دعواتكم لزميلنا المفكر د.الباقر العفيف بالشفاء العاجل
|
|
 عبء البطن الطـــامة
|
فلان الفلاني على بابك يابكري..
ابن ماء السماء يطرق الباب منتظرا يابكري..
هلا سمحت لمرهف بن حساس بالولوج يابكري..
قلوط الصباح لايزال يطرق بابكري ابوبكر..
الشاعر الكبير هجصـوال الهرجيج ينتظر الاذن بالدخول يابكري..
يابكري عرتكان صمويل بيكت لايزال ينتظر..
إنا تحت رحمتك يابكري..
الغوث يابكري
انجدنا يابكري..
من لنا غيرك يابكري..
بكري يابكري
..
واااااااااااااااااااااي
غثيتونا بي شفاعاتكم الغثيثة هذه..
من يحمل عني عبء الطمام من هذه التحانيس؟
هذه الرجاءات المبتذلة المبذولة في غير محلها..
ياخ قدمو لي بكري بالدرب العديل..
اداكم اداكم ما اداكم خلاص ..
في اختراع اسمو طــز..
شنو مراسيل الاصحاب وحركات المصريين دي؟؟
|
|
 
|
|
|
|
|
|
|
|
Re: عبء البطن الطـــامة (Re: abuguta)
|
Quote:
شنو مراسيل الاصحاب وحركات المصريين دي؟؟ |
لحدى انتو ما الله يهديكم وتجو راجعين البلد دى بتكون اتمصرنت..
لكن يا دكين مالك زعلان كدا؟؟؟
| |
|
|
|
|
|
|
|
|
|
Re: عبء البطن الطـــامة (Re: فيصل نوبي)
|
نوبي
ابو قوتة ده متذكر البوشت العملوهو ليهو زمان
| Quote: يابكري ابابكر ابوقوتة على بابك قنبلة موقوتة.. |
انتا اميرة الشيخ دي موش البت الكان عندهابروفايل لابسة فيهو كتان ابيض وجنبها ورد الوان الوان كده؟؟
| |
|
|
|
|
|
|
|
|
|
Re: عبء البطن الطـــامة (Re: DKEEN)
|
| Quote: انتا اميرة الشيخ دي موش البت الكان عندهابروفايل لابسة فيهو كتان ابيض وجنبها ورد الوان الوان كده؟؟ |
السؤال دا لنوبى يا دكين...
صح؟؟؟؟
| |
|
|
|
|
|
|
|
|
|
Re: عبء البطن الطـــامة (Re: فيصل نوبي)
|
| Quote: جاييكـ راجع بس خلي أميرة تتكرم و تجاوب |
شكلك ما حتجى راجع يا نوبى( وش ضاحك).
من اذنك يا دكين احكى لي نوبى حاجة..
معاى انعام حيمورة مرة لاقينا زول صاحبنا قامت انعام سلمت عليهو..
قالت لى والله والله كنت قايلاهو فيصل نوبى وكل ما صاحبنا يجى مارى
تقول لى والله بس قطعة من فيصل نوبى...
من اليوم ديك وانا عاملة فيها شفت فيصل نوبى..
معليش يا دكين ..
بس ما قلت لى المزعلك شنو؟؟
| |
|
|
|
|
|
|
|
|
 Re: عبء البطن الطـــامة (Re: Amira Elsheikh)
|
أميرة
| Quote: شكلك ما حتجى راجع يا نوبى( وش ضاحك). |
اللي ما بيجيبني راجع شنو ؟؟
انتي لاقيه وين تشوفي فيصل نوبي 
تشوفي النبي قولي آمين
يا وغد
دي أميرة الشيخ
و التانية بتاعت الورد أميرة الحبر إدريس لو ما خانتني الذاكرة علي حسب قول جكس عاملك موضوع عشان اتونس معاها
| |
|
|
|
|
|
|
|
|
|
Re: عبء البطن الطـــامة (Re: DKEEN)
|
اميرة الشيخ
| Quote: لحدى انتو ما الله يهديكم وتجو راجعين البلد دى بتكون اتمصرنت.. |
الله يهدينا نحنا نرجع، ولا الله يهديكم انتو تمرقو منها؟؟
| Quote: لكن يا دكين مالك زعلان كدا؟؟؟ |
هسي قعادك في البلد الماشة تغرق دي مابزعل بلاي؟؟
| |
|
|
|
|
|
|
|
|
|
Re: عبء البطن الطـــامة (Re: DKEEN)
|
Quote: الله يهدينا نحنا نرجع، ولا الله يهديكم انتو تمرقو منها؟؟
|
دكين انتى فى زول قال ليك نحن مارقين؟؟
الله يستر..
| Quote: هسي قعادك في البلد الماشة تغرق دي مابزعل بلاي؟؟ |
دكين اناغرقانة من يوم ما اتولدت..
لكن انا متاكدة فى شئ مزعلك...
| |
|
|
|
|
|
|
|
|
|
Re: عبء البطن الطـــامة (Re: Amira Elsheikh)
|
| Quote: دكين انتى فى زول قال ليك نحن مارقين؟؟ |
اميرة الشيخ انتا في زول قال ليك انو انا عايز ارجع؟؟
| Quote: دكين اناغرقانة من يوم ما اتولدت.. |
في زول قال ليك انو هنا في غواصين؟؟
| Quote: لكن انا متاكدة فى شئ مزعلك |
اميرة
خليني من الزعل
انتي البت الكنتي لابسة دبلان وجنبك زهور ووشك صبوح ولا لع؟؟
| |
|
|
|
|
|
|
|
|
|
Re: عبء البطن الطـــامة (Re: DKEEN)
|
دكين ازيك
انا بطنى طااااااااااااامة شديد
القى عندك دواء
* كيف الاتفاقيات السوداينة الباكستينية
وويك ايند مبهج تتمناه لك ام بطنا طاأأأأأأمة
* طمام بطنى ماعندو علاقة بموضوع البوست لانى بكرة ناوية ارحب بزول وانادى يابكررررررررررررررى
| |
|
|
|
|
|
|
|
|
|
Re: عبء البطن الطـــامة (Re: ASAAD IBRAHIM)
|
اسعد
كترت لامن باخت..
الاشكال انو بالطريقة دي حيفسدو الحاكم العام...
قال لي سليم فقير
انه مامن شي افسد حاكم الترك في سرايا دنقلا قبل مائي عام ونيف سوى مثل هذه الاستغاثات.
كان الحاكم متواضعا ..تركيا باذخا وذو حظوة ..
له اربعين حصانا مطهمة بالفضة والعاج والريش ..
واربعين خادما استجلبهم من بلاد ماوراء النهر..
وزوجتان من النبط واثنتان مثلهما من جبال الاورال..
ويالسماحة نساء الاورال في دنقلا..
ولجا بعص التجار المصارنة الى مداهنته
اولئك التجار الذين قدمو مع جيوش محمد على الاولى ..
داهنوه ونافقوه ونفخو في راسه يطلبون الاذونات التجارية .
واضاف سليم فقير
انه مامن صباح اصبح عصرئذ إلا وكان على بابه تاجران احدهما يشفع للاخر
فكثرت الشفاعات..وكبر راس الخديوي وكثرت الهدايا
قداهم الخديوي احساس كاذب بالكبر والخيلاء
فبطش بالناس ايما بطش..
وتعطلت فيما بعد التجارة في عموم مديريات دنقلا..
ففسد الشافع والمشفوع
شفتا كيف يا اسعد؟؟
| |
|
|
|
|
|
|
|
|
|
Re: عبء البطن الطـــامة (Re: DKEEN)
|
Quote: فكثرت الشفاعات..وكبر راس الخديوي وكثرت الهدايا
قداهم الخديوي احساس كاذب بالكبر والخيلاء
فبطش بالناس ايما بطش..
|
وهذا هو لب الموضوع
في علاقة اظن اسمها "طردية"
استغاثات ونداءات ورجاءات ذيادة = تجاهل اكتر
شكرا
| |
|
|
|
|
|
|
|
|
|
Re: عبء البطن الطـــامة (Re: DKEEN)
|
| Quote: اميرة الشيخ انتا في زول قال ليك انو انا عايز ارجع؟؟ |
يعنى عايز البلد تتمصرن وتتمصرن...
| Quote: في زول قال ليك انو هنا في غواصين؟؟ |
اىىىىىىىىىىىىىىىىىىىىىىى
| Quote: انتي البت الكنتي لابسة دبلان وجنبك زهور ووشك صبوح ولا لع؟؟ |
حدد كتان ولا دبلان...؟؟
وبعدين السؤال دا لى انا ولا نوبى...؟؟؟
دكين..
المزعلك لمن مطمم بطنك شنو....؟
| |
|
|
|
|
|
|
|
|
|
Re: عبء البطن الطـــامة (Re: DKEEN)
|
| Quote: وحركات المصريين دي؟؟ |
عنصرية جهوية جلابية ضد المصرين
يابكرىىىىى نطالب ....
يازول مالك ومالم الحمدلله الحلاك من الباكستانية
أسأل مجرب
كان قلت ليك كيييف بنادوا لى بكرى
| |
|
|
|
|
|
|
|
|
|
Re: عبء البطن الطـــامة (Re: رأفت ميلاد)
|
الوغد دكين 00 سلام
( الناس كلها بتقول ليك وغد ) إشمعنى أنا00
شكلك الليلة قاصدني عدييييل كده 00 مالك هابشني يعني عشان أول مرة أجي وأقول يابكري ألحقني بت القطينة واقفة على بابك ؟ بعدين أصلا البوست ده جاب لي الهوا 00 بس هوا نضيف والحق يقال 00
أها رأيك شنو بت القطينة قدر ما رسلت إيميلات ما نفع 00 بس نفعت يابكري ألحقني دي والليلة أدوها الباسوورد !!!
بالمناسبة 00 الباكستانية شكلها سافرت أمبارح لأني شفتها في المطار 000
| |
|
|
|
|
|
|
|
|
|
Re: عبء البطن الطـــامة (Re: عادل جبارة)
|
| Quote: يعني عشان أول مرة أجي وأقول يابكري ألحقني بت القطينة واقفة على بابك |
الجميل عادل جبارة
اوعك تفتكر انو الباص ويرد ده جاها عشان تحانيسك ياحبيب..
انتا ماعارف الكنتة ياحبة
اصلا انا منزل البوست ده عشان بتك دي يدوها الباص ويرد
علاقتي بي الريس تعبانة شديد..
ولولا محبة البعض هنا انا كنتا زمان اكون في (الرسايكلن بِن)بتاع سيرفر اريزونا ..
وكنتا عارف اول ماحيشوف البوست ده طوالي وكيتاً فيني حيقوم يديها الباص ويرد..
واهي بتكحسي بتنعم بي باص ويرد نتاج الكيتة..
حقو والله تعرس لي بت القطينة دي لو مامتزوجة..
ولو متزوجة تعرس لي بتها..
ولو ماعندها بت تشوف لي واحدي من ابوقوتة..
(وجوه باسمة)
| |
|
|
|
|
|
|
|
|
|
Re: عبء البطن الطـــامة (Re: رأفت ميلاد)
|
بقدر ما بشم المصريين ديل يارافت بقدر مابريدك يعلم الله..
تصدق الليلة من شدة ريدتي ليك عملتا ليك مسج اهداء لي تلفزيون السودان في الشريط البجي ماشي تحت برنامج عزيز المشاهد داك ..
انتا ومعاك سلمى صبحي..
وواحدة معزتا عندنا كيمان كيمان..
| |
|
|
|
|
|
|
|
|
|
Re: عبء البطن الطـــامة (Re: DKEEN)
|
DKEEN
انت مالك ؟ ما تخليك فى حالك!!!
فى زول شحدك باصويرد؟؟؟ لما تعمل ليك بورد (ذى العظماء امثال بكرى ) بعدين شاكل الناس و امسح بيهم الارض...
لكن الان انت (على قول المصريين ) (اارع "اقرع " و نزهى)
| |
|
|
|
|
|
|
|
|
|
Re: عبء البطن الطـــامة (Re: smart_ana2001)
|
سمارت انتي..
الشغلة كترت وباخت ..
كل يومين واحد ناطي لينا بي عنوان يحنس ويقع لي بكري في الواضة..
فارشين ليهو واضة عديل..
وصحبك يشيل ويجر في التقالة..
تلاتة من اصحابي سالوني ان اتوسط
من بينهم ستي( سناء )عليها الاف الانوار
ابيت
واحد لانو الفكرة شيييييييينة
اتنين لاني ماعندي خاطر عند بكري
تلاتة لانو سناء دي وجودها هنا حيعمل ربكة لي برنامجي العام..
| |
|
|
|
|
|
|
|
|
|
Re: عبء البطن الطـــامة (Re: DKEEN)
|
دكين
تاريخ التسجيل: 30-11-2002
مجموع المشاركات: 3938
ابقوتة
تاريخ التسجيل: 20-04-2003
مجموع المشاركات: 4178
دكين فى ظمطك دى...وقتها كان هنالك بوساتات للتحنيك
تذكر لما بكرى يرد عليك فى اقل من ثانية
وتدكر لما كنت مصاحب هوب ليس قبل ما يبقى هوب فول
تذكر نجرتى لرودا..نجرتها نجرت ود الكندو
كلامك الفوق دا احدفو يقومو ناس فيصل نوبى ديل يصدق
انا بعد ب 5 شهور لكن احى الكبس...عدد مشاركاتى اكتر منك
ها ها ها ها ها..
طبعا انا ساهمت فى دخول ناذر الخليفة...كرت دعوة ما ارسلو لى
تصدق ولا ما تصدق..قابلت تمبس فى مطعم الريم...
ولو لا معتصم قالى يابو لدن...كنت مقلبتو ليك
عارف كنت حاقولو منو..كنت حاقول ليه انا حازم ود تراجى
لوووووووووووووووووووول
جيب اللبسة وتعال سلم على البنت
| |
|
|
|
|
|
|
|
|
|
Re: عبء البطن الطـــامة (Re: DKEEN)
|
| Quote: الصبااح دا عرفناهو القلوط دا شنو كمان! |
ده ياجني
شي كده في مقام الامنيات المستحيلة
حاجة كده خاصة بس بي الدناقلة..
شي كده بتبذل ليهو مجهود من جهة وفي نفس الوكت بتكون قاعد تتامل في عموم معاني العالم من جهة اخرى..
| |
|
|
|
|
|
|
|
|
|
Re: عبء البطن الطـــامة (Re: DKEEN)
|
اميرة الشيخ
| Quote: اىىىىىىىىىىىىىىىىىىىىىىى |
انا من اول امس بتعلم في الغوص بالمناسبة..
| Quote: حدد كتان ولا دبلان...؟؟ |
صفق شجر..
| Quote: وبعدين السؤال دا لى انا ولا نوبى...؟؟؟ |
بطلي لماضة..
انتي ولا انا البت ديك سرحتا فيها حبتين..
Quote: دكين..
المزعلك لمن مطمم بطنك شنو.... |
؟
يهمك شديد؟؟
| |
|
|
|
|
|
|
|
|
|
Re: عبء البطن الطـــامة (Re: DKEEN)
|
دكين
اول القول
شوفك بحر
وتاني
شوقك بحرين
وتالت
أنا جيت بي جاي اسلم وبس
عشان كدا ما حااقول ليك
البزعلك ان شاء الله يدقشوا لوري
ان شاء الله تعضيه جدادة سعرانه وعندها انفلونزا
والريد نيلين
| |
|
|
|
|
|
|
|
|
|
Re: عبء البطن الطـــامة (Re: DKEEN)
|
Quote: نوبي
وكتماعرفتا لي اميرةالشيخ دي منو؟؟
تقدر تعرف المفرحني شنو؟ |
Quote: يا وغد
دي أميرة الشيخ
و التانية بتاعت الورد أميرة الحبر إدريس لو ما خانتني الذاكرة علي حسب قول جكس عاملك موضوع عشان اتونس معاها |
دي ما قريتها !!
| |
|
|
|
|
|
|
|
|
|
Re: عبء البطن الطـــامة (Re: فيصل نوبي)
|
شوف يامعولق انتا ..
انتا اصلا شي فتو بي وراي ماقاعد اعاين ليهو تاني .. اللهم إلا في شؤون جامعة الخرطوم..
لذلك رجاءا اي مداخلة ليك ختها لي اخر شي لو عايزيني اقراها..
خصوصا لو فيها بت..
وحاة صوتك السمح ده لو مانبهتني لي المداخلة دي ماكنتا شفتها..
ده من ناحية
من ناحية تانية
| Quote: قول جكس عاملك موضوع عشان اتونس معاها |
بتك دي باين عليها هي ذاتا عاملاني موضوع عشان تتونس معاك..
يعني لو عندك شي عايز تقولو يانوبي ده انسب وكت..
| Quote: بتاعت الورد أميرة الحبر إدريس |
لا بلاي؟؟
فالحة شديد ..
يعني تفتكري انا كنتا جادي في سؤالي ده يا المتسببة بي عشان تتونسي مع نوبي؟؟
ياخي انا بس عايز موضوع مع بت الشيخ دي...
هسي كتلتي الدش في يدي..
تاني القى كتان انسج بيهو موضوع من وين؟؟
| |
|
|
|
|
|
|
| |
abuguta
فيصل نوبي
Ishraga Mustafa
ASAAD IBRAHIM
رأفت ميلاد
smart_ana2001
jini
حيدر حسن ميرغني
زوربا
فيس بوك
تويتر
انستقرام
يوتيوب
بنتيريست