دعواتكم لزميلنا المفكر د.الباقر العفيف بالشفاء العاجل
|
|
 بورداب الرياض والشرقية يوم شكركم ما يجي ..
|
يا ناس الرياض خدر جاكم من الشرقية وقعد وما قسمت معاهو ..
وياناس الشرقية الرجل جلس بين ظهرانيكم سنين وما قسمت معاهو .. قضى ايام جميلة بينكم ملح وعيش ،عربدة ومسغبة عذابة وحاجات تانية المهم اخو اخوان وزول مواجبات..
هسع الزول القعد معانا ومعاكم وما قسمنا معاهو ،مشتت
خدر مشتت يا خوانا ..
عايزين نعمل ليهو شي لانو تاني ما جاي .. وعشان العُـشرة ما بتروح زي القروش..
نعمل أي شي ..نغني ليهو نعمل جلسة أُنس ..نعمل قعدة بي عود..نعمل منتدى شعري ..نعمل ندوة عن الرحيل ،عن الذين ظلو ابدا في هجرة دائمة.... نعمل جريدة حائطية..
المهم أي عمل بس مانعمل نايمين .
الزمان والمكان يتم تحديده من اللجنة المنتخبة لبورداب الرياض مع مرعاة دوام ناس الشرقية..
نأمل من اللجنة الموقرة التي تم انتخابها مؤخرا باعتبارهم على راس بورداب الرياض النظر في الامر والمذكور زول مجامل واخو اخوان وما افضلو عليكم ويستحق التكريم والاشادة...
سندعم بشدة جميع المقترحات في هذا الشان..
فردة ذلك الشيوعي المسافر نهائي
دكين
|
|
 
|
|
|
|
|
|
|
|
Re: بورداب الرياض والشرقية يوم شكركم ما يجي .. (Re: DKEEN)
|
الأخ الصديق دكين
تحياتي وتقديري ...
الأخ الصديق خضر صديقاً عزيزاً للجميع خاصة في الشرقية، ومناسبة وداعه واجب علينا فقد كان مثالاً للسوداني الأصيل والصديق والأخ، وهو أكبر من أن تصفه كلماتي في سانحة كهذه ...
أرجو أن ننسق جهودنا سوياً لتكريمه بما يليق بمكانته ونحن على أهبة الإستعداد ...
اقترح أن تكون الفعالية في الشرقية ما أمكن ذلك ... منها تغيير لناس الرياض ولفتة بأن يتم تكريم خضر في المنطقة التي قضى بها فترة طويلة وشارك فيها بفعالية ...| Quote: نعمل جريدة حائطية.. |
| |
|
|
|
|
|
|
|
|
|
Re: بورداب الرياض والشرقية يوم شكركم ما يجي .. (Re: ابو جهينة)
|
العزيز رفيق الانس اباجهينة..
كالعهد بك دوما .. مشجعا ورفيقا موانسا محبا لكل ماهو جميل وانيق ..
واينما اجدك اجد مكانا مورقا..
ما عارف محل اشوفك بحس باني في تعريشة من ورد الجهنميات الزاهيات..
تمنيت لو تدبرت امر الاتصال باعضاء اللجنة ..
فانت اليهم اقرب ..
وانتا عارف كلام القصير ما بتسمع..
| |
|
|
|
|
|
|
|
|
|
Re: بورداب الرياض والشرقية يوم شكركم ما يجي .. (Re: نادر)
|
الحبيب نادر..
دي المحرية فيك يا منقة..
الود مقطع والسعودية ما ادتو إلا مؤخرتها ..اولى بنا ان نديهو اقل ما نستطيع..
هو بعزكم بقدر معزتكم ..ولاجل هذه المعزات نحن نحيا..
الخميس الجاي باذنه انا في الشرقية عشان اشوف ميدانيا المقدرات المتاحة لديكم لهذا الفالت..
بيد انني ارى بعد موافقة لجنة بورادب الرياض الموقرة ان يتم زفاف العريس من اخر مكان تواجد فيه ..
لانو بكون المكان الجاب اخرو فيهو..
| |
|
|
|
|
|
|
|
|
|
Re: بورداب الرياض والشرقية يوم شكركم ما يجي .. (Re: 3mk-Tango)
|
دكين اللعين :
| Quote: نعمل أي شي ..نغني ليهو نعمل جلسة أُنس ..نعمل قعدة بي عود..نعمل منتدى شعري ..نعمل ندوة عن الرحيل ،عن الذين ظلو ابدا في هجرة دائمة.... نعمل جريدة حائطية.. |
ممكن نعمل شربات ليمون ؟؟؟
تحياتي للأخ خضر ومشاويرك عديلة عليك عديلة كان قصيرة وكان طويلة عديلة عليك ..
| |
|
|
|
|
|
|
|
|
|
Re: بورداب الرياض والشرقية يوم شكركم ما يجي .. (Re: 3mk-Tango)
|
حلوووووووووووووووووووووة يا تنقو ساسكو دي ..
من هناك نركبو ناقة قصواء ونديها صوت ونقول ليهو اتوكل ..
اصلو زولنا ده حق التذكرة ما لماهو ..
افلس مني ولسنين طويلة ما لاقاني ..
خدر ادهشني حقيقة..ولاقاني
انا في الحقيقة باحتفالي بيهو باحتفل بي فرحة اني لقيت من هو اكثر ضنكا مني..
| |
|
|
|
|
|
|
|
|
|
Re: بورداب الرياض والشرقية يوم شكركم ما يجي .. (Re: DKEEN)
|
دكين
يا ابني إنت زول كتّاب جدا ، والناس مشتهين كتاباتك ، وأنت تمارس بخلا غير عادي في الكتابة ، وتعيش حالة شحّ كتابي لا حد لها ... وأنت في الاتصال الهاتفي عكس ذلك ، سبب بلا سبب تقوم تفتح خط مع الواحد ، وتتكلم بالساعات ،،، والمشكلة يا دكين ما يجب أن يتم ترتيبه بالتلفون فأنت تكتبه ،هنا ، وما يجب أن يُكتب فيه تنقله إلى التلفون ... ما الذي دفعك اليوم للكتابة ؟ هل هي روح المبادرة المتأصلة فيك ؟ أم أنك تحب خضر بشكل استثنائي ، أم أنك ترى أن بورداب الرياض وبورداب الشرقية نائمين ويستحقون إيقاظا بلكزة في الخاصرة ...
دكين ، بورداب الرياض ، وبورداب الشرقية أقاموا مناسبات عديدة ، واحتفوا وودعوا عددا من عضويتهم ، فبورداب الرياض مثلا ودعوا ود شاموق ، وخالد عويس ، وصديق الموج ، ثم استقبلوه حين عاد مرة أخرى ، واستقبلوا وليد 399 عريسا ، واستقبلوا أسرا جاءت لتقيم في الرياض ، واستقبلوا سجيمان ضيفا على الرياض ، واستقبلوا تولوس ضيفا على الرياض ، واحتضنوا زهير وأم سهى ، واحتضنوا تنقو وبدري ، وحمد فتح الرحمن ، وبورداب الرياض شاركوا في زواج ودشندي وقطعوا مسافة 800 كيلو ذهابا وإيابا إلى هناك ، ثم قطعوا نفس المسافة لاستقبال مريم ونادر والاحتفاء بهم ، وبورداب الرياض شاركوا بورداب الشرقية في الحفل الذي أقيم لزهير ، وغير ذلك كثير . وبورداب الشرقية شاركوا بورداب الرياض كل مناسباتهم ، ووجهوا لنا الدعوة في كل مناسباتهم ، واحتضنونا داخل بيوتهم ، وكان بيت أم سهى ، وبيت خالد تنقو وبيت بدري وبيت العزابة كلها كانت بيوتا لنا ، وبورداب الشرقية شاركونا في تأبين المرحوم الخاتم عدلان ، وشاركونا في وداع عضويتنا المسافرة من الرياض ... وكل ذلك يا دكين لم يتم بهذا الشكل الذي طرحته هنا اليوم ،،، أنت هنا تمثل موقف المستجدي ، ونحن لسنا ممن يتم استجداءه للواجب ،،، نحن بورداب الرياض وبورداب الشرقية ، مشحونين بالنخوة وبالمواقف الكريمة ،،، مثل هذه المواقف يا دكين نحن نرتبها بالتلفون ، ثم ننقلها إلى هنا عندما تصل إلى مرحلة التنفيذ كخبر فقط ، ليصبح عنوانها الرياض والشرقية تودّعان وتكرّمان خضر حسين ...
| |
|
|
|
|
|
|
|
|
|
Re: بورداب الرياض والشرقية يوم شكركم ما يجي .. (Re: ودقاسم)
|
احيي موقفك يالخال قاسم من هذه المنسابة
وشعورك الطيب بانني استجدي تكريم صديق الجميع خضر
| Quote: ونحن لسنا ممن يتم استجداءه للواجب ،،، نحن بورداب الرياض وبورداب الشرقية ، مشحونين بالنخوة وبالمواقف الكريمة |
دي المحرية فيكم يا خال انتا وناس الرياض
بس خشيت في غياب زول المواجبات معتصم أن يتم نسيان خضر .. ..سيما وان احتفالية العيد التي تعودناها في كل عام لم تقم ..
بعدين خضر ده الناس قبل كده اتنسى في عيزومة بسيطة ..
قتا صاحبي النكِرة ده كان ما زكرنا الناس بيهو من بدري يشختو ليهو تاني ..
بعدين الزول ده ليهو فترة منزل البوست بتاع سفره ومافي مبادرة جات من اهل المبادرات .. او على الاقل انا ما جاني تلفون ..وقد استلم انف الذكر جوازو مدقوق فيهو خروج نهائي ..
وشايل ليهو شوية قريشات تعينو على نوائب السودان ..
اها خفتا لحدي ما نرتب قعدة قروشو العندو دي تخلص ..
تاني إلا نرتبها ليهو في ترحيل الوافدين..
شكرا ياخال على الروح الطيبة الاتعودناها منك .. وتختلف طرق الترتيب ياخال والغرض واحد وهو أن نجعل من رحيله ذكرى طيبة ومناسبة يلتقي فيها اللاحقون ..وتقوى اواصر المحبات بيننا كلما التقينا على الود والوفاء..
| |
|
|
|
|
|
|
|
|
|
Re: بورداب الرياض والشرقية يوم شكركم ما يجي .. (Re: Badri)
|
| Quote: بورداب الرياض ، وبورداب الشرقية أقاموا مناسبات عديدة ، واحتفوا وودعوا عددا من عضويتهم ، فبورداب الرياض مثلا ودعوا ود شاموق ، وخالد عويس ، وصديق الموج ، ثم استقبلوه حين عاد مرة أخرى ، واستقبلوا وليد 399 عريسا ، واستقبلوا أسرا جاءت لتقيم في الرياض ، واستقبلوا سجيمان ضيفا على الرياض ، واستقبلوا تولوس ضيفا على الرياض ، واحتضنوا زهير وأم سهى ، واحتضنوا تنقو وبدري ، وحمد فتح الرحمن ، وبورداب الرياض شاركوا في زواج ودشندي وقطعوا مسافة 800 كيلو ذهابا وإيابا إلى هناك ، ثم قطعوا نفس المسافة لاستقبال مريم ونادر والاحتفاء بهم ، وبورداب الرياض شاركوا بورداب الشرقية في الحفل الذي أقيم لزهير ، وغير ذلك كثير . وبورداب الشرقية شاركوا بورداب الرياض كل مناسباتهم ، ووجهوا لنا الدعوة في كل مناسباتهم ، واحتضنونا داخل بيوتهم ، وكان بيت أم سهى ، وبيت خالد تنقو وبيت بدري وبيت العزابة كلها كانت بيوتا لنا ، وبورداب الشرقية شاركونا في تأبين المرحوم الخاتم عدلان ، وشاركونا في وداع عضويتنا المسافرة من الرياض |
والله ما عاجبني في الموضوع دا الا انكم شختوا لي عمر الفاروق (ابو العكس)
والله يا عمر الجماعة ديل (سبلوك) ساكت
زي نظام ينتهي العزاء بانتهاء الدفن في كل مناسباتك
ــــــــــــــــــ
| |
|
|
|
|
|
|
|
|
|
Re: بورداب الرياض والشرقية يوم شكركم ما يجي .. (Re: DKEEN)
|
دكين كدي خلينا من الشيوعي دا ... ماذا عن ماليزيا وزيارتك لها؟؟؟
اساسي دكين بقى يمشي ماليزيا وبقى يجينا الشرقية شفتا الله دا لما يفتحها
بفتحها على واسع كيف ان شاء الله يااساسي الله ما يفتحها عليك ذي فتحة دكين دي
والله البورد دا الواحد يغيب ويجي يلقى الرشاقة حاصلة
| |
|
|
|
|
|
|
|
|
|
Re: بورداب الرياض والشرقية يوم شكركم ما يجي .. (Re: Badri)
|
يا بدري يا اخوي الفتح العظيم ( البنعرفوا ) هو ان يفتح لك غربا .. غربا هناك الي ان يصل بك الفتح غرب الاطلنطي ... اما ان تيمم شرق الهندي في طريق عودة الشغالات الاندنوسيات فهذا فتحا اخر ... لا يحاكيه الا فتح الشغالات انفسهن..
وهذا حلال علي دكين وحده
| |
|
|
|
|
|
|
|
|
|
Re: بورداب الرياض والشرقية يوم شكركم ما يجي .. (Re: DKEEN)
|
أساسي:
| Quote: والله ما عاجبني في الموضوع دا الا انكم شختوا لي عمر الفاروق (ابو العكس) |
ياخ والله انا عاجبني أكتر منك :
تعرف يا مان تكون طالب الناس حاجة أحسن مليون مرة من الناس تكون طالباك حاجة ..
ورسولنا الكريم قال اليد العليا خير وأحب من اليد السفلى !!!!!!
ولا شنو ؟؟؟؟؟ سمك !!!!!!!
| |
|
|
|
|
|
|
|
|
|
Re: بورداب الرياض والشرقية يوم شكركم ما يجي .. (Re: DKEEN)
|
| Quote: يا ابني إنت زول كتّاب جدا |
صاح
| Quote: والناس مشتهين كتاباتك |
بالصح والله
| Quote: وأنت تمارس بخلا غير عادي في الكتابة |
صحيح..
اعترافات ود قاسم (تجب ما بعدها)
دا من ناحية
من الناحية التانية اقتراحك جميل يا دكين
وكل عام وانت بخير..
| |
|
|
|
|
|
|
|
|
|
Re: بورداب الرياض والشرقية يوم شكركم ما يجي .. (Re: عبد الله عقيد)
|
ود عقيد ..
كل سنة وانتا طيب وحباب جيتك
يلا ابدو نظمو لينا المسالة دي .. نحنا ما علينا إلا التذكير ومد يد العون في الملمات وانما التدبير منكم انتم اللجنة المنفذة ..
كورك لي عزاز دي خليها تجي ..
بت الحسين
الخميس الجاي العشا معاكم عشان ما تقولو ما كلمناكم..
وتمرقوها لي في الجبيل...
فتحي عين نادر ده خليهو يجيب اخطبوت بحري من هسع في التلاجة..
عبد الرازق الطالب
كل سنة وانتا والمدام طيبن واموركم زينة
تسلم ياغالي على التاييد ودمتا منصور..
همتك معانا ما يبقى كلام ساي
..
بدري
بدري الوجيه شلهات بنات الحله*** قالو الريق نشف من غيرو ما بنبله..
والله انا عارفك انتا الزول ده بتحن عليهو وقايلنو مقطع ساي ..
الزول ده يا عزيزي ما تغرك بهدلتو دي ..
ديل ناس وراثين وعندهم بس مسخوط ساي ..
بعدين يازول محل مانسويها انتا بتجي بتجي..
انحنا عارفين خفتك دي ..
الخفة الركبتك طيارة بي 260 ريال ذهاب فقط..
اسكت بس وتعال ..
انتا اصلا لا بتجي عشاني لا عشان خضر ..
الفيك اتعرفت يا منقة..
اساسي وعمر الفاروق..
انا لو عرستا حرم ما اعتب البورد ده تاني..
انتو ما عندكم شغلة تعملوها؟؟
| |
|
|
|
|
|
|
|
|
|
Re: بورداب الرياض والشرقية يوم شكركم ما يجي .. (Re: DKEEN)
|
Quote: بت الحسين
الخميس الجاي العشا معاكم عشان ما تقولو ما كلمناكم..
وتمرقوها لي في الجبيل...
فتحي عين نادر ده خليهو يجيب اخطبوت بحري من هسع في التلاجة.. |
عليك النبي كان ما كتبته هنا نفسك تتعشى معانا بي شنو.. وريني الأصناف كلها.. وكان عايز اخترع من راسك واكتب.. انا متأكده نادر حيكون مبسوط جدا جدا بالخبر ده..
| |
|
|
|
|
|
|
|
|
|
Re: بورداب الرياض والشرقية يوم شكركم ما يجي .. (Re: walid taha)
|
ســلام من الساس لي الراس
تحية مثل توادكم وتراحمكم
الإنحناء وما يحوي لدكين على المبادرة
مدخل
إنتو الزول ده قبلتو إستقالتو من الغربة طوالي كده ليه ؟
يعنى مافي طريقة يتراجع من قرارو ده ؟؟
يمكن عامل الحكاية جس نبض تقومو تدبسوهو في السفر ؟
جوه الموضوع
أولاً
أقترح عقد إجتماع لبورداب الشرقية يوم الخميس بمناسبة حضور دكين
ومن ثمّ مناقشة موضوع تكريم العزيز خضر
وأن يكون الإجتماع فى إحدي الجزيرتين .. المرجان أو جزيرة الجسر
ومن ناحية الترحيل ماعندكم مشكلة أنا بتكفل بترحيل عشرة منكم
ثانياً
وضع تصور لنوع وطريقة التكريم
تحديد موعد ومكان التكريم وأيضاً بقترح الشرقية
لأنها مسقط رأس غربة المـُحتفى به
وبرضو عشان الجو الأيام دي رهيب
عموماً أنا مع رأي الجماعة
ومستعدين لكل شئ
اللهم أجعل بيننا رباطاً لا ينفك
أخوكم ( الكبير ) ثابت
| |
|
|
|
|
|
|
|
|
|
Re: بورداب الرياض والشرقية يوم شكركم ما يجي .. (Re: DKEEN)
|
Quote: تاريخ التسجيل: 17-10-2005
مجموع المشاركات: 81 |
Quote: وأن يكون الإجتماع فى إحدي الجزيرتين .. المرجان أو جزيرة الجسر
|
ثابت كل سنة وأنت طيب ... تعرف يا ثابت أول مرة اعرف انك من الشرقية
أما بخصوص المكان والميعاد اقترح أن يتم تحديده من قبل الإخوة في الرياض
لما يمثلونه من أغلبية ووجود العناصر التنظيمية النشطة بينهم وأتمنى تحديد
موعد قريب حتى أتمكن من الحضور حيث اعد العدة للسفر إلى تونس الأيام المقبلة
ولكم خالص التحايا والود
| |
|
|
|
|
|
|
|
|
|
Re: بورداب الرياض والشرقية يوم شكركم ما يجي .. (Re: humida)
|
والله يا ناس السعودية حيرتونا ـ شنو يا اخوانا شابكيننا الشرقية الغربية الصالحية جدة الرياض !! ـ وشغالين طيران طوااالي من هنا ولهناك التقول بقيتوا من اهل الخطوة ـ و.. الحكاية شني ?!! ـ مكة والمدينة ديل نقلوهن من السعودية واللا شنو !! ـ
.
.
.
التحية ليكم كلكم وان شاءالله دايمآ عامرين ـ
| |
|
|
|
|
|
|
|
|
|
Re: بورداب الرياض والشرقية يوم شكركم ما يجي .. (Re: DKEEN)
|
ثابت العزيز
ياخي العفو مداخلتي ابداً ما كنتا قاصد بيها اعقب على مداخلتك بس لانه شايف الجماعة مختلفين في المكان والموعد ومنتظرين من يحدد المكان والموعد فكان الاقتراح مني ان يتم تحديد المكان والموعد من قبل الاخوة في الرياض... وبعدين يا ثابت التحديد دا يتم من قبل بورداب الرياض ولا الشرقية لكن دكين شنو اليحدد؟؟ عمرك سمعته ليك بزول لا يملك قوت يومه يقرر في الامور العامة؟؟
عموماً يا ثابت حقيقة سعيد بيك ضمن بورداب الشرقية ومرحب بيك
0569101557 جوال
8822345 عمل مباشر
| |
|
|
|
|
|
|
|
|
|
Re: بورداب الرياض والشرقية يوم شكركم ما يجي .. (Re: tmbis)
|
تامبا
انتا وخالك ما تدرعا فينا..
لحدي هسع ماشفنا شي من اللجنة والله يكضب الشينة..
بعدين ده شنو كورال الجبهةالديمقراطية المنزلو لينا .. حفلة ولا عرض عسكري؟
بما اني مشرف على تكريم هذا المبجل ودقيت جيبك وبتثني اقتراح خالك ..
اها ياحبيب انتا مهمتك تلم القروش من شباب الرياض وتديني خبر لمتك ليها..
ما تقول لي ما بقدر وما عارف شنو.. ده عمل عام لو بتقدر قول بقدر ولو ما بتقدر اتصرف واقدر ..
انا لميت من ناس الشرقية البقدر عليهو ..
واكلتا برضو البقدر علهيو من مائدة بت الحسين وبعلها ذو المزاج الانساني الرائع نادر ..
انتا هسع تم تعميدك امينا للمال في حفلة وداع خضر لانك قبلت اشرافي العام على المسالة ووافقت خالك..
خم وصر يا فردة ..
ووش القباحة ما يجيك..
| |
|
|
|
|
|
|
|
|
 Re: بورداب الرياض والشرقية يوم شكركم ما يجي .. (Re: DKEEN)
|
تعليقا على ماهو ممهور كالتالي:
Quote: فردة ذلك الشيوعي المسافر نهائي
دكين |
ما شاء الله!
والله يا قريبي البقيت تصلي مؤخرا، وماشي لأهلك قريب، اسمح لي أنوه واحدسك:
الفرد ما عندك!!
دكين باح وانداح وغلبه الصبر من غلاوتك، بختك!
اهن نجي للجد، كدي يا بورداب اجي مسافرة، ان شاء الله امشي جدة يومين، ما تعملو لي حولية!
هقارات بورداب ما دايرين ...
| |
|
|
|
|
|
|
|
|
|
Re: بورداب الرياض والشرقية يوم شكركم ما يجي .. (Re: عزاز شامي)
|
عزاز ..
اها لسه ما وصلتي ؟؟
...
| Quote: والله يا قريبي البقيت تصلي مؤخرا، |
ياعزاز خدر ده بي شهادتي وشهادة معتصم دفع الله ..
يوم فطور رمضان صلى العصر في بيت معتصم
وصلى المغرب جماعة بعد افطار رمضان .. وبذلك يكون ضرب سبعة وعشرين درجة..
وانا خايف انو تكون المسالة دي بروفه .. لي السودان .. لاني حاسس كدا انو الزول ده ممكن يتفرمط بسهولة ويبقى كووز..
سلمي لي علي Aunt كوندا .. وقولي ليها مشتاقين شديد ..
| |
|
|
|
|
|
|
|
|
|
Re: بورداب الرياض والشرقية يوم شكركم ما يجي .. (Re: عزاز شامي)
|
قريبك ده يا عزاز ..
انا قاعد امتحن بيهو بورداب الرياض ديل ..
عشان تكوني في الصورة بس كلمتك بالسر ده..
المهم يا فردة .. سوي العليك وختي القروش في حساب تمبس وامرقي من اللوم ..
باقي الشغلة دي جايبا ليها لوم تقييييييييييييييل..
حمدلله عاسلامة .. عمتك قوندليزا ما قات لي شي عني ؟!
| |
|
|
|
|
|
|
|
|
|
Re: بورداب الرياض والشرقية يوم شكركم ما يجي .. (Re: DKEEN)
|
يا خال والله ديل ما يحددوا اي حاجة
دكين بس فالح في الشكية والجرسة
واووووب علي ما اديتوني الجائزة
ولا الحقوني ما عزمتوني وسفهتوني
وصاحبك غريبة
هو فاضي من السفارة والأفطارات الجماعية
والجري وراء القنصل ؟؟؟
يا اخي انساهم وخلينا نجهز امورنا برانا
| |
|
|
|
|
|
|
|
|
|
Re: بورداب الرياض والشرقية يوم شكركم ما يجي .. (Re: ahmed haneen)
|
| Quote: Quote: ما يركب معاي الا ود قاسم واسماعيل وراق وصديق الموج |
صلاح غريبة العربية الجديدة مبروكة وعقبال توديليك ( تريلة ) السودان ويكون قاطرا قندراني طبعا ما بيشيلوا منك جمارك يا سعادتو ...
بعدين انا مافي طريقة تركبوني معاكم عليكم الله تركبوني سيبو المضرة ركبوني ...
| |
|
|
|
|
|
|
|
|
|
Re: بورداب الرياض والشرقية يوم شكركم ما يجي .. (Re: DKEEN)
|
بعدين يا خال معاك ..
انا ما البحدد والزمان ..
انتو عندكم لجنة بتحدد وبتنظم ..
ما تدرعها فينا يا ابو طلال..
انا ذكرتكم بيهو عشان ما تقولوا ما قالوا لينا..
اللجنة براها بعد ده بترتب الامور..
وداع ود الموج الرتبو منو ..
صلاح غريبة ؟؟
اللجنة تاشر ونحنا جاهزين ..
| |
|
|
|
|
|
|
|
|
|
Re: بورداب الرياض والشرقية يوم شكركم ما يجي .. (Re: DKEEN)
|
| Quote: انا لميت من ناس الشرقية البقدر عليهو .. |
دكين
والله كضاااب
أنا لميت مني ؟؟
يعني الأعضاء الجُـدد قروشم بتكون مزورة ؟؟
مع إني شاركت فى البوست ومافي رد ( وجه عابس )
وقلت ليكم جاهز
وإتصلت بي بدري كلمتو
خسرانين شنو إنتو مش يمكن مساهمتي تكون ( فعّـالة ) ؟
غايتو منتظر ردكم
| |
|
|
|
|
|
|
|
|
|
Re: بورداب الرياض والشرقية يوم شكركم ما يجي .. (Re: DKEEN)
|
| Quote: يا اخي انساهم وخلينا نجهز امورنا برانا |
احمد حنين بركة العرفتا النومة ..
ورينا رجالتكم في الموضوع ده
وما يبقى كلام ساي..
مصد ق حسين
تحياتي يا جميل
ورينا ايات جمالك وحول قريشاتك لي تمبس رايت ناو..
وراق
ما يبقى كلام ساي .. المسالة ماشة تتبلور ..
تمبس امين مال الحفلة حولو ليهو القروش .. وادينا خاطرك ولله الحمد والله اكبر..
ود الباوقة
ما تركب في سرج واحد مع ود قاسم وود الموج ديل
السرج البجيب الريح .. انزل منو واستريح
الجميل ديك الجن
خليك قريب ومتابع ..وحكم
اخوك لحدي هسع ما قصر .
نشوف البقصر منو ..
ابو امنة
حبابك يا زول..
بلغ عني ود الشيخ بانو دكين قال ليك يا ود الشيخ اللوم ما شفناهو منك قبل كده ..
وانشاء الله اللوم ما يجي قدام بابك ..
لذلك اسعفنا بي مجهوداتك ..
واسعى فيها تقوم جميلة ومزيونة ..
انتا معاك النص الجميل ياابو امنة ..صحي الكاردنال ده ..
| |
|
|
|
|
|
|
|
|
|
Re: بورداب الرياض والشرقية يوم شكركم ما يجي .. (Re: DKEEN)
|
عن عثمان - تريولا – معهد الموسيقى والمسرح 2000م . بتصرف
- يا ياسر المعهد بقى حيلو ميت والنشاط فيهو مافي ..رايك شنو نقوم نعمل يوم ثقافي نحرك فيهو الجو الراكد ده ؟؟
- خلاص والله فكرة جميلة انا ذاتي شايف انو الامور ما زي زمان ومفترض نعمل شي ..خلاص نتصل بي البقية وعندنا ارقام موبايلاتم ..وبعد داك نقعد نرتب الموضوع..
حملت فكرتي وذهبت بها نحو نهلة..
- نهلة ازيك يا المافي زيك .. معهدنا يانهلة بقى خامل ..نحنا النيل حبيبنا وعندنا افكارنا الجميلة ..رايك شنو نقوم ننادي ناس فنون وناس مسرح وناس موسيقى ونعمل لينا يوم جميل يكون بادرة لنشاط لايتوقف؟
- ياسلام ياعثمان والله نفس الفكرة كانت عندي بس سبقتني بيها ..الناس ذاتا بقت تتكلم فينا وانو نحنا عالم خملة ..خلاص انا حاكلم مروان وبعد داك تعال نقعد نظبط القصة ..
مشيت لي ابو اللول طرف المكان حاملا اليه الفكرة ..
- ابواللول ازيك ..انتا بدل ما تقعد براك يوماتي بعد الساعة خمسة تعزف على كمنجتك دي ..رايك شنو نخليها جوقة متكاملة ومسرح وقاليري..نجدد جو المعهد البقى كئيب ده ..
- ياخي والله فكرتك جميلة ورايعة ودايما انتا سابقنا في الروائع ياعثمان..خلاص يا زول تعال نقعد ...
تعال نقعد ..تعال نقعد..تعال نقعد ..
يا خوانا جميع الأشياء الجميلة تموت بانتظار قعادكم الذي لم ياتي ..
حين عرض الرسول الكريم عليه الصلاة والسلام امر الدعوة على الصديق ابو بكر ..اتساءل ماذا كان سيحدث لو أن ابوبكر رضي الله عنه رد عليه قائلا: جدا ..بس كدي تعال نقعد..
ياناس الشرقية..العزيز خضر سيحل عليكم بداية الاسبوع القادم .
إفعلوا شيئا وقافي ..
| |
|
|
|
|
|
|
|
|
|
Re: بورداب الرياض والشرقية يوم شكركم ما يجي .. (Re: DKEEN)
|
عندما يحل مساء هذا اليوم الجميل سأحتفل بوداع الاخ خضر حسين ..
ذلك ما كان من امر زمان الوداع ..
سيتم تحديد المكان وفق وفق مزاج هذا المساء ..
الدعوة مفتوحة للجميع ..
ليس ثمة من رسوم .... القروش ليست اصلا في تكوين حياتي انا وخضر ..
المقصد القعدة الحلوة واللمة وصفاء النية .. ذلك اصل حياتنا ..
وقد قيل :
الخوة بتدوم والرسوم ما بتدوم .. وكان دامت لي زول ما كان جاتك ..
مقتطف من كتاب (كل زول بختار طريقو – دكين )
هذا ومع محبتي ..
دكين الحسن
رئيس لجنة وداع خضر حسين والمقرر المالي واعضائهاحسب ما جاء في توصيات ما قد سبق...
| |
|
|
|
|
|
|
|
|
|
Re: بورداب الرياض والشرقية يوم شكركم ما يجي .. (Re: DKEEN)
|
الآن الساعة السابعة إلا ربع مساء
وحسب وعد دكين فإنه يوم الاحتفال
بوداع الأخ خضر..
نحن ما زلنا في العمل.. وسنظل حتى منتصف الليل
ليست الاشتراكات هي المشكلة.. بل المشاركة
تمنينا لو أتيحت الفرصة لنا.. لتلبية
رغبتك في يا دكين..
ولكن..
نتمنى لخضر عودا حميدا وحظا سعيدا في السودان
ونأمل أن نجد فرصة نجبر خاطرك يا دكين
والجايات اكتر من الرايحات
يا خضر نحن في دربك
بس قول ربك يعدل الطريق
دربك اخضر إن شاء الله
| |
|
|
|
|
|
|
|
|
|
Re: بورداب الرياض والشرقية يوم شكركم ما يجي .. (Re: DKEEN)
|
الاشارة: البوست اعلاه بتاريخه .
الافادة: غادرنا ظهيرة هذا اليوم العزيز خضر الى بلاده ..بلادنا ..ارضنا ..وارضه عليها السلام .
تبراك الامنيات ياخضر ..
جينا ليك عنوةً كِده واقتدار
جينا ليك وكنًا مرقنا منّك
وانحنا مرفوعي الرؤوس
مافينا مِرقاً فيهو سوس
بل فينا عِرقاً من جذور عشقاً
لا يُداس
انحنا بندوس على كل من عايز يدوس
اسمعنا يا ليل السجون
انحنا بنحب شاي الصباح
والمغربية
مع الولاد والزوجة والأم الحنون
والأصدقاء
وإلى اللقاء..
صحي يا خضر اوما قد علموا انو
انحنا بنحب شاي الصباح
والمغربية
مع الولاد والزوجة والأم الحنون
والأصدقاء
وإلى اللقاء..
بنحب كده، وبنعشق تمام ..
اشرب لي شاي المغارب..وشوف لي حد الجهنميات وصل وين..
..و بينا المعزات والكي بورد ورسائل الاس ام اس..
بورداب الشرقية : ام سهى وبقية العقد الفريد ..
شاليه مرة واحدة ؟؟ خربتو طبعو ذلك البائس..
لكم المودات كلها وانتم تحتفلون بالرفيق الراحل .. احبكم اجمعين
ويوم شكركم مايجي..
قال حكيم الزمان:
Quote: أنت هنا تمثل موقف المستجدي ، ونحن لسنا ممن يتم استجداءه للواجب ،،، نحن بورداب الرياض وبورداب الشرقية ، مشحونين بالنخوة وبالمواقف الكريمة ،،، مثل هذه المواقف يا دكين نحن نرتبها بالتلفون ، ثم ننقلها إلى هنا عندما تصل إلى مرحلة التنفيذ كخبر فقط ،
|
يادكين نحنا نرتبها بالتلفون
نرتبها بالتلفون
التلفون
فون
ون
عوووووووووووووووووووووووووووك
| |
|
|
|
|
|
|
| |
ابو جهينة
Badri
إسماعيل وراق
عمر الفاروق
ودقاسم
اساسي
مريم بنت الحسين
A.Razek Althalib
ghariba
عبد الله عقيد
humida
ثابت محمد
Munir
tmbis
ahmed haneen
garjah
صديق الموج
فيس بوك
تويتر
انستقرام
يوتيوب
بنتيريست