بعض من ملامح العرس الوئيد "يوميات العصيان الأول...
إلى شباب ثورة العصيان المدني: الحرية لا تقبل المساومة!
منبر التجانى الطيب للحوار بواشنطن يقيم ندوة بعنوان الازمة السودانية و افاق التغيير يتحدث فيها على الكنين
العصيان المدني...... تجميع فيديوهات للتوثيق ومزيد من النشر
19 ديسمبر .. إني أرى شعباً يثور !!
صدور... الهلوسة
منتديات سودانيزاونلاين    تحديث الصفحة    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest [دخول]
اخر زيارك لك: 12-08-2016, 06:19 PM الصفحة الرئيسية

مكتبة عبد العزيز خيري شلال(DKEEN)
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »

فــزع البكورك

05-08-2008, 09:59 AM

DKEEN
<aDKEEN
تاريخ التسجيل: 11-30-2002
مجموع المشاركات: 6766

للتواصل معنا

FaceBook
تويتر Twitter
YouTube

كيف احذف مداخلة من بوستى

فــزع البكورك



    إمراتان ساهمتان تحدقان على سبايب شعر بنغالي في صالة المطار الداخلية..وعلى الوجوه اسف..
    (ده كان اخر منظر لقطّـو من الخرطوم)
    حاولت بعدها وبكل ما تستطيعه نفس المسافر المكسورة بطول البعاد وحال احوال البلاد المتجدد وما طرأ على الاصدقاء من تبدلات وسرور..
    حاولت ان ادير ظهري الى ما رأيت في اربعين يوما شخبتها ما بين الخرطوم ودنقلا والهمك وكلتوس..
    لقد رايت فيما يرى اهل الخرطوم هذه الايام خواجات بسراويل من كتان يتحدثون في مساءات (اوزون) واطفالهم كعرائس ودمي - متعثرين في خطواتهم بما لايُرى - يركضون على نجيلة خضراء تصفر..
    خواجات بعرباتهم الحنيذة ذات الدفع الرباعي مقيدين على احزمة المقاعد منطلقين بسرعات هي أعلى من المعدل المتوسط لما يجب ان يكون عليه السير في شوارع تجوطها الغبرة والسابلة والسائلين من فضل الله ..لقد رأيتهم ولكني لا أستطيع الجزم بما رأيت ولا بسرعاتهم على وجه التحديد..
    ورأيت في الخرطوم عمائر تستطيل وتنهض في اتساق وفي غير اتساق..عمائر تقوم في ثلثي الليل الأخير فلا يصبح الضحى إلا وقد اكتملت ناطوراً في عنانٍ يُرى .. ولكن لا أستطيع تحديد ارتفاعاتها من سطح البحر ولا أستطيع الجزم بذلك ..
    ورأيت مصريون في الأصقاع وفي غير الأصقاع يسترزقون من فضل الله ومن ما خفي على أهل البلاد من حيلِ الاسترزاق.. ولكني لا أستطيع الجزم بطبيعة ما خفي من تلك المهن وما إلى ذلك ..
    ورأيت نهر النيل عذباُ سلسلاُ يجرى عند منحى حلة حمد بمنسوبٍ آخذٍ في الارتفاع ولكني لا أستطيع الجزم بمنسوبه الآخذ في الارتفاع.. ولا أستطيع الجزم بذلك
    رأيت الخرطوم تنام عند العاشرة ولا تبقى إلا سيارة هنا وأغنيات تصدح من حيشان لآخرين هناك..ولكني ما استطعت تحديد تلك الأغنيات.. ولا أستطيع الجزم بذلك..
    ورأيت عيون سماح مُتسعةٌ تفيض تسبيحاً وما قدرها احدٌ حق قدرها..ولا أستطيع الجزم بذلك..
    إذاعة السلام تغني (سلامو عليكم نحنا قمنا ..سلامو عليكم وعليكو السلام ...سلام عليكم .....) وجبرة يكتنفها سكون اخر الليل ذي النسائم..ولكني لا أستطيع استحضار إطراف الأغنية ولا أستطيع الجزم بذلك..
    رايت نفسي وسماح في الملازمين منهمكين على طبق كشري بملحٍ زائد ومحبة تفيض ولكني لا استطيع تقدير الملوحة في ذلك الإنهماك.. ولا أستطيع الجزم بذلك..
    رايت قلوبا ما انصدعت وعيونا ما اضلعت على سوءات الخلق والسنة تلهج بالتسبيح.. رايت القلوب ورأيت الخلق وسمعت هسهسات المسبحين ولكني لا أستطيع الجزم بذلك..
    رايت ذرية ضلت على ناصيات الشوارع وأمانات يفُرض فيها ..وقوماً مفتونين بما ملكوا ولكني لا أستطيع تكوين فكرة دقيقة عن مقدار التفريض والأمانات التي سُلبت جراء ذلك.. ولا أستطيع الجزم بذلك..
    رايت أطلالاً بين نخلاتٍ طوال تصمد لسنين اخريات..رايت النخل والطلول حق الرؤيا ولكني لااستطيع الجزم بذلك.
    رايت مقبرة الشيخ محمد عبيدي (ابنٍتود)في فجرِ كلتوس البارد واشجار الطرفة التي تطال السماء ..رايت الشيخ مُـهيباً عند باب ضريحه وتمنيتُ لحدا في جواره ولكني لا أستطيع الجزم بذلك...
    رايت فـزعاً وسمعتُ كواريك لجماعة اغار عليهم معتدي ..رجلٍ ونساء وبنياتٍ غاب عميدهم ..فزعاً ذا فزع وكواريك تحسبها لن تنقطع ..وكم اقلقني اني استطيع مؤكداً الجزم بذلك..
    بالجملة كده كانت في غاية امتاعها هذه الاجازة..مدرج مطار واهل واصدقاء وليالٍ في الخرطوم واخرى في الشمال ومركز الخرطوم للسمع وعيونٌ كحيلة وشذى نجم وشوارع جبرة.. وحقائق وانصاف اوهام وغشاوات وزيطة وزمبريطة..
    إجازة ما عكرها إلاشُـبهة الفزع المؤكدة التي لازمت كوراك رجلٍ وإمراتان..
    رايت ما رايت وسمعت ما سمعت بشُـبهات في الرؤيا وُشبهات في حال السمع وشك في اليقين..رايتُ اشياء مؤكدة واخرى مشتبهات واشياء اخريات مخلوطة بعين خيالي وكبد الحقيقة ..وثم قفلتُ عائدا بجبر المعيشة إلى هذا السكون ..
    رايت التفاصيل بين حقيقتها وبين غبطتي كوني بينها..لامنسوبةٍ الى واقع ولا مُـستقاةٌ من معينٍ خيال..
    رايتها فيما يراها العائد العجول الذي يترقب حذِراً سفراً هو مجبورٌ عليه.. اشياء هي ماكانت عليه ولكني ما استطعت الجزم بكونها كذلك..
    رايتُ ما رايت وماهماني زول .. وعدتُ الى سكوني هذا اكورك فــِزعاً بما لا أستطيع الجزم به...
                   |Articles |News |مقالات |بيانات

05-08-2008, 10:12 AM

وليد محمد المبارك
<aوليد محمد المبارك
تاريخ التسجيل: 12-04-2004
مجموع المشاركات: 26299

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: فــزع البكورك (Re: DKEEN)

    بل هي كذلك ... فعد الى هنا اثابك الله ، وتكون قد خدمت نفسك ومن حولها بصحبة ظريفة وايام مليانه احداث فيها الفارغ وفيها غيره ... اهما شي حاول تلحق نصيبك من الكيكة لانو السكين شكلها سنينة

    وزمان قال نميري
    الغنا غنا .... الى اخره ..

    اما لوكنت زول حنك سنين ووهمات - ماظنك -
    فحصل الناس الفزعت وينالك الثواب وحسن الذكر


    ياخ وكت جيت الخرطوم
    كان تطرانا ان شاء الله برسالة SMS كلها بي 60 قرش
                   |Articles |News |مقالات |بيانات

05-08-2008, 10:39 AM

حيدر حسن ميرغني
<aحيدر حسن ميرغني
تاريخ التسجيل: 04-19-2005
مجموع المشاركات: 18394

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: فــزع البكورك (Re: وليد محمد المبارك)

    والله ياقريبي ده كلو شفتو برضو بعد غياب طويل

    لملمت حوامل أشواقي وشتتها هناك وعدت بلا رصيد ... إلا من دفء العشيرة

    الغمرني بلا ميعاد

    جميل منك أن إستحضرت كل هذه الشواهد المدهشة

    هذا ماتوقعته منك بعد عودتك من مناهلك المحببة




    __
    اكثر ما حيرني كثرة طلبة وطالبات كليات الـطب
                   |Articles |News |مقالات |بيانات

05-08-2008, 05:16 PM

DKEEN
<aDKEEN
تاريخ التسجيل: 11-30-2002
مجموع المشاركات: 6766

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: فــزع البكورك (Re: حيدر حسن ميرغني)

    حيدر العزيز

    عمت مساءا او صباحا حسب توقيت اليابان..

    لي خمسة سنة بنزل كل سنة...
    ماحصل رجعتا مبسوط من حال السودان إلا المرة دي..
    كل الناس عرفت قيمة الزمن وقيمة العمل ..قعاد الضللة بتاع اولاد الحلة داك تبدد..
    حلتنا دي مافيها زول لابس برمودا وقاعد تحت شجرة دقن الباشا إلا انا وغنم الكواهلة الجنبنا..

    وبينما انا مع الغنم تحت شجرة دقن الباشا استحضرت قصبدة للصديق مروان العبادي:
    بقولا ليك في هذه العجالة مجاني دون مقابل:
    (غنم ست اللقيمات تكوس الضل..
    ابن اكل المخالي المر..)

    يعني حتى جكس الحلة الكنتا بتغزل فيهم خلن مرقةالشارع وبنات ضو البيت جارنا تزوجن...
    فطفقت استحضر اشعارا في غنيمات يتدللن في ضل دقن الباشا..
                   |Articles |News |مقالات |بيانات

05-08-2008, 04:58 PM

DKEEN
<aDKEEN
تاريخ التسجيل: 11-30-2002
مجموع المشاركات: 6766

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: فــزع البكورك (Re: وليد محمد المبارك)

    وليد

    ليست ثمةكيكة ولايحزنون..
    كضاب من يقول البلد فيها قروش..
    كنت لصيقا بدوائر ذات صلة اقسمت بان البلد قروشها كلها بره البلد..
    ياخي هل تخيل انو مافي سيولة لدرجة انو نص الخرطوم خواجات وبعدده مابسمحو لي الزول انو يحول اكتر من الفين دولار في اليوم الواحد..
    استطال ما استطال وركب من ركب بصكوك وسندات لا مقابل لها في بنك السودان..


    تخيل انا بعرف زول قاعد في بيت ايجار وداير من الحكومةاتنين مليار..
    وحياة ام اولادي ما كضبتا عليك..




    Quote: كان تطرانا ان شاء الله برسالة SMS كلها بي 60 قرش

    انا الستين قرش دي ودرتها في مسجات لي دينا خالد ..
    وبعد ده ما لاقيتا..اريتني كان خسرتها فيك..
    الله يوريني فيها يوم..
                   |Articles |News |مقالات |بيانات

05-08-2008, 11:02 AM

Sidig Rahama Elnour
<aSidig Rahama Elnour
تاريخ التسجيل: 09-01-2004
مجموع المشاركات: 3408

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: فــزع البكورك (Re: DKEEN)

    دكين الذي يعود بتقريره السنوي ، وتلك الكلمات التي لا تنفصل عنه
    (شمبات ، منسوب النيل ، وجبرة .. الخ) ولكن هذه المرة دون أن يستطيع الجزم
    منسوب النيل يرتفع ولكن ينخفض منسوب البنات ونسبتهن الطامحة في التقرير رويداً رويداً والظاهر(الحالة شلش) ، هذه المرة تدخلت عناصر جديدة كسبايب البنغالي ، وتحديقة النسوان ...
    دكين تقاريرك عندي دوماً كمنسوب النيل عند محطة ود حامد تأخذ أشكالاً عدة الى حين الوصول الى صياغتها النهائية ، فهكذا تتشكل النصوص ماسحةً بعبورهُا الشديد أسرار الامنيات والمدن، تصادرعناوين الأمكنة وتفك غموض الأرواح التي سكنتها زمناً.. طامسةً معالم الأرتباك وتلك الخطوات المجهولة التي مرت بالطرقات يوماً... أشكرك و
    حمد لله على السلامة
                   |Articles |News |مقالات |بيانات

05-08-2008, 06:56 PM

هضيبي علي سعيد
<aهضيبي علي سعيد
تاريخ التسجيل: 03-02-2006
مجموع المشاركات: 791

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: فــزع البكورك (Re: DKEEN)

    عبد العزيز ..

    بلاهي تجي السودان و ترجع وما نسمع بيك

    و لا حتى تسأل الله يسامح بس..
                   |Articles |News |مقالات |بيانات

05-09-2008, 11:32 AM

ابو جهينة
<aابو جهينة
تاريخ التسجيل: 05-20-2003
مجموع المشاركات: 19783

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: فــزع البكورك (Re: هضيبي علي سعيد)

    قريبي عبد العزيز

    حمدا لله على السلامة و عودا حميد لهذا الحوش

    عل الأهل كلهم بأمن و أمان

    Quote: رايت ما رايت وسمعت ما سمعت بشُـبهات في الرؤيا وُشبهات في حال السمع وشك في اليقين..رايتُ اشياء مؤكدة واخرى مشتبهات واشياء اخريات مخلوطة بعين خيالي وكبد الحقيقة ..وثم قفلتُ عائدا بجبر المعيشة إلى هذا السكون ..


    كل المغتربين تنتابهم شبهات الرؤيا هذه و شبهات السمع و الشك في اليقين ... و يعودون بإنفعالات مختلفة ... أعظمها ( جبر المعيشة إلى هذا السكون ) ...

    كتبتَ فجوَّدْت

    شكرا

    مع تحياتي
                   |Articles |News |مقالات |بيانات

05-10-2008, 07:34 AM

DKEEN
<aDKEEN
تاريخ التسجيل: 11-30-2002
مجموع المشاركات: 6766

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: فــزع البكورك (Re: هضيبي علي سعيد)

    الهضيبي السعيد..
    اتمناك طيب انتا والدكتورة والعيال..
    تخيل جيت الجريف اسال من محمد حسن الفيل عشان احضر مناسبة زواجه..
    لقيتم رحلو جهة غير معلومة في الطائف..وبيتم عليه آثار عمران جديد..
    ما عرفتا اقبل وين..
    قمتا اتونستا مع بت جيرانم السمحة..

    لو كنتا عارف ليك درب كان وصلتك..
    معزتي..
                   |Articles |News |مقالات |بيانات

05-09-2008, 11:39 AM

الطاهر ساتي
<aالطاهر ساتي
تاريخ التسجيل: 02-18-2006
مجموع المشاركات: 3227

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: فــزع البكورك (Re: DKEEN)

    اتلهي .. بلاش فزع وكوراك معاك
    بس فلاحتك كل سنة تجي تجهجه الناس ترجع ..!!


    عالم جبانات
                   |Articles |News |مقالات |بيانات

05-10-2008, 08:05 AM

أبوعبيدة محمد الأمين
<aأبوعبيدة محمد الأمين
تاريخ التسجيل: 01-19-2007
مجموع المشاركات: 1694

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: فــزع البكورك (Re: الطاهر ساتي)

    عاد دكين والعود أحمد

    هكذا فى كل عام تعود
    محملاً بريحة البلد والناس الطيبين
    دكين ياصديق لم ألتقيه ولكن رأيته
    دكين يا مطوع الحروف والمعانى
    وقائد الناس لمرافئ الجمال
    دكين أيها الجميل
    الله يديك الفى مرادك



    pluginspage="http://microsoft.com/windows/mediaplayer/en/download/"
    id="mediaPlayer" name="mediaPlayer" bgcolor="#000000" showcontrols="false"
    showaudiocontrols="false" showtracker="-1" showdisplay="0" showstatusbar="0"
    videoborder3d="-1" enabletracker="false"
    src="/nsdoc/06ece687-494b-4c47-811e-b39392434543/?id=1158825828424"
    url="/nsdoc/06ece687-494b-4c47-811e-b39392434543/?id=1158825828424"
    autostart="-1" designtimesp="5311" loop="false">


    ورد الله غربة الجميع سالمين غانمين

                   |Articles |News |مقالات |بيانات

05-10-2008, 01:46 PM

عمران حسن صالح
<aعمران حسن صالح
تاريخ التسجيل: 11-26-2004
مجموع المشاركات: 10099

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: فــزع البكورك (Re: أبوعبيدة محمد الأمين)

    إلى حين ..........
                   |Articles |News |مقالات |بيانات

05-10-2008, 02:31 PM

طارق جبريل
<aطارق جبريل
تاريخ التسجيل: 10-11-2005
مجموع المشاركات: 22514

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: فــزع البكورك (Re: DKEEN)


    دكين كيفنك
    النبي فوقك ما غشيت الامتداد ولا طليت عليه
    وقلتلو عندي صديقا لي مشتهي الضللة ألتك
    وانت طالع من الاوزون ما غشيت العمارات
    وسلمتلي علي ناسو الزمان


    محبتي الاكيدة
                   |Articles |News |مقالات |بيانات

05-10-2008, 02:40 PM

حمد فتح الرحمن
<aحمد فتح الرحمن
تاريخ التسجيل: 06-01-2005
مجموع المشاركات: 1992

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: فــزع البكورك (Re: DKEEN)

    Quote: اتلهي .. بلاش فزع وكوراك معاك
    بس فلاحتك كل سنة تجي تجهجه الناس ترجع ..!!


    و الله المرة دي جلت منو ببنط
                   |Articles |News |مقالات |بيانات

05-10-2008, 02:42 PM

abubakr
<aabubakr
تاريخ التسجيل: 04-22-2002
مجموع المشاركات: 16044

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: فــزع البكورك (Re: DKEEN)

    Quote: رايتُ ما رايت وماهماني زول .. وعدتُ الى سكوني هذا اكورك فــِزعاً بما لا أستطيع الجزم به...


    ياقريبي انتظر كتاباتك الزي دي .. انت ما تجزم بس اكتب وارسم ....
                   |Articles |News |مقالات |بيانات

05-10-2008, 03:30 PM

DKEEN
<aDKEEN
تاريخ التسجيل: 11-30-2002
مجموع المشاركات: 6766

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: فــزع البكورك (Re: DKEEN)

    الصديق ود رحمة النور
    اعزك الله بما خصصتي به ..وحقق آمالك..

    كنت قد كتبت ردا طويلا ينوء بما به من حديث الاخلاء في خصوص مداخلتك..
    ولامن دست اضافة رد راح في حق السايبر..
    ما بعيدو تاني لاني عارف انا ما حاجود الشي مرتين..
    ولكن اذكر كان مما فيه الاتي:
    حديث عن محطات رصد مناسيب النيل من ابو نعامة ولحدي محطة قري..
    وحديث اخر عن جبرة ..
    واخير عن شمبات..
    بثثتُ محبتي إليك عبر كل ما سبق ..وخصصتُ بالمحبة شمبات ..
    وقلت فيما قلت انني احمل هذا العام في خاطري بعض ملامة لشمبات كونها ضمت بين جوانب بيت مترف باربعة طوابق..عزيزة شاقني شوقٌ لرؤيتها ..شوق قديم واصل..
    واني غدوت الى ذاك البيت فجرا مترصدا رؤيتها في البلكونة فما بانت ولا ابتل شوقي إليها..
    وترصدتها ضحىً فما بانت ولا ابتل شوقي إليها .
    وترصدتها عند دلوك الشمس في شميات فما بانت ولا ابتل شوقي إليها..
    وسريت ليلا مترصدا اياها والشوق دليلي فما بانت ولا ابتل شوقي إليها..
    وهكذا امطرتني شمبات صدا هذا العام وعدت منها برصدٍ حسير وشوق ما وجدت دبارا له..

    كما وتحدثت عن اشياء اخريات يا صديق..
    متعلق بعضها بالخرطوم وبعضها الاخر بصديقنا عمران حسن صالح..

    ومن ثم اودعتك محبتي العميقة والسلام ..
    يا صديق دي مودتك لي بردها ليك مودة اكبر ومحبة قدر ده (وفتح يديه باتساع)..
                   |Articles |News |مقالات |بيانات

05-11-2008, 08:06 AM

DKEEN
<aDKEEN
تاريخ التسجيل: 11-30-2002
مجموع المشاركات: 6766

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: فــزع البكورك (Re: DKEEN)

    العزيز الريس ابو جهينة
    سلام يغشاك ومحبة..
    سعيد لانك بخير ولانك في الرياض..وسعيد اكتر لهذا المرور المطمئن..
    عن الاهل الذين سالت عنهم
    الجميع بخير ونعمة كبيرة..نحمد الله على ما كان ومالم يكن..
                   |Articles |News |مقالات |بيانات

05-11-2008, 08:34 AM

DKEEN
<aDKEEN
تاريخ التسجيل: 11-30-2002
مجموع المشاركات: 6766

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: فــزع البكورك (Re: DKEEN)

    الطاهر امبس..

    سعدنا بصحبتكم تلك ايما سعد..
    وشاكرين لكم حسن صنيعكم..بس خلي الموضوع سر عشان ناس الرياض ديل مايقولو مرتزق ..

    اها..اخوك زي ما قال حمد ..الموضوع جلى بي بونط..
    مافي اي جهجهة وانما يقينُ ُ في تكوين..

    سالني احدهم عقب الجية : مشيت بيت ناس اوسمان زيات؟؟
    حينها علمت ان ثمة واشيٍ في البلاد..
    وغنيت حبيبة قلبي تفشى الخبر وزاع وعم القرى والحضر..

    لكن تعرف يا الطاهر لو تاملت في اصراري تلك الليلة عند فندق اقداوي في ان اعبر وابيت في كلتوس
    لعرفت انو قبة كلتوس فيها فكي جامد يحرك القلب..

    قال لي الخال ميرغني في تلك الليلة:
    - بيت معانا وامشي الصباح
    - ما ببيت إلا هناك شوفو لي سيد المركب في (كلو مسيد) او بنطون السليم...
    - ياولدي الساعة عشرة مافي مركب بعدي بيك هسي..
    - خلاص البنطون
    - ياولدي البنطون ده من تسعة بقيف..
    - اتصرف ياخال انتا موش حكومة هنا؟؟
    - انتا مصر تبيت هناك في شنو ما تورينا؟؟
    - ياخال انا عندي يوم واحد بالكتير لازم اكسب الزمن..
    اها يمين شمال ضرب تلفون لي بتاع المركب قال البحر نازل والموية اتحبست عند الشوايقة بفعل الخزان..
    مابقدر اعدي زي الوكت دي إلا االصباح..
    سبيت لي الشوايقة تدخلهم السافر في سفري وعبوري ..كيف يمنعني الخزان عن مبتغاي
    ده حالتو لسع ما اشتغل..الشوايقة ديل لايخلوك تحب بناتم ولا يفكو ليك الموية..ولايبطلو سكر وشراب..
    اها اضطريت ابيت على مضض في العرضي..
    الدغش مرقتها في الزورات ومنها عبرت الى حيث يستكين القلب والوجد..

    بعديها بي اربعة خمسة يوم جا مرغني خالي في بكا ناس محمد صالح عبدون
    لقاني قاعد لسع
    رفع عصايتو وقال لي انتا ماقتا يوم واحد يا فقر..انتا اكيد شايف ليك شوفة هنا..
    وناولني خبطة بي طرف العكاز وقال ..انضج وانا بتمها ليك..


    شفتاكيف يا الطاهر ..
    الخال قالو والد عشان كده نقش الحاصل ولا غضاضة..
    اها حمد ده شن عرفو ؟؟
    افعجزت ان تكون مثل هذا الغراب؟؟
                   |Articles |News |مقالات |بيانات

05-11-2008, 08:44 AM

DKEEN
<aDKEEN
تاريخ التسجيل: 11-30-2002
مجموع المشاركات: 6766

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: فــزع البكورك (Re: DKEEN)

    ابو عبيدة الامين ياصديقا ما التقيته..

    امطرتني غدقا بمجاملاتك السمحة ..
    مشكور على مداحلة السرور بتاعتك دي..



    عمران حسن صالح..
    ياخي بخلان على بي مشتاقين..
    اها خم وصر في شان الشوايقة في معرض ردي على الطاهر ساتي..
    حبستو مننا الموية وجاي تحبس عننا الشوق..


    ومع ذلك وحاة الله ليك وحشة يا عمران..وحشة قادرة مقدرة..
                   |Articles |News |مقالات |بيانات

05-11-2008, 08:57 AM

DKEEN
<aDKEEN
تاريخ التسجيل: 11-30-2002
مجموع المشاركات: 6766

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: فــزع البكورك (Re: DKEEN)

    العزيز طارق جبريل
    النبي فوقك ما غشيت الامتداد ولا طليت عليه
    صاحبي ابو رغد ساكن فيها

    يوماتي بفطر معاهو وبنجي بالليل نكسر ركبنا جنب شرطة الامتداد نشاغل العساكر ..

    ونتعشى في ركن جحا..

    ياخي الامتداد دي في حلاة دين بنات..
    انا لو منك برجع..




    حمد امبس..
    ياكبتن..شاكرين جدا ومقدرين جيتكم لهذه القفار ..انتا والرائد درار وكبتن تلول..
    اسعدني جدا ان اطلع على ادب الرسائل المتبادل بين تلول وهيثم..
    تلك الرسائل المختصرة ذات الدلالات العميقة والقصد الواصل..
    رسائل تكيفك لي الدين..
                   |Articles |News |مقالات |بيانات

05-13-2008, 05:30 PM

اساسي
<aاساسي
تاريخ التسجيل: 07-20-2002
مجموع المشاركات: 16512

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: فــزع البكورك (Re: DKEEN)

    Quote: ورأيت عيون سماح مُتسعةٌ تفيض تسبيحاً وما قدرها احدٌ حق قدرها..ولا أستطيع الجزم بذلك..
    إذاعة السلام تغني (سلامو عليكم نحنا قمنا ..سلامو عليكم وعليكو السلام ...سلام عليكم .....) وجبرة يكتنفها سكون اخر الليل ذي النسائم..ولكني لا أستطيع استحضار إطراف الأغنية ولا أستطيع الجزم بذلك..

    اما بعد ,
    كما العادة دائما ينتظر البعض وانا منهم احوال (البلاد) وتلك الحالة المزاجية التي تلبستك واربعينتك المعتادة وانت تعود بقية من اهل واصدقاء ومباني واشجار وجدران .
    من اعصي التفانين البشرية السايبيرية ان تهيم بود احدهم لانه اعجبتك إحدى حالاته المزاجية التي قرات كتابته فيها ، واس الداء ان تبدا بالتربص لتلك الحالة المزاجية لتثبت لنفسك انك كنت محقا في ان تهبه ودا وبعضا من اعجاب لذاك الاحدهم وهو انت في هذه الاحوال .
    وبذات التربص دخلت الي هذا البوست ساعة ولادته واجزم بانني اول من تلقاه وحروف عجزالبوست لم تبرح كيبوردك قيد تكة. ولكني ما استطعت ان اجزم بان ما كتب يخصني , ولم يثر حفيظتي المتربصة في اني كنت محقا ,ولو كان كل يوم يطل علينا فيه مذيع النشرة ليخبرنا عن قصص الحب ، والمشاعر إنسانية جميلة ، ومناظر لحدائق تمتليء بالمتحابين ، وأطفال لا يموتون ورجال لا يبكون ونساء لا يهانون . لوجدنا أننا نشعر بحاجة ماسة للدمار والكره والحقد كنوع من تغيير المنظر . وهذا ما اجزم به الان
                   |Articles |News |مقالات |بيانات

05-24-2008, 12:12 PM

walid taha
<awalid taha
تاريخ التسجيل: 01-28-2004
مجموع المشاركات: 3100

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: فــزع البكورك (Re: DKEEN)

    Quote: ياخي الامتداد دي في حلاة دين بنات..


    انا قلت ليك البيت البابو ابيض ما تدقو ..مشيت دقيتو يا درويش؟













    شليق
                   |Articles |News |مقالات |بيانات

05-13-2008, 06:22 PM

osman righeem
<aosman righeem
تاريخ التسجيل: 06-21-2007
مجموع المشاركات: 10872

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: فــزع البكورك (Re: DKEEN)

    دكين
    سلام

    Quote: سبيت لي الشوايقة تدخلهم السافر في سفري وعبوري ..كيف يمنعني الخزان عن مبتغاي
    ده حالتو لسع ما اشتغل..الشوايقة ديل لايخلوك تحب بناتم ولا يفكو ليك الموية..ولايبطلو سكر وشراب..


    سكرة يني قول امين

    ما عارف العرف السائد كان شنو؟
    لا شراب بغير طرب فأني رأيت الخيل تشرب بالصفير

    ولمن يكون الشئ مظبوط تسمع الصوت يلعلع

    العجو الجاي من المحوس
    ان عول ماب ينقرو السوس

    وعندما جاءت الايام بوعيها صارت العجوة توضع في الجركانات تمر حبا وليس تمرا سائل
                   |Articles |News |مقالات |بيانات

05-14-2008, 08:57 PM

DKEEN
<aDKEEN
تاريخ التسجيل: 11-30-2002
مجموع المشاركات: 6766

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: فــزع البكورك (Re: osman righeem)

    osman righeem
    سلام يغشاك

    Quote: وعندما جاءت الايام بوعيها صارت العجوة توضع في الجركانات تمر حبا وليس تمرا سائل


    الارضة جربت الحجر...
    جرب حق العيش...
                   |Articles |News |مقالات |بيانات

05-13-2008, 09:57 PM

DKEEN
<aDKEEN
تاريخ التسجيل: 11-30-2002
مجموع المشاركات: 6766

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: فــزع البكورك (Re: DKEEN)

    وين دينا خالد؟؟
                   |Articles |News |مقالات |بيانات

05-14-2008, 08:57 AM

DKEEN
<aDKEEN
تاريخ التسجيل: 11-30-2002
مجموع المشاركات: 6766

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: فــزع البكورك (Re: DKEEN)

    Quote: اما بعد ,
    كما العادة دائما ينتظر البعض وانا منهم احوال (البلاد) وتلك الحالة المزاجية التي تلبستك واربعينتك المعتادة وانت تعود بقية من اهل واصدقاء ومباني واشجار وجدران .
    من اعصي التفانين البشرية السايبيرية ان تهيم بود احدهم لانه اعجبتك إحدى حالاته المزاجية التي قرات كتابته فيها ، واس الداء ان تبدا بالتربص لتلك الحالة المزاجية لتثبت لنفسك انك كنت محقا في ان تهبه ودا وبعضا من اعجاب لذاك الاحدهم وهو انت في هذه الاحوال .
    وبذات التربص دخلت الي هذا البوست ساعة ولادته واجزم بانني اول من تلقاه وحروف عجزالبوست لم تبرح كيبوردك قيد تكة. ولكني ما استطعت ان اجزم بان ما كتب يخصني , ولم يثر حفيظتي المتربصة في اني كنت محقا ,ولو كان كل يوم يطل علينا فيه مذيع النشرة ليخبرنا عن قصص الحب ، والمشاعر إنسانية جميلة ، ومناظر لحدائق تمتليء بالمتحابين ، وأطفال لا يموتون ورجال لا يبكون ونساء لا يهانون . لوجدنا أننا نشعر بحاجة ماسة للدمار والكره والحقد كنوع من تغيير المنظر . وهذا ما اجزم به الان

    مصيبتي في الاستغراق..
    احشد لاجازاتي كل مابي ..ورقة كبيرة عليها اسماء لاصدقاء وصديقات يجب زيارتهم..
    إهداءات يجب ان تهدى..
    عزاءات وتهنئات..
    رسومات كروكية لبيوت في الحلفايا واخرى في مقرن النيلين وبعض بيوت اصدقاء قدامى في دنقلا ..
    ديون يجب ان تسدد واخرى قيد التسديد يجب تصبير اصحابهم..
    قعدات يجب ان ُتستحضر بنفس المنهج ونفس الجلسة ونفس الحضور ..
    كتب وشرايط كاسيت يجب ان اجدها قبل السفر..
    امير العود عبد الكريم الكابلي الشيخ عوض عمر الشيخ محمد عبد الكريم كتاب الصلاة واثرها في حياة المسلم دكتور حسن الترابي..تاريخ السودان عصمت زلفو..مذكرات يوسف ميخائيل..
    حبيبات يجب ان نوفي بيوتهن حق الطلة والطلول..
    حبيبات للنهار وحبيبات للمساء ..
    البحث عن حبيبة يجب ان لاينتهي بالزواج ..البحث عن حبيبة مشروع جميل لنفسٍ مبدعة..
    تظل مبدعا وجميلا منتجا ما ظللت باحثاً تتخير الطلعات البهية وُتسقط عليها كل صفة مسلوبة..
    يقول عاطف خيري ( الذهاب الى الشراب اجمل من الشراب)
    وكذا البحث عن حبيبة..هو بالتاكيد اجمل من الحبيبة..



    هذه بحوثي عن حبيبتي يا اساسي..
                   |Articles |News |مقالات |بيانات

05-14-2008, 02:35 PM

ابو الزيز

تاريخ التسجيل: 03-02-2002
مجموع المشاركات: 0

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: فــزع البكورك (Re: DKEEN)

    ابدول كيفك يارجل

    متين جييت ورجعت وماشفناك 0

    بالرغم من اتقاقي مع ابراهيم (فرن) قريبك بتاع ارس لمقابلتك 0

    بالمناسبه بعت العربيه ولا لسع0

    تتخيل يادكين في الاجازه الفاتت كنت علي بعد خطوات منك ولم اتعرف عليك (في عرس فافا)0

    نقابلك في الاجازه الجايه انشاء الله0
                   |Articles |News |مقالات |بيانات

05-19-2008, 04:05 PM

tabaldy

تاريخ التسجيل: 04-27-2003
مجموع المشاركات: 1157

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: فــزع البكورك (Re: DKEEN)

    Quote: احشد لاجازاتي كل مابي ..ورقة كبيرة عليها اسماء لاصدقاء وصديقات يجب زيارتهم..
    إهداءات يجب ان تهدى..

    هو كدة يا أساسي
    يعلم أن بعضهم يشتاقه ويشتاقكم
    ويأبى وتأبون كذلك

    قال ورقة قال
    ورقة بن نوفل؟

    ما رايق يا دكين ما رايق
    لسه في رأسي بقايا معركة دارت في تخوم دياري
    فاجأتني وأنا في منتصف الخرطوم
    في منتصف نيلها
    في منتصف كوبري الإنقاذ
    في منتصف نهار ذاك السبت
    حينها لو حضرتها يا سعادتو لعلمت أن غبار الميدان فعلاً يقلل من دماء المعركة
    لو حضرت ذاك اليوم سعادتو لعلمت أن ما تطاول من بناء
    ونعيم بان على وجوه تطل من خلف زجاج فاره العربات
    كله وهالك .
    قد يزول بفعل غزوة عند منتصف النهار

    كنت في رفقة بعض حسناوات النيلين في ذلك الوقت .
    كان احتمال موتهن بداعي الخوف أكبر من احتمال الموت بدانات الكاتيوشا واحد ماسورة ( ودي جديدة في تسليح الجيوش عموماً)
    خوفهن كاد يقضي عليهن وعلى من رافقهن
    حتى هذه اللحظة لا يعلمن ولا يعلم ولاة أمرهن وولاة أمرنا ـ قسراً ـ شيئاً عما حدث .

    وكنت في لحظة صمت القذف ( في خمسة دقيقة صفا، وأرضاً سلاح) كنت يا صاحب الورقة ستسرح مفكراً في العلاقة بين وزير الداخلية وسقوط المدن ( كسلا، أبيي، امدرمان، ... )
    كنت ستتساءل عن الترقية التي سينالها بعد دخول قوات خليل سلاح الموسيقى ووقوفهم عند حائط المدفعية الذي لم يصدهم ولم يثنيهم من محاولة دخول السلاح ( لم يرجعهم سوى سبعة دانات هاوزر ـ لم تصبهم وإنما تساقطت على أطراف البحر وتخوم الفتيحاب )
    كنت ستعلم يا سعادتو إنو الخرطوم دي ما بلد
    فيها عدل ومساواة يؤخذان بالثنائي ومضادات ال ( م ط ) كنت ستحتار عن استخدام مثل هذه الأسلحة في سماء الخرطوم وكنت ستجول ببصرك بحثاً عن بشراً طائرين.
    كان يقينك سيزداد في مسألة كفاءة قيادات لا تعرف كيف توزع قزازة في قعدة ناهيك عن توزيع عدالة .
    أخلاء تفرقوا وما تراحموا أو تركوا رحمة رب العباد تنزل على العباد
    فمنهم القابض على كرسي الوزارة بإيدينو ورجلينو
    ومنهم الذي يسعى لاسترداد بعض نصيبه من الكعكة باتفاقات طابعها السرية
    وآخرون دخلوا الخرطوم نهاراً

    إيه يا وغد


    أساسي
    كمكم يا راجل ؟؟

    أبنوسي
                   |Articles |News |مقالات |بيانات

05-24-2008, 10:24 AM

DKEEN
<aDKEEN
تاريخ التسجيل: 11-30-2002
مجموع المشاركات: 6766

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: فــزع البكورك (Re: tabaldy)

    المحارب القديم ابنوسي..

    دللتك المدن يا حبيب..
    تدللت فيها وسرت تسعى بين حسان الجامعات..
    دللتك المدن حتى افزعتك اصوات الدانات..
    كنت فيما مضى لاتحفل بالهاوزر ولا باصوات المجنزرات تخب السير فوق اعشاب عويش..
    الان وبعد مضي هذه السنون ارعبك ان تقوم بيك دانه او تتلاشى الحسناء من بين يديك من طقطقة الرصاص..

    بس ده الشي الطبيعي
    انا كم سررت لكونك الان مدنيا تخاف وتنعصر..
    الاستثناء ان تسير باعتياد وسط قرقعة حوافر اللانكروزرات المجربة..
    والطبيعي ان تضاري البنية المعاك وتسال عن سبب وجود وزير داخلية في بلد دخلتها 150 حديدة
    ولو اخدناها كحصين في دولة المشروع الحضاري حنلقى انو كل تاتشراية بمحرك اقلا شي 1500 حصان
    يعني 1500 ضرب مية وخمسين عربية بساوي 225000
    يعني امدرمان دخلها ميتين خمسة وعشرين الف حصان..
    يعني مايكفي لفتح زحل لو اننا في عهد الخلافة الراشدة..
    دي كلها تخليك موش تستغرب من كامكازية خليل ابراهيم بس بل ومن الامتيازات الممنوحة للقوات المسلحة..
    فوق كم راكبين سونانات وحديد وقشرات وتشريفات كان بجي الواحد كربك كربك كربك لحدي امدرمان ويقتل خلق الله وسيد دكان!!

    الخرطوم يا حبيب ما محروسة بي حامية الخرطوم المركزية فقد مرقت الحامية من كونها حامية حين وصل خليل كبري الفتيحاب..
    الخرطوم يا حبوب حارسنها المداح واهل الصلاح..


    سعيد بي جيتك بي جاي يا ابنوسي..وودت لو لاقيتك هناك..
    وعارفك ما حتقرا كلامي ده قريب لانك بتخش النت ده ظروف معيشة..
    تلقاك هسي في الهجيرة مباري جُبر المعايش..
    الله يدي العافية..والباقيات الصالحات
                   |Articles |News |مقالات |بيانات

05-19-2008, 08:31 PM

حمد فتح الرحمن
<aحمد فتح الرحمن
تاريخ التسجيل: 06-01-2005
مجموع المشاركات: 1992

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: فــزع البكورك (Re: DKEEN)

    Quote: رسائل تكيفك لي الدين..

    نموذج لى فزع البكورك موش
                   |Articles |News |مقالات |بيانات

05-19-2008, 09:16 PM

DKEEN
<aDKEEN
تاريخ التسجيل: 11-30-2002
مجموع المشاركات: 6766

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: فــزع البكورك (Re: DKEEN)

    فرقة موزع
                   |Articles |News |مقالات |بيانات

05-24-2008, 09:57 AM

DKEEN
<aDKEEN
تاريخ التسجيل: 11-30-2002
مجموع المشاركات: 6766

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: فــزع البكورك (Re: DKEEN)

    ابو الزوز
    رديت عليك كذا مرة وفي الكذا مرة السريفر بتاع بكري خذلني..

    حبيت اقول ليك ياخي انا من يوم اتغديت مع (فافا) الجمعةالقبل الفاتت هنا في الرياض وانا بحاول ارد عليك..
    بس يبدو انو لاحظ لنا في التواصل معاك..
    زي حظنا يوم عرس (فافا)
    كالعادة في الاجازة مريت كذا مرة على بيت ناس ابراهيم فرن للسلام وصلة الرحم والتواصل ومعرفة احوال
    الاهل..
    ولو عارف ليك كود كان خابرتك..
    بس بنتلاقى في الجديد..


    مودتي ياحبيب
    والعربية دخلت فيها ذكريات احبة بعد جلوس بعد الاعزاء عليها..
    وصارت في عموم الايقونات..
                   |Articles |News |مقالات |بيانات

05-24-2008, 11:59 AM

حمزاوي
<aحمزاوي
تاريخ التسجيل: 10-10-2002
مجموع المشاركات: 11529

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: فــزع البكورك (Re: DKEEN)

    صديق الموج بيسلم عليك
                   |Articles |News |مقالات |بيانات

[رد على الموضوع] صفحة 1 „‰ 1:   <<  1  >>

· دخول · ابحث · ملفك ·

اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia
فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de