هسي انتي كنتي اون لاين.. حاولتا اعمل كوبي لي المتواجدين وارسمك هنا .. بس قتا ياخي فوق كم؟؟ بيست اند كوبي وصفحة ويرد وتحميل صورة وقصة طويلة.. وجيتك سمحة بس بي صراحة ما بتساهل اني ابذل مجهودطويل في الويك اند بتاعي .. وانا زول وراي غسيل وِمصير هدوم ومكوة ملايات وبرنامج اسماء في حياتنا..
اها ..وشكلك كنتي اون لاين بتراجعي في مسنجرات التحانيس وكده.. ياخي صدقيني يا بتي.. قليلون يظنون ان الاخرين يستمتعون بكتابتهم ولذا يكتبون..امثال صحبك (حسن موسى) بيدان الغالبية المريحة رقبتها بتكتب لانها محتاجة تمتع نفسها.. لذلك حاولي ختي الكورة في الواضة واكتبي ..ومتعي نفسك.. ولاتكوني كطير عيسى.. مسالة زعلك من سيد المنبر او من غيروا ماتخليهو يجي خصما على استمتاعك بي نفسك.. ختي اول شي متعك الذاتية في الدنيا دي.. ثم متع ابائك وابنائك ثم متع من تحبين .. والباقي ارميهو البحر..
ختاما ياصحبة.. دومة دي انتي ما مالك دايما ما عاملة ليها خاطر؟؟ بالرغم من انها دايما بتستشهد بيك كصحبة.. وبالرغم من اني دايما بقول ليها: بيان دي بتبيع ام حلتك في منعرج اللوى يوما ما..
12-22-2006, 11:35 AM
رشا سالم رشا سالم
تاريخ التسجيل: 08-24-2006
مجموع المشاركات: 2605
رشا ياخي بيان دي سوت ليكي شنو؟؟ تخيلي هي بتحبك انتي بالذات وكانت شايفاكي زولة غير البقية .. عموما ..اهو ده حال النساء في المنبر ده .. ناس تحبكم وانتو ما تحبوهم..
وعلى ثقة انو بيان حترجع بعد ان تطمئن لي انو الناس بتختلف والود بينهم محفوظ..
12-22-2006, 08:53 PM
طيفور طيفور
تاريخ التسجيل: 08-17-2002
مجموع المشاركات: 1666
ان عكرمة وجنده ما يزالون في نينوى وفرسان المغيرة يحاصرون الموصل اما عبسة بنت الامين المتحصنة باسوار المسنجر هذة فاترك أمرها فهي ذات بَليّة لاقة وكديسة مجنترة ولن تفلح كل المحاولات في ثنيها عما تريد..
فالسكينة.. السكينة الهدوء.. الهدوء
ستجدها ذات يوم متدلية بفرسانها تملأ صفحات الفرات بجثث الأعداء حتى لا يبقى فوق مضارب القبيلة.. نفاخ النار
اخوكم القعقاع بن ضبة الاسدي
12-22-2006, 10:38 PM
waleed500 waleed500
تاريخ التسجيل: 02-13-2002
مجموع المشاركات: 6653
ازيك يا شخص دكين وغد الخليج انت عارف انى مشتاقلك ولا ماك عارف؟؟ بالنسبة لدكتور بيان مفروض نسال ونناقش اسباب غيابها مش ننادى ونقول تعال لى وتعال ما تشمت الناس على لو عرفنا سبب غياب بيان بنجد حل لى مشاكل عديده عالقه فى البورد ..هنالك انفلات وتعدى على قوانين البورد والشى ده بيجعل مبدعى البورد يجيدون فن الاختباء حفاظ على عادات وتقاليد اصيلةو تواجد يستحق المحافظة
12-23-2006, 01:13 PM
DKEEN DKEEN
تاريخ التسجيل: 11-30-2002
مجموع المشاركات: 6772
يامرحى لنا بمقدمك الميمون.. قد اتت بك الينا سيرة الرسم .. ولاتزال رسمة الشيطان حاضن الانثى التي ارسلتها في معرض لبوست البرتكان تزين غرفتي..
اما بعد: فاعلم ان الظلامية بيان ذات منطق دسم ومرحُ ُ في القول والحديث.. وتتخير العبارات تخيرا.. كما وانها تنتخب من الشعر اجملة فتتحفنا به مرة اثر اخرى.. وغيابها فقدُ ُ كبير.. وخسارةُ ُ مابعدها خسارة.. ولايقدح في قوة منطقها وحديثها السلس كونها ظلامية اوغير ذلك.. هذا مع اعتقادي الجازم بانو المذكورة لاعلاقة لها بالافكار الظلامية .. وان كان بها بعض الجنون والخبل فانمامردود ذلك الى كونها تحب ان ُتعاِمل الناس بما رات منهم.. فبعضهم قد ادمن العته والخبل والجنون..
هذا ودمت في رعاية المولى ومن ثم لاتحرمنا طلعاتك هذه .. وانهب بفرسك وفرشاتك غور هذا البورد حتى يفزع الناس اجمعين..
12-24-2006, 09:04 PM
طيفور طيفور
تاريخ التسجيل: 08-17-2002
مجموع المشاركات: 1666
دكيييين ايها الفتى النوري.. ولا ازيد عما امتدحك به صاحب البورتغاله حتى لايكبر راسك علينا وتنتفخ بالونة يافوخك كصاحب اللاهوت فلانجد حينها بدا من شكك بدبوس حزننا
اما بعد
فاعلم ان البينونة الكبرى ضلامية ذات باع ضارب في الضلاميةالقحة ألا ترى.. كيف تعشق تسويد الصفحات بالمداد..؟؟ وتهوى التبحيت في شئون العباد..؟؟ من إرم إلى ذات العماد..؟؟
ألا فاعلم يا رعاك الله إن رواحها.. أبلغ من غدوها وأن غيابها.. أسطع من بزوغها...! اما ترى إلى الله كيف مدّ الظل ولو شاء جعله ساكنا؟ فكيف للعين ان تحس بطعم الضوء.. لو لم يغب عن حدقتها قرص الشمس...؟؟؟
اما من أ دمنو العته والإفك والمجون فدعهم في طغيانهم يعمهون
ودم كما تحب وترضى
ؤبث
12-23-2006, 07:44 AM
عمر الفاروق عمر الفاروق
تاريخ التسجيل: 10-10-2005
مجموع المشاركات: 9669
الفيلم ده خشيناهو قبل كده .. ابيخو ليكم ؟ بعد شوية حا يتكتب بوست إنو بيان كانت بي عافية شوية وهي الان تتماثل للشفاء.. شويتين كده وتظهر بيان ظهور خجول وتتاوق بي الشباك .. تلاتة شويات تجي بيان تكتب ليها جملة فحواها: " شكراً لكل من سأل عني .. جايكم واحد واحد "
وتووووووووووووووووووووووشك ترجع ريما لي عادتها القديمة ويبقا الموضوع عااااااااااااااااادي...
زماااااااااااان في بيان كتبت في منبر سودانيز أون لاين ما لم يكتبه العوض في التاية (والله انا ما عارف العوض كتب شنو) وحلفت بي دينها وايمانها المنبر ده لو رجعوها فيهو (والي) ما بترجع ... وأهي رجعت عاااااااااااااااااااااااااااااادي ... يا دكين والله ما عهدتك محنساً ومسترجياً لكن الظاهر كده ده الشديد القوي الخلاك تكتب كده .. والله يكضب الشينة ما تكون دي من الأحاديث " المتفق عليها " ..
بمناسبة الذين يمتعتون بحـدس "النفيس فيها والقليب مابيها" من المبكر جدا التكهن بمآلات احوالهم خاصة اذا كانوا من الذين "طلعت دينهم" اقصد سنت حرابهم المشاكل سرعان ما ينتهون من حيث بداو .. ابدا تتوق "قنانهم" الى عكننة من لا يحمل قيد في نفسه قيد عكننة ... ..... ............. يموت الزمار ....... وبتلعب
سمعنا ان احدهم يفكر ملياً في العودة صادا من حيث انتهي _ اذ كان من الاوغاد الذين ما انفكوا يناطحون حتى ايكونات المنتدى الضاحكة اذا ما غابت عن اعينه ضبانة شكلة _ هاهو الان ينتظر بلهفة فك التسجيلات ريثما ينفك قيده فيميل عليهم ميلة واحدة . هذا الوغد كان قد راهن على يقظة قرارة بكل ما يملك غير انه انكسر عند اول سهم انغرس في دواخله فاصبح دلولا تدف سفينته اساطين حكومت
انتفض ايها الوغد التعيس الذي تراهن عليه موجود في كل مكان اقرأ ما كتب عن "شرمطة" العالم ساعتها سوف تعلم انك مسكين
12-23-2006, 01:45 PM
DKEEN DKEEN
تاريخ التسجيل: 11-30-2002
مجموع المشاركات: 6772
Quote: سمعنا ان احدهم يفكر ملياً في العودة صادا من حيث انتهي
هاهاهاهاهاهايكا الغريبة زولك ده اكتر زول قال انا مابجي ..وكان دوما بجي بس المرة دي طول حبتين.. الظاهر عجبتو امريكا..
الواحد فيهم يتعنطظ ويتعنطظ ولامن الحكومة تتوحم وتقول ليهو ريحتك زي وشك واختاني جاي ولا جاي .. واقلب وشك ده مني.. يفكر مليا بالعودة الى اصحابة القدام....
ياشرير قول ليهو نحنا الدايمين ليك يا حبيب..
ومعامن اجل عودة البيان
12-23-2006, 01:33 PM
DKEEN DKEEN
تاريخ التسجيل: 11-30-2002
مجموع المشاركات: 6772
Quote: والله يكضب الشينة ما تكون دي من الأحاديث " المتفق عليها " ..
انت عارف يا عمر الفاروق انا في حاجات بتغيظني في أولاد الخرطوم.. واحدة منها إنهم بيتفقرو لي حاجة نحن اولاد الأقاليم بنسميها (العِرفة).. يقول ليك (فلان دا بعرفو).. انتو بتقولوا (ناقشو) لكين كثيرا ما تكونوا (ما ناقشين) الزول البتدعو إنكم ناقشنو دا.. بتتفاصحو ساكت. أها نحن لمن (ننقش) الزول.. بنصل مرحلة نحلف عليهو بالغيب.. يعني لو جا زول قال ليك دكين دا قال كِدا طوالي تقول ليهو (يا زول حرّم دكين ما بقول كلام زي دا).. تحلف لأنك (عارفو) أي (ناقشو).. انا كنت متخيلك عارف دكين.. لكين عبارتك الفوق دي ذكرتني إنك ولد بندر.. بتعرف الناس (من فوق لي فوق)..
أها علي الطلاق بي التلاتة كلام دكين دا ما من النوع (المتفق عليه).. شنو ليك..
12-23-2006, 04:49 PM
عمر الفاروق عمر الفاروق
تاريخ التسجيل: 10-10-2005
مجموع المشاركات: 9669
وابشرك يا الحبيب انا من اولاد الخرطوم الما بتنطبق عليهم نظريتك دي.. وابشرك اكتر انا قااااااااااااانش جدا جدا.. بالمناسبة انا وانت ممكن نضمن دكين ما من نوع المتفق عليه لكن صدقني ما بتضمن الطرف التاني.. ولا حا تقول لي انك قانش الطرف التاني اكتر مني؟ تكون بقيت ود بندر يا ود عقيد
12-23-2006, 10:11 PM
DKEEN DKEEN
تاريخ التسجيل: 11-30-2002
مجموع المشاركات: 6772
انابصراحة ما عارف انو قاعدين تخرفو في شنو .. بس شي جميل انو الواحد تُنسج حوله الاساطير ويجي واحد مكوكب زي عمر عامل فيها ود حضري ويقول ليك الزول ده قاصد كده وكده وكده.. ويجي قروي زيك يقول لا الزول ده قاصد كده وكده وماقاصد القصد الانتا قتو.. بينما انا نفسي لا ادري ماذا اقصد..
غايتو تاني الواحد بس يجي يواصل تخريف هنا ويمشي.. وبعد يومين يجي يرتب من افكار الناس واوهامهم بوست..
ااااااااااه ما اعظمني في مثل هذه الامكنة التي تعجُ بامثال عمر..
12-24-2006, 02:58 AM
Kostawi Kostawi
تاريخ التسجيل: 02-04-2002
مجموع المشاركات: 39980
وانما ممتنعة عن الكتابة.. الكتابة مؤخرا لم تجلب لها سوى نماذج من قلةادب وخفة دم صعاليك ..
السيدة بيان كتاباتها بتعجبني .. وهي زولة بتعرف تنتخب من الشعر والمقولات اجملها.. ويسرني انو تجي تكتب وماتشتغل بي العولاق.. وفتات البشر..
مع اني عارف القصة دي قد تكون صعبة.. فقبلة من لاتحب حراشف سردينة.. وابتسامتهم شعرة في حساء..
ياهندسة..
انا ماعارف وجهة نظرك لي عودة بيان دي شايتة وين.. وهل تطور منظورك الفكري الخامل مؤخرا ام انه لايزال قيد شرنقتة!! بس استنادا على بيانات قديمة وحوارات قديمة لشخصيات بادت اظنك بالنسبة لي بيان دي شعرة في حساء..
Quote: يجي قروي زيك يقول لا الزول ده قاصد كده وكده وماقاصد القصد الانتا قتو..
وهل تطور منظورك الفكري الخامل مؤخرا ام انه لايزال قيد شرنقتة!! بس شي جميل انو الواحد تُنسج حوله الاساطير مع اني عارف القصة دي قد تكون صعبة.. فقبلة من لاتحب حراشف سردينة.. وابتسامتهم شعرة في حساء..
ويجي واحد مكوكب زي عمر عامل فيها ود حضري ويقول ليك الزول ده قاصد كده وكده وكده.. …… ااااااااااه ما اعظمني في مثل هذه الامكنة التي تعجُ بامثال عمر..
الم يخبروك انك كاتبي المفضل بوس عني افكارك
12-25-2006, 00:00 AM
Gazaloat Gazaloat
تاريخ التسجيل: 05-14-2003
مجموع المشاركات: 891
أخى الحبيب دكين والاخوات المتداخلات والاخوة المتداخلون و...كافة سكان القطاعين التقليدى والحديث فى هذا البورد والبوردات المجاورة
بعد السلام نود ان نبذل للجميع كافة أشكال الحب المخزون بطرفنا من زمن الجنيه ماهية ( وعشرة طعميات بى تعريفة) وحتى يوم الناس هذا.
وسلام أخص للشقيقة والصديقة والاخت الفاضلة الدكتورة نجاة وليتعداها الى الصديق الحبيب الدكتور ابراهيم وكافة فراريجهما النافشات
وطالما ان سلامى كالفيضان لايعترف بسدود او حدود فان واجب السلام يجب ( اكرر يجب) ان يصل الى الصديقين الحبيبين الدكتور بشرى الفاضل والاستاذ فضيلى جماع.
الجزء اعلاه مخصص للسلام والحب والتحايا ولابراز النوايا الطيبات بلغة الدبلسة ( والدبلسة من الدبلوماسية وليس الدبليو سي- لذا وجب التنبيه- اه )
نأتى الان لفقرة ( اما بعد)
انا شخصيا لا احب الادوية المغلفة بالشوكولاطة وجوز الطيب وبطعم الفانيليا. احبها ادوية صريحة بكل مرارتها. ففى المرارة يكمن الشفاء. حقن البنسلين فى الإلية بكل عذاباتها افضلها على حبوب المضادات الحيوية المغلفة بشى من رخاوة هذه الايام. ولا اعتقد ان فى الاخيرة أي شفاء للناس!!
من هنا بدت لى سلسلة الهجرات العكسية خارج البورد غير مستساقة بالمرة. ليس لاننى لاسمح الله ضد خيارات الاخرين فى البقاء او الرحيل ولكن لان هذا النوع من الرحيل بالذات يحمل فى رحمه جنين الهزيمة !!
ربما كان لكلماتى وقعا قاسيا بعض الشئ على القلوب المبدعة ولكنها على الاقل كلمات الحب التى ارى ان تخرج للناس فى لبوس الوضوح والصراحة الخالصة لوجه الله تعالى.
اكاديمية فى قامة الدكتورة نجاة ، اتفقنا معها او اختلفنا، لن يقلل ذلك من مساحة الود التى انتزعتها انتزاعا من قلوب القراء والمعجبين ( يعنى بالضراع وليس منة من احد) والود العام فى العمل العام مسؤلية جماعية وليست امرا شخصيا نخبئه فى اكمام الورود خوفا عليه من اعاصير الرقابة مثل ما فعل عشاق الثلاثينات والاربعينات من القرن الماضى ...شعراء الحقيبة الذين نسأل الله ان يمنحنا عشر معشار قدراتهم الابداعية...آمين.
بيان. نحن مبدعون مهزومون، وسط امة مهزومة!! الجمال حولنا يستحيل الى قبح مدقع. والحب بيننا يتحول الى كراهية مقيمة. والفرح ارتدى لبوس الحزن الابدى. والاصدقاء يتحولون الى اعداء بسرعة الضوء وليس خلفنا سوى الهاوية!!! وليس امامنا خيار((آخر)) سوى الانتحار. والا... فلنواصل الخوض فى وحل الهزيمة.. نمد ايادينا نتمسك بأيادى الاخرين الممدودة منذ الازل راغبة فى الالتصاق الحميم لأجل بقائنا اولا ، ثم ليمتد ذلك البقاء فيشمل امة كاملة اعتادت النوم قريرة العين تحت اقدام الاقطاع والرأسمالية الطفيلية وعلى انغام المارشات العسكرية صباحا ومساء!! وعلى الوطن السلام.
اما ان نستسلم لمخططات الطفابيع ( هل وصل سلامى الى بشرى بعد ؟) بوعى او بدون!! واما ان نواصل زحفنا البطئ.. المقدس، نحو جيوشهم الجرارة، لنواجه بجسارة نبيلة عتادهم الخرافى متمسكين بحبنا الكبير للوطن الذى اصبح على شفا حفرة من التفتت.
نحن امة متعددة. هذا قول فرغنا منه بالقبول الايجاب ... وعلى يد المأذون ايضا. مظاهر تعددنا تتجلى فى تنوع الثقافات من حولنا وفى تنوع اللغات من حولنا وفى تنوع السحنات من حولنا وفى تنوع المعتقدات من حولنا و.....يمتد نيل التعدد هذا ليغطى كل شى فينا ومن حولنا ...من الختمية الى الانصار ومن الاهلى دنقلا الى اسعاف كادوقلى ومن حى المرغنية كسلا الى حى الملكية جوبا ....ليبقى عاليا شعار المودة والحب بين مريخ نيالا ومريخ بورتسودان. الكل يتمترس خلف فئة يستعصم بها من السيل. عادى.
هل اتيت بجديد؟ لا. فهذا مما يعرف عن الوطن بالضرورة.
ينقلنا هذا الى واد آخر. وادى قبول الآخر أو نفيه. وادى بقاء الآخر او فنائه... لان فى بقائه بقائنا !!! متعددين اغنياء باختلافاتنا الثانوية مقارنة بتوحدنا الاصلى حول جوهر تعددنا وقبولنا بذلك منهجا للحياة.
هذا درب طويل والخوض فيه يحتاج الى صاحب ماء رائق ليس مثلى، وامواهى كلها طين واغلبها ذبد.
الخروج فى هذا الوقت هزيمة . ليست هزيمة لك وحدك بل هى والله هزيمة لنا كلنا، نحن واعداء تعددنا معا !!نحن سنجنى من الهزيمة العدم وهم سيجنون منها الفناء !!فماذا سيفعلون بعد غيابنا ؟!! سينقلبون الى انفسهم يأكلون بعضهم البعض ( حتى آخر ذيل)
صدقينى ...مكانك هنا معنا نحو هدف كبير هو وببساطة الحفاظ على هذا التنوع !! وعلى هذا الاختلاف فى الرأى وفى المشاعر. نحن لم نكن لنسعى فى يوم من الايام لنصير فؤادا واحدا. بل على العكس هذا غير مفيد فى بلد كالسودان. يجب ان نظل افئدة متعددة يجمعها حب كبير واختلافات كبيرة، فبدون الاختلافات الكبيرة لن توجد حلول كبيرة لمشاكلنا الكبيرة اصل.
معادلة تبدو صعبة ولكنها والله هى المعادلة الوحيدة الممكنة حتى الان على الاقل.
ليس فى العمل العام حب مستدام.وليس فيه جفاء ابدى. فعدو اليوم هو مشروع لحليف الغد. هكذا هى السياسة من لم يفهمها بهذا الوضوح ضاع تحت الاقدام ومن فهمها هكذا عليه ان يسارع لتجويد ادوات اختلافه مع الاخرين.
الديموقراطية رداء واسع النطاق. واسع جدا لدرجة ان بعضنا تضيع ملامحه الشخصية داخل هذا الرداء فيسعى لاستعادتها بلا هوادة ليجد انها قد ضاعت اكثر. وفى سبيل استعادتها واثباتها يخوض معارك دونكيشوطية مع طواحين الهواء ليكتشف انه انما كان يقاتل نفسه. فيعمد الى مزيد من المعارك الفاشلة لينتهى به الامر لاستخدام كافة الاسلحة المحرمة... قوميا. ولعلك تعرفين ان للجندرة بريق خاص فى مثل هذه المعارك لا اريد ان اخوض فيها فى الوقت الحاضر، ربما افعل مستقبلا .
وانت انت بالذات وبهذا الخروج الكبير وفى هذا الوقت بالذات تثبتين لهم ان الانثى مخلوق ضعيف لاتقوى على شدائد الزمن ولا على قلة ادب الصعاليك. وفى اول منعطف او شتيمة ناقحة تتركين الجمل بما حمل.
هل هذه هى الرسالة التى تودين ايصالها لنا ؟؟ شكرا فقد وصلت
والسلام علينا جميعا فى الحياة وفى الممات وحين نبعث يوم الحساب. واى حساب!!! منعم الجزولى
12-25-2006, 01:18 AM
القلب النابض القلب النابض
تاريخ التسجيل: 06-22-2002
مجموع المشاركات: 8418
المثقفين المحترمين هادئي العبارات الزيك ديل بصراحة بهزموني بي تهذيبم وترتيب افكارم.. وانا احب ان اكون غير مآسورٍ لاحد.. ولذا اجدني سعيد جدا ومهزوم جدا ومآسور جدا بي جيتك دي..
مرورك في هذا المكان اكد ان المطالبة بعودة هذه البيان امر حتمي.. وماسقته من كلام بليغ كفاني مؤونةالتعليق عليه .. فالعبارات منتظمة تامة البلاغة ..
Quote: بيان. نحن مبدعون مهزومون، وسط امة مهزومة!! الجمال حولنا يستحيل الى قبح مدقع. والحب بيننا يتحول الى كراهية مقيمة. والفرح ارتدى لبوس الحزن الابدى. والاصدقاء يتحولون الى اعداء بسرعة الضوء وليس خلفنا سوى الهاوية!!! وليس امامنا خيار((آخر)) سوى الانتحار.
وهذا الجزء انقله مكررا الى العزيزة بيان ردا على حديث خاص بيينا
Quote: وانت انت بالذات وبهذا الخروج الكبير وفى هذا الوقت بالذات تثبتين لهم ان الانثى مخلوق ضعيف لاتقوى على شدائد الزمن ولا على قلة ادب الصعاليك. وفى اول منعطف او شتيمة ناقحة تتركين الجمل بما حمل
.
بيان والله حقو بس ساي اكراما لها الشخص وهذه الكلمات البليغات تجي ناطة في المداخلة الجاية..
عموما Gazaloat بيان دي ليست متوقفةعن الكتابة حسب ماقاله صديقُ ُ واثق ما يقول.. فقد افاد بان نجاة دي ماعندها مزاج تكتب هذه الايام وقرفانة.. يعني ليس في الامر شبهة توقف دائمة وانما هي قرفة وحتعدي.. ..
12-25-2006, 10:37 PM
Kostawi Kostawi
تاريخ التسجيل: 02-04-2002
مجموع المشاركات: 39980
وانما ممتنعة عن الكتابة.. الكتابة مؤخرا لم تجلب لها سوى نماذج من قلةادب وخفة دم صعاليك ..
السيدة بيان كتاباتها بتعجبني .. وهي زولة بتعرف تنتخب من الشعر والمقولات اجملها.. ويسرني انو تجي تكتب وماتشتغل بي العولاق.. وفتات البشر..
مع اني عارف القصة دي قد تكون صعبة.. فقبلة من لاتحب حراشف سردينة.. وابتسامتهم شعرة في حساء..
ياهندسة..
انا ماعارف وجهة نظرك لي عودة بيان دي شايتة وين.. وهل تطور منظورك الفكري الخامل مؤخرا ام انه لايزال قيد شرنقتة!! بس استنادا على بيانات قديمة وحوارات قديمة لشخصيات بادت اظنك بالنسبة لي بيان دي شعرة في حساء..
دكين عندك لغاية بكرة زي الوقت ده Either to edit what you have said about me or delete it
ودايرك تفكر مرتين قبال تقل أدبك مع كوستاوي!!! ودايرك ترفع رأسك و تنزل يدك من نصك لمن تخاطبني!!!
كلام الهمز و اللمز أنا ما بعرفلو, عشان كدي إخترت الهندسة لأنهادغرية و ما بتقبل الكلام الما دغري, و أي كلام في الهندسة مادغري ممكن تحصل منه كارثة زي كارثة مباني وزير داخليتكم داك.
كلام صعاليق سوق عكاظ ده ما قدم ولا حا يقدم بشر و لا خنازير.
داير تقل أدبك, تعال بالباب عديل و سيب نطيط الحيط و شعرة طيز الخنزير.
دي مقدمة للداير أقولو ليك.
شوف أنا ماعندي إعتراض على الكتابة الجمبيله و تطويع اللغة و الرقص معها أحيانا وبي ندب دائما.
بيان الظلامية فردتي, لو في زول حريص عليها إنو ترجع ما أنت!!! خت دي حلقة في أضانك! ده لو عندك أضان!!
ما تسمع صفيق أطفال الأنابيب و شبابيلم لرقصك, و طوالي
تقوم تطلع من جعبك سهام لصيد كوستاوي!!! أنا قلت جعبك!!
لأنو دي مقدمة و النيات الحسناوات الما حسنة.
بكرة حا تشوف كوستاوي قليل الأدب.
ولك خيار التعامل مع كوستاوي الما قليل أدب
و الله يادكين لو ما في ناس عزاز بعرفوك كوستاوي ما بنذر!!!
لأنو أنا دغري هندسة.
Later
(عدل بواسطة Kostawi on 12-26-2006, 00:43 AM) (عدل بواسطة Kostawi on 12-26-2006, 09:51 AM)
12-26-2006, 04:26 AM
المسافر المسافر
تاريخ التسجيل: 06-10-2002
مجموع المشاركات: 5061
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
رشا سالم
رأفت ميلاد
طيفور
waleed500
عمر الفاروق
عبد الله عقيد
Kostawi
Gazaloat
القلب النابض
المسافر
humida
فيس بوك
تويتر
انستقرام
يوتيوب
بنتيريست