دعواتكم لزميلنا المفكر د.الباقر العفيف بالشفاء العاجل
|
|
 مــدائح نبـوية للعام الهجري
|
اخوكم نهائي ماعندو فكرة عن امور الديقتال وانزال المدائح والبحث عن واقع المديح ..
قلبتا كذا مرة وفشلتا بصراحة..
العارفين والمحبين وطالبي الاجر في الفقراء امثالنا ..
بلاي نزلو لينا ماتيسر ..
اولاد الماحي تحديدا ..
ومن ثم ماتيسر..
محبتي دوما..
|
|
 
|
|
|
|
|
|
|
|
Re: مــدائح نبـوية للعام الهجري (Re: DKEEN)
|
والله ما قصرت بالطلب ده يا دكين أمبس
وان شاء الله ناذر ينتبه للبوست ده ويلبي الطلب
ولا فيصل نوبى الفلاحتو بس ينزل ( راجل المرا ) ...!
........
........
الله ينور عقلك وقلبك وقبرك
| |
|
|
|
|
|
|
|
|
|
Re: مــدائح نبـوية للعام الهجري (Re: DKEEN)
|
الطاهر امبس
تحياتي
شكرا على المرور ..نسال الله ان يجعله عاما هجريا ببركاتٍ عميمة..
تمنياتي لك ولاسرتك بعام طيب ..
سودانية ام محبات مدفقة..
ياخي مشكورة جدا على الحبر..
احسبك زولة بتحب المديح برضو..
مودتي وعام هجري جميل وعمران بالخير والمسرات..
فيصل نوبي
ياخي الف شكر على طه المنومسة..
صعلوك فريد من نوعة زيك بكون عندو محبات وافرة ..
ماتبخل علينا يا حبيب بي المزيد من اولاد الماحي..
محبتي ليك ولي ام البنية..
وخالة البنية..
| |
|
|
|
|
|
|
|
|
|
Re: مــدائح نبـوية للعام الهجري (Re: DKEEN)
|
| Quote: حبوبتي رقية الله يرحما كان سمعت غنا حقيبة ساي تقول جيد لينا بيهو |
سلمي ازيك
لوووووووولوز.. دي ضحكة نص الليل فكيناها صحت النايمين ...
الله يهديكي بس ويرحم حبوبتك..
عام نسال الله يكون عام خير..
ونساله اللخ حسن الخواتيم..
| |
|
|
|
|
|
|
|
|
|
Re: مــدائح نبـوية للعام الهجري (Re: DKEEN)
|
تماضر
اسعد الله مساءك وعامك..
خيرك وخير السماني احمد عالم وصلنا وفات بي غادي..
وصلي الله على الحبيب المصطفى..
ودمتي رايقة ..
يخوانا بلاي البجيب حاجة يجيب معانا لنك الحفظ..
| |
|
|
|
|
|
|
|
|
|
Re: مــدائح نبـوية للعام الهجري (Re: DKEEN)
|
لااعتبر مدح اولاد حاج الماحي هومجرد مديح لذات النبي الكريم ولآل بيته وصحبة الميامين
المتأمل لقصائد حاج الماحي رحمه الله يجد ان الماحي يحب النبي ومدينته محبة سودانية خالصة لوجه الله ..
لاتكاد تفرز محبته من محبته الى ربوع السودان ومشائخهم..
يرى في كل شي حوله شوق الى الرسول الكريم..
ولذا كانت ملامح السودان الجغرافية في ثقافة ود الماحي جزءا من ادب المديح عنده..
تلكم كانت بدايات محبتي لقصائد ود الماحي..
كان والدي اطال الله عمره كثيرا مايحدثنا عن المحطات النائية التي عمل بها في سكك حديد السودان..
يبدا الحكي عن قفارٍ وقرىً يقول اننا مكثنا فيها زمانا وينتهي من الحكي تاركا فينا خيطا رفيعا من الاشواق الى تلك القرى والقفار..
ومع الاذاعة يتمتم بمدائح اولاد الماحي ذاكرا اسماء لمدن وقرى ووديان ودورب ..
فيما بعد وبتلقائية تامة ربط ذهني مابين اشواقي الى المدن والقرى السودانية ومحبتي لابي ومابين اشواق حاج الماحي السودانيةالفضاء والمزاج للرسول الكريم عليه افضل الصلاة واتم التسليم..
ومحبتي لاولياء الله في سائر السودان..
الكاسنجر وطابت وام مرحي ودوائر الصوفية في الخرطوم وطيبة الشيخ عبد المحمود والشيخ عبد الباقي ..
النداهات الى الصالحين التي اوردها في مدحة التمساح اورد فيها مشايخ واولياء الله في شمال السودان وقرى النيل الشمالي قاطبة:
يقول حاج الماحي :
شي لله ياهل الدايرة يالفي الكون اسراركم سايرة
ارخو السر في السحرة الغايرة خلو السر تتصبح نايرة..
شي لله يا عبد القادر محي الدين البحر السادر
ياود زينب قومي لي مبادر.. وياود حاج قول جيتم حاضر
شي لله يا راجل البركل ياقايم باليل مابتكسل ..
ياعايم بالله توكل وقول لي الدود من بلدي اتوكل..
يا ياسيت ياود حميدة يا اهل القبة الباقية فريدة
انتم ما تباطيطو اكيدة مابتغلبكم هذي الصيدة
يالزرق ابوات والحاج موسى يالكمل المافيكم دوسة
البلد الكانت محروسة حجر العوم والناس محبوسة
يا اهل الركب الفات بي ليلو
ومافيكم واحدا شاد حيلو
احمد واحمد شيلو ود عدنانا فوق راسو اديلو..
يالفكي شيخ العبد الصالح ولحاي في بحر المالح
ود بيلي وعبود الصالح وين وين حاج موسى القدر الطالح
يارجالة نوري اتلمو
خلو الغفلة جميعكم هِـموا
محمد صالح قام بي عمو لطم الدود بي السر فوق فمو
يابحمد تب نايب اشسوكة وصاحب سر ايدك مبروكة
يابنيران الحق ناب ابوكا ..ِهم ياشيخ الناس زموكا
يابشارب واولادوا الستة امانة عليكم ليش ها السكتة
اسمع ياشيخ القول ليك انتا جرت الحين في بلادكم نكتة
ويبدوان طرفةً قد سارت ايامها في قرية الشيخ ابشارب ايامها بخصوص ذلك التمساح
ياود جابر ليك بنادي وقوم بي اخوانك لي البولادي
ياالعجمي اب زقا صيادي اخذو الشكرة العادي العادي
يا ولاد جابر بي عجميكم قوموا الخمسة واكطربوا سريكم
نادوا ابرابعة وخلو يجيكم وقتل الدودمو قاسي عليكم
ياوراق جن حوباتك وفي التمساح بين اياتك
خلي يصوي من بلداتك ولايتمسخر في زوراتك
ومن ثم ينتقل حاج الماحي بعد هذه النداءات البليغة الى فرسان الحلال والقرى
شي لله يا رجالتنا
شرف الدين فرسان ازمتنا
صالح السلمي
ومن ثم بجاه النبي يستجير..
الى اخر المدحة المليئة بالبلاغة والصور الذهنية متعددة الملامح
يذكر حاج الماحي رحمه الله في مدحة (البشير)
اسماء مدن من بداية ديار الجعليين وحتى ارقو في اقاصي الشمال
كافة الجزر والحلال والشياخات..
في مودة وتصالح تام رابطا بينها وبين محبة الرسول الكريم..
ذلك ماشغلني لامادٍ طويلة ..
ولا ازال عاجزا عن شرح الشعور الملازم لتلك المدائح..
لازم المديح دارنا طويلا ..
وصارت الـمَــدَّة التي في صوت اولاد حاج الماحي جزءا من احساسي تجاه المديح..
كان الحزن هو السمة الغالبة للمادحين من اولاد الماحي ايامها..
التلاتة الكانوا بمدحو دوما عبر التلفزيون ..هم اصحاب الانبطاع الاول عن ولاد الماحي..
كان اوسطهم بملامح محببة الى ذوي النفوس الطيبة..
كانوا وقورين ومن شدة محباتهم كان يتصبب العرق منهم..
الصوت عندهم لايخرج إلا وترافقها همهمات وانات تعرف من خلالها ان المادحين هم اولاد الماحي ليس غيرهم..
يقول حاج الماحي في القبة البلوح قنديلا..
القباااااااااااااا البلوح قنديلا شوقي وحساري الليلة..
هذه المدة في الإلف هي التي كنت اميز بها اولاد الماحي ..
آآ الاشواق هذه هي الميزة ..
وكما ان في الحنين حائها فان للاشواق عندي الف تمتد فتنطق( آآآ) واحسن من قالها ونطق بها اولاد حاج ا لماحي ..
ومن ثم التمتامين من عباد الله
فالتمام عندي في زمرة المحبين وكاتمي الاشواق..
وكلما قل الكلام كُتمت الاشواق..
والبكم قمة البلاغة والحنين ..ووالله مانظرت الى ابكم إلا ودمعت عيناي..
وعودةالى مدة الالف في مدحات اولاد الماحي..
وهي مدة وان لم تكن في غالب قصائد حاج الماحي فهي ليست في قصائد غيره
اي انها كانت بينة تثبت ان القصيدة لود الماحي ولكنها لاتنفيها عنه..(بينة اثبات لانفي)
فيما بعد ومع امتداد المحبة بامتداد العمر، اكتشفت ان حاج الماحي كان رجلا بليغا جدا ..
وعارفا بالله وباحوال خلق الله وبالبلاد..
وطبائع البشر..
كانت الوصوف في قصائدة بالغة الدقة، سديدة الفكرة،سهلة الادراك، صعبةالمنال، واشواقها قاصدة..
في وصف مباهج المراة ، لم اجد ماهو اشد بلاغة من حاج الماحي في مدحة طه المنومسة ..
يقول حاج الماحي:
ولبسانا عالي ومخللو النجاد
كل وادا قسمو الفين حورية انداد
شبشوب النهاد جايات على المشهاد
فلغتهن مضغة مافيهن عضمن زاد
سابلات شعورن ماتحرصقن قرقاد
طاسة وجوهن وعلى القمر تزداد
كاحلات عيونن غير جره المرواد
قمقم نخريهن واذنيهن موعراض
صبغة خشومن من حكمةالمجاد
واسنانهن فضة بيضون في الفؤاد
وبلغمهن عنبر ونفسهن الجلاد
وصباحن سمبل وعرقهن الزباد
وقزازرقابن ماهن قصار اوتاد
ليناتايديهن مافيهن الفصاد
ضخمات صدورن واكفالهن قعاد
ضامر حشاهن مادنقرن في زاد
سمحات قدومن مو مدبلبات غلاد
وكدي فوق قدومن مو مدبلبات غلاد
ماراحن حشن مافزعن في بلاد
للنار ماكاسن ماخمن الرمادو
ماغزلن نسعة ماضفرن القاعاد
لاحظ التسلسل من فوق لي تحت..
والوصوف المحلية الوصف بيها حور الجنان
والمدحة نزلها اخونا فيصل نوبي ويمكنكم سماعها ومتابعة الوصوف ..
إن محبتي لاشواق اولاد الماحي هي من محبتي للبلاد وللرسول عليه افضل الصلاة والسلام..
| |
|
|
|
|
|
|
|
|
|
Re: مــدائح نبـوية للعام الهجري (Re: DKEEN)
|
المديح مؤخرا اتخذ شكلا مبتذلا..
وقبل يومين جابو مدحة في برنامج (مرافي الشوق ) كلماتها طيبات بس المادحين ابتذلوا المدحة
كان احدهم يقفز كأنما هو في عرضة..
ومعه حق فقد تنقل به المخرج بكاميرته في فيللا زاهية الالوان والحوائط ومزهيرات مؤنقة..
هيبته كاميرا التلفزيون وسلالم الفيللا فاختلط عليه الامر وحسب نفسه في حفلة عرضة فظل يقفز مبتسما وفي يده طار مسكين حتى بانت نعاله واضحة ..
كان بنطط بي صورة مبالغة لاتمت لادب مدح الرسول في شي..
مدح الرسول بلاي علاقتو شنو بي فيللا مؤثثة وخشب تيك ومزهريات..
انحنا نسمع في الكلام الطيب ولانشوف الفيلا المفتخرة..
يعني هل يعقل انوالمخرج مالقى برنامج يوظف فيهوالفيلا او المكان السمح داك دي قام جاب المديح مثلا؟؟
ولا ياربي قاصد عديل انو يجيب المداحين ديل في الفيلا او المكان الفخم داك ويقول ليهم امدحوا..
نفس المداحين في مدحة الطائرة السودانية انتهكوا وقار ادب المدايح ..
وظل المخرج يعرض خلفيات لطائرة سودانية فيها فوط على الكراسي ..وخلفيات للنيل عند مباني التلفزيون..
استكثر المخرج على الكاميرا ان تظل فقط بخلفية ثابتة في مديح المصطفى..
دعاية مجانية باسم الرسول لسودانير ظهر فيها المضيفون خفاف الظل وقواد الطائرة بسماعات ضخمة..
محاولات للاشتهار ..
اشواق للظهور على شاشات التلفزيون على حساب اشواق البرعي للرسول الكريم..
محاولات لتخليد وجوههم التي يخشون عليها من الزوال..
من المؤكد انهم فيما بعد اشاروا لاصدقائهم وزوجاتهم قائلين:
شوفوا اهو ده انا جوه الطيارة..
ومن المؤكد انو بتاعين العلاقات العامة بسودانير - اوايا كان مسماه - انبسط لانهم انجزوا دعاية بصورة مبتكره جاذبة..
اولاد الماحي تغنو للطائرة السودانية بداخل الطائرة..
الان سيتوافد كل محبي اولاد البرعي على الخطوط السودانية وستعم البركات في طائراتنا ..
لن تتاخر في مواعيدها ولن تسقط من علٍ فقد عمتها محبة اولاد البرعي..
هكذا قالوا ايامها..
هبطوا بالمديح من سماوات الاشواق التي قصدها العارف بالله البرعي الى عالم العرض الرخيص والدعاية المبتذلة..
انا ماعارف المخرجين في تلفزيون السودان ديل قروا فعلا اخراج ولا ساي لانهم مالقو زول يخش في الشغلة دي قاموا خشو فيها..
| |
|
|
|
|
|
|
|
|
|
Re: مــدائح نبـوية للعام الهجري (Re: DKEEN)
|
شكرا كتير خالص يا تماضر على اللنك الاخير ..
تب ماقصرتي ..
وجودك في البوست اكتر من مرة جعلني اكثر فرحا...
بلاي كتري من طلتك..
ومن لنكات الحفظ..
ودمتي راقية ..
نوبي
انتا ياخوي اتقطعتا معاي عديل..
يعني نحنا نقول ليكمشوفوالينا عربية تقصروا
نقول ليكم مديح تكبوهو كب..
لكن حرم مدحاتك دي احسن لي من عربية من طرفك..
كنتا حتركبني بيها انتا ..
الله مرقنا ساي بس..
الشايقي
حبابك ياخي وليك وحشة يا حبيب..
نوبي ده اول مرة يهدي مديح ياحبيب..
معذور
حياتو كلها بهدي في ورود وازاهير ..
فرح
ازيك ياخي وكيفنك وكيف اصحبك البي غادي (وجه غامز)
| |
|
|
|
|
|
|
|
|
|
Re: مــدائح نبـوية للعام الهجري (Re: DKEEN)
|
يانوبي
المدحتين مابعرف اساميهم بس هاك منهم دي..
واحدة فيها : صلاة الله ثم سلامه آلا يارسول الله اني مغرم ..
والتانية : فيها مليون سلام ماليك مؤمن انتمى مليون سلام..
طبعا حتغالطني وتقول لي ما حقات نمارق..
بعدين البطشم الله عالمبو...
| |
|
|
|
|
|
|
|
|
|
Re: مــدائح نبـوية للعام الهجري (Re: DKEEN)
|
الشيخة/سمية الحسن طلحة ..
لعلي لا ابالغ اذا قلت ان حس المديح عندك قريب خالص لحس المديح عند مداح الرسول الكريم في السودان..
استخدامك للغة الفصحى ولي المفردة الدارجية يكاد يكون هو ذاتو استخدام المُداح..
حرم ماكي هينة ..
ولايكتب شخص بهذه الجودة إل امن عميق محبته للنبي الكريم..
دمتي مُحبة وشوقك واصل..
ان اعندي طار في البيت هنا..
يوم حاقعد الحنها ليكي وانزلها في البوست ده ..
رايك شنو؟؟
تجربي صوتي ولا احسن نكتفي بي جمال ابيات مديحك؟؟
معزتي ياسمية..
ودمتي طيبة
| |
|
|
|
|
|
|
|
|
|
Re: مــدائح نبـوية للعام الهجري (Re: DKEEN)
|
Quote: ان اعندي طار في البيت هنا..
يوم حاقعد الحنها ليكي وانزلها في البوست ده ..
رايك شنو؟؟
|
الأخ الكريم دكين
متابعين ومتواصلين معك دوماً
درجت على أن أكتب المدائح ملحنة وهذه التي أرسلتها لك
وضعتها على لحن ( الحليما صاحب الخلق العظيما الفي طيبة )
وماعندي مانع بل واتشرف أن اسمعها بلحنك وأدائك .
لدي محاولات كثيرة جدا في المديح أحاول فيها إقتفاء آثار الآباء والأجداد
وتوجد عينات منها في الموقع
www.umomar.sudcom.org
| |
|
|
|
|
|
|
|
|
|
Re: مــدائح نبـوية للعام الهجري (Re: DKEEN)
|
الحــجــيــج قــطــع
قالو الحجيج قطع طالب نور البقع قلبى زاد وجع حمانى القيد منـع
العبدو قام شرع متقاصر ما بتع جاب العسل نقع كباه فى القـــــــــــرع
ديوانه اجتمع ماصغى لأهل السمع مجزومم تف وقع كالمغشى من الصرع
فى الدنيا ارتفع والاخرة نال شفع
قمر القسوم طلع الضوا ما انقطع فى العرش لاح سطع الذاكر ما انضجع
حبو للردوم خلع يوم النهار صقع لولاه نروح جرع
قلبى زاد وجع حمانى القيد منـــــع
العالى فى القدر ذو العز والفخر لو طويل و لو قصر لو غليد و لو نسر
فى حقه الصبر حين ينزل الامر شفيعنا فى الحشر ليلة عرقنا يخر
التبعك للخدر والخالف من حاله كر
قلبى زاد و جع حمانى القيد منع
دقو النحاس ورف جا صاحب الوظف
ركب الصديق وقف اتيامن وحــــلف
معلوم بهدم الصف ما بعاين الطرف مابخلى
الدم يجف رقدهم كالعلف والعوق من عنده رف
قبض الملوك عنف كدى جرا الكى خلف
قلبى زاد وجع حمانى القيد مــــــــنع
دقو النحاس ضرب جا صاحب الادب
فاروق الاحتسب العزا للدين نصـب
سل سيفو المو كعب يغرز فى العين جب
السيمت اب هجب من عندو قام هـرب
رسلهم بالسلب للهاشمى العجب
قلبى زاد وجع حمانى القيد منع
يا فمى قول السى للنسبو من اميى
فارسا بريد الدى ضربو النجيض مو نى
سيفو الما بفضل شى الدبرة الفيها
اب عى شقاها وخلف الكـــــــــــــــــى
نصرو العزيز الحى زوج ام كلثوم و رقيى
قلبى زاد وجع حمانى القيد منـــع
دقو النحاس و رز ركب المضرغم وهز
دخل المداين جز خلا الرمام للمـــز
فى الارض ماهن نز كل المشكر فز
ود عمو الليل فرز نصر اب علامه وعــز
يا حى يا مجيب ندعوك الفى جمل
على المشهاد و الايد نتدلى المويـــه
بالزاد نجفى البليد نتدلى احبابنا الجمبى
والبعيد نتدلى الفقرا البقرو فى المســـيد
جملى البدورو ما اظنو يتوجد
ابيض فى لونه وعلى الدبلان يزيـــد
افطس قدومو تام شوفو بتاكيد
سمحات عيونو ختما الدق والتبيـــــد
شرفات اذنيبه مكلوفا يا الرشيد
زمامو الفضه اربع تاواق و يزيـــــــد
خناقو الشولق غشيما دهب العبيد
رسنو حريرا بارد لمسك الايـــــــــــد
ان قلت رقبتو كالروقه الفى الهميد
موكوكب زورو والفدعه العند الايــــــد
ضامر حشاهو ماهوالبدين عريض
مرخى عرقوبو شوتال مدقوق جديد
سمحات سيقانو كا ليد الفى الحديــــــــد
مدور خفه فى ا****ه مو عريض
شارف سنامو قبة سيدى العبيـــــد
طبعو المؤدب لو عاصى لو عنــــيد
كدى جيبو و نوخو يا لعرض يا العبيـد
سو فوقو سرجا مكسى محشى جديد
ان قت مجدولا كالفصل الفى العقيــــد
مفروش للفروه يا تويلى يا مرعيد
قام جب بينا يضرب و ينفض الايـــــد
ان جاك ماشى كيف عفرات الصـعيد
يا اخوى اقرأ لو من كونك ماك جديد
حنق للطاره طالب الرسول الســـيد
ريس السفينه قال اهلا مداح الســــــيد
دون شك ادخلو ان شاء الله توافقو العيد
ودخلنا فيها كدى قلنا يا مجـــــــيد
فى سروه واحدة وصلت بقدرة السيد
فى جدة خروجنا مافينا من مريض
وحلقنا شعورنا ورجمنا خصم السيد
طال لينا المنار ام شبكا من حديـــــد
قلنا له سلاما يا سيد رسالة اب زيد
قال اهلا مرحى انا قلبى ليك بريـــــد
انت واحبابك الجمبى والبعيد
تسكنو قصورا شامخات بلا تحديـــد
يات من كان منكم الفين حوريه نهيد
وعيد الراوى الما رتل وقال قصيد
يوم لمت الوعيد يضمنا النبى السيد
قلبى الزاد وجع حمانى القيد منـــع
احمد عليك قصد فى مدحه ما اجتهد
كان دايح بالبلد لا اطامن لا قعـــــد
لا صام لا عبد لا انفق بليله قد
القمرا الفوق السد بيك يسلم النشــــد
صليت على العدل فى شرعه ما زغل
ما صب سحاب نزل كب ماهو انهمل
والغيث الفى السهل عد علم اللم يزل
ندخلو فى ام قلل ونواجهو بلا عــــلل
قلبى زاد وجع حمانى القيد منع
| |
|
|
|
|
|
|
| |
الطاهر ساتي
فيصل نوبي
فرح
أحمد الشايقي
غباشي
ود محجوب
خالدة البدوي
فيس بوك
تويتر
انستقرام
يوتيوب
بنتيريست