مع كــل الفقر والاحترام

شرح مفصل و معلومات للتقديم للوتري 2020
فتحي الضو في أستراليا
التحالف الديمقراطي بمنطقة ديلمارفا يدعوكم لحضور احتفاله بالذكري 54 لثورة اكتوبر
التحالف الديمقراطي بأمريكا يقيم ندوة بعنوان آفاق التغيير ما بعد هبة يناير 2018
Etihad Airways APAC
منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest
اخر زيارك لك: 19-10-2018, 06:35 PM الصفحة الرئيسية

مكتبة عبد العزيز خيري شلال(DKEEN)
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
20-08-2010, 07:54 PM

DKEEN
<aDKEEN
تاريخ التسجيل: 30-11-2002
مجموع المشاركات: 6771

للتواصل معنا

FaceBook
تويتر Twitter
YouTube


مع كــل الفقر والاحترام

    مهما احيط الانسان بظروف تحيله الى شي من الاشياء الا انه يرفض ان يكون قرنبيطاً او شحم الارض..
    غالبا سارتر

    اوو بتانرٍ غُربقشنوسِرِ...
    قفـَأ سودِّ داقل
    تِن سفَركِي فوقجى بُول
    إر ترنَّ حاسبوكِ بارِّل

    محمد فضل – شاعر نوبي

    بكل الود الذي يسوقه هذ البرنامج المؤدب وهذه البنت الفنانة...
    مؤدبة الوجدان .. سمحة المحيا ..
    برنامجها انساني جوهرة تعميق الحرية بتعميق الوجدان..
    يُدار هذا البرنامج وجدانياً..
    ويعتق الناس من مساكات الحياة الجديدة التي استجدت في ضهاري الحلال السودانية.. الترف غير المستحب والنعمة الآجلة الجافلة بين جدران الجالوص الجديد..
    الركض وهلع الارزاق الذي ودر المروة وودر المعروف..
    صحي رانيا تبدو كمن تكتشف الحياة وحياة الضهاري لاول مرة ..واحسبها كذلك كونها ظلت حبيسة الاستديوهات الباردة وترف البراري ودلال البيوت السمحة واولاد الناس الرايقة..
    ولكنها تفعل مالا يفعله غيرها .. غيرها المنشغل في ضوضاء البرامج الفجة الغثة ..تفعله في توقيت فيه الناس مقضنها غنا في محل قيام الليل..
    بين اولئك المعزولين وسط الزحام وسط المعايش وسط السودان - وما اكثرهم في ارض السودان –تكشف عن حياة حادة الاطراف، امضى جوانبها الصبر..

    تُقرب بكل ذاك الود والتقدير المسافات التي وسعتها قروش الحكومة والتجار وأولاد الحرام..
    تجبر الخاطر وتجبر الكسر ..
    وفي مودة بالغة بتعمل ليك رفرشمنت لما خبرته عن حال الحلة وايام خلت..

    لعل الناس تحتاج فعلا الى مثل هذا البرنامج ..
    ولعلهم ينظرون الى حالٍ فيرق لها حال..
    ولعلهم ينتهون عن الجخ ووضاعة النفس والسراميك في بيوت الجالوص
    لعل الهلع والركض خلف المعايش ودعايات ابو الفاضل والمحاميد الفاخرة الشقق التي تدعوك للتميز مع الصفوة، لعل كل ما ذُكــر انسى الناس – او يكاد- كثيرا من ما قد يفوتهم من لطائف الحياة البسيطة التي حسبناها قد ولت..

    تدير رانيا حلقات ذلك البرنامج بحنان بالغٍ يهذب النفس ويجعلها اكثر رحابة..
    وهي في هذا الشهر الفضيل وهذه الايام المباركات استثناء في اوساط مقدمات البرامج المتبرجات ذوات الالوان..
    تستهله ببساطة في اللبس والهيئة العامة
    البرنامج نفسه ليس قشرة وليس معلبا مليئا بالالوان وكشافات الاستديو كاغلب البرامج الاخرى..
    ولاتحضير فيه على مايبدو من شكل الحوار..
    يُدار من قلبها ودون مقدمات.. وتعتمدُ على رقةٍ وحنانٍ بالغات في التحضير لكل سؤال قادم..
    ولولا ان اللغة المستخدمة في تلفزيون الشروق هي العربية لكان الدمع حوارها مع مُحدثيها
    يا رانيا
    عميق اعتذاري لهؤلاء .. لانهم يبدون في مثل لاشي في عالم وصل الى كل شي..
    عميق اعتذاري ليك ..لانك تبدين مثل ملاكٍ مخلوع في ارضِ جديدة...
    واعلمي حفظك الله
    ان الفقراء - في فقرهم الملعون - في دائرة لايخرجون منها..
    يظلون في دوائر الفقر ُسنة مؤبدة..
    فقيراً ينتج فقيرا.. وفقيرا يتزوج فقيرة..
    وفقيرا يموت وفقيرا يحيى..
    ولو انهم جميعا تخرجوا من كيمبردج واتو الى بلاد السودان ما وجدوا عملاً يسد رمق عوائلهم دون واسطة ومعرفة ..
    ولو ما انتا حلفاوي او ود عوائل او مقرم ما بشمها شركات دال...
    ولو ما انتا انتهازي وعندك تاريخ مشرف في النصب والمخازي ما بتصل لي شركات الحكومة وجهاز الحكومة وناس الحكومة..
    واولاد العز في دوائر عزهم مثل ماخبرناهم من ابد الاباد..واللهم لاحسد..
    مدراس خاصة وتعليم خاص وشغل خاص وعالم خاص..
    والعن من كده بجيهم اللوتري اكتر من الملاعين الزينا ديل..
    حتى الزينا الجاهم لوتري وإتخارجو.. ماعرفوا يعملوا بيهو شنو ذاتو في امريكا ..
    فصاعوا وضلوا الطريق واضلوا المنتظرين وقتلوا الامال.. ومامرقو من دائرة الفقر..
    دائرة الفقر في السودان لعنة.. واظنها حالة مكتوبة في الجبين
    يارانيا
    لو انك سكبت دميعاتك نهرا في استقصاء احوالهم لما تغير بؤس حالهم...
    خلعتك المبالغ الزهيدة التي يعبرون بها يومهم الى اخرة يعلمها الله..
    لقد ابكاني مثل ما ابكاك قول ذلك البجاوي المتعفف لادارة المدرسة:
    بتقروها خير مابتقروها خير.. وماسك طرف الصديري بيدينو الاتنين ..يود لو يخلعها ويخلع الدنيا التي عافته فعافها..
    انشالله تنفعوا البنية في هذا العالم الخِرب..
    وانشالله يديك العافية البتشحدي الله يديها ليهم..
    وشكرا ليك بكيتينا بي ناس انحنا ذاتو مافايتهنم كتير ولله الحمد على نِعمه الكبيرة..
    حقا ان هذا شي فريد..
                   |Articles |News |مقالات |بيانات

20-08-2010, 10:09 PM

Mahir Mohammed Salih

تاريخ التسجيل: 08-02-2008
مجموع المشاركات: 1446

للتواصل معنا

FaceBook
تويتر Twitter
YouTube


Re: مع كــل الفقر والاحترام (Re: DKEEN)

    دكين لا فض فوك يا أخى ،،

    والله بالأمس كنت أتابع لقائها من أحد الأعمام فى حلفا الجديدة ،، يا سلالالالالام راجل عمرو 76 سنة وهو بكامل صحته وعافيته ،، لا تمر كلمة من فمه إلا ويردفها بقول : الحمد لله الحمد لله الحمد لله وكأنه يملك كنوز الدنيا ،، لغة بسيطة وعفوية تخرج من فمه عسلاَ مصفا،، قال فيما قال والله أشتغلت نجار أشتغلت حداد إشتغلت سمكرى إششتغلت رباط أشتغلت أى حاجة الحمد لله الحمد لله .

    مع التحية لك

    ماهر
                   |Articles |News |مقالات |بيانات

20-08-2010, 10:40 PM

DKEEN
<aDKEEN
تاريخ التسجيل: 30-11-2002
مجموع المشاركات: 6771

للتواصل معنا

FaceBook
تويتر Twitter
YouTube


Re: مع كــل الفقر والاحترام (Re: Mahir Mohammed Salih)

    ماهر رمضان كريم

    حضرتها الحلقة بتاعة التسبيح بحمد الله والحمد لله ..


    قال والله أشتغلت نجار أشتغلت حداد إشتغلت سمكرى إششتغلت رباط أشتغلت أى حاجة الحمد لله الحمد لله



    الراجل ماعندو إلا الحمد ..
    له الحمد مستوجب الحمد

    حلقة الحجة الليلة كانت آسى وتجمل ساي.. والله حبيت البواليس لله في لله
                   |Articles |News |مقالات |بيانات

20-08-2010, 10:10 PM

Elawad
<aElawad
تاريخ التسجيل: 20-01-2003
مجموع المشاركات: 7226

للتواصل معنا

FaceBook
تويتر Twitter
YouTube


Re: مع كــل الفقر والاحترام (Re: DKEEN)

    Quote: لعل الهلع والركض خلف المعايش ودعايات ابو الفاضل والمحاميد الفاخرة الشقق التي تدعوك للتميز مع الصفوة، لعل كل ما ذُكــر انسى الناس – او يكاد– كثيرا من ما قد يفوتهم من لطائف الحياة البسيطة التي حسبناها قد ولت..

    لا إله إلا الله... قعدت في السودان شهر كامل و عايز أحكي عن الشفته... لو كتبت مليون كلمة فهي ما حتقول القلته دا في السطرين ديل.
    رمضان كريم يا دكين... معليش التعليق إمكن برة الموضوع لكن الكلمات دي أسرتني جدا.
                   |Articles |News |مقالات |بيانات

21-08-2010, 01:29 AM

DKEEN
<aDKEEN
تاريخ التسجيل: 30-11-2002
مجموع المشاركات: 6771

للتواصل معنا

FaceBook
تويتر Twitter
YouTube


Re: مع كــل الفقر والاحترام (Re: Elawad)

    العوض

    معاك بستغرب من هذه الاعلانات..

    ُيقال ان الاعلانات التجارية تعكس حال الوضع الاقتصادي في البلد المعلن فيها..

    يبدو ان لتلك الاثاثات سوقا رائجة ..
    العفش ده كلو الخلايق دي مابتجيبو لو مابشتروه..
    الناس دي بتجيب القروش من وين؟؟
    من وين بتجيب البيوت اصلا البختو فيها عفش زي ده..
    ده هسي عفش بلد فيها كتاحة ومافيها طماطم في الصيف؟!!

    انا كنتا عارف الحريم ديل حيضيعوا السودان..
    بس ما كنتا قايل بدري بدري كده..
                   |Articles |News |مقالات |بيانات

20-08-2010, 10:12 PM

Elawad Eltayeb
<aElawad Eltayeb
تاريخ التسجيل: 01-09-2004
مجموع المشاركات: 5270

للتواصل معنا

FaceBook
تويتر Twitter
YouTube


Re: مع كــل الفقر والاحترام (Re: DKEEN)

    شكراً لك يا دكين يا رائع
    رانيا هي كنز الذهب المدفون في جبال الإعلام التي لا تطرف لفقر الفقراء ولا تحترم إنسانيتهم، بريقها رانية يكشف زيف الألوان الخادعة والبهرجة قصيرة النفس.
                   |Articles |News |مقالات |بيانات

20-08-2010, 10:30 PM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: مع كــل الفقر والاحترام (Re: Elawad Eltayeb)

    Quote: لقد ابكاني مثل ما ابكاك قول ذلك البجاوي المتعفف لادارة المدرسة:
    بتقروها خير مابتقروها خير.. وماسك طرف الصديري بيدينو الاتنين ..يود لو يخلعها ويخلع الدنيا التي عافته فعافها..

    DKEEN
                   |Articles |News |مقالات |بيانات

20-08-2010, 11:03 PM

محمد سنى دفع الله
<aمحمد سنى دفع الله
تاريخ التسجيل: 10-12-2005
مجموع المشاركات: 10947

للتواصل معنا

FaceBook
تويتر Twitter
YouTube


Re: مع كــل الفقر والاحترام (Re: محمد المرتضى حامد)

    برنامج انساني يلمس شغاف القلوب
    ويبكي اصحاب الاحساس المرهف
    لكا ولها محبتي
                   |Articles |News |مقالات |بيانات

20-08-2010, 11:06 PM

أبو عبيدة البصاص
<aأبو عبيدة البصاص
تاريخ التسجيل: 29-09-2006
مجموع المشاركات: 4123

للتواصل معنا

FaceBook
تويتر Twitter
YouTube


Re: مع كــل الفقر والاحترام (Re: محمد سنى دفع الله)

    دكين ليتك لم تصمت !!!

    دكين لا احب التداخل في اعمدتك حبا في خطوك

    وكثير من التداخل يحرف المسار لهذا اصمت وامتع نفسي بالدهشه

    دكين واصل الحكي لي رانيا الزوله التي تعيد اكتشاف السودان من جديد

    دكين واصل الحكي لي رانيا الزوله التي تملك قلبا لم تشوهه الكهارب والبهارج والعمارات الشواهق


    دكين واصل الحكي لينا نحنا ووعلمنا كيف نتسالم مع ذواتنا ونمتد ليحتوي عوزنا فاقه الاخر حبا ووعد وتمني






    مدخل للخروج :
    ان في الحب العطاء
                   |Articles |News |مقالات |بيانات

21-08-2010, 12:34 PM

DKEEN
<aDKEEN
تاريخ التسجيل: 30-11-2002
مجموع المشاركات: 6771

للتواصل معنا

FaceBook
تويتر Twitter
YouTube


Re: مع كــل الفقر والاحترام (Re: أبو عبيدة البصاص)

    يابصاص سلاماتي..


    صحي والله ان في الحب عطاء..

    العالم الان يصبح اغرب مما كان .. ونمط الاموات والاحياء يزداد تعقيدا..
    إلا اللحظة العميقة بمعزل عن سواها، بلا قبل ولا بعد..



    ياخي البت ذاتا زي الرحمة البتنزل مع الفطور..مرقت من الاستديو اكشتفت ان ثمة حياة بعيدا عن الحياة..
                   |Articles |News |مقالات |بيانات

21-08-2010, 12:17 PM

DKEEN
<aDKEEN
تاريخ التسجيل: 30-11-2002
مجموع المشاركات: 6771

للتواصل معنا

FaceBook
تويتر Twitter
YouTube


Re: مع كــل الفقر والاحترام (Re: محمد سنى دفع الله)

    ود السني

    ليها براها المحبة يافنان..
                   |Articles |News |مقالات |بيانات

21-08-2010, 00:01 AM

عمران حسن صالح
<aعمران حسن صالح
تاريخ التسجيل: 26-11-2004
مجموع المشاركات: 10123

للتواصل معنا

FaceBook
تويتر Twitter
YouTube


Re: مع كــل الفقر والاحترام (Re: محمد المرتضى حامد)

    كانت الدنيا غنا يا عزيز
    وكان حزن ما " لافيني "
    يمكن برودة البيت الخالي من أيِ مشاعر ، بيت فاضي من ريحة زول ينادي ( يا بابا)
    كهربتو ما قاطعة ، بلاطو نضيف ، مويتو بارد حار وتلاجتو باقي عصيدة وملاح تريان
    ولكنو بدون مشاعر
    وكانت الدنيا غنا
    من زول لى هارموني والمزيكة " جالبة الفرح " مالية الشاشات
    شالني الريموت وداني عند رانية والحاجة حليمة
    ورقدت قش هناكـ :)
    كرهت تفكيري البائس
    وقعدت معاي الحاجة حليمة لى حسي
    لازمتني تاني يوم وانا طالع عز الضهر يلعن حظو على درجة الحرارة وحرارة العربية
    فجائتني حليمة ونسيت سخانتي وعطشي ودر جة الحرارة
    ورددت كلماته وهي تشكر الله وبينه وبين أيِ حاجة تفرح مسافات ممتده بالحزن والالم والحاجة والمرض
    نحن يا عزيز تفاهة ووهم متحركـ
    أخدتنا الدنيا فتحول حلمنا إلى " مخدات الطرب " فنسينا كيف هو حال الرواكيب وجالوص الفقرا " ونحن منهم "
    بلد مليان جوع ومرض وإعلانات تذكرنا بضرورة أن يكون البطاطس مقرمشاً ولن يتأتى ذلكـ بأي نوع من أنواع الزيوت إلا التي تقدمها شركة هذا الإنتهازي الجديد
    بلد حيطان ( الزبالة ) خلف قصور أولياء نعمتنا الجدد ينظرون لها كأراضي " فاضية " طال الزمن أم قصر آيلة إلى إمتداداتهم السكنية ( والإستثمارية )
    بلد يزيد قرف فوارقه يوماً بعد يوم ، يزيد فيها المال في القصور وينعدم عند حليمة لأن الكشة لم تدع لها حق الحطب السعرو " ملاليم " بياكلو منو كوم أطفال لم يدع لهم المرض شيئاً غير المرض
    ...........
    عزيز معاكـ بردد لى رانيا هارون
    كل التقدير والاحترام


                   |Articles |News |مقالات |بيانات

21-08-2010, 00:15 AM

الصادق اسماعيل
<aالصادق اسماعيل
تاريخ التسجيل: 14-01-2005
مجموع المشاركات: 8604

للتواصل معنا

FaceBook
تويتر Twitter
YouTube


Re: مع كــل الفقر والاحترام (Re: عمران حسن صالح)

    Quote: لو انك سكبت دميعاتك نهرا في استقصاء احوالهم لما تغير بؤس حالهم...
                   |Articles |News |مقالات |بيانات

21-08-2010, 01:17 AM

Elmuiz Haggaz
<aElmuiz Haggaz
تاريخ التسجيل: 04-11-2009
مجموع المشاركات: 630

للتواصل معنا

FaceBook
تويتر Twitter
YouTube


Re: مع كــل الفقر والاحترام (Re: الصادق اسماعيل)

    الفقراء - في فقرهم الملعون - في دائرة لايخرجون منها..
    يظلون في دوائر الفقر ُسنة مؤبدة..
    فقيراً ينتج فقيرا.. وفقيرا يتزوج فقيرة..
    وفقيرا يموت وفقيرا يحيى..
    ولو انهم جميعا تخرجوا من كيمبردج واتو الى بلاد السودان ما وجدوا عملاً يسد رمق عوائلهم دون واسطة ومعرفة ..
    ولو ما انتا حلفاوي او ود عوائل او مقرم ما بشمها شركات دال...
    ولو ما انتا انتهازي وعندك تاريخ مشرف في النصب والمخازي ما بتصل لي شركات الحكومة وجهاز الحكومة وناس الحكومة..
    واولاد العز في دوائر عزهم مثل ماخبرناهم من ابد الاباد..واللهم لاحسد..
    مدراس خاصة وتعليم خاص وشغل خاص وعالم خاص..

    I cant add more Dakeen just keep writting
                   |Articles |News |مقالات |بيانات

21-08-2010, 01:22 AM

jini
<ajini
تاريخ التسجيل: 05-02-2002
مجموع المشاركات: 30442

للتواصل معنا

FaceBook
تويتر Twitter
YouTube


Re: مع كــل الفقر والاحترام (Re: Elmuiz Haggaz)

    قلم والآقلام قليل!
    الله يديك العافية يا دكين
    جنى
                   |Articles |News |مقالات |بيانات

21-08-2010, 01:24 AM

7abib_alkul
<a7abib_alkul
تاريخ التسجيل: 05-02-2002
مجموع المشاركات: 3756

للتواصل معنا

FaceBook
تويتر Twitter
YouTube


Re: مع كــل الفقر والاحترام (Re: Elmuiz Haggaz)

    القديم شديد دكين
                   |Articles |News |مقالات |بيانات

21-08-2010, 01:42 AM

معاوية الزبير
<aمعاوية الزبير
تاريخ التسجيل: 07-02-2003
مجموع المشاركات: 7723

للتواصل معنا

FaceBook
تويتر Twitter
YouTube


Re: مع كــل الفقر والاحترام (Re: 7abib_alkul)

    وقالت لي عمنا من حلفا الجديدة: الزمن دا بقى كعب

    قال ليها: الزمن ياهو الزمن الشمس تشرق وتغرب

    لكن الناس البقوا كعبين

    -------------------------------

    رانيا هارون تقدم البرنامج وكأن الكاميرا والمايكرفون والضيوف أصبى عشاقها

    وكأنها تحلم.




    فليبق قلبك صبيا أبدا يا دكين
                   |Articles |News |مقالات |بيانات

21-08-2010, 01:35 PM

DKEEN
<aDKEEN
تاريخ التسجيل: 30-11-2002
مجموع المشاركات: 6771

للتواصل معنا

FaceBook
تويتر Twitter
YouTube


Re: مع كــل الفقر والاحترام (Re: معاوية الزبير)

    Quote: قال ليها: الزمن ياهو الزمن الشمس تشرق وتغرب
    لكن الناس البقوا كعبين


    الراجل واعي بماهية اقواله ايما وعي..
    يعني لا خلعتو كمرا ول اخلعتو سماحة البنية...
    اتلقى السؤال زي الجايهو من طرف الحلة ورد عليهو بي اقوال ثابتة وحكمة رصينة..
    الراجل بعيد من صخب هذه الحياة ويعلم مايدور في هذه الحياة..
    صحي والله ذنوب الناس دي في رقاب اخوانها.. والله برى مما يصنعون..

    الراجل زعلان مننا يامعاوية..
    الراجل شكانا لي اب ايدا قوية..بقينا كعبين ..والشمش بتشرق وتغرب..
                   |Articles |News |مقالات |بيانات

21-08-2010, 02:06 AM

Emad Abdulla
<aEmad Abdulla
تاريخ التسجيل: 18-09-2005
مجموع المشاركات: 6751

للتواصل معنا

FaceBook
تويتر Twitter
YouTube


Re: مع كــل الفقر والاحترام (Re: 7abib_alkul)

    شاكرٌ أنا لرانيا يا ابن خالتي ..
    لها - ان أخرجتك هكذا , موجوعا جميلا - فأنا شاكر ..
    و شاكر لها كذا أن أطمأن القلب في خفقانه القديم بأنْ :
    ( هذه الأرض حسناء, زينتها الفقراء. لهم تتطيبُ . يعطونها الحُبَّ, تعطيهم النسل والكبرياء ) .
    ...........
    اعرف ياخوي ..
    الناس هنا باقون على حال فقرهم المقيم , يوادونه بصبرٍ عظيم .. و جَلَد غاضب .
    و يتناسلون الغضب في قفا أخيه الغضب ..
    و الغضب كاين كاسر يا عز , و بيتكاثر في متوالية بيولوجية أشبه بخلايا السرطان ..
    ( الغضب الساطع آتٍ ) ..
    و ح يجي يا عز .. كبير و رزام و قشاش ..
    و ح يكنس كل العفن ده و يقلب عاليها واطيها ..
    ( إنني أؤمن بالشعب حبيبي و أبي ) .. إيمان إبن ###### يا عز .. و قاطع .
    و كل ما تشوف حال الناس ماشي أضـرط , تلاقي عيونهم بتلمع أكتر .. أي و الله .
    ما عندي مشاهدات بقت لحال الفقر و المسكنة .. عيوني بس جوه عيون الخلايق المحشودة في قلقها الكبير و الغليان الكامن و محقون ..
    و كل ما تصبح بشحت ربي أن يفجر الفقر و تستأسد المسكنة بأكثر و أشد .. عشان الناس تجوع للعزة و الكرامة و العيش اليليق بيها ياخي .
    رانيا تفعل ذلك .. بكل هذه الوسامة الآسرة , كل هذا الحنان الحقيقي ..
    تحقن الناس و تصفعهم بحالهم .. بتشيل مراية و تقول لينا : شوفوا إنتو مساكين قدر شنو و غلبانين و دينكم طالع كيف ..
    و نشوف .. و نعرف , و نغضب .

    أنا غضبان يا ابن خالتي ..
    و جواي ألف جارحٍ و كاسر .. و وحش .
    فشكراً يا راينا .

    رمضان كريم يا دكين .

                   |Articles |News |مقالات |بيانات

21-08-2010, 02:01 PM

DKEEN
<aDKEEN
تاريخ التسجيل: 30-11-2002
مجموع المشاركات: 6771

للتواصل معنا

FaceBook
تويتر Twitter
YouTube


Re: مع كــل الفقر والاحترام (Re: Emad Abdulla)

    شاكرٌ أنا لرانيا يا ابن خالتي ..
    لها - ان أخرجتك هكذا , موجوعا جميلا - فأنا شاكر ..
    الله يسلمك ياإماد
    ده ولا غيض من فيض جمالك يا فنان..

    بس والله ياعماد الناس الشفتهم ديل ما ناس دواس
    ديل ناس محنة وسماح ساي..
    بعدين والحق يقال مافي زول ماكل حق زول ..في سوء توزيع في القصة ..
    في ناس بتعرف تشيل وبتقلع وفي ناس مابتعرف تشيل..
    في ناس عينا قوية وعكاليت وهممهم دنية وفي ناس نفسهم كبيرة وقرعتو مابمدها والقلع ماخايل فيهو..



    صدقني لاشعب ولا بطيخ اصفر..
    الفقر الدخل في الناس تاني في حياة تانية مايمرق..
    عمك الحلفاوي ده لو مد له في الاجال سيظل هكذا ولو تتالت عليه تسعة حكومات مختلفة المشارب والاتجاهات..
    الفقر قسمة.. زي مرتك كده..
    سمبك يركبه الله فيك ..يزيل به عنك ارزال الدنيا
    ويسمى قدرك..
    لانو بعد فترة يعتاد عليه المرء ..وبعدها حتى ولو داهمه عز وترف في العيش فانه يعيش بنفسية الفقير واحساس الخطر..

    Quote: شوفوا إنتو مساكين قدر شنو و غلبانين و دينكم طالع كيف ..
    و نشوف .. و نعرف , و نغضب .

    لو بس رانيا دي كانت مع كل حلقة بتشيل ليهم صور لي بيوت الناس المرتاحة..
    وصور لي عربات الناس المرتاحة
    ومدارس الناس المرتاحة
    وزوجات الناس المرتاحة
    ودهب الناس المرتاحة
    وبنات الناس المرتاحة
    ولعبات الناس المرتاحة

    توريهم الناس دي عايشة كيف وهي عايشة كيف..
    كان ريحتني في بوستيني ده..


    رمضان كريم ياعمدة وياخي شرفتا بعد غياب..
    انا لومنك كان وديت رانيا دي شمال دنقلا تتم بكاها وسط العالم المنسي داك..
                   |Articles |News |مقالات |بيانات

21-08-2010, 01:25 PM

DKEEN
<aDKEEN
تاريخ التسجيل: 30-11-2002
مجموع المشاركات: 6771

للتواصل معنا

FaceBook
تويتر Twitter
YouTube


Re: مع كــل الفقر والاحترام (Re: 7abib_alkul)

    الاخوان
    الصادق والمعز وجني وحبيب الكل
    رمضان كريم وتفطروا على خير في هذا الشهر الكريم..

    بلاهي تابعو البرنامج ده وتتبعوا بؤس هذه الاحوال ..
    وفجاة البرنامج ينتهى وتلقى انوار وبهارج وعصاير واثاثات وشقق فيها نجف وبلكونات وزول فاتح ليهو شركة عجيب كده ولابس بدلة زرقا ويقول ليك جواز سفر شنو كده مابعرف..

    تلفزيون يجيب ليك نفسيات ..
    ياخ انحنا والله عضمتنا نية وقلبنا رهيف وماحمل اعلام زي ده..
                   |Articles |News |مقالات |بيانات

21-08-2010, 01:18 PM

DKEEN
<aDKEEN
تاريخ التسجيل: 30-11-2002
مجموع المشاركات: 6771

للتواصل معنا

FaceBook
تويتر Twitter
YouTube


Re: مع كــل الفقر والاحترام (Re: عمران حسن صالح)

    تعرف يابو حمودي
    الحلقة دي بالذات رانيا كانت بادية الخلعة
    انا بقيت بس ف يالبرنامج ده بتابع لحظات الاسى على هذه الرانيا..

    زي الزول الرايح ليهو رحمة في عيون حلوة..
    عايزين نترحم على انفسنا بي طريقة سمحة.. عايزين نبكي نفسنا باثر رجعي من خلال هذا الطالع وهذه المحنة..
    نبكي حالنا المالقينا زول يبكينا فيهو..

    بتسطنطق الدمع في عين الام لانها ما مصدقا انو هذه الام يجب ان تظل بهذا الصمود وكل هذا الصبر..


    المؤسف ياعمران في هذه الحياة، يتابين رد الفعل تجاه الفقد في بداياته ويتساوى في نهاية الامر بفضل طبيعة الحياة الغلابة

    الخسران ليهو صفقة بي مليون جنية والرايحة ليهو عافية والميت ليهو عزيز..
    مصيبة السقطت في امتحان بتاع انجليزي زي تتساوى ومصيبة المطلقة بعد يومين من عرسها..
    البكاء والجعير واحد.. والمصاب في بداياته يمتحن النفس.. وفي نهاية الامر كل المصايب دي بعد حين من الحياة يعتادها البني ادم حتى ولو كانت كمثل مصاب تلك المراة..
    يكون الامر عظيما حين الابتلاء ولكن بعد حين يتساوى رد الفعل عند مسطرة الحياة..

    المرة اضناها الاسى ومصابها في ابنائها استمر بعمر بتها الكبيرة حتى اعتادته ووصلت حد المسطرة فاستوت على جبل الحياة جهم التضاريس فاستقرت ..
    جات رانيا فاتخلعت لانها في مستوى الصدمة الاول ..لاتكاد تصدق ان لهذا الاسى استقرار
    لذلك قعدت تكرر ( يعني انتي عايزاها تكبر وخايفاها..) ..
    البت بتعيش في احساس عاشتو تلك الام قبل مالايقل عن اعوام عديدات لامن حصلت العوجة الاولى والابتلاء الاول..
    لذلك تحس بيها بتحاول تبكي المرة.. تحسسها بي مقدار الابتلاء التي ترزح فيه.. ابكي ياحاجة انتي ما بتكبي ليه..العليك ده ببكي؟؟

    مامتخلية انو المرة دي مصت حنضل الصبر ده لحدي مااستوت عندهاالمرارات في الدنيا..
    فقالت عايزة بس تحج..
    الحج وخاتمة الحسن...


    المرة بتربى في عوايل وشايلة هوايل والبوليس بالمرصاد..
    والناس بتغنى..






    فخلينا نبكي حالنا ده مع رانيا دي..
                   |Articles |News |مقالات |بيانات

21-08-2010, 12:09 PM

DKEEN
<aDKEEN
تاريخ التسجيل: 30-11-2002
مجموع المشاركات: 6771

للتواصل معنا

FaceBook
تويتر Twitter
YouTube


Re: مع كــل الفقر والاحترام (Re: محمد المرتضى حامد)

    تخيل يامرتضى الراجل بتو الكبيرة امتحنت شهادة..
    ولايملك من الدنيا سوى عنقريبين وعدة قهوة ..وعنز..
    اي حاجة تانية ما حقتو..


    لو جا برد ساي بتجهجه..

    رمضان كريم يا استاذ وعمتك جخ عديل.. داير تتكفن بيها كيفن عمة مطرزة؟؟
                   |Articles |News |مقالات |بيانات

21-08-2010, 12:56 PM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: مع كــل الفقر والاحترام (Re: DKEEN)

    Quote: داير تتكفن بيها كيفن عمة مطرزة؟؟
    يا دكين،
    Appearances are deceptive
    لكن نفترض أنها غير ذلك،
    في ضمان جثتي تتلقي؟
    وكا ن لقوها معقول ما يشوفوا ليها دبلان هندي يسترا؟
    وكان لقوها بالعمه دي خليهم يقصوا الطرف المطرز ويكفنوا الجثه بالباقي،
    هسه البرنامج دا أدينا إسمو عشان نتابع ،
    في رمضان الفائت كان هناك برنامجا يقدمه الطيب عبدالماجد
    يشبه ما حكيت عنه ولكن كان يرافقه عطاء مالي أو عيني كبير
    بس أي حلقة منه كانت مُدِرّة للدمع..
                   |Articles |News |مقالات |بيانات

21-08-2010, 01:37 AM

DKEEN
<aDKEEN
تاريخ التسجيل: 30-11-2002
مجموع المشاركات: 6771

للتواصل معنا

FaceBook
تويتر Twitter
YouTube


Re: مع كــل الفقر والاحترام (Re: Elawad Eltayeb)

    العوض رمضان كريم ياذوق

    اعلام عجيب ..
    بدا بي سوح الفدا وطالبي الشهادات والملكوت وانتهى بي رقاصات وغنا بنات..
                   |Articles |News |مقالات |بيانات

21-08-2010, 02:04 AM

كمال سالم
<aكمال سالم
تاريخ التسجيل: 13-02-2008
مجموع المشاركات: 4785

للتواصل معنا

FaceBook
تويتر Twitter
YouTube


Re: مع كــل الفقر والاحترام (Re: DKEEN)

    Quote: يُدار من قلبها ودون مقدمات.. وتعتمدُ على رقةٍ وحنانٍ


    وجمال فتاك !

    ياوغد البرنامج ده هسه لو كان بتقدمو
    إيمان دفع الله ما كان لفت إنتباهك !
    البنيه بينى وبينك سمع وشوف .
                   |Articles |News |مقالات |بيانات

21-08-2010, 02:21 PM

DKEEN
<aDKEEN
تاريخ التسجيل: 30-11-2002
مجموع المشاركات: 6771

للتواصل معنا

FaceBook
تويتر Twitter
YouTube


Re: مع كــل الفقر والاحترام (Re: كمال سالم)

    ياكيمو

    صدقني ياالاخو لو قدمتو ديناخالد بالرطانة ..
    مابتفرق معاي..

    كان زمان يامعلم..اخوك عينو اتملت..
    اتملت زي منسوب النيل في محطة ود الماحي..
    ماشين في الواضة دي بي انفساها وبركتا ونعمة وجودا..
    والله لامن فرحان بالدنيا..

    (عدل بواسطة DKEEN on 21-08-2010, 02:32 PM)

                   |Articles |News |مقالات |بيانات

21-08-2010, 06:41 PM

أبو عبيدة البصاص
<aأبو عبيدة البصاص
تاريخ التسجيل: 29-09-2006
مجموع المشاركات: 4123

للتواصل معنا

FaceBook
تويتر Twitter
YouTube


Re: مع كــل الفقر والاحترام (Re: DKEEN)

    Quote: ماشين في الواضة دي بي انفساها وبركتا ونعمة وجودا..
    والله لامن فرحان بالدنيا..


    انا لله ... والله كمال مرق الجمله دي غصب
    وانا بقول ليها يابتي شيلي الجمله سويها ليك حجاب
    وتاني ما أظن من الدنيا بجيك شي ...



    انا لله
                   |Articles |News |مقالات |بيانات

21-08-2010, 02:21 PM

DKEEN
<aDKEEN
تاريخ التسجيل: 30-11-2002
مجموع المشاركات: 6771

للتواصل معنا

FaceBook
تويتر Twitter
YouTube


Re: مع كــل الفقر والاحترام (Re: كمال سالم)

    Quote: Appearances are deceptive
    لكن نفترض أنها غير ذلك،
    في ضمان جثتي تتلقي؟
    وكا ن لقوها معقول ما يشوفوا ليها دبلان هندي يسترا؟
    وكان لقوها بالعمه دي خليهم يقصوا الطرف المطرز ويكفنوا الجثه بالباقي،
    هسه البرنامج دا أدينا إسمو عشان نتابع ،
    في رمضان الفائت كان هناك برنامجا يقدمه الطيب عبدالماجد
    يشبه ما حكيت عنه ولكن كان يرافقه عطاء مالي أو عيني كبير
    بس أي حلقة منه كانت مُدِرّة للدمع..



    ياخ انتا قربتا تمرق من رحمة رمضان
    اقول ليك رانيا هارون تقول الطيب عبدالماجد؟؟

    اصلا برنامج بهذه الفكرة غلط يقدمو غير رانيا بمثل ماهي عليه..
    صحى غلطات الاعلام السوداني كتيرة بس تقديم رانيا لهذا البرنامج اجمل صاح..

    البرنامج ليس بذاك القدر من الفلسفة والحوار العميق..
    ولكنه حنين والحوار فيه للقلب والجالوص..
    حنين زي ست المكرفون..

    ادعوك الي نص ساعة مع النفس السمحة وانصلاح الحال..
    حاجة كده نحتاجها من حين الى اخر..
    مابعرف ببدا متين انا من غيرو الزمن وسافرتا فوارق التوقيت دي بتعمل لي ربكة..
    بس بعد الافطار بتوقيت الدوحة بي شوية..

    تابع ياخينا..
    فالحياة قصيرة..
                   |Articles |News |مقالات |بيانات

21-08-2010, 02:24 PM

haroon diyab
<aharoon diyab
تاريخ التسجيل: 20-06-2007
مجموع المشاركات: 23196

للتواصل معنا

FaceBook
تويتر Twitter
YouTube


Re: مع كــل الفقر والاحترام (Re: كمال سالم)

    ديكو ياقريبي

    والله العظيم انا محتار فيك

    والله كلام درر.....!!!!

    واختيار موفق لبرنامج موفق

    الله عليك ياعزيز شلال

    لامن تلقي موضوع سمح زي ده

    تعال بي جاي وعلق علي كيفك .

    يديك الف عافية ياجميل
                   |Articles |News |مقالات |بيانات

21-08-2010, 06:15 PM

esam gabralla

تاريخ التسجيل: 03-05-2003
مجموع المشاركات: 6116

للتواصل معنا

FaceBook
تويتر Twitter
YouTube


Re: مع كــل الفقر والاحترام (Re: haroon diyab)

    و العابر هذا الشارع
    مرتاح البال
    لم يسمع بعد
    بالنبأ الفاجع
    و الذائع بين الناس
    و جبين دون غضون
    يعنى عدم الاحساس

    حقآ أحيا في زمن قاتم
                   |Articles |News |مقالات |بيانات

21-08-2010, 08:11 PM

معاذ حسن
<aمعاذ حسن
تاريخ التسجيل: 14-11-2006
مجموع المشاركات: 3304

للتواصل معنا

FaceBook
تويتر Twitter
YouTube


Re: مع كــل الفقر والاحترام (Re: esam gabralla)

    .
                   |Articles |News |مقالات |بيانات

21-08-2010, 08:29 PM

عثمان محمد كرار
<aعثمان محمد كرار
تاريخ التسجيل: 14-12-2008
مجموع المشاركات: 1730

للتواصل معنا

FaceBook
تويتر Twitter
YouTube


Re: مع كــل الفقر والاحترام (Re: معاذ حسن)

    ربنا يعين حا آمنه ويحقق لها امنيتها بالحج فيدو مؤئر جدا
                   |Articles |News |مقالات |بيانات

21-08-2010, 08:42 PM

عبدالوهاب علي الحاج
<aعبدالوهاب علي الحاج
تاريخ التسجيل: 03-07-2008
مجموع المشاركات: 10571

للتواصل معنا

FaceBook
تويتر Twitter
YouTube


Re: مع كــل الفقر والاحترام (Re: عثمان محمد كرار)

    Quote: دائرة الفقر في السودان لعنة.. واظنها حالة مكتوبة في الجبين
    والمكتوب في الجبين لابد تشوفو العين !



    ________
    سلام ياصاحب
    ورمضان كريم
                   |Articles |News |مقالات |بيانات

21-08-2010, 10:44 PM

DKEEN
<aDKEEN
تاريخ التسجيل: 30-11-2002
مجموع المشاركات: 6771

للتواصل معنا

FaceBook
تويتر Twitter
YouTube


Re: مع كــل الفقر والاحترام (Re: عبدالوهاب علي الحاج)

    الله اكرم ياوهبة..وتفطر على خير
    الفقر ده من متلازمات خط الاستواء ..شيتا كده بجي مع الهجير ..
    كان الله في عون الشمس والحكومة يوم القيامة..
                   |Articles |News |مقالات |بيانات

21-08-2010, 10:39 PM

DKEEN
<aDKEEN
تاريخ التسجيل: 30-11-2002
مجموع المشاركات: 6771

للتواصل معنا

FaceBook
تويتر Twitter
YouTube


Re: مع كــل الفقر والاحترام (Re: عثمان محمد كرار)

    الحجة دي اتوسمت في رانيا قصة الحج ..
    بس البت طويلة والايد قصيرة
                   |Articles |News |مقالات |بيانات

21-08-2010, 10:38 PM

DKEEN
<aDKEEN
تاريخ التسجيل: 30-11-2002
مجموع المشاركات: 6771

للتواصل معنا

FaceBook
تويتر Twitter
YouTube


Re: مع كــل الفقر والاحترام (Re: معاذ حسن)

    الحال من بعضو يامعاذ

    دي شنو النقطة دي ..انتا الايام دي شغال في الشرقي؟؟
                   |Articles |News |مقالات |بيانات

21-08-2010, 10:34 PM

DKEEN
<aDKEEN
تاريخ التسجيل: 30-11-2002
مجموع المشاركات: 6771

للتواصل معنا

FaceBook
تويتر Twitter
YouTube


Re: مع كــل الفقر والاحترام (Re: esam gabralla)

    الله يارب العالمين
    الما جحدنا نعمتو في الشوف والسمع
    راحة الولادة ولا قلوبنا قسن ولاغيــرنا دين
    في الجابو ما قصر حمد ..
    في الشالو ما قلنالو وين ما شيبو وين
    عدلت نعال مقلوبة في الجبهة اليمين حدرت شمال
    زمنا مو دا الحيكومة كانت بت حلال
    بي حالاً .. بي حرب الجنوب
    بي قلة المال في الجيوب
    كانت رخية العيشي .. إلا تري العوين الكبرو ..
    كبرو مليسين
    علمن يطير .. إن كان هو ما فدر عوج
    ما فدنا شئ ومحق القبيل لمينا هين .. في هين .. في .. هين
    يا حليل رجالاً سكتُن غدرا غشاهن غشاهن بالقفا ..
    ولي الليلة سيفن في الجراب يهرج سنين
    دا زمن قواسى .. زمن ضلالة .. اونطجية ..
    زمن حقارة .. زمن مهين


    ود جبر الله
    مشتاقين ياحبوب

    اهديك كلام الحلفاوي
    الزمن ياهو الشمس تشرق وتغرب
    بس الناس بقت كعبة.. والاونجطية على قفانا بعد ماكانو على قفا من يشيل
                   |Articles |News |مقالات |بيانات

21-08-2010, 10:24 PM

DKEEN
<aDKEEN
تاريخ التسجيل: 30-11-2002
مجموع المشاركات: 6771

للتواصل معنا

FaceBook
تويتر Twitter
YouTube


Re: مع كــل الفقر والاحترام (Re: haroon diyab)

    هارون

    والله برامج التلزيون دي من كترة ماتعج به من محن و عِــــــبر لامن مقرر اعمل فيزا لي واحد صحبي بس عشان نقعد نبرمج تعليقات..

    دمتا رايق
                   |Articles |News |مقالات |بيانات

21-08-2010, 09:41 PM

جمال محمود
<aجمال محمود
تاريخ التسجيل: 24-07-2010
مجموع المشاركات: 3248

للتواصل معنا

FaceBook
تويتر Twitter
YouTube


Re: مع كــل الفقر والاحترام (Re: DKEEN)

    Quote: يُدار هذا البرنامج وجدانياً..
    ويعتق الناس من مساكات الحياة الجديدة التي استجدت في ضهاري الحلال السودانية.. الترف غير المستحب والنعمة الآجلة الجافلة بين جدران الجالوص الجديد..
    الركض وهلع الارزاق الذي ودر المروة وودر المعروف..


    لك كل الود والتقدير
                   |Articles |News |مقالات |بيانات

21-08-2010, 10:55 PM

عمر الفاروق
<aعمر الفاروق
تاريخ التسجيل: 10-10-2005
مجموع المشاركات: 9669

للتواصل معنا

FaceBook
تويتر Twitter
YouTube


Re: مع كــل الفقر والاحترام (Re: جمال محمود)

    البرنامج قدمه الطيب عبد الماجد قبل رمضانين تقريباً في قناة الشروق والعالمين مشت فيهو فووووووووو ..وأول حلقة تقريباص كانت مع بائعة للأطعمة في سوق ليبيا ويومها تم تسليمها عربة أمجاد تكريماً لها..
                   |Articles |News |مقالات |بيانات

22-08-2010, 10:34 PM

DKEEN
<aDKEEN
تاريخ التسجيل: 30-11-2002
مجموع المشاركات: 6771

للتواصل معنا

FaceBook
تويتر Twitter
YouTube


Re: مع كــل الفقر والاحترام (Re: عمر الفاروق)

    Quote: لبرنامج قدمه الطيب عبد الماجد قبل رمضانين تقريباً في قناة الشروق والعالمين مشت فيهو فووووووووو ..وأول حلقة تقريباص كانت مع بائعة للأطعمة في سوق ليبيا ويومها تم تسليمها عربة أمجاد تكريماً لها..

    برنامج شنو يافاروق..البتكلم عن برنامج منو يا بلدينا.. اقول ليك رانيا بتبكي تقول لي الطيب عبد الماجد؟؟
    هسي بلاي ده برنامج يقدمو الطيب ؟؟
    لكل مقام مقال ياصاحب.. المقام مقام الزي رانيا..
    القصد من نوعية البرامج دي حين يتوجه الى الدعم المادي بكون زيو وزي اي جمعية خيرية وبرامج ديوان الزكاة..
    ولكن حين يقصد البرنامج موئل القلب اولا ومنبع الدمع ثانيا فلا فكاك من الاحزان ومراجعة الاحوال..
    لامن الواحد يكون مخلوع بي خلعة مقدم البرنامج .. بتكون الفجيعة من عدة جهات..
    فجعيتك في زول زي رانيا بتبكي وفجعيتك في انو انتا محتاج زول زي رانيا تبكيك....وفجعيتك في انو فعلا في خلايق بستحقو كل هذا البكا

    الطيب الله يكتر خيرو..
    بس رانيا الله يكتر الله من امثالها..


    الطيب مين ياطيب؟؟

    (عدل بواسطة DKEEN on 22-08-2010, 10:40 PM)

                   |Articles |News |مقالات |بيانات

21-08-2010, 10:55 PM

ابو جهينة
<aابو جهينة
تاريخ التسجيل: 20-05-2003
مجموع المشاركات: 20250

للتواصل معنا

FaceBook
تويتر Twitter
YouTube


Re: مع كــل الفقر والاحترام (Re: جمال محمود)

    عبد العزيز يا إبن عم
    تحايا و رمضان كريم

    جات رانيا فاتخلعت لانها في مستوى الصدمة الاول ..لاتكاد تصدق ان لهذا الاسى استقرار
    لذلك قعدت تكرر ( يعني انتي عايزاها تكبر وخايفاها..) ..
    البت بتعيش في احساس عاشتو تلك الام قبل مالايقل عن اعوام عديدات لامن حصلت العوجة الاولى والابتلاء الاول..
    لذلك تحس بيها بتحاول تبكي المرة.. تحسسها بي مقدار الابتلاء التي ترزح فيه.. ابكي ياحاجة انتي ما بتكبي ليه..العليك ده ببكي؟؟

    مامتخلية انو المرة دي مصت حنضل الصبر ده لحدي مااستوت عندهاالمرارات في الدنيا..
    فقالت عايزة بس تحج..
    الحج وخاتمة الحسن...


    المرة بتربى في عوايل وشايلة هوايل والبوليس بالمرصاد..
    والناس بتغنى..


    تعرف يا عبدالعزيز
    كلامك ال فوق دة كلام علم نفس غائر في جسد الحلقات آنفة الذكر( رغم إنك قاري قانون )

    الأستاذة رانيا هارون مذيعة مقتدرة و نثمن لها ما تقوم به، و لكن تحليلك في الجزئية أعلاه لامس ( أم فتفت الحقيقة ) و ليس كبدها .. لأن الحقيقة تقول أن الحال يغني عن السؤال و الحال يزكم الأنوف و الناس قاعدة تغني و تدندن.

    دمتم
                   |Articles |News |مقالات |بيانات

21-08-2010, 11:40 PM

محمد علي شقدي
<aمحمد علي شقدي
تاريخ التسجيل: 25-04-2010
مجموع المشاركات: 2730

للتواصل معنا

FaceBook
تويتر Twitter
YouTube


Re: مع كــل الفقر والاحترام (Re: ابو جهينة)

    استاذنا دكين لكـ الاحترام بقدر ما احترمت فقر المعدمين لهواء البث الحي لمشاعرهم فالعينه في هذا البرنامج لا تمثل فئة قليله بل الاكيد ان الفئه هي التي تمارس تمثل الاحساس بالغالبيه فمثل هذا التاثير الجميل للبرنامج يجب ان يمتد يدا تواصل العطاء في كل لحظه وليس في كل عام مره
                   |Articles |News |مقالات |بيانات

03-09-2010, 10:07 AM

DKEEN
<aDKEEN
تاريخ التسجيل: 30-11-2002
مجموع المشاركات: 6771

للتواصل معنا

FaceBook
تويتر Twitter
YouTube


Re: مع كــل الفقر والاحترام (Re: محمد علي شقدي)

    شقدي
    رمضان كريم وخواتيم مقبولة
    Quote: العينه في هذا البرنامج لا تمثل فئة قليله بل الاكيد ان الفئه هي التي تمارس تمثل الاحساس بالغالبيه فمثل هذا التاثير الجميل للبرنامج يجب ان يمتد يدا تواصل العطاء في كل لحظه وليس في كل عام مره

    زي ماقتا ليسوا إلا قليل من كثير..

    مجاهدات الحياة والمعافرة البنسو فيها دي يجب ان تشذب بما نرى..
                   |Articles |News |مقالات |بيانات

23-08-2010, 07:57 AM

DKEEN
<aDKEEN
تاريخ التسجيل: 30-11-2002
مجموع المشاركات: 6771

للتواصل معنا

FaceBook
تويتر Twitter
YouTube


Re: مع كــل الفقر والاحترام (Re: ابو جهينة)

    ابو الجلاجل ياجاري في شمال السودان الا بعد.

    رمضان كريم ومشتاقين كم يشتاق الى "دكة" في صباح شتوي في بلاد النوبة..

    تعرف ياجلال كمية الاعمال الدرامية والاغنيات التي تعرض في رمضان تكاد تفوق ما يتم عرضه خلال عام كامل..
    يتحول رمضان عام بعد عام وبقدرة قادر الى شهر من استهلاك المبهول كده بلا حدوت..
    اكل وشراب واغاني ومسلسلات وتصفيق وحاجة كده بعيدة كل البعد عن مقاصد الشهر الفضيل..
    انتفت فكرة التاملات في مسائل الجلد والصبر والبذل والانفاق والبذل ..
    الله يجازي المصريين اظنهم من فكرة الفوازير ديك والعالم دي مافتئت تطرش لنا في كل عام بدعة ..حتى انتهى بنا الامر الى هذا الاسهال الغنائي في قنوات السودان..
    يزداد صرف الاسر في رمضان الى الضعف ووزن العالمين ده في اواخر رمضان بكون وصل سقف السمنة والنسوان بكونن عملن ليهن اجنحة عند خواصرهن.. واتربربن في اماكن اخرى..
    بينما يجتهد الانسان لينتقى مكانا قصيا لذكر المولى تداهمك الاشيا ءمن حولك.. شي جرايد واعلانات جرايد وشي قنوات وشي انترنت وشي رادي وشي دي في دي..يظل المستهلك مستهدف بصورة تجبره على القبول ببعض المنتجات المذكورة غصب عنو..

    والله كتر خير راينا تعيد بهذا البرنامج في هذا التوقيت بتلك الطلعة وتلك الدموع شيئا من الروح والتدبر..


    دمتا رايق ياجلال وايامك سمحة
                   |Articles |News |مقالات |بيانات

22-08-2010, 10:15 PM

DKEEN
<aDKEEN
تاريخ التسجيل: 30-11-2002
مجموع المشاركات: 6771

للتواصل معنا

FaceBook
تويتر Twitter
YouTube


Re: مع كــل الفقر والاحترام (Re: جمال محمود)

    جمال

    تاني إلا التراب مايمل عيون الخلايق في ضهر الخرطوم
                   |Articles |News |مقالات |بيانات

22-08-2010, 00:55 AM

هجو الأقرع
<aهجو الأقرع
تاريخ التسجيل: 19-07-2006
مجموع المشاركات: 9026

للتواصل معنا

FaceBook
تويتر Twitter
YouTube


Re: مع كــل الفقر والاحترام (Re: DKEEN)

    دكين .. تحياتى و رمضان كريم .. تعرف البوست ده جميل جداً و بقدر ما هو جميل مؤلم جداً .. الاعلامية المخضرمة رانيا هارون ابدعت ، ايما ابداع ، خرج من دواخل مملوءة بالالم و الحسرة .. عرفت باسلوبها كيف تؤثر على المشاهد بطريقة مباشرة . و الله الواحد يحمد الله مليون مرة على نعمه الكثيرة
    قدر ما يقول فى شئ شايل همه يحس انو ما شايل هم و لا بعانى من شئ .. السودان يعيش مأساة الناس غافلة عنها و مثل هذه البرامج بتورى الناس الواقع المرير
    رانيا دخلت اضيق الازقه المظلمة و سلطت عليها الضوء و رققت القلوب .. ناس تغنى طرب و ناس تدندن اسى فى قلوبها و تقول الحمد لله .. وناس قاعدة تتنقل بين قنوات تنقل لها اغانى البنات ، هنيئا لك يا رانيا ادخال الفرح على الحزانى .

    (عدل بواسطة هجو الأقرع on 22-08-2010, 01:26 AM)

                   |Articles |News |مقالات |بيانات

22-08-2010, 11:13 AM

hameem
<ahameem
تاريخ التسجيل: 10-01-2005
مجموع المشاركات: 325

للتواصل معنا

FaceBook
تويتر Twitter
YouTube


Re: مع كــل الفقر والاحترام (Re: هجو الأقرع)

    Quote: زي الزول الرايح ليهو رحمة في عيون حلوة..


    عيناها .. ابنة هارون رحيمتان .. فهما لذلك حلوتان
    هي رقيقة وتلقائية ومتعاطفة وغير متكلفة وصادرة من القلب
    فلذلك مس البرنامج قلوبنا مباشرة
    الله يحفظها ويرعاها .. كما حفظتنا ورعتنا وروعتنا
    ونحمد الله كثيراً .. على ما نحن فيه
    وعلى رانيا هارون الجميلة دي
    ودكين دا كمان
                   |Articles |News |مقالات |بيانات

23-08-2010, 08:15 AM

doma
<adoma
تاريخ التسجيل: 04-02-2002
مجموع المشاركات: 15894

للتواصل معنا

FaceBook
تويتر Twitter
YouTube


Re: مع كــل الفقر والاحترام (Re: hameem)

    (عدل بواسطة doma on 29-08-2010, 05:23 AM)

                   |Articles |News |مقالات |بيانات

03-09-2010, 11:03 AM

DKEEN
<aDKEEN
تاريخ التسجيل: 30-11-2002
مجموع المشاركات: 6771

للتواصل معنا

FaceBook
تويتر Twitter
YouTube


Re: مع كــل الفقر والاحترام (Re: doma)

    Quote: عدل بواسطة doma on 29-08-2010, 04:23 ص)

    رمضان كريم يابت الفحيل..
    وتفطري على خير اينما كان مكانك.. والسلام امانة لى الست اخلاص وزوجها الكريم داك..
                   |Articles |News |مقالات |بيانات

23-08-2010, 08:26 AM

المسافر
<aالمسافر
تاريخ التسجيل: 10-06-2002
مجموع المشاركات: 4966

للتواصل معنا

FaceBook
تويتر Twitter
YouTube


Re: مع كــل الفقر والاحترام (Re: hameem)

    Quote:

    بين اولئك المعزولين وسط الزحام وسط المعايش وسط السودان - وما اكثرهم في ارض السودان –تكشف عن حياة حادة الاطراف، امضى جوانبها الصبر..


    أنت في هاتين السطرين لخصت قصة ثلاثة مدن

    مدن النزوح

    من الهامش للوسط

    والحياة الحادة في الأطراف

    مداراة الصبر وسط المعزولين

    تلك التجربة خلاصتها استحالة المعايش وسط هذا الزحام

    والإنطلاقة مع أول خيوط الفجر من أطراف الضواحي إلى حواري الأبواب المؤصدة والأسباب المبعدة والعودة المجهدة بعد حلول الظلام لملازمة أسرة ترقد في العراء لتنال حظها من أغطية الغبار

    أما وأن ساقتك الخلسة لزيارة دار زميلك الذي كسب وده اقتدارا في إحدى المدن الثلاث ستعرف أن بقية عمرك تنقضي لكي تعود انت في هذه السانحة محله... وبحساب جردي ... جلوسك فوق كفة أي من هذه الموازين حري بأن يجعلها الأخف...

    أرفع الفراش...
    وأسرع في الخطى أو عجل بالرحيل...
                   |Articles |News |مقالات |بيانات

23-08-2010, 09:55 AM

أبوالقاسم مضوي أحمد

تاريخ التسجيل: 23-05-2005
مجموع المشاركات: 138

للتواصل معنا

FaceBook
تويتر Twitter
YouTube


Re: مع كــل الفقر والاحترام (Re: المسافر)

    دكين
    لكم انت رائع وملهم وشفاف وممتع
    لكن لا عليك فالفقر سمة الشرفاء ووصم ملوك اهل الجنة
    دمت ياحبيب
                   |Articles |News |مقالات |بيانات

23-08-2010, 10:20 AM

hameem
<ahameem
تاريخ التسجيل: 10-01-2005
مجموع المشاركات: 325

للتواصل معنا

FaceBook
تويتر Twitter
YouTube


Re: مع كــل الفقر والاحترام (Re: أبوالقاسم مضوي أحمد)

    Quote: الحجة دي اتوسمت في رانيا قصة الحج ..
    بس البت طويلة والايد قصيرة


    في بداية حلقة الأمس أذاعت رانيا أنه وعقب بث حلقة حاجة آمنة
    اتصلت فاعلة خير وأعلنت استعدادها للتكفل بنفقة حج كاملة لآمنة
    اللهم اجعلنا من أهل الخير
                   |Articles |News |مقالات |بيانات

23-08-2010, 12:53 PM

Hisham Ibrahim
<aHisham Ibrahim
تاريخ التسجيل: 19-02-2006
مجموع المشاركات: 3540

للتواصل معنا

FaceBook
تويتر Twitter
YouTube


Re: مع كــل الفقر والاحترام (Re: hameem)

    Quote: كان الله في عون الشمس والحكومة يوم القيامة..


    كأنو دا شيء مقصود ومبرمج

    لأنو دي ما عمايل بشر في خلق هي لخدمتها ورعايتها

    دي ياها ذاتها عينات من أسراب الضحايا الكادحون ،،

    لكن دا برنامج ملان مُر وحنضل ، والمسؤولين ديل بشوفوا ياتو قنوات !

    أكيد بشوفوا قنوات بصفوها ليهم ،، ما بتجيب مُر السنين دا،،

    قنوات فيها زي أبو الفاضل والمحاميد والسكن الفاخر القام في اطراف الخرطوم

    ومطاعم بتقدم المايونيز والكاتشب والتبوله بدل الكسرة والكمونية وأم فتفت

    والشريفه والقراصـه بي ملاح الشرموط ،،


    واحد وما اظنو مجنون قال الناس مما غيرت إسم ملاح الشرموط

    بي ملاح التقليه البلد خيرها قل وجف ونشف


    أسانا يدوهــو للحجار والجبال ، والسواها فينا بي معلقة الله يسويها

    فيهو بي بلدوزر انشاء الله


    يا دكين ياخ الله الخلقنا ما ظلمنا ، ولا برضى الظُلم في عبيدو !!
                   |Articles |News |مقالات |بيانات

23-08-2010, 01:08 PM

معتصم دفع الله
<aمعتصم دفع الله
تاريخ التسجيل: 18-12-2003
مجموع المشاركات: 12683

للتواصل معنا

FaceBook
تويتر Twitter
YouTube


Re: مع كــل الفقر والاحترام (Re: Hisham Ibrahim)

    يا عزيز ..
    الله في ..
    ربنا ما بضيع رزق أهلنا ديل ..
    طول اليوم رافعين يديهم يسألونه الحمد والشكر على ما أنعم عليهم ..
    حتى الفقر بيكون نعمة يا عزيز ..
    نعمة أن نشوف ظلم عباده عينك عينك ..
    ظلم ناس تغنى على جماجم البلد وأهله ..
    صحيح هناك تقوم عمارة كبيرة لزول كبير ..
    وفي نفس الوقت يقع بيت طين صغير لزول عادي ..
    ولكن رحمة ربنا ما بتضيع ودعاء المظلومين ما بقع واطــة ..
    الله في يا عزيز ..
    والتحية لرانيا ولدموعها التي تختلط بدموع أهلنا البسطاء ..

    رمضان كريم ..
    ومشتاقووون شديد ..
                   |Articles |News |مقالات |بيانات

03-09-2010, 12:25 PM

DKEEN
<aDKEEN
تاريخ التسجيل: 30-11-2002
مجموع المشاركات: 6771

للتواصل معنا

FaceBook
تويتر Twitter
YouTube


Re: مع كــل الفقر والاحترام (Re: معتصم دفع الله)

    موووووووووووووو
    ياخي مشتاقين يعلم الله
    رمضان كريم ومبروم الاميرة/الاميرة التي بين يديك ..

    الفقر ليس نعمة يامووو ولكن القناعة بمل قسمه الله هي النعمة
    وزي ماقتا انتا ماتقدر تعرف كيف الواحد يستكين في بيت بي سور في عشرين عمود اسمنت بينما ثمة حوائط تنهار على ساكنيها على بعد اتنين كليو متر..

    اصلا كيف تتسقيم حياة من بهذه القصور اذا خرجو الى الشارع يقضون حوائجهم..
    يعني ماعايزنهم يعاينو لبي القصص دي من باب الرحمة وانما من باب اتزان الشارع العام الحيمشو فيهو..
    كيف تظل معلباً هكذا في بلد مفتوحة على شمس الله ..وحر الله..وفقر الله ..وضبان الله..وغنم الله ..وعباد الله..














    عشان تستمتع بي عزك ده لازم تلقى فضاء يتسع لهذا العز..
    فاذا انعدم الفضاء ..فاين تجد مكانا لعزك يامرتاح؟؟
                   |Articles |News |مقالات |بيانات

03-09-2010, 11:54 AM

DKEEN
<aDKEEN
تاريخ التسجيل: 30-11-2002
مجموع المشاركات: 6771

للتواصل معنا

FaceBook
تويتر Twitter
YouTube


Re: مع كــل الفقر والاحترام (Re: Hisham Ibrahim)

    Quote:
    كأنو دا شيء مقصود ومبرمج

    لأنو دي ما عمايل بشر في خلق هي لخدمتها ورعايتها

    دي ياها ذاتها عينات من أسراب الضحايا الكادحون


    ياحليلك يامن غنيت

    وهناك اسراب الضحايا الكادحون..
    صدقتا ياهميم ..


    Quote: أسانا يدوهــو للحجار والجبال ، والسواها فينا بي معلقة الله يسويها

    فيهو بي بلدوزر انشاء الله

    بركة السيد الحسن
                   |Articles |News |مقالات |بيانات

03-09-2010, 11:36 AM

DKEEN
<aDKEEN
تاريخ التسجيل: 30-11-2002
مجموع المشاركات: 6771

للتواصل معنا

FaceBook
تويتر Twitter
YouTube


Re: مع كــل الفقر والاحترام (Re: أبوالقاسم مضوي أحمد)

    Quote:
    لكم انت رائع وملهم وشفاف وممتع
    لكن لا عليك فالفقر سمة الشرفاء ووصم ملوك اهل الجنة
    دمت ياحبيب

    سعادة المستشار ابا القاسم
    آآي اكلونا حنك بي قصة الجنة دي..


    خليني من الحنك العاضي ده؟؟
    بلاي رايك شنو في بتنا الدنقلاوية دي؟؟ موش بلاي نجاضة وحنينة وعينها ملانة؟؟ تبارك الله ماشاالله
    عندكم زي ده في جهات النيل الابيض؟

    :-)
                   |Articles |News |مقالات |بيانات

03-09-2010, 11:09 AM

DKEEN
<aDKEEN
تاريخ التسجيل: 30-11-2002
مجموع المشاركات: 6771

للتواصل معنا

FaceBook
تويتر Twitter
YouTube


Re: مع كــل الفقر والاحترام (Re: المسافر)

    الحبيب المسافر

    صيام مقبول انشالله

    الامور بقت متشابهة في هذا الزمن الحجري قاسي التضاريس

    الغربة بقت زي الزواج..
    القاعد في السودان عايز يمرق والمارق عايز يرجع..
    الناس في السودان تحولت الى وسائل شفتنة وتحنيك لايخلوان من قوة عين وحال مكشوف.. اتضايقوا لانو العين ما بتتملي

    الهلع بما عند الناس...والهلع بمثل حياة الناس.. متعلمين وجهلا واميين وصغار لصوص وانتهازيين
    كل الخلايق ربنا فتح ليهم باب بتاع هلع عظيم فانطلقوا عبره لايحوشهم حائش ..ويمد الله لهم في غيهم وطغيانهم

    بس زي ماقال الحلفاوي ..الحجر ياهو الحجر بس المطر وقف

    (عدل بواسطة DKEEN on 03-09-2010, 11:58 AM)
    (عدل بواسطة DKEEN on 03-09-2010, 12:15 PM)

                   |Articles |News |مقالات |بيانات

03-09-2010, 11:33 AM

ارصد محمد جلال
<aارصد محمد جلال
تاريخ التسجيل: 07-06-2008
مجموع المشاركات: 578

للتواصل معنا

FaceBook
تويتر Twitter
YouTube


Re: مع كــل الفقر والاحترام (Re: DKEEN)

    والله يادكين الطيب برضو ابكانا كثيرا

    جاب اسرة من بحري ..

    الاولاد كبار فوق الاربعين وغير مبصرين وفوق ذلك معنوياتهم كانت عالية شديد تبرع البرنامج لهم بامجاد
    وواحد من شيوخ الامارات شاهد البرنامج وتبرع بعلاجهم في الامارات.. حلقة أبكت كل مشاهديها

    كنت اتابع البرنامج في الاعادة الساعة 4 صباحا

    التحية لقناة شروق والطييب ورانيا وكل العاملين على البرنامج


    شكرا ليك ياجميل
                   |Articles |News |مقالات |بيانات

03-09-2010, 02:26 PM

DKEEN
<aDKEEN
تاريخ التسجيل: 30-11-2002
مجموع المشاركات: 6771

للتواصل معنا

FaceBook
تويتر Twitter
YouTube


Re: مع كــل الفقر والاحترام (Re: ارصد محمد جلال)

    ياارصد ياخي بركة الجيت


    ياخي بلاي رسل لي رقم حسابك
    بحول ليك قروش حولها لي معتصم

    طلع دينا قريبك ده.. قول ليهو ياخي عزيز قال ليك اسف شديد على التاخير بس يلمو فيك وين؟؟

    رسلو لي في
    [email protected]

    واكتب لي السبب في السلفية في الاميل بعد تاخدو من سمو .. كنوع من انواع الباص ويرد
    عشان مااتلعب في الهوت ميل ويمرق لي حرامي بي رقم حساب من جهة غير معلومة
                   |Articles |News |مقالات |بيانات

03-09-2010, 10:57 AM

DKEEN
<aDKEEN
تاريخ التسجيل: 30-11-2002
مجموع المشاركات: 6771

للتواصل معنا

FaceBook
تويتر Twitter
YouTube


Re: مع كــل الفقر والاحترام (Re: hameem)

    Quote:
    عيناها .. ابنة هارون رحيمتان .. فهما لذلك حلوتان
    هي رقيقة وتلقائية ومتعاطفة وغير متكلفة وصادرة من القلب
    فلذلك مس البرنامج قلوبنا مباشرة
    الله يحفظها ويرعاها .. كما حفظتنا ورعتنا وروعتنا
    ونحمد الله كثيراً .. على ما نحن فيه
    وعلى رانيا هارون الجميلة دي


    خلي لينا حاجة معاك ياهميم
    :)
                   |Articles |News |مقالات |بيانات

03-09-2010, 10:49 AM

DKEEN
<aDKEEN
تاريخ التسجيل: 30-11-2002
مجموع المشاركات: 6771

للتواصل معنا

FaceBook
تويتر Twitter
YouTube


Re: مع كــل الفقر والاحترام (Re: هجو الأقرع)

    العزيز هجو
    سلامات يابعيد..
    وخواتيم مباركة ومقبولة ..
    حمد الله على نعمته على العلن كده شي محمود بس كمان ياخي فيها شوية حرج كده..
    مرة واخد صاحبنا ماشين سوا في سوق في خشم القربة مرينا على واحد شحاد مبشتن شديد وحالتو صعبة ..قام قال الحمد الله على نعمتك يارب..
    الظاهر الشحاد سمعو..قام اتضاير كده بحمد اخونا ده..

    مسالة حمد الله لامن تشوف نعمة الله عليك مسالة سمحة ومحمودة..بس تحمد لامن تشوف ابتلاء غيرك دي فيها حرج للغير..
    وكانك ترى انه لايجب ان يحمد الله على ابتلائه..

    دمتا رايق ياهجو ..وتفطر على خير
                   |Articles |News |مقالات |بيانات

03-09-2010, 10:49 AM

DKEEN
<aDKEEN
تاريخ التسجيل: 30-11-2002
مجموع المشاركات: 6771

للتواصل معنا

FaceBook
تويتر Twitter
YouTube


Re: مع كــل الفقر والاحترام (Re: هجو الأقرع)

    اجمل شي
    انو رانية دي لذيذة وبتحب تهظر ..
    دعابات لطيفة كانت في حلقة امس بتاعة عمك موسى في الديم في دنقلا..



    شكرا ياراينا على هذا استمتاعنا بهذا الفقر

    "إنجوينق بفرتي " زي ماقالو

    (عدل بواسطة DKEEN on 03-09-2010, 12:35 PM)

                   |Articles |News |مقالات |بيانات

03-09-2010, 12:43 PM

Emad Abdulla
<aEmad Abdulla
تاريخ التسجيل: 18-09-2005
مجموع المشاركات: 6751

للتواصل معنا

FaceBook
تويتر Twitter
YouTube


Re: مع كــل الفقر والاحترام (Re: DKEEN)

    Quote: الفقر قسمة.. زي مرتك كده..
    سمبك يركبه الله فيك .. يزيل به عنك ارزال الدنيا
    الملافظ سعد ياخينا ..
    عموماً حرمنا قرت الكلام ده و قالت ليك :
    ما ينفعك عشاي السويتو ليك أنصاص الليالي داك .. بركة أسياد القبب .


    ..........
    معلومة :
    رانيا دنقلاوية من حفير مشو ..
    بللاهي إنقاقونج !!
                   |Articles |News |مقالات |بيانات

03-09-2010, 01:32 PM

Sana Khalid
<aSana Khalid
تاريخ التسجيل: 01-02-2005
مجموع المشاركات: 2740

للتواصل معنا

FaceBook
تويتر Twitter
YouTube


Re: مع كــل الفقر والاحترام (Re: Emad Abdulla)

    Quote: حقا ان هذا شي فريد..


    و حقاً انك قلم فريد.. و حس فريد

    كل سنة و انت طيب يا عزيز..

    و عيدك مبروووك
                   |Articles |News |مقالات |بيانات

03-09-2010, 03:19 PM

DKEEN
<aDKEEN
تاريخ التسجيل: 30-11-2002
مجموع المشاركات: 6771

للتواصل معنا

FaceBook
تويتر Twitter
YouTube


Re: مع كــل الفقر والاحترام (Re: Sana Khalid)

    وانتي طيبة ياسناء وشكرا على الكلمات السمحة..

    وعيدك مبروك ياستي.. وتعود الايام بي خيرها ويمنها وبركاتها وبركات الغاليين
                   |Articles |News |مقالات |بيانات

03-09-2010, 02:38 PM

DKEEN
<aDKEEN
تاريخ التسجيل: 30-11-2002
مجموع المشاركات: 6771

للتواصل معنا

FaceBook
تويتر Twitter
YouTube


Re: مع كــل الفقر والاحترام (Re: Emad Abdulla)

    عمدة


    سويت شنو ياخينا انصاص الليالي؟؟

    انا كنتا وين؟؟
    كاااااك


    بعدين ماتسلبط يابلدينا..راينا من ارقو السير ..من عندينا يامعلم.. بت عمك هارون.. يعني قريبتا لزم لي ود عمة الوالد من جهة خيلانو



    إندتون دَب
                   |Articles |News |مقالات |بيانات

03-09-2010, 03:05 PM

jini
<ajini
تاريخ التسجيل: 05-02-2002
مجموع المشاركات: 30442

للتواصل معنا

FaceBook
تويتر Twitter
YouTube


Re: مع كــل الفقر والاحترام (Re: DKEEN)

    To a man with an empty stomach food is God
    ~Gandhi
    سلام جاك ايها الدكين الدخرى
    جنى
                   |Articles |News |مقالات |بيانات

03-09-2010, 03:17 PM

عبدالأله زمراوي
<aعبدالأله زمراوي
تاريخ التسجيل: 22-05-2003
مجموع المشاركات: 703

للتواصل معنا

FaceBook
تويتر Twitter
YouTube


Re: مع كــل الفقر والاحترام (Re: DKEEN)

    دنيا لا يملكها
    من يملكها
    أغنى أهليها
    سادتها الفقراء
    الخاسر من لم يأخذ منها
    ما تعطبه على إستحياء
    والغافل من ظن الأشياء
    هي الأشياء

    (محمد الفيتوري)

    لا أزيد عليه إلا بالقول:
    مع كل الفقر والإحترام

    شكرا ناصع القلب ورهيف القلم دكين...
                   |Articles |News |مقالات |بيانات

03-09-2010, 10:31 PM

mutwakil toum

تاريخ التسجيل: 08-09-2003
مجموع المشاركات: 2327

للتواصل معنا

FaceBook
تويتر Twitter
YouTube


Re: مع كــل الفقر والاحترام (Re: عبدالأله زمراوي)

    الفقر من الشيطان يا دكين
    كائن قبيح ،
    مهما حاولنا تدليله ومهادنته ومماطلته يظل جنا شيطان لا يرحم لا يتعاشر لا يتوادد،
    الشيطان أحياناً يتجملّ في شكل مال وزينة حال و أنثى لهلوبة:
    الفقر لا يتجمل، لا تسعه سعته أن يكون جميلاً.
    لا يتمنى ليك الخير، لا يجي منو خير،
    لا يخليك في حالك،
    لا يرّيح بالك
    لا تعجبو راحة بالك
    الفقر هو الكائن الوحيد يا دكين الذي مهما عاشرته يظل عدو، لا تؤامة لاخوة لا جيرة تخفف من وطأته:
    ما عندو عُشرة
    و لا بفضل طول العلاقة البينك بينو يرحمك أو ياخد منك همّ
    و لا يخليك تنجمّ
    لا يولّد إبداع لا شتين، يشيل منك ما يلوح من موهبة:
    اللوحات التي أسست نظرية الفقر يولد المعاناة، رُسِمت بعد فُسحة من الفقر، لوحة (النقود) أكل صاحبها في المطعم ورسم الحساب، و انسحب يواجه فقره.. صديقي شودري واجه فقره بالسرقة، سرق أكل، تخرج، نجح طبيباً يشار اليه بالدرهم.
    خلال الفسحة التي تتلقاها منه، نحكي عن الفقر ذكريات فيها ضحك تصل حد الدموع، الفقر لا يستحق هذه الضحكات، كلما دقس الفقر منك الحقه بدعوة الله لا عادو :ملعون: علّه يضلّ الطريق حال عودته.
    رغم أنه يعرف طريقه
    ويعرف ناسه
                   |Articles |News |مقالات |بيانات

03-09-2010, 10:36 PM

mutwakil toum

تاريخ التسجيل: 08-09-2003
مجموع المشاركات: 2327

للتواصل معنا

FaceBook
تويتر Twitter
YouTube


Re: مع كــل الفقر والاحترام (Re: mutwakil toum)
                   |Articles |News |مقالات |بيانات

04-09-2010, 00:14 AM

Emad Abdulla
<aEmad Abdulla
تاريخ التسجيل: 18-09-2005
مجموع المشاركات: 6751

للتواصل معنا

FaceBook
تويتر Twitter
YouTube


Re: مع كــل الفقر والاحترام (Re: mutwakil toum)

    Quote: الفقر من الشيطان يا دكين
    كائن قبيح ،
    مهما حاولنا تدليله ومهادنته ومماطلته يظل جنا شيطان لا يرحم لا يتعاشر لا يتوادد،
    الشيطان أحياناً يتجملّ في شكل مال وزينة حال و أنثى لهلوبة:
    الفقر لا يتجمل، لا تسعه سعته أن يكون جميلاً.
    لا يتمنى ليك الخير، لا يجي منو خير،
    لا يخليك في حالك،
    لا يرّيح بالك
    لا تعجبو راحة بالك
    الفقر هو الكائن الوحيد يا دكين الذي مهما عاشرته يظل عدو، لا تؤامة لاخوة لا جيرة تخفف من وطأته:
    ما عندو عُشرة
    و لا بفضل طول العلاقة البينك بينو يرحمك أو ياخد منك همّ
    و لا يخليك تنجمّ
    لا يولّد إبداع لا شتين، يشيل منك ما يلوح من موهبة
    يا سلام يا متوكل ..
    يا سلام ..
                   |Articles |News |مقالات |بيانات

04-09-2010, 01:14 AM

طارق جبريل
<aطارق جبريل
تاريخ التسجيل: 11-10-2005
مجموع المشاركات: 22542

للتواصل معنا

FaceBook
تويتر Twitter
YouTube


Re: مع كــل الفقر والاحترام (Re: Emad Abdulla)

    دكين كيفنك ابوي
    رمضان كريم
    البنيي برنامجها يمين يخليك تقهي في خلق الله المنسية دي
    وهي ذاتها سميحيي في عضمها دة
    الفقُر آآآبيتراد آآآدكين
    شين وفقُر في عضمه دة
    يطوطحبك من هني لاااااهني ويشيلك يرميك
    يا دكين الناس فترت
    والحيكومات تجي وتغور وهن في كفافم دة
    يحمدو في الله علي النفس الطالع ونازل
    دحين يا دكين ان بقى ما الفقر دة
    باقيلك بنتمطوح كدي في ارض الله الواسعي دي
                   |Articles |News |مقالات |بيانات


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de