|
|
 احـــوال الزوال بصعـود نور البهاء
|
الناس انكرت كل شي..
وموخرا صار كل من ياتي من الخرطوم يردد:
(البلد انتهت..البلد بقت خره بس ومابتنقعد..
لا اخلاق لاخلائق لانضافات لاخدمات ولا امن...حتى الرحمة زحت..)
يقولون مايقولون وسناء بين ظهرانيهم..
بطروا بالنعمة فماحمدوا الله وماشكروه وهو ولى النعمة ومستوجب الحمد..
فعم البلاء، والناس من بعد ذلك خاضت في سيرة الغافلات المؤمنات فتعاظمت الذنوب الى ما مقداره جبل مندرة..
وظَلمت النفوس نفسها بالغفلة والجحود والنكران، واحتال الناس في كيل الميزان..
فساء حال البلاد وانفرط امنها وعم الناس هلعُ ُ في الرزق ..
فلا يصبح صباح بيتٍ بالخرطوم إلا وقد خرج كل من فيه الى ناحية من نواحي الدنيا.. يركضون ركض الوحوش في البرية ابتغاء الرزق..
حتى خلت المنازل من ساكنيها فلا تكاد تجد هاتفاً ثابتا يعمل..
وأُكلت اموالُ ُ بالباطل، وذهبت فضائلُ الأعمال، وقل المعروف بين الناس
فتكثفت ظلمات الانفسِ إلى ظلماتٍ تغشت الابصار والبصائر، طبقاتٍ فوق طبقات..
وظُلم الناس ظلماً عظيما..
فخرجت دعوات المظلومين وشواهد الاحوال في ثلث الليل مثقلة بالانات والبكاء والتضرع من ارض الخرطوم إلى سماوات الله..
وتصاعدت اليها كما مشاهدِ العارف محي الدين بن عربي ..
وجرت نحو السماءِ جريانِ النيلِ في فصولِ الخريف عند محطة ود الماحي ..
فصعد اول ما صعد من ليل الخرطوم الظلم وشهدت له الاحوال،ثم صعدالذل فشهد له الاضطرار، وصعد القهر فشهد له اليتامى، وصعد التسول فشهد له السوق العربي، وصعدت الرشوة فشهد لها القطاع
الحكومي، وصعد الخوف فشهد له البوليس في الشوارع، وصعد الضنك فشهد له الإعراض عن ذكرِ الله، وصعد
الفُـسقُ فشهدت له الشقق المفروشة، وصعد النزوح فشهد له الاجتياح، وصعد الندب وشهدت له الارامل،
وصعد بيع الذمم فشهدت له عمارة ساجدة، وصعدت قلة الحيلة وهوان الناس فشهدت لها الامراض، وصعد
التشرد فشهدت له دارفور، وصعد زيف المصالح فشهدت لها اعمال قادة الحركات المسلحة، وصعد النهش
في الاعراض فشهدت له قوالات ومقالات، وصعدت النجاسات فشهد لها فيضان النيل، وصعد الفقر المدقع
فشهدت له مخصصات أولى الأمر، وصعدت مسؤولية الراعي فشهدت لها قوات الامم المتحدة، وصعد اكل مال
الناس بالباطل وشهدت لها جهاز شؤون المغتربين، وصعد الضيم وشهدت له جباية المحليات، وصعد ظلم ذوي القربى فشهد لها النوبيين..
فما تزال البلايا تتصاعد والشواهد تترداف ثقيلة تنوء بحملها السماوات حتى فُــتح لها ابواب تقبل الدعاء مُـشرعاتٍ بلا حُجب..
فإذا ماهمَّ الله بأخذ البري بذنب المسي، والقاصي بذنب الداني، والرعية بذنب الراعي، والغرير
بفعائل المترصد القاصد، ودارفور باعمال مسلحيها، والحِـلة بذنب المحلية..
حتى اذا ما كل ذلك...إذا ببهاء الطلعةِ وحسنِ الصورةِ وصفاءِ الفؤادِ يصعدون مصاعد السماء على
مهل..جليلاتُ ُ يُـضئن بحُـسنهن ليلَ الصعود الداجي، ويُـزلن بصفائهن آثار غواشي الذنوب العالقة بين السماء والأرض..
فاذا بالموكلين بالشواهد عند أبواب التقـبُـل يسالونهم:
من يشهدُ لكم من ارضٍ يُـوشك الله ان يحِـق بأهلها العذاب من أفعال مترفيها؟!
فاذا بـ(سناء) بطلعتهامثل ماذكر، وصورتها مثل ماذكر، وفؤادهامثل ماذكر.. تقوم فتشهد..
فشفع البهاء والأُبهة والفؤاد الصافي في كل ماسبق فغفر الله للمذنب و المسي والجائر والظالم فيوض رحمةٍ من لدن الرحمن الرحيم..
وسناء جوهرة النفس النفيسة وصفاء نية الناس..وابداع الخالق في خلقه..
تُـدير سناء مشروع حياة للاخرين بوجودها حية على ظهر الخرطوم ..
وماتزال البلاد في خير الله العميم ماظلت سناء ظليلة بلطفها، حيية بخُـلقها، اميرة بحسن طلعتها، وفاضلة تحث الناس وتذكرهم بفضائل المعروف المنسية بين الخلق..
قال حفدة مادحي الرسول الكريم بجهات كدباس:
(بت الصالحين جدها مرق من جهات شندي.. وجدتها لي امها جات من صعيد مصر مع جيوش الترك)
وقال شيخ من طابت عبد المحمود:
(البلا مابجي حدانا .. متروسين بي صالحة يت صالحين ..عترة من جهات الباب العالي ).
العارفون فقط يعلمون ان سعيها بين اهل الخرطوم رحمةً ونعمة ..
ادركوا ان فضل وجودها نجدةُ ُمن عند الله المنجد واهب النعم بلا حصر ولاعدد ..
رحمة باذخة قد وسعت كل شي ..
فالحمد لله على سناء النفس المعمورة...
احمدوه على وجودها يزدكم طولا في الاعمار ..
وتخيروا الحلال ثم اسألوه السلامة يستجب لكم..
|
|
 
|
|
|
|
|
|
|
|
Re: احـــوال الزوال بصعـود نور البهاء (Re: DKEEN)
|
اتجدعت لكن يا دكين ...
لا لا لا لا ... دي شديدة
Quote: احمدوه على وجودها يزدكم طولا في الاعمار ..
وتخيروا الحلال ثم اسألوه السلامة يستجب لكم.. |
نسيت تذكر اسم الكتاب في الحاشية ... ما تدقس
| |
|
|
|
|
|
|
|
|
|
Re: احـــوال الزوال بصعـود نور البهاء (Re: نادر)
|
ابو محمود
ده طرف من كتاب
(عترة من عتبات الباب العالي) الفصل الاول- دكين
الكتاب بقايا فصوله لاتزال قيد النظر والتحقيق ..
وقد نكتفي بفصلين منه..
بالمناسبة هذه السناء تحب الماكولات البحرية ..
ماعندك لينا اخطبوط على شرف محبتها دي؟؟
مودتي يامنقة..
وكن بخير ...
| |
|
|
|
|
|
|
|
|
|
Re: احـــوال الزوال بصعـود نور البهاء (Re: DKEEN)
|
...
يا عزيز ياعزيز يا إنتا،
State Of The Union
ماعارف العلاقة شنو الخلّتني استدعى (خطاب حالة الإتحاد) لمّن قريت (أحوال زوالك)؟!
في الثلاثاء الأخير من يناير كل عام يحرص (ساكن البيت الأبيض) على تنوير قطاعات وجماهير شعبه بالحاصل، يحكي ليهم بي إنجازاته وخططه وطموحاته.. طبعاً الخطاب ده بقت الدنيا والعالمين تننتظره لأنه مؤشر لي شكل السياسة الأمريكية في العام المنتظر.. وبديهي بيلقى بي ظلاله على شكل السياسة العالمية في مجملها، من جانبي ما لقيت تلخيص أوفى وأوعى للراهن السوداني من جميل نثرك هنا، أرشّحه لي ناس (خطاب الإتحاد) عندنا كموجز ضاف للوضع في السودان، طبعاً ده في حال افترضنا جدلاً وجود خطاب، وصحّت كذلك فرضية إنو عندنا اتحاد!!
Quote: صعد اول ما صعد من ليل الخرطوم الظلم وشهدت له الاحوال،ثم صعدالذل فشهد له الاضطرار، وصعد القهر فشهد له اليتامى، وصعد التسول فشهد له السوق العربي، وصعدت الرشوة فشهد لها القطاع الحكومي، وصعد الخوف فشهد له البوليس في الشوارع، وصعد الضنك فشهد له الإعراض عن ذكرِ الله، وصعد الفُـسقُ فشهدت له الشقق المفروشة، وصعد النزوح فشهد له الاجتياح، وصعد الندب وشهدت له الارامل، وصعد بيع الذمم فشهدت له عمارة ساجدة، وصعدت قلة الحيلة وهوان الناس فشهدت لها الامراض، وصعد التشرد فشهدت له دارفور، وصعد زيف المصالح فشهدت لها اعمال قادة الحركات المسلحة، وصعد النهش في الاعراض فشهدت له قوالات ومقالات، وصعدت النجاسات فشهد لها فيضان النيل، وصعد الفقر المدقع فشهدت له مخصصات أولى الأمر، وصعدت مسؤولية الراعي فشهدت لها قوات الامم المتحدة، وصعد اكل مال الناس بالباطل وشهدت لها جهاز شؤون المغتربين، وصعد الضيم وشهدت له جباية المحليات، وصعد ظلم ذوي القربى فشهد لها النوبيين..
|
...
| |
|
|
|
|
|
|
|
|
|
Re: احـــوال الزوال بصعـود نور البهاء (Re: الفاتح وديدي)
|
Quote: تُـدير سناء مشروع حياة للاخرين بوجودها حية على ظهر الخرطوم ..
وماتزال البلاد في خير الله العميم ماظلت سناء ظليلة بلطفها، حيية بخُـلقها، اميرة بحسن طلعتها، وفاضلة تحث الناس وتذكرهم بفضائل المعروف المنسية بين الخلق..
قال حفدة مادحي الرسول الكريم بجهات كدباس:
(بت الصالحين جدها مرق من جهات شندي.. وجدتها لي امها جات من صعيد مصر مع جيوش الترك)
وقال شيخ من طابت عبد المحمود:
(البلا مابجي حدانا .. متروسين بي صالحة يت صالحين ..عترة من جهات الباب العالي ).
العارفون فقط يعلمون ان سعيها بين اهل الخرطوم رحمةً ونعمة ..
ادركوا ان فضل وجودها نجدةُ ُمن عند الله المنجد واهب النعم بلا حصر ولاعدد ..
رحمة باذخة قد وسعت كل شي ..
فالحمد لله على سناء النفس المعمورة... |
مدد يا شيخي دكين ...
سناء دي ماعندها اخت صغيرة
| |
|
|
|
|
|
|
|
|
|
Re: احـــوال الزوال بصعـود نور البهاء (Re: تولوس)
|
تولوس ياوجيه
| Quote: سناء دي ماعندها اخت صغيرة |
26 سنة كده؟؟
انحنا لامين فيها لامن نشوف اخحتها السغيرة..
والله دي كملت سماحة اهل بيتها تب ..
بت زي الرصاصة 26 ملي
ماشاء الله تبارك الله
**********************
اخوي صديق ود رحمة
منورني اليوم ..
وانتا بتنورنا في الاشراقات دايما ياحبيب
حرم آآصديق ياخوي تشوف صورتها ..تهجد في واضاة الله دي تسال الله السلامات..
دمتا رايق وشكرا لي المرور
| |
|
|
|
|
|
|
|
|
|
Re: احـــوال الزوال بصعـود نور البهاء (Re: معروف حمدين)
|
معروف حمدين
| Quote: دكين أنتي جادي فى الموضوع دا.... |
جادي شديد ياحبة ..
تقدر تشوف لي ابوها يوم الخميس الجاي
اخوك زول مسيكين ساي ..تباريني مابتجيك عوجة علا ما بتلقى شي غير المحبات...
| Quote: بتخيل لي فيه مفأجآت .. |
انا ذاتي بتخيل لي
| |
|
|
|
|
|
|
|
|
|
Re: احـــوال الزوال بصعـود نور البهاء (Re: عمر الفاروق)
|
دكين المكين
صعود نور البهاء ... هل يطال أمصارنا و قرانا ؟ أم أن البركة فقط مبهولة في مثلث الخرتوم؟
| Quote: تُـدير سناء مشروع حياة للاخرين بوجودها حية على ظهر الخرطوم .. |
لو سمع أهلنا في إرس و صواردة بهذا ... فسيهرعون إليك طلبا للتوسط لتجود ببركتها هذه السناء ...
بركاتك يا سناء
| |
|
|
|
|
|
|
|
|
|
Re: احـــوال الزوال بصعـود نور البهاء (Re: ابو جهينة)
|
دكين الإنسان،
بقدر مأساتنا ... تنفتح شرفات الأمل.
يحب الله سبحانه وتعالى أن يرى منا التضرع والتوسل وعمل الخير،
لذلك ابتلانا بامتحان كبير يثير فينا التمرد.
لكن ثقل جبال الهموم يزول بإذن الله ببركة الدعاء والتضرع والقرب من الله.
نرجو أن نتقرب إلى الله قبل أن يستبدلنا بقوم آخرين.
أحبك عندما تكتب بهذا الصفاء،
وتسجل ذاكرة التاريخ بهذه النظرة الثاقبة،
وتبصر الرحمة في قلب النقمة.
العوض
| |
|
|
|
|
|
|
|
|
|
Re: احـــوال الزوال بصعـود نور البهاء (Re: Elawad Eltayeb)
|
العوض اخوي
تعرف يا حبيب مشكلةالبلد الاقتصادية دي قديمة قدم ميلادي ..
لامن مرقنا منها مرقنا عشان نعالج مشاكل اهلنا الاقتصادية ..وانا بها زعيم ..
وكنا حتى اواخر هذا العام بنرسل بي انتظام وامورهم في الشمالية ماشة وفي الخرطوم ماشة..
ليس مهما كم ترسل ولكن المهم ان يظلو في خير..
اها في آخر اجازة مشيتها تطورت مشاكل الاهل فبقت اقتصادية وامنية..
وفقدنا قريبتنا في احداث الاتنين لا ايد لاكراع ..
فاصابني القنوط
الاقتصادية وقنا بنحلها بي التحويلات ..
اها الاشكال الامني ده احول ليهم مسدسات ؟
ولا ارجع احرسهم بي ضراع إن اغنت فبالغت فلن تغني طويلا في بلد بها اربعين مليشيا مسلحة؟!
العوض
ليس مثل المحبة شي ..
| |
|
|
|
|
|
|
|
|
|
Re: احـــوال الزوال بصعـود نور البهاء (Re: ابو جهينة)
|
جلال العارف بالله
جوهرة من جواهر إرس ..
كانت معنا بالامس القريب..
لاتضاهي سناء في البهاء ولكنها بفؤاد يكفي القبيلة والجزر في شمال السودان ..
والله اذا رايت ترداف سنيها وسلام نفسها ..لانبرشت في ارض الملز ..
اما سناء فتلك قصة اخرى..
| |
|
|
|
|
|
|
|
|
|
Re: احـــوال الزوال بصعـود نور البهاء (Re: صديق الموج)
|
خدر مسميك ( دكين الوغد )
وهو رجل صاحب كرامات .. و ما بيتكلم ساكت ..
مكشوف عنو الحجاب ..
و تمبس بيرتكب فيك ما أعطاه الله من نعوت ..
و ما اختلف حول مخالفتك نفر .
و الموت مع الجماعة عرس ..
يا وغد 
و أنا قلت عليك في أحوال النوار ( ........................ )
دحين يا دكين ..
كيف الدبارة مع جنس سناءك دي ؟
نقوم جارين يعني ؟؟
و كتاباتك طاعمة ( طاعمة دي صديق الموج بيقراها شيتا كعب خلاس ) ..
و بتفلق بيها مرات لما الواحد يلبد ..
ياخي إنت زول حلو .. ( و سنويتك  ) عسل ..
| Quote: دكين اوعى يكون بتقصد التركين افييييييييييييييييييييييييييييييييى!! |
..
شكيت محنك يا صديق
| |
|
|
|
|
|
|
|
|
|
Re: احـــوال الزوال بصعـود نور البهاء (Re: صديق الموج)
|
ود الموج ...
ياخي دي اكلة عمرها سبعة الف سنة..
اقدم اكلة في وادي النيل ..
قالو واحد قريبنا ماكل تركين خشى الشركة وسلم ليهو على لبناني..
اها اللبناني بعد السلام قام شمى ريحة يدو لقاها صعبة خلاص
قام عاين لي قريبنا ده بي دهشة وقال ليهو :
شو خيو كارش ط...ك ؟!!!!!
خخخخخخخخخخخخخخخخخخخخخخخخخ (حلوة موش)
| |
|
|
|
|
|
|
|
|
|
Re: احـــوال الزوال بصعـود نور البهاء (Re: DKEEN)
|
يا سافل
دي ما كانت في اللستة الوزعت عليها السي دي هات
و لا من الرسلت ليهن الروفايللي
و لا من ضمن الخدار الانا شوفتو
انطق
دي كوتا داسيها وين ؟
و ليه ما اديتنا عنوانا
بعدين شنو كلهن امهاتن ترك ؟
| |
|
|
|
|
|
|
|
|
|
Re: احـــوال الزوال بصعـود نور البهاء (Re: حمد فتح الرحمن)
|
حمد
ياخي حاول طور الفاظك دي شوية
سافل دي انتا مرقتها لي من وين؟؟
بعدين يا حبيب سنوية دي لو كنتا مشيت عليها كانت كسرت ليك ارنبة انفك العاجبك ده..
شايف روحك ورافع نخرتك في شان شنو انا ماعارف..
ياحبة دي
شي كده خليط بين ناس السي ديهات وناس الصور ...
مابين الرياض وشمبات..
مابين قانون واقتصاد..
مابين الازرق والابيض..
مابين هذا وذاك...
انها سناء ..
| |
|
|
|
|
|
|
|
|
|
Re: احـــوال الزوال بصعـود نور البهاء (Re: ناصر محمد خليل)
|
| Quote: والله اذا رايت ترداف سنيها وسلام نفسها ..لانبرشت في ارض الملز .. |
هلا هلا يا شيخي دكين المتين ... مدد مدد
يا ناس الحله والحله الوراء...العليا...والوزارات والسفارات (عشان نكون قريبين من محل التاشيرة )
الحاضر يكلم الغايب
نضفو الواطه الخير هاطل علينا كيمان كيمان
| |
|
|
|
|
|
|
|
|
 Re: احـــوال الزوال بصعـود نور البهاء (Re: DKEEN)
|
Quote: ادركوا ان فضل وجودها نجدةُ ُمن عند الله المنجد واهب النعم بلا حصر ولاعدد ..
رحمة باذخة قد وسعت كل شي ..
فالحمد لله على سناء النفس المعمورة... |
شكلك وقعت يا وغــد ..
التحية لهذه السناء ..
| |
|
|
|
|
|
|
|
|
|
Re: احـــوال الزوال بصعـود نور البهاء (Re: DKEEN)
|
Quote: بالمناسبة هذه السناء تحب الماكولات البحرية ..
ماعندك لينا اخطبوط على شرف محبتها دي؟؟ |
لك ولسناءك ما تشاء من المأكولات البحرية والبرية والبرمائية زاتو، كدي تعال ممكن نضبح ليك تنقو زاتو بمناسبة سناء دي ... تتخيل كان حيغرق الأسبوع الفات في البحر، والأسبوع القبلو زكاه سرب سمك السمكة الواحدة قدر الكريسيدا، فبدل تاكلو الأسماك نضبحو ليكم ونعمل كوارع 
ولا شنو يا حمد؟
والله بوستك عجبني شديد وقلت أرجع لي كلامك المحبوك ده تاني، لكن زي ما شايف ماسك لي موية بي غادي ...
| |
|
|
|
|
|
|
|
|
|
Re: احـــوال الزوال بصعـود نور البهاء (Re: نادر)
|
والله بوستك عجبني شديد وقلت أرجع لي كلامك المحبوك ده تاني، لكن زي ما شايف ماسك لي موية بي غادي ...
نادر ياخوي ما تسك الشغلةكتير
القم البورد بامبرز والموية بتقيف
انتا ياخوي وجود حوتة ده مفترض يكون علمك كيف تترس الموية..
بعدين في ذمتك تنقو ده هسي كان اديتو احرف جزار بمرق منو ربع كيلو؟؟
والله من يوم طهروا وشالو الجلد دفنوهو تنقو ده تاني مافضلت فيهو لحمة حايمة..
عمر الفاروق
تعرف يا مان اجمل حاجة لمن يكون الكاتب ود حلة ساي ..
دي مشكلتك يا عمر
انك فاكرني زول ود حلة وبتاع عمدان وضللة ..
ياخوي انا ودعز والعز ذاتو فايتنو بي غادي..
اوع تظن اني جيت هنا محتاج..انا حرم غربتي دي ترف ساي ..
والدكاكين دي ماسمعنا بيها إلا من عندكم..
انحنا حاجاتنا كنا بنجيبا بي الاسبوع يا حبيب ..
قال ود حلة قال؟؟
سجمي
نادوس
المحبات دي ياحبيب تعال نديك منها مامقداره جبل مندرة..
وزع لي جكس قطر معاك بلاي
| |
|
|
|
|
|
|
|
|
|
Re: احـــوال الزوال بصعـود نور البهاء (Re: DKEEN)
|
دكين :
| Quote: طبعا انتا قاصد تتظارف .. |
ونات سيد العارفين من النادر جداً ان يتظارف الضكر مع الضكر وما بالك إن كان الضكر الاخر دكين !!!!!
| Quote: لكن حرم من المعمورة .. |
Quote: كنتا خايف ماالقى زول يفهم الحتة دي ..
بس الله جابك يافهيم..
كتلتها كتل.. |
تعرف يا مان اجمل حاجة لمن يكون الكاتب ود حلة ساي ..
والاجمل لمن يكون القارئ برضو ود حلة ساي ...
بيكون من الساهل جداً ان يفهم ود الحلة ود الحلة وإن إختلفت(الحلل)..
فكلاهما بيكون من النوع الكان بيقضي نص يومو في ضللة الحلة واركان الدكاكين يلعب الكونكان والضمنة وغالبية ليله بيشرح لي بنات الحلة الممتحنات شهادة وما بين حفلات الحلة والصف الخلفي ورحول الجيران الجدد وتنزيل العفش لنيل عاطفة البت الوسطانية وما بين الزوغان من دفع الشيرنق لشراء كفر موزة ثم الحضور اول زول للتمرين ..
وقمة البيضنة تكمن في جلسة يتوسطها قلم الرصاص وورقة من نص كراس العربي مطبوقة نصين ومكتوب فيها اسماء بنات واولاد الحلة والسبب رحلة مزمع قيامها للفكي هاشم بمناسبة اللا مناسبة ومسكين هو شم النسيم الذي نرمي عليه الاعذار ابتقاء مرضاة ولي الامر..
وما الذ فتح التلاتة زراير الفوق مع ربط القميص من تحت وتجنيح اليدين وانت ماشي وتساعدا بي كم كلمة كده وانت بتسلم شنو يا مان ووين يا حبيبو وكيف يا بشكة وإزيك يا حنين وجيب سفة وفك النفس ..
وقمة التعاون لمن كل واحد يشتت البيت ويجي طالع بعد شوية في يدو بصلة والتاني معاهو باقي عيش بايت ليأتي الحنفولي بي علبة الساردين والجبنة ويتربع سيد الدكان الذي يكون غالباً شاب في سنكم صاحبتوهو لشئ في نفس يعقوب فيتكفل بي موية الفول وصناديق الكولا للجلوس عليها مع شوال خيش وبي كده الفطور طلع ...
| |
|
|
|
|
|
|
|
|
|
Re: احـــوال الزوال بصعـود نور البهاء (Re: DKEEN)
|
عماد عبد الله
جميل انو الواحد يلقاك في بوستاتو
عامل كرفتك السمحة دي ..
زمان كان عندي شنب زي سنبك ده مكسر البنات بس قالو لي احلقو بلا فوضى معاك..
اها النوريك
Quote: كيف الدبارة مع جنس سناءك دي ؟
نقوم جارين يعني ؟؟ |
انتا طبعا زول وجيه وكتااااب .. وشنب زي شنبك ده مابقوم في زول إلا يكون مرهف وقلبو شفاف
وعليه يا عماد
سناء دي حرم تشوفها تخلي الوراك والقدامك
زي مابقول ليك كده
بت زي فلق الصباح ..
تشوفها تذكر حاجات كده ماكانت في بالك..
وبتقرا ماركيز وجورج امادو
حلاوة وثقافة لاتينية دي نادرة يا حبيب..ماتلقاها إلا عند سلمى الحايك..
او تلقاها عند الغافل..
ياخي إنت زول حلو .. ( و سنويتك ) عسل ..
تسلم يا حبيب
عسل الشوية دي؟؟
بير عسل .. نهر عسل .. بحر عسل.. ..محيط عسل..درب التبانة عسل..
طبعا اكتر من كده بخش في صلاحيات ليست لنا كبشر..
(وجه غامز)
| |
|
|
|
|
|
|
|
|
|
Re: احـــوال الزوال بصعـود نور البهاء (Re: DKEEN)
|
ماعليك زود يا عبد الله
ولك اجر الشوفة باذن الله ان التقينا..
بخاف
Quote: انت ما قاعد تكتب كتابات طويلة ليه
قصدي قصة ورواية وكده
ياخ انت زول مبدع |
زمان محسن خالد قال لي :
انتا ماعندك سكلتون لي نصوص الكتابات طويلة ..
وانا من اليوم داك جاتني عقدة..
وبيني وبينك
الجنى ده كلامو صاح..
انا زول ملول وفي نص الفكرة ممكن انط لي فكرة تانية..
اخوك يا حبيب ماعندو ثوابت..
شكرا على الكلام الجميل وعفريتة المعنويات..
| |
|
|
|
|
|
|
|
|
|
Re: احـــوال الزوال بصعـود نور البهاء (Re: DKEEN)
|
دكين ..
كيفنك يا ود أمي
أعلم أنك وغد
ولكني أحب ما تكتب ( وألوكه) بنهم رغم صعوبة الهضم أحيانا 
لك التحية والود..
وعندك مقدم عزومة في رمضان (تخير من الأيام ما شئت) وأديني خبر متى ما كنت بالرياض حتى نلم الأحباب
| |
|
|
|
|
|
|
|
|
|
Re: احـــوال الزوال بصعـود نور البهاء (Re: عمران حسن صالح)
|
| Quote: وعندك مقدم عزومة في رمضان (تخير من الأيام ما شئت) وأديني خبر متى ما كنت بالرياض حتى نلم الأحباب |
ابوحمودي
كضاااااااااااااااااااااااااب
ياخي كل سنة بتفكها فيني تعال افطر تعال افطر..
تقشر بي قدام البورداب ديل ومابنشوف منك كباية سلطة اسود ساي..
عزوماتك دي اكلنا منها لامنالله غفر لينا..
لكن عشان ماتقول ما قال لي اهو انا بقول ليك :
اول خميس في رمضان كيف معاك؟؟
حتقول لي ماشي عمره..ًصاح؟؟
| |
|
|
|
|
|
|
|
|
|
Re: احـــوال الزوال بصعـود نور البهاء (Re: DKEEN)
|
| Quote: نضبحو ليكم ونعمل كوارع |
ياخ دا من شدة ما ناشف كوراعو زاتا ما اظن فيها فايدة ،،،،،
ركز في الود بدري الايام دي انتا ما شايفو جا من السودان سمين و تريان كيف
بكون دهين و بطلع كوارع زي الناس
| Quote: شايف روحك ورافع نخرتك في شان شنو انا ماعارف.. |
يا سافل
بلاهي لسه ما عرفتا نخرتي مرفوعة في شان شنو ؟؟؟
النخرة هينة اوع من باقي البيارق التانية المرفوعة تهبشك
| |
|
|
|
|
|
|
|
|
|
Re: احـــوال الزوال بصعـود نور البهاء (Re: DKEEN)
|
ناصر خليل
مودتي يا حبيب وشكرا على المرور ..
انحنا بس بنجقلب لكن الشكر لي سناء
تولوس توي
خبرتك في الرياض مابطالة
اوعى تمرق من هنا ونحنا ماجايبين خبر؟؟
اعمل نايم لو من هنا ..حرم نجي نكسر ركبةعدييييييييييييييل
موووووووووووووو الجميل
يا معتصم ياخ اخوك يوماتي واقع..
انا زولا قليبي رهيف ومحبتي وافرة..
وقبل قتا ليكم : لوختيت محبتي دي في بت واحدة لهلكت..
لذا رافة بي وبهن انا بوزع فيها..
نسال الله السلامات
ودمتا رايق
صحبك تمبس قالوا ست ريدو بقت نساية..(وجه وقفا)
| |
|
|
|
|
|
|
|
|
|
Re: احـــوال الزوال بصعـود نور البهاء (Re: DKEEN)
|
دكين .. يا (دكين)
نوع سناء دي تخبيها منا وتورينا الخدار البايت وناس المزالق شديدة الانحدار!
ما عافية منك انا لي شهر وحسي بتمهم سنة!
بس برضو، انت أخوي وبكاك حنن لي قلبي ..
سناء، ان كنتي بالجوار، بركاتك ان تبسطي الأمان حيث انت وتمدي سبل الزصال لمن بكاكِ على الملأ بلا هواده...
| |
|
|
|
|
|
|
|
|
|
Re: احـــوال الزوال بصعـود نور البهاء (Re: AlRa7mabi)
|
Quote: تولوس توي
خبرتك في الرياض مابطالة
اوعى تمرق من هنا ونحنا ماجايبين خبر؟؟
اعمل نايم لو من هنا ..حرم نجي نكسر ركبةعدييييييييييييييل |
حبابك عشرة يا شيخي دكين
لو جيتنا جاتنا البركة زاتوو
امس كنت في الخبر وعملت تلفون لي صاحبك وكتر خيرو عزمني عشاء(فول)
والمرة الجاية جاييك عديل كده و صايم معاكت الشهر الفضيل
بس اوعي تفطرني برحي وموية زرقاء
وتقول لي ده شغل شيوخ وصيام ناس ام سبحة لالوبة
| |
|
|
|
|
|
|
|
|
|
Re: احـــوال الزوال بصعـود نور البهاء (Re: DKEEN)
|
بت ابو الشام
حمدالله عالسلامة والرياض منورة ..
تخيلي سناء دي مافايتاك كتير.. شكلك برضو صالحة بت صالحين
قبيل وان داخل حديقة جنب القراش الملكي جيتي في بالي وفجاة لقيت صحبتك العاملة زي الوزينة ديك قدامي ...
يشهد الله انا لامن قتا مدد يا بت ابو الشام..
يعني الواحد بس تجي في بالو تقوم تجي إشارات..
ويالها من اشارات حلوة..
معزومة فطور رمضان اول خميس بيت ناس آل عمران
تعالي اظبتي لينا تركين مع ام حمودي ..
وقطعي لي الطماطم في شكل قلوب ..
| |
|
|
|
|
|
|
|
|
|
Re: احـــوال الزوال بصعـود نور البهاء (Re: DKEEN)
|
دكين
| Quote: وقطعي لي الطماطم في شكل قلوب |
يعني شنو تماتم ؟
متين ناوي تقتنع انو انا خلقت لأكون برجوازية؟
منذ برهة كده من اسبوعين اكلت اكلة كاربة ما بعرف اسمها شنو غايتو بس كانت عبارة عن حاجات كده لذيذة مع بعض، لو حبيت ممكن اشوف ليك طريقة عملها وبقوم اكلمك تعلمها (براااااك)...
نعود لبوحك واندياحك
مدد يا بوح مدد ...
| |
|
|
|
|
|
|
|
|
|
Re: احـــوال الزوال بصعـود نور البهاء (Re: DKEEN)
|
دكــــــــــــين يا لذيذ يا رايق
يبدو ان قراءات محطة ود الماحي هذه الايام تشير الى اعتدال في المناسيب ،، لذا كان هذا الاندياح الجميل ،،
لهذا السبب أحب ود الماحي وأولاد حاج الماحي .
تحية بنكهة البهاء وعبق العطور للجميلة سناء.
قنب عافي وبسسسس
شرووم
| |
|
|
|
|
|
|
|
|
|
Re: احـــوال الزوال بصعـود نور البهاء (Re: شرووم)
|
شرووم
معك احب النيل الازرق كثيرا
واحب مادحي الرسول الكريم عليه افضل الصلاة واتم التسليم
وود الماحي بحر علوم وفيوض محبة..
في محطة بتاعة مطر اسمها ابو نعامة
بتتحبا بروضو
وياللزمان الجميل الذي اتينا منه..
| |
|
|
|
|
|
|
|
|
|
Re: احـــوال الزوال بصعـود نور البهاء (Re: DKEEN)
|
شكراً شيخنا العارف بالله دكين .. على هذا البهاء والسناء الذي يذهب بالإبصار
وخلي سناء تنداح لتلملم شعث الوطن الممزق .. وسنكلم الخال حمزاوي ليحكم
إغلاق الطريق الفوق "أعلى الخارطة" وهو بهذا (زعيم) ..
| |
|
|
|
|
|
|
|
|
|
Re: احـــوال الزوال بصعـود نور البهاء (Re: Mohamed Abdelgaleel)
|
آبدول
سنويتك دي ما تكون سنويتنا حقت الجامعة
في ممثلة اسمها "واحة الراهب" ( الخالق الناطق ) ..
| Quote: ابدول اخوي الله يرزقنا نعمة التواضع من لدنه ، اصلو يا ابن العم التواضع دا نعمة و فضل من الله يؤتيه من يشاء و ينزعه ممن يشاء . |
آمين آحمد آخوي
| |
|
|
|
|
|
|
|
|
|
Re: احـــوال الزوال بصعـود نور البهاء (Re: DKEEN)
|
محمد عبد الجليل
نوبي ونادوس
رمضان كريم واسعد الله مساءاتكم بكل خير وطيب..
سناء رمضان كريم
ابسط يا نوبي اهوده انتا في سرج واحد بتاع تهنئة مع سناء بالشهرالكريم
مين زيك انتا ونادوس والعزيز محمد عبد الجليل
انها ليلة قدركم وماقدركم بقليل..
| |
|
|
|
|
|
|
|
|
|
Re: احـــوال الزوال بصعـود نور البهاء (Re: DKEEN)
|
لائق لكِ الصمتُ والصخب..
لائق لكِ الرسوخ..
ولائق لكِ التحليق بين نورسين..
كأنكِ جسرُ ُ بين ضفتي الحزن المسرة..
لاتتحدثي عن احمالك..
ولولاء مائة وجعٍ تلحُ عليكي..
انت..خُـلقت..لِلبهجة..
سناء انها لمريد البرغوثي(انت خلقت للبهجة) ..
بيد انها لائقة عليك..
لذا تصرفت فيها ..
اشتقتُ الى جوارِك
ُترى كيف تمضي الايام حولك؟؟
| |
|
|
|
|
|
|
| |
الفاتح وديدي
تولوس
Sidig Rahama Elnour
معروف حمدين
عمر الفاروق
ابو جهينة
Elawad Eltayeb
صديق الموج
Emad Abdulla
عبد الله عقيد
Bakhaf
حمد فتح الرحمن
ناصر محمد خليل
معتصم دفع الله
nadus2000
عمران حسن صالح
AlRa7mabi
saif massad ali
Saifeldin Gibreel
شرووم
Mohamed Abdelgaleel
فيصل نوبي
فيس بوك
تويتر
انستقرام
يوتيوب
بنتيريست