دعواتكم لزميلنا المفكر د.الباقر العفيف بالشفاء العاجل
|
|
 الســعادة المفاجئة هي اخت الحرج
|
بمنتهى الحــزن والاســى انعى اليكم نفسي ..
الوحيدة التي اعجبتني من بين حشدٍ غزير..
وبعد بحثٍ جاد وتلفونات وكروت وتوصيات وتردد..
طلعت باكستانية..
ـــــــــــــــــــــــــ
اخواني في الباكستان
ليس ثمة من سبب يجعلكم ترسلون بناتكم الى حفلاتنا..
فنحن قومُ ُ شفافون ..لاصبر لنا على الجمال ولا احتمال..
الشي حين يعجبنا ناخذه لاننا لانحتمل الشوق إليه..
يآثرنا الجمال فلا نفكر في شيٍ بعده ولا قبله...
تتعطل مصالحنا جراء التفكير في شيٍ واحد ..
ان القمر الذي طالعناه عشية زواج اخونا طارق الميمون عصي على الوصف..
ان الطلعة البهية التي واجهتني ازمتني ولازالت..
نهاية الاشياء كانت فجرئذ..
ولاعلم لي ان كانت لغتي لاتزال تصلح للتعبير عن وجه ضل طريقة الى ناظري..
مذ حولت تلك الفاتنة كل حرف هنا الى دهشة هناك..
غفر الله لجميع البشتون..
ــــــــــــــــــــــ
هذا والنصيحة بقولا ليكم:
لاتدع باكستانية تبتسم في وجهك ..
لن اكل سوى التميس في الثلاثين يوما القادمات..
|
|
 
|
|
|
|
|
|
|
|
Re: الســعادة المفاجئة هي اخت الحرج (Re: سلمى الشيخ سلامة)
|
والله يا سلمى اضحكتيني
لذلك ساتبرع بان اوريك التميس
هو نوع من خبز غريب جدا يصنعه الافغان
ومنو انواع تميس بسكوت تميس بالجبن المهم هو بشبه
في السودان القراصه لكن ناشف ...
واحكي ليك نكتة عاملها ولدي مرهف
مرهف جدو ابو امو سلفي شديد وعندو قناعة انو موية زمزم
دي هي علاج من اي شي
بصلي العشاء في الحرم ويملا حفاظتو موية زمزم ويغشى الفرن يجيب تميس
المهم كلو يوم في الحال ده لمن مرهف اسلاكو ضربت بقى يقول لموية زمزم
( موية تميس )
ولك ولدكين العاشق كوم من محبه
| |
|
|
|
|
|
|
|
|
|
Re: الســعادة المفاجئة هي اخت الحرج (Re: سلمى الشيخ سلامة)
|
بالعكس
دي فيها حلاة دين سيره امدرمان باكستان وبالعكس وام العروس جينا ليكي
وحفله بي حيدر خازخستان وناس طالبان يفكو زخيره في العقد الف طلقه للسما
وجكس باكستان في رقيص العروس يغنو
دكين العريس انا عجبني لي
زين الولاد
شرف اسلام اباد
وايويويويويوي بالباكستاني
وتووووووووفك وين؟
اوضتين وبرنده خلف خلاف وين؟
في اشلاق اسلام اباد
الشيله من وين يامان؟
سعد قشراباد
والله يريحك من
خالاتا وين اسلام اباد
سمايه بت عماتا وين اسلام اباد
المره وين اسلام اباد
خميس وجمعه وين اسلام اباد
والله يادكين عرسه حلوه
بس بتاكل معاك تذاكر
بالباكستاني اقول ليك
داكينا ها مباريكاتو مال بي ايل النتو وهو
بالعربي اشالله بيت مال وعيال
بالباكستاني مهلا الينا انتوا يساهلوكاتيرا
يعني علينا يمهل وعليكم يسهل
| |
|
|
|
|
|
|
|
|
|
Re: الســعادة المفاجئة هي اخت الحرج (Re: فيصل نوبي)
|
Quote: يا وغد
اليوم كنا في سيرتك
و سالتني : "لماذا دكين منقطع"
جاوبتها "حزين علي ما يحدث"
تقوم انت تجي و تجوط الرصة بي بوستك ده ؟
صباحات الله بي خيرها. |
ياخوي ها
مواضيع زي دي نحن ما قعد نرجيها الصباح
ياتوري الناس الحاضره ومساهره وجات السيره دي
يا من اسي تجهز بوست اعتذارك الما بفيدك
قال الصباح قال
انت حصل شفتني هنا بالصباح
ارجو من الاخ بكري حسم الامر وكده
| |
|
|
|
|
|
|
|
|
|
Re: الســعادة المفاجئة هي اخت الحرج (Re: DKEEN)
|
طارق
ناس فيصل ديل بحبو بي سيرتي..
وانا الاطرش..
هسي يعني لو مانزلتا البوست ده تتخيل فيصل كان ممكن يفتح خشمو؟؟
كان اتونس وحنك وقال ليها دكين زعلان ودكين مضرب ودكين بطيخ وضحك وقشا خشمو ..
نوبي
انا لاحزين ولايحزنون
شديد ولضيض..وفي نعمة كبيرة خلاص احمد الله سيدي..
بطل تفكها في الجكس وتقشر بي حزني ..
التلفون الاخرو سبعتين ده انتا؟؟
اكيد انتا اصلو شيطان غيرك وكت الصلاة مابضرب..
| |
|
|
|
|
|
|
|
|
|
Re: الســعادة المفاجئة هي اخت الحرج (Re: DKEEN)
|
لحدوت الصباح ده كنتا متذكر ملامح وشيها..
اول ماقالو لي باكستانية مساء اليوم.. كل شي زاغ والملامح طشت..
ادفع عشرين صباح جديد بس اتذكر شكل البسمة ..
انا ليه تجيني الموية حفيانة؟؟
| |
|
|
|
|
|
|
|
|
|
Re: الســعادة المفاجئة هي اخت الحرج (Re: DKEEN)
|
Quote:
انا ليه تجيني الموية حفيانة؟؟ |
لانو عينك في المويه ام شبط
وتشيل وتكشح فيها للفياصل والنوابي
احجز لي انا وسلمي الشيخ
بالخطوط الباكستانيه عشان جادين في الجيه
لكن انت انسب تحجز بالخطوط التونسيه
لانو مواعيدا مظبوطه
وفيصل نوبي صاحب المدير لزم
والسيره مرقت عصر
اتمبو تكش اتمبو تكش اتموتكش
| |
|
|
|
|
|
|
|
|
|
Re: الســعادة المفاجئة هي اخت الحرج (Re: DKEEN)
|
ده حالتو قلنا ليكم اصبرو للصباح
آبدول يا آخوي شوف
انت جازف و شوف الحاصل شنو
عشان تنور لينا الدرب و نقدر نسير علي خطاك اذا ما حصل ليك كسر مركب او فارقت الحياة مبدرا..
(الباكستانية ) ياخ شوف اسم جنسيتها ساي يعمل ليك وجع مصافل في عظام الفك ..
الحفلة دي كانت وين ما كلمتنا بقيت تغنج براك ؟؟
يا حمد تعال فت لينا المعلم ده 
__
Quote: التلفون الاخرو سبعتين ده انتا؟؟
اكيد انتا اصلو شيطان غيرك وكت الصلاة مابضرب.. |
ما تكون دي الاميرة المرتقبة و دقست و اتلحست منك يا عمك !!
-- ده ما تلفوني " جادي معاك "
| |
|
|
|
|
|
|
|
|
 Re: الســعادة المفاجئة هي اخت الحرج (Re: DKEEN)
|
| Quote: هو في الحقيقة احباط .. بس غلبني اكتبو |
آي قول كده من الأول ..
تاني تجي هلال مريخ ..
بعدين الناس ديل بتاعين كريكت يعني ما ليهم في كرة القدم ..
وبما انهم ما عندهم علاقة بكرة القدم ممكن تدخل باكستان بوصفك خبير كروي وعايز تتطور هذه اللعبة ..
وبعد داك ممكن تلاقي باكستانيات كتااار ..
أمانة في (تميسة) عينك دي الباكستانية دي شفتها وين 
| |
|
|
|
|
|
|
|
|
|
Re: الســعادة المفاجئة هي اخت الحرج (Re: DKEEN)
|
سيد البوست / دكين ..... سلامات
جديد في البورد ... لكن متابع جيد ....
عن الباكستانية ....
في مشكلتين هنا ... نفترض إنك لقيت ليك مساكة... ووصلت ليها(الباكستانية )....
ح تتواصل معاها كيييف ؟؟ .. لاحظ .. إنه كتاباتك بالعربي جميلة جدا ..
وقطع شك ح تكسر بت الناس ... لكن بالإنجليزي ..ماعارف وضعك كيف ؟؟؟
وأوع تقولي .. ح تتواصل معاها بي عربي الهنود ... ح تكون كارثة ...
ونص كلامك السمح ..ح يروح شمار في مرقة ..
| |
|
|
|
|
|
|
|
|
|
Re: الســعادة المفاجئة هي اخت الحرج (Re: DKEEN)
|
حاتم
| Quote: تتواصل معاها كيييف ؟؟ .. لاحظ .. إنه كتاباتك بالعربي جميلة جدا |
كان معاها كان مع غيرها..
الاربعين يوم الاولى اللغة قلوبال وليست بذي بال..
الباقي بنمشيهو سترة حال ساي..
| |
|
|
|
|
|
|
|
|
|
Re: الســعادة المفاجئة هي اخت الحرج (Re: DKEEN)
|
Quote: ما تكون دي الاميرة المرتقبة و دقست و اتلحست منك يا عمك !!
-- ده ما تلفوني " جادي معاك " |
نوبي
بعد التاكد من حمد من ارقامك كلها..
اتصلن على الرقم المعني
فردت على هندية او سيرلانكية ماعارف..
صوت عاملات منزليات كده..
سيتم تزويدك بالرقم على المسنجر الداخلي لمزيد من التحري..
ماعايز تورينا ؟؟
| |
|
|
|
|
|
|
|
|
|
Re: الســعادة المفاجئة هي اخت الحرج (Re: خدر)
|
اشراقة سلامات
مشتاقين يا ام واصل .. الولد المجنون ده مشروع راوي خطير لكنو كسلان و ساكي لي الفارغه
Quote: قراءة في ملف العلاقات السوداني الباكستانية..
نجيب الخير يلتقي السفير الباكستاني
الخرطوم:الصحافة
استقبل نجيب الخير عبد الوهاب وزير الدولة بوزارة الخارجية امس، سلطان حياة خان سفير باكستان لدى السودان، وذلك بغرض الوداع بعد انتهاء فترة عمله بالسودان ومغادرته البلاد في منتصف الشهر الجاري.
وتطرق اللقاء الى الروابط والوشائج التي تجمع بين الشعبين السوداني والباكستاني، والى قناعة الطرفين بآهمية تطور العلاقات المتنامية وتوسيع مجالات التعاون القائمة بما يعود بالخير والمنفعة على البلدين الشقيقين.واشاد الوزير بالتطور الكبير الذي شهدته العلاقات الباكستانية السودانية خلال السنوات الماضية..
بعد بحث في قوقل وجهد ..
دي اكتر علاقة لقيتها بين بلدينا ايتها الجميلة ..
اعذريني |
| |
|
|
|
|
|
|
|
|
|
Re: الســعادة المفاجئة هي اخت الحرج (Re: DKEEN)
|
احمد محمد عثمان
كتيرة علي يعين باكستانية ؟؟
ياخي نحنا دناقلة ..يعني حرم تفوتني تاني إلا في اربيعن ناس طمطم..
احمد تجاني
كمين بتاع راس قلبك؟؟
ومووو
والله ياحبة انتا بس مشيت بي جاي ونحنا جطناها بي وراك...
عامل لي قميصك الجديد داك...
همزاوي
شكمان منو البولع ياحبة..
حرم نحنا من رجالتنا شكمان ذاتو ماعندنا..
فرشــــــــــــــــــــــو
ياخي بركة الجابتك الباكستانية ..
عارفك شفاف ورعديد..
سعادتنا بيك قدر حرجنا من فرحنا بي شي ماحقنا..
فهمتا شي؟؟
محمد طه الملك؟؟
سلاموز يالذيذ
علاقتك شنو بي ناس حسن الملك انتا ؟؟
اجابتك مهمة شديد..
تنقو
تنساني ؟؟
ولاحتى شُـراب يا تنقو؟؟
ماقتا بترسل لي شغلة من الشارقة..
آآآه..
حليلك ماكنتا قايل نفسي بنساك...
| |
|
|
|
|
|
|
|
|
|
Re: الســعادة المفاجئة هي اخت الحرج (Re: DKEEN)
|
ابو لقاء
وحاتك يا خدر البت دي انا مديت ليها يدي وسلمتا عليها
واذكر فيما اذكر اني قتا ليها ازيك ياامورة..
ابتسمت لي ابتسامة لااستحقها ولا حتى في حياة اخرى..
ابتسامة كده اصلا مامفترض اشوفها..
فيها حب ومحنة كبيرة خلاص..
وكانها تعرفني ..
لحدي ما حسيت بي اني مجرد معوق او حاتسجن فور خروجي من الاستراحة ..
انتا صحي امنا حوءا نزلت اول مانزلت في باكستان؟
مرة سيدنا نوح كان اسمها منو؟؟
سؤال اخير:
هسي ياربي تكون كتبت عني في بورد باكستانيز اونلاين؟؟
معليش سؤال اخير تاني:
ياخدر نهاية قصة قلبي دي منو؟؟
| |
|
|
|
|
|
|
|
|
|
Re: الســعادة المفاجئة هي اخت الحرج (Re: عبدالله داش)
|
Quote: قراءة في ملف العلاقات السوداني الباكستانية..
نجيب الخير يلتقي السفير الباكستاني
الخرطوم:الصحافة
استقبل نجيب الخير عبد الوهاب وزير الدولة بوزارة الخارجية امس، سلطان حياة خان سفير باكستان لدى السودان، وذلك بغرض الوداع بعد انتهاء فترة عمله بالسودان ومغادرته البلاد في منتصف الشهر الجاري.
وتطرق اللقاء الى الروابط والوشائج التي تجمع بين الشعبين السوداني والباكستاني، والى قناعة الطرفين بآهمية تطور العلاقات المتنامية وتوسيع مجالات التعاون القائمة بما يعود بالخير والمنفعة على البلدين الشقيقين.واشاد الوزير بالتطور الكبير الذي شهدته العلاقات الباكستانية السودانية خلال السنوات الماضية..
بعد بحث في قوقل وجهد ..
دي اكتر علاقة لقيتها بين بلدينا ايتها الجميلة ..
اعذريني
فالبلاد لم تراك في ذلك الفجر.... |
فتشتها فى قوقل يا دكين
حالتك صعبة
الجاتك فى باكستانيتك سامحتك
| |
|
|
|
|
|
|
|
|
|
Re: الســعادة المفاجئة هي اخت الحرج (Re: DKEEN)
|
ابتسمت لي ابتسامة لااستحقها ولا حتى
في حياة اخرى......................
دكين دا الكلام البودى قوانتنامو بي
اهو بالمرة تجيب لينا خبر سامى الحاج (دا طبعا لو قدرت تقول ان هجرتك كانت من اجل امراءة)
| |
|
|
|
|
|
|
|
|
|
Re: الســعادة المفاجئة هي اخت الحرج (Re: DKEEN)
|
دكين ..... تاني سلامات ..
معلوماتي عن أهل تلك البلاد ... تسمح تقاليدهم بزواج رجالهم من بلاد أخرى ( الشاهد - عمران خان و جميما البريطانية )
.... لكن عن العكس .. لا ندري ..
.. والله أقوليك ..سيبك من موضوع العرس ده .... كده أنت بعد تلم فيها ( كان الله هون ) كسرها .. والباقي ساهل
| |
|
|
|
|
|
|
|
|
|
Re: الســعادة المفاجئة هي اخت الحرج (Re: Hatim Yousif)
|
دكييييييين
أحسن الله عزاءكم.....خيرها في غيرها ...لكن يا دكين ما في بنات سودانيات أحلى من الباكستانيات بس ركز وبتلقى ...
بعدين أنا جد محتارة في بوست نبارك ليك العرس وفي بوست تفتش فيه على عروس يا تو الصاح ؟؟؟
مودتي وتقديري
| |
|
|
|
|
|
|
|
|
|
Re: الســعادة المفاجئة هي اخت الحرج (Re: DKEEN)
|
الاخوات والاخوان فوق
لم استطيع الرد عليكم وانتم اهلُ ُ للرد..
بس اتصلت بي صديقة من بورداب الرياض وقات لي انو:
ابو البت شغال معاها وانها (البت) خرجت في مناسبة مع اصدقاء سودانيون يوم الجمعة المضت
واضاف بكل اريحية وهو يشد على يد صديقتي : انو ماعندو مانع يزوج بتو لي لو انا طلعت وسيم..
قامت صديقتي كتر خيرها فشتت صورة لي اوجه زول في البوست
ومالقت غير عماد عبد الله
.....
مبروك ياعماد...
نحنا نشوف ونفتش وانتا تعرس..
| |
|
|
|
|
|
|
|
|
|
Re: الســعادة المفاجئة هي اخت الحرج (Re: DKEEN)
|
بالله ؟؟؟ | Quote: نحنا نشوف ونفتش وانتا تعرس.. |
نفتش دي شنو كمان ؟
فتشت شنو شكيتك على الله .. !!!
تفتش إنت .. و انا مبروك ؟؟!!
شايفني دلدول يعني وللا كيف ؟؟
كيتو تيق يا أبداللزيز .. كتو تيق .
| |
|
|
|
|
|
|
|
|
|
Re: الســعادة المفاجئة هي اخت الحرج (Re: Nadia Elsir)
|
نادية الســر
انتي يا راقدة ليك فوق راي ..
يا كمان مدشدشة في عماد ده..
حددي او رسلي لي مسنجر داخلي نظام جرسة) لانو الموضوع ده انا مابخلي..
هسي في ذمتك شنبو ده شنب باكستانيون....
قال الشاعر:
باكستانيون باكستانيون وحتى الموت باكستانيون
| |
|
|
|
|
|
|
|
|
|
Re: الســعادة المفاجئة هي اخت الحرج (Re: DKEEN)
|
يحضرني في هذا المقام احد الامثال السرية الجميلة
دكين يا فيصل كان منتظر يوم عرس طارق اكتر من طارق
يقوم من بداية الحفلة يقفل علي واحداة و يرخي باقي الجكس تطلع ليه من باكستان
خلاص اعمل حفل استقبال لي طارق و ابدا ركز من جديد يمكن تصيب المرة دي
| |
|
|
|
|
|
|
|
|
|
Re: الســعادة المفاجئة هي اخت الحرج (Re: حمد فتح الرحمن)
|
| Quote: خلاص اعمل حفل استقبال لي طارق |
حمد
ده الحنك القالو ابو رغد لي هيثم درار المسكين
جابو ليك من الشرقية وقال ليهو هجيج وربة وحتلقى عروستك اكيد..
هيثم من هناك جاي قاشي طريق النعيرية بي 180 كلم في الساعة وحلمو في انو يلقى فتاة احلامو قدامو بي 190 كيلو في الساعة..
وحاتك المسكين جا هنا واتلطع معانا بره انا وحسين
وفي النهاية وليد عملو بتاع لموزين لي خط طويل..
ابو رغد طلع راجل بتاع خطط استراتيجية يا حبيب..
لبس ليك هيثم درار الطاقية..
ده كلو كوم وسحس كوم تاني..
البني ادم الطيب ده كان مقرض على عرس طارق ده بشكل غريب
اصلا ماعندو صاحب غير طارق..
ووليد برضو لبسو الطاقية..
وليد ده حجر عثرة عشبتنا الاخيرة في صحراء نجد..
وتقول لي كيفن مااقرض على باكستانية؟؟
ياخي وليد خلانا نشوف حاجة؟
ماياها ديك كانت الفضلت...
| |
|
|
|
|
|
|
|
|
|
Re: الســعادة المفاجئة هي اخت الحرج (Re: DKEEN)
|
" كنتُ إذن أتجول في القرية، عندما رأيت فلاحة شابة تقفز من عربة صغيرة، فتاة مرحة طولها متران و عيناها زرقاوان كالبحر، و لها ردف... كالفرس!... و وقفت مذهولاً و قلت لنفسي: " أي يا زوربا المسكين، لقد ضعت!".
" و رحت أتتبعها، و أنظر إليها... من المستحيل أن اشبع! كان لابد لكَ أن ترى ردفيها اللذين يهتزان كأجراس الفصح. و قلت في نفسي: " لماذا تذهب لشراء المناجم، أيها الشيخ المسكين؟ إنك تتنكب الدرب المستقيم، أيها المتقلب الرأي! تلك هي المنجم الحقيقي: ألق بنفسك فيه و شق انفاقك!".
" و توقفت الفتاة، ساومت، و ابتعات كمية من الخشب -ياللذراعين، يا إلهي!- و القتها في العربة. و اشترت قليلاً من الخبز و خمس أو ست سمكات مدخنة. و سألت: " كم أصبح الحساب؟ - كذا... ". و فكت قرط أذنها الذهبي لتدفع. لما كانت لا تملك مالاً، فستدفع قرطيها، و حليها، و صابونها المعطر، و زجاجة الخزامى.. لو دفعت كل ذلك، لضاع العالم! تماماً كما لو أنك تنزع عن طاووس ريشه. ألك قلب لتنزع ريش طاووس؟ أبداً! لا، لا، مادام زوربا حياً، فلن يحدث ذلك. هكذا قلت في نفسي، و فتحت كيس نقودي و دفعت. كان ذلك عندما أصبحت الروبلات مزقاً من الورق. بمئة درهم، كنت تشتري بغلاً، و بعشرة دراهم، امرأة.
" دفعت إذن. و حدجتني الفتاة بطرف عينها. و تناولت يدي لتقبلها. لكنني سحبتها. ماذا، هل تظنني شيخاً؟ و أخذت تصرخ: " سبا سيبا! سبا سيبا!" و هذا يعني " شكراً! شكراً!". و بقفزة واحدة أصبحت في عربتها و تناولت العنان، و رفعت السوط. و قلت في نفسي: " زوربا، أيها الهرم، احذر إنها ستهرب تحت نظرك". و بقفزة واحدة، كنت في العربة إلى جانبها. و لم تقل شيئاً. بل لم تلتفت لتنظر إليّ. و ضربت الحصان بالسوط، و انطلقنا.
من صفحات نيكوس كازنتزاكس
| |
|
|
|
|
|
|
|
|
|
Re: الســعادة المفاجئة هي اخت الحرج (Re: Marouf Sanad)
|
" كنتُ ماراً إذن بكوبان، و رأيت امرأة في بستان. و اعجبتني. يجب أن تعلم، أيها الرئيس، إن السلافية ليست كهاته اليونانيات النحيفات الطماعات اللواتي يبعنك الحب بالنقطة و يفعلن كل شيء ليدفعن لك أقل مما يجب ، و يغبطنك حقك. أما السلافية، أيها الرئيس، فتعطيك أكثر مما تستحق. في النوم، و الحب، و الأكل، هي قريبة جداً من الأرض و البهائم: إنها تمنح ، تمنح كثيراً، إنها ليست كتلك اليونانيات اللواتي يساومنك طويلاً!
و سألتها: "ماذا تُدعين؟". لقد تعلمت شيئاً من الروسية مع النساء، كما ترى. "نوسا. و أنت؟ - ألكسيس. إنك تعجبينني جداً، يا نوسا. و نظرت إلي بانتباه كما ينظر الانسان إلى حصان يريد أن يبتاعه. و قالت لي: "أنت أيضاً لا يبدو عليك أنك مسكين. لك اسنان متينة، و شاربان كبيران، و ظهر عريض، و ذراعان قويتان. انك تعجبني". و لم نتحدث أكثر من ذلك، أذ لم يكن ثمة داع لذلك.
من صفحات نيكوس كازنتزاكس
| |
|
|
|
|
|
|
|
|
|
Re: الســعادة المفاجئة هي اخت الحرج (Re: Marouf Sanad)
|
Quote: و لها ردف... كالفرس!... و وقفت مذهولاً و قلت لنفسي: " أي يا زوربا المسكين، لقد ضعت!".
" و رحت أتتبعها، و أنظر إليها... من المستحيل أن اشبع! كان لابد لكَ أن ترى ردفيها اللذين يهتزان كأجراس الفصح. |
سند اخوي...
لعل اجمل ماكُـتب عن المؤخرات جاء في مدونات نيكوس
حتى انه يمكن ان نطلق عليه بجدارة نيكوس كازنتزاطيز
دمتا رايق يا سند واسعد الله مساءاتك اينما كنت
| |
|
|
|
|
|
|
|
|
|
Re: الســعادة المفاجئة هي اخت الحرج (Re: DKEEN)
|
دكين ســــــــــــــــلام ،،،،
صاحبك صديق الموج قلت ليهو بوست دكين
الشديد ده ماشفتو ؟
قال لى مريت عليهو لكن عندى رأى فى
الباكستانية بصفة عامة !!
قال ( عاملة كده زى عيش الريف ....
هدومها كتار ما بتنفع معاى ) !!!!!
| |
|
|
|
|
|
|
|
|
|
Re: الســعادة المفاجئة هي اخت الحرج (Re: عبد المنعم عمر عثمان)
|
إذا قال صديق الموج فصدقوه فإن القول ما قال صديقو
وهذا ما امسكت انا عن إخباركـ به ترفقا في بحثكـ عن حواء تزين لكـ امر التفاحة
الان بعد ان قالها الموج سأهديكـ نصحي يا وغد
ابتعد قدرما استطعت عن الباكستانيات و الافغانيات و الصوماليات
فأنكـ لا محالة مُنفق جُل نهاركـ في تقشيرهن من ثياب وسرابيل و سراويل
و لعلمي بعجلتكـ التي اعرف .. فإنكـ لا محالة فاعلها علي ثيابكـ ثلاثا قبل
ان تصل الي الكليه الحربيه و حينها حايكون شكلكـ بايخ بصراحة
فتدبر من امركـ رشدا و اعلم ان العجلة هي صنو الحرج و ليست السعاده
فأستمسكـ بحبل القسمة و النصيب وإلا .. فانكـ منكساَ رأسكـ خجلا لا محالة
كلما مررت بسوق القماش
| |
|
|
|
|
|
|
|
|
|
Re: الســعادة المفاجئة هي اخت الحرج (Re: خدر)
|
| Quote: انتا صحي امنا حوءا نزلت اول مانزلت في باكستان؟ |
تشير الكتب السماويه بوضوح شديد الي مسأله نزول امنا حواء بمعيه العاشق الاكبر الي الارض
لا علم لي بمكان هبوطهما.. لكني و بالنظر الي ورقةالتوت الشهيره التي كانت تستر جسد حواء
و استصحاب زي الباكستانيات استطيع الجزم بإستحالة نزولها في ارض البشتون .. وليتها فعلت
حتي تعفيكـ من الحرج وانت تعبر سوق القماش
| |
|
|
|
|
|
|
|
|
|
Re: الســعادة المفاجئة هي اخت الحرج (Re: تماضر الخنساء حمزه)
|
طارق
رفقــــاً بصديقنا فهو صائم ..
يستطيع تدبر أمره .. و خرق الغطاء دون خلعه
يعني ممكن يكون أول بلاغ إغتصاب زوجة
دكين
سمعت نكتة الازواج الحلوين اللي بيجيبو أولاد شينين و العكس
..
أحكيها لابو الباكستانية عشان ينسي موضوع عماد عبدالله ده
| |
|
|
|
|
|
|
|
|
|
Re: الســعادة المفاجئة هي اخت الحرج (Re: DKEEN)
|
النية مطية يا خدر
دكين لما مشي يسأل من البت قال ليهم
لو وافقت قولو ليها دا دكين
و لو شاكوش قولوا ليها الود البسال دا كان حسين
حسين دا زول طيب و د ناس ليه سنتين راجي الله و عرس طارق عبده
و الله اخد ليه حقو من الظالم و المفتري
عقبال الجاية تطلع بنقالية
عشان القرمصيص دا تاني تشم ريحتو بالسمع بس
| |
|
|
|
|
|
|
|
|
|
Re: الســعادة المفاجئة هي اخت الحرج (Re: DKEEN)
|
| Quote: لاتدع باكستانية تبتسم في وجهك .. |
تبدأ مشاكلنا من هنا ..
فلدى بعض الشعوب الإبتسامة قد تعنى شئ آخر مختلفاً تماما عن ما يجول بخلد (عشا البايتات)
مثلاً فى أحدى القبائل الإفريقية هنالك عُرف وهو انه عندما (يتف ليك) زعيم القبيلة - بعد ان يجمع كل ما لديه من لُعاب- فى وشّك فذلك يعنى أنه قد رحب بك أيما ترحاب
فأنظر ماذا ترى
| |
|
|
|
|
|
|
|
|
|
Re: الســعادة المفاجئة هي اخت الحرج (Re: walid taha)
|
Quote: ابتسمت لي ابتسامة لااستحقها ولا حتى في حياة اخرى..
ابتسامة كده اصلا مامفترض اشوفها..
فيها حب ومحنة كبيرة خلاص..
وكانها تعرفني .. |
ولانكـ ياصديقي متيقن من حرصي عليكـ سأسألكـ سؤلا موازياَ
هل حملت تلكـ الابتسامه كل شحنات الحنان التي توهمت
ام ان انعكاسكـ رغباتكـ تمثل لكـ حناناَ سويا ؟
_______
اخشي عليكـ من الحَنان يا صديقي .
| |
|
|
|
|
|
|
| |
سلمى الشيخ سلامة
معتصم ود الجمام
فيصل نوبي
أبو عبيدة البصاص
Emad Abdulla
Ishraga Mustafa
احمد التجانى احمد
معتصم دفع الله
Hatim Yousif
walid taha
Ahmed Mohammed Osman
قرشـــو
محمد على طه الملك
Ahmed Yousif Abu Harira
خدر
Abd Alla Elhabib
رأفت ميلاد
Ahmed Suliman
salma subhi
حيدر حسن ميرغني
حمد فتح الرحمن
Marouf Sanad
hameem
فيس بوك
تويتر
انستقرام
يوتيوب
بنتيريست