|
|
 القديس فالانتاين السوداني المزاج
|
نحو سودنة اعياد الفرنجة كنتا انا ومعاي الحبيب نورة
حنصدر مرسوم بان يسمى عيد الفالانتاين الشهير بعيد الحب عندنا في السودان (بعيد الطلح والحنة)
تُكرم فيه شجرة الطلح والحناء
وُيكرم المزارعين الذين يهتمون بهاتين الشجرتين..
وُتسور المزارع القائمة على اديم الارض حمايةً لها من دواب الارض وهوامها وقطاع الطرق..
وكنا حنمرق مرسوم اخر يقضى بان توقد النساء من مغارب هذا اليوم الميمون الشفيف
الشاف والطلح..ويضعن الحناء..
ترتفع الدخاخين في سماوات الخرطوم والخرطوم بحري وامدرمان وعموم نجوع وقرى السودان..
ترتفع الى عنان السماوات وتلتقطها الاقمار والاخبار والاسفار
حتى يعلم هذا العالم اي شعبٍ محبٍ نحن..
وكيف تُقيم الانثى عندنا
كيف نجعلها في خضبِ الحناء والحرزٍٍ المحرز والدخانٍ العطير..
في كل بيت بلا استثناء حتى بيوت العذابة
فالحب للجميع والزواج للمقتدر والدين لله..
|
|
 
|
|
|
|
|
|
|
|
Re: القديس فالانتاين السوداني المزاج (Re: DKEEN)
|
دخان اجباري لكل انثى متزوجة وحنة اجبارية لكل انثى متزوجة او غير متزوجة
متزوجات على ارامل على عذباوات على عذراوات على صبايا ..
الجميع باستثناء الداعرات..
فنحن من صلبٍ جماعة لا تقبل ابدا ان ترى امراة سوءٍ تضع حناءا عليها..
واجدادي رحمهم الله عاشوا فقراء وماتوا فقراء..
ما جالدوا الملوك ولا ابنائهم على السلطان والسؤدد..
كان حنانهم وسلطانهم بين ايدي زوجاتهم..
كانت حفرات الدخان دفءُ ُ ومحنة..
والحناء ابدا مافارقت اقدام جدتي واخواتها الى يوم الناس هذا..
اجدادي اعتقدو ان المراة ذات الحناء والدخان هي الاجدر بالسلطان وليس السلطان ذو الصولجان..
مات جدي فقيرا مديون لي بتاع المُـركب قروش حنة ومحلبية..
كانت زوجتة تسرف في الحناء كثيرا..
ووابدا ما رفض لها طلبا لشراء حناء او طلح..
وحين وصلت ديونه مبالغ باهظة وبلغت عنان سقفه الائتماني(الجرورة)
نبهته زوجته في فجرٍ بارد في امشير قائلة له:
يا (عشا البايتات) بتاع الدكان قال جرورة الحنة بتاعتي دي وصلت حداشر ريال سلطاني..
قبلها (عشا البايتات) على مفرق راسها المخضوب بالحناء قائلا:
خمى وصري..انا كان امشي الهند وبلاد السند.. الحنة دي مابقصر فيها..
وبتاع الدكان انا بتفاهم معاهو ..ولايهمك ياغالية يا بت الغاليين..
وهكذا كان اجدادي يرون ان الحناء والدخان زينة المراة النبيلة..
وكانو يبذلون النفيس والغالي لاجل ان تكون زوجاتهم باقدام واجساد مغسولة بالحناء والدخان..
وكانوا يجوبون الاسواق والزقاقات والجخانين ليلا ونهارا على حميرٍ عاتية مسرجة بالسجاد .. يقتلون الشراميط في الشوارع..
ولشد ما خافو يوما تتدخن فيه الداعرات ويضعن الحناء..
وهكذا سنصدر مرسوم الطلح والحناء ..
فالانتاين سوداني خالص المزاج..
ووتكون معاهو الحملة القومية لزراعة الحنة والطلح..
اي زول اجباري يكون في بيتم شجرة حناء وشجرة طلح..
الليلة مفترض الحصة تكون بس دخان لي جميع المتزوجات..
والمامتزوجات برضو
اصلو الدخان ده صحياً
صحي خالص..
| |
|
|
|
|
|
|
|
|
|
Re: القديس فالانتاين السوداني المزاج (Re: celecon)
|
دكين
ياجميل يامدخن....
قالو واحد بهوجى بعمل صيانة فى منزل صاحبو .بحمكة.عطالتك عين بيها اخوك ...لقى فى الحوش حفرة دخان ,فى الصالون واحدة..والغرفتين التانيات..وفى حوش الحريم..وفى المطبخ ايضا واحدة وهنالك اخرى مرحلة متكولة فى الحمام...فقال ليه ياخوى انتو مربين ليكم ارانب فى بتكم دا...
مزاجك جميل وفكرتك رائعة....لكن اعرضوها للمتزوجين...ممكن يتبنوها ويسوقوها كمان
اساسى ممكن ان يشتغل مدير ترويج...
عموما نحن نوافقكم الفكرة..مع عدم استخدامها فى دول المهجر...لانها بتزعج الدفاع المدنى
زمان قلت لصاحبى سودانية صيدلانيةمقيمة فى لندن اكتشفت كريم الدخان...ممكن ان تستخدمه نساء المهجر...قال لى دا ما بقنعنا..من وين بتجيب النفخات والالتفاتة دات اليمين ودات الشمال...
عموما تحياتى لك وانت تحتفل بيوم جميل
وبلدياتى مشوكش
| |
|
|
|
|
|
|
|
|
|
Re: القديس فالانتاين السوداني المزاج (Re: abuguta)
|
اي ولدي عشا البايتات ولد عشا البايتات
الحنة محنة ومن قطعها قطع المحنة ومن عملها بعد موت عزيز قطع المحنة..
يوما صخب المغني وغنى
القليب الراسمو حنة اظنو اكثر من قلبك محنة
هذه الاغنية حيرتني كثيرا واستوقفتني
فكتبت عنها
Quote: اغنية القليب الراسمو حنة اظنو اكثر من قلبك محنة
هل الشاعر كتب هذه الكلمات لأمرأة متزوجة؟
أو لزوجته يستجدي حبها!!!ز
فكرو معى فى هذا السؤال
لانه على ايام ذلك الشاعر لم تظهر بعد حنة الفتوات
والا كانت هناك ثمة قطيعة ابستمولوجية
بين الماضى و الواقع فى ذلك الزمن
أو أن هذه الاغنية صالحة لكل زمان و مكان
وفيها استشرف الشاعر المستقبل وانه يوما ما ستكون الحنة علامة انوثة وليست حالة اجتماعية
ولذلك كتب هذه الاغنية
الموحية جدا
وهى مصنفة من اغانى المكسرين الذكور
الى ان يأتى يوم يرسم الرجل الحنة
فتصنف
من اغانى المكسرين جميعهم اناثهم و ذكورهم
وتكون هذه الاغنية كسرت حاجز النوع (الجندر)
وصارت اغنية انسانية تحتفل
بالرجل و المرأة كشئ واحد فى حالة ضعف انسانى
نرجع مرة اخرى انها اغنية صالحة لكل زمان ومكان |
وتحياتي لك لحبيب نورة
| |
|
|
|
|
|
|
|
|
|
Re: القديس فالانتاين السوداني المزاج (Re: bayan)
|
دكين يا لزيز
طبعآ إنت وحبيب نورة رايحه ليكم رايحة
الدخان يادوب تشمو ولا تشوفوا طالع من ورا الحيطة
تدق رجلك فى ال و اط ه وراسك فى الحيطه
أمال كان أخدت ليك بوخه تعمل شنو ?
والطلح والشاف والحنة ليهم توابع متل الدلكه والبخور وزيت المسك والصندل
ولما الحال يميل بيك تبقى فى مديدة الحلبة . ولما تشم ريحة الدخان تقول "خير الهم أجعلو خير"
تحياتى
رأفت
| |
|
|
|
|
|
|
|
|
|
Re: القديس فالانتاين السوداني المزاج (Re: رأفت ميلاد)
|
دكين يا متين
ده حالتك شفت الحنه شوف فقط .... وشميت الدخان شمومه فقط ، وصدقني يا صديق الاتنين ديل يكون تمام مفعولهم بالعكس .... الحنه تشم وتستنشق مباشرة من موضعها التي فيه ... والدخان ينظر اليه من على بعد 1 سم فقط ..
عارف يا دكين ما في أجمل من حنه ودخال في كرعين مرة لونها قمحي ... حاجة عجيبة ... ياخ البسويه الدخان الخواجيات بقعدن ليه في المصايف في عز الهجير أسابيع .. وبكون لون بدون ريحة
يا دكين الطلع فيه لون عجيب
والشاف فيه ريحة فيها مفعول 100 حبة فياغرا او يزيد
دحين انا عارفك زول نضمي ساكت .. ومشحتف شحتفت السواد ... عشان كده اسمع كلامنا نحن المتزوجين ديل .
طبعا انا بكون اصغر منك ... لكن وحاتك غلبني اصبر اكتر من 26 سنة .. فقمت عرست طوالي .. والان انا بنعم بالحنة والدخان و إخوانهم منذ خمسة سنوات .. في الفالنتاين وغير الفالنتاين .. ومرات مرات بفلتن براااي كده مني لي وبدون سبب
في حاجة نسيتها وأنا بطالبكم أنت وحبيب نورة تمرقوا فيها مرسوم برضو
المشاط
والله يا دكين يتلمن التلاته ديل ( مشاط ، حنة ، دخان ) في مرة كضاب لو في راجل يقيف قدامها
الله في يا زول
وما تقطع الامل
وربنا يرد غربتك ويديك مرة حنانة منانة
| |
|
|
|
|
|
|
|
|
|
Re: القديس فالانتاين السوداني المزاج (Re: وليد محمد المبارك)
|
دكين
تأخيري دة لي خير يا صاحب
الولية قالت لي لازم ( تكبرِت ) الزمن
!!!!!!!!!!!!!
ممكن جداً انا أحفر ليها حفرة الدخان
عطالتك عين بيها عدوك
ممكن كمان أورِّق ليك الخدرة؟؟!
لكن كبرتة الزمن دي لسة ما عرفت ليها دريب!
فلنتاين السوداني ح يكون بي نفس فحولة ود الرواسي
و قلّة أدب مصطفي سعيد المهذبة!
انا قلبي علي العزابة يا دكين
أول ما بسمعوا حس الدلكة والدخان و بشموا صوت الدلوكة
علي اليمين الواحد تقول ضربتوا كهربة
من محلوا دة يقوم لا فوق
خلاس ما جاري الشحن
قبيل كانت ( بتري لو)
جارتنا الحلفاوية
دايماً في سيرة الولية بي السمح!
آآآآآآآي عشان قاعدة بتدلـِّكــا!!
ودلاكتــا شكــّرتــا قطع شك!!
مو لازم نمشي الكرخــانة واللا الأجزخــانة في شان الفياغرا!
الجوانا هو البشيل خطواتنا ونقدر نمارس فحولتنا المزعومة
هييييييييييييي
وتاني هيييييييييي
جارتنا النصف حنكوشة بتسلم علي وبتقول لي
هابي فلنتاين دي!!!
وحاة الله لو ما بلوزتك الحمرة دي
و الأسكيرت البمبي
انا ما كان جبت خبر لي فلان دة!!
أها يا كنكوشة ماشة تحتفلي وين!!
بس ما تقولي لي في حدايق جكس أبريل؟؟
بالغتي يا أنت!
انت قديم خالص خالص
في حاجات ( موديرن) كتيرة جدا!
انت ما مواكب واللا شنو
ههههههههههههههيكه
ويكهههههههههههه زااااااااااااتة هيييييييييي
اسمعي
أمك ما عندها باقي طلح!!!
الرسول كان ما شحدتيها لي دلكـــة!!!
| |
|
|
|
|
|
|
|
|
|
Re: القديس فالانتاين السوداني المزاج (Re: حبيب نورة)
|
| Quote: أول ما بسمعوا حس الدلكة والدخان و بشموا صوت الدلوكة |
اول مرة اشوف لي دلوكة بشمو صوتها
حبيب نورة
زمن كنتا بقرا في المقرن الثانوية كنا بنفطر في شارع الحرية
ونجي بس مارين قدام باب فندق قصر الخليج..
والله والله والله
ريحة الخمرة والدلكة البتجي مارقة من صالة الفندق هناك كانت بتسوي لي راسي ده
تح تح تح تح تح ..وحيلي ده يبرد.. وقلبي ده يقول شححححححححححححححححح
لامن اصل حلويات سلا انا راسي بكون لافي..
ونجي بكرة يجلدنا الصول لانو دكينا اربعة حصص ..
تقول لي قديس ووردة حمراء وفنيلة بمبية
هنود انحنا؟؟
| |
|
|
|
|
|
|
|
|
|
Re: القديس فالانتاين السوداني المزاج (Re: bayan)
|
د.بيان..
| Quote: وفيها استشرف الشاعر المستقبل وانه يوما ما ستكون الحنة علامة انوثة وليست حالة اجتماعية |
دوما انتي بتجيبي لي الرايحة
الحنة ياستي كما احسنتي انتي الظن بالشاعر..
هي علامة انوثة منذ القدم والى الابد..
لم تكن الحنة يوما ما مؤشر للحالة الاجتماعية للمراة..
وحين ظن اجدادي ان الفاجرات يلُـذن بالحناء لُيعبرن عن اندماجهن في المجتمع وليتشابه الطيب بالخبيث
طفقو يطاردونهم في الازقة والجخانين..
وملحمة الاندايات هي دونة سطرت في منطقتنا ..
حين هب الاجداد لانقاذ اعمال الدخان والجناء..
وتسمى الملحمة محليا باللغة النوبية( كُـلٍد نوقجي)
بتلقيها في كتاب Gaoussou Diawara..
| |
|
|
|
|
|
|
|
|
|
Re: القديس فالانتاين السوداني المزاج (Re: DKEEN)
|
يوم حب كامل
زول واحد قال لي هابي فلانتاين ماف..
لابت لا ولد..
فرد رسالة جاتني من السودان مكتوب فيها (هابي فلانتياتن اند اي ويش يو ماعارف شنو شوشنو وشنو..)
رسالة يتيمة في يوم من اربعة وعشرين ساعة لي زول عمرو اتنين وتلاتين سنة اعتبار من يوم غدٍ..
زولة واحدي بس من بين ملايين النسمات على ظهرالكرة الارضية تتذكرني..
ويمكن يكون ذاتو ما بت ويكون راجل ...
انا بصراحة الرقم ما مر علي قبل كده..
معقولة بس يخونا
انا حياتي دي كلها احب في الجكس
ولامن يجي الفلانتاين زول يقول لي هابي فلانتاين ماف
رسالة واحدي؟؟
ليه ياخ ..
فيني كشم؟؟
ماكل عشا الجكس؟؟
| |
|
|
|
|
|
|
|
|
|
اما الطلح فلا غرو ... (Re: وليد محمد المبارك)
|
سلامات
وعوافي
يادكين ..وحبيب نورة ..
سلاما عليكم من مواسم الحطب ..
ومن هجيج روائح الاعراس المجيدة ..
اما الطلح يا سادتي فلن يضاهي "الصباغ" روعة وجمالا .. فالصباغ اعلي وارقي مرتبة من الطلح .. فتاثير كلاهما يظل مختلف غير ان الجهابزة يحبذون الصباغ "فركزوا لينا في الحتة دي" ..
وهذا للمعلومية ..
اما فالنتاين سوداني فهذا صعب شوية "لان السوداني في فالانتاين دائم" طالما ان السافنا محافظة علي انتاح "شجر الدخان" والاخير يظل محل احترامنا دوما لحفاظه علي جودته ونقهته الاصيلة ..اها طبعا الاعياد متعتها تكمن في حدوثها مرة واحدة في السنة لذلك مشروعكم دا منسوف للسبب انف الذكر .. عليه ارجوا اقتراح عيد جديد بشكل جديد بس اختو لينا اي حاجة عندها علاقة بي الزواج .. فالزواج عند السوداني "اذا تم" ادمان وافراط للحد الذي يدعو للشفقة..
فحينا واحيائنا كلها ترقص يومياعلي دخان "العشاء" ..
اها دحين شوفو لينا صرفة مع مسالة الفالنتاين السوداني دي ..
ثم ابلغكم كثير ودي واشواقي ..
| |
|
|
|
|
|
|
|
|
|
Re: اما الطلح فلا غرو ... (Re: ودرملية)
|
| Quote: اما الطلح يا سادتي فلن يضاهي "الصباغ" روعة وجمالا |
صباغ ده شنو ياحبة؟؟
انتا حتالف يا ود رملية
ود رملية
السودانية قالو في مطار (الملك خالد) من كترة ما بتجي شايلة طلح معاها سموها ناس الجمارك السعودية :
المرأة الطالحة
| |
|
|
|
|
|
|
|
|
|
Re: القديس فالانتاين السوداني المزاج (Re: محمد سنى دفع الله)
|
ودالسني الجميل
ياخي الفرح كان على ايامكم ..
زمنكم السمح ..
المرة كانت مرة
والدخان ذاتو كان عندو طعم ولون ..
هسي لا المرة مرة ولا الدخان بجمِـر جسم ..
ماعارف، نساوين عايزين يبقو رجال ورجال عايزين يبقو نساوين وشفع خيابة وبنات مسترجلات..
وشغلة جايطة
ماتعرف تدخن منو وماتعرف تودي منو الكلية الحربية..
| |
|
|
|
|
|
|
|
|
|
Re: القديس فالانتاين السوداني المزاج (Re: DKEEN)
|
رأفت
| Quote: ولما تشم ريحة الدخان تقول "خير الهم أجعلو خير" |
لوووووووولز
تصدق وتامن ودي قصة جد جد
صاحبنا محامي هلكان كده زينا
عرس وكده
بحكي قال يا عزيز تصدق انا موش زمان كنتا بهاتي بي العرس
والدخان والكبرتة وبتاع..
قال على الطلاق يا عزيز..
انا بجي داخل البيت لامن اشم ريحة الدخان بخش تحت السرير
ضحكتا قتا ليهو ماتبالغ..
مسكني من يدي ووقف في الشارع وقال لي:
وحاتك انا مابهظر وجادي جدا..
واخر مرة المرة دنقرت تحت السرير قاتلي :يارجل قومامرق بطل جنك البتسوي فهو ده..
من ناحيةتانية..
تعرف يارافت ميلاد
احسن شي عجبني في مجموعة ابو جهينة القصصية
قصة (قالت لي القبطية)
ياخي والله انا وابوجيهنة بنحبكم لله في لله
محنة شديدة خلاص كان شفتا.
ياخي ماتعرسو لي منكم..
| |
|
|
|
|
|
|
|
|
|
Re: القديس فالانتاين السوداني المزاج (Re: DKEEN)
|
| Quote: هاهاهاهاهااااااااااااااااااااااي |
يا شفت...
ضحكة زي دي قبل كم يوم
ضيعت بت الهيلمانة
و خربت بوست التحليل
و فعلت بصاحبك الأفاعيل
جيت كررتها الليلة تاني و الحالة أصلا براك زي ما شايف
و دكين الليلة مساهر وحيد
معناها بكرة الخور غالبا يفيض
| |
|
|
|
|
|
|
|
|
|
Re: القديس فالانتاين السوداني المزاج (Re: DKEEN)
|
Quote: تأسست شركتنا سنة 1971م بواسطة والدنا تاج السر علي الشيخ رئيس مجلس الإدارة تحت مسمى "منتجات تاج للتجميل والتواليت المحدودة" ثم "تاج للتجميل والتواليت المحدودة" ثم "تاج للتجميل المحدودة" وهو الاسم الحالي.
بدأ والدنا هذا العمل في 1940م بإنتاج حنة التاج (حنة كرب) والعطور والزيوت الأساسية والصندل والصندلية الهندية والقرفه وحب الهان (الهيل) والقرنفل والمحلب من عدة دول من الهند والصين وسريلانكا وزنزبار وتركيا وأوربا الغربية.
(التاج) و _كرب) علامتان مسجلتان دولياً كما أن حنة التاج هي الأولى في العالم من حيث الجودة منذ 1940 وحتى اليوم. سجلت في السودان سنة 1952 والآن مسجلة في معظم الدول العربية. وطيلة أكثر من ستين عاماً حافظنا على جودتها والعلامتان الآن مسجلتان لدى منظمة الملكية الفكرية العالمية (WIPO) في جنيف بسويسرا تحت الرقم 23.03.2000 dtd 728652 .
اسم الشركة: تاج للتجميل المحدودة |
ارجل ناس واحلى ناس
| |
|
|
|
|
|
|
|
|
|
Re: القديس فالانتاين السوداني المزاج (Re: عزان سعيد)
|
ما ماكل عشاهن لكن مركب ليك مكنة تمانيات
وانت في الالفية الثانية قطعت سبعة سنة
مشكلتك انت بتنفع للعجائز بس..
الونستهن كما قال واحد ما اصحابنا لي انا ودومة
ونستكم ذي ونسة خشم البير الفي قريتهم من جهات المحمية..
لا يمكن يا دكين ان تعجب بك آنسة الفية
انت مفزع وهن قلوبهن رهيفة..
على ايام الثمانيات كان الذيك دا عز الطلب..
يمشى خلفه الجكس زرافات وزرافات..رغم انه
الجكس زمانا عارف نوعك دا ما بتعرس.
لكن مشكلتك اسع انه
الجكس رمى طوبتك تماما..
بنات الزمن دا بتكلمن كلام نواعم
عايزين واحد ناعم برضو
موش هولة تطلق الالغاز والبذاءة
انا مرات يا دكين بفكر انك
بتعمل كدا بالعنية لانك ما عايز ترتبط وتلتزم..
بتقوم تعمل سياج تحمي بيه نفسك
فتطلقها على عواهنها دون تابلت او رابط..
ولا يفزع الجكس قدر الزول الماعندو تابلت..
| |
|
|
|
|
|
|
|
|
|
Re: القديس فالانتاين السوداني المزاج (Re: حيدر حسن ميرغني)
|
انت يا عزى ..طبعا بتكون شفت الهلتون ما دام قريت فى المقرن ..بنزلو فيه عرائيس..وممنوع الدخاخين فيه لان صفافير الاندار بدور...وحتى لو دورت ما بتلقى البسمعها
غفير اقرب مؤسسة للفندق...جاب مرتو من البلد ..حاولت تعمل شاى ما شرب منها زول..عملت كسرة الزبائن ما بفضلوها كتير....الولية مو متعلمة لكن تفتيحة وعندها مخ تجارى بحت...قامت سالت ود اختها شغال عفير فى الهيلتون .. انتو ياجاد المولى بنزلو عندكم عرائس..قال ليها ايوة..وكمان راقين...قالت ليه طيب بدخنن وين العروسات قال ليها مع قرائبهم...قالت ليه والماعندهم قرائب قال ليها ما بعرف....لكن انتى بتسالى لشنو...
قالت ليه الماعندهم قرائب ديل تجيبهم يدخنو عندى...اها الولد بقى يروج لخالتو.....الزابائن قالو كدا كسرو عليها..بدت بواحدة واتنين ..وفندق وفندقين وهاك ياشهرة
بقت حجوزات وطلبات....المرة وراجلها تركو غرفة المؤسسة واجرو ليهم بيت فيه 5 غرف فى المقرن وعملو لهيم بوكسى وطوروه ل اكسنت سايئها ولدها الكبير , وكم تكاسى واقفين بره فى الصف لنقل المدخنات من والى
اعلم الله يا دكين المرة دى بقت عندها حسابات فى البنك الفرنسى...بزمتك لو ما الشركة بتاعتكم دى كان الزيك وزى ابقوتة وزى حبيب نورة بكون عندم حسابات فى بنك ابقوتة فضلا عن الفرنسى
لو عاوز تلفون المرة دى..بتصل على اخوى وبجيبو ليك لو ما بكون مشغول طوالى....لانها عنده خمسة جولولات وثلاثة سكرتيرات من بنات اختها. اسى عندها لورى 0k.y بنقل الحطب من اماكن الانتاج ..بختوه فى حوش فاضى جنب البيت .وكم آلة دنماركية لتشقيق الحطب ..وقالو عتدها الالت حديثة من الحفر...جابها ود اختها من بلاد برة...صنعتهم نفس الشركة التى صنعت...الراكب الالى ..الدى ضيع عيالنا الرشايدة الصغار المستخدم فى سباق الهجن...فيا عشى البايتات الشغلة متطورة خلاص..بس انتو ما جايبين خبر ساى...
| |
|
|
|
|
|
|
|
|
 Re: القديس فالانتاين السوداني المزاج (Re: abuguta)
|
Quote: انا بجي داخل البيت لامن اشم ريحة الدخان بخش تحت السرير
ضحكتا قتا ليهو ماتبالغ..
مسكني من يدي ووقف في الشارع وقال لي:
وحاتك انا مابهظر وجادي جدا.. |
دكين اللذيذ
عندي صاحبي بيخاف ليك من حكاية الدخان دي خوف شديد !!! قلت ليهو ياخي حكايتك شنو؟ قال لي ياخي والله المرة لمن تجي من حفرة الدخان وداخلة الأوضة أنا بكون متغطي وبعاين من تحت البطانية .. لمن تقوم ترفع ليك البطانية كدي ... زي التقول داير تديك حقنة ( وجه ضاحك )
| |
|
|
|
|
|
|
|
|
|
Re: القديس فالانتاين السوداني المزاج (Re: حيدر حسن ميرغني)
|
د. بيان
يعني انا اسوي شنو بس؟؟
اقعد اقول في كلام عبيط وممجوج عشان اقنع الجكس
ماعارف
an be your hero, baby
I can kiss away the pain.
I will stand by you
ould you dance
if I asked you to dance?
Would you run
and never look back?
Would you cry
if you saw me cry?
And would you save my soul, tonight?
Oh, I just want to hold you.
I just want to hold you.
Am I in too deep?
Have I lost my mind?
I don't care...
You're here tonight.
وماعارف نور عيني وكنز حياتي..
وشوقي ليكي يا غالية فات الوصف
وزهرتي ليه ما رسلت لي لحدي هسي..
وعيونك بساهرو بي...
وطرحتك السايكوبيس خلقنا نكوس في الميس..
معقولة بس؟؟
ده هسي كلام يقولوهو لي زول عندو عقل؟؟
انا يابيان عايز بت لي السُـترة موش عبيطة؟؟
انتي بس كدي شوفي لي زولة حداكم بي مكنة من التمانيات..
جكس الزمن ده يعوصنا الله فيهو..
| |
|
|
|
|
|
|
|
|
 Re: القديس فالانتاين السوداني المزاج (Re: DKEEN)
|
"Hero"
ENRIQUE IGLESIAS
Would you dance
if I asked you to dance?
Would you run
and never look back?
Would you cry
if you saw me cry?
And would you save my soul, tonight?
Would you tremble
if I touched your lips?
Would you laugh?
Oh please tell me this.
Now would you die
for the one you loved?
Hold me in your arms, tonight.
I can be your hero, baby.
I can kiss away the pain.
I will stand by you forever.
You can take my breath away.
Would you swear
that you'll always be mine?
Or would you lie?
would you run and hide?
Am I in too deep?
Have I lost my mind?
I don't care...
You're here tonight.
I can be your hero, baby.
I can kiss away the pain.
I will stand by you forever.
You can take my breath away.
Oh, I just want to hold you.
I just want to hold you.
Am I in too deep?
Have I lost my mind?
I don't care...
You're here tonight.
I can be your hero, baby.
I can kiss away the pain.
I will stand by your forever.
You can take my breath away.
I can be your hero.
I can kiss away the pain.
And I will stand by you forever.
You can take my breath away.
You can take my breath away.
I can be your hero.
_______________________________
البوست لغتو ما بستاهل اخسر فيها ثانية
بس غاظني كتابتك للاغنية بالعبط دا
لا تستهجن مشاعر الناس
ولا كلماتهم
فانت لا تعي الحب اصلا
كلامك مقرف
اذا لم ـاخذك احساسيك وعواطفك الي عوالم الحب
فلا تتكلم عن الجنس
فالجنس مكتوب لكل حيوان
اما البشر فبالروح يحيا ويكون انسان
قال طلح ... انت ما سبب التصحر في السودان
والله الطائرة بتاعة السعودية الا ياخدو معاها مطافئ
انت تمشي تشوف ليك بت عمك وكفر يور قدح
ولمن اجء ابارك ليها بقول ليها البركة فيكم وشدي حيلك
البنات بخير ومافي بت هيلمانة
الله يرميك في شر اعمالك قادر يا كريم
| |
|
|
|
|
|
|
|
|
|
Re: القديس فالانتاين السوداني المزاج (Re: DKEEN)
|
أزول يا عشا البايتات انا كان كلمتك عن هجمتي في الجكس السوداني.
في الاجازة الفاتت حتضحك وتقول الحاجة دي خرفت
لكن ليك آمان الله كان رائدات النهضة عارفين الجكس
بيبقى كدي كان من عنقريبن ما قامن..
الواحدة تلقاها تكورك وتلعلع بس تلفون يضرب
تسمع الو "مآي" منو منو
تقول زول تانية بقن يذكرني بمسرح الرجل الواحد
يدخلن من شخصية لي شخصية في ثانية..
شخصية مع البنات وشخصية مع الرجال
حدستا دي (لحست اصبعها وغزتو في ا)
بري بري بري منهن يا جكس الزمن دا
| Quote: ده هسي كلام يقولوهو لي زول عندو عقل؟؟ |
العقل دا فيهو قولان.. جكسة وشها ابيض شعرها بني عيونها خدر يدينها سود
حاجة كدا الله يعينكم..
Quote: انتي بس كدي شوفي لي زولة حداكم بي مكنة من التمانيات..
جكس الزمن ده يعوصنا الله فيهو.. |
توسها بتلداها..
| |
|
|
|
|
|
|
|
|
|
Re: القديس فالانتاين السوداني المزاج (Re: عزان سعيد)
|
Quote: وحفرة بدخان الطلح عابقة ** تصلى الروداف تلوينا وتعطيرا
أبصرت فيه وما أمعنت عارية ** تخفى وتظهر مثل النجم مذعورا
مدت بنانا به الحناء يانعة ** ترد ثوبا عن النهدين محسورا |
عزان الحبيب
ياخي مرقتنا بي اخلاق جيل الستينات موش التمانينات زي ماقالت د.بيان..
مودتي ياحبيب على المشاركة الجميلة
| |
|
|
|
|
|
|
|
|
|
Re: القديس فالانتاين السوداني المزاج (Re: DKEEN)
|
آبدول
قرأت بالامس هذا ..
لم يسعفني حالي لكتابة حرف هنا بعد قراءة ما كتبت يا صديقي ..
فقد أوقدت نارا أطفئتها الاسكيرتات و البلوزات الحمراء التي تحتاج نصف الساعة لتخلعها عنها نسبة لضيقها و المكياج و الطلاء الذي يزول بمسحة اسيتون ..
انت قايل يا دكين جدودنا و حبوباتنا كانو بيلبسو واسع ليه ( عراقي و سروال و لا جلابية الحريم ) !!
عشان اللحظات دي يكسبو زمن ..
ترآي لي في ما يري النائم عن هذا اليوم .. برتقالات ناديات بعد صقلهن بلون الطلح و نضجهن و ازالة قشورهن بعد ساعات من ضمهن حتي لا تنالهن نار مشتعلة تمر بين الارداف لتصقل ذلكـ الجسد و تكسبه لونا برونزيا نديا ذو رائحة زكية ..
تلك البرتقالات عبثت صاحبتها بها و رسمت علي أطرافها فراشة بالحناء .. فراشة تبحث عن جذع شجرة لتتكيء عليه .. فراشة تتصبب عرقا ..
بعد رسمها لتلك الفراشة تبقي من الحناء قليلا فقررت ان ترسم علي النصف الاسفل من ظهرها ُقبلة لتكمل لوحة تقطع النفس .
أفقت و إستدركت ..
طوبي لاجدادنا و حبوباتنا ..
هنيئا لمن حَرقَت البرتقالات و لمن إعتصرها ..
هنيئا لكم بمرسومكم
و عاش الطلح و الشاف حرا مستقلا.
---
سودانية
انتي قايلة الخواجات يوم الحب عندهم هو قول بحبك ووردة حمراء و خلاس !!
ما لازم يكون في عَمَكي تقيل بعدها !!
شن قولك اذا بدلنا الوشم اللي عند الخواجات بي حنتنا
تخيلي المنظر بس انتي و كوني صادقة مع نفسكـ مافي داعي تردي هنا خليها في سركـ.
عارفة حالتكـ دي إسمها شنو الليلة !!
لا بريدكـ لا بحمل بلاك *..
*" الضمير للطلح و الشاف " ما لي بني آدم هنا معانا.
| |
|
|
|
|
|
|
|
|
|
Re: القديس فالانتاين السوداني المزاج (Re: DKEEN)
|
سن رايس
هسي الكلام السحبو اخونا حيدر انتا وثقتو
في الكوت حقك تلاتة مرات ..
Quote: Quote:
كان مرحَلين معانا خمسة (كلجات) شينين جداً قبض عليهم المطاوعة في جدة متلبسين في (حفرة دخان)
بالله أسجب الكلام دا لو سمحت ،،، ولك الشُكر |
يعني كان اخير مرة واحدة يا شافوهو يا ماشافوهو..
هسي بقى تلاتة مرات
وانا الرابعة
لوسمحتا اسحبو
ولك الشكر
| |
|
|
|
|
|
|
|
|
|
Re: القديس فالانتاين السوداني المزاج (Re: DKEEN)
|
Quote: تقول زول تانية بقن يذكرني بمسرح الرجل الواحد
يدخلن من شخصية لي شخصية في ثانية.. |
لووووووووووووووووووولوز يابيان
دي نظرة نقدية بيانية لي جكس الخرطوم هذا الصباح..
خلاص تم توثيقها.. وملكيتها الفكرية لي سعادتك ..
جكس زي مسرح الرجل الواحد..
انفصام عديييييييييييل
قصدك منو انتي حددي...
فيصل نوبي انجدنا والحقنا..
جكس المسرح الواحد
مرة الرجل الواحد
رجل المرة الواحدي
مسرح الجكس الواحد
واحد الرجل الجكس
رجل المسرح الواحد..
رجل في الخرطوم ومسرح في مدني
وجكس في هيلمانة..
احبك يابيان لامن تصحي وتمخمخي راسك
وتخلي هرش الرجال ..
| |
|
|
|
|
|
|
|
|
|
Re: القديس فالانتاين السوداني المزاج (Re: فيصل نوبي)
|
يانوبي
تخيل انا من شدة فرحي بي الرسالة الواحدي
ضربتا اشوف منالرسلا
لقيتا اخت صحبي..
قتا ليها: صليبك هسي انا قايلك بت؟؟
قات لي ياعزيز: عارفاك مافي زول بكون هببك..
قتا اهببك انتا وصحبك عشان تشدو حيلكم وتعرسو..
اخت صحبي بي وليداتا وتحمد الله
عشان ماتقول لي ليه ماعرستها..
بس هي محنة منها وزي الأبلة بتاعتنا..
| |
|
|
|
|
|
|
|
|
|
Re: القديس فالانتاين السوداني المزاج (Re: DKEEN)
|
الواحد يكون في امان الله
يكتب عن الحاجات الفي بالو
لا يسي لي زول ولا يضر زول
ولايشتم زول
يجي زول ناطي ليك
يقول ليك :
| Quote: الله يرميك في شر اعمالك قادر يا كريم |
شكرا ياستي على الدعوة
وربنا يحقق الدعوات الطيبات..
| |
|
|
|
|
|
|
|
|
|
Re: القديس فالانتاين السوداني المزاج (Re: DKEEN)
|
أخوي دكين عشا البايتات
كل سنة وانت طيب و في حضرات الحب تغني (مدد)
بركة اليوم و السنة و شوقك المقيم ،
الله يرزقك بنت تهنيك و ترضيك و تملا حياتك محبة وحنان
آمين يا رب العالمين
أرقد عافية
| |
|
|
|
|
|
|
|
|
|
Re: القديس فالانتاين السوداني المزاج (Re: عزاز شامي)
|
| Quote: وتخلي هرش الرجال .. |
هههههي ياخواتني الرجال وينن حليلهم كتير كتير..
قالو واحدة راكبة البص توبها وقع في راجل قاليها يا مرة اتقنعي سمح
ابت وحرنت..
قامت لما البص جا جنب مقابر شرفي قامت اتقنعت وقالت الرجال تحت التراب..
اها انا البص لما يمشي جنب شارع امريكا
بكفش راسي..
وكل سنة وانت طيب
| |
|
|
|
|
|
|
|
|
|
Re: القديس فالانتاين السوداني المزاج (Re: bayan)
|
| Quote: هههههي ياخواتني الرجال وينن حليلهم كتير كتير.. |
هيييييييييي و هيييييي
وتاني هييي
مالا ماعاجبنك ولا ما عاجبك
ولا نكون ما عاجبنك..
الباخرة دي قالو ليكي قبضو فيها قبيلة
ماياهن الخمسة القالم ولدنا ده..
زمان يا دكتورة كان في شي اسمو حريم..
هسي الحريم ذاتم اختفن
في المقابر مع البتقوليم ديلاك..
بعيد عنك مافضل إلا اشكالنا القدامك دي واشكالم القدامنا دي..
زمن منيل بستين نيلة..
وانتي طيبة يابيان
والقابلة على امنياتك ونبارك ليكي السمح
| |
|
|
|
|
|
|
|
|
|
Re: القديس فالانتاين السوداني المزاج (Re: DKEEN)
|
دكين شكرا ليك بس دعوتي باين استجابت وربنا ح يحقق اماننيا فيك وليك
شر اعمالك انتقادك للسيدات وانسات مازلن بخير وخير عارم كمان
الله يرميك في واحدة منهن وهي كفيلة بالانتقام من طولة لسانك في بنات حواء
وقبال ما تزعل توضيح
جينا نقولنك ثانك يوووووو ع كل شئ
| |
|
|
|
|
|
|
|
|
|
Re: القديس فالانتاين السوداني المزاج (Re: sudania2000)
|
سودانية
اسمعي دي طيب
طبعا ناس مطار الملك خالد ديل فيالرياض هنا..
اها ناس جمارك مطار جدة
قالو في كل سفرية جاية من السودان الحريم ديل كل واحدة شايلة كرتونة من حطب الطلح..
زولة جاية بي رقبتها كده ساي ماف..
قامو سموها (حمالةالحطب)
وشكرا على الكرت اللطيف
وكل سنة وانتي طيبة وانا طيب..
| |
|
|
|
|
|
|
| |
Ahmed Suliman
abuguta
bayan
رأفت ميلاد
وليد محمد المبارك
حبيب نورة
محمد سنى دفع الله
ودرملية
محمد البشرى الخضر
عزان سعيد
حيدر حسن ميرغني
فيصل نوبي
علاء الدين حيموره
الصادق خليفة
فيس بوك
تويتر
انستقرام
يوتيوب
بنتيريست