دعواتكم لزميلنا المفكر د.الباقر العفيف بالشفاء العاجل
|
|
 بورداب الرياض (الخاين الله يخونو)
|
شنو يعني يا منظمين حفل استقبال عائلة وليد 399 وعائلة الطالب
اناالناس ديل ماكل عشاهم ولا شنو؟؟
فيني كشم انا؟؟
انشاء حفلتكم تضوي ليكم ..
بعدين اشمعنا وليد والطالب
عمر الفاروق ده عرس من تل ا لزعتر ؟؟
|
|
 
|
|
|
|
|
|
|
|
Re: بورداب الرياض (الخاين الله يخونو) (Re: ودقاسم)
|
| Quote: لو أنا مكانك أقاطع كل حفلاتهم ومناسباتهم |
شفت يا دكين خالك ود قاسم داير يطير عجلك
أنتبه
هناك مؤامرة تحاك ضد الرائع دكين
الله يجازي صلاح شتات
كان السبب في كل شيئ
طير الجائزة من ود ضحوي
يا لفجيعة أنيسة
| |
|
|
|
|
|
|
|
|
 Re: بورداب الرياض (الخاين الله يخونو) (Re: DKEEN)
|
Quote: يعني يا ود قاسم عشان بدفع ليهم قروش شوية بسفهوني ناس لجنة الحفل؟!
عشان انا فقير بقيت منكور وُمـــستعاب يا تامبا..؟!
استعبتمونني لانني اكد فاجتهد فلا اوفي بنذوركم يا وراق ؟!
ُمـستقنطني عشان انا فقير ومعدم يا حميدة؟!..
|
المنهزم بليل منصرم دكين ...
الناس دي حاقرة بيك وانا أظن هم باقيين على راي ... انت بس انتفض وابقى نوبي وانحنا من وراءك نمش الحفلة ونجي نساندك ونقيف جنبك ...
ولا نامت أعين اللي ما يعزموك
| |
|
|
|
|
|
|
|
|
|
Re: بورداب الرياض (الخاين الله يخونو) (Re: عزاز شامي)
|
حتشبسوت..
اخوكي عاوزين ياكلو حقو في فطور وليد والطالب زي ما اكلو حقو في جايزة كده قبل زمن غير بعيد ..
لدرجة دي بقيت ملطشة انا ؟؟
غايتو من هسع افرزي ووريني انتي وين في الهلمة دي ..
اخوي خضر ..
ضرب لي امس قال لي شنو ياخي ما جاي عزومة وليد دي بكره
قتا ليهو وليد منو ياخينا والله ما عندي خبر
قال لي يعني ما كلموك زيي برضو ..هسع انا ضارب ليك عشان تعزمني..
يعني خضر برضو بره الشبكة ..
يا عُــزاز يبدو ان هناك مؤامرة تحاك ضد النوبيين ..
والمسكين حمزاوي سارح وما جايب خبر وبعاين في المراية ..
| |
|
|
|
|
|
|
|
|
|
Re: بورداب الرياض (الخاين الله يخونو) (Re: نادر)
|
| Quote: يضحك نهارك (ع قول محسن خالد) يا زول يا لذيذ |
يآآآآآللهول ..
محسن خالد ( صاحبي ) بقو يضربو بيهو المثل ..
لقيتها والله يا عمك ..
وذي ما قال الفيل الكبير ..
البلد دي كلها نفر رز بخاري ونص دجاج شواية .. !
حكمة اليوم ..
انبثقت ..!
| |
|
|
|
|
|
|
|
|
|
Re: بورداب الرياض (الخاين الله يخونو) (Re: humida)
|
إنت عايز تفهمني أنا يا حميدة؟؟ بعدين منو البدأ في الكلام؟؟
| Quote: وبعدين تعال قل أدبك |
دي كتيرة شوية حاول لم نفسك بقولها ليك للمرة التانية وما تخش معاي سكة زي دي أنا سككي وعرة يا حميدة ... صدقني بتعبك معاي ... أتلمه أوكي نوقفها هنا عشانك يا فالح
| |
|
|
|
|
|
|
|
|
|
Re: بورداب الرياض (الخاين الله يخونو) (Re: DKEEN)
|
دكين
لكم فطوركم ولنا فطورنا ،،،
إنت تاني جايي عشان تنهزم ، يا أخي والله أحسن ليك ما تجي ،
إنت ما بتتعب من الهزائم المتواصلة ؟
أنا بجيب ليك فطور في البيت ، يا دكين ، ما تجي ،،، والله ما تجي ،،، اسمع كلام خالك ..
ومرتي ذاتا قالت لي يا أخي دكين ده كل مرة يسلم علي بحرارة كده قاصد شنو ؟
| |
|
|
|
|
|
|
|
|
|
Re: بورداب الرياض (الخاين الله يخونو) (Re: ودقاسم)
|
تامبا
انها الحرب يا عزيزي..
الى السلاح.. احمي ضهر اخوك وانا كفيل بهم ..
حميدة
افرز ياخوي انتا معاي ولا مع الخوانين ؟!
وكن واضحا جليا وقل لي ماذا تقصد ومن تقصد ؟؟
بصفتك حميدة..مكن توريني منو الذين فتح الله عليهم فتولوا امر هذه القعدة ؟؟
**
وراق …
انتا الفيهم وعليك التكل .. ليتهم مثلك يفقهون..
**
حمزاوي
والله ضحكتني ..
انتا بتجيب الكلام المعولق ده من وين
اكيد انتا كنتا واقف جنب مراية وكت نجرتا الكلام ده؟؟
اقول ليك موامرة تقعد تهظر؟
صحي دنقلاوي قلبك ميت وظلامي لا تقدر الناس حق قدرهم.
| |
|
|
|
|
|
|
|
|
|
Re: بورداب الرياض (الخاين الله يخونو) (Re: ودقاسم)
|
وليد شريف
سنن فرارك اخوك خاشي الغابة خاشي الغابة ولا فكاك ..
ياخي ديل قاصدني عديل .. وانا لهم ..
قريبك ده حاول شوف ليهو مبرر .. لامن ابدا ببدا بي راس الافك ..
وحانتهي بالحترب والفقاعات ..
انا اخو البنات هييييييع هلا ..
اخوك انا يا سجي..
| |
|
|
|
|
|
|
|
|
|
Re: بورداب الرياض (الخاين الله يخونو) (Re: DKEEN)
|
Quote: افرز ياخوي انتا معاي ولا مع الخوانين ؟!
|
يا معلم المرة الفاتت قلت ليك نطلع الغابة ..
قلت لينا .. انا جاي حفيان ..!
Quote: بصفتك حميدة..مكن توريني منو الذين فتح الله عليهم فتولوا امر هذه القعدة ؟؟
|
العشرة الاواخر ديل ثوابهم كبير يا دكين .. !
| |
|
|
|
|
|
|
|
|
|
Re: بورداب الرياض (الخاين الله يخونو) (Re: DKEEN)
|
| Quote: قريبك ده حاول شوف ليهو مبرر .. لامن ابدا ببدا بي راس الافك .. |
دكين ... خيرها في غيرها .. نشوفك ان شاء الله في لقاء العيد .. كل عام وانت بخير ..
الخاين دا الله بيني وبينو .. تطير الابرة وتقدلو عينو ..
قال الخاين الله يخونو .. استخدم صيغة الجمع يا خفيف الروح ... عشان يتفرق الدم بين الجميع ...
| |
|
|
|
|
|
|
|
|
|
Re: بورداب الرياض (الخاين الله يخونو) (Re: ودقاسم)
|
ود قاسم
ام طلال ذاتا متامرة ضدي مع العصبة ..
وكلامك فيهم ما وقع واضة … ولو ما ابو لي تبرير واعتذار صريح وفطور لحدي عندي هنا انا ده طرفي منهم (واشار الى كم فنلتة الداخلية)
ومع الاحتفاظ بمعزة وليد 399 والطالب وعوائلهم الكريمة ، ابشرك انا ما جاي المناسبة بتاعتم دي زي ما قتا لي ..
عايز اجرب اسمع كلامك ولو مرة واحدة في العمر ؟؟..
وعند المنعطف تظهر الخيل الكريمة..
والناس ديل انعطفو انعطافة شينة بالحيل..
وقول لي ام طلال ..
عرفة من بتين ؟؟
| |
|
|
|
|
|
|
|
|
|
Re: بورداب الرياض (الخاين الله يخونو) (Re: humida)
|
دكين
يادوب اخدت وضعك الطبيعي والطليعي في مجتمع الرياض وتم تسفيهك واعطائك حق قدرك
ولا اخفيك باني كنت غاية في الاندهاش انك وجدت منهم ما لا تستحقه من تقدير
ولكن ما يحيرني لما يُفعل بعمر هذا .؟
والله يا حميدة دي شهادة حلوة من نادر انك مرقت منهم في الدمام
ربنا يقدرك وتتخارج من مقص الصالحية .. صدقني ساشهد لك شهادة علي الملا يومها
| |
|
|
|
|
|
|
|
|
|
Re: بورداب الرياض (الخاين الله يخونو) (Re: DKEEN)
|
| Quote: دكين ... خيرها في غيرها .. نشوفك ان شاء الله في لقاء العيد .. كل عام وانت بخير |
يا ريس
العيد ما بعيد .. وما جاي ذاتو..
بلاي أاضام في عهدك وفي بلاطك ؟؟
ياخي انا في عهد ود قاسم الدكتاتور مافي زول اتجاوزني ..
اجي في عهدك يحقرو بي ناس قريعتي راحت ...
هسع كدي ممكن توريني منو الكان مسؤل من التبليغ في العزومة دي عشان ما تشيل وش القباحة ..
وليه ما نزلو بوست زي كل مرة ؟؟
عشان ما يجو يقدونا بي تبرير ما لقيناك وما عرفنا ليك تلفون ..
ومنو القال ليهم انو القيامة قايمة يوم الخميس ومافي طريقة لاي اعمال دنيونية تاني اعتبارا من الثلاثاء..
اشمعنا التلاتاء يعني ؟؟
اشمعنايعزمو وليد طه وانا لا؟؟
اشمعناتمبس وانا لا
حميدة وانا لا
وراق وانا لا
البقية وانا لا؟؟
ياخ حمزاوي دعوهو ..تاني فضل شنو؟؟
ممكن توريني ليه .. او ممكن تسالهم وتستفسر لي من اللجنة الداعية وتقول ليهم دكين ده الراي الابدين بيهو فيهو شنو؟؟
انا فيني شوك ياريس ياخ؟؟
| |
|
|
|
|
|
|
|
|
|
Re: بورداب الرياض (الخاين الله يخونو) (Re: DKEEN)
|
خلاص ياخوانا
انتهى الفطور وانتهى هذا البوست تبعا له..
انشالله شبعتو بس ؟؟
بورداب الرياض المرقت منكم ما كانت محرية فيكم..
الغريبة ناس الرياض كلهم جو هنا..
واحد فيهم قال انا الكلمتا الناس وما كلمتك مافي ..
يعني البوست ده مرقتوهو لي ماعندو اي فايدة..
جيت اشاكلم..
كلكم جيتو مؤازرين ..
والتهمة اترمت في مجهول .. وتحت تحت كده يقال انو الناس دي كلهاكانت بتضرب لي بعض تلفونات تحت تحت وبتتاكد من عدم حضوري..
اوغاد..
بجي الخريف..
اساسي
لقد فرط بورداب الغربية ورب الكعبة..
| |
|
|
|
|
|
|
|
|
|
Re: بورداب الرياض (الخاين الله يخونو) (Re: DKEEN)
|
دكـــين
أذيك ياود عمي
هسي الناس مهججة ومرتاحين في دنيتم دي
وياخينا ماتتضايق قدر ده أتعامل مع المسألة
دي بي عقل . بعدين شنو يعني ماعزمونا ( صدقني
الخسرانيين هم ) ونحن طبعاً حنواصل في تلفوناتنا
الاتفقنا عليها أمس ( ونشوف البضحك أخيراً منو)
بالمناسبة
أنا ياخوي معزوم عزومة خفيفونة كدة ( حنين) ماقصر
سبحان الله أحساس ساي كدة ( بال....) اتصلت بيهو سلامات
ياخينا سلامات وشيلك شيلك رمي لي المفاجأة .
قلت ليهو بالله باكر باكر فطوركم ده قال ايوة
ووعدتو أنو امش بعد الفطور لارتباطات سابقة ( مالي أي شئ)
الصراحة لله قلبي أكلني قلت كدي ياخضر أتصل علي (دكين ) أحتمال
يعزمك ووجدت ماوجدت . طلعت زول زيك وزي بورداب القيامة قامت
يعني كأنك مو من هني ( الكلامات الثلاث الاخيرة تقرأ كل واحدة براها)
بعدين يابورداب الرياض يعني فيها شنو لو كلمتونا يعني كنا حنكمل
أكلكم ولا شرابكم ولا حنشيل منكم حتة
دكين أنها الحرب ياصديقي فأنستعد ( ولاتزعل باكر بعمل ليك ولي كل
الاتضامنوا معانا فطور وحنجيب فيهو ( زول غناي بالحيل لسع مافي زول
أكتشفوا وفنانينهم يضوا ليهم) قال مايعزمونا قال .
عزاز
شكراً للتضامن يادغرية ( بين قوسين بالجد عزموكي ولا لا )
خضر
| |
|
|
|
|
|
|
|
|
|
Re: بورداب الرياض (الخاين الله يخونو) (Re: DKEEN)
|
| Quote: لِم نفسك وأمشي عديل يا ولد ما تخلينا نعض أصابع الندم إننا خلينا تعدي من الشرقية ساي ... |
تعرف يا حميدة انا لو محلك أركب أحلى طيارة لي أحلى مطار في الشرقية أو أركب أحلى قطر لي أحلى شرقية وبي الميييت كده أركب النقل الجماعي وأقووم أصل الشرقية وأقول لي نادر ده أهو انا جيت راجع الشرقية تاني كدي وريني هل ممكن أعدّي من الشرقية ساي ؟؟؟؟
الأخ بشار صقر يا ربي ؟؟؟؟؟؟؟
حاجة أستغرب !!!!!!
| |
|
|
|
|
|
|
|
|
|
Re: بورداب الرياض (الخاين الله يخونو) (Re: عبد الله عقيد)
|
Quote: دكين.. دي متلوم فيها انا.. بصراااااحة كِدا
|
ود عقيد ..
طيب اقلاها قول انا آسف..
اعتذر لهذا الخروف الاتجاهلتو ..
برر ليهو سبب تجاهلك ..
قول ليهو انك كنتا مشغول ومربوك وماعارف الصيام وهلم تبرير او تبريرين..
كضب ياخ اي كضبة عشان احتفظ بما تبقى من ماء وجهي..
ياخ الاعتذار لا ينقص من قدرك شي ..وانا استحقه على اسوا الفروض..
حتى الاسف فيني مستكترنو ؟؟
موش قتا ليك انتا كنتا قاصد بلجيكا ديك .. اتاريك من زمان قاصدني ...
خسارتك ياعقيد..
باريت العصابة..
ديل ناس مسرات وطرب ..
صدقني لو جات فزعة غيري من كسارين التلج ديل ما يفزع معاك ..
ملحوظة :
(الفزعة المشار اليها اعلاه لا تشمل اوراق النقد والديون طويلة الاجل )
بقية الخيانة ..عُــشرة تلاتة اعوام..
تلاتة اعوام من الهجيج والزيارات والونسة والاريحية..
تلاتة سنين طلعت هبوب ساي ..
هسع الواحد كان عرس كان مالو؟؟
| |
|
|
|
|
|
|
|
|
|
Re: بورداب الرياض (الخاين الله يخونو) (Re: DKEEN)
|
| Quote: قول ليهو انك كنتا مشغول ومربوك وماعارف الصيام وهلم تبرير او تبريرين.. |
يا دكين ياخي انا ما قلت ليك انا الغلطان.. اكتر من كِدا اعمل شنو؟
بعدين احدثك.. انا غلطت نفسي براااي.. بس لأني رسلت ليك رسالة
بالماسنجر يوم داك وكلمتك بس ما وقعت ليك الموضوع، وافتكرتك عارف
ولو كنت قايلك ما عارف كان كلمتك بصورة مباشرة..
خلاص!!
| |
|
|
|
|
|
|
|
|
|
Re: بورداب الرياض (الخاين الله يخونو) (Re: DKEEN)
|
يانادر ..
اخوك انا ..
مانسيتك بس حبيت افرزك من هؤلاء البياعين ..
وحبيت اشرح بيك مقتضى الحال والاحوال ..
ربما لانك الوحيد المامن بورداب الرياض هنا .. وكل الحضور غيرك فيهو شبهة خيانة ومتواطي مع سوء النية..
تخيل كل هؤلاء الذين بالاعلى شاركو في الخديعة..كما سيرد من قائمة الحضور ..
كلهم اتوني هنا وكلهم اتو هنا..
عشان تعرف أي جماعة انا بينهم .. أي عين قوية تركتني بينهم حين ابيت الجية المرة الفاتت..
ياخي بركة الما طعنوني اليوم داك ..
هذا من ناحية .. من ناحية اخرى..
قد ابلغني الجاسوس المزورع بين ظهرانيهم في احتفالهم البيهج بالحضور الباذخ لهولاء البياعين وكيف انهم غنو واحتفلو بعدم حضوري .. وجابو الكاشف خضر بشير شخصيا ..
الذين باعوني بثمن بخس ..يخس عليهم..
وقال لي فيما قال انو الحضور كان بالاضافة إلى المحتفى بهم كان كالاتي:-
ود الشيخ
تامبا
عمران والعائلة الكريمة
حمزاوي
ود قاسم والعائلة الكريمة
صديق الموج والعائلة الكريمة
وليد طه
عقيد
وراق العائلة الكريمة
حميدة
ابو وجيده
معتصم وشتات
وناس تانين ما معرف لهم اسم ولا معنى ولا تاريخ في البورد ..
نكرات ساي..
كلهم مروا من هناك وشاركو في الخديعة هنا..
والغربية عمر الفاروق كان معاهم
عمر الاتوجعت ليهو اكتر من وجعتي في عدم عزومتي..
عمر الانا كنتا براهن عليهو ..
عمر الذي ...
عمر الفاروق يانادر ما نصرني حين خذلني البقية ..
اشتروهو بثمن بخس .. يخس
| |
|
|
|
|
|
|
|
|
|
Re: بورداب الرياض (الخاين الله يخونو) (Re: DKEEN)
|
وازيدك من الشعر بيوت يا نادر
الادهى والامر شنو..
انو القعدة دي استرجلت في هذا اليوم الفجائي والصعب عشان في نفرين مسافرين بكره اظنو وخايفين تفوتم القعدة قامو كلفتو وليد 399 وود الطالب..
يعني القعدة دي استعجلوها عشان الشخوص المسافرة ..
قاموا بلا خجلة فصلوها ليهم على قدر مساحات زمنم وقدر تفاصيل مزاجم ..
يعني القعدة ما كانت من اجل خاطر عيون المحتفى بهم بقدر ما كانت من اجل خاطر المسافرين..
لانو زمنهم ما بسمح ليهم بالتواجد لي قدام قامو كتلو دش زمني وزمن المحتفى بهم ..
لانو زمنهم اهم من زمني ومن بقية ازمان البورداب قامو استولو على الزمن الكامل المتاح لهم ولنا لصالح زمنهم الخاص ..
لانو زمنهم ضيق مافي داعي للتفكير في بقية الازمان ..
بهم يبتدي الزمان وعندهم ينتهي ..
يعني هسع ود الطالب ووليد قايلين نفسهم محتفى بهم بينما هم كانو جزء من منظومة احتفال شخصي لاتنين مسافرين..
واحد فيهم قبل كده استولى على جائزتي ومنحها لحسناء مقيمة ..
وهسع استولى على زمني ومنحه لنفسة..
زول قادر مقتدر كما هو واضح .. يستولى على كل شي يريد..
زول بصلاحيات الهة...
..
رد الله غربتهم .. وكتب لهم السلامة اينما حلو ارتحلو.. ومبروك مقدما لاحدهم لانو ماشي يقابل القرمصيص والكبرتة ..
حيكون تحت رحمة الدلكة بعد شهر او اقل..عيني باردة..
..
هسع بجي راجع العريس وبسوا ليهو حفلة وهجيج ..
وعمر الفطيسة ده ما حيسووا ليهو سجم رمادو ..
لكن الخلا ولا رفقاء الفسالة ..
| |
|
|
|
|
|
|
|
|
|
Re: بورداب الرياض (الخاين الله يخونو) (Re: DKEEN)
|
Quote: والغربية عمر الفاروق كان معاهم
عمر الاتوجعت ليهو اكتر من وجعتي في عدم عزومتي..
عمر الانا كنتا براهن عليهو ..
عمر الذي ...
عمر الفاروق يانادر ما نصرني حين خذلني البقية ..
اشتروهو بثمن بخس .. يخس |
هي لكن يا دكين اللعين إنت عمر الفاروق ريحتو ؟؟؟
ما أديتوا محاضرة الأسبوع وخطبة الجمعة ومعلقة عمر وإبن زيدون وإبن بيضون والموشحات و و و و و و و و و و..
بعدين يا أخوي الحكاية تحت تحت كده جابت ليها طلاق وكان ما جينا كان خربنا بيوت !!!
تخريمة :
بركة الما جيت زاتو كان ت بااااااااااااااايخة وتمبس بقا سمين زاتو 
| |
|
|
|
|
|
|
|
|
|
Re: بورداب الرياض (الخاين الله يخونو) (Re: DKEEN)
|
وأنكشف المستور
طيب السؤال الذي يبقي في محله ولايتزعزع قيد ( ذراع)
أستلبونا العروبيين ديل ولا شنو يادكين . المهم نرجع
للسؤال
.
طيب النفرين مسافرين باكر ديل يعني ماحيوحشونا ولا شنو
مابنعرف نوادع الناس نحنا أشمعني بس أنا ودكين ده
ماكل مرة ياتمبس ومعتصم كنتو بتتصلوا شن جد علي المخدة
غايتو الحضور ديل كلهم علي الايمان بس عشان عائلة واحدة
يكرمو الخموم والرموم (الخموم والرموم) مفردة شائعة جداً
في سودانا العاجبنا ( لي ده ماتتضايقوا ياخموم) عادي يعني
نحنا عديل كدة القصة دي حارقانا حارقانا جداً ( وأنا وأبن عمي
علي بورداب الرياض ) وأستعدوا .
الحاجة التانية العريس الفرحان داك الاسموا وليد والضلامي التاني
أبور زقة موقفهم شنو لامين يعرفوا أنهم كانو ( تمومة جرتق)
دكين
أشعلها
أساسي
أنت وينك ووين
رمضان كريم جداً
خضر
| |
|
|
|
|
|
|
|
|
|
Re: بورداب الرياض (الخاين الله يخونو) (Re: garjah)
|
Quote: اساسي
لقد فرط بورداب الغربية ورب الكعبة.. |
بورداب الغربية ما بعرفهم
لكن ..
امانة في زمتك
تنصح لينا الجنا ما يسمع لي ترباس
وخاصة اغنية راعي حرماني وارعي فارق السن
وخلي يركز علي اغنية بقلبيك تقول لي مافي مجال
يا خضر
والله قاعد بس الايام دي تغيان شوية ومركب مكنة عريس
ومظلل ورافع القزاز
لكن انت ومتعصم دا راجين لمن يخطبوكم يا دونجوانات.!
| |
|
|
|
|
|
|
|
|
|
Re: بورداب الرياض (الخاين الله يخونو) (Re: خضر حسين خليل)
|
Quote: طيب النفرين مسافرين باكر ديل يعني ماحيوحشونا ولا شنو
مابنعرف نوادع الناس نحنا أشمعني بس أنا ودكين ده |
الله يفتح عليك ..
اهو ده بالضبط الكان حاصل يا خدوري
كان هناك حفلة اسمها حفل وداع نفرين..
وليس حفل استقبال عرسان متجددين..
واستنادا على ما توفر من بينات.. اها بعد ده نقوم نلوم ليك ناس وليد 399 وود الطالب لانهم ما عزمونا حفلة الوداع المعنية ..
الذ شي لامن تكون قاعد في هلمةومتخليل الهلمة دي كلها عشانك بينما انت فيها مجرد هلام..
وود الطالب جاي يقول لي (زي العروس البتزغرد في يوم عرسها)
عرس شنو ياخوي ..
هو كان عرسك ؟؟
ده كان وداع العرسان يا بيضتي...
| |
|
|
|
|
|
|
|
|
|
Re: بورداب الرياض (الخاين الله يخونو) (Re: DKEEN)
|
اخوي ديكن انت مش براك المطنشنك
انا برضوا طنشوني ( مؤامرة محاكة بدقة )
وبطلها ( هناي داك )
ولكن اخوك كان نضيج وقام طب عليهم في حفلتهم
و اتصل بي علشان اوريك كانوا بيعملوا في شنو
مش دي حقارة راسها عديل .. مش كدة
| |
|
|
|
|
|
|
|
|
|
Re: بورداب الرياض ) (Re: ghariba)
|
دكين
دبايوا
| Quote: (الخاين الله يخونو |
هذه العبارة خطأ كبير يقع فيه الكثيرون ارجو ان تسحبها وتطلب من الاخ بكرى
باللغاء البوست كيف تطلب من الله ان يكون خائنا والعياذ بالله.
هذه نصيحة منى اخى ارجو ان تتقبلها بصدر رهب وتستغفر على خطأك غير المقصود
ان شاء الله.
| |
|
|
|
|
|
|
|
|
|
Re: بورداب الرياض ) (Re: هاشم نوريت)
|
نوريت
كتيوا
استغفر الله العظيم عدد خلقة
انما المقاصد بالنوايا...
ومع ذلك لو عندك طريقة تغيرها خير وبركة ..انا ما عندي مانع..
انا بصراحة دخلتك المهذبة دي عجبتني ..
| |
|
|
|
|
|
|
|
|
 Re: بورداب الرياض (الخاين الله يخونو) (Re: أحمد الشايقي)
|
Quote: قامو كلفتو وليد 399 وود الطالب..
يعني القعدة دي استعجلوها عشان الشخوص المسافرة ..
قاموا بلا خجلة فصلوها ليهم على قدر مساحات زمنم وقدر تفاصيل مزاجم .. |
ايوااااااااا..
وانا اقول الحاصل شنو
لا احم لا دستور ولا حتى اعلان..
خلاص ولا تزعل يا دكوني ..
حفلتي الجاية عليك في العيد من هسع ..
والله زعلك ما بنرضاهو ابداً ..
سيبك من بورداب الرياض ديل
زي ما قالوا مهمشنك ..
ما تشتغل بيهم كثير
وبهذا اقفل المحضر في مكانه وتاريخه ..
.
.
.
رفعت الجسلة
| |
|
|
|
|
|
|
|
|
|
Re: بورداب الرياض (الخاين الله يخونو) (Re: alsngaq)
|
دكين..
خيرها في غيرها
بس بالمناسبة..
سألت عن تليفونك من أول النهار..
بعد ما أنا إتصلت على بعض شخصيات بوردابية مرموقة زيك كده..
ولكن كلهم قالوا دكين ... الله يقطع سنين التكنولوجيا..
على العموم.. إتعذر علينا الإتصال بيك..
وأثناء ساعات الإفطار..
طلبنا الإ تصال بيك..
وكنت بحلف عليك طلاق..
بس..
والآن..
وبعد ما أنا أطلعت على حيثيات الإشكال الموضح في هذا البوست ..
من طرفي نزاعها أعلاه، وبعد سماع الدعوى والدراسة التأمل والمداولة بيني وبين نفسي..
أصدرت بذات الشأن حكماً حضورياً وغيابياً بالتالي:
تلبية دعوة الريس..
لزوم الشرح والتبيان..
لكل المجموعة التي تعذر على البورداب الإتصال بيها..
بس لعلمك..
أنا غايتو بلغت الجماعة بعمل بوست..
وعشان يمرقو منها..
لكن يا دكين في ناس كده ..
قالوا لي أنت ووليـ399ـد المحتفى بيكم..
يعني ..
كان منظري بيكون زي ...
العروس بالتزغرد في يوم حفلتها...
موش حاجة غريبة..
| |
|
|
|
|
|
|
|
|
|
Re: بورداب الرياض (الخاين الله يخونو) (Re: DKEEN)
|
Quote: اوووب عليي اوووب عليي اوووب عليي البكي مابجيبو ليي
|
وليد شريف الله يجازي محنك..
ما تدردقني تاني ..
انا المرة الفاتت سمعوني فارغة حين اتوني الثعالب في ثياب الواعظين..
ما تفسح في اخوك ..وخوك اتفسحو فيهو حين قال الحق والكلام السمح ..
عزومتك بتين؟؟
| |
|
|
|
|
|
|
|
|
|
Re: بورداب الرياض (الخاين الله يخونو) (Re: DKEEN)
|
قرجة ..
احسبك لم تكن من المفرطين..
راجع اساسي في هذا الشأن فانه يدعي شرفا لم ينله.. او ظني به كذلك..
اساسي..
لقد فات الاوان يا عزيزي..
لقد سلك الوافد مسلكا وعرا ..
الرياض ناسهم ماهلين وبالهم سلبة... واخشى اني رايت اعينهم قد برقت يومئذ ..
وقدحت حوافر خيولهم بما ليس يقال..
غريبة..
اها النفتو ليك عدييييييل
الناس ديل بصراحة عندهم فينا راي ..
اها انتا مؤتمر وطني انا مالي؟؟
الشايقي ..
انتا برضو تجاوزولك..
والله ماليهم حق ..
اصلا حفلة انتا مافيها دي حرم ما حبابا ..
وظني الجماعة ديل ما بي صحهم..
زول بقامتك يتم تجاهلة معناتا هنالك خلل في صيام الجماعة ديل..
يا خوانا يومكم داك قضوهو ..
قضوهو غفر الله لكم..
| |
|
|
|
|
|
|
|
|
|
Re: بورداب الرياض (الخاين الله يخونو) (Re: DKEEN)
|
هسع عليكم الله بعد هرطقة صباح دي تاني معقولة امشي افكر ارتبط بي كائن من نفس الجنس والفصيلة ؟!
تاني كان امارس الانقسام الثنائي البسيط .. ماداير مع كائن حي عندو نفس عدد كروزومات صباح دي..
انتي يا صباح تهزي قناعات إله في ما خلقه واستخلفه على ارضه .. خليكي من قناعاتي انا فيما لم اخلقه ..
ليه بتعولقي نفسك وقد سواك بأري النسمات زيك زي غيرك؟
اي ريحٍ هبيلةٍ القت مافيها فسقطتِ عنها؟!
| |
|
|
|
|
|
|
|
|
|
Re: بورداب الرياض (الخاين الله يخونو) (Re: DKEEN)
|
خدر اخوي ..
مع انو القاعدة الذهبية هنا
(لا تصالح ولو منحوك الذهب..)
مع ذلك الريس ما قصر .. وعمل لينا يوم مفتوح ..وتصريح مفتوح برضو..
قال تجو تاكلو من الصباح لحدي ما تقولو بس..
قتا ليهو من الصباح يابو عدي ؟
قال لي حرم من تصبح وانا صيامك ذاتو بقضي ليكم..
ود الباوقة ..
دي المحرية فيك .. كفو واخو اخوان..
| |
|
|
|
|
|
|
|
|
|
Re: بورداب الرياض (الخاين الله يخونو) (Re: DKEEN)
|
يلا يابقيةة العوائل شدوا حيلكم
والله نحنا لسة زعلانيين
تشكر ياود الباوقة يااصيل
دكين سنصالح ياصديقي لانهم منحونا ( العضة)
والله مامتخيلك حترضي سريع كدة ياخينا مابتعرف تفاوض ( كلو كلو)
خضر
| |
|
|
|
|
|
|
|
|
|
|
Re: بورداب الرياض (الخاين الله يخونو) (Re: DKEEN)
|
حدد يا وليد اليوم والتاريخ ونوع الخروف العايزو ..
وود الباوقة جاهز ..
حرم قريبك اخو اخوان ..
امس شايفو حايم في سوق الغنم ..
انا غايتو قتا ليهو نص تيس ..
خضر قال نص نعيمي..
غزالة قالت النعيمي ريحتو معفنة ما بطبخو ..
ام عدي قالت سواكني عشان نستملح الباقي بعد دكين يفوت..
زيما شايف الجماعة جاهزين ..
انتا كيف؟
| |
|
|
|
|
|
|
|
|
|
Re: بورداب الرياض (الخاين الله يخونو) (Re: DKEEN)
|
جايين جايين بال... وضربة الناس المهابة
ود الباوقة جهز متاريسك فنحن قادمون
يرجي عدم أصطحاب
1/ الاطفال
2/ أي زول حضر حفلة النفرين السافروا
3/ ظلاميي المنبر ( نريدها ليلة مباركة)
4/ ..............
الكلام ليك يادكين وياوليد شريف
ملحوظة
حتي الان لم نتلقي اي دعوة رسمية ( فاهمني يادكين)
خضر
| |
|
|
|
|
|
|
|
|
|
Re: بورداب الرياض (الخاين الله يخونو) (Re: ghariba)
|
غريبة
تحياتي الحارة ورمضان كريم
الشروط اعلاه واضحة وانت ياسيدي مرحبتين حبابك والجابك يجيب عقابك
بعدين ( العضة") نخليها مفتوحة عشان مانهجم ود الباوقة ( شكلو هو
زاتو زاغ من الموضوع) وقدر مانلمح ليهو انو يتصل . عامل فيها مشغول
( ورافع القزاز) .
دكين ياخي ماتقول للزول ده يتصل عشان يوريني الوصف اقلاها
خضر
| |
|
|
|
|
|
|
|
|
|
Re: بورداب الرياض (الخاين الله يخونو) (Re: خضر حسين خليل)
|
Quote: نخليها مفتوحة عشان مانهجم ود الباوقة ( شكلو هو
زاتو زاغ من الموضوع) وقدر مانلمح ليهو انو يتصل . عامل فيها مشغول
( ورافع القزاز) . |
يا جماعة انا كلمتي واحدة .. حاولت الاتصال بالاخ احمد الشايقي على تلفونه بالمكتب ليلا ولكن لم يرد ربما كان دوامه لفترة واحدة عليه ارجو من الاخوة المذكورين ادناه الاتصال على جوالي بغرض اتمام مراسم وجبة الافطار وتأكيد الحضور .. وهم ..
1-احمد الشايقي
2- خضر حسن
3- دكــين
نرجو عدم اصطحاب الاطفال دون العاشرة ...
الرقم ... 0504132372
سارعوا بالاتصال حتى تنعموا بافطار شهي ....
اخوكم ود الباوقة
| |
|
|
|
|
|
|
|
|
|
Re: بورداب الرياض (الخاين الله يخونو) (Re: 3mk-Tango)
|
الاخ نادر
لك التحيه ولمريم مثلها
وكل عام وانتما بالف خير
وربنا يحقق امنياتكم...
عزيزى نادر كتبت :
Quote: ... مهملنك وعاملين حفلة للطالب؟؟؟!!!!!!!!! دنيا فرندقس ...
|
عفوا اخى نادر ولكن فقط اريد ان فهم ماذا تقصد بذلك؟
ولك الود
| |
|
|
|
|
|
|
|
|
|
Re: بورداب الرياض (الخاين الله يخونو) (Re: DKEEN)
|
الأخ الريّـس عـمـر محمد عبد القادر
ود الباوقـة,
لك خالص تحياتي,
دعـوتكم والجلوس إليكم أغلى أمانينـا وقد طوقتنا ووصلـت تـب,
ولك الشـكر مقدمـاً عليها, معليش المكتـب , طول اليوم بقاعـة الاجتماعات, ما قعدت فيـه من أول يوم في رمضـان,
إن شاء الله تعالى يوم الثلاثاء متـوجـه إلى صـنـعـاء وبالتالي, فهـذا اعتذاري مقدمـاً , وعسـى الله يكرم بلقـاءات معكـم لاحقـة,
خالص تحياتي,
| |
|
|
|
|
|
|
|
| |
tmbis
humida
ودقاسم
إسماعيل وراق
اساسي
معتصم دفع الله
خضر حسين خليل
عمر الفاروق
عبد الله عقيد
garjah
ghariba
هاشم نوريت
أحمد الشايقي
waleedi399
alsngaq
A.Razek Althalib
mohamed elshiekh
فيس بوك
تويتر
انستقرام
يوتيوب
بنتيريست