دعواتكم لزميلنا المفكر د.الباقر العفيف بالشفاء العاجل
|
|
 منشــور إخـلاء السودان
|
(ماعندكم ينفد وما عند الله باق ولنجزين الذين صبروا اجرهم باحسن ماكانوا يعملون)
النحل 96
قد مُنحت من الله في 50 يوما خلت مالا ينفد وما ليس على الله بكثير..
والصبر الان كعصائِر نبتِ الطرطور ..
والباقيات الصالحات بناتُُ ُ توزعن بعناية في جبره واركويت وشمبات وودنوباوي وكلتوس..
ما من بؤسٍ يعمُ ادمي كما البؤس يعم صاحب البنات الـمُسافر..
وما من غربةٍ تجتاحُ النفسَ كما الغربة حين تجتاحها صور الصاحباتِ البنات، والجدرانِ وناصياتِ الشوارع..
ومامن شي ُيحمض عليك خبز يقينك وخمائر عافيتك سوى طلعة بهية قد تركتها وراء ظهرك ..
الناسُ سلالاتُ ُ وطبائع..
اجناسُ ُ واعراق ..وقبائلَ مُـتعارفة..
والشمس هناك حـرُها شديد.. والمحباتُ قِـــسَـم..
فاذا ما كنت كثير الاسفار، فاحذر الشمس والبنات..
واحذر ان تربط حوادث ايامك بالامكنة والجدران والوجوهِ الحالمةِ وغيرها..
ودع الحدث حيث حدث، ولا ُتعيد الى دوائر تفكيرك سرد تفاصيل يومك لئلا تعلق بذور التفصيل الخصب بذهنك، لتنبتَ فيما بعد على عمومِ الجدب في غربتك فلا تجد بعدها لواقع غربتك مكانا فتظل في انفصامٍ قِـلق..
فلا انت في التفصيل ولا انت فيما اخترت..
وطالما انت بالخيار فاحذر مغبة التفصيل ..
كما واحذر اطالة النظر الى مكان بعينه دون اخر.. ففي النظر الطويل تندسُ فخاخ الحنين..
وكن حصيفا واحرص على ان يتوزع بصرك طوال حال سفرك على الدورب دون هوادة وبلا تركيز..
فلا تنظر طويلاً في عيونِ البنات..
ولا تنظرُ طويلاً الى جدارٍ مررت به..
ولاتمكث طويلاً في سفرك..
وعلى كل حالٍ إحذر التطويل والاسهاب قدر ما تستطيع..
واختا النيل ..
(النيل.. الختا)
واذا ما قدر الله لك وصافحت فتاة ما لاول مرة فا قشر بالسرحة حين المصافحة..
ولاتقع في شراك العين الظامئة ..
أي لا تنظرُ عينيها ابدا ..وانقل بصرك سارحا بين السماءِ وبين الارضِ باستمرار..
متحايلا بالارض وبالسماء على بدعِـة الانطباع الاول والنظرِ الاول وفِخاخ العيون..
فسماواتِ الله وارضهِ تجدها حيث سافرت ..
وبنات الانطباع الاول والنظر الاول لن تجد اليهن سبيلا فيما بعد.. فيُـذهبن بعدها بدينك ومتاع غربتك وحسنها..
والغربة متاعُ ُ واحسان ُ..فاحذر خلطها بالانطباعات غير الدقيقة وبمغبات النظر الفالت غير المتزن..
واحسن غربتك .. تُحسن الى نفسك واهلك والاقربون ذوي الحاجات..
وابدا لاتنظر مستدركا الى شيٍ فاتك ، تظن انه مضى...
ولاتندم على شي تركته خلف ظهرك ..واعلم انه ما من شي يمضى إلا اتى دونه شيُ ُ اخر..
فان حبيبة مضت اتتك دنياك بحبيبة اخرى .. وان جدارُ مضى اتتك الايام بجدار جديد.. وان فرحُ ُ انطوى فلا تبتئس ولاتندم فالافراح مادامت لاحدٍ كي تدوم لك..
فـسُـنةُ الدنيا الزوال..
اما نورة فاندم عليها على مهل..
نورة الزاد الذي لا ينفد.. نوارة (المين) عند احتدام المغارب ..
نورة لون الطبيعة الابيض المعتدل..
نورة بالجملة كده (صلاة النبي فوقا..)
وليس بذي بصيرة من يطيل مثلا النظر الى صورة المنزل اعلاه في نمرة 2..
كما وليس بذي بصيرة من يمر على دربٍ مرتين في يومه..
فذاكرة الانظارِ ماهلة وشراكِ الحنين صبورة ..
وعلى عمومِ الاشياء وددتُ ان اقول : كن كثير السرحان في اسفارك تنجو..
هذا وان غبت عن مواضعٍ بعينها مدة من الزمان وعدت سالما تنوي الرحيل، فلاتربط المواضع بفعالٍ قد مرت بك في زمانـ ٍ خلا..
ولا تقل لصاحبك بجوارك: ايييه...قد كان كذا وقت كذا وقد كنا كذا في مكان كذا..
وصاحبك قد لايحسن بك الظن ..فهو يمر بالمكان يوميا ولايذكر ما تذكر..
مشغول باله بنهارات البلاد الصيخود وايامها الضكر..
واغلب الظن انت عنده حلومُ ُ كثير الشجن ..
وانا انتظر صفا من السيارات العابرة نظرت فوقع بصري على الصورة التي بالاعلى ..
فرايتُ فيما رايت اقباطا ونساء في ازياء الثلاثينات على كراسي اصطفت بلا ترتيب على مساحات خضراء بجانب عمود المدخل..
والزمان مساء وبدايات شتاء.. وصبيةُ ُ بخدودٍ ورديةٍ وعينانِ كحيلتانِ -لازمتني تلك العيون لسنين طويلات - تغـُرس في وردٍ احمرٍ ازرقٍ على مسافاتٍ محسوبة..
وضابط بلون وردي وعلى كتفه علامات التاج البريطاني..
يتساقط من صنبورٍ نحاسي اللون قطرات ماءٍ بايقاعاتٍ ثابتة ..
ظني ان صاحب البيت يقال له ديمتري..
كان الموظف المسؤل عن جُـمرك الخرطوم في بيت الحاكم العام وصديقا مخلصا لمصطفى بك ياور حاكم مديرية دنقلة انذاك..
حليق الذقن والشارب..
يجلس على كرسي من خشب الخيزران داكن اللون..
والده كان صديقا محببا للاسقف كمبوني الذي وفد الى السودان في ايام غردون الاولى..ومن الذين استنكروا فيما بعد بشدة فكرة منشور اخلاء السودان ..
احاديثهم كانت تدور مابين احوال الارساليات في الخرطوم ودنقلا وكوستي ومابين مقترحات اخرى عن احوال الزراعة والبريد والتشجير وحركة وابورات النقل النهري في تلك المدن..
وبانجليزية محببة دارت بعض الاحاديث عن تخصيص بعض ايرادات الدولة لإنشاء مضمار للخيل ونادي للزوارق الشراعية في الجانب الشرقي من منزل الحاكم العام ..
حين هموا بالضحك المتواصل على اثر طرفة القتها زوجة الضابط، صاح عسكري المرور الواقف امام منزل الاستاذة سعاد ابراهيم احمد قائلا لي:
(يا بتاع اللوحات السعودية اتحرك، الشارع قدامك فتح)..
بعدها تغيرت الملامح..
تيقنت وانا عند نفق بُـري انظر الميدان الشرقي، بانني لن استبين النصح إلا ضحى الغدِ..
قطعت الإشارة ومضيتُ نحو كُـبري الحديد غير هياب..
النيل الازرق منخفض المنسوب..
انا كم يُـحزنني انخفاض مستوي هذا النيل..
البلاد رفعت عنها الرحمة والمنافقين في كل المدائن..
المضطرات الفاتنات في كل الشوارع..
والناس يركضون نحو دنياهم ركضاً..
لاتنتهي آمالهم إلا عند حافة القبر..
يعني عينهم تاني مايملاها إلا التراب..
العالمين سادرين في غيهم لامن البحر قرب ينشف..
لشد ما تحتاج البلاد الان الى شفاعة النبي..
|
|
 
|
|
|
|
|
|
|
|
Re: منشــور إخـلاء السودان (Re: DKEEN)
|
تانيييييي يادكين
يامن رزقت بخمسين ماذا فعلت بها يا ابن ادم
ده من ضمن اسئله القبر الاختياريه
احكي فلجميع هنا في انتظار محنك
kharbaaaanaa balaaak walheee
| |
|
|
|
|
|
|
|
|
|
Re: منشــور إخـلاء السودان (Re: NASERELDIN SALAH)
|
Quote: انا كم يُـحزنني انخفاض مستوي هذا النيل..
البلاد رفعت عنها الرحمة والمنافقين في كل المدائن..
المضطرات الفاتنات في كل الشوارع..
والناس يركضون نحو دنياهم ركضاً..
لاتنتهي آمالهم إلا عند حافة القبر..
يعني عينهم تاني مايملاها إلا التراب..
العالمين سادرين في غيهم لامن البحر قرب ينشف..
لشد ما تحتاج البلاد الان الى شفاعة النبي |
دكين حمدلا على السلامة
( خمسين ) والجوكر ( بايظ ) ؟
| |
|
|
|
|
|
|
|
|
|
Re: منشــور إخـلاء السودان (Re: نهال الطيب)
|
أحكي و نحن مستمعين
تعرف النكتة الزول رفع قضية و المحامي كتب المظلمة و الدفاع
لمن الزول سمع المحامي في دفاعه بكي باء شديد سالو يا زوووول مالك
قال و الله ما كنت عارف اني مظلوم قدر دا.............................
احكي و دعنا نبكي معك علي الظلم الحسن حسيني
لمن جيت انا سافرت بس ليه ما لقيت حضرنا و لم نجدكم بالفحمة ع الباب ..؟؟
يكون البلد فحمها كمل كمان ؟؟؟؟؟ صبرك يا ربنا
| |
|
|
|
|
|
|
|
|
|
Re: منشــور إخـلاء السودان (Re: sudania2000)
|
سودانية 2000
زي الزول الكان بوزع منشورات في الخرطوم..
ولامن قبضوهو لقو الورق الوزعو على اساس انو منشورات ابيض ..
قالوا ليهو ده ورق ابيض وينو المنشور هسي..
قام قال ليهم:
الحاصل في البلد دي عايز كتابة..
البلد ما محتاجة حكي يابتي..
من ناحية تانية
يشهد الله والليل والبنات
اني عملتا ليكي مس كول كذا مرة..
دكتورة بيان:
مشتاقين ياستي ..
مشكورة على السؤال تلك الايام ..
وكم يحزنني انو انتي من شدة ما تكالب الناس عليك بقيتي بي قدرة قادر محسوبة على الحكومة دي..
| |
|
|
|
|
|
|
|
|
|
Re: منشــور إخـلاء السودان (Re: DKEEN)
|
NASERELDIN SALAH
تيتاوي
ونهال كرار
اسعد الله صباحاتكم..
(السودان أكثر بلد يصلي علي النبي صلي الله عليه و سلم
شعب السودان يحبك يا رسول الله ..)
لولا الصلوات المتدفقات على رسول الله صلى الله عليه وسلم من إذاعة الكوثر ..
لاتانا الله وملائكته فجعلو عاليها سافلها..
| |
|
|
|
|
|
|
|
|
|
Re: منشــور إخـلاء السودان (Re: bayan)
|
الشوق يا منعول ..
قساسيب قساسيب .
قلت عيون البنات يا أخانا ..
( من أعمالكم سُلّط عليكم ) .
ماذا عندك لنا غير وجع القلب ؟ - فكأننا ناقصيه -
في جيبك النيل الذي خلسة أدخلت .. و وصايا نورة ..
و شوية نظرات تستوجب الغسل .
ثم الرسول فيك ماذا عن الحنينات اللائي يسكنّ المنحنى و الوادي ؟ ..
و تلك اللواتي أبأسهن الإنتظار , و بحلقة العيون و رحمة أفضال الظهور .. و بعض عشاء تعيس في الناصيات المعتمات العاصية ؟ ..
( لنسفعن بالناصية ) .
البنيات مسلطات يا قوم , و هن من جُند الله التي تمشي بيننا ..
فعليكم بالحيطة كما يجب ..
و الرفق كما اوصيتم .
كيفها الخرطوم يا مسلّط ؟ ..
أما زال أهلنا الخواجات أبّان برانيط هناك ؟ ..
بأحاديث معلقات على الجدران في نمرة اتنين ؟
يلعبون النرد و البريدج و يخافون يوما كان عذابه مستطيرا ؟
ألكاترينا محطة لا تزال ؟
و الشيالون .. أما تزال حلاقيمهم سنينة : لي في المسالمة غزال ..
يرابطون - حذر الموت - خلف عماماتهم , و مندسين خلف أشرطة الكاسيت في التاكسيات الهكرات و إيمان سوّاقها .. ؟؟
ثم .. مالك و الحوائط ؟
تميل في الخرطوم الحوائط ..
و السَوَقَة المتفشقون - أيدهم الله - يهيلون عليها من ماء مثاناتهم ..
أما تزال الحوائط دفاتر الزمن ؟
يكتب عليها العاشقون : أحب سارة ..
و تسجل عليها مدونات الفريق الأحمر الذي هو حصان طروادة , و الأزرق الذي هو مما يخرج من السبيلين ؟
ينقش الساسة عليها ترهاتهم ..
و يتفشى عليها الأولاد الذين بلغوا الحلم فبللوا ليلهم ببنات الجيران .
و تستغلها انت مخرجا من العيون العيون
يا ممتطي الرقم الأجنبي .. يا منعول .
إفتقدتك يا صاحب .
| |
|
|
|
|
|
|
|
|
|
Re: منشــور إخـلاء السودان (Re: Emad Abdulla)
|
Quote: قلت عيون البنات يا أخانا ..
( من أعمالكم سُلّط عليكم ) .
ماذا عندك لنا غير وجع القلب ؟ - فكأننا ناقصيه -
في جيبك النيل الذي خلسة أدخلت .. و وصايا نورة ..
و شوية نظرات تستوجب الغسل . |
احذر عيون البنات ياعماد..
انا هسي في راسي اربعتاشر عين
يعني سبعة بنات..
ونورة ما اوصتي بغير دعاء الاستخارة
رسلتا لي في sms
وقات لي استخير وتخير ..والخيرة فيما يختارة الله لك..
فما رايت في المنام غير غربتي..
كيف يغمض للمرء عين وكل العيون كحيلة؟؟
تستخير كيفن وانتا ماقادر تنوم؟؟
موش قتا ليك ياعماد انو الواحد ممكن يحب اكتر من بت في وكت واحد..
ليه بس ما عايزين تقتنعو؟؟
قال صديقي حين راى حيريتي :شفتا ياصديق البنات ديل زي الفواكه
هسي تقدر تقول البرتكان احلى من المنقة ولا العنب احلى من التفاح؟؟مابتقدر إلا تكون جاحد وافقط ضيق...
لكل فاكهة مذاق خاص
اها البنات ديل زي الفواكه..
كل واحدة بي طعم وكل واحدة بي ذوق..
ياعماد للاسف..
البنات ديل يا تحبهم كلهم يا كمان تكون جاحد..
عمرك سعمتا انو دكين جاحد؟؟
ولا حتسمع
| |
|
|
|
|
|
|
|
|
 Re: منشــور إخـلاء السودان (Re: DKEEN)
|
دكين ماذا تركت وراك ..
حدثنا عنه ..
فما أحلى الكلام عندك ..
هل تبقى منه شي هذا الوطن حتى نخليه ..
| Quote: لشد ما تحتاج البلاد الان الى شفاعة النبي.. |
صلى الله على سيدنا محمد وعلى آله وصحبه وسلم ..
والســلام ..
| |
|
|
|
|
|
|
|
|
|
Re: منشــور إخـلاء السودان (Re: DKEEN)
|
نهال الطيب
نهارك سعيد..
معليش ..طولتا من المنبر
بس مابتفرق كتير
كلكم بنات في النهاية..
بالنسبة لي انتو اسباب هجرتي الحقيقية من السودان..
يعني انا طالبكم وطن..
| |
|
|
|
|
|
|
|
|
|
Re: منشــور إخـلاء السودان (Re: DKEEN)
|
دكين
شوق من هنا إلى تخوم كلتوس
إنت رجعت ولا لسع بتتحاشى النظر في العيون و الجدران و الأماكن.
Quote: وضابط بلون وردي وعلى كتفه علامات التاج البريطاني..
يتساقط من صنبورٍ نحاسي اللون قطرات ماءٍ بايقاعاتٍ ثابتة ..
ظني ان صاحب البيت يقال له ديمتري.. |
يا حبك للأقباط
ما تنسى تجيب معاك بلح ماركة الدكاى
| |
|
|
|
|
|
|
|
|
|
Re: منشــور إخـلاء السودان (Re: DKEEN)
|
دكين...
اشياء لا لزوم لها حجبتك عن عيوننا فلم نقرء لك مثل الذي كتبت اليوم
حيث نعيش منذ عقود مضت ( بداية زمن تنفيذ مشروع اخلاء السودان ؟ ) يصف الناس وهجا يلمع من بين
صفوف الزحمة التي لا تنته الا لتبدء بانه "غير"
دكين انت "غير"
واصل
| |
|
|
|
|
|
|
|
|
|
Re: منشــور إخـلاء السودان (Re: DKEEN)
|
يا ريتنى لو أقدر أقول
فيكِ الكلام الما انْكتب
واجلى المقاطع بالدهب
نقوليك شنو يافردة أكثر من كدة شنو ياااافردة !!!!!
تحياتى ليك وللمنتدى ، وسلام خاص لى بكور
| |
|
|
|
|
|
|
|
|
|
Re: منشــور إخـلاء السودان (Re: bak2010ory)
|
bak2010ory
سلامات يا حلو
انتا يا إما بتتغزل فيني ياإما شايت في الشباك الغلط..
وفي كل الاحوال حباباك..
مودتي
تماضر الخنساء:
ازيك يا مدهشة..
ومشتاقين
اسعدني مرورك, فانا كم يسعدني مرور الكائنات الموغلة في الياسمين ...
يابت يا حرير..
| |
|
|
|
|
|
|
|
|
|
Re: منشــور إخـلاء السودان (Re: DKEEN)
|
ابو جيهنة العزيز
انا..متورط..
الاقباط باقي الريحة السمحة الفي البلد..
ياقلب
متورطة زيي شايفك..
وحُـق لبنات بحري ان يتورطن..
انتو الزيكم منو؟؟
مابقدر اقول ليكي حمدلا على السلامة..
دي ماسلامة دي..
دي ورطة..
| |
|
|
|
|
|
|
|
|
|
Re: منشــور إخـلاء السودان (Re: تماضر الخنساء حمزه)
|
دكين الحبيب
الناس ديل عاوزين منك شنو؟؟؟؟؟؟؟؟؟؟؟
وطبعا ظهرت شعبيتك مع العودة الاحمد
وعين الحسووووووووووووووود فيها عود
والحسان الله يعافيهم تقاطرن لتهنئتك
بالعودة والله تستحق التهنئة واكثر
ما اروعك ................. ما اروعك
يااااااااااااااا ااااااااااااابلد
تحياتــــــــــــــى
ســـــــــــــــــيد
| |
|
|
|
|
|
|
|
|
|
Re: منشــور إخـلاء السودان (Re: DKEEN)
|
abubakr
اقتصاديا واجتماعيا وامنيا وبيئيا..
البلد غير صالحة للحياة الادمية..
بلد كلها سحالي وحربويات وثعالب وفطريات ولواطيون..
بلد في نهاية تاريخها الادمي .. وبداية تاريخ السحالي والقعويات والكائنات اللزجة..
| |
|
|
|
|
|
|
|
|
|
Re: منشــور إخـلاء السودان (Re: DKEEN)
|
Quote: بلد كلها سحالي وحربويات وثعالب وفطريات ولواطيون..
بلد في نهاية تاريخها الادمي .. وبداية تاريخ السحالي والقعويات والكائنات اللزجة.. |
اصدقاؤك يقولون لك يا(وغد)
وبعض الملاعين يرمونك بيا(ملعون)
وآخرون - سامحهم الله - لايقولون خيرا.... ولا يصمتون
ولاننى لا (اتنابر) كثيرا، وهى بلغة العجم تعنى اغشى المنابر.
فان اول ماأفعله، حين اغشاها، ان ابحث لنفسى عن (حباسة) احفظها جانبا لاستريح عليها فى نهاية التنابر، بعد عناء (المنابزة)، و(الشتيمةأم شلوخ)، وصرف مافى (الغيب) خوفا على مافى (الجيب).
وقد يصيبك رزاز ممايرمون من (ابصقة) وماجاورها من مستخرجات آدمية، وغير آدمية بالمرة
لهذا العنك فى سرى لغيابك ....فليس هنالك كثير حباسات نتوكأ عليها، ونهش بها غنم ابليس، ووالله ليس لنا فيها اية مآرب أخر.
الفاتحة يازول على رويحتنا دى.
وارجو الا تفعلها ثانية،
فقد يقتلنا الشوق، فتحمل فى عنقك ديننا الى يوم الديان
والعفو والعافية
منعم الجزولى
http://www.sudaneseonline.com/video/GALBALSUNOT.mp3
| |
|
|
|
|
|
|
|
|
|
Re: منشــور إخـلاء السودان (Re: Gazaloat)
|
يامنعم..ازيك
يعني قصدك دكين ده شايل ليك وش القباحة وحايم ...
عاملني تكية وسبيل نبذّّ!!
اي زول زعلان من زول يقول ليهوراجع دكين ..
بي اخلاقهم الانا عارفها عنكم في البورد ده لو اخدتا من كل واحد منكم دولار لقاء وكالة النبذ انا حابقى مليونير..
اخلاقهم وانا عارفها..
والبلد وانتو شايفين حالا
والحيكومة وما محتاجة معرفة..
دمتا يا منعم ..
والعفو والعافية يت حبيب
| |
|
|
|
|
|
|
|
|
|
Re: منشــور إخـلاء السودان (Re: DKEEN)
|
العزيز دكين
حمدا لله على سلامة عودتك و عودة هذا السرد البديع ،،
إن شاءالله المره دى هانت الأمور مع ناس الزكاة و
الخدمات و الضرايب و الـــ ..... و ..... ألخ ،
أم تكرر السيناريو ؟ .
| |
|
|
|
|
|
|
|
|
|
Re: منشــور إخـلاء السودان (Re: DKEEN)
|
Quote: قتصاديا واجتماعيا وامنيا وبيئيا..
البلد غير صالحة للحياة الادمية..
بلد كلها سحالي وحربويات وثعالب وفطريات
بلد في نهاية تاريخها الادمي .. وبداية تاريخ السحالي والقعويات والكائنات اللزجة..
|
يعنى البلد كلها مهمشة يا دكين!
تحياتى يا دكين يا فارس الكلمة
جنى
| |
|
|
|
|
|
|
|
|
|
Re: منشــور إخـلاء السودان (Re: jini)
|
Quote: واذا ما قدر الله لك وصافحت فتاة ما لاول مرة فا قشر بالسرحة حين المصافحة..
ولاتقع في شراك العين الظامئة .. أي لا تنظرُ عينيها ابدا |
look who's talking
| |
|
|
|
|
|
|
|
|
|
Re: منشــور إخـلاء السودان (Re: خدر)
|
خدوري
موش قتا ليك انا ما استبنتا النصح إلا ضحى الغدِ..
اهو بندفع في تمن شوف العيون اشواق ومكابدات
ازيك انتا يا وغد..
يامروق..
ومشتاقيين بالحيل
| |
|
|
|
|
|
|
|
|
|
Re: منشــور إخـلاء السودان (Re: jini)
|
دكين الحبيب العزيز
الفشل دايما من الانسان وصاحبك ما فشل
انت الفشلت وداير بيان بالعمل بوريك
ويوم نتقابل فى الخرطوم ما بكون جاحد
وبشوف ليك وظيفة تليق بمكانك .
اها قصرت معاك
ليك وحشة يا ظريف .
تحياتـــــــــــــــى
ســــــــــــــــــيد
| |
|
|
|
|
|
|
|
|
|
Re: منشــور إخـلاء السودان (Re: DKEEN)
|
Quote: اقتصاديا واجتماعيا وامنيا وبيئيا..
البلد غير صالحة للحياة الادمية..
بلد كلها سحالي وحربويات وثعالب وفطريات ولواطيون..
بلد في نهاية تاريخها الادمي .. وبداية تاريخ السحالي والقعويات والكائنات اللزجة.. |
لم تكن مقديشو بهذا السوء عندما زرتها لعمل في نهاية 1985... لكن الخراب كان عند كل باب ..شوارع وبيوت وناس شاخت وحملة شهادات ثانوية يقدمون لك انفسهم واسمائهم تسبقها القاب (اكثرها شيوعا :دكتور ).. اسواق مليئة بالتجار الطليان وعملائهم واكوام الموز تسد الطرقات والشعب يموت جوعا في اكواخ علي مرمي من السوق ..وعلي مرمي من الاكواخ فلل وقصور وشوارح مسفلته لاحياء راقية يسكنها المقربون من سيادبري وقبيلته وقبيلة نائبه النافذ حينئذ ... حرس رسمي خاص لاشخاص لا يحملون اي صفة سوي انهم اما يعملون في اوشنك ( المستعمرة التجارية لسياد بري و جماعته ) او من قبيلة وحزب الرئيس .. قال لي قريبي وكان يمثل منظمة اقليمية للثقافة هناك ان نظار المدارس ولقد طحنهم الغلاء يديرون "طبالي" اما المدارس لبيع منتجات صغيرة لتلامذتهم ... ذهبت الي ما يسمي البلدية فوجدت صفا طويلا في فضاء - حوش- وفي نهايته يجلس موظف .. سالت ما هذا قال "بيع اراضي ؟ " ...
الفندق الذي نزلت فيه قيل حينئذ انه الاحسن .. خرابة علي المحيط ...اول ليلة ظننت انني في احدي القلاع التي كنا نراها في افلام "دراكولا" صوت هدير المياه والريح واي شئ تلمسه في الغرفة هالك يسقط من يدك فيحدث صوتا ( اكرة الباب .. الكراسي - مقعد الحمام ) ..الزبائن موظفيين يعملون لمنظمات عالمية وسئ حظ امثالي ... التلفونات كبانية من زمن السيد قراهام بل والتي تديره لا تاتي الا لماما ...قيل لي لابد ان يكون لي حرس خاص فاستاجرت شابا من اوجاديين رفيقا ومرشدا.. كان ساخطا علي الاحباش وعلي اهل مقديشو فهم صارو ضحية خلافات البلديين ... اخذني الي ملهي تحت الفندق فراعني ما رايت ..الجنسيين في "زحمة" .. لا تعرف هل انت في استاد كورة ام ملهي .. صراخ وضرب وسكاري وحياري واعجب ما وجدت هو ما شبه لي بانه ماء يتسرب تحت المقاعد وراعني انه مما يخرج من احد السبيليين فاضت به حمامات الملهي القذرة ...
الشعب كان تائها محتارا وغليظا في معظم الاوقات .المكاتب خالية من البشر وحتي الورق الا صور لمجلس قيادة الثورة الاشتراكية حينئذ ..زرت فيللا لاحد المقربيين لم يتجاوز عمره الثلاثيين وعنده حرس رسمي خاص ويحمل لقب دكتور وهو لم يتم الثانوية كما اكد لي من يعمل معه وشرح لي بان الايطاليون لهم مسمي لشهادة الثانوية يعطي او له اسم شبيه بدكتور فاستغل هؤلاء ذلك . كان داخل المنزل عالما غير الذي خارجه حسبته افتراضيا..الفساد في كل ناصية باشكال وصور مختلفة (عقارب- حربويات- ذباب- وانواع من الهوام كثيرة ووووو)....حضرت اجتماعا بين ادارة اوشنك ورئيسها "عبدو هوش" ( قيل لي انه سائق الرئيس الخاص ومن قبيلته) والشركاء الالمان (دويتز) .. كان اجتماعا عجيبا .. عبدو يتكلم بلغة قبيلته و جماعة دويتز الالماني والمترجم لا يعرف هذي ولا تلك وانا محتار فخرجت العن يومي ...بدت لي تلك المدنية وناسها بانهم في "اخر زمانهم" وان نهاية عالمهم دنت ...ولكن جماعة اوشنك والسادة الدكاترة والحرس الخاص كانو مصريين علي ان البلد في نهضة والدليل تلك الفلل والمباني الجديدة والمال الكثير في اياديهم وكروشهم المنتفخة ..
كنت هناك لاعد دراسة جدوي لمشروع كبير لبعض من اغنياء االبلاد التي اعيش فيها ...عدت اشرت عليهم بان يصبرو بعض الوقت لعل الامور تصفي وتلك البلاد "يتعدل حالها" ..ولم يتعدل حتي اليوم ...
وهل لنا في الامثلة عظة قبل ان تقع الفاس فوق الراس ؟؟
| |
|
|
|
|
|
|
|
|
|
Re: منشــور إخـلاء السودان (Re: abubakr)
|
عبد العزيز دكين
عودا حميدا,,,
خلينا من البلد,,,,
انت سويت شنو
وجدت بت الحلال
عشان اقدر استقدمهاليك
انا عارف اقامتك ما زالت القديمة
لان تغير المهن واقف,,
وحتى لو غيرتها مكتب الاستقدام ما بوافق
لو ما حصلت فى الخمسين يوم ديل؟؟؟
جارنا عندو بت قرمت,,,قبل تمشى السودان
بنقلها ليك من حساب لحساب,,رايك شنو
مشتاق ليك كتير ياعبدو
نشوفك على التلفون
| |
|
|
|
|
|
|
|
|
|
Re: منشــور إخـلاء السودان (Re: DKEEN)
|
مصدق حسين
الضرايب دي قالو عفوها..
وبرضو قلعوها مني ..
الزكاة قالو لي خلاص مادايرن منك..
قتا ليهم ليه قالو لي طلعتو ما من من تجب منهم الزكاة..
قتا ليهم طيب انا عايز القروش الدفعتها زمان زكاة..
انتو معناتا شلتوها بلا وجه حق..
شنو البخليها هسي ماوادجبة وزمان كانت واجبة..
دين هو ولا كوار..
المرة قالت لي كلامك ده امشي قولو في مجلس ديوان الزكاة
قتا ليها انتي دي الشلتي القروش ما المجلس..
اها يمين شمال قات لي انتا هسي عايز شنو من الاخر كده..
قتا ليها يا ترجعو لي الفات يا كمان ادفع زكاة هسي دي..
قات لي خلاص ادفع..
قمتا دفعتا
وخرجتا منتصرا للدين والاسلام..
ابورزقة
ازيك ومشتاقيين
ياخي رسلي لي رقم تلفونك ياحبيب ..
يعني تضرب مرة واحدة وتقرض على كده؟؟
معقولة بس؟؟
| |
|
|
|
|
|
|
|
|
 Re: منشــور إخـلاء السودان (Re: DKEEN)
|
Quote: لذلك مستغرب يعني شنو بورداب الخرطوم..
|
دي وصلوها ليك ولا شنو؟
بس تقول شنو غالبنا النسويهو
وبعدين تعال هنا تجي وتسافر وما تلاقي بورداب الخرطوم
| |
|
|
|
|
|
|
|
|
 Re: منشــور إخـلاء السودان (Re: DKEEN)
|
Quote: لولا الصلوات المتدفقات على رسول الله صلى الله عليه وسلم من إذاعة الكوثر ..
لاتانا الله وملائكته فجعلو عاليها سافلها.. |
الف صلاة وسلام عليك ياحبيبي يارسول الله
والله يادكين صباح اليوم خطر لي نفس الكلام وانا أردد الصلوات الطيبات على نبينا المتدفقة من تلك الإذاعة عبر راديو الحافلة .. ورغم حرارة الجو (من صبحت) ومستلزماتها من نفس حار وأخلاق قاعدة هنا ( وأشار إلى طرف نخرته) وزحمة وضيق ، كانت الجالبة لبعض الراحة ...
كاان ما الحر كان قلت ليك أحلف
| |
|
|
|
|
|
|
|
|
|
Re: منشــور إخـلاء السودان (Re: ملكة سبأ)
|
بلقيس سلامات
تخيلي فقدتا الاذاعة دي شديد خلاص..
...
| Quote: ورغم حرارة الجو (من صبحت) ومستلزماتها من نفس حار وأخلاق |
خط الطول والعرض بتاع الخرطوم ده اصلو ماخط طول وعرض عواصم..
| |
|
|
|
|
|
|
|
|
|
Re: منشــور إخـلاء السودان (Re: manubia)
|
manubia
الصورة دي انا حالتو لعبتا فيها بي الرسام عشان ماتجهركم..
حرم تشوفها في بيتم وهي بتقدم ليك شاي المغارب .. واضاتك تصبح..
بت غريبة ياخي..
انا غيرتا حجزي تلاتة مرات عشان بس اقدر اعاين ليها تلاتة مرات للمرة الاخيرة..
| |
|
|
|
|
|
|
|
|
|
Re: منشــور إخـلاء السودان (Re: DKEEN)
|
Quote: قتصاديا واجتماعيا وامنيا وبيئيا..
البلد غير صالحة للحياة الادمية..
بلد كلها سحالي وحربويات وثعالب وفطريات
بلد في نهاية تاريخها الادمي .. وبداية تاريخ السحالي والقعويات والكائنات اللزجة |
نظرة ثاقبة معبرة عن واقع البلد...
والله يكون في العون
حمد الله علي السلامة يا دكين
| |
|
|
|
|
|
|
|
|
 Re: منشــور إخـلاء السودان (Re: DKEEN)
|
اها الديون كيف ؟
و الغالية جابت كم ؟
و بركة البلقيس ما مشت النادي ده حالتك وصفت ليها
تعرف انك وغد بجدارة
لذلك تبقي صديقي الذي أحبه
________
البُرتُقان كيف 
| |
|
|
|
|
|
|
|
|
|
Re: منشــور إخـلاء السودان (Re: فيصل نوبي)
|
Quote: الزكاة قالو لي خلاص مادايرن منك..
قتا ليهم ليه قالو لي طلعتو ما من من تجب منهم الزكاة..
قتا ليهم طيب انا عايز القروش الدفعتها زمان زكاة..
انتو معناتا شلتوها بلا وجه حق..
شنو البخليها هسي ماوادجبة وزمان كانت واجبة..
دين هو ولا كوار..
المرة قالت لي كلامك ده امشي قولو في مجلس ديوان الزكاة
قتا ليها انتي دي الشلتي القروش ما المجلس..
اها يمين شمال قات لي انتا هسي عايز شنو من الاخر كده..
قتا ليها يا ترجعو لي الفات يا كمان ادفع زكاة هسي دي..
قات لي خلاص ادفع..
قمت دفعت
وخرجت منتصرا للدين والاسلام.. |
هههههههههههههههههههههههههههههههههههههههههههههههههه
حمدالله علي السلامة...وبركة الما عضتك سحلية.
| |
|
|
|
|
|
|
|
|
|
Re: منشــور إخـلاء السودان (Re: nazar hussien)
|
دكين .. بالله إنت بتعرف نوال برضو !!
امازحكـ يارجل .. فأنا طوال خدمتي الطويلة الممتازه في حقل البنات الجميلات
لم اعرف او اعشق نوالا وازعم ان تلكـ الخصله الغير متعمدة اسفل العينان .. نادراَ ماتتوفر
فيهن يحملن اسم نوال .. ذلكـ الوجة المليح يليق به اسم كـ سابين - شيرين - طارق - نُهي
اشوفكـ مسنجريا ياوغد
| |
|
|
|
|
|
|
|
|
|
Re: منشــور إخـلاء السودان (Re: خدر)
|
| Quote: دكين .. بالله إنت بتعرف نوال برضو !! |
قربتا والله ياخدر
وانا قربتااتخلع..
لو كان البوست ده نزل قبل سنتين كان قتا ليك شد واركب..
| Quote: سابين - شيرين - طارق - نُهي |
نهى ياكبير..
تمرقنا منهاوتقول نهى؟؟
عن صاحبة الصورة
قبل تلاتة ساعات من وقت نزول هذه المداخلة كنتا بتكلم معاها بالتلفون..
قات لي( عيانة ياعزيز..عندي نزلة..وانتا ليه سافرتا؟؟)
والله لامن قالت لي( ليه سافرتا دي) حسيت بي اني اسمي Dkeencilin
| |
|
|
|
|
|
|
|
|
|
Re: منشــور إخـلاء السودان (Re: فيصل نوبي)
|
الصديق دكين
حمد لله على السلامة
يعني كل مرة راجع يد وراء ويد قدام  وأبطاك والنجم
حتى ديك جبرة لم تجرو على ذكره في مقالك
وأحوال الحِنَة لم تصفها في سطورك ؟؟؟
وكمان شايف الاحوال أتحسن لوحات سعودية وكدة
مرحبا بعودتك
| |
|
|
|
|
|
|
|
|
|
Re: منشــور إخـلاء السودان (Re: bayan)
|
د.بيان
راجعي الردود كويس
Quote: دكتورة بيان:
مشتاقين ياستي ..
مشكورة على السؤال تلك الايام ..
وكم يحزنني انو انتي من شدة ما تكالب الناس عليك بقيتي بي قدرة قادر محسوبة على الحكومة دي.. |
سلام.
| |
|
|
|
|
|
|
|
|
|
Re: منشــور إخـلاء السودان (Re: حمزاوي)
|
Quote: ما من بؤسٍ يعمُ ادمي كما البؤس يعم صاحب البنات الـمُسافر..
|
دكيكين..
أظنك قصدت أبو التومات المسافر...
بس ودرتني كلمة آدمي..
هو ده جنسنا هو.؟؟.
يا حليلك بلا عدد
| |
|
|
|
|
|
|
|
|
|
Re: منشــور إخـلاء السودان (Re: DKEEN)
|
د.بيان
Quote: دكتورة بيان:
مشتاقين ياستي ..
مشكورة على السؤال تلك الايام ..
وكم يحزنني انو انتي من شدة ما تكالب الناس عليك بقيتي بي قدرة قادر محسوبة على الحكومة دي.. |
حد يقدر يفطك انتي؟
اعلاه الرد على مداخلتك يا سمح يازين..
بس الكبر دخل باين يا بي بي..
حليلك بقيتي تفطي سطور وسطور..
ومشتاقييين باعداد مهولة..
| |
|
|
|
|
|
|
|
|
|
Re: منشــور إخـلاء السودان (Re: DKEEN)
|
Quote: اها الديون كيف ؟
و الغالية جابت كم ؟
و بركة البلقيس ما مشت النادي ده حالتك وصفت ليها |
يعني انا اسوي عرسي ده في القرير عشان بلقيس دي تجي ولا كيف؟؟
ياخي وصفتا ليها النادي مضبوط..
بعدين ياخي في زول مابعرف النادي الارمني وين..
بصراحة دي ما مشكلتي انو بلقيس ماقدرت تجي العرس..
هي اصلا كانت بايعة الشغلة باين عليها..
البت عندها عربية وسواق يعني لو عايزة تجي كانت جات..
Quote: تعرف انك وغد بجدارة
لذلك تبقي صديقي الذي أحبه |
ماعارفك قاصد شنو ..بس من الواضح انو في زول حاول يضللك..
انتا قايل نفسك براك الدجال..
ياخي تخيل انا في ناس جابو لي طقم عشا عديل كده قبل سبوع..
وتبقة المحبات بيينا ياوغد..
________
إييييييييييييه ..ماتذكرنا ياخ
| |
|
|
|
|
|
|
|
|
|
Re: منشــور إخـلاء السودان (Re: tariq)
|
| Quote: وكم يحزنني انو انتي من شدة ما تكالب الناس عليك بقيتي بي قدرة قادر محسوبة على الحكومة دي.. |
شوفتا "تكالب" حاصلة بالجد
والموضوع كلو عايزين يكضبو والناس تسكت
وعايزين اي زول يقول لا يطلعو كوز. وبكدا البورد يفضى
ليهم عشان الناس تخاف من التهم المجانية دي...
وتسكت..
ما تحزن بكرة حيكون احلى خاصة لو الناس اتفقت
ما تخلي اي كضبة تمر...
والشوق مطر
ودومة في تايلاند..
| |
|
|
|
|
|
|
|
|
|
Re: منشــور إخـلاء السودان (Re: bayan)
|
د.بيان
دومة دي عملت درب تايلاند ده ساساقة..
قالو ود الولد اغلى من الولد..
اها دومة دي ود ولدها ده كاسر فيها ضلعة..
موش كان تكلمونا انا كنتا قبل شهر قضيا جزء من شهر العسل في بانكوك في ضيافة عبد الرحمن السيد ..
وبسلم عليكم...
| |
|
|
|
|
|
|
|
|
|
Re: منشــور إخـلاء السودان (Re: DKEEN)
|
المسافر
وينك ياراجل الغيبة دي كلها؟؟
والتومات وامهم كيفنهم؟؟
اتذكرتك يوم وانا بتعشى في الحلفايا مع مجموعة من العبدلاب ..
عشوني عشا كده طرف مقبرة ..
حتى ظنت انه العشاء الاخير...
| |
|
|
|
|
|
|
|
|
|
Re: منشــور إخـلاء السودان (Re: DKEEN)
|
ديكو
حمدا لله على سلامتك ياحبيب
وبرجوعك للبورد طمنتنى على ناس كتيرين كنت احسبهم تركوا التنابر
مستقبلا عليك الاعلان بكثافة عن اى غياب عن البورد يتجاوز الثلاثة ايام
حتى لا نظن الظنون
| Quote: ومامن شي ُيحمض عليك خبز يقينك وخمائر عافيتك سوى طلعة بهية قد تركتها وراء ظهرك |
يا اخوى اجازتك دى كانت فى استوكهولم ولا صيدا
وبطريقتك دى بتضلل ضعاف القلوب والممكونين كما فعل عبدالكريم الكابلى باحد الحالمين
عندما سمعه يتغنى بفيك يامروى
بعدين انا مابعرف رب عمل فى الرياض بيدى اجازة خمسين يوم الا قرشى صاحب مطعم النخيل
اكتر حاجة مكيفانى فيك يادكين انك ناس البورد ديل عودتهم على الاستايل حقك
يعنى لو فكيت عنقريب بيمشوه ليك
| |
|
|
|
|
|
|
|
|
|
Re: منشــور إخـلاء السودان (Re: احمد التجانى احمد)
|
احمد التجاني
ازيك يارايق..
| Quote: بعدين انا مابعرف رب عمل فى الرياض بيدى اجازة خمسين يوم الا قرشى صاحب مطعم النخيل |
بعدين دي اجازة زواج ..
يعني اقلا من كده مابتقدر تعمل اي شي..
ولايخفى عليك طبعا- وانتا زول ضليع في الحاجات دي -انو البلد كلها مطهرة فرعوني..
| Quote: يعنى لو فكيت عنقريب بيمشوه ليك |
انتا قايل مشوهو بالهين .. ولامن قل العناقريب المفكوكة في البورد ؟؟
بعدين البوست ده هسي وريني فيهو عنقريب واحد مفكوك؟
ودمتا يالذيذ يارايق..
| |
|
|
|
|
|
|
|
|
|
Re: منشــور إخـلاء السودان (Re: BousH)
|
العزيز بوش
كل الاشياء الجميلة لاتزال جميلة..
البلد غير من تحب مافي شي بسعدك..
وجيتك طابق بس بعد قضينا شهر العسل في قبرص قالت ماراجعة..
خليتها هناك..
اعتبرني طبقتا وجيت
يلا شد حيلك واكرب خيلك
| |
|
|
|
|
|
|
|
|
|
Re: منشــور إخـلاء السودان (Re: وليد محمد المبارك)
|
سلامات
وعوافي
والله لشد ما يسكرني خمرك يا وغد ..
يا سيدي القبيح ويحك فوالله رهافة العصب لا تحتمل هذه اللغة وهذا السرد البديع ..
فترفق بنا وارحم قبح وجهك الذي كما جيوبنا في منتصف الشهر او يزيد ..
بالله عليك لا تغب .. فجمل بالقلم ما افتقده وجهك المكفهر ..
نحبك ياهذه القصير المكير ..
نحب دينك ودين الخلقك زاتو ..
زفت زفت كل ما يحرمنا من كتابتك في المنبر الفقر دا ..
حتي وان كانت سيئة الطالع التي "لم تدعو لها امها ولم تبخرها حبوبتها"
يافقري ..
مشتاقين ..
وشوف يامعفن خواتيم رمضان بتجيبنا بي هناك ..
قدرك امشي اتلا.. علينا وما نلاقيك عشان ابول ليك في ابريقك ..
سلام
| |
|
|
|
|
|
|
|
|
|
Re: منشــور إخـلاء السودان (Re: ودرملية)
|
| Quote: وشوف يامعفن خواتيم رمضان بتجيبنا بي هناك .. |
هناك وين ياخوي.. انتو بقيتو تعمروا في نجد؟؟
محبتي يا ود رملية ..
وكان نفسي نقعد قعدة بي عودك ده ..وتزرق لينا ..قصدي تغني لينا
| |
|
|
|
|
|
|
|
|
|
Re: منشــور إخـلاء السودان (Re: DKEEN)
|
فالتعلم ياوغد
بان للسودان رب يحميه
وليس لمثلك أن يخليه حتي ولو اجتمعت برومك وفرسك
ولتعلم أن لا انتصارك وغزواتك (الساي) دي مخرجاً لك
شوف بلاي ده قال منشور قال !!!
| |
|
|
|
|
|
|
|
|
|
Re: منشــور إخـلاء السودان (Re: سفيان بشير نابرى)
|
العزيز نابري
ازيك ياجميل يامدهش..
تخيل كان من دواعي سورير اني لاقيتك.. بذلتا ليكي مجهود عديل لحدي ماوصلتك في ذلك الكهف..
قاطع ليك بحر ياخ..
واجمل مافيك جراءاتك على تلك الحسناء في يوم نجلاء عثمان التوم..
عافي منك.. وعطرك كان براهو .. وراشك كان براهو.. واتجاهاتك كانت براها..
كنتا الاول غديل كده..
زي ديك يا تخش فيها تاخ ياتقعد تتردد وتردد لامن يجي قرمبوز ويختفا..
واجمل مافي البرتش كاونسل انو البريطانيين ديل لحدي هسي قاعدين يأكلو فيكم ..
ليه دايما المثقفين جياع..
مودتي ياحبيب
| |
|
|
|
|
|
|
|
|
|
Re: منشــور إخـلاء السودان (Re: خالدة البدوي)
|
الله يسلمك يابت البدوي
| Quote: مامتخيلة ديكين ده يكون زول مسؤل |
عشان كده يا خالدة ماجبتي لي خبر البت اللاقايناها في عرس ود الشيخ..
غياتو خشيتي في ذنب البت ساكت..
لوعرفت انوانا سالتا منها وانتي طنشتي القصة حتغتالك..
دمتي يارايقة ومودتي..
| |
|
|
|
|
|
|
|
|
|
Re: منشــور إخـلاء السودان (Re: DKEEN)
|
دكين كيف الحال
كل ماتكتبه ينم عن شخصية ماهرة وبارعة فى كل شىء
بس الأهم عندى وينو الطار القلت عندك فى البيت ؟
مايكون طار ...زى ما أى حاجة بقت تطير ...
المدائح منتظراك ملحنة وجاهزة .
لك أطيب المنى
| |
|
|
|
|
|
|
|
|
|
Re: منشــور إخـلاء السودان (Re: DKEEN)
|
يالملكة ( قالو الليلة الفاتت ودشيقوق ابتدر نشاطه كمسئول عن الشئون الاجتماعية في نادييكم بليلة "حت" لم تشهدها مسقط من قبل واها الكوليسترولات كلها نزلت )....
اي رطاني في بيتو طار ..عشان الواحد لو عندو مناسبة وعايز واحد من المطربيين النوبيين( بنسميهم "شار" ربما من شاعر حيث ان المغني النوبي هو الشاعر و الملحن والمغني وضارب الطار) يحييه ما يتعلل .. ومعظمنا بنعرف نعمل الطار كيف ...ودكيين الرطان اكيد مدكن كام طار ...
الكتاحة بتاعة يوم الاحد الفات هي تبدو من تنبواءات دكيين المناخية باخلاء السودان
| |
|
|
|
|
|
|
| |
عامر تيتاوى
نهال الطيب
الملك
bayan
Emad Abdulla
معتصم دفع الله
ابو جهينة
القلب النابض
رشا سالم
abubakr
سيد محمد احمد سيدنا
Ahmed Suliman
Gazaloat
A.Razek Althalib
jini
خدر
abuguta
انعام عبد الحفيظ
ملكة سبأ
manubia
فيصل نوبي
nazar hussien
Sidig Rahama Elnour
وليد محمد المبارك
المسافر
tariq
احمد التجانى احمد
حيدر حسن ميرغني
BousH
ودرملية
سفيان بشير نابرى
خالدة البدوي
فيس بوك
تويتر
انستقرام
يوتيوب
بنتيريست