|
|
 اللهم ارحــم دكــين ..
|
السلام عليكم ورحمة الله وبركاته
الرحمة هى صفة من صفات الخالق سبحانه وتعالى (الرحيم)
ينزلها على من يشاء ويمسكها عن من يشاء..وهى ايضاً
سبب لدخول العبد العاصى الجنة... حتى العبد المؤمن
التقى العاكف فى العبادة يحتاج ايضاًفى دخول الجنة الى
رحمة الله ...
وحين اطلب الرحمة لدكين اطلبها له وهو حى يرزق ..اطلبها له
بعد ان لم يسرنى حاله اثر النكبات التى المت به..فهاهو
اليوم يعرض عليكم شراء كمبيوتره وجواله (الموتوريلا)
بمواصفات لا يكفى الزمن لذكرها وستعلن فى وقت لاحق وسوف
يكون هنالك مزاد كبير لعرض مقتنياته...
هاهو ذا ضلع الدين وغلبة الرجال..يضطر دكين الى هجر
عالمنا الافتراضي ببيع الوسائل الوحيدة للتواصل....
اقول له لا يادكين لا..لا تفعلها فرحمة الله واسعة..
اللهم ارحم دكين....آمين
دعواتكم اخوانى..
يتبع..
|
|
 
|
|
|
|
|
|
|
|
Re: اللهم ارحــم دكــين .. (Re: walid taha)
|
بالله يا وليد هو دكين يا دوب حيبيع كمبيوتره وجواله ..؟
بالمناسبة انا بعت كمبيوتري وجوالي وزمتي
الان انا فارش مبادئي للبيدفع اكتر
قول ليهو اساسي بيحسدك عديل كدا قدرت تحافظ علي
جوالك وكمبيوترك الوقت دا كله.؟
انحنا الان في مرحلة بيع حاجات الاخرين
حتي الاخرين انفسهم مستعدين نبيعهم بس نلقي مشترين جادين
او غير جادين بس بيدفعوا
والبدل مقبول
| |
|
|
|
|
|
|
|
|
|
Re: اللهم ارحــم دكــين .. (Re: ابو جهينة)
|
لكن تعرف يا وليد ...
زي ما قال ليك ابو جهينة دا العنوان دا بيخوف
اسع دكين دا كان في زول من بيتهم لمح العنوان
او واحد من قرايبه
او الغالية زاتها شافت العنوان
ولظروف ما قدر يدخل الموضوع جوة يشوف المتورلا و الابل
المطلوب فيهم الرحمة ... الولد دا ما جهجهت باكات اهله
وخليت دفاعاته مكشوفة ... ورزه حرقان..؟؟
| |
|
|
|
|
|
|
|
|
|
Re: اللهم ارحــم دكــين .. (Re: ابو جهينة)
|
الأخ / وليد طه
تحياتي
يا اخي والله رحمة الله للحي و الميت ، لكن عنوانك ده عاوز تجننا بيه ، دكين راجل عسل و نسأل الله لهم الرحمة والمغفرة حيا.
الصادق خليفة
| |
|
|
|
|
|
|
|
|
|
Re: اللهم ارحــم دكــين .. (Re: الصادق خليفة)
|
الصادق خليفة ازيك..
انا ذاتى لمن شفت العنوان والناس الجاية جارية للفاتحةجاتنى خوفة..والليل كلو ما نمت..
بسم الله جن شنو كمان..
سلام
________
صديق الموج يا مرح معليش ياخى لو اتخلعتا انت لسه ما شفت دكين
...وبدل الخلعة تاخدو منو لمن تلقاهو..
طبعاً لو مافى زول اشترى كرورو ده بتلقاهو فى الحراج..
الرحمة برضو حلوة ..
اظهر يا موج
سلام
| |
|
|
|
|
|
|
|
|
|
Re: اللهم ارحــم دكــين .. (Re: اساسي)
|
اساسي ازيك...
| Quote: انا فارش مبادئي للبيدفع اكتر |
دى طبعاً لحدى هسه دكين ماأظن فكر فيها ..
احتمال تحصل لكن فى الاصدار القادم : اللهم ارحم دكين2
قول يا الله
سلام
| |
|
|
|
|
|
|
|
|
|
Re: اللهم ارحــم دكــين .. (Re: walid taha)
|
ورميت راسي في يدي ***** ما تنفع الشكوى وشعرك جف بالشعر الخيال
بنتيوم فور تمانين قيقا
رام 256
فاكس مودم 56
سرعة 2000
شاشة 17 بوصة فلات رون.. ليها شرف ان ظهرت عليها تلاتة من اجمل البوردابيات قبل كده ..
+ سي دي لاآلام المسيح من جزئين ..
مستند ويرد من 538 صفحة لسطور طويلة جدا من القلق والبوستات واحاديث توجهت لاصدقاء واخرى كانت قيد الارسال ..
كما ويسعدني جدا ان اعرض الميسنجر الاصدار السادس بمن عليه من اصدقاء ..
فانا قد استوحدت ..
ولا احتاجني لاحد..
جميع الاصدقاء المعروضين لهذا المزاد على ظهر الميسنجر تم اختيارهم بدقة متصورة وتدقيق وافي..
كاملي الراي والمشورة..
اقلهم يعتبر مكسب لي عشرين زيكم ..
كثيرون منهم يستطيعون ان يضئيو فؤادكم وبعضهم قد يغير في نظام الاشياء حولكم..
فيهم اخوة اعزاء ..
زملاء دفاع شعبي ..
اصدقاء يدرسون ما خفي من علم المكانيكا في جامعات الفرنجة في بورت سموث..
اصدقاء افتراضيون من سودانيزاون لاين..
بوردابيات اختفين في جنح الظلام إثر تهديداتٍ خواء ..
وبودابيون مقيمون يسهرون على هذا العالم المكلِف المتكلف ..
ليس بينهم من هو مدان او مصاب في عقيدته ..
ليس فيهم نمام او بهات او من ياكل لحم الناس ميتا فتكرهونه ..
ليس فيهم من يدعي المعزة علينا ويقسم بانه خارج ثم يعود ..
ــــــــــــــــــــــــــــــــــــــــــــــــــــــــــــــــــــــــــــ
جوال ( موبايل ) موتورلا T720
ضمان ساري
قائمة طويلة من اصدقاء ميسوري الحال في ذاكرة العناوين ..
قلة من صعاليك الخرطوم ..
صديق لاافضله عليكم من حي العرب ... واخر من اطراف بحري التقيته قبل عشر سنين خلت ..
بوردابيان ..
حبيبتان احداهما من شمبات ..
وحبيبة اخرى على جوال اينما كانت تدركها وتدركك.
شاحن وسماعة اضان..
كلهم الان في محك المال ..
ومعتذرا عن وجودي بينهم ازايد عليهم ببيع من يزيد ..
| |
|
|
|
|
|
|
|
|
|
Re: اللهم ارحــم دكــين .. (Re: DKEEN)
|
Quote: جميع الاصدقاء المعروضين لهذا المزاد على ظهر الميسنجر تم اختيارهم بدقة متصورة وتدقيق وافي..
كاملي الراي والمشورة..
كثيرون منهم يستطيعون ان يضئيو فؤادكم وبعضهم قد يغير في نظام الاشياء حولكم..
اصدقاء افتراضيون من سودانيزاون لاين..
بوردابيات اختفين في جنح الظلام إثر تهديداتٍ خواء ..
ليس بينهم من هو مدان او مصاب في عقيدته ..
ليس فيهم نمام او بهات او من ياكل لحم الناس ميتا فتكرهونه .. |
انا بشتري المعروض اعلاة يا دكين بالسعر الشامل - الذي تقدره - على ان تحتفظ بجهازك
شرط ان تضيف عنوانك للماسنجر ...
اما الجوال فأتركه لصاحب نصيب اخر
اذ ليس من شيمتنا احتكار الجمال ... و الضياء
| |
|
|
|
|
|
|
|
|
|
Re: اللهم ارحــم دكــين .. (Re: walid taha)
|
تعرف يا دكين ، ما بطمع أكون من النوع الخطيرين ديل
Quote:
كثيرون منهم يستطيعون ان يضئيو فؤادكم وبعضهم قد يغير في نظام الاشياء حولكم..
|
ولكن أتمنى أن أكون من زمرة هؤلاء .. على الأقل
Quote:
اصدقاء افتراضيون من سودانيزاون لاين..
|
لأنك تعرف ، اينما يممنا وجوهنا صوبك بوستاتك فثم جمال وثم إبهار
بس عندي طلب ، لو قررت أو عدلت في فكرة بيع الجوال ، أو شراء جمال افتراضي تاني بلاهي ضمني في ( شريحة ) قلبك الجديد
ويا خي أركز شوية ، أنا الآن على مرمى ثلاثة ( كلكات ) وشفت واحد سأغادر عالم الوطن الإفتراضي هذا ربما في طلاق بائنٍ بالإكراه .. شفت الظروف دي كيف ..
وزي ما قالت ليك راوية ( أمشي )
رحمابي
| |
|
|
|
|
|
|
|
|
|
Re: اللهم ارحــم دكــين .. (Re: ميادة)
|
يادكين ...ياود(الهمك) القبالة (إرث) ياحفيد الفيل
اولاد حلتك ياكلوا الجمر ويتموا الناقصة ويذيدو المليانه ...
(وسوق السير) كله فداك ..
جيئت دامعا لارفع الفاتحة ...وضحكت!! ... ووقعت الفاتحة مع موسيقي الجوال .. جوال + بي سي + اصدقاء + قلوب .. كمان (حبيبتان) ده قلب ام لوكنده!
والله لن اشترك معك في هذه الخيانه .. لانك خلطت (الهاردوير) مع (القلوب) ..
زمان خيرتني الحبيبة بينها وبين الكمبيوتر المدلل في غرفة النوم
وخرج الكمبيوتر من دون رجعة ..وبقيت الحبيبة..
وتاتي انت يامرحوم وتخرج (الحبيبة والكمبيوتر)؟؟!!
انك تحتاج الي فحص دوري للقلب اهو موجود اثاثا ام لا؟؟
يااخوان ...الفاتحة
| |
|
|
|
|
|
|
|
|
|
Re: اللهم ارحــم دكــين .. (Re: walid taha)
|
دكين
يا رجلا شيمته الفقر ،،
دكين
ما إنت دائما ياهو حالك ،، من يوم ما شفناك وإنت كده ،، ورحمة الله يا دكين عايزة الزول يمشي ليها ،،
اتصل بتمبس يديك شوية أوراد وبعض موسيقى علها تقربك من رحمة الله ،،
| |
|
|
|
|
|
|
|
|
|
Re: اللهم ارحــم دكــين .. (Re: walid taha)
|
وللسادة المقيمين في غرب اروبا وشرق اسيا وامريكا الشمالية وحوض المتوسط فان تكاليف شحن الجهاز تضاف إلى القيمة ..
بقية دول العالم باستثناء امريكا الجنوبية اتكفل انا بقيمة الشحن ..
الاخوة الاعزاء في امريكا الجنوبية لا يحق لهم الدخول في هذا المزاد ..
لان اصل وجودهم بهذا البورد من اعمال الخطأ ..
كيف الواحد يكون قاعد في المكسيك مثلا ويمشى يخلي الجكس المكسيكي ( الهمر ) ويجي يتكل في عالم وهمي من الحروف لونو بين الاخضر والبني .
المراسلات الغير افتراضية عن طريق وكيل المرحوم السيد وليد طه ..
وبالمناسبة وليد انا علاقتي بيهو محض غلطة..
ودوما كان يلازمني يقين بانو ما بينا لن يطول وان ما بيننا لا علاقة له بالصداقة وانما تداعيات غربة ليست إلا ..
وذي ما قال اطيب صالح ( أي ثمن باهظيدفعه الانسان ليعرف حقيقة الاشياء )
تنتهي علاقتي بالمذكور اعلاه فور انتهاء المزاد ولن تقبل أي مطالبات مالية اواخلاقية تجاه االمشار اليه بعد اسبوع من نهاية المزاد ..
ممنوع اصطحاب الاطفال عند أي عرض لمحتويات الجهاز.
| |
|
|
|
|
|
|
|
|
|
Re: اللهم ارحــم دكــين .. (Re: DKEEN)
|
| Quote: وبالمناسبة وليد انا علاقتي بيهو محض غلطة.. |
غلطة كانت غرامى بيك..
| Quote: ودوما كان يلازمني يقين بانو ما بينا لن يطول وان ما بيننا لا علاقة له بالصداقة وانما تداعيات غربة ليست إلا .. |
اتذكر يوم جئتنا كثيف الذقن فى شتاء قارص البرد لا تملك من الدنيا
الا قليل من العمل الصالح لا تحمل لناالا حباً فى الجيب الخلفى..
عشيناك وبعد كده اكتشفنا اننا للاسف بنحبك ..
كانت غلطة اها متواصلة لحدى هسى...
| Quote: وللسادة المقيمين في غرب اروبا وشرق اسيا وامريكا الشمالية وحوض المتوسط فان تكاليف شحن الجهاز تضاف إلى القيمة .. |
الارضية ماتنساها يا دكين..
أمشى
| |
|
|
|
|
|
|
|
|
|
Re: اللهم ارحــم دكــين .. (Re: walid taha)
|
Quote: اتذكر يوم جئتنا كثيف الذقن فى شتاء قارص البرد لا تملك من الدنيا
الا قليل من العمل الصالح لا تحمل لناالا حباً فى الجيب الخلفى..
عشيناك وبعد كده اكتشفنا اننا للاسف بنحبك ..
كانت غلطة اها متواصلة لحدى هسى...
|
جاكم من افغانستان هو ولا شنو يا وليد..؟
| |
|
|
|
|
|
|
|
|
|
Re: اللهم ارحــم دكــين .. (Re: walid taha)
|
تم قبول العرض المقدم من الاخ ملاسي ..
بس بدون شروط... ومسالة ضياء الفؤاد وبوردابيات الظلام التي قرض عليها ليست مسؤليتي لو ما جابت حقها ..
وانما امر هذا الضياء أن يقول له الله كن فيضي ..
وحتة الضلام دي ملاسي وامكانياتو بقى ....
يا وداها الضلام يا ضوت ليهو وانكشف امره ..
رحمابي
انت معفي تماما م هذا المزاد .. وعروضك أي كان غير مقبولة..
هذا العرض للغوغاء فقط كما ترى ولجماعة البورداباب..
انتا وقلة محظوظة مكانكم مناطق الخريف ومراتع الفراش ..
انتا ياخوي قاعد مظلمة ..
وانا لايمكنني بحال تحمل أي نتائج سلبية تصيبك جراء اشياء تخصني ..
واوعدك لو انني تتطورت قليلا وبقيت شي مقبول بتكون انتا من اوائل الذين احادثهم ..
ولو انا عندي وليدات ذي وليداتك ما عاينت قط في مونيتور او ضيعت زمني مع مواهيم هذا العالم
متعك الله بالعافية وجعلهم قرة اعين والديهم ..
ولكم يؤسفني اني ما قدرتا الاقيك واعرفكم خلال مرحلة الانسان الكنتا بعيشها .
ميادة
تقبل الله منا ومنكم صالح الدعوات .. والله لا وراكي عوجة وضيقة ..
ودمتي يحفظك الله .
ود قاسم لا اذكر سببا محددا لهذا الضنك الذي اصابني مؤخرا ..
ولكني موقن بان الزيادة في المعارف غير المفيدين الذين يقودون شفرليتات اخر موديل من ضمن اسباب الكُج ..
زماااااان لامن جيناك شربنا معاك الشاي المدنكل و قنا ليك شوف لينا رحمة مستورة حال ..ووارثة ..كنتا بتتثاءب ولا سرحان؟؟
جاي هسي تقول لي امشي لي الرحمة ..امشي ليها وين الرياض كلها بقت متاريس ؟؟
وهسع ما فات شي .. كدي بلاي شوف لي اخوك رحمة كده موديل 80 وانتا طالع
كشافات نيون..
تنده عالية ..
سلندرين بس ..كطرازنا الاول
دخاخينا تكون في السما ..
براند نيو ..
براند نيو دي لو صعبة خليها استعمال خفيف ..
حسن الملك
من يوم أن خرجت من ذلك الديوان عند ذلك النيل طرف ذلك الجدول تحت تلك النخلات ..
وانا خارج عن القطيع..
واولاد حلتنا الان لا ياكلون سوى السحت ويطففو في الميزان ..
تلك كان ايام حمد الملك وحمد الفيل ....
غفر الله لهم فإنا قد ورثنا الاسماء عنهم ..
وصدقني يا ود الملك ان تبيع محبوبتك خير لك من أن تبيعك المحبوبة ..
ابو قوتا
من مده النسيم خلاني تب مابيني
ماسنجر المريود قافل زمان ما بجيني
الودر علي زولي والبعرفو قريني
انا العيشة التشريد بجيها كان تديني
قد دللتا الجميع وبرضو ما مكفيني
رايوة ...
يبدو اني ماشي ُقدما في بيع مااملك .... وما لااملك
املاكي طرفكم في خطر عظيم ..
ابقى عشرة ودسدسي البتقدري عليهو ..
ـــــــــــــــــــــــــــــــــــــــــــــــ
دكين لا يتحمل تبعات أي شروخ نفسية متولده عن اعمال هذا المزاد ..
ونسال الله السلامة
| |
|
|
|
|
|
|
|
|
|
Re: اللهم ارحــم دكــين .. (Re: walid taha)
|
وليد اخوي
عنوانك يجنن الفاااااااااااااااتحه
انت من أندنا ولا شنو
دكين الفقران
ما سمعت فنان الحقيبه قال شنو
يا . . . . باع فينا واشترى
يا بدور القلعة وجوهرة
يا جنى همك
حراج بن قاسم قريب (عفوا دفعتي ودقاسم الاسم محفوظ لاسياده العركيين)
دكين أخوي
تكوع شايلنو جماعة
| |
|
|
|
|
|
|
|
|
|
Re: اللهم ارحــم دكــين .. (Re: walid taha)
|
الأعزاء والأحباب
وأنا أزاود على مراويد ذاته
أقبل البائع وما ملك، ومعه مراويد أيضا
ولهم جميعا أن بحددوا المقابل، بدءا بكل المحبة، وإنتهاء بكل العمر
أنا يا دكين من محبيك المجاذيب، حقيقة وخيالا، وكيف للمحب أن يبخل بما يملك، ليحوز على من يحب
فيا دكين لك كل ما فينا من ود ومعزة
وأظن أن دعوة أخينا وليد طه، نابعة ايضا من ذات المكمن، المحبة
| |
|
|
|
|
|
|
|
|
 Re: اللهم ارحــم دكــين .. (Re: THE RAIN)
|
| Quote: تم قبول العرض المقدم من الاخ ملاسي .. |
Quote: رحمابي
انت معفي تماما م هذا المزاد .. وعروضك أي كان غير مقبولة..
هذا العرض للغوغاء فقط كما ترى ولجماعة البورداباب |
in which category does mallassi fall
 just wonder
| |
|
|
|
|
|
|
|
|
|
Re: اللهم ارحــم دكــين .. (Re: walid taha)
|
ابو جهينة
اسعدك الله مساءك بكل الخير
لكم اسعدني انك سمعتا هذا الناعي فارغة ..
عندنا يسمون مثل هذا الرجل (كوبدر)
وهو الساعي بين الناس بخبر شؤم ...
ويسعدني تبرعك السخي بالف ريال حتى تستعدل الامور حسب قولك...
خلي ود قاسم اليبقى راجل زيك ويخت الف زيها ...طبعا دي حركة ما بعملها زول شراب روب ساي ذي ود قاسم ..
المطر
اي غيمة جميلة اتت بك الى هنا ..
حضورك يجعل المزاد في خطر
كم اقدر لك ما تكتبه وما تمطرنا به
حمزاوي
تخيل اترفدتا من الجمعية مؤخرا بسبب ضيق ذات اليد..
الجمعية المفترض انها تدعمني وقت الحارة ..
تجلت قدرتها فيني ورفدتي وقت الحارة..
وبرضو تقولو لي اهل وخره ونباتات مستنقعات ..
ود الجعلي
ملاسي هو شيخ الكاتوقري الانتا فهمتو..
مصنف ضمن الخمسة الغوغائيين بهذا البورد
منهم الغوغاء اركان حرب مراويد ..
ولو ما الدنيا دي هاملة ذينا ديل بجي يجالس ناس رحمابي والمطر ...
مراويد
صمام قلبك انا اسوي بيهو شنو..
ياخوي هنا
قنذب كملي في سماي منقدلي..
الترجمة
قروش ريالات دنانير هلل وما شابه
اعمل لي راتب مقطوع شهري وانا ابيع ليك ذمتي وما تبقى من رماد الضمير ...
قتا شنو؟؟؟
اساسي
يعجبني فيك انك ما عندك كلمة
ساكت بتبرطع في البورد ده
تمرق تقول ما راجع
يحنسوك تجي راجع
تاني تزعل تمرق تسب ليها
تاني يجوك بي تحت تحت تجي قالب
زول هبنقة ساي حايم ..لا مبدا لا يقين لا شرف في القول ..
يا دوب بقيت تعجبني ولواستمريت في هلاميتك دي حاتشرف بيك واضيفك في قائمة اصدقاء ما بعد مرحلة الانسان ..
| |
|
|
|
|
|
|
|
|
 Re: اللهم ارحــم دكــين .. (Re: DKEEN)
|
Quote: رايوة ...
يبدو اني ماشي ُقدما في بيع مااملك .... وما لااملك
املاكي طرفكم في خطر عظيم ..
ابقى عشرة ودسدسي البتقدري عليهو ..
|
ليس لديك املاك طرفى
اللهم الا عميق اعجاب بك وبحبيباتك..... وكبرى الحديد
ورباح وديكها والكلينك وسلالم قانون....
والنشيشبه وسلك الرسيفر
والجهنميه واوراد قرمصيصك
حتى عفنك وجيفتك فهى تثير اعجابى
وصوره لك صنعتها فى مخيلتى
تخيلتك شاب اخدر عادى
اما عيونك فلها بريق عجيب
اكاد اراه
وبها حنان العالم
اذا كانت هذه ماتقصد من املاك
فثق انها فى اغلى واامن مكان
لاتصله رياح اليأس ابدا
وترفرف عليه انسام الامل
| |
|
|
|
|
|
|
|
|
|
Re: اللهم ارحــم دكــين .. (Re: Rawia)
|
راوية كتبت:Quote:
وصوره لك صنعتها فى مخيلتى
تخيلتك شاب اخدر عادى
اما عيونك فلها بريق عجيب |
انا طبعا ما قادر اتخيل انه دكين دا غير باقة بتاعة موية او شوال فحم فاضي
او سبلوقة بتاعة مطرة في بيت جالوص او كمشة بتاعة ملاح مرمية في تكل قديم لكن عيون وبريق وكلام زي دا ما متخيله ابدا
معقول زول افتراضي يكون غير الحاجات القلتهم دي ويكون عنده عيون فيها بريق..؟؟
ممكن في حالة انه يكون مرايات في عجلة شافع...
ـــــــــــ
يادكين دي زمتي الافتراضية اوسع من صحراء نجد ومبادئ كالفلين
انا الان بفتش لمشتري لحاجاتك ومعاهم انت الغريبة لا حاجاتك
لا انت مافي زول راضي بيك وما اظن تشتريك غير انيسة لانها مجبورة عليك
بالمناسبة انا ما عرفتك الا وانت في مرحلة ما بعد الانسان
والتي اجزم انك لم تمر بسواها
بالمناسبة انا ما بضيف باقات لقوائمي شفت ليك سبلقوة اضافوها لي ماسنجر قبل كدا ..؟
| |
|
|
|
|
|
|
|
|
|
Re: اللهم ارحــم دكــين .. (Re: Rawia)
|
كوت : فثقق انها في اغلى واامن مكان
ـــــــــــــــــــــــــــــــ
واااااااااااااااااااي
رسى المزاد على رايوة يا خوانا
اشهدوا اني قد بعتها نفسي على سنة الله ورسوله ..
والعندو عندي شي يقابل مشترينا سلمها الله..
| |
|
|
|
|
|
|
|
|
|
Re: اللهم ارحــم دكــين .. (Re: Rawia)
|
السبلوقه التي تقصد مضافة الى ميسنجرات الملائكة يا هالك..
ورتبتي في مرحلة ما بعد الانسان لا ترقى الى الملائكة باي حال ولكنهااليهم اقرب ..
وسبلوقات بيوت الجالوص جميعها اقرب الى السماء..
اساسي اعلموا ان مجالستي اياكم من الطاف الله عليكم
احمدو الله واثنو عليه
| |
|
|
|
|
|
|
|
|
|
Re: اللهم ارحــم دكــين .. (Re: DKEEN)
|
من الملائكة من هو خازن للنيران وقابض للارواح
لك ان تعلم ايضا ان ليست جميع سبلوقات بيوت الجالوص
تظلل مغفور لهم ... احيانا تظلل باعة منكر ولذة
وكما مجالستك المنبريين لطفا من الله عليهم الا انها خصما علي
| |
|
|
|
|
|
|
|
|
|
Re: اللهم ارحــم دكــين .. (Re: walid taha)
|
شاينقق استار
شكرا لكلماتك اللطيفات ..
لكن حتة تحترميني دي مافي زول سبقِك عليها..
واستنادا على قوالة احد القوالين فانه بوجودك هنا اقدر اؤكد لي نفسي انني اصعد السماء والبورداب عني غافلون ...
ـــــــــــــــــــــــــــــــــــــــــــــــــــــــــــ
المزاد ياخوانا حنتمو في السماء ...
والذي وهب الله له اجنحةً ياتينا هناك ..
والماعندو جناح يشوف كان عندو واحدة زي شاينقق استار دي تطير بيهو الاعالي..
اوينتظر ما شاء الله له الانتظار يمكن يلاقي شاينقق صدفة في احدى (الاحيان) التي جاءت منصوص عليها في ِسفر اساسي ( ِســـــفر الاحيانا )..
| |
|
|
|
|
|
|
|
|
|
Re: اللهم ارحــم دكــين .. (Re: DKEEN)
|
كتب أساسي
| Quote: او سبلوقة بتاعة مطرة في بيت جالوص او كمشة بتاعة ملاح مرمية في تكل قديم |
تعال يا دكين تعال يا فريخ
اساسي ختاك في قمة التاريخ
شلالة بتكب مويات بلا بربيخ
كمشة بتكر ملحات بصلها طبيخ
مويتك من سماء مو بحراً لجيج ومسيخ
بصلك من جرف مو جينات تزيد تفريخ
طول يا طويل لا قلة لا شوليخ
لو ما طالت ارض الحق المريخ
| |
|
|
|
|
|
|
|
|
|
Re: اللهم ارحــم دكــين .. (Re: المسافر)
|
اللهم ارحم دكين .. وارحمنا بدكيكين يقينا عناء الغربه
ويرجعنا الى اهلنا سالمين .. ليست بالضرورى ان يكون ناصيه
امييين
لو كانت المحبه تشترى يادكين لدخلت مزادك وحاولت جهدى
فى شراء المسنجر والجوال بقائمتيهما الدسمه .. المترهله
بالرائعيين .
بس لو ود قاسم لقى ليك الرحمه ام تنده قدااام وسرندلين
ودخاحينها فى السماء خليهو يشوف لى معاك .. بس تكون بخاخ
ومايكون اتعمل ليها تعديل فى الشعلوب القدامى .
ولك التحيايا وقبلات الصبايا بدون دخاخين
ديكو
| |
|
|
|
|
|
|
| |
walid taha
Rawia
ابو جهينة
الصادق خليفة
صديق الموج
Hussein Mallasi
AlRa7mabi
حسن الملك
ودقاسم
abuguta
THE RAIN
WAD ELGAALI#4
المسافر
khider
فيس بوك
تويتر
انستقرام
يوتيوب
بنتيريست