في شأن الحنان العظيم..إعادة تدوير وتسريح باحسان..

كسلا الوريفة يحاصرها الموت
الوضع في كسلا يحتاج وقفتنا
مواطنة من كسلا توضح حقيقة الوضع في المدينة و اسباب وباء الشكنغونيا حمي الكنكشة - فيديو
منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest
اخر زيارك لك: 24-09-2018, 05:27 AM الصفحة الرئيسية

مكتبة عبد العزيز خيري شلال(DKEEN)
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
16-01-2006, 03:16 AM

DKEEN
<aDKEEN
تاريخ التسجيل: 30-11-2002
مجموع المشاركات: 6770

للتواصل معنا

FaceBook
تويتر Twitter
YouTube


في شأن الحنان العظيم..إعادة تدوير وتسريح باحسان..

    ود العبادي ايها العزيز..
    ليس الامر كما ذكرت وليته كان كذلك ولكن ذروة سنام الحنان هي الحنة ..ان عزلتك زوجتك عن حنتها فقد مرقتك من نفسها واصبحت خارجا عن حدود حنانها ...
    ما تقعد تقول لي دي مسالة ما قادر احقق فيها وانو انتا لاتدري هل اعتزالها الحنة بوادر تمرد لي حاجات تانية ام أنها مسالة لاترقى لطرحها ككارثة..
    شوف يا صحبي :الحنة ثابت لا تفاوض فيه سرك ذاتو ..لاتقبل عليه مزايدة او حوار .. ان تتحنن لك زوجتك فذلك يعني أن لك وطنٌ وآمال...
    وال(ح) في كلمة حنة حرف حنانٍ جليل لا يستطيع كل الناس إدراكه واجدادك صعاليك العبابدة كانو يفاخرون بنطقه ويضفونه على معاني الألم والجمال على السواء (حسن، حباب ،جرح) وعلى عبارات الاسى والصعلكة (احييينا ، حليلو ) وقد ُحرم الإنجليز من نطق ال(ح) فما عرفت نسائهم الحنة فسموا بالشعب البارد..ده موش كلامك لي في جبل اولياء في اواخر 94 ؟؟
    شفتا ليك خواجية بتتحنن هسع ؟؟ رحاب ليه تابى الحنة..ارجل من نسوان الحارة السابعة ولا عندها جواز انجليزي؟؟
    الحنة دي ياخوي تاريخ ومدونات ..
    الحنة دي ُضربت اليها اكباد الابل وقوافل التجارة قبل خمسة الف سنة او يزيد.. تحركت لها ابلٌ وقوارب من اقاصي غرب المتوسط إلى أطراف الهند وشواطي عيذاب من اجل الحنة ..
    سُُفنٌ ضخمة ذات صوارٍ ُطليت بدهنِ حيتان ِصيدت من بحارِ الشمال..
    رجالٌ بسحناتٍ برونزية وقامات مديدة ودعوا زوجاتهم على شواطى مراكش ومواني جنوب اسبانيا..
    قباطنة قليلي الكلام بعيونٍ زرقاء خرجوا من جزرٍ فرنسيةٍ مجهولة ..
    قراصنة اشتهروا في شمال غرب المتوسط ..
    تجارٌ من الدولة الفاطمية والعهد المملوكي ..
    مغامرين ومعتادي اجرام ماتوا على مجاديف صنعت من اخشاب الصنوبر من اجل أن تبلغ السفن شواطي الهند والحبشة ..

    كل هؤلاء استماتوا من اجل حفنة من حناء ..اممٌ ومشاهير..
    خرج هؤلاء من اجل أن ُتزين النساء كفوفهن والأرجل ....خرجوا لأنهم عرفوا اثر حنان الحناء البليغ في نفوس الرجال...
    تجي رحاب بت امبارح والحنة مردمة بالكوم في دكان الماحي - عشرة متر- من خشم بيتكم وتقول ليك ده ضياع زمن وجلبطة وقشور ساكت ..
    رحاب عثمان بت خشم القربة ..خشم القربة التى بالكاد يتوقف عندها سائقي الهوستن والبصات السفرية تجي تجدف لينا في تاريخ القوافل والقرصنة وتجارة مواني الشرق القديم..
    تاريخ طويل من نضال بحارة ..وعطش قوافل وعواصف المتوسط وليل المغامرين في المحيط الهندي تقول انو عبارة عن مضيعة زمن وجلبطة وقشور ساكت ..
    الغلطة ما غلطة رحاب ..
    دايما انتا كنتا بتديها فرصة انها تتكلم فيما يجب التحدث فيه وفيما لا يجب.. ما علمتها أن تفرق بين ما يجب أن تقوله امام زوجها وبين ما يجب أن تقوله امام صويحباتها في ونسات القطيعة ..
    إن رأي زوجتك في اشواقِك إلى رائحة الحنة في عمومِ قدميها هو ما تستطيعُ زوجتك أن ُتناقشة قدام العواليق فقط ..موش قدامك انتا ..
    ودي حاجات إن حصلت ليك تاني اطلع مُـسرح والبس قميصك الهزاز اب رسومات واقعد راقب مؤخرات السابلات قدام باب بيتكم في الحارة السابعة...واقصد بعدها اقرب ماخور... ولاتكاتب بها احدا..
    عزيزي : إن الرجل ببساطة عندما يُحرم من حنان زوجته يصبح مجرداً من وسائل السلامة والنجاة وذاك درب قد يؤدي به إلى الكفر البواح وال(ح) في بواح ترمز إلي فداحة ما آل إليه ...
    لقد مات من أهل الحنان في السودان خلق كثير دون أن يسمع بهم أحد ، ماتوا وهم على حواف الحنان العظيم..
    فاطنة خيري ماتت وهي تتلمس اطراف بنانها التي غدت سوداء بفعل عمليات الحنة المتعاقبة ...
    سألت انيسة أمها الحاجة فاطنة خيري : بتحننو ليه يمة؟؟ فاطنة خيري وهي سيدة حنينه يتّلم الناس عليها وينعصروا عليها ،ويعصروا الفراش إن جاهم حزن ...
    ود أخوها بجيها من نواحي عطبرة يسلم عليها ، يخلي شغلتو ويجيها ..وحين تسالة عن سبب جياته ..يجيب : (والله مَحَنَّة ساكت(
    قالت لي بتها ردا على سؤال الحنة المشار اليه اعلاه وفي بالها تحركات ضحوي البقى يجي محنة ساكت : عشان الرجال ما يمشوا الخرابات ..انهضي قومي شطفي الوليدات ديل..

    شوف ياخوي ما تقعد تقول لي حُبها الكبير وايام كافتريا الصخور ونجيلة الميدان الشرقي .. وجود الحاء المضمومة مع حرف الباء ليس إلا بدعة فالأصل في المشاعر الحنان ومن بلغ الحنان، بلغ ضمناً ما فوق الصبر والعشق والإيمان ..
    وحين جلسنا صيفئذ بقهوة ابو ضلوع في صحراء بيوضة اعتلاني الشجن فشعرتُ بالحنين فتنبهت انيسة إلى ذلك.. فالحنان جلي ..قالت
    جدك مات وحيداً في هذه الجهات قبل اعوامٍ غميسة قاصدا امدرمان فما وصلها .....وبعد شهور من خروجه وجده أبناءه ميتا في هذه النواحي ممسكا بفرع يابس من حسكنيتة .. اغلب الظن انه مات صابرا خالطا بين ملامح حسكنيت بيوضة والجهنميات في اطراف شمبات ..
    وبنوبيةٍ بليغة قات لي حبوبة حين عبرنا النيل وبلغنا مقامنا:الحنان دليل الرشد عن آل ضحوي ..اجدادك عاشوا فقراء لا يملكون شيئاً، ما جالدوا الملوك ولا أبناء الملوك على سلطانهم بل تقاسموا المحنة، كانوا ينامون بلا بطاطين لأن الحنان دفء.. كانوا يتزوجون قبل أو بعد البلوغ بعامٍ أو عامين لان المراة دفءٌ وحنان...كانوا يركبون الدواب ويمشون في الأسواق ويقتلون الشراميط في الطرقات لان الدعارة تجارة بالحنان .. ولشد ما كانو يخافون يوما تتحنن فيه الداعرات..
    اجدادك ولدو في هذه الجروف وماتوا في تلك الهجيرة ..
    يا صديقي ..تتحنن المراة وتضع الحناءَ متاهبة بذلك لحنان كبير ..
    والمتزوجات في حلتنا كانوا يتبادلون المجموع ..
    أن شئت الدقة فهم كانوا يتبادلون الحنان ضمن ما يسمي بالمجموع..
    المجموع حين ياتي مع الحنة وتجي المرة مارقة عليك مجموع في مجموع كدي ..فذلك يعتبر تسعة أعشار المرة لو بتصدق ..
    إن تركت رحاب تسعة اعشارها .. ماالذي ابقته لك؟؟
    نسوان حلتنا كم كانوا حنينات ..ما رايتهن قط دون حنة ...
    لذلك ظلت حلتنا تفيض حنية وولف ..وظل الرجال سعداء بالرغم من تراكم الديون ..
    تجاوز دين احدهم السقف الائتماني فاخبرته زوجته ذات فجرٍ باردٍ بأنه قد يحتاج إلى 11 عام لتسديدِ ما عليه لسيد الدكان جراء جرورة المحلبيات والمجموع ..قبلها زوجها عند مفرق شعرها المخضوب بالحناء ونهض لوضوء ِ الفجرِ غير هياب..
    ختاما يا عزيزي لو راجيني اضرب ليك تلفون عشان النصيحة فيما ذكرته عن مشكلتك مع رحاب فذاك ُبعدك ... خالتك انيسة نفسها انا طولتا منها واكتفي بما نتقله (تنهاس) العزيزة عنها عبر رسائل الإس إم إس ..

    وشوف يا غالي يا ود الغالية بي اختصار كده وبلا تنميق وانتا زول كنت بتكره السوليفان والتغليف والبهارج : لو رحاب ابت الحنة : طلقها ..
    طلقها واسترح لانك لن تخلو إلى نفسك مع امراة خالية من الحناء...خالية من المنطق ..خالية من تاريخ قوافل الحنين..
    زولة خلا ساي ..
    رجعها لي اهلها بما تيسر ياخي ... وكما كنت من أي حاجة وارجع عنقالي..
    حمودي لو عاش معاك او مع نسابتك او في الشارع ما بتفرق ..
    لن يحتاج لى رعاية باي حال .. شافع من ام عندها رأي في الحنة ما حيمرق إلا ُمحارب او قاطع طريق ...
    والله إلا تدخلو الكلية الحربية بعدين ..

    ما تحاول تعمل لي فيها ليبرالي ومستنير وبتاع حوارات .. وما تقدني
    ولي قدام حاول امرقني من طرطشة زوجتك دي ياخي ..دي شنو حركات الارامل البتسوي فيها رحاب دي ؟؟
    انا ما بهظر ولا قرفان منك ولا قرفان منها..
    انا اتعفن هنا وافقد الوزن والاحترام عند كل صباح ..
    قد حاصرتني الغربة والزيف وفارغ القول والجرايد الحائطية والأسئلة التي لا تنفك تسالها شوق ثم وجهها المنحوت من خيال جميل ..

    الناس ترفس النعم حين ينشغلون عنها بالسوق والفحشاء وكراع رحاب البلا حنة ومكاوشة الاشياء التي تقبل المكاوشة على اربعة ..


    دوما ..
    عزيز
                   |Articles |News |مقالات |بيانات

16-01-2006, 03:29 AM

DKEEN
<aDKEEN
تاريخ التسجيل: 30-11-2002
مجموع المشاركات: 6770

للتواصل معنا

FaceBook
تويتر Twitter
YouTube


Re: في شأن الحنان العظيم..إعادة تدوير وتسريح باحسان.. (Re: DKEEN)



    تم نشر الرسالة في (فاجأتك السنين )اعلاه بالرياض في تشرين الثاني 2005

    تمت اعادة التدوير في ذكرى الشتاء الثاني عشر للقاء مروان العبادي ..

    ليس ثمة من شي اهديه الى الغاليين سوى ما نتداوله من حين لاخر..
                   |Articles |News |مقالات |بيانات

16-01-2006, 03:41 AM

معتصم دفع الله
<aمعتصم دفع الله
تاريخ التسجيل: 18-12-2003
مجموع المشاركات: 12683

للتواصل معنا

FaceBook
تويتر Twitter
YouTube


Re: في شأن الحنان العظيم..إعادة تدوير وتسريح باحسان.. (Re: DKEEN)

    هكذا أنت دوماً أيها النمرود حاضراً بكل جميل ..

    كل سنة وأنت بألف خير وعقبال ما تفأجأك الدلكة إنت كمان ..

    سلم على جميع العنقالة والما إتعنقل لسه ..

    دم بخير ..
                   |Articles |News |مقالات |بيانات

16-01-2006, 03:45 AM

خدر
<aخدر
تاريخ التسجيل: 07-02-2005
مجموع المشاركات: 13188

للتواصل معنا

FaceBook
تويتر Twitter
YouTube


Re: في شأن الحنان العظيم..إعادة تدوير وتسريح باحسان.. (Re: معتصم دفع الله)

    Quote: ولشد ما كانو يخافون يوما تتحنن فيه الداعرات..


    قر قر قر
    قر قر
    قرقرقرقرقرقرقرقر

    والله ضحكت لمن قعدت في الارض
    ياخي جدودكـ ديل مخلصين جدا للحنة








    دقيقه اكمل البوست وارجع
                   |Articles |News |مقالات |بيانات

21-01-2006, 10:47 AM

DKEEN
<aDKEEN
تاريخ التسجيل: 30-11-2002
مجموع المشاركات: 6770

للتواصل معنا

FaceBook
تويتر Twitter
YouTube


Re: في شأن الحنان العظيم..إعادة تدوير وتسريح باحسان.. (Re: خدر)

    خدر
    ياخ الحنة لا حديث بعدها ..
    اجمل من الحنة في باطن قدم المراة تاني شنو؟؟
                   |Articles |News |مقالات |بيانات

20-01-2006, 05:05 PM

DKEEN
<aDKEEN
تاريخ التسجيل: 30-11-2002
مجموع المشاركات: 6770

للتواصل معنا

FaceBook
تويتر Twitter
YouTube


Re: في شأن الحنان العظيم..إعادة تدوير وتسريح باحسان.. (Re: معتصم دفع الله)

    مووووو

    سلامات والحمد الاااف..
    والرياض منورة .. مشيت قضيتها لي كلها مباراة جكس الخرطوم وتصوير في بيوت الحلوين..

    لو كنتا عقلتها وتوكلت كنتا جبتا ليك واحدة محننة مكبرتة تملا عليك شتاء الرياض دفئا ودخاخيناً..

    تستعين بها على بردنا وغربتنا وسجم رمادك..
                   |Articles |News |مقالات |بيانات

16-01-2006, 04:03 AM

ابو جهينة
<aابو جهينة
تاريخ التسجيل: 20-05-2003
مجموع المشاركات: 20213

للتواصل معنا

FaceBook
تويتر Twitter
YouTube


Re: في شأن الحنان العظيم..إعادة تدوير وتسريح باحسان.. (Re: DKEEN)

    دكين المكين

    التحية لك و لصديقك ود العبادي

    Quote: ولشد ما كانو يخافون يوما تتحنن فيه الداعرات..


    لم لا ؟ فقد يجرفهن الحنان إلى سواء السبيل.


    Quote: يا صديقي ..تتحنن المراة وتضع الحناءَ متاهبة بذلك لحنان كبير ..


    فالحنان درجات حسب وضعية الحنة و طريقة تسويدها.
    فإن كانت بالإصبع اليسار .. فهي روح مشحتفة و نفس أمارة بحنان قادم.
    و إن كانت في بطن الكف دون زخرفة منقوشة .. فهي إستعداد لإستقبال زول يستحق حنان و لكن ( موعد جيتو ما مؤكدة ) ..
    أما إذا تم إستعمال النشادر في تسويد الحنة فذاك بأن الحنان قد داهمها على حين غرة. و أن زولها فتر من الحجز على السودانية و جاييها باليمنية.
    أما إن كانت الحنة بمحلبيتها و سريتيها و مجموعها و قرطاس نقشها .. فذاك حنان بمزاج مرتفع ذو نكهة حميمية .. و تُنْصح المرأة بعدم غسل الصحون و الملابس و عدم أكل أطعمتنا اللايوقة حتى لا تستعمل صابون تايد في إزالة بقايا هذه اللواييق.

    Quote: والمتزوجات في حلتنا كانوا يتبادلون المجموع ..
    أن شئت الدقة فهم كانوا يتبادلون الحنان ضمن ما يسمي بالمجموع..
    المجموع حين ياتي مع الحنة وتجي المرة مارقة عليك مجموع في مجموع كدي ..فذلك يعتبر تسعة أعشار المرة لو بتصدق ..
    إن تركت رحاب تسعة اعشارها .. ماالذي ابقته لك؟؟


    و أنا أقول يا ربي الزول ( بينجمع ) ليه ؟؟؟

    Quote: نسوان حلتنا كم كانوا حنينات ..ما رايتهن قط دون حنة ...
    لذلك ظلت حلتنا تفيض حنية وولف ..وظل الرجال سعداء بالرغم من تراكم الديون ..
    تجاوز دين احدهم السقف الائتماني فاخبرته زوجته ذات فجرٍ باردٍ بأنه قد يحتاج إلى 11 عام لتسديدِ ما عليه لسيد الدكان جراء جرورة المحلبيات والمجموع ..قبلها زوجها عند مفرق شعرها المخضوب بالحناء ونهض لوضوء ِ الفجرِ غير هياب..


    أظنه سيتوضأ ثم ينام من الخلعة..
    يا رجل .. ديونه فاقت الحد الإئتماني .. فيقبل مفرق شعرها و يتوضأ غير هياب ؟؟
    يمكن يكون ناوي يعمر و يكب الزوغة

    دكين :
    هل يمكن أن نقول أن ستونا مجروس من أسباب حنان الستات اللي هناك في شمال الوادي ؟
    أرقد عافية

    (عدل بواسطة ابو جهينة on 16-01-2006, 04:12 AM)
    (عدل بواسطة ابو جهينة on 16-01-2006, 04:13 AM)

                   |Articles |News |مقالات |بيانات

22-01-2006, 03:14 AM

DKEEN
<aDKEEN
تاريخ التسجيل: 30-11-2002
مجموع المشاركات: 6770

للتواصل معنا

FaceBook
تويتر Twitter
YouTube


Re: في شأن الحنان العظيم..إعادة تدوير وتسريح باحسان.. (Re: ابو جهينة)

    ابو جهينة
    مستشار الحنة
    اعتذر عن التاخير في الرد
    بقيت اجي الرياض يومين في الاسبوع ومحروم من النت في بقية الايام ..لذا اجد نفسي متاخرا ...

    حدثتني عن وضعيات الحناء واراك خبيرا بكافة الاوضاع..
    Quote: فإن كانت بالإصبع اليسار .. فهي روح مشحتفة و نفس أمارة بحنان قادم.
    و إن كانت في بطن الكف دون زخرفة منقوشة .. فهي إستعداد لإستقبال زول يستحق حنان و لكن ( موعد جيتو ما مؤكدة ) ..
    أما إذا تم إستعمال النشادر في تسويد الحنة فذاك بأن الحنان قد داهمها على حين غرة. و أن زولها فتر من الحجز على السودانية و جاييها باليمنية.
    أما إن كانت الحنة بمحلبيتها و سريتيها و مجموعها و قرطاس نقشها .. فذاك حنان بمزاج مرتفع ذو نكهة حميمية .. و تُنْصح المرأة بعدم غسل الصحون و الملابس و عدم أكل أطعمتنا اللايوقة حتى لا تستعمل صابون تايد في إزالة بقايا هذه اللواييق.


    واجلسني الضحك في الوضعية بتاعة سودانير..
    رد الله غربتنا ووهبنا امراة تقدر الحنان والحناء والنقش والطقوس ومالى ذلك..
                   |Articles |News |مقالات |بيانات

16-01-2006, 04:31 AM

تيسير عووضة
<aتيسير عووضة
تاريخ التسجيل: 20-12-2005
مجموع المشاركات: 7136

للتواصل معنا

FaceBook
تويتر Twitter
YouTube


Re: في شأن الحنان العظيم..إعادة تدوير وتسريح باحسان.. (Re: DKEEN)

    Quote: لن تخلو إلى نفسك مع امراة خالية من الحناء...
    خالية من المنطق ..خالية من تاريخ قوافل الحنين..
    زولة خلا ساي ..


    منطق الحنة والحنين
    فيما ورد عن دكين

    يا دكين انت قايل بفرزوا بيها المعرسة من الما معرسة ليه
    واصلا الفرق بينهم شنو لو ما كان دي عندها من تحاننه وتتحنن له
                   |Articles |News |مقالات |بيانات

16-01-2006, 05:07 AM

abuguta
<aabuguta
تاريخ التسجيل: 20-04-2003
مجموع المشاركات: 8275

للتواصل معنا

FaceBook
تويتر Twitter
YouTube


Re: في شأن الحنان العظيم..إعادة تدوير وتسريح باحسان.. (Re: تيسير عووضة)



    دكين الجميل
    امس على قناة النيل الازرق حيرتنى حنتين..حنة نسرين المرباعت
    وحنة ندى القلعة التى تشبه درب الثعبان ومن ريحة مجموعها سجيمان لسع دايخ..
    دحين يادكين ما بلقى عندكم باقى مجموع الولية دى عاجنه حنتها والدكان ابقى يطلق لى

    ياخى بجد انت مناضل حننى
    كل سنة وانت طيب
                   |Articles |News |مقالات |بيانات

22-01-2006, 04:08 AM

DKEEN
<aDKEEN
تاريخ التسجيل: 30-11-2002
مجموع المشاركات: 6770

للتواصل معنا

FaceBook
تويتر Twitter
YouTube


Re: في شأن الحنان العظيم..إعادة تدوير وتسريح باحسان.. (Re: abuguta)

    ابو قوتة الاجمل

    الحنة في قناة النيل الازرق تظهر جلية واضحة ..لانو الناس الفيها جميلين واضحين ويدينم ملبس بس..

    تضيع ملامح الاستديو وسط ابتسمات مقدمات البرنامج ..
    تضحك سلمى فيسقط الريموت من يدي..
    تبتسم نسرين فيسقط الزمان والمكان ..
    تحرك راسها فاغلق التلفاز وابكي الزمان والمكان والتلفاز والخيال الذي تشتت في اصقاع الدنيا ..


    كل سنة وانتا طيب يا ابوقوتا
    انتا متزوج ؟؟
    كل سنة وهي طيبة طيب..
                   |Articles |News |مقالات |بيانات

22-01-2006, 03:42 AM

DKEEN
<aDKEEN
تاريخ التسجيل: 30-11-2002
مجموع المشاركات: 6770

للتواصل معنا

FaceBook
تويتر Twitter
YouTube


Re: في شأن الحنان العظيم..إعادة تدوير وتسريح باحسان.. (Re: تيسير عووضة)

    تسير

    مقتنع شديد جدا انا انو المرة التي لا تثق في الحناء هي مرة لا تصلح للمسير الطويل

    اصلا كيف تطاق المرة بدون اكسسوار وحنة وبهارج البيت السوداني من دخان وغيره ..


    بقالك حريمنا ديل ممكن يتقابلو بدون القصص دي؟؟
    زوجة صديقي نحت منحا صعبا حين قالت لصديقي يا انا يا الحنة..

    اخر واحد فيهم كانت الشيشة عنده من اهم الاشياء ..
    فخيرته زوجتة وقات ليهو يا انا يا الشيشة دي..

    قام رجع الشيشة الكبيرة بيت ابوها طوالي ..

    كيف تقارن عاقلة بينها وبين شيشة عليها معسل بحريني ؟؟





    كم في السر تمنى يشوف اي ايديها حنة ..
    حريرة يا عاجباني ..
    والفاقد المحنة دايما ليك احنة ..
    زينة وعاجباني ..
    هكذا غنى الكابلي..


    انا شي غناهو الكابلي ده ما بفاوض فيهو ..
    اتعلمي حبي الحنة يا تيسير..دي منحة والحياة بي حنة اجمل واحلى..
                   |Articles |News |مقالات |بيانات

16-01-2006, 05:18 AM

حمد فتح الرحمن
<aحمد فتح الرحمن
تاريخ التسجيل: 01-06-2005
مجموع المشاركات: 1996

للتواصل معنا

FaceBook
تويتر Twitter
YouTube


Re: في شأن الحنان العظيم..إعادة تدوير وتسريح باحسان.. (Re: DKEEN)

    Quote: تمت اعادة التدوير في ذكرى الشتاء الثاني عشر للقاء مروان العبادي ..

    ليس ثمة من شي اهديه الى الغاليين سوى ما نتداوله من حين لاخر..



    انت متاكد انو تم التدوير عشان الذكري الثانية عشر للقاء بس ؟؟؟


    ام لك مآرب اخري ؟؟؟
                   |Articles |News |مقالات |بيانات

21-01-2006, 00:41 AM

المسافر
<aالمسافر
تاريخ التسجيل: 10-06-2002
مجموع المشاركات: 4962

للتواصل معنا

FaceBook
تويتر Twitter
YouTube


Re: في شأن الحنان العظيم..إعادة تدوير وتسريح باحسان.. (Re: حمد فتح الرحمن)

    Quote: ...كانوا يركبون الدواب ويمشون في الأسواق ويقتلون الشراميط في الطرقات لان الدعارة تجارة بالحنان .. ولشد ما كانو يخافون يوما تتحنن فيه الداعرات..


    لا حولا
                   |Articles |News |مقالات |بيانات

04-02-2006, 04:01 PM

DKEEN
<aDKEEN
تاريخ التسجيل: 30-11-2002
مجموع المشاركات: 6770

للتواصل معنا

FaceBook
تويتر Twitter
YouTube


Re: في شأن الحنان العظيم..إعادة تدوير وتسريح باحسان.. (Re: المسافر)

    Quote: كانوا يركبون الدواب

    يامسافر ياخي ما تفهمنا غلط ..
                   |Articles |News |مقالات |بيانات

22-01-2006, 04:35 AM

DKEEN
<aDKEEN
تاريخ التسجيل: 30-11-2002
مجموع المشاركات: 6770

للتواصل معنا

FaceBook
تويتر Twitter
YouTube


Re: في شأن الحنان العظيم..إعادة تدوير وتسريح باحسان.. (Re: حمد فتح الرحمن)

    حمد اخوي

    المواضيع كلها باظت بالمناسبة..

    قدر ما نلتقها بي جاي تتخرب بي هناك.. ده من ناحية




    كما وليس ثمة اي اغراض اخرى لهذا البوست سوى انني احتفل بالذكرى الثانية عشر للقاء صديق عزيز ..
    في مثل هذه الايام في شتاء 94 التقيته في اللواء 11 مظلي - جبل اولياء..
    صديق بلا شروط ..
    اهداني هذه المنافي وذهب يتجول في الشنقيطي وميدان عقرب ..
                   |Articles |News |مقالات |بيانات

22-01-2006, 04:58 AM

حمد فتح الرحمن
<aحمد فتح الرحمن
تاريخ التسجيل: 01-06-2005
مجموع المشاركات: 1996

للتواصل معنا

FaceBook
تويتر Twitter
YouTube


Re: في شأن الحنان العظيم..إعادة تدوير وتسريح باحسان.. (Re: DKEEN)

    Quote: المواضيع كلها باظت بالمناسبة..

    قدر ما نلتقها بي جاي تتخرب بي هناك.. ده من ناحية


    و الله انتا يا دكين براك بتطبظ عينك بي يدك

    او زي ما قال ليك خدر تاباها مقشرة ( تفتش عليها بي صوفا ) و بعد دا ما لاقيها .

    او النايم ليها شنو زاتو ؟؟ و هسع المقعدك في الرياض شنو ؟؟؟

    و مشكلتك يا عزيزي انك حرقتا مراكبك في البحر ، و زرعت الغام في الغابة ، و الله تاني الا إرس ما تحلك ( ثم رددناه اسفل سافلين ) .
                   |Articles |News |مقالات |بيانات

22-01-2006, 02:59 PM

DKEEN
<aDKEEN
تاريخ التسجيل: 30-11-2002
مجموع المشاركات: 6770

للتواصل معنا

FaceBook
تويتر Twitter
YouTube


Re: في شأن الحنان العظيم..إعادة تدوير وتسريح باحسان.. (Re: حمد فتح الرحمن)

    Quote: و مشكلتك يا عزيزي انك حرقتا مراكبك في البحر ، و زرعت الغام في الغابة ، و الله تاني الا إرس ما تحلك ( ثم رددناه اسفل سافلين ) .


    البحر يظل بحرا يا حمد ..
    طويل بال وصدرو ماهل..
    والغابة لغموها ناس همزاوي واخوك مسكين ساي بشيل وببلع,,

    ضحكتني في إرس اسفل السافلين دي لامن عاينت اتر الكامري قدام الرسبشن..

    انا اول ما حرقتا حرقتا إرس دي ..معقول ابقى على جكس بعومو زي التمساح...
    يعني ده خيار مستحمي ..



    تيسير عووضة كيف؟؟
                   |Articles |News |مقالات |بيانات

23-01-2006, 08:24 AM

فيصل نوبي
<aفيصل نوبي
تاريخ التسجيل: 16-09-2005
مجموع المشاركات: 14194

للتواصل معنا

FaceBook
تويتر Twitter
YouTube


Re: في شأن الحنان العظيم..إعادة تدوير وتسريح باحسان.. (Re: DKEEN)

    دكين



    و الحنة
    تعرف لي ساعتين بقرا في البوست ده
    و بحاول اقيف ما ارجع من الاول تاني
    لقيت روحي لافي صينية
    ( حنانة و نسا اهلو ما نسانا )
    و معاها ( دور بي حبيب البلد ده ، دور بي )

    غايتو الله يجازي شيطان حنتك

    و الصورة و خباياها
    منتظرك طبعا تكتب المخفي فيها و خايف اقول شي يطلع كمين ، بقيت ما مضمون يا مان

    (عدل بواسطة فيصل نوبي on 24-01-2006, 01:29 PM)

                   |Articles |News |مقالات |بيانات

24-01-2006, 07:27 AM

حمد فتح الرحمن
<aحمد فتح الرحمن
تاريخ التسجيل: 01-06-2005
مجموع المشاركات: 1996

للتواصل معنا

FaceBook
تويتر Twitter
YouTube


Re: في شأن الحنان العظيم..إعادة تدوير وتسريح باحسان.. (Re: DKEEN)

    Quote: تيسير عووضة كيف؟؟


    تعرف جيدا الفرق بين جنان الحنة ، و صحاري عدمها .

    Quote: يا دكين انت قايل بفرزوا بيها المعرسة من الما معرسة ليه
    واصلا الفرق بينهم شنو لو ما كان دي عندها من تحاننه وتتحنن له


    كما وانها افضل من استمع و غني مع ابو سامر .

    بعدين انتا قايل الصباح الباهي لونك دي قالوها في منو ؟؟؟ و الناس قاعده تحفظا و ترددا لي شنو ؟؟



    و يا عزيز ما دمت مصرا علي اجتياز الاستوائيات ، فلك مني تبرعا بازالة الالغام التي تزرعها كل حين .

    و ليكن في علمك يا دكين ان الغابة لا تزرع الغاما مهما كانت الدوافع و الاسباب ، ( ما تقول لي دا جهاد، و انا لازم اعمل استطلاع عشان اقدر اعرف كيف اهاجم ) . الغابة خلقت لزراعة المستقبل فيها ، و انتاج الوداد بين جنباتها ، و تصدير الحنان الي كلهاريك القاحلة .
    حنان صافي يا عزيز فيه شفاء للناس و فيه لذة للشاربين ، يسعد من يشربه الي ابد الآباد ، و يكتب في سفر المحبين خالدا ابدا .
    حنان لا تنتجه الا ملكات نحل خلقن فقط لاجل إشفائنا ، و اسقامنا ايضا لمن لا يقدر .

    و للغابة اسرار يا دكين .اما ان تدركها ، فتسلك دربها سهلا غير ممتنعا .

    او ان تجهلها ، فتجهل عليك فوق جهلك ، فتصبحوا علي ما فعلتم نادمين ، و ترتد انت الي اسفل سافلين .



    اذا عرفت كل ذلك يا دكين فالغابة لك ، و انت لها .
                   |Articles |News |مقالات |بيانات

24-01-2006, 09:35 AM

bayan
<abayan
تاريخ التسجيل: 13-06-2003
مجموع المشاركات: 15417

للتواصل معنا

FaceBook
تويتر Twitter
YouTube


Re: في شأن الحنان العظيم..إعادة تدوير وتسريح باحسان.. (Re: حمد فتح الرحمن)

    سلام يا دكين

    ما كتبته

    من اجمل ما قرأته
    شكرا للامتاع والكتابة الحربفة

    (عدل بواسطة bayan on 24-01-2006, 10:47 AM)

                   |Articles |News |مقالات |بيانات

24-01-2006, 10:22 AM

خدر
<aخدر
تاريخ التسجيل: 07-02-2005
مجموع المشاركات: 13188

للتواصل معنا

FaceBook
تويتر Twitter
YouTube


Re: في شأن الحنان العظيم..إعادة تدوير وتسريح باحسان.. (Re: bayan)

    Quote: ياخى بجد انت مناضل حننى

                   |Articles |News |مقالات |بيانات

04-02-2006, 04:26 AM

DKEEN
<aDKEEN
تاريخ التسجيل: 30-11-2002
مجموع المشاركات: 6770

للتواصل معنا

FaceBook
تويتر Twitter
YouTube


Re: في شأن الحنان العظيم..إعادة تدوير وتسريح باحسان.. (Re: bayan)

    د.بيان

    الحنة والنسوان زينة الحياة الدنيا ..
    قد خلقو عشان نسكن اليهم ونرتاح ونبتهج حين رؤيتهم ..
    موش للجندرة والحوار ويعملو لينا فيها برلمانيات ..

    شكرا للمرور الجميل والكلام السمح..
                   |Articles |News |مقالات |بيانات

04-02-2006, 02:00 AM

حمد فتح الرحمن
<aحمد فتح الرحمن
تاريخ التسجيل: 01-06-2005
مجموع المشاركات: 1996

للتواصل معنا

FaceBook
تويتر Twitter
YouTube


Re: في شأن الحنان العظيم..إعادة تدوير وتسريح باحسان.. (Re: DKEEN)

    رضيت عنك الاستوائيات يا دكين

    فليباركك الرب ، و لتدوم في صفاك

    عفا عنك الملاك يا صديقي فابتهج و احذر

    احذر ان تصيبك جهالتك مرة اخري .



    بالمناسبة :
    اخوك قال لي لو الزول دا ما اتاهل لغاية الصيف براهو ، حنوديهوا ارس مكتف .
                   |Articles |News |مقالات |بيانات

04-02-2006, 04:14 AM

DKEEN
<aDKEEN
تاريخ التسجيل: 30-11-2002
مجموع المشاركات: 6770

للتواصل معنا

FaceBook
تويتر Twitter
YouTube


Re: في شأن الحنان العظيم..إعادة تدوير وتسريح باحسان.. (Re: DKEEN)

    Quote: عفا عنك الملاك يا صديقي فابتهج و احذر


    حمد اخوي

    ياخي انتا اصلا ما تنبلا في خشمك فولة ؟؟

    طبعا ده كان اول ملاك يقول ليك انتا والمدلل داك ملايكة ..تشيلو وترصو لي بعضكم بي رفيع الالقاب والتصورات ..
    الملاك المسكين لا يعرف شيئا ..اقصى ما يعرفة عنكم هو انا، لذلك منحكم ذلك اللقب غير هياب ..


    ملايكة يغلطو عليك ويجو يعفو عنك ..
    تاني في صلاحيات اكتر من كده ؟؟
                   |Articles |News |مقالات |بيانات

04-02-2006, 04:59 AM

DKEEN
<aDKEEN
تاريخ التسجيل: 30-11-2002
مجموع المشاركات: 6770

للتواصل معنا

FaceBook
تويتر Twitter
YouTube


Re: في شأن الحنان العظيم..إعادة تدوير وتسريح باحسان.. (Re: DKEEN)

    فيصل نوبي العزيز

    الصورة يا حبيب هي لجريدة (فأجتك السنين) التي اصدرت بدار بورداب الرياض ..اصدرناها لان عذوبيتنا قد طالت وامتد ليلنا دون انيس
    كانت الإصـدارة الأولى لـذاك الهـرب ..
    محاولـة للخـلق .. لكسـر رتابة المدينة القفـر واحتمـال الواقع وإدراك ما تبقـى من حـياة ..
    خفناان هزمتنا السـنين ولم يفاجئنا القرمصيص بأنثى دربنا .. ان يهزمنا المكان وليل الموحدين ذلك.. فيفاجئنا السوس في مخادعـنا ..
    تخيل تكون في مدينة قطهرها اكثر من 80 كلم وما تشوف ليك في خلال 4 سنة بت سودانية في بلكونة ..اوليس شيئا يدعو للخوف والجذع ؟؟


    فيصل كانت تلك محاولة جيدة لرأب الخوف ومساحات الجذع والعمر الهارب كل صباح بيد ان المعايش الجبارة ونجاح البعض في ان يجد انيسا لمفازة الحياة حال دون بقية الاعداد ..

    وجاء في محتواها:

    1- متسع من السنين متسع من الدروب ....................دكين
    2- ترحيب السنين......................................معتصم دفع الله
    3- حوارات السنين ........................................صلاح شتات
    4- اهداءات السنين....................................... اسرة التحرير
    5- وجه الشمس..........................................تمبس
    6- ناطور السنين...........................................وليد طه
    7- مقامات السنين....................................... محمد الشيخ
    8- شوق السنين......................................... شوق آل ضحوي
    9- رسائل العنقالة ......................................دكين
    10- شعر......................................... الفيتتوري- يوسف حمدالنيل
    11- غاليري السنين................................عبد العزيز قيسان
                   |Articles |News |مقالات |بيانات

04-02-2006, 09:18 AM

Ali Alhalawi

تاريخ التسجيل: 10-02-2004
مجموع المشاركات: 1467

للتواصل معنا

FaceBook
تويتر Twitter
YouTube


Re: في شأن الحنان العظيم..إعادة تدوير وتسريح باحسان.. (Re: DKEEN)

    دكين يا حنين .. شوق قدر محلبية الدنيا كلّها

    هذا نص عالى المزاج

    مالك تعيدنا لعوالم نحن فيها و نشتاقها!

    و ماذا دهاك أيها العنقالى تدودرنا بين أوراد القرمصيص و ريحة الحنّة و المجموع .. ألم تدرى أن حنانا واقف على الهبشة .. تقتله الغربة و يقتلها

    شكرا لأنك أعدتنى لرشدى .. كنت مع رحاب فى مركب واحد .. لأ أرى فى الحنّة إلّا "ضياع زمن وجلبطة وقشور ساكت "

    .. حسنا لأنى لم أناقش و ساويسى هذى إلا مع نفسى و "بعض العواليق" .. ستكون وصيتى لمن أحبهنّ .. تخضبوا بما شاء لكم من الحناء .. مثنى و ثلاث و رباع و أنبذوا النشادر .. تحاننوا تحابوا
                   |Articles |News |مقالات |بيانات

04-02-2006, 10:02 AM

humida
<ahumida
تاريخ التسجيل: 06-11-2003
مجموع المشاركات: 9806

للتواصل معنا

FaceBook
تويتر Twitter
YouTube


Re: في شأن الحنان العظيم..إعادة تدوير وتسريح باحسان.. (Re: Ali Alhalawi)

    لولا النفس الامارة بالسوء يا عزيزي دكين ...
    وبعض تداعيات الغربة والتشوهات الخلقية المصاحبة لها ..
    لاعتبرتك كاتب زمانك .. وراوي عموم البورداب من هنا لحدي الحتة الفيها الحسكنيتة ..
    غير ان ان صورتك تفأجني وتطل علي وانا في غمرة نشوة ما تكتب ..
    فأحدث نفسي مبتسما .. بالله شوف الزول المعولق دا كتاب كيف .. !!!

    لك العتبى حتي ترضى ..
                   |Articles |News |مقالات |بيانات


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de