشروا الشعوب السودانية دي كلها، وبثقافاتها كلّها، في لباس، ويطبلوا عليه اللستك، وألا يسووا شنو ما بعرفو!؟
    كل شيء عيب وكل شيء خجلة، التقول في زول جانا من الآخرة دي وورانا فيها شنو.
    ويا ريت لو هم متسقين مع الفكرة، يا ريت، المشكلة الأكبر تتجلّى في الإيهام، مجرّد الإيهام، وخداع الناس واللعب عليهم.
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

01-15-2011, 01:28 PM

فيصل نوبي
<aفيصل نوبي
تاريخ التسجيل: 09-16-2005
مجموع المشاركات: 14194

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: شرح الدقّة! (Re: محسن خالد)

    سلامات
    نأسف للتأخير تاني
    مع إنه البوست عندي ما مفتول (بالصورة) علا قلنا نسحبها و نشوف كان ينعدل ناحيتكم
    امس مشينا يا محسن مكاناً بيقولولو مدينة الفراري - جزيرة ياس الت ابوظبي
    و البنية السمحة زاتها معلقة هناكـ مشعلقة فوق واحدة من الفراريات.
    اها للأسف ما كان عندي كاميرا - لكن بجيبها .. بجيبها ..
    _
    Quote: دايرين يحشروا الشعوب السودانية دي كلها، وبثقافاتها كلّها، في لباس، ويطبلوا عليه اللستك، وألا يسووا شنو ما بعرفو!؟

    هو لكن لستكـ ولا تكة ؟
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

01-15-2011, 01:57 PM

محسن خالد
<aمحسن خالد
تاريخ التسجيل: 01-06-2005
مجموع المشاركات: 3900

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: شرح الدقّة! (Re: فيصل نوبي)

    يعتمد يا فيصل نوبي مقترح (تكّة) طوالي، هو الأصوب والأمتن بلا شك.
    لأنَّ المُنْتِج فعلا هو عقلية ذكورية، واللساتك بتشتغل مع اللتنين، فأحسن ما نجيب معاها الجماعة الحلوين من محل السُّرَّة ولتحت.
    كان ممكن أونّسك في الحتة الضيقة والمرحة دي أكتر.
    لكن كلامي دا مع التخفيف (ومراعاةً لفروق الحياء بين دبي ولندن) شفت نشرة الأخلاق الجويّة دي كيف؟ ههه
    يلا جيب الصورة وخلينا نشوف، معاها وألا مع الجلاكسي، وما تخاف أخوك بمرق النصيحة تب في أيهما ((أسمح)).
    يضحك نهارك
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

01-16-2011, 06:16 AM

فيصل نوبي
<aفيصل نوبي
تاريخ التسجيل: 09-16-2005
مجموع المشاركات: 14194

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: شرح الدقّة! (Re: محسن خالد)

    سلامات يا السي محسن
    أمس لقيت لي زول خات الإستيتس حقو في الفيس بوك متل ده
    Quote: طول الجُرح يُغرى بالتناسى
    فسألته إن كان للجرح طول أم عمق ؟
    رد علي بلغة متعالية بأنني من غير الناطقين بها فلا دراية لي بالعربية
    أيهما اصح العمق أم الطول ؟
    و إن كان قاصداً طول مدة الجرح فهل النص أعلاه مستقيم المعني ؟
    ** التشكيل من عنده ما من عندي


    _
    بمناسبة التشكيل دي الواحد لامن يكتب ليكـ مداخلة يعيد قرائتها عشرة مرات وهو متأكد إنها برضو فيها إن


    _
    موضوع الجلاكسي دورناهو هني
    مقارنة (Samsung Galaxy S vs iPhone 4)

    (عدل بواسطة فيصل نوبي on 01-16-2011, 07:03 AM)

                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

01-16-2011, 06:36 AM

حيدر حسن ميرغني
<aحيدر حسن ميرغني
تاريخ التسجيل: 04-19-2005
مجموع المشاركات: 18370

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: شرح الدقّة! (Re: فيصل نوبي)

    ماشاء الله
    حكي يغري بالمتابعة
    المعذرة للإنقطاع
    الشكر للجميع
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

01-16-2011, 06:57 AM

بله محمد الفاضل
<aبله محمد الفاضل
تاريخ التسجيل: 11-27-2007
مجموع المشاركات: 7984

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: شرح الدقّة! (Re: فيصل نوبي)

    صدقت يا نوبي
    ففي النفس أشياء وأشياء
    تقال لهذا المحسن
    لكنما حذر الموت هذا
    يفاقم في النظر
    والنظر
    إلى ما بين أيدينا
    الذي نرغب في الدفع به
    لحضرته


    بس نديهو المحبة
    ونزوغ للقراية (الاسحن من العرس ذاتو)
    أها شنو ليك
    ما أخير من صمة الخشم


    من جهة ثانية
    تعرف الكتابة معه
    بتعلمك تجود ما تريد إضافته
    وإلا فالصمت جواب شاف
    دا ما شان شيء
    إلا لأنه يفعل ذلك
    وعيب تجي خاشي على زول درس كلامو من جميع الاتجاهات
    شايت ضفاري

    يا اخي محبتي ليك وليهو وللناس كولياتها بدون فرز
    ودعواتنا ليكم بالتوفيق (باقي دعواتنا سريعة الاستجابة مش مجاورين الحرم)
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

01-16-2011, 09:06 AM

محسن خالد
<aمحسن خالد
تاريخ التسجيل: 01-06-2005
مجموع المشاركات: 3900

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: شرح الدقّة! (Re: محسن خالد)

    الحزب الشيوعي السوداني

    حزب الترابلة، الرواعية، المياومة والعمّال
    أم لوج الطلائع المدينية البرجوازية


    ((لا تَتِّخِذوا من عجزكم هذا فضيلة))، محمود محمّد طه، مع تصرّف في توجيه الضمائر.




    في الحقيقة ذكرياتي عن رؤيتي المتأخِّرة للتلفزيون والمروحة وكذلك متى لأوَّل مرة رأيتُ الغسَّالة، حينما جاءت بها نِعْمَات الحوري إحدى قريباتي ممن كانوا يسكنون الخرطوم ثلاثة. وأتذكّر بكل وضوح تجمهر النسوة حولها، وهرجهن وتلك الزيطة كلّها (هوووي يا نَاعَمَات، ما تدخلي إيدك في الشيء أم سنون دي، ها مَرَه ها، الشيء دي بتقوم تَجْقُم أصابعينك ديل)، وتسأل أخرى (والصابون بكبوهو وين يا دي؟)، ثالثة (هي لكن يا نَاعَمَات الصابون المسحون دا دكاّن التعاون ما عندو تسوّد عليك إن قام كمل!). وحين أدارت لهن تلك الآلة ورأينها كيف تقلب الملابس بسلاسة وتدفع برغوة الصابون، وهنّ يبحلقن باندهاش من خلال زجاج نافذتها، زغردت مريم بأعلى صوتها وصاحت في النساء (هووي يا حريم اتلمّن، أم طارق ما بتنقدر"!؟")، مع أنَّ النساء كُنَّ مؤدَّبات، ولا يحتاجن للممان، فقط مندهشات! أهي صيحة تَصُفُّ بها مريم نَفْسَهَا في صف الحداثة، أم مجرّد هوشة بدافع الحماسة المذهلة التي غطّـت الجو؟ أمّا حين أدارت لهن النشّافة وأخرجت لهن الملابس ناشفة وعرضتها عليهن، فتحولت دهشتهن إلى فزع رسمي. وصمتن لفترة طويلة مبهوتات، لتصيح امرأة منهن فجأة (أجييي يا الفكي حسين صقر الجمعة واللتنين، النّصارى أهل البصارة، قهرتهم بالله)، وكانت الغسّالة يابانية الصنع*.
    وهذه القصص عن (بداوة ابن البتولا) كانت لي بمثابة الفينار بينما كنتُ طالباً أدرس علم التنمية الريفية بجامعة الجزيرة. والعزلة البادية هنا، لا تدلُّ على التقصير في تنمية التلقي التكنولوجي وحده للكائن الريفي، وإنّما تجوز ذلك لتقودنا نحو عزلة أخرى على صعيد الوعي السياسي والوجودي أيضاً. وهذه الحالة لا تخص ابن البتولا وحده، وإنّما هي حالة ريفية في العموم. إذن هي ظاهرة اجتماعية ما تزال قائمة بوسط المجتمعات الريفية البعيدة. هناك إذن عزلتان، على صعيد التقدُّم المادي الذي تدل عليه المخترعات الحديثة هنا وعلى صعيد الوعي، معاً، وهما مترابطتان بحيث لا تنفك إحداهما عن الأخرى لكون الظواهر الاجتماعية كلّها مترابطة ببعضها بعضاً حسب دوركايم. كما أنَّه من المستحيل عزل التصور البشري إجمالاً للوجود بما في ذلك أديانه وثقافته وما يعرفه ورآه وعايشه من فنون، آداب، آلات.. إلخ عن الاقتصاديات وتطويرها، والتأثير على حركة التاريخ، كما في نقد ماكس فيبر القوي لماركس.
    فرؤيتي المتأخّرة لهذه الآلات مرتبطة أيضاً بلحظة أذكرها جيداً من تاريخ الأفكار والرؤى في رأسي. كنتُ مشهوراً بصناعة القوارب (الطيفان، ومفردها طوف) من أشجار النَّخل والدوم منذ كنتُ في السابعة من عمري. وتجدني أيّام الفيضانات عاكفاً النهار بطوله في صنع تلك القوارب التي حالما تضعها في الماء تخرج العقارب من كل مكانٍ فيها، وبعد أن ننظفها نستخدمها في نقل العلف والتمور وللهو، مجرّد اللهو الذي لا ينتهي.
    أذكر أنّني كنتُ أصنع أحد تلك القوارب، بهمّة ونشاط عجيبين، لأنَّ بعض الأصدقاء الذين أحبهم سيأتون للعب معي وسنقطع معاً للضفّة الأخرى من النهر. وكل مرّة أتحَسَّس "جبّادتي" لأرى رزقي من السمك. رفعت رأسي وأنا أدفع بالقارب الجديد في المياه كي أنظّفه من العقارب والحشرات، وكان مصنوعاً من النَّخل وهو أصعب من الدوم في تنظيفه، فرأيتُ ابن خالتي يركض ناحيتي من بعيد وهو يلهث، وقبل أن يبلغني ابتدرني صائحاً، قالوا "الشويعي" جاء!
    تلك لم تكن هي المرَّة الأولى التي أسمع فيها هذه المفردة، ولكنّني كنتُ أحسبها نبزة فقط تدلُّ على قِلَّة الأدب. فحبوبتي اعتادت على أن تربطها بالسعلقة (شوفوا الأولاد الشويعية والسعاليق ديل!) (إنت يا ولد قليل حياء، وألا شويعي، بري من طبعك!).
    وقطعاً لم أكن أدري أنَّ بوسع هذه الكلمة أن تتجسّد في أحد، اللهم إلا إذا كان بوسع السعلقة أن تفعل ذلك. فردّدتُها أمامه بصيغة الاستغراب والاستنكار.. "الشويعي"؟ وهو أكبر مني بعامين. بينما ذهني يدور كيف يعني "الشويعي" جاء؟ وما هو بالأساس؟ جاء على رجلين أم بأجنحة لا أدري!؟
    سألته "الشويعي" دا شنو؟
    سألني، إنت ما عارف؟
    أبداً.
    قال لي، مش عندنا أهل في العيكورة وأبِّيد؟
    أها؟ استفهمتُ أنا، بعد أن تركتُ قاربي، لأعرف حكاية ذلك "الشويعي" الذي جاء.
    يُكمل هو، بَسْ.. مش عندنا واحد قالوا قريبنا وإيده كذا وكذا... (ذلك الشخص كان يعاني من إصابة في يده).
    طيّب مالو؟ ما فلانة وفلان وكذا وكذا (أعدّد عليه أنا أسماءَ من أهل القرية، لأشخاص يعانون من إصابات) فشنو يعني! المشكلة شنو؟ هسّع جيتني جاري كدا، أنا قلت في شنو؟
    لا ياخي،.. إنت ما بتفهم!؟ ما عشان إيده، عشان هو "شويعي".
    يعني مالو؟ أسأله أنا.
    يعني "شويعي" يوم القيامة ما بجيبوهم مع الناس، ولما يموتوا الثعبان الأقرع بدخل ليهم في قبرهم، عشان هم قالوا (الله دا كضب)، ويستغفر ابن خالتي، أستغفر الله، أستغفر الله، خوف أن تنزل علينا ملائكة جحيم وتقبضنا متلبسين ساعتها.
    هنا بدأت أنا أهتم بالموضوع، وأخذت عيناي تدوران، من شدّة الفزع.
    قلت له، أنا زمان ما عارف، كنت قايلها نبزة من نبزات حبوبتي.
    لا ياخي، ديل كعبين خلاس، والبواليص طوالي بقبضوهم، واحدين بكتلوهم وواحدين بودوهم سجن كبييير وتحت الواطــة في الجنوب. هسّع الناس كلهم، والحرّوم، متلمين هناك، في بيت جِدّي، وقالوا ماشين يشوفوهوا، يلا بسراع عشان نشوفه.
    هو وين هسّع؟ أسأله أنا.
    هو قالوا لامن يجي بنزل في بيت حبوبتي كلتوم بت التوم.
    أثبّت الجبّادة في الطين جيّداً، وأسأله من جديد بروح صيّاد، وليشنو بنزل في بيت ناس حبوبتي كلتوم؟
    لأنّها قريبته أكتر.
    طيّب والبواليص ليه ما قبضوهوا؟
    يجيبني، ما عارف!
    يلا بس دقيقة، الطوف دا أنا سويتو هسّع، ولو خليتو في الموية العِرِق بشيلو.
    يسألني، نضّفتو؟
    لا، ما نضّفتو، أستنى شويّة أجيب لي جريد أدفر بيهو.
    ياخي خلّيهو ما تقرص، أنا ما بستناك، ماشي أشوف، يهيج ابن خالتي بعجلة.
    "قلتلك دقيقة بس"، أرجوه أنا.
    أطلّع عراقيَّ المحمرَّ بفعل المياه ودفّيق التمور، أي النيء من تلك التمور، وأسحب جريدتين، وأقفز إلى المياه، ومن الناحية الثانية أدفع القارب بالجريدتين. عندما يلامس الضفّة آمره بسحبه.
    فيضحك ويقول لي، تعال شوفو لو بتجَرَّ، ما تجي مارق من هنا.
    أسبح بعيداً، عكس وجهة التيار كي لا يدفع بمصيبة من ذلك الطوف ناحيتي. وأخرج لأرى العقارب تتدافع على الرمال الذهبية.
    لم أكن أخشاها أبداً، ولدغتني عشرات المرّات ولم أكن أتأثَّر بالسموم إطلاقاً، إلا في مرّة واحدة، لَسَبَنِي فيها ثعبانٌ صغير فذهبت بي أمّي للشفخانة وهي تنتحب وترتجف من الخوف. ولكن تمرجي الحلّة قال لها بكلِّ ثقة، ولدك محصّن ضد السموم، ما بتجيهو عوجة! ولا أدري إن كان فعلاً يُوجدُ أشخاصٌ محصّنون ضد السموم، والعلوم تعترف بذلك؟ أو كان ذلك التمرجي يعبّر فقط عن ظروف شفخانة ريفية مُهْمَلَة ويمكن للعلاج فيها أن يتم على تلك الصورة من التطمين عبر الإيهام!
    بأي حال، ثنيتُ جريدتي النخل اللتين دفعتُ بهما القارب من المياه، وحشرتهما في حبال الطوف وسحبتُه للخارج. كان ابن خالتي قد بدأ الركض قبلي، ليرى "الشويعي". وأمسكتُ أنا بملابسي، وكنتُ أرتديها بينما أركض خلفه في تعثّر. العقارب عادت إلى الطوف مرّة ثانية احتماءً به من خلاء الرمال وشمسها، والجبّادة تركتُها مغروزة في الطين كما هي، حشرتُ ملابسي في جسدي حشراً وانطلقتُ خلفه.. "الشويعي" ما ريَّح.
    سألتُه، أين نذهب، لمنزل جَدّي أم لمنزل حبوبتي كلتوم بت التوم حيث يوجد "الشويعي" طوالي؟
    قال لي، بكونوا فاتوا، اسرع، ونَقَز ونقزتُ خلفه. فوجدنا من صحبنا خلوقاً كثيرين، جاؤوا أيضاً للفرجة على "الشويعي".
    أذكر إلى اليوم، باب الخشب اللبني، وتلك الفرجات غير المنتظمة فيه.
    جمهورٌ غفير، متحلّقٌ حول الشاب، جمهورٌ جاء للفرجة وإن هو متنكّر في هيئة السلام على الضيف. جلسوا تحت النيمة الأمامية الضخمة التي تسد المدخل، وكانت حبوبتي كلتوم بكرمها المعهود تُدير عليهم الشاي، وتتحلّف عليهم بأن يشربوا، وتخصّمهم وترجوهم.
    تزاحمنا عند الباب، البنات كان بوسعهن الدخول والاحتماء بأمهاتهن، أما نحن الصبيان فلو دخلنا سنُطرد بلا شك.
    هناك من هو أكبر منّا، ولا تستطيع أن تجد معه فرصة، فوجدتُ أنّ هذه الطريقة لا تكفيني، أريدُ أن أرى هذا "الشويعي" كيف يكون وبكل وضوح.
    تركتُهم لدى الباب، وهم يسترقون النظر ويستغفرون، ويتعَوَّذون، خوف أن تحل بهم داهية، أو تأخذهم صيحة من السماء.
    أعرف دكّة القصب التي تُوجد في زقاق بين البيت والحائط، لففتُ من حول المنزل وتسلّقت الجدار، أعرف أنني إن وصلتُ الدكّة فلن يمتلك أي صبي غيري قصصاً موثّقة عن رؤية ذلك "الشويعي" مثلي، تكفينا جميعاً لأنس شهور قادمات.
    النيمة تقع في مواجهة الدكّة بزاوية منحرفة، هذا صحيح، ولكن يستحيل أن تصل تلك الدكّة دون أن يراك أحدٌ من ذلك الجمع كلّه.
    تركتُ الفكرة وركضتُ ناحية الحوش الأمامي للدار، الذي فيه أيضاً دكّة للقصب الناشف. الدار مقسّمة لحيشان، قفزت داخل الحوش الثاني، ورميتُ بنفسي على الدكّة وهي تكشكش، ولكنها بعيدة عن الرؤية وعن مكانهم فلن يسمعني أحد. فقد وجدتُها وجدتُها بأي حال، وفكرتي هي النيمة ذاتها التي يجلسون تحتها. سأتبع القصب إلى أن أبلغها وأتسلّقها ولن يهتم بي أحدٌ. وعندما بلغتُها وجدتُ أنني لو اكتفيتُ بمكاني ذلك على الدكّة وقريباً من النيمة، فهذا أفضل في الرؤية من تسلقها وأكثر أمناً.
    وشفت ليكم "الشويعي".
    كان شابَّاً في أواسط العشرينات على ما أعتقد، ويرتدي البنطلون والقميص كحال أهل المدن. ولبسه ذاته كان سيغدو موضوعاً للفرجة لو كان مدنياً عادياً، ولكن فرجتنا اليوم فيه، محدودة ومعلومة ومخصّصة، لكونه "الشويعي". يبدو أنيقاً ونظيفاً ومُرَتَّبَاً، كان يحاور الجميع بثقة وقوّة، ويضحك. أسنانه بيضاء لامعة، وشعره خنفسي لامع ونظيف، مسكين هذا "الشويعي" المُدهش، لا يشبه جهنم.
    كنتُ منذهلاً به، وبجزمته وأحاول أن أحفظ تفاصيله بدقّة كي لا يبزني أحدٌ في الروي عنه والحكاوي بعد أن يُسافر.
    ولك أن تربط ذلك كلّه، بما يمكن أن يكون مطبوعاً في ذكريات أطفال مُدن كبيرة مثل ساندرا وماهيتاب بنات عبد الرحمن بركات، أو بالطفل محمّد حسبو ابن التِّلام، وهو في سن مُبَكِّرة جداً يُهرِّب الوجبات لعمّه نُقُد أثناء عمله السرّي تحت الأرض.
    لقد أدهشنا في ذلك الريف غير البعيد جداً "الشويعي"، بينما أذكر أنّني رأيتُ المصريين مراراً وتكراراً يأتون للدعوة الدينية وأسلمة المسلمين، ورأيتُ الباكستانيين كذلك يأتون للدعوة، ولم يكن يدهشني منهم أحدٌ لكثرة مجيئهم، رغم حمارهم الفاقع وغرابة ذقونهم وأنواع جلابيبهم. ورأيتُ الترابي كذلك في شندي وأنا صغير للغاية، في نهاية الابتدائية أو مطالع المتوسطة لا أذكر، على وجه الدقة، حينما جاؤوا ببصّات لمدرستنا وأخذونا لمحاضرة له بالمعهد الفنّي في ذلك الزمن، الذي تحوَّل إلى كليّة التربية من جامعة شندي الحاليّة.
    لقد رأيتُ السينما المتجوّلة في وقت مُبَكّر، على أيدي جهات غامضة لا أذكرها، أظنها وزارة الزراعة، لأنّني أتذكّر الصورة المطشّشة لشخص يحمل سلّوكة ويتيرب أرضه. ورأيتُ البروجيكتر قبل آلات المنازل تلك حينما كنا في الابتدائية ودرجتْ على أن تحضره الجماعات الدينية للدعوة، وفي أفلامه رجالٌ بيضٌ يتحدّثون عن الله.
    ولكنّني لم أرَ "الشويعي" إلا في تلك المرَّة الواحدة فقط، التي رويتُها.
    فهل هنالك أيُّ أحدٍ في الأرياف، حيث الزراعة أو الرعي، رأى زعاماتٍ للحزب الشيوعي أتتْ للتنوير؟ هل رأى أيُّ ريفي ما، مزارعياً، راعياً، صيّاداً، من مكان ناءٍ، نشاطاً ما، ومن أي نوع، للحزب الشيوعي السوداني؟
    هل "الشويعي" كائن مألوف في أساسه، وله تعريف لدى البيئات العمليّة التي يجب أن يوجد فيها، هل رآه إنسانٌ في تلك الأنحاء دون أن يتسلَّق له شجرةً ويكمن له بجوف دكّة قصب؟
    هل بوسع الريف أن يرى ذلك "الشويعي"، دون أن يترك العقارب خلفه تسعى ومعايشه مغروزة في غدر نهر؟
    أم نتوكَّل على الله ونكتفي منه وفيه بتعريف الحرم بت حاج طيفور؟
    خصوصاً أنَّ هذه البلاد في تنظيماتها كلّها، لا تحتوي على أي حزب يهتم بالدراسات الواقعية والاقتصادية والاجتماعية في توجّهه العملي صوب الناس. ولا تمتلك فكرة التغيير هذه للواقع من منظور المعرفة والعلم، فكلّها أحزاب تتحدَّث عن الآخرة أكثر عمّا هو حادث في واقع الناس، بدءاً بجميع أنواع الإخوان المسلمين والسلفيين الآخرين وانتهاء بآخر صوفي كان. والأحزاب الطائفية الكبرى، والدينية الكُبرى، تتمركز في هذا الريف الذي لم يَرَ "الشويعي" بعد. أمَّا الأحزاب التي نشأت حديثاً هذه كلّها، فتشبه لي جماعات الفانز الـFans. كلّهم فانز ومشجعون ومشجّعات لأعطيات الحضارة الغربية بعد تأسيسها، ولا يمتلكون فكرة واحدة عن كيفية تأسيس الحضارة من حيث تليهم. إنَّهم جماعات فانز لجماعات حقوق الإنسان والبيئة والحيوان الغربيات، الديموقراطيات منهن والليبراليات، حيث فرغ الناس من الأساسيات وضروريات البقاء، وانطلقوا نحو الكمال. وفانز لجماعات تحرير المرأة، والفيمنيزم وما بعد الفيمنيزم، ودعاة الحداثة وما بعد الحداثة، وكيفيّة إلصاق "تاء التأنيث" في آخر الكلمات لمساواتها بالرجل ورد حقوقها؟ بينما المرأة الواقعية في الريف السوداني لا تنقصها أية تاء تأنيث حالياً، وإنّما ينقصها المقوت والهدم والكركار وفك الحرف ذاته بخشم الباب والدرب العديل! وإن ألصقوا لها مائة تاء تأنيث من فئة الألف، وهي في غيّابة الجب هذه، فلن تستطيع قراءتهن ولن تربح شيئاً.
    والحزب الشيوعي ذاته لا يمتلك بنية تحتية من الدراسات والخُطط النظرية حالياً، ولا يدفع بأي جهودٍ على أرض الواقع العملي، الصلد الـSolid، ولكن بأقل تقدير هو يمنح هذه الرؤية حظاً من الاهتمام والتفاكر في أحلامه إن صادف واجتمع سامِرُهُم بعد خمسين ستين سنة، ونيف.
    وهو حزبٌ مُحَصَّنٌ ضد النَّقْد من الخارج، لأنَّه معروفٌ بردود أفعاله الدفتردارية، كما هو ذو مناعة هومورالية لتثبيط النقد من الداخل، ضد أي صوت طامح، أو يحلم بما هو أكثر من بياته الشتوي الذي لا ينتهي هذا، كي يفيق ويقود الناس.
    ولكن كيف يقودهم، وهو الذي شأنه ما رويتُه عليكم أعلاه، حيث بيئاته التي يجب أن يكون فيها ويخضرّ ويترعرع؟
    وكادره جلّه من برجوازية مدن لا تفهم لغة ذلك الريف ولا تملكُ من طرائق وأفانين التأثير في ذلك الريف نِكْلَةً، لأنَّها تجهله ولا تشبهه في شيء.

    ***
    (مداخلة سابقة ذات تكملة وليس صلة فحسب).

    ولن تقود النَّاس إلإ إذا كنتَ واحداً منهم، وتشبههم، وهذا شيء مفهوم ومعروف منذ زمن القرآن، والأنبياء في نظريات القرآن السالفة ذاتها، كانوا من نوع وبيئة الناس أنفسهم. وهذا أُسَمّيه "قانون المناسبة" إن ناسَبَ الشيءُ الشيءَ داخلَه، وأصبح تقاسم البصيرة بينهما أمراً حتماً وواقعاً معيشاً، وتبانيا بالتعافي لا بالقسر، بالواقع لا بالأسطرة (قُل لو كان في الأرض ملائكة يمشون مطمئنين، لنزّلنا عليهم من السماء ملكاً رسولا)، وافتراض القرآن أنَّه لو أنزل الله هذا الملك في عالم البشر لتأسطر الواقع، هذا بالضبط ما كنتُ أقوله لأساتذتي بشعبة التنمية الريفية. بالنسبة لشعبتنا كانوا الجماعة الجايين من الحتّات المقصودة بعلم التنمية، يُحْصَون بعدد ستات الشاي في النشيشيبة، والباقي كلو منشية وعمارات ورياض ومتحنكشين من الريف، من إندينا، (وديل يا والله إخير منهم حناكيش المدن، على الأقل ما متكلفين) وهااك يا أعياد ميلاد وفلنتاين وتورتات في بلد يقول عنها صديقي أبكّر ود سماعين: وأمي تعدّ الجاتوه من دخن العصيدة، دا كلام شنو دا؟ شعبة التنمية الريفية، بالله كلّها قلبوها لينا مستشرقين شباب وشابّات بعثت بهم أسرهم السودانية المقيمة بالخارج نظام أخد دورة متطورة في تحمّل مشاق حياة الخرطوم ومدني العذاب! نحن ويين وهي مناطق التنمية وين أم بعوض ودوابي والخراء في السهلة! وكل المطلوب منّك كوحدة تنمية بدون مخصّصات، بس تحوّل الخراء أبو سهلة دا، لخراء تاني بالكدنكة، تقضى غرضك وتدفن. يعني بس يعلموك إنو الكديسة ما تبقى أحسن منك. فالمستشرقين اليافعين ديل ناس لا يناسبون علم تنمية الريف السوداني، وما هي القطاعات المقصودة بالتنمية؟ أماكن المزارعين والرواعية! شباب إنجليزيتهم زي السيف، وفي عاميتنا زيرو، دي بس نعمل بيها شنو؟ هااي.. واتس أب؟ يا عمو الراعي وألا المزارعي؟
    يا أخوانا أماكن التنمية والعمل في السودان وين؟ في صُفاق المنشية وألا الرياض وألا الخرطوم عموم؟
    الزراعة المطرية والرعي شرق السودان، الزراعة المطرية والرعي غرب السودان، زراعة الطلمبات خط النيل الشمالي، الزراعة المطرية والرعي في القلب والبطانة وإنت دافر لجوة، الزراعة المروية قلب عرّوب الجزيرة وجايي نازل بيها من النيل الأزرق، الزراعة المطرية والرعي في جنوب السودان.
    لاقاكم أي عيد ميلاد وألا تورتة حايم بجاي؟ ياخي هنا في عيد الناس ما تموت في رقبتها دي، لاقتكن إنجليزية في الضهاري دي وسيدها ما بعرف حتى مفردة "الجلاحة" بتعني شنو!؟ أمَّا الجراري والدوبيت فهما المدخل الثقافي لكل هذه الأماكن عدمانة التلفاز والجريدة، وهما أداتا التواصل والربط –الثقافي والفني- الوحيدتان، لكل المناطق المذكورة أعلاه، باستثناء الجنوب وجبال النوبة، ودي مناطق تحتاج لعربي جوبا أو الجبال ولمعرفة شيء عن الثقافة المحلية كتحَضُّر وجاهزية بأضعف الإيمان. والأفضل أن يؤتى بأبناء هذه المناطق ذاتها ليدرسوا التنمية الخاصة بها بأنفسهم، وزي العَوَّان المستشرقين الطلقوهم فينا ديل، ما بعرفو حتّى الجيلي من الكاملين وين!
    الكلام دا كنت بقولو لبروفيسور الطاهر محمّد نور أستاذي في الجامعة، النابغة العبقري وصاحب كذا (موديلز) كنّا ندرسها في الكلية وتُدَرَّس في جامعة الخرطوم أيضاً، وغيرهن من الجامعات. والأهم من دا كلّو إنو الزول دا بيشبهنا ويشبه ما يدرّسه من علم. وبيننا وبينه ينهض التلاقي مش الأسطورة، بروفيسور زي دا تلقاهو يحربس للرواعية والمزارعية بالخلاء ويوديهم بيتو، ويقعد ينقل في كسرتو بالريكة وملاحو بالجردل، يقول ليك الموديلز بتاعتي دي أنا بألّفها من الناس ديل، ونستهم، رياضياتهم، فلكهم، ثقافتهم، وبَرْكَتهم فوق الريكة دي ذاتها، ما ياها القصة كلّها.
    أها الطاهر دا يضحك زيين من رأيي إنو المستشرقين ديل، مفروض ينهروهم دوبيت وجراري –لامن يآمنوا- بدل كورسات الإنجليزي المسوينها لعينتنا نحن، والبلا أول ولا آخر، يجاوبني ساخراً: يا زول إنت حارق رزّك فوق كم، يعني إنت مصدّق إنو الحكومة دي وألا الغيرها دايرين يعملوا تنمية ريفية بالجد!؟ أبداً، (المستشرقون الشباب ديل)، وبإنجليزيتهم السمحة دي، وعدم معرفتهم بالتكتح من كلامنا، قالوك دايرنهم موظفين في العاصمة الخرطوم. كل ما تجي منظمة تفتيش من بره وألا تنمية، يتصدوا ليها عَوّان التورتة ديل ونق نق ونققك نق، تنمية تمام التمام، الإسهال في الضهاري وقف، البودة في المحل الفلاني حاربناها، مشكلة الجاتوه والكهرباء في أم شديدة وجبال النوبة محلولة، ونققك نق، وتنقك تنق.. لامن تجي الحيكومة التانية، وإلى ما لا نهاية.
    كنت بقرق دائماً معاهو، وأقول ليهو المستشرقين ديل، ما تسلفني ليهم، أشوف لي لوري حديد، النوع المعروش بسباتات داك، أصبح بهم في وديان غرب السودان، وألا ود أبقنجة القريبة دي، أجيبهم ليك من شراب الموية الما صحية وأكل الكسرة الناشفة إسهالهن يمشي ببرموداتهن وبناطلينن. يا عمي أب قنجة شنو البعيدة، مرة ودّانا دكتور داؤود الله يطراهو بالخير، الفاو، الفاو الفي صُفاق مدني دي، والله لو فتحنا بوست لطرائفهن وطرائفهم، البدخّل رأسو في البورد دا كلو، إلا ينشطر ويتشظّى بالضحك، ويتفرتك قطعة قطعة، إنَّا لله، ديل وارد وين ديل؟ الناس ديل جابوهم من وين؟ وقال خبراء التنمية الريفية السودانية في المستقبل.
    المهم، لامن خلّصنا الكلية لا بت عمارات فهمت ليها منطق راعي كان بنضم ساي كان بدوبي، ولا هرجة مزارعية، قمت اطّوعت وقلت أعمل بحث تخرجي: (الشعر هول مناطق التنمية دي) وعلاقته بثقافة التنمية، عشان أثقّفهم شوية بالبشر الماشين ينموهم ديل، والما عارفين ليوم الليلة دا كان صدّام حي وألا ميت؟ قلت أوري شبابنا المستشرق دا، أبين هيدفون، يات من ولد وألا بت مركّب ليهو هيدفون في رأسو، وما قلنا حاجة، السماع سمح وبلطّف البشري ويرقّق قلبه. لذلك خلينا نوريهم السماع عند المجتمعات الماشين ننميها دي، وشاعرهم المفضّل منو؟ أساتذتي أصلاً كانوا بكرهو كلمة "ثقافة" دي في عضمها، كان متفلهمة وألا بدون فلهمة، وهي عندهم رديف للفلسفة، وكمان بتعطّل ليهم سين وصاد. أها الحجّة تقيف مع الشُّعبة وإدارتها، ويقولوا: مشروع تخرجك دا، علي جتّتنا يا أديب ماك مننا.. أنحن ديل ناس التنمية واقتصادياتها أم رياضيات وخرطوم وبس، والما بنعرف حتّى شعر سالم حميد، خليهو الدوبيت والجراري كلام الطير والرعاع.
    وهنا نقول الله يرحم الطيب محمّد الطيب ويعدلها عليهو محل ما يقبل، شغلو في الدنيا دي كلها، كان كيف يلم البشر الناقزين ديل، علي معناهم الحقيقي، وحاجاتهم، الما إيلتون جون ولا شاكيرا ولا بيونسيه ولا ستريت بويز، ولا أي سجم وألا رماد تاني.
    (التنمية واقتصادياتها أم رياضيات وخرطوم!؟)، يا محنكم، التعريف الذي فكّرت فيه طَوَال جامعتي
    وما قدرت أبلعو ضُمّة. التنمية هي تنمية الإنسان المفرد، بعد فهمه ومخاطبته بلغته، من خلال بعثات نبوية تشبهه وليست أسطورية، ليؤثّر هذا الإنسان في الاقتصاديات من بعد، والعملية تعتمد في أساسها على قدرات البشري المفرد، وليس الجماعة، وهي عملية ثقافية بحتة ومائة بالمائة، وطيدة الصلة بالاقتصاد، وعديمتها بالسياسة*. ودا التعريف الصاح في عينكم، ولامن تقوم الساعة.
    المهم بروفيسور الطاهر اتوسط لي عندهم، وقال ليهم بعروبيتو الزيي دي:
    ها ناس الشفقة فوق أم كم، هسّع إنت شفتو الجنى دا داير يقول شنو؟ كدي خلّوهو يكتب كلامو، وكلنا نتقابلو ونتحوشو، ونتغاتت عليهو ذاتو، إن صمد فمرحبا، وإن لقينا كلامو فيهو فَزَرة نديهو أقرب كوشة ويطّلب الله.
    وذلك لم يكن خطّاً منّي باتجاه تكريس الفنون التي تتضمّن الأيدولوجيا مطلقاً، وإنما باتجاه تلك البيئة الطبيعية لذلك الشعر، بكل براءتها التي صُنعت بها، وقرائنها الثقافية في مروياتها عموماً ورواتها، وقراءة مجمل ذلك وحصحصته، لإجابة سؤال: ماهي ميكانيزمات الحراك الثقافي ومن ثم المجتمعي في هذه البيئة، وكيف يمكننا السيطرة على هذه الميكانيزمات وتوجيهها إلى حيث تريد الرياضيات؟






    -----
    * عندما حكيت القصة لأصدقائي في الجامعة، وموَّتهم بالضحك، أصبحت هذه الجملة (تيرم) لشدّة فكاهتها ولؤمها الساخر، كلما نرى أحداً يعرض خارج الدارة أو يتحدث عن موضوعة معرفة أو غيرها بكلام خارم بارم، وغير ذي صلة، يصيح فيه الشباب (وكانت الغسّالة يابانية الصنع)، النصارى مالهم ومال اليابان!

    * المقصود "برامج" التنمية ذاتها، لا بُدَّ من عزلها عن التوجّهات السياسية، والاعتماد في وضعها كليّاً على العلوم والمعرفة البحتة.
    فبرامج التنمية مثلاً لدى الكيزان لا بُدّ أن تحتوي على برنامج مصاحب من دجلهم وتصوراتهم الشخصية عن التغيير والوجود لا تصوّرات العلم وأهدافه.
    ولكن هل برامج التنمية في بلاد زراعية كأوستراليا وأمريكا كذلك؟
    (للاستزادة يمكن العودة للبوست الذي جُلِبَت منه المداخلة).


    * هل الناس الآن حتى في المدن الكبرى يمتلكون الآلات الضرورية للعيش مثل الثلاجة والغسالة والمكيف والتلفزيون والمكواة... إلخ

    (عدل بواسطة محسن خالد on 01-16-2011, 10:56 AM)
    (عدل بواسطة محسن خالد on 01-19-2011, 08:50 PM)

                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

01-16-2011, 10:53 AM

فيصل نوبي
<aفيصل نوبي
تاريخ التسجيل: 09-16-2005
مجموع المشاركات: 14194

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: شرح الدقّة! (Re: محسن خالد)

    محسن يا "شويعي"
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

01-16-2011, 01:12 PM

النذير حجازي
<aالنذير حجازي
تاريخ التسجيل: 05-10-2006
مجموع المشاركات: 6777

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: شرح الدقّة! (Re: فيصل نوبي)

    والله يا محسن على قول الخواجات:"يو ميد ماي داي"
    متعة والله، وأشكرك الصدفة الجابتني بي هنا، ياخي
    الكتابة الحلوة دي ما تفرد ليها بوست براهو.

    تحياتي لك ولصاحب البوست
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

01-16-2011, 04:05 PM

قيقراوي
<aقيقراوي
تاريخ التسجيل: 02-22-2008
مجموع المشاركات: 10279

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: محسن خالد يحلق عاليا مع إبن بطوطة في لندن (Re: النذير حجازي)

    السلام عليكم و رحمة الله و بركاته
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

01-16-2011, 07:43 PM

محسن خالد
<aمحسن خالد
تاريخ التسجيل: 01-06-2005
مجموع المشاركات: 3900

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: محسن خالد يحلق عاليا مع إبن بطوطة في لندن (Re: قيقراوي)

    Quote: بمناسبة التشكيل دي الواحد لامن يكتب ليكـ مداخلة يعيد قرائتها عشرة مرات وهو متأكد إنها برضو فيها إن
    فيصل نوبي

    التشكيل هيّن يا قريبي الرطاني
    كعب قراءتها دي. أمَّا عشر مرّات.. فدي عفيناك منها لأنو الكلام بالدارجي طبعا. يضحك نهارك.
    البيت بتاع طول الجرح دا، أعتقد أنّه منحول "على" المتنبي. إذ بحثتُ عنه سابقاً وما وجدتُه في كتاب أصول قط "والله أعلم".
    رديت ليك في بوستك بهناك، ياخي نحن بنتكلّم عن جلاكسي تاب، تاااب من الآيفون ههه على وزنة أهلك المسيكتاب، اللي يوم الليلة ما شافو "الشويعي"، شفت أنا ولدن القمت حمت بالبلود دا اتفلهمت كيف؟
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

01-16-2011, 07:53 PM

محسن خالد
<aمحسن خالد
تاريخ التسجيل: 01-06-2005
مجموع المشاركات: 3900

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: محسن خالد يحلق عاليا مع إبن بطوطة في لندن (Re: محسن خالد)

    يا النذير غاااية الأشواق، كيَّفت حنانك ذاتو مش؟
    طيّب أنديك مُشهاد ما دام جابتك الصدفة، واعتبر هذا المشهاد وعداً من قِبَلي.
    محل ما تشوف اسم محسن خالد دا في بكان، أحرى فيه النجيضة لامن يثبت لديك العكس.
    تشوفو من هنا، طوااالي تتوقّع الفطير باللبن حداه، وتجي مكفكف إيديك من باب البوست
    يضحك نهارك وكن بألف خير
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

01-16-2011, 07:51 PM

محمد قرشي عباس
<aمحمد قرشي عباس
تاريخ التسجيل: 03-19-2010
مجموع المشاركات: 3195

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: محسن خالد يحلق عاليا مع إبن بطوطة في لندن (Re: قيقراوي)

    محسن يا محسن

    مادام جبت سيرة الجامعة و طرائفها ..

    تتذكر يوم ما ونستك بالفيزياء النووية و كون أن البروتونات المتشابهة الشحنة تتجاذب في النواة رغم تنافرها الكهربي .. قمت مشيت ألفت ليك نظرية جديدة في إمتحان علم الإجتماع في صباح اليوم التاني و الأساتذه إفتكروها حاجة جديدة و أدوك إمتياز !!

    لو بتذكر كويس كان الكلام بتاع المقرر بيتكلم عن نموذج للمجتمع بيعتمد على موديل التجاذب و التنافر بتاع الذرة بتاع الثانوي (موجب و سالب) .. قمت إنت كتبت ليهم أن دعونا من النظريات القديمة و عرضت نموذجا جميلا من وحي الفيزياء النووية حول تجاذب المتنافرات و دوره في التماسك الإجتماعي أو شيء من هذا القبيل لو لم تخني الذاكرة ..

    كانت تلك أيام إبداع و طرفة و إمتصاص للمعرفة كالإسفنج تماما

    واصل الحكي يا صديق ..

    لن ننسى أيام مضت ...

    خالص التحايا
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

01-16-2011, 07:58 PM

محسن خالد
<aمحسن خالد
تاريخ التسجيل: 01-06-2005
مجموع المشاركات: 3900

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: محسن خالد يحلق عاليا مع إبن بطوطة في لندن (Re: محمد قرشي عباس)

    وعليكم السلالالام ورحمة الله وبركاته ومغفرته يا قيقا..
    ما تنقطع هنا وهناك، سمح؟
    العديلة وراك وقدامك
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

01-16-2011, 08:23 PM

محسن خالد
<aمحسن خالد
تاريخ التسجيل: 01-06-2005
مجموع المشاركات: 3900

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: محسن خالد يحلق عاليا مع إبن بطوطة في لندن (Re: محسن خالد)

    سيدي الحسن في كسلااااا
    ويا ليلة هِمُّوا لَيَّ بعَجَلة
    دمع العين فرغ وملأااا
    أها أها أها
    ويا ليلة
    وبيها الحفلة زايدة حلاة

    -----
    علّقت دي، تاني.. يحلّها الحلّ بلّه وحيدر لووول
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

01-17-2011, 09:22 AM

بله محمد الفاضل
<aبله محمد الفاضل
تاريخ التسجيل: 11-27-2007
مجموع المشاركات: 7984

للتواصل معنا

FaceBook
تويتر Twitter
YouTube

كيف احذف مداخلة من بوستى
وكانت الغسالة يابانية الصنع (Re: محسن خالد)

    يا ابن البتولا سلام


    أتدلى متأبطاً (وكانت الغسالة يابانية الصنع)


    يا اخينا ما مرّيت علي (المحيريبا) كدي
    وحاتك فيها شوف طاعم ومختلف
    إلا عامل السن والغُربة يا صاحب
    يأخذان معاً الشوف المكتمل للتفاصيل منا نحن أبنائها إلا شذرات هنا وهناك
    لكني هنا رأيتُ من نافذة هذا (الشويعي) الذي عبره قلت الكثير وأشرت إلى الكثير،
    رأيتُ وتذكرتُ مقالاً لصاحبنا النجيض (محمد زين الشفيع) حول التلفاز* وقريته السليمة (سليم) ليست ببعيدة عن مدينتنا (المحيريبا) وأنت ترى هذا الفرق الباين في القرية والمدينة،
    أي بين المركز والهامش، وفق أبجديات الشوف السياسي،
    لكني هنا استحضره أو أشير إليه في قلب البداوة (الريف/الهامش)، فهناك فرق قائم، فرق كبير قائم، تصنعه أشياء وأشياء،
    ففي حين أن مكاناً كـ (سليم) صاحبنا ود الزين تمثل تماماً بالنسبة لمكان كـ (المحيريبا) ما يمثله الريف بأكمله بالنسبة للحرم المصون (الخرطوم)...
    يخيل إليّ بأن التقسيم القديم من حيث (تعمير) مكان ما، أو ربما أسبقيته في الوجود بالمنطقة، أو مناسبة موقعه كمكان، أو كبر المجموعة التي قطنته أول مرة، أو الحظ المحض، أو تولي أحد أبنائه سُلطةً ما كرس من خلالها الضوء والإمكانيات كوفاء وعرفان...الخ،
    هو ما يؤدي إلى خلق هذا الفرق...
    ولا أعلم على وجه الدّقة ما أدى بمدينة برجوازية (في حدود منطقتنا طبعاً) إلى التقدم هكذا على غيرها مما جاورها من (حَلالٍ، جمع حِلّة) وإلى أن تكون ذات اسم رنان وفخيم في أذهان الناس ممن يقطنون بقرى تجاورها،
    ومبعث اعتزاز يمايل تماماً إن لم يفق ذلك الذي يقابلك -قيل أو لم- عبر أحد قاطني المركز (الخرطوم بالليل)...


    دي بداية مبتورة (مش متأبط: وكانت الغسالة يابانية الصنع) وبجيك صاد تاني
    بعد تدينا شوفك فيها


    محبتي لك وللمفترع والعابرين


    ـــــــــــــ
    *
    بِرَغْمِ الْعَوْلمَـةِ وتكْنُولوجيَـا الْجُلُوسِ أمَامَ شَاشَـةِ التِّلفَـازْ .. !!!.
    ***
    التِّـلفازْ .. !!.أَوِ " التِّلفزيونُ " كمَا نَقولُ دَائِمًا علَى الطَّريقةِ الإنجليزيَّةِ المُسْتَعْرَبة ..!ذَاكَ المُرَبَّعُ أوِ المستطيلُ الشَّكلْ ..كُنَّا لا ندْرِي مِنْ أَيِّ الأماكنِ يَتِمُّ تَشغِيلُهُ ، لَكِنَّا نُحَاوِلُ الْحِرْصَ عَلَى الجُلُوسِ أمَامَه بِكلِّ انْدِهَاشْ، قريتُنَـا وَقْتَذاكَ وَادِعةً وهادئةً جدًّا ، وبخاصَّـةٍ عندَمَا يأتِي الْمسلسلُ الْمسائيُّ عنْدَ الثَّامنةِ مساءً فتجدُ مُعظَمَ أهلِ الْقريةِ قد تجمَّعُوا على ثلاثةِ أو أربعةِ " تلفزيوناتْ " ، على أنْ تدفعَ مبلغًـا مُعيَّـنًا لقاءَ حُضورِكَ ذاكَ المُسلسلَ الْمِصْريَّ ، وكنَّا نكرَهُ جدًّا يومَ الْجُمعةِ ونُحِبُّهُ في آنٍ واحدْ .. ! ، نَكْرَهُهُ لأنَّ الْمُسلسلَ كَانَ لا يُعْرَضُ فيهِ مسَاءً ، ونُحِبُّهُ لأنَّه يُرِيحُ بَالَنَـا مِنْ نمطِ الْمَدرسةِ وَجَلْدِ الأساتذةِ وَضَرْبِهِمْ لَـنا ، .. وكانتْ عَادَةُ اللُّصُوصِ أوِ " الْحَرَاميَّة " يَسْرِقُونَ الْمَنازلَ أثناءَ فتْرَةِ عرضِ المُسلسلِ اليوميّ .
    سَحرُونَـا هؤلاءِ المِصْريُّونَ الْبيضُ بِجَمَالِهمْ ، فجعلونَا ننظُرُ إليهِم وكأنَّهم قادِمُونَ إليْنا من كوكَبٍ غيْرِ الذي نعرِفُهُ ونألَفُهُ ونحنُ الآنَ جلوسٌ عليه ، ذلك الكوكبُ الذي كُنَّا نعتقدُ أنَّنا استقيْنا حتَّى ألوانِنا مِنْه ..
    ألمْ يكُنْ كذلك لونُ أبينا آدمْ ..؟
    فلونُهُ يقالُ في السِّيَرِ كانَ كأديمِ الأرضْ ، إذنْ فكانَ اعتقادُنا بأنَّنا نَشبهُهُ كثيرًا ، ولكنَّ هؤلاءِ الْقَوْمَ سَحَرَنا بَيَاضُهُمْ ، فكانَ الواحِدُ منَّا يُحاولُ قدرَ استطاعتِهِ تجميعَ فلوسِ دُخُولِ الحَلقةِ منذُ الصَّباحِ الْبَاكرِ وإن نَّامَ تجدُهُ يفكِّرُ في الْحَلقةِ ومَاذا سيحدُثُ للبطلْ ؟
    وماذا عنِ الْحَسْنَاءِ التي سَحَرَتْ كلَّ شبابِ القريةِْ ؟ .
    وكلُّ واحدٍ منهمْ يتمنَّى أنْ يُدْخِلَ يدَهُ في جهازِ التلفازِ ليُخرِجَها مِنْهُ وَيُحْظَى بِهَا ، وَكُنَّا نَتَحَيَّنُ أُوَيْـقـَـاتِ صَفَـاءِ الآباءِ لنسألَهم فلوسَ الدُّخولْ ، فعندما يكونُ الوالدُ في حالةِ صفاءٍ نفسيٍّ وروحيٍّ يَدْخُلُ أحدُنا عليْه ويسألُه مُطَأطِأً الرَّأسَ ناظِرًا إلى الأرضِ وقائلًا بكُلِّ أدبْ :
    - " يابا ما عندكْ لَيْ قُرُوش المسلسلْ ؟؟ " .
    فيُعْطيكَ الوَالِدُ الفُلوسَ حَتَّى دُونَ أنْ يَنْظُرَ لتفاصيلِ وَجْهِكَ البَائِسِ والْحَزِينْ ، فتَتَمَزَّق نَفْسُكَ فرحًا وتُغَادِرُهُ لحظةَ استلامِكَ الْمبلغْ ، خَشْيَةَ أنْ يَحِيدَ عن رأيِهِ ، وتتمنَّى انقضاءَ السَّاعاتِ بسرعةٍ حتَّى يأتي وقتُ المسلسلِ لتُمارسَ تكنولوجيا الْجُلوسِ أمَامَ جهازِ التلفازْ ..
    فكنَّا نذهبُ إلى تلفازِ " حاج عبد الله " حيثُ كانتْ لهُ أختٌ شَاهِقَةُ الطُّولِ ، نُعَدُّ أقزامًا بِجَانِبِهَا ، كُنَّا نَخَافُهَا جِدًّا ، فهيَ في شِدَّتها لا تَخْتَلِفُ عَنِِ الذُّكُورِ فِي شَيْءٍ خَلا اسمها ، حَتَّى شَعْرِهَا كانَ مُجعَّدًا ، تجدُها أمامَ بابِ المنزلِ تجْلِسُ على كرسيٍّ أظُنُّهُ خشبيًّا ، تفتحُ لكَ البابَ لِقَاءَ دَفْعِكَ رُسُومَ دُخُولِ المُسَلْسَلِ ، وَتَطْرُدُكَ وتَدْفَعُكَ خارجًا في حالِ تَعَذُّرِ ذلكَ المبلغِ عليكَ فَتَجِدُكَ في اليَوْمِ الثَّاني تَسألُ كلَّ مَنْ حضَرَهُ مُسْتفسِرًا عَنِ الَّذِي حَدَثَ في الحَلْقَةِ الفائتةِ ، إلَى حينِ مَيْسَرَةٍ لِبَقيَّةِ الحَلقاتْ ، فكانَ كلُّ منهُمْ يُدْلِي إليْكَ بما رَأَى ويَوَدُّ الاستمَاعَ مِنكَ إليهِ دُونَ غيْرِه ، وَأَنْتَ بِذلكَ نَهِمٌ مَسْرورْ ..
    وحينَ مَيْسَرةٍ كُنَّا نَجْلِسُ أمَامَ التِّلْفَازِ لا نَلْوِي على شَيْءٍ وَلا نَفْتَرِشُ سِوى الترابْ ، وَدَائمًا تَجِدُنَا مُطْبِقِي الشِّفَـاهِ تَمَامًا ، فالنَّاسُ كلّهمْ يُمارسونَ الصَّمْتَ ، فالحديثُ أمَامَ حضرةِ سيِّدي المسلسلِ غيرُ مَسْمُوحٍ بهِ مُطْلقًا خلا أهلُ البيتِ فقطْ ، وإنْ حاولتَ التَّحَدُّثَ ولو همْسًا أوْ أدَرْتَ رأسَكَ مِنْ جانبٍ إلى آخَرٍ لِتُزيلَ تَعَبَ الرِّقابِْ على الطَّريقَةِ الهِنْدِيَّةِ الصُّنعْ * ، أو شَـاكَكَ شَائِكٌ من مُكَوِّناتِ التُّرْبةِ أوِ التُّرَابِ الَّذِي تَجْلِسُ عليْهِ فَاعْتَرَضَ ذلكَ جُلُوسَكَ السَّوِيَّ ، أوْ أتتْكَ إلْتِفَـاتةٌ عَفَويَّةَ القُدُومْ ، فأنتَ إذنْ تُمارِسُ حَجْبَ الرُّؤيَةِ عَنِ الآخرينَ في كَسْرٍ مِنْ الثَّانية ، فتَنْهَـالُ حِينَها اللَّعْنَاتُ عليكَ مِنْ الخَلْفِ كَمَـا المَطرِ ذي الثَّلْجِ الأبيَضِ أوِ " البَرَدْ " كما يُسَمِّيهِ أهلُنا هُناك ..
    التِّلْفَازُ جهازٌ جميلٌ كُنَّا نَعْرِفُ مِنْهُ ذا اللَّوْنِ الأبيضِ وَالأسْوَدِ بحجمِ الأربعةِ عشْرِ بوصةً فقط ، وعلِمنا فيما بعد أنَّ أولادَ " ودْ مُضَوِّي " اشْتَرَوْا " تلفزيونًا " مُلَوَّنًا ، وكانوا يقولونَ لنا إنَّ مِيزةَ التِّلفزيونِ المُلوَّنِ أنَّهُ يُظهِرُ لكَ الممثِّلينَ بألْوَانٍ جميلةٍ وزاهيةٍ ، وقدْ تَمْتَدُّ يَدُ جمالِ تلكَ الألوانِ حتَّى للشَّخْـصِ المُشاهدِ ، فتنعكسُ الإضاءةُ عليهِ ، فتجعلُه يبدو بشكلٍ جميلٍ وَوَسيمٍ حَتَّى وَلَوْ كانَ مُرَتَّقَ الملابسِِ قبيحَ الشَّكْلْ ، هكذا كنَّا نَسْمَعُ ونَعْقِلُ شَيْئًا مِمَّنْ تَفقَّهُوا في عُلُومِ التِّلفازِ عندَنَا ، مِمَّا زادَ ذلكَ في دواخِلِنا حُبَّ التلفزيونِ الملوَّنِ ، أقَلَّها لنرى كيفَ تَبْدو أشكالُنا أمامَهُ ، لكنَّ بيْـتَ أولادِ " ود مُضَوِّي " كانَ بعيدًا مِنْ منازِلِنَا ، إذْ هُوَ كَائِنٌ بِوَسطِ القريةِ وبيُوتُنا في آخِرِها ، ومعَ أنَّنا عُصْبَةٌ من الأطفالِ نذهبُ معـًا لكِنَّا كُنَّا نخافُ عَضَّ الكلابِ الَّتي لا يَقْوَى عليْهَا أحَدْ ، فقريتُنا وقتَها كانتْ ممتلئةً جِدًّا بها إذْ كانتْ تَحْرُسُ لأهلِ الْقَريةِ الْبَهَائمَ وتَقِيهِمُ سَرِقَةَ اللُّصوصِْ .. !
    كلُّ النَّاسِ عندنا كانوا يقولونَ " التِّلفزيون " ، إلا عَمَّتي فقد كانَ يُرْهِقُها جدًّا نُطْقَ هذهِ الكلمةِ ، لذلكَ كانتْ تسألُنا مُخْتَزِلَةً هذه الكلمةَ عندَ عوْدَتِنَا مِنْهُ مَسَاءً فتقولُ مُسْتَفْسِرَةً :
    - " مشيتوا المَسَلسَلْ آجَنُّويْ ؟؟ " ..
    جميلةٌ هذه المَرْأةُ أنَا أَعْلَمُهَا جَيِّدًا ، طَيِّبَةُ الدَّوَاخِلِ ،لَمْ تُتَحْ لها فُرصةُ التَّعليمِ لذلكَ كانتْ أُمِيَّةً ، لَكِنَّها تَحْمِلُ قلبًا كبيرًا يَسَعُ أُمَّةً بأسْرِها وَيَكْفِي أنَّها غايةٌ في النَّقاءِ في زمَنِ اتِّسَاخِ الضَّمائرْ .. !!.
    وعندما سألتُها : لماذا لَمْ تتعلَّمي يا عمَّتي ؟ ، أجابتني بِحَرَجٍ مَفَادُهْ : إنَّ الذّهابَ إلى التَّعليمِ في زمنِهمْ كانَ مِنْ العُيُوب الدَّامِغَةِ للأُسرة !! ورأيْتُ حُزنًا كثيفًا قد اعتقَلَ عيْنيْها بعدَ إجابتِها تلك .. !!.
    فلامَتْني نفسيَ على سؤالي ذاك .. وَنَدِمْتُ بما يَكْفِي لَهْ .رُبَّمَا كلمةُ التِّلْفَازِ لَمْ أسْمعْ بها إلا في كُتُبِ الْمُطالعةِ الْعَربيَّةِ المَدْرسيَّةِْ ، والَّتي كانتْ تُسَمَّى الْقِـراءةُ الصَّامتة ..، وَكُنَّا لا نَعْلَمُ كيفَ يَعمَلُ ذلك الجهازُ الْغَريبْ ، فلا أحدَ يُشَغِّلـُه غيرَ أهلِ الْمَنْزلِ حيثُ إنَّهُمُ الوحيدونَ الَّذينَ يجلسونَ على الأسِرَّة أوِ " العناقريب " ، ولا نعلمُ مِنْ أيِّ الأماكنِ قدْ أتَى إليْنا ..!، أَهُوَ من اليابانْ ؟ أمْ مِنْ السُّودانْ ؟ ، إذْ لا فرْقَ عندَنَا حينَها، فكانَ لا يَفْصِلُنا عنْهُ إلا شاشتُهُ الصَّغيرةُ ، حيثُ لا مساحةَ
    تُذْكَرُ بيننا وبينَهُ فقَدْ كَانَتْ كُلُّ الأماكنِ مشغولةً بالسَّادةِ الْمُشاهدينَ الْمُنْدَهِشِينْ ، وكانَ هُوَ يَجْلِسُ بكلِّ أَنِفَةٍ وتَتَخَطَّفُهُ الأنظارُ على طاولةٍ " تربيزةٍ " طولُها لا يَتَجَاوَزُ المِتْرَ وَنحنُ أسفلَها شاخِِصِي النَّظَرِ تجاهَهُ ، وهوَ لا يدري مَنْ نحنُ ، سِوَى أنَّه يَسْتَخْدِمُ تِجَاهَنـَا تكنولوجيَّتَهُ القَديمةَ وَالعَجيبة ..!لكنَّني اليوْمَ أراهُ قد كَثُرَ وَصَارَ كَالْهَـمِّ عَلَى القُلُوبْ ..!، أدْمَنَهُ النَّاسُ جدًّا وظَلُّوا يَتَبارَوْنَ في شِرَائِهِ ويتفنَّنُونَ في مُشاهَدةِ قَنَوَاتِهِ الَّتي فاقتْ الألفَ قناةً كما تَنَاهَى لِمَسْمَعِي ، فبَدْءً قَالُوا عنْهُ : إنَّهُ ذو حَدٍّ واحدٍ ..! ، يقصِدُونَ بذلك حَدَّ الخيرِ الذي رأوْهُ مِنْهْ ، وبعدَ مشاهدَتِهم الكثيرةِ لهُ وإدْمَانِهمُ التَّسَكُّعَ في قَنَوَاتِه طَفِقوا يقُولُونَ : إنَّهُ سلاحٌ ذو حدَّينْ ، شَرٌ وخيرْ ، والآنَ أراهُمْ لِسَانُ حَالِهِمْ يقولُ إنَّهُ تَجَاوزَ كُلَّ الحُدُودْ ، وأراهُ أيْ – التِّلفزيونَ - فَرِحًا بهذهِ المُسَمَّياتِ لَهُ ولقَنَوَاتِه وبرامِجِهِ الجميلةِ والسَّامَّةِ الَّتي يَحْمِلُها بينَ دَفَّتَيْهِ العَريضتيْنْ .. !
    وَكُنْتُ سَأتَحَدَّثُ لَكُمْ عَنْ بَعْضِ الْبَرَامِجِ النَّاجِحَةِ الْهَدَفِ أوِ الْفَاشِلَةِ الْمَطْلَب بالقَنَوَاتِ الفَضَائيَّة ... !!.
    وَلَكِنْ !!! .. وَيَا لَيْتَ قَوْمِيَ يُصَدِّقُونْ ..!فيُؤْسِِفُنِِي ذَلِكَ حَقًّـا ..لا لِشَيءْ .. !!وَلَكِنْ فَقَطْ .. لافتِقَارِ بَيْتِيَ مِنْ جِهَازِ التِّلْفَازْ ..!؟!.
    السُّعوديَّة - الرِّياض – حَيّ الشِّفـاءْ .
    11/07/2007 م.

    (عدل بواسطة بله محمد الفاضل on 01-17-2011, 10:03 AM)

                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

[رد على الموضوع] صفحة 1 „‰ 2:   <<  1 2  >>

· دخول · ابحث · ملفك ·

اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia
فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de