مداسٌ عند عتبات القـلب

كسلا الوريفة يحاصرها الموت
الوضع في كسلا يحتاج وقفتنا
مواطنة من كسلا توضح حقيقة الوضع في المدينة و اسباب وباء الشكنغونيا حمي الكنكشة - فيديو
منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest
اخر زيارك لك: 24-09-2018, 05:32 PM الصفحة الرئيسية

مكتبة عبد العزيز خيري شلال(DKEEN)
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
02-05-2010, 12:13 PM

DKEEN
<aDKEEN
تاريخ التسجيل: 30-11-2002
مجموع المشاركات: 6770

للتواصل معنا

FaceBook
تويتر Twitter
YouTube


مداسٌ عند عتبات القـلب

    24393_380351193478_712288478_4008090_1569161_n.jpg Hosting at Sudaneseonline.com



    (اهي التي ابكمت فصيح لسانك فأعوزتك كلاماً وانت عبد الكلام الكلام.. اارجعتك ايد ورا وايد قدام.. والله ما اظنها الا هي)

    مروان العبادي- فصلٌ من (رسالة المظنة) مؤرخة في خواتيم ابريل 2010

    غايتو الحصل ده الكاتوقري الوحيد الممكن يتختا فيهو هو
    دعوة امهات ما اكتر
    حجبتها الدعوة عن اعين الخلق وانتهت الى ناظري سليمة مجردة من الخطايا وفي كامل الابهة، وهذه شهادتي:
    (شرفت ناظري فداست بنعلها بساط قلبي..ومن دقة وقع اثارها هناك حتى ظننتُ إن خطوها ايقاع الحياة) وفي رواية (حتى ظننتُ انها ما ُخلقت إلا لي)
    عزيز شلال– فصل من كتاب "مداسٌ عند عتبات القلب ومشاعرَ مجهرية عند قماش ناعس"


    ــــــــــــــــــــــــــــــــــ

    "ازيك يا عزيز" والصوت آيلٌ الى خفوت ومنسحبٌ إلى جهةٍ نائيةٍ من الحنان. هذه إستهلالتها
    ولا يمكن تجريد هاتين الكلمتين - مع حرف النداء الذي بينهم - عن وصف طريقة إلقائها التي أشرت إليها في السطر السابق، ومن جردها فقـدَ وصفي ومن فقد وصفي بالضرورة فقدَ إستهلالتها..
    ومن فلح َ في ذلك وقفَ عند وصفي ومن وقف عند وصفي وصل بالضرورة الى مقصدي..
    ولن تفلحوا...
    وهسي انا القدامكم ده ذاتو بس لاني حاولتا اوصل "المقصد" تبلبت خواطري بالكاد اتمالك نفسي لتكملة هذه الكتابة، والامر صعيبٌ..
    فالمقصد مربوط بالرؤية والإصغاء لا بالنظرِ وإعمال الخيال، وانتم يا سادتي – ويا لأسفي - مجرد نظارة، وناس قراية وخيال ساي في هذا المقام..
    يعني مابتقدروا.. ولا تحاولوا ذاتو.. ليس لكونكم ببصائرَ كليلةٍ او بخيالات ضحلة..ولكن لان مقامكم في اصله مقام قراية وخيال لا مقام تدبرٍ وإبصار..
    وانا اطارحكم الاشواق من مقامي هذا، ليس رغبة مني في الإستزادة من مداد كلماتكم، وإنما لسببين:
    اولهما: فرحةً مني لما المَ بي مشاعرَ ازدِنتُ بها وددتُ ان يطلع عليها الناس.
    وثانيهما: إزاحةٌ لما عجزَ ان يحتمله الجسدَ والخيال وعموم الحال، فصار ينازعني في سكينتي وهرجي، وحلي وبلبال حالي.. فوددت أن أزيح بعضه عن كاهلي خوفَ أن يلتبسَ الأمر برمته علىَّ في كُـتماني له فأصبح وقد هومت ناحية ناس بسم الله وما تزال ألآمالُ عِراض.
    وعموماً بالغٌ مابلغ ارجل زول فيكم فما حيقدر يتخيل سجم خشمو..
    ومع ذلك ها أنذا دافقاً ماء وصفي في يبابِ خيالكم عله ينبت من بين سراباته زهراً اوعلني أجد من يشاركني الظمأ
                   |Articles |News |مقالات |بيانات

02-05-2010, 12:14 PM

DKEEN
<aDKEEN
تاريخ التسجيل: 30-11-2002
مجموع المشاركات: 6770

للتواصل معنا

FaceBook
تويتر Twitter
YouTube


Re: مداسٌ عند عتبات القـلب (Re: DKEEN)



    لا اعلم كيف بدأ الامر.. او اين بدأ .. ولم اجدُ تاريخا محددا اسند إليه البدايات..
    هل هي "القاهرة"..ام "الدوحة" ام "وادي ابو ضلوع" في نواحي صحراء بيوضة يقودني شوقٌ قاصد الى الخرطوم.. ام إن الامر كان في ُسدف الغيب فآن اوانه فكشف الله الحُجبَ عن لطائفه ليستقيم الامرَ حباً قديما قاصداً..
    ولا علم لي بكيفية تحول الامر برمته في ليالٍ معدوات الى ذمةِ الوجدِ والشوق..
    كما ولا ادري كيف سيتسنى لي ان اروي لكم قصدي والقصد المؤمى إليه اضواءٌ في الفؤاد..
    ربما سانفق في خلاء قريب لو ان الامرَ سارَ الى غيرِ هذا الضياء اللطيف الذي يحتويني..
    إلهي ماينتهي ولا تجيني عوجة..
    إلهي رجوتكَ ان اظلَ بعافيتي مستمتعاً بهذا الشعور..سالماً مستغرقاً فيه..
    ماحصل يوم دعيت لي نفسي بان اظلَ معافىً ضد طوارق الزمان ونوازله وإن درجتُ في صلواتي المتقطعة على دعواي "اللهم اغفر لي ولوالدي وعافني واعف عني"...
    في شدة الاشواق التي داهمتني..ولجمال ما اصابني حمدتُ الله على ان جعلني حياً الى ان غمرني ذاك الفيض النوراني مستظلا بذاك الغيم ..
    رأيت الغيم يظلها اينما تحل وترتحل..وماعرفت دي وهمة مني ولا البنية حارساتنها الغيوم..
    بهاءٌ عند الاطلالة، سماحةً في التحايا، ورحمانيةٌ في الفؤادِ.. نورٌ بغلالاتٍ من نور..
    مجرد النظر اليها ُينزلان علي الناظرِ سكينة ورحمة تسع كل ماحولك..
    وبحرصٍ قاصدٍ جمعتُ بينها وبين الاصحاب، اؤلئك الذين تلطفت المودات بيني وبينهم، اكدوا لي في ثباتٍ ودون ان يطرف لهم شك، أنها مُـبراة من سوء الظن وظلمة التخمين.
    لم اكن محتاجاً إلى ما أكدوه، فقد سبق سيفُ يقيني الخارج من غمدِ التبصُـرِ الحذق، تأكيدهم الأعزل الخارجِ من غمدِ الشوف العام، فقطعتُ من زمنٍ طويل دابر كل شك.
    ولكن كان ذلك الجمع ليطمئن قلب الصورة، ولإزالة غاشية علقت بالتصور العام فهالني ان تكون حتى في سوء الظن.
    فسبحان من خلق اللون والضياء..
    وسبحان من انزل الإلف والإيلاف..
    وسبحان من اكرمني..
    وسبحان الله ..
    ينشرحُ فؤادي واحسُ بنفسي رحيب وزول حدادي مدادي حين تقول: "ازيك ياعزيز".
    وتلك عبارة تتقدم سيرة المشاعر..
    نهراً من مشاعرٌ شتى، تتشتَّت بدقة وبسراع بسراع في شوارعَ، ومقاعدَ من خشبٍ وإشاراتِ مرورٍ واحاديثَ عابرة وهمسٌ.. واطفال..
    مشاعرٌ تشتَّت كما سبق واجتمعت علىَّ هاهنا (واشرت الى قلبي)
    واذكر الان إن منها ماتشتت سلفاً عند اطراف مدينة (هيا)، تحديدا على رملٍ عند المفرق الى عطبرة.. حينها قنبت مهموماً من طول الطريق وانا بقول (ياربي الدروب كلها بقت طويلة.. فمتى ينتهي هذا الامر)..بعديها الدرب لحدي سنكات كان غيوم غيوم..
    اها النحكي ليكم : لؤلو
    مساء امس وبينما انا اتجول في مدينة اللؤلو(The Pearl) في طرف الدوحة وهي مدينة على نسقٍ انيق ومفتوحة على ناحية في الخليج، يجوب ليلها جوالةٌ من اصقاعِ الارض المختلفة يعزفون على الآت النفخ وعلى الآتٍ وترية الحانَ بديعة شرقيةً وغربية وكيف مااتفق، يعزفون لا لاجل احد وانما لشيٍ في نفسهم يتوق الى ذلك، وقد تجد من يعزف وحيدا متكئاً على جدارٍ دون حتى ان يجد احداً يسمعه، وقد يصلك لحناً بعيداً بالكاد تبين ملامحه ويختلط عليك منبع الصوت..
    اها وبينما انا اتجول بين الجدران والالحان رايتُ على جدارِ في هذه المدينة صورة ارهقتني وقلقلت سلامة ايامي وهي الصورة التي في اعلى البوست، قد تبدو للناظر صورة عادية عليها خلائط الوانٍ واشكالُ خلايا وخلفية سوداء.
    ولكن الواقع غير ذلك، فقد اسرتني ألوانها ونسجِ تشكيلها وليلُ رؤيتها، والإرهاق البادي عليها واللون التركوازي الذي لاتبصرونه، وامتزجت الصورة مع خلائط الأوهام والالحان والغربة التي فيني ودعواي الدائمة في ليل الأسى والوحدة (اللهم احي الآمال)، ومالبثت ان إستقامت املاً مِـلُ القلب والفؤاد.
    قال محمد المهدي المجذوب:
    تحسب الشعر زينة وهرب..
    وشعرها لو ارضعته ثديها لكان بشراً وكان..
    (انتهى كلام محمد المهدي)
    وانا والمجذوب سيان في سرجِ هذا الحسبان، واحسبُ انا لو ان لُـطفاً خفيفاً تنزلَ على تلك الصورة بهذهِ المشاعر والالوان وخلائطُ الاوهام التي تحفها لكانت الصورة بشراً وكانت.
    اخونا وليد طه (حبيبنا السابق في بطحاء نجد)في نوفمبر الفات قال لي وانا في حوش بيتم في الصحافة في نواحي الخرطوم وفي حضور اخونا حمد فتح الرحمن (الراجل الكلس) وكان والوقت يميل بنا نحو شاي المغرب، قال لي وليد - مجتهداً لسبر اغوار صبري كل هذه السنين في البحث عن رفيقة : "انتا ياعزيز واحد من اتنين: يا إما تكون زي القالب الفي راسك ده حتان تبقى عليها، ويا اما (حاجة كده في البت) تخليك تقول بس ياها دي"
    الذي همني من كلام وليد ده اخر شي قالو لذلك انا ذاتي مامتذكر باقي الونسة كانت كيف واين انتهت وهل كان فيها شاي ولا ساي كروتنا..
    اها (حاجة كده في البت) القالا وليد مغربئِذ ماخطرت في بالي إلا وانا اسرح في تفاصيل الصورة رقم dsco5343 التي بالاعلى..
    ياسادتي انها (الحاجة كده)..
    لقد تعلقتُ لسبب مجهولٍ بتلك الصورة بشدة واضاءت لي فؤادي والان اضوي بفؤاد عليه شتات هذه المشاعر، واشارات المرور، والاطفال، والهمس، والاغنيات، والاحاديث العابرة.. وليس غريباً ان المرء حينِ يمتلي بهذه الاشياء يتحورُ كل شي عنده الى ناحيةٍ من الادراكِ عصيةٌ على الغيرِ قريبة من استغراقه..
    ربما هي (الحاجة كده) القالا وليد طه وربما اشياء اخرى عصيةٌ على الادراك ولا ُيمكن ترجمتها الى تفاصيل مفهمومة عبر لغة هي في الاصل ليست لغتي.
    ولشدة مُتعتي مامنعتُ نفسي من تبدلاتٍ في نفسي وانا اشهدُ فجرَ هذه التبدلات – على خطورتها- الى تلك الناحية العصية من الإدراك
    حيث كل شي هناك يتم النظر إليه من زاويةِ القلبِ والآمال المحياةِ ومنتهى المودة واللطف الخفيف.
    ولااخفى الاحباب سرا اني غمرة من غمرات ذلك الشعور اللطيف داهمتني مساء امس اشارة مرور حمراء في تقاطع لا اذكره ولابهمني..
    فنظرت على يساري تلقائياً باحثاً عن الصورة خوف يفوتني من رؤيتها الوقت ومشاغل الطريق..فما وجدت شيئاً ولقيت انو الوكت راح اصلاً ..والحمد لله على كل حال.
    واساءَ الى رجلٌ اساءة بليغة في اشارة مرور اخرى لاني كنت اكثر الناس سرحاناً على الطريق الدائري الرابع..
    نزلت القزاز وقتا ليهو بوجه طلق: انتا زعلان ليه ياخي انا اسف شديد وحاة الله ..والله لو عارفك جاي بي هنا كنتا مشيت بي "طريق سلوى"
    فاستغرب الرجل من سماحةٍ لايتوقعها ولغة غريبة على اهل الشام وشوارع لاعلاقة لها بالتوازي ولا تجمعها نهايات واحدة، وماتت في شفتي الرجل شتيمة كانت قيد الميلاد.
    إساءته الىَّ لو جاءت في غير هذا الزمان لرددت كيلها إليه بزيادة مع إشارات أخرى غير كريمة الدلالات.
    بس ماتؤؤل اليه الحقائق بعد رحلتها عند طرف اللون..حين ينسل اللون الى العيون والافئدة ولطيف الخيال، ثم ترتوي بندى الاحلام والاماني وبعض الاوهام فينفلق حبها ونواها ويستطيل وارف غصنها لطفاً وإنسانيةً عميمة..
    حينها يتلبس على المرءِ كل شي.
    نجهني الاخوان في موبايلي الموتورلا فخرَّ وكضم، فاخدتا واحد تاني غير هياب، الموبايل اسود شديد السواد، XpressMusic اصبحت بيني وبينه موده ولطائف:
    مع أي رسالة تصل بقوم بديك اشارة في شكل وميض مُـتتابع بطريقة راتبة بانو في رسالة لسع ما إتقرت، هذا الوميض -الخاص بالرسائل- امس فقط اكتشفتا انو بالضبط يعمل كدقات القلب (ده ده دل) وبقيف وتاني (ده ده دل) وهكذا..
    ويظل الوميض مُـستمراً نافذاً جميلاً الى ان تفتح الرسالة..
    وفي نفس الامس المذكور اعلاه تطور امر هذا الوميض عندي وبقيت مابفتح الرسالة الجاية ُمستمتعاً بانو في كلام قيد الاطلاع منتظر ومعلق..
    زي الزول القاعد جنبك و عندو كلام قاعد يتقال..
    وبصراحة لامن وصلتا في التفكير حتة (الزول القاعد جنبك دي) قمتا ابيت افتح اخر رسالة..
    وظلت الرسالة خمسة واربعين دقيقة كاملة بدون فتح، ُمستمتعاً بي فكرة الرفقة المتوهمة السميناها مجازاً (زي الزول قاعد جبنك)..
    وظلت الرسالة ترسل وميضاً عند كل اربعة ثوان وجزء من الثانية، وبالتالي استمتعتُ وطوال 45 دقيقة كاملة بكل اربعة ثوان وجزء من الثانية وكأنها ترافقني..
    كنتا عايز اتمها تسعين دقيقة في محاولة لسد فرقة تسعين دقيقة راحت في حق مودات عامة، بس غلبني التحمل فاكتفيت بالخمسة واربعين.
    ذكر الاصمعي ان رهط من بني قيس قالوا لوالد قيس: لو خرجت به الى الحج فدعوت الله لعله ينسى ليلى..
    فخرج به فبينما هو يرمي الجمار إذ نادى منادٍ من بعض تلك الخيام: يا ليلى.. فخر قيس مغشياً عليه ثم افاق وانشأ يقول قصيدته التي فيها:
    وداعٍ دعا إذ نحن بالخيف من منى * فهيج احزان الفؤاد ولم يدرِ
    دعا باسم ليلى غيرها فكأنما * اطار بليلي طائرا كان في صدري
    فكل شي عند قيس كان قد تبدل وانحنى تجاه تلك الناحيةِ اللطيفة التي عنيتها فيما قد سبقَ من شروحات.. ربنا يغفر ليهو اخونا قيس، الان اعذره فالراجل صدق فيما طلب وراح في حق الله.
    وهكذا يا اخوان كنتُ وفي كل صباحٍ كنت ادرك ان هذا الامر يتخلُل الجسدَ والفؤادَ والدولاب وحواف الكتب والشقة وسويتش العربية وطوب الارض وإشارات المرور وكافة الجغرافيا..
    ويشهد الله اني – وفي لحظة من الإنشغال الشديد بهذا الشوق الكثيف وهذا التحول الغميس..قمتا من المكتب مشيت - على مهل خوف ان تسقط مني الاشياء - عاينتا في المراية مرتقباً صعود هذ الاشواق على هيئة الجسد وماء العينين.
    واشهدُ وحدي اني رأيتها شيئا فشيئا وهدني تعباً ..
    ثم رأيت اطياف من ملامحها في صورٍ عديدات ..
    اطيافٌ بخلفيات زرقاء، واطيافٌ بخلفيات اخرى ُيحفها الليل، واطياف تنظر شيئا علياً وقد ازهرت من امامها جهنميات حمراء، كما ورايت اطيافٌ اخرى تطل فيها مبتسمة لم اتمكن من تبيان خلفياتها لشدة انشغالي ببهاء الوجه المبتسم..
    ثم طيف اخير يؤرق المضاجع، عند اخر غيم وعند اخر الرؤيا.. طيفٌ رقراق وكما قال الخليل
    ديل خدودك غير داعي وجن** ديل عيونك من غير سبه لجن.
    ديل دموعك من نظره شجن *** ده دلال إيه ده دلال معجن
    محن الامات يارداح..
    وهكذا يا سادتي ..استجمعت اطيافي وشتات حال السرور الذي فيني فأزهرت هيَّ وحدها في رياضِ نفسي..
    ويقيني انها دعوات صادقات من ام حنينة..وقبول من رحيم
    والان تستريح قوافل الكلام ..
    فاللهم لك مني الحمد بما أجريته من لطائفكَ في صحائِف الايام..
    ولك الحمد بما غرسته من رياض جنانك في صعيد قلبي الزلِق..
    ولك الحمد على ماتفتق في قلبي من زهرِ المودة النضر بتبصرٍ الهمتنيه..
    ولك اللهم الحمد على اريجٍ هب ناحيتي فتنسمت منه رضاك علىَّ ..
    اللهم اغفر لي انانيتي وشح نفسي إذ احمـدُك بما تفضلت به علىَّ لا على كونك مستوجب للحمدِ بلا شروط..
    ولك الحمد ياربي بلا شروط.

    والحق يقال ان ود الرضي ومعاهو طارق ابو عبيدة كانو خلفية مذهبة في هذا النسج البديع من هذه المشاعر المجهرية..
    (لاتزيد بلبالي ولاتكون شكواي موية في غربالِ..ياحبيب رحماك)
















    هذه الصورة التي انقلها اليكم اهديها الى اخونا الشايقي (عمران ود حسن صالح) ابو حمودي في ضاحية الملز ان كان لايزال بها..فقد اصابت مختاراته التي انزلها كبد حال هذه الايام.. (جاتني في جرح) وتوسلت بها اليها في رسائل متتابعة فله مني كنفوي بتاع محبة يركض ركضاً.


    والى مولانا محمد المرتضى، فقد تعاروتني سهام القنوط عبر مجاهداتٍ استغرقتني كنتُ الوذ فيها بدرعِ كتابةٍ اهدانياها فيما سبق.






    ــــــــــــــ
    الدعاء (اللهم احيي الامال) دعوى اخذتها من الدكتور احمد العال رحمه الله فصارت محببة الى نفسي وجرت في عموم دعواي كما جرت كثير من ادواته بين سطور كتاباتي..
    اللهم يا يامغيث المدلجين الخارجين من ليل الدنيا، اغثه وأكرم مقدمه إليك فأنت أكرم الاكرمين.

    (عدل بواسطة DKEEN on 02-05-2010, 12:38 PM)

                   |Articles |News |مقالات |بيانات

02-05-2010, 12:27 PM

Elkhawad
<aElkhawad
تاريخ التسجيل: 05-02-2002
مجموع المشاركات: 2843

للتواصل معنا

FaceBook
تويتر Twitter
YouTube


Re: مداسٌ عند عتبات القـلب (Re: DKEEN)


    "ازيك يا عزيز"


                   |Articles |News |مقالات |بيانات

02-05-2010, 12:47 PM

عمران حسن صالح
<aعمران حسن صالح
تاريخ التسجيل: 26-11-2004
مجموع المشاركات: 10123

للتواصل معنا

FaceBook
تويتر Twitter
YouTube


Re: مداسٌ عند عتبات القـلب (Re: Elkhawad)


    إنا لله
    دشليون مراحب يا وغد







    _______________________________________
    ما قريت حاجة بس ناس قريعتي راحت عليكم الله إضايرو لينا شويه
                   |Articles |News |مقالات |بيانات

02-05-2010, 01:09 PM

اساسي
<aاساسي
تاريخ التسجيل: 20-07-2002
مجموع المشاركات: 16527

للتواصل معنا

FaceBook
تويتر Twitter
YouTube


Re: مداسٌ عند عتبات القـلب (Re: عمران حسن صالح)

    ربنا يهنيك يا عزيز , فقد ولدت الان وبدأ تاريخ ميلادك
    وربنا يجير بت الناس في مصيبتها
                   |Articles |News |مقالات |بيانات

02-05-2010, 01:22 PM

عمران حسن صالح
<aعمران حسن صالح
تاريخ التسجيل: 26-11-2004
مجموع المشاركات: 10123

للتواصل معنا

FaceBook
تويتر Twitter
YouTube


Re: مداسٌ عند عتبات القـلب (Re: اساسي)

    Quote: هذه الصورة التي انقلها اليكم اهديها الى اخونا الشايقي (عمران ود حسن صالح) ابو حمودي في ضاحية الملز ان كان لايزال بها..فقد اصابت مختاراته التي انزلها كبد حال هذه الايام.. (جاتني في جرح) وتوسلت بها اليها في رسائل متتابعة فله مني كنفوي بتاع محبة يركض ركضاً.
    ولأنني من الناس الـ ( قريعتم راحت ) ويقرأني أصحابي بعد إلحاح
    ولكي تتضح صورة لوحة هذا الوغد فقد كان هذا سبب الإهداء : يا دكين : أخبار القرمصيص شنو ؟؟
                   |Articles |News |مقالات |بيانات

02-05-2010, 01:30 PM

الشاذلى خيرى عبد الله
<aالشاذلى خيرى عبد الله
تاريخ التسجيل: 30-04-2010
مجموع المشاركات: 649

للتواصل معنا

FaceBook
تويتر Twitter
YouTube


Re: مداسٌ عند عتبات القـلب (Re: DKEEN)

    وحاة الله كتّّاب يا دكين ..

    انتا النضم المتل نضمك ده بتجيبو من وين ..

    ..


    ..















    قادر الله ..


    الشاذلى
                   |Articles |News |مقالات |بيانات

02-05-2010, 02:06 PM

حمد فتح الرحمن
<aحمد فتح الرحمن
تاريخ التسجيل: 01-06-2005
مجموع المشاركات: 1996

للتواصل معنا

FaceBook
تويتر Twitter
YouTube


Re: مداسٌ عند عتبات القـلب (Re: الشاذلى خيرى عبد الله)

    يا عزيز

    اخيرا الشقة حيكون فيها نفس ، و ريحة كبرتة و قرمصيص ،
    حقو و الله تمش تحج و تعمر في السيدة زينب و الحسين بعد كدا



    ربنا يهنيك ان شاء الله و بي المداس دا تقطع ليك قبلك حتة حتة
                   |Articles |News |مقالات |بيانات

02-05-2010, 02:37 PM

سناء عبد السيد
<aسناء عبد السيد
تاريخ التسجيل: 29-03-2008
مجموع المشاركات: 2093

للتواصل معنا

FaceBook
تويتر Twitter
YouTube


Re: مداسٌ عند عتبات القـلب (Re: حمد فتح الرحمن)

    دكين عشا البايتات .. مليون مراحب لعودتك
                   |Articles |News |مقالات |بيانات

02-05-2010, 02:42 PM

ابو جهينة
<aابو جهينة
تاريخ التسجيل: 20-05-2003
مجموع المشاركات: 20213

للتواصل معنا

FaceBook
تويتر Twitter
YouTube


Re: مداسٌ عند عتبات القـلب (Re: سناء عبد السيد)

    مرور على سبيل التحية

    نعود كان الله هون

    (عدل بواسطة ابو جهينة on 02-05-2010, 06:28 PM)

                   |Articles |News |مقالات |بيانات

02-05-2010, 07:01 PM

عزام حسن فرح
<aعزام حسن فرح
تاريخ التسجيل: 19-03-2008
مجموع المشاركات: 8891

للتواصل معنا

FaceBook
تويتر Twitter
YouTube


Re: مداسٌ عند عتبات القـلب (Re: ابو جهينة)

    Quote: مداسٌ عند عتبات القـلب

    والله والذي لا إله إلا هو :
    مِقَيِل قلبي على عتبات مداسا ...
    مِأمِلْ أبقى أريتْني مِن ناسا ...
    مرات قلبي -حليلو- لأعْضاي يِواسا ...
    مرات كبيدي المهرود هو اليِواسا ...
    قلبي لازال " يا وغد " على عتبات مداسا ...
    يِمْه يِمْه ... وقع فِيا تراهو فاسا ...
                   |Articles |News |مقالات |بيانات

02-05-2010, 07:23 PM

محمد البشرى الخضر
<aمحمد البشرى الخضر
تاريخ التسجيل: 14-11-2006
مجموع المشاركات: 30635

للتواصل معنا

FaceBook
تويتر Twitter
YouTube


Re: مداسٌ عند عتبات القـلب (Re: عزام حسن فرح)

    يعني خلاص نبارك يا دكين ؟
                   |Articles |News |مقالات |بيانات

02-05-2010, 07:52 PM

خدر
<aخدر
تاريخ التسجيل: 07-02-2005
مجموع المشاركات: 13188

للتواصل معنا

FaceBook
تويتر Twitter
YouTube


Re: مداسٌ عند عتبات القـلب (Re: محمد البشرى الخضر)


    مبرك الحب ياصديقي , أخيرا إنضويت تحت لواء الاوادم و إخضر قلبك
    الناس بباركوا العرس و النجاح و الحج و ما بباركوا الحب ليه بالمناسبة ؟
    ما علينا,
    مبروك تاني يا معفن , فرحان ليك جد







    ____


    تبريكات شيخنا ود الرضي تبراك يا عزيز
                   |Articles |News |مقالات |بيانات

02-05-2010, 08:09 PM

عمران حسن صالح
<aعمران حسن صالح
تاريخ التسجيل: 26-11-2004
مجموع المشاركات: 10123

للتواصل معنا

FaceBook
تويتر Twitter
YouTube


Re: مداسٌ عند عتبات القـلب (Re: خدر)

    Quote: تبريكات شيخنا ود الرضي تبراك يا عزيز
    إنَا لله !!
    كملت
    يمين الله إت ماكـ نصيح يالخدر



    ________________
    صلاح شتات
    عماد عبد الله
    إنتو اقعدوا عضوا لي في أصابعينكم كدي
                   |Articles |News |مقالات |بيانات

02-05-2010, 08:36 PM

DKEEN
<aDKEEN
تاريخ التسجيل: 30-11-2002
مجموع المشاركات: 6770

للتواصل معنا

FaceBook
تويتر Twitter
YouTube


Re: مداسٌ عند عتبات القـلب (Re: محمد البشرى الخضر)

    سلام ياخواض:

    بالازرق .. اكتبا بالازرق..
    اصلا وكت مابتقدر لي الصوت اقدر لي لون الخط..
    بلا يخمك عايز تمسخ علي اخوك السماع؟؟
    ـــــــــــــــــــــــــــــ


    ابو حمودي

    انتا راجل بركة ..اظنك من الكاسنجر..
    والله يا حبيب لو صبر بوستك داك ساعتين قتا ليك كان ده نزل ..
    بس شاء المولى انو يثبت لينا انك راجل بركة وماسك في قربوس سرج الكرامات
                   |Articles |News |مقالات |بيانات

02-05-2010, 09:01 PM

DKEEN
<aDKEEN
تاريخ التسجيل: 30-11-2002
مجموع المشاركات: 6770

للتواصل معنا

FaceBook
تويتر Twitter
YouTube


Re: مداسٌ عند عتبات القـلب (Re: DKEEN)

    معليش يخوانا
    يبدوانو في مس ربرزنتيشن في المكان ده

    الناس دي كلها شابكاني ربنا يهنيك
    وربنا يسعدك
    ومبروك ياوغد
    وماعارف حاجاتك عجيبة

    الحاصل شنو كده براحة فهمونا الحاصل شنو؟؟


    اساسي
    حمد
    خدر

    في شنو يا.......
















    ــــــــــــــــ
    كنتا عايز اواصل الرد بطريقة ممنهجة على الاخوانا بس لقيت القصة دي ماشة زايدة بتاعة يهينك ويسعدك وانتا الاول وجاك الفرج وحاجات عايزة ايضاح
                   |Articles |News |مقالات |بيانات

02-05-2010, 09:07 PM

Rihab Khalifa
<aRihab Khalifa
تاريخ التسجيل: 07-07-2006
مجموع المشاركات: 3735

للتواصل معنا

FaceBook
تويتر Twitter
YouTube


Re: مداسٌ عند عتبات القـلب (Re: DKEEN)

    Quote: في شنو يا.......
    Dkeen

    لووووووووووول


    طيب، حمدلله علي السلامة.
                   |Articles |News |مقالات |بيانات

02-05-2010, 09:47 PM

حمد فتح الرحمن
<aحمد فتح الرحمن
تاريخ التسجيل: 01-06-2005
مجموع المشاركات: 1996

للتواصل معنا

FaceBook
تويتر Twitter
YouTube


Re: مداسٌ عند عتبات القـلب (Re: Rihab Khalifa)

    عارف يا رفيق بعد جية زينب كنة البلد دي بقيت ما قادر افتح كمبيوتر في البيت ، المهم فتحتا جنيتك دي و قام صدح ليك صوت الوغد دا لمن زينب كنة زغرتت اي و الله زغردت ليك عديل يا معفن
    و الله بختك انتا اول عريس تزغرت ليه زينب كنة في عرسو






    يا خدر علي اليمين كتا جاي افتح البوست دا و اطلب منك الحاجة دي



    صحي يا دكين انتا ما يباركو ليك الحب ؟؟
    مبروك مرة تانية ياخ
                   |Articles |News |مقالات |بيانات

03-05-2010, 08:09 PM

DKEEN
<aDKEEN
تاريخ التسجيل: 30-11-2002
مجموع المشاركات: 6770

للتواصل معنا

FaceBook
تويتر Twitter
YouTube


Re: مداسٌ عند عتبات القـلب (Re: Rihab Khalifa)

    ريحاب
    متل سحاب في طيات سحاب..

    الله يسلمك.. بس حركتك كانت بياخة بوووووخ ظاهر ..
    تلفونك قبلناهو اعتذار خجول وماحكيناها.. عالم رعديدة :)
                   |Articles |News |مقالات |بيانات

02-05-2010, 11:00 PM

DKEEN
<aDKEEN
تاريخ التسجيل: 30-11-2002
مجموع المشاركات: 6770

للتواصل معنا

FaceBook
تويتر Twitter
YouTube


Re: مداسٌ عند عتبات القـلب (Re: محمد البشرى الخضر)

    مولانا محمد المرتضى
    تحياتي واشواقي..
    يبدو ان غيابك مسالة قسرية...(صححني ان كان الفهم على خطأ)
    احزنني ان اعلم(افهم) انو بكري موقفك..
    ماذا ابقى لنفسه؟؟ وللمكان؟؟


    ياصاحبي ..لوكنت اعلم ان ثمة معزة بيني وبين بكري ..
    لندهت طويلا في هذا المكان..بس اخوك وبكري الدنيا ماعامرة بيناتم..

    على اي حال غيابك لن يحزنني كثيرا فالمكان يعح بالمتوحمين..وهو لايشبهك على اي حال..
    غير اني سافتقدك في هذه التفاصيل التي تحتاجك..والتي اسوقها مهداة اليك..
    كلماتك عضدي في زمان الانهزام والرصاص الطايش..
    وهاك درقة الزمان وتعويذة الصبر ..وكن صديقي


    Quote: يامحمد ان القناعة بالمقسوم رضىً ونعمة..


    Quote: ليه يا دكين؟ قناعة شنو ومقسوم شنو في الحب يا دكين ؟ ياخ كان جاتك رصاصة طايشه
    معليش بنآمن بالقدر، أو ضرب خيمتكم نيزك نقول قسمتك ولو وزّعوا ليك ورق مِدَبِّل
    نسميهو حظّك ، لكن زولتك كان ما عرستها دي ما تبقى قسمه ، ده إهمال وتقصير
    مع سبق الإنهيار والتخثر ، أوعا تسمع كلام القسمه والنصيب والروليت الروسي
    إذا ما كان الحديث في العشق ، يا دكين إسع في الأرض وابحث عن ليلاك زهرة
    الليلاك تلك وما تخليها لراجل زيَّك وخليني من سالفة القدر وقصة انت لوداير بكاي
    ألف أهلاً بي خشوع ، ياخ المولى قال لمريم هُزي إليك بجزع النخلة
    في الوقت اللي كان ممكن يردم القنديله والرُطَب جنبها من الأرض للسِماك الأعلى ،
    لكنه استحثها أن تبذل جهدا معقولا،
    جل جلاله أنبت ليونس شجرة اليقطين شفاءا وهو الذي لو أراد له الشفاء
    قبل أن يرتد إليه طرفه إنت براك عارف البسويهو،
    ما قال ليهو يا يونس عد لنينوى وانتظر مراهِم أسترا زينيكا و فايتزر ،
    لاترضى بأنصاف الحلول والتسويات في الحب ياالعزيز،
    ما تتنازل عن زولك سجيلك ، كدا بتخون البينك وبينو والبينك وبينك ،
    دي خيانة الخليل المابتشبهك وخلّت خدر يخلخلك بي هوى الخلخال .
    يا دكين أنا معاك تتنازل في المال لأنو قليلو رايح وكتيرو رايح لكن الكرامة
    والحب ما فيهم قصة تِلتو ولا كتِلتو، الحب يا كلُّو يا كتِلتو ، أوعا تعرس ( من طرف) ،
    قَسَماً عَظَماً تتنازل قيراط من زولك القيراط دا يزيد كل ليله حتى يتعملق
    ويتفرع كالهايدرا ويغدو قارة من الأسى ، ستُثقل بقية حياتك أطنان الفجيعة
    ياولدي وتنطوي في قلبك حسرة ألف ميجاواط .
    دور الكومبارس دا في السينما والمسرح بس ، أوعا تلعبو في القلب يا دكين ،
    كن رمزا للمصطفِّين خلفك ودعهم يهتفون بالطول بالعرض دكينا يؤدي الفرض ،
    فرض الجهاد وأي جهاد غيرهن تريد؟ مُش قلنا لنا الصدر دون العالمين أو القبر
    حتى كدنا نناديك دكين بني صدر؟
    ألم تهتف معنا في سابق العهود : بالروح بالدم نفديك يا ... أحيييييا؟
    ما تشمِّت الناس عليّا أم أنك صبأت يا هذا؟
    كدي نرجع شويه ليومية التحري ، مش قلت ليها : يا حبيبي عشت لي وعشت ليك
    هاك عهدي يا ست الريد ولم تترك كونتراتو وإلا قمت بتوقيعه وبصمت عليه بقلبك
    خليه خليه فتمددت فيه من الأذين إلى البطين؟ أها بتودي وشّك وين من العهود دي؟
    افتدي حبك بالصمود واستعن على مرارة الصبر بالوخز بالإبر واليوجا والصدقات
    وفي رواية أخرى بالإيروفيد وآخر العلاج الكي ،
    القال ليك الرضا بالمقسوم نعمه غشّاك والعلَّمك ظلمك ظلمك ، تقعد باقي عمرك كلو
    وفي قلبك حاجه زي السريحه في الجِلِد وشعور كدا زي بذرة جوافه بين ضروسك ،
    تحس حجابك الحاجز يلطِّش في قلبك طالع نازل ، يجيبو سيرتا يجيك إحساس زي
    لماالطياره تهبط ألف قدم فجأة ومن الوحيح ما تستريح ، صدقني باقي عمرك
    كلو تتنخَّج مباري القيف زي ما بقول العارف بالحب عماد عبدالله رضي العشق عنه .
    أنا طوَّلت عليك ودا ما لوم لكنه العشم وبذل النصح قبل الغد للحؤول دون احتمالات
    النكوص والإرتخاء لأني سمعتك بتقول تعرس من طرف،
    حذاري يا دكين فالعرس من طرف عمل ثلاثي الإبادة ، يميتك ويميت الرفيق ويفني المسكينه العرستها من طرف التي تظل بقية العمر تلعب دور الدوبلير وتترى زفراتها حرَّى كلما دندَنتَ في حضورها ككولونيل ماركيز في عزلته الأخيرة ( جدله مملوخه وفي معالق الجوف موسو مجلوخه(
    معليش ، عارفك موجوع ومتَّفِق معاك إنو الحب الحقيقي أن تحب الشخص الوحيد القادر على أن يجعلك تعيسا زي ما بقولوا ، وأهو إنت ماشاء الله تبارك الله مهرجان من التعاسة يحتشد بؤسا ويقطِّر فجيعة ، عسل يا دكين وشهد ، يشهد الله ،عيني عليك بارده،
    ربنا يغتِّيك ، حالتك لا يُلقَّاها إلا ذو حظ دكين ،
    بس رجائي يا دكين ما تخذل دكين.



    ابشرك يامرتضى
    إفري ثينق اذ قونا بي اورايت..
    إلا ابوها يخرخر .. وحيضطراني حينها لي الخيار التاني
                   |Articles |News |مقالات |بيانات

03-05-2010, 02:11 PM

DKEEN
<aDKEEN
تاريخ التسجيل: 30-11-2002
مجموع المشاركات: 6770

للتواصل معنا

FaceBook
تويتر Twitter
YouTube


Re: مداسٌ عند عتبات القـلب (Re: الشاذلى خيرى عبد الله)

    اساسي
    ليك وحشة ياخينا..
    ربنا مرقك يامعلم ..لو ماظهرت بنية الحلال دي كان هسي على ليلاك اغني..


    بعدين ياخي..ماتنجه اخوك فيما يملك.. شايفك شقيش تلقاني تخت لي البرادو دي..
    ما اهو دده انتا الفين وعشرة الجاب سيرتك منو..ولا بس نحنا عشان ماوش نعمة؟؟
    وانتا سمين وملظلظ..

    عموما ياحبيب دي كانت في الفين وتسعة..
    هسي طوارق ..طوارق زي طوارق الزمان التي المت بنا يوم لاقيناك..



    اصلو لو في جهة جابت اخري في العالم ده فهو مثل هذه الصداقات التي لاوجيع لها


    ـــــــــــــــــــــــــــــ
    شاذلي:

    ياخي تسلم على التشجيع الفايت الحد.. نحنا ماكتبنا بس كتا بتذكر كيف بتبسم لامن اعاين لي الكي بورد..تقوم
    متل النضمي الشفتو ده بتطاقش..
    تقبل مودتي


    ـــــــــــــــــــــــ
    حمد امبس

    عجبتني ريحة كبرتة دي بصراحة..
    ربما لاني اول مرة افتكر لي القصة دي
    تخيل من عدم سفالتي مع صورتها لحدي هسي مافكرت في الجهة النائية دي من الحنان..





    حاول ماتعمل البساط احمدي وتزيد في النقطة دي تاني..
    قرض على كده..
    لانو مافي شي بعيد على عيون المحبوبة.. ممكن نتخبت عادي




    ــــــــــــــــــــــــــــــــ
    سناء

    ياخي الفين مراحب بطلتك انتي..
    شعور سمح لامن تلاقي ليك زول اقدم من علاقتك بالنت في مكان ما..
    احب محمد على مكي ذاتو
    :)
                   |Articles |News |مقالات |بيانات

02-05-2010, 09:35 PM

Adil Osman
<aAdil Osman
تاريخ التسجيل: 27-07-2002
مجموع المشاركات: 10193

للتواصل معنا

FaceBook
تويتر Twitter
YouTube


Re: مداسٌ عند عتبات القـلب (Re: DKEEN)

    Quote: وبحرصٍ قاصدٍ جمعتُ بينها وبين الاصحاب، اؤلئك الذين تلطفت المودات بيني وبينهم، اكدوا لي في ثباتٍ ودون ان يطرف لهم شك، أنها مُـبراة من سوء الظن وظلمة التخمين.


                   |Articles |News |مقالات |بيانات

02-05-2010, 10:06 PM

Maha Bashir

تاريخ التسجيل: 26-11-2004
مجموع المشاركات: 814

للتواصل معنا

FaceBook
تويتر Twitter
YouTube


Re: مداسٌ عند عتبات القـلب (Re: Adil Osman)

    سلامات يا عزيز

    Quote: اولهما: فرحةً مني لما المَ بي مشاعرَ ازدِنتُ بها وددتُ ان يطلع عليها الناس.
    وثانيهما: إزاحةٌ لما عجزَ ان يحتمله الجسدَ والخيال وعموم الحال، فصار ينازعني في سكينتي وهرجي، وحلي وبلبال حالي.. فوددت أن أزيح بعضه عن كاهلي خوفَ أن يلتبسَ الأمر برمته علىَّ في كُـتماني له فأصبح وقد هومت ناحية ناس بسم الله وما تزال ألآمالُ عِراض.


    دا كله و في شنوا؟ ياخي عرفنا و فرحنا ليك شدييييييد
    مبروك الحب بالجد
    مها
                   |Articles |News |مقالات |بيانات

02-05-2010, 10:19 PM

القلب النابض
<aالقلب النابض
تاريخ التسجيل: 22-06-2002
مجموع المشاركات: 8418

للتواصل معنا

FaceBook
تويتر Twitter
YouTube


Re: مداسٌ عند عتبات القـلب (Re: Maha Bashir)

    الله الله ...
    Quote: ويقيني انها دعوات صادقات من ام حنينة..وقبول من رحيم
                   |Articles |News |مقالات |بيانات

03-05-2010, 08:21 PM

DKEEN
<aDKEEN
تاريخ التسجيل: 30-11-2002
مجموع المشاركات: 6770

للتواصل معنا

FaceBook
تويتر Twitter
YouTube


Re: مداسٌ عند عتبات القـلب (Re: القلب النابض)

    عادل عثمان

    ياخ سلامات وبرمة الشفناك طيب..


    طلتك بغض النظر عن غموضا ده ..بس والله ادتني احساس اني لسع شباب..


    ان كنت تطلب تفسيرا:
    سقتا الصورة الفوق دي كربك كربك كربك عرفتها على ناس تجمعني بم مودات وصحبة سمحة...واحد فيهم حك نخرتو ماف..

    في الحقيقة انا سويت كد لاني كنتا عايز اخلى اثر منها على هؤلاء الاحبة ..اقدر القاهو فيهم لامن تغيب..
    موضوع اقدر ادورو معاهم على مهل طالما اجتمعنا كلنا في ذات صراط الجمال ذات يوم..


    المهم
    نتقدم اليك بطلب تفسير لهذا الاستفهام لنتمكن من الرد عليه بصورة اعم..
    وبنسلمو عليك :)

    ــــــــــــــــــــ
    مها
    ازيك وماك طيبة على قول اخونا محسن

    عيييك زمن طويل من يوم بيت ناس ناجية..

    كيفنك والصقيع والبلاد التي لاتمزح؟؟


    عموما انا ماعارف انتي عرفتي شنو؟؟ وبتباركي شنو ..بس الله يبارك فيك يازينة


    ـــــــــــــــــــــــ
    ايا قلب


    ازيك ..قربتا ادور في صورة البقرة بس اسمك نزل..



    مرة مرة ادينا خبرك عشان مانقرا في الحي ..

    ولازلنا على العهد الجميل وذات الميثاق..

    ـــــــــــــــــــــ
    يوسف الولي

    آمين وجمعا يايوسف
    ومشكور على صالح الدعوة



    ـــــــــــــــــــ
    البدري
    سلامات وشكرا على التحية والحمد ربنا يتقبلو
                   |Articles |News |مقالات |بيانات

02-05-2010, 10:08 PM

يوسف الولى
<aيوسف الولى
تاريخ التسجيل: 28-12-2005
مجموع المشاركات: 1351

للتواصل معنا

FaceBook
تويتر Twitter
YouTube


Re: مداسٌ عند عتبات القـلب (Re: Adil Osman)

    Quote: إلهي رجوتكَ ان اظلَ بعافيتي مستمتعاً بهذا الشعور..سالماً مستغرقاً فيه..

    اللهم استجب لدعائه
    اللهم امين
                   |Articles |News |مقالات |بيانات

02-05-2010, 10:18 PM

البدري عبد الله
<aالبدري عبد الله
تاريخ التسجيل: 30-07-2009
مجموع المشاركات: 1911

للتواصل معنا

FaceBook
تويتر Twitter
YouTube


Re: مداسٌ عند عتبات القـلب (Re: يوسف الولى)

    حمدا لله على السلامة ..
    عودة مباركة ان شاء الله
                   |Articles |News |مقالات |بيانات

02-05-2010, 10:26 PM

Emad Abdulla
<aEmad Abdulla
تاريخ التسجيل: 18-09-2005
مجموع المشاركات: 6751

للتواصل معنا

FaceBook
تويتر Twitter
YouTube


Re: مداسٌ عند عتبات القـلب (Re: البدري عبد الله)

    ( يا ابن القباب الحمر .. ويحك ) ..


    ........
    ود اللزينا .
                   |Articles |News |مقالات |بيانات

02-05-2010, 10:47 PM

عمران حسن صالح
<aعمران حسن صالح
تاريخ التسجيل: 26-11-2004
مجموع المشاركات: 10123

للتواصل معنا

FaceBook
تويتر Twitter
YouTube


Re: مداسٌ عند عتبات القـلب (Re: Emad Abdulla)

    ياخي الله يطعم مساكـ يا خدر
    ويا حمد
    ويا ناس يا حلوين
    والله بحبكم
                   |Articles |News |مقالات |بيانات

03-05-2010, 00:55 AM

عمر عشاري
<aعمر عشاري
تاريخ التسجيل: 22-08-2009
مجموع المشاركات: 1777

للتواصل معنا

FaceBook
تويتر Twitter
YouTube


Re: مداسٌ عند عتبات القـلب (Re: عمران حسن صالح)

    Quote: وظلت الرسالة خمسة واربعين دقيقة كاملة بدون فتح، ُمستمتعاً بي فكرة الرفقة المتوهمة السميناها مجازاً (زي الزول قاعد جبنك)..
    وظلت الرسالة ترسل وميضاً عند كل اربعة ثوان وجزء من الثانية، وبالتالي استمتعتُ وطوال 45 دقيقة كاملة بكل اربعة ثوان وجزء من الثانية وكأنها ترافقني..
    كنتا عايز اتمها تسعين دقيقة في محاولة لسد فرقة تسعين دقيقة راحت في حق مودات عامة، بس غلبني التحمل فاكتفيت بالخمسة واربعين.


    عزيز ياشلال


    كم تمنيت ان تكون هذه الرسالة من ( كيوتل ) يعلمونك فيها بنفاذ رصيدك


    ولكن يبدو ياصديقي انها حقا كانت رسالة حب

    ...أنا الآن مكشوف الظهر ...كان ردي حاضرا لكل من يسألني عن أمر إرتباطي ...يازول أصحابك كلهم عرسوا ...حتى تكون مثالي المنقذ ...ياخ شلال ذاااتو ماعرس

    لن تترك هذه الفوضى حتى وأنت في طريقك لحياة مستقرة

    هسة انا مش كنت معاك ...وكنت على ثباتك على مبادئ إرتضيناها لأنفسنا وسخرنا من الحب والكلام الفاضي ...خائن أنت ياصديقي


    على كل حال مبروك
                   |Articles |News |مقالات |بيانات

03-05-2010, 01:12 AM

أمين محمد سليمان
<aأمين محمد سليمان
تاريخ التسجيل: 08-08-2009
مجموع المشاركات: 8318

للتواصل معنا

FaceBook
تويتر Twitter
YouTube


Re: مداسٌ عند عتبات القـلب (Re: عمر عشاري)

    مبروك علينا رجعتك يا دكين !
                   |Articles |News |مقالات |بيانات

03-05-2010, 01:21 AM

طلال عفيفي
<aطلال عفيفي
تاريخ التسجيل: 20-06-2004
مجموع المشاركات: 4380

للتواصل معنا

FaceBook
تويتر Twitter
YouTube


Re: مداسٌ عند عتبات القـلب (Re: عمر عشاري)


    يا الله على الكلام يا دكين...
    مبروك طبعاً، بس الكلام عجيب !
                   |Articles |News |مقالات |بيانات

03-05-2010, 01:42 AM

طلال عفيفي
<aطلال عفيفي
تاريخ التسجيل: 20-06-2004
مجموع المشاركات: 4380

للتواصل معنا

FaceBook
تويتر Twitter
YouTube


Re: مداسٌ عند عتبات القـلب (Re: طلال عفيفي)



    Quote:
    النسيم هبَّا لي
    يا حسينة الذات
    والجمر هبَّا لي
    يا حبيب رحماك
    لا تزيد بلبالي
    ولا تكون شكواي
    موية في غربالي
    يا نسيم الليل

    يا سلام، ويا سلام ألف مره على شيخنا ود الرضي.
    آنستني وحياة النبي يا طارق.

    الناس ديل كانوا بيلقوا الذوق ده وين؟

    (عدل بواسطة طلال عفيفي on 05-05-2010, 01:40 PM)

                   |Articles |News |مقالات |بيانات

03-05-2010, 01:59 AM

حبيب نورة
<aحبيب نورة
تاريخ التسجيل: 02-03-2004
مجموع المشاركات: 18578

للتواصل معنا

FaceBook
تويتر Twitter
YouTube


Re: مداسٌ عند عتبات القـلب (Re: طلال عفيفي)

    ......

    شلال
    !
    ماذا تراني فاعلٌ بك!
    يااااااااااه
    عارف الكلام دة علي خلفية رووووح وأعرض حالي
    ولوم الوالي
    وبركات سيدنا ود الرضي
    كلام بغرّف غرِف من حوض السماحة

    يا نسيم لي وااااالي!

    يا دكين رحماك
    ترفّق بليلنا المُهدر صمتاً
    لا تجرح كبريائه الأخرس ببضعةِ كلمات وتتركهُ يتبضّع الأسي
    علي لياليٍ أنفقناها في لا غناء


    لقد أستوغدت فحسب !
                   |Articles |News |مقالات |بيانات

03-05-2010, 02:05 AM

WAD ELGAALI#4
<aWAD ELGAALI#4
تاريخ التسجيل: 11-07-2002
مجموع المشاركات: 2024

للتواصل معنا

FaceBook
تويتر Twitter
YouTube


Re: مداسٌ عند عتبات القـلب (Re: طلال عفيفي)

    والله عندى تلاته تعليقات
    الاول ياخدر الله لاتاجرك والله حرام عليك ياخى بعدين وعزة الله فى ملكو ماعندك سبب بقعدك بره السودان
    التانى يادكين عليك الله ماتحرمنا من القرايه ليك والله قسم انتااكتب زول فى المنبر دا بدون منازع بس لمن تسخى
    التالت للاستاذ محمد المرتضى والله ردك دا من اجمل واطعم ماقريت فى الفتره الاخيره دى
    والله البوصت دا حيكون مرتع لكل االناس واتوقع يكون اجمل بوست فى السنه دى كلها
                   |Articles |News |مقالات |بيانات

04-05-2010, 02:28 PM

DKEEN
<aDKEEN
تاريخ التسجيل: 30-11-2002
مجموع المشاركات: 6770

للتواصل معنا

FaceBook
تويتر Twitter
YouTube


Re: مداسٌ عند عتبات القـلب (Re: WAD ELGAALI#4)

    بوركت يا امين ياخ..

    مكره اخاك لا بطل.. الريدة لامن تجبرك بتخلي الكتابة تجبر بي كسرك


    ـــــــــــــــــ
    طلال

    الغريبة قالت بتعرفك..
    :)

    مشكور ياخي على مرورك وكلماتك اللطيفات في حق اشواقنا ذات الهوى الخليجي دي..
    واثنى تشكراتك حقت مولانا طارق..
    دمتا رايق
    ــــــــــــــــ

    حبيب
    اسعد الله ايامك كمااسعدتنا في نصف ليلنا ذاك.. :)
    النص التاني سيبو ساي بس..

    متلك بنفقد بالجد ياحبيب..
    وددت لو امتدت الايام لنلتقي مرات ومرات..
    بس الزمن كان شحيح وانتا ماك زول يوم واحد..

    كيف هي القاهرة؟؟

    امانة بلغ الشاب المدهش عبد الغفار كثير السلام كثير المودة شديد المحبة..
    ده ود كنز يا حبيب ..قرض عليهو تكسب رفيق دنيا جيد الصنع..
    مابقدر اضمنو ليك في الاخرة ..
    كما اني لا اضمنك انت ايضا..
    بس سلامي ليهو عبيهو من عندك سلاما ماهل وسلمو ليهو في يدو..

    كما وبلغ الامنيات لي نصف الليل الاخر الجميل
    (وش غامز)
    ومروك سر بالنا يايس.
                   |Articles |News |مقالات |بيانات

03-05-2010, 02:45 AM

د.نجاة محمود


للتواصل معنا

FaceBook
تويتر Twitter
YouTube


Re: مداسٌ عند عتبات القـلب (Re: عمران حسن صالح)

    يا جنينة
    ما طلعت البورد من الموت الدماغي

    مرحب بيك
                   |Articles |News |مقالات |بيانات

03-05-2010, 04:55 AM

د.نجاة محمود


للتواصل معنا

FaceBook
تويتر Twitter
YouTube


Re: مداسٌ عند عتبات القـلب (Re: د.نجاة محمود)

    Quote: يبدو ان غيابك مسالة قسرية...(صححني ان كان الفهم على خطأ)


    مولانا محمد المرتضى
    مثل شخص طيب نسمع انه قد مات
    ونقول بكل حسرة الدنيا اصلو ما زول دنيا

    اها مولانا دا ما زول بورد
    وقد ذهب ماسوفا عليه بخياره
    لان بهذا المكان اناس "لم ياتوا لحوار
    بل لاجندات اخرى"

    مولانا قد تعرض للشتم والتصيد
    وترك المكان هذا لانه لم يعد يمنحه الفرح
    بل الالم والاحزان وقلة القيمة.


    لاخي العزيز مرتضى اننا لفراقك محزونون
    ونتمنى ان تأتي لتكنس الكراهية والقبح

    من غيركم يعطي المكان هذا القه وجماله

    بالجد عشان خاطرنا ترجع
    تجادع هذا المسخوط..







    الزولة المزعلاه اولها تراجي مصطفى
                   |Articles |News |مقالات |بيانات

03-05-2010, 05:05 AM

ندى عثمان حسن
<aندى عثمان حسن
تاريخ التسجيل: 20-11-2009
مجموع المشاركات: 875

للتواصل معنا

FaceBook
تويتر Twitter
YouTube


Re: مداسٌ عند عتبات القـلب (Re: د.نجاة محمود)

    دة جمال مابعدو.



    مبروك يادكين الحب.
                   |Articles |News |مقالات |بيانات

03-05-2010, 06:10 AM

المسافر
<aالمسافر
تاريخ التسجيل: 10-06-2002
مجموع المشاركات: 4962

للتواصل معنا

FaceBook
تويتر Twitter
YouTube


Re: مداسٌ عند عتبات القـلب (Re: ندى عثمان حسن)

    دكين المهر النتر حلت عرى قيـدو
    قسيم الريد فوق صفاك أسدل عناقيدو
    بارق سناه بان سابق عناق جيـدو
    وشال الشوق سهراج هبهب مواقيدو
                   |Articles |News |مقالات |بيانات

03-05-2010, 06:24 AM

حمزاوي
<aحمزاوي
تاريخ التسجيل: 10-10-2002
مجموع المشاركات: 11590

للتواصل معنا

FaceBook
تويتر Twitter
YouTube


Re: مداسٌ عند عتبات القـلب (Re: المسافر)

    ود المضوي كان بضوي كان ضوا في بيت امو

    اللهم أعصمني من دق الباب الخطأ والبنت الخطأ والظن الخطأ
                   |Articles |News |مقالات |بيانات

03-05-2010, 06:26 AM

ودقاسم
<aودقاسم
تاريخ التسجيل: 07-07-2003
مجموع المشاركات: 11129

للتواصل معنا

FaceBook
تويتر Twitter
YouTube


Re: مداسٌ عند عتبات القـلب (Re: المسافر)

    ياجماعة عليكم الله سيبوا دكين يسترسل ..
    الله يهديكم .
                   |Articles |News |مقالات |بيانات

03-05-2010, 06:53 AM

وجن
<aوجن
تاريخ التسجيل: 30-07-2002
مجموع المشاركات: 1796

للتواصل معنا

FaceBook
تويتر Twitter
YouTube


Re: مداسٌ عند عتبات القـلب (Re: ودقاسم)

    الاسبوع الفات قطعنا فيك أنا وصحبك
    قال لي والله الود دا غلبني الله يلمو
    دي دعوته بلا ادنى شك أمك منو المتذكراك
    دي ما صدقت ارتاحت من وشك
    غايتو الشي الوحيد الخلاني اصدق انك وقعت
    الشامي الشتمك وابتسامتك البلهاء كانه شكَّرك
    الله يهنيك يا عزو
                   |Articles |News |مقالات |بيانات

03-05-2010, 06:55 AM

هيثم درار
<aهيثم درار
تاريخ التسجيل: 14-07-2008
مجموع المشاركات: 544

للتواصل معنا

FaceBook
تويتر Twitter
YouTube


Re: مداسٌ عند عتبات القـلب (Re: ودقاسم)

    Quote: ياجماعة عليكم الله سيبوا دكين يسترسل ..
    الله يهديكم .


    نعم القول قول ود قاسم
    خلى الوغد ده يتجلى بعدين نشوف اخرو

    ومبروك مقدمآ لحدى ما نجيك بالباب
                   |Articles |News |مقالات |بيانات

03-05-2010, 06:58 AM

عمران حسن صالح
<aعمران حسن صالح
تاريخ التسجيل: 26-11-2004
مجموع المشاركات: 10123

للتواصل معنا

FaceBook
تويتر Twitter
YouTube


Re: مداسٌ عند عتبات القـلب (Re: ودقاسم)

    محمد المرتضى حامد
    كائن إنساني آخر كلامو ( قُلاد )
    ومُريح









    --------------------------
    أهنأ يا وغــــد بصحبة الكرام
                   |Articles |News |مقالات |بيانات

03-05-2010, 07:10 AM

وجن
<aوجن
تاريخ التسجيل: 30-07-2002
مجموع المشاركات: 1796

للتواصل معنا

FaceBook
تويتر Twitter
YouTube


Re: مداسٌ عند عتبات القـلب (Re: عمران حسن صالح)

    خــــــــــدر من الصعب ان الواحد يفتح البوست دا وما يقول ليك شكرا

    يديك العافية ياخ
                   |Articles |News |مقالات |بيانات

03-05-2010, 07:25 AM

خدر
<aخدر
تاريخ التسجيل: 07-02-2005
مجموع المشاركات: 13188

للتواصل معنا

FaceBook
تويتر Twitter
YouTube


Re: مداسٌ عند عتبات القـلب (Re: وجن)

    Quote: مولانا محمد المرتضى
    تحياتي واشواقي..
    يبدو ان غيابك مسالة قسرية...(صححني ان كان الفهم على خطأ)
    احزنني ان اعلم(افهم) انو بكري موقفك..
    ماذا ابقى لنفسه؟؟ وللمكان؟؟


    ياصاحبي ..لوكنت اعلم ان ثمة معزة بيني وبين بكري ..
    لندهت طويلا في هذا المكان..بس اخوك وبكري الدنيا ماعامرة بيناتم..

    تخيل انا زمني ده كلو فاكر مولانا ود المرتضي من المُعتزلة..
    الذين إختاروا الذهاب طواعية ..
    اجدع لي تلفونو يا عزيز في الخاص عليك الله ضروري في بحر اليوم ده ..
                   |Articles |News |مقالات |بيانات

03-05-2010, 08:00 AM

ملكة سبأ
<aملكة سبأ
تاريخ التسجيل: 18-06-2003
مجموع المشاركات: 3853

للتواصل معنا

FaceBook
تويتر Twitter
YouTube


Re: مداسٌ عند عتبات القـلب (Re: خدر)

    Quote: قَسَماً عَظَماً تتنازل قيراط من زولك القيراط دا يزيد كل ليله حتى يتعملق
    ويتفرع كالهايدرا ويغدو قارة من الأسى ، ستُثقل بقية حياتك أطنان الفجيعة
    ياولدي وتنطوي في قلبك حسرة ألف ميجاواط .



    إزيك ياعزيز !
                   |Articles |News |مقالات |بيانات

05-05-2010, 04:24 PM

DKEEN
<aDKEEN
تاريخ التسجيل: 30-11-2002
مجموع المشاركات: 6770

للتواصل معنا

FaceBook
تويتر Twitter
YouTube


Re: مداسٌ عند عتبات القـلب (Re: خدر)

    ود المضوي كان بضوي ياحمزاوي ما كان مرق من الرياض دي ميطي في حضرة اشاوس زيكم كده..

    وايمانات الله فاقدك ياراجل ياعكليتة..

    يعجبني فيك انك كلما تقدمت الى ارزل العمر بتكتر فلتاتك وبتكون غير عابي بالسادة النظارة


    قالو من علامات كبر الرجال

    الواحد تلقى زمان وهوشباب يخش الحمام ده ويقفل الباب وراهو وقفلك تربسك حتان يشخ

    اها قالو بس من تلقى الراجل بخش الحمام ويلذ الباب ساي كده بي وراهو متكي غير عابي بي قفلو ام لا
    معناتا الراجل كبر ياحبيب..


    حمزاوي باب شنو تاني انتا عايز تدقو؟؟
    صدقني انتا تاني باب حمام ماتدقو..
    ــــــــــــــــــ

    الخال ود قاسم

    والله صدقت كعهدي بك دوما..
    انا البوست ده فاتحو ليها .. ست الريد
    عايز ارسم خريطة نريد بيها بعضنا وننتهي الى محبة لايقطعها عزرائيل ولو نزل..

    بس كمان ترك الرد في مقامات سودانيز دي بتجيب الملامة..

    وكيف حالك انتا في هذه المدة التي لم نراك فيها ياخال؟
    ـــــــــــــــــــــــــــــــــــــــــــــ

    BB
    صحبي ده منو؟؟
    انتي تمساح انتي ..
    مابتنسي؟؟

    الزول ده الغريبة لامن اكلمو عنك بنكرك حطب.. تقول مناسبني!!
    :)
    ـــــــــــــــــــــــــــــ

    هيثم درار

    لو ماغيرتا مهنتك دي باب مافي يا ظريف..
    قالو العمال لاسياحة لهم ولاهم يحزنون..
    بس مهنة فتحي ممكن تجيبو..
    اجيب فتحي ..وتجي انتا لاحقو؟؟
    :)
    ــــــــــــــــــ
    سبا
    عييييييييييييك ومالتقينا..
    الامورة دي ماتقولي لي بتك؟؟
    وازيك دي لا تلفق إلا بإستيفاء شروطها..وشروطها بين حبلهاالصوتي وفؤادهاوفؤادي..
    ــــــــــــــــــــــــــــ
                   |Articles |News |مقالات |بيانات

03-05-2010, 07:40 AM

ايهاب
<aايهاب
تاريخ التسجيل: 06-05-2002
مجموع المشاركات: 2877

للتواصل معنا

FaceBook
تويتر Twitter
YouTube


Re: مداسٌ عند عتبات القـلب (Re: ندى عثمان حسن)

    دكين
    بختك ياخي دي حاله تجلي خطيره ونادره في هذه الدوحه الا الزول يهاجر ليها ويقطع الكباري ويكون في حاله تصالح تام مع النفس ومع الناس وعموم الحال ان شاء الله ربنا يديم علىك هذا الانشكاح
    تخيل ممكن تعيش الحته دي تاني وتالت لكن ما بالساهل
    في زاويه في الشيراتون تحت كدا فيها كنبه وشتلتين ومافي قرد بيجي بي هناك بتنزل ليها بي سلم عريض بتكون غاطس وما غاطس مرئي وغير منظور الكنبه زاتا فيها شي كدا زي( حاجه فيك )
    لم لم عواملك وجربا وانسى ... تاني الا تغطس في البحر ساعه غروب وتطلع راسك لحد ي عيونك بس وتعاين خط الافق وتشوف البرزخ ما بين السماء وموج البحر في مقطع جانبي حيث الفرق بين الموجه والتانيه جزء من الملي وابقى قابلني لو جيت طالع .... اوع ت كون ما بتعرف تعوم
    ياخي حميتنا الشغل زاتو

    تبا لك زي مافي الترجمة ههههه (لو اتفنشتا)
                   |Articles |News |مقالات |بيانات

03-05-2010, 07:50 AM

الجندرية
<aالجندرية
تاريخ التسجيل: 02-10-2002
مجموع المشاركات: 9450

للتواصل معنا

FaceBook
تويتر Twitter
YouTube


Re: مداسٌ عند عتبات القـلب (Re: ايهاب)

    عاد يا دكين
    فعلاً جيتك بتغير وش البورد
    كدي النبارك للبورد في الاول تغير وشو
    بعدين نشوف التاني والتالت


    ـــــــــ
    بالجد كدا
    فرحانة ليك والله
                   |Articles |News |مقالات |بيانات

03-05-2010, 08:52 AM

ندى عثمان حسن
<aندى عثمان حسن
تاريخ التسجيل: 20-11-2009
مجموع المشاركات: 875

للتواصل معنا

FaceBook
تويتر Twitter
YouTube


Re: مداسٌ عند عتبات القـلب (Re: الجندرية)

    Quote:
    Quote: ( اللواتي تولين عنا وضيعننا كن خير النساء).


    دا بعض من كلام الشاعر الشلال ودالمكي يا دكين ، ودالمكي قال ( ويُكذِبُنا الحزن حين يعلمــــنا أن خير الليالي مضت دون أن يطلع الفجر فيها.. حتى وصل إلى : أن اللواتي تولين عنا وضيعننا كن خير النساء ) بمعنى أن تلك المقولة بعض من كذِب الحزن ومن ثم يكون صدق الحزن، وفقا للقصيدة ، هو أن اللواتي تولين عنا لم يكنَ خير النساء ، ولكن بعضهم يرى ، فيما يرى الحالم، غير ذلك تماما .
    يا عبدالعزيئ ، كلامك كلو عاجبني ، وعاجباني الحاله الإنت فيها دي لأني بَدورا للزول البِريد ، فالضريبة الإسمها البهدله هي بعض من الآدد فاليو للوله VAT وبرضوعاجبني كلامك لأنو(النداء) صِيغ بلغة تركُل النضمي العادي وأنا زي ما قُتَّ ليك بيعجبني الكاتب البيخُج بُخسَة الكلام لامن يطلِِّّع سمن النضمي الخام و (فُرصَتو) ،الكاتب البيأشِّر شمال ويلف يمين ويصحِّي الراكبين جُوّه اللوري ويدفِّق الراكبين في التَنده * ، يعجبني الذي يتبنى اللهلهه في انتظار المعشــوق أين كانت إحداثيات المنتظَر والمنتظِر، مشرور في العتمور أو في ركن المدرسه ، يعجبني الذي يشاقق بين البيوت يجاهر بحالو زي آرثر ميللر يكورِك بين شوارع هوليوود : ياناس أنا مكتول في بيت مونرو ، زي الزين لما يجري حفيان في جيبو بركاوي ويبكي وينوح ويصيِّــح رافعا راية استسلام ريتشارلز مع عرضحال فحواه Unchain my heart , set me free.
    يا عزئ ، كلام الناس الفوق دا ما ترميهو البحر ساي رغم أن بينهم من لم يمر بحالتك ، فليس من سمع عن الحرب كمن خاضها ، بس داير أقول ليك على رسلك يا هذا، نحن أصلنا ناس محبّه زول نعـزو وزول ( نزيدو) حتى لو لم يكن الزول دا موجود أصلا ، مش متذكر وداللمين قال قلبي عاشق ودربي خالي من حبيب ؟ نحن بنعيش (حالة) مستدامة إسمها الحب وبنعمل ليها بروجكشن على أول واحده تبتسم لينا حتى لو كانت مستهبله، إصبر وصابر ورابط ، ياخ إنت هسه كان كنت عرستها ما كان أنا كتبت ليك ولا كنت إنت كتبت في الموضوع الخطير دا زاتو ، يمكن كان هسه تكون في سوق الخدار، أنا عايز ليك البنت (المغنسيوم) التي تشع من الداخل كما قال أحدهم ، لكن في الوقت ذاتــه يجب أن تتذكر أن العناصر الكيماوية في الجدول الدوري كلها قابلة للتحول.
    _______
    *
    التنده يا عزاز هي (بلكونة) اللوري سفنجة كان أو فارقو أو أبيض ضميرك قبل ما يجي النيسان والزد واي و .. اللوفتهانزا.


    قديم جديد , تمايم محمد المرتضى لدكين.

    منقول من : النداء الأخير.
                   |Articles |News |مقالات |بيانات

03-05-2010, 10:01 AM

emad altaib
<aemad altaib
تاريخ التسجيل: 27-12-2007
مجموع المشاركات: 5300

للتواصل معنا

FaceBook
تويتر Twitter
YouTube


Re: مداسٌ عند عتبات القـلب (Re: ندى عثمان حسن)

    ــــ
    دكين المجنون عارياً إلا من الأشواق :

    أنثي الحضارة المدفونة في الزمن المنسي من التاريخ والألوان .. يتوق إليها بين ضمير المدن والفضاء ,حتي "عتر" ليهو برقاً قديم في الخرطوم .. فلازمه وجد وجذب أقلق ثري الأطياب فقد صفع "أم كف" لكم؟ من القباب , لما وجده المدعو من إلفة وسكون فقد فكة وحددته وعزلته
    ومن الحزن والكآبة إلي الفرح والنشوة.

    فالحب هو مجدد ومبعث الآمال.


    فيا دكين برشم علي كدا.
                   |Articles |News |مقالات |بيانات

03-05-2010, 10:03 AM

ايهاب
<aايهاب
تاريخ التسجيل: 06-05-2002
مجموع المشاركات: 2877

للتواصل معنا

FaceBook
تويتر Twitter
YouTube


Re: مداسٌ عند عتبات القـلب (Re: ندى عثمان حسن)

    عزيز شفتا الاحاسيس الحلوه بتجيب الناس الحلوين بختك بهذا الحضور البهي من زمان الواحد ما شاف لمه حلوه زي دي
    تحياتي لكل الاعزاء بالبوست

    الا بيني وينك انا حاسس انو كان في تعاطي ف ي الموضع

    ماذا تعاطيت يا هذا

    بوزعو شنو هناك هههههه

    حقو الواحد يمشي يشوف لو مر بي نفس الحاله يبقى جميل الا البوست الا تكتبو ليهو انت هههه

    سؤال جادي : الحاله اثرت على المنظور ولا المنظور ولد الحاله
    سؤال ما جادي: انت مشيت هناك براك ليه ؟


    خدر انا ما سامع حاجه لاني ف ي الشغل لكن اتشحتفتا بطرب الاخرين
    يديك العافيه
                   |Articles |News |مقالات |بيانات

03-05-2010, 10:19 AM

ايهاب
<aايهاب
تاريخ التسجيل: 06-05-2002
مجموع المشاركات: 2877

للتواصل معنا

FaceBook
تويتر Twitter
YouTube


Re: مداسٌ عند عتبات القـلب (Re: ايهاب)

    ودي ليك من المسنجر

    Quote:
    dakeeeen jameeeeel
    JAMEEEEEL ..3ALEEK ALAH SHOFTA AL KALAM DA KEEEF
    ames lmn nafasi gam o ana bagraho
                   |Articles |News |مقالات |بيانات

03-05-2010, 10:17 AM

معتصم دفع الله
<aمعتصم دفع الله
تاريخ التسجيل: 18-12-2003
مجموع المشاركات: 12683

للتواصل معنا

FaceBook
تويتر Twitter
YouTube


Re: مداسٌ عند عتبات القـلب (Re: ندى عثمان حسن)

    إزيك يا ( وغد ) ..
    وحاة الله زعلان منك بقدر الشوق إليك حتى أسأل وليد طه صاحبك وصاحبي ..

    دائماً بقول إنو الإتنين الإسمهم شتات ودكين ديل كتابين إلا ملاعين ..
    أي حاجة عندهم بالقطارة يجو يجدعوها ليك هنا ويشتتو ..
    وحظهم كمان بي هناك في الساحل الآخر صفر كبييير
    لكن بعدالكلام الفوق دا نقدر نقول وقعت وما حدش سمى عليك ..
    وقعة حلوة عليك إن شاءالله تتكسر كلو كلو قول آمين ..
    أها في إنتظار باقي حكاويك ..
    سلام من هنا لا عندك ..
                   |Articles |News |مقالات |بيانات

07-05-2010, 07:05 AM

DKEEN
<aDKEEN
تاريخ التسجيل: 30-11-2002
مجموع المشاركات: 6770

للتواصل معنا

FaceBook
تويتر Twitter
YouTube


Re: مداسٌ عند عتبات القـلب (Re: معتصم دفع الله)

    عماد الطيب

    Quote: أنثي الحضارة المدفونة في الزمن المنسي من التاريخ والألوان .. يتوق إليها بين ضمير المدن والفضاء ,حتي "عتر" ليهو برقاً قديم في الخرطوم .. فلازمه وجد وجذب أقلق ثري الأطياب فقد صفع "أم كف" لكم؟ من القباب , لما وجده المدعو من إلفة وسكون فقد فكة وحددته وعزلته
    ومن الحزن والكآبة إلي الفرح والنشوة.

    فالحب هو مجدد ومبعث الآمال.



    فيا دكين برشم علي كدا.

    انا نوع الكلام ده بعمل لي سبورت وبحرضني على الكلام
    هي الاشواق ..هي الاشواق
    ـــــــــــــــــــــ

    عزام
    ياخي شاكرين جدا تفهمك لوضعنا الحرج..وتقبلك لي اكاذيبنا..
    مودتي تبراك..

    ــــــــــــــــــــ

    هدير الزين (اعتقد الاسم كده ظابت)
    اسم جميل بصراحة لو انا قتو صاح..

    ياخي تشكراتنا على الكلام اللطيف
    والاغنية الجميلة واحساسك الجميل تجاه دكين..
                   |Articles |News |مقالات |بيانات

04-05-2010, 09:31 PM

DKEEN
<aDKEEN
تاريخ التسجيل: 30-11-2002
مجموع المشاركات: 6770

للتواصل معنا

FaceBook
تويتر Twitter
YouTube


Re: مداسٌ عند عتبات القـلب (Re: ندى عثمان حسن)

    ودالجعلي
    سلامات ياخينا..
    دي مجاملات صحبة قديمة وقعدة في طرف بري ساي يا معلم..
    مشكور على الكلام السمح البشبهك.

    ـــــــــــــــــــــــ
    دكتورة نجاة

    اراكي لازلت صامدة رغم القصص..

    البورد ما حيرجع زي ماكان لانو الحاجات بتمشي كده يادوك.

    ياتواصل معاهو كده يا ترفضو جملة وتفصيلا زي ناس ود عزة واررروررروك والناس الزمان..

    واهو العزيز محمد ماقصر وجبر بي خاترنا..

    تراجي دي منو؟؟
    ـــــــــــــــــــــــ

    ندى بت عثمان
    ياخي الف مرحب بيك في بوستنا حمال الاسية ده..

    والله فرحنا بي ترحيبك زي فرحتنا بي رسائل العزيز محمد المرتضى وفرحتنا بي جيتو هنا دي..
    اهو ربنا برضو بمرق لينا ناس يخففو من وطاة الحزن الشديد والالم الشديد والحب الشديد..

    تشكراتنا ياجميل وكوني في خير
    ــــــــــــــــــــــ

    Quote: دكين المهر النتر حلت عرى قيـدو
    قسيم الريد فوق صفاك أسدل عناقيدو
    بارق سناه بان سابق عناق جيـدو
    وشال الشوق سهراج هبهب مواقيدو

    المسافر
    هييع حبابك ياصاحب

    دكين المهر الوقع وسقط عناقيدو
    سهم الريد نبل شكا ورمى وريدو
    دم الريد نزف طوق قليب سيدو
    شوق الشوف حراب شكت جروح ايدو
    والكي بورد نزف دفق كلام ريدو
    وين الشوفة وين، شان اطلبلكم ايدو
                   |Articles |News |مقالات |بيانات

03-05-2010, 11:24 AM

walid taha
<awalid taha
تاريخ التسجيل: 28-01-2004
مجموع المشاركات: 3441

للتواصل معنا

FaceBook
تويتر Twitter
YouTube


Re: مداسٌ عند عتبات القـلب (Re: DKEEN)

    24393_380351193478_712288478_4008090_1569161_nsudan1sudan.jpg Hosting at Sudaneseonline.com



    طيب دى مااا ديك ذاتا!!!!!!!
                   |Articles |News |مقالات |بيانات

03-05-2010, 11:44 AM

وجن
<aوجن
تاريخ التسجيل: 30-07-2002
مجموع المشاركات: 1796

للتواصل معنا

FaceBook
تويتر Twitter
YouTube


Re: مداسٌ عند عتبات القـلب (Re: walid taha)

    ازيك يا ايهاب
    ليك وحشة والله
    فعلا والله البوست دا نكت الحلوين كوووولهم
    ازيكم كووووولكم يا اهلنا مشتاقين والله
                   |Articles |News |مقالات |بيانات

03-05-2010, 12:16 PM

حبيب نورة
<aحبيب نورة
تاريخ التسجيل: 02-03-2004
مجموع المشاركات: 18578

للتواصل معنا

FaceBook
تويتر Twitter
YouTube


Re: مداسٌ عند عتبات القـلب (Re: وجن)

    بوست متعة شديد
                   |Articles |News |مقالات |بيانات

03-05-2010, 12:18 PM

حبيب نورة
<aحبيب نورة
تاريخ التسجيل: 02-03-2004
مجموع المشاركات: 18578

للتواصل معنا

FaceBook
تويتر Twitter
YouTube


Re: مداسٌ عند عتبات القـلب (Re: حبيب نورة)

    و صراحة يا خدر


    بااااالغت فيها الغنية دي
                   |Articles |News |مقالات |بيانات

03-05-2010, 01:00 PM

تيسير عووضة
<aتيسير عووضة
تاريخ التسجيل: 20-12-2005
مجموع المشاركات: 7136

للتواصل معنا

FaceBook
تويتر Twitter
YouTube


Re: مداسٌ عند عتبات القـلب (Re: حبيب نورة)

    أحمد الله حمداً كثيراً، وأشكره شكراً غزيراً
    أنه جعلني أحيا حتى يجيء اليوم الذي أرى فيه رأي العين أسراب عصافير تنقر زجاج قلب هذا الوغد
    الذي ما فتئ يأمرنا بالحب وينسى نفسه، ويغمرنا بنصائح غاليات عن العشق وأحوال العاشقين
    ومثله كمثل النجار الذي تخلّع بابه!
    هو الذي طالما أخبرنا أن أجمل الطرطشة تلك التي ينتجها فرط حبنا لأسياد القلب
    وأعذب (من عذاب أو عذوبة لا فرق)، أعذب الوهم هو ذلك الذي نصنعه بأيدينا
    حينما تبلغ بنا الأشواق مبلغاً قاهراً تجعلنا نرى لوناً تركوازياً لا يراه الآخرون
    (زي الحالة الهو فيها حالياً دي)

    مبروك يا صديقي الطرطشة والوهم فلطالما دعوت إليهما سراً وعلانية
    ودا اليوم الدايرينو ليك ،،
                   |Articles |News |مقالات |بيانات

03-05-2010, 02:54 PM

عمران حسن صالح
<aعمران حسن صالح
تاريخ التسجيل: 26-11-2004
مجموع المشاركات: 10123

للتواصل معنا

FaceBook
تويتر Twitter
YouTube


Re: مداسٌ عند عتبات القـلب (Re: تيسير عووضة)

    Quote: تخيل من عدم سفالتي مع صورتها لحدي هسي مافكرت في الجهة النائية دي من الحنان..
    حاول ماتعمل البساط احمدي وتزيد في النقطة دي تاني..
    قرض على كده..
    لانو مافي شي بعيد على عيون المحبوبة.. ممكن نتخبت عادي
    أحييييييييييييييييييي أنا !!
    قت لي خبت عادي
    الحديس ده محشور فوق ، الغتيت ده ما يضهبكم
                   |Articles |News |مقالات |بيانات

03-05-2010, 02:59 PM

DKEEN
<aDKEEN
تاريخ التسجيل: 30-11-2002
مجموع المشاركات: 6770

للتواصل معنا

FaceBook
تويتر Twitter
YouTube


Re: مداسٌ عند عتبات القـلب (Re: تيسير عووضة)

    ابو الجلاجل
    مبروك ياخي عرس البنية مرة تانية..
    ومنتظرين طلتك..
    ــــــــــــــــــ

    عزام ياقريبي

    راجنك تمرق لينا درر في البالي بالك..


    طبعا انا كضتا وفكيتا فيك تلك الايام..
    واظنك تكون عرفتا الحقيقة
    :)

    بس بصراحة غلبني اعمل فيها ماعارف ونا كنتا العارف الوحيد في يوم من الايام..
    فكان لزاما علينا المداهنة..

    مرورك سر بالنا


    ــــــــــــــــــــــــــــــ
    ود البشرى
    واحشنا يا حبيب

    تبارك شنو؟؟
    انا ماعارف انتو فهمتو شنو من القصة دي..
    :)

    انتا بس خليك قريب..
    لكن للضمان كده تبرياكاتك ما بناباها
    ـــــــــــــــــــــــــــــ

    مولانا العزيز
    ابولقاء
    تحياتي وخالص محباتي تبراك اينما كنت

    لا اخفي عليك ..فقد كنت سندي وعضدي في تلك العصريات وتلك الامسيات ..
    غلف صوتك العميق القادم من عميق الوجدان ونساتنا
    شاركتنا بصورة قسرية اوقات لطيفة غاية في الشجن والامتاع والموانسة..

    ثم اهديتها عبر وسيط كان معجب بيك فولدرات فيها اغنيات كتيرة ليك..
    (كان معجب بيك) دي لانو لاحقا بطل يعجب بيكط واعجب بيها لامن قتاليهو السي دي لي (اخينا ده)
    :)


    وتحديدا هذه الاغنية التي بين جوانح هذا القلب وهذا البوست..
    كانت خلفية كل الونسات..


    طروق
    بك نستعين على الريدة وبك نستعيد جميل الذكرى وحلو الايام..






    ــــــــــــــــــــــــــــــــ
    تعرف يابلدينا لولا صلعتك دي لكاسرتنا في حبيباتنا
                   |Articles |News |مقالات |بيانات

03-05-2010, 04:05 PM

عزام حسن فرح
<aعزام حسن فرح
تاريخ التسجيل: 19-03-2008
مجموع المشاركات: 8891

للتواصل معنا

FaceBook
تويتر Twitter
YouTube


Re: مداسٌ عند عتبات القـلب (Re: DKEEN)

    دكين
    Quote: طبعا انا كضتا وفكيتا فيك تلك الايام..
    واظنك تكون عرفتا الحقيقة

    لا والله يا دكين ... الحقيقة هسِع عِرفتا مِنك ... يا الله يا الله ... ليه كِده؟ لامِن سألتك وإنت أكدت لي الخبر ، إعْتمدت حديثك ... ونقلت روحي مِن مقام < الرجاء > إلى مقام < الصبر > ... إتْ عارِف يا دكين مقام < الرجاء > الكُنت مُصنقِر فوقو وبتلوها ، أكان فوقو أمل والله لامِن ظنيت الله يِحاسِبني فوقو حِساب عسير ... بعد تأكيدك لِلخبر ، بقيت فوق < الصبُر > مِكَوِع وراقِد ... مقام دون شك عظيم ، عِلا جاف ... ناف ... ماف ... أها كيتًا في الدهَوبا السيتا فوقي ، أكان أجمع المقامين سوا سوا ومِن هسِع أعْرِف إني فوق مقام < الرجاء > و< الصبر > تاني شِن ليك؟
    ــــــــــــــ
    Quote: بس بصراحة غلبني اعمل فيها ماعارف ونا كنتا العارف الوحيد في يوم من الايام..
    فكان لزاما علينا المداهنة..

    والله لامِن قريت حديثك الفوق ده ، أختلي صَنْه ، لِقيت لو كُنت في فِجتك كُنت سويت سُوايتك ...

    يا زول < الدُنيا > أكان فوقا خير أكان الله سماها < عُليا > ... والله النضمي فوق الجفا والهملا بِقطِع القِليب ... كُلنا في الهم < فُلانه >

    مِتِل عتمور المحس يِحلم فِرِد رشْتًا ...
    حليلا كاتْلاني وقالت براهو إتْبَشْتن ...

    (عدل بواسطة عزام حسن فرح on 03-05-2010, 04:08 PM)

                   |Articles |News |مقالات |بيانات

03-05-2010, 07:55 PM

Hadeer Alzain
<aHadeer Alzain
تاريخ التسجيل: 13-07-2008
مجموع المشاركات: 3452

للتواصل معنا

FaceBook
تويتر Twitter
YouTube


Re: مداسٌ عند عتبات القـلب (Re: عزام حسن فرح)

    .

    وإكتملت بيك اللوحة !
    يا سلاااااام ياخ! كتابة جد روعة !!


    ونور بيتنا وشارع بيتنا بعودة دكين
    عودآ حميدآ مستطاب ! وبالله ما تغيب !


    البلابل - نور بيتنا


    ______________________________

    (عدل بواسطة Hadeer Alzain on 03-05-2010, 08:37 PM)

                   |Articles |News |مقالات |بيانات

03-05-2010, 08:54 PM

الصادق اسماعيل
<aالصادق اسماعيل
تاريخ التسجيل: 14-01-2005
مجموع المشاركات: 8597

للتواصل معنا

FaceBook
تويتر Twitter
YouTube


Re: مداسٌ عند عتبات القـلب (Re: Hadeer Alzain)

    دكين، من هو هذا الدكين، سألت نفسي عنه حينما قرأت ما كتبه محسن خالد في رسالته (الدراكولية)، تلك الرسالة التى أعتبرتها في لحظة قرىتي لها (اجمل ما قرأت)، وافردت لها بوستاً كترحيب بعودة محسن خالد، وذكرت له أنها لن تكون كما كانت لولا أن المُخاطَب هو دكين.

    وعود على بدء، بعد الرسالة (الدراكولية) آنفة الذكر، قررت أن أتعرف على على دكين، فذهبت إلى مكتبته، فأصطفيته (صديقاً جميلاً)، يمكن ان (تعاود ملء تنك الجمال كلما قلّ)، وهكذا اصبحت أرجع له كثيراً، خصوصاً مع مع بدء هطول (مطر القبح) الذي تواصل لفترة طويلة في هذ البلدالإسفيري.

    قلت أن صديقي (الجمالي) دكين إستطاع أن يكون (طرمبة جمال) يتوفر فيها دائماً خدمات أخرى، وأسعار لا منافسة فيهان ولكن أن يصل به الأمر أن يعلن الآتي:

    زبائن (الطرمبة) الآن لا تحتاجون أن تأتوا كل مرة لشراء (الوقود الجمالي)، لأنى سأعطيكم من (جمالها الذي يشع منى) ما إن استعملتموها لن تحتاجوا للعودة مرة أخرى.

    صديقي الإسفيري، هل إستمتعت باللحظة(ذكرتها سابقاً تلك اللحظة لا أذكر متى) واللحظة هي (ما أحسست به في تلك الإشارة الضوئية، وما ملأكَ لوحتئذ في مدينة اللؤلؤ وما تحس به (وتسكبه جمالاً لنا في بوستك هذا)، هل لي بدعاء لك:

    اللهم لا تجعل هذا اللحظة تختفي من حياته أبداً
    اللهم أجعل له لحظاتٍ يتمني أن يعيش فيها أبداً.
    اللهم اسقنا رشفاتٍ من هذه اللحظات كلما ذكرنا عبدك دكين.

    إذهب يا دكين فوالله ما بهذه اللحظة من هو مثلك، وشكراً لها على ما جدت لنا به.

    لك مودة كبيرة في القلب أريدك أن تعرفها فقط فهذا يكفيني.

                   |Articles |News |مقالات |بيانات

07-05-2010, 07:38 AM

DKEEN
<aDKEEN
تاريخ التسجيل: 30-11-2002
مجموع المشاركات: 6770

للتواصل معنا

FaceBook
تويتر Twitter
YouTube


Re: مداسٌ عند عتبات القـلب (Re: الصادق اسماعيل)

    الصادق اخوي

    ياخوي كبرتا كومنا ساي..
    محسن خالد الكتابة بالنسبة ليهو مشروع وجود..
    شايل بيرق الكتابة دي وشاقي جبخانة الادب غير هياب..قادر ومقتدر .. حرم محسن ده لوبس كتر من الدراجي في بعض رواياته لبلغ ذرى مجِد يبلغه الغير بشق الانفس..
    ونحنا جربندية الكتابة بالنسبة لينا احتياجات آنية وظرف طاري..
    لانملك منها إلا ما نتوسل به الى اشواقنا والبنعزهم..
    ودي ذاتا ما بنكتبا انحنا وانما شد الشوق هي التي تستنطقنا..


    هل إستمتعت باللحظة(ذكرتها سابقاً تلك اللحظة لا أذكر متى) واللحظة هي (ما أحسست به في تلك الإشارة الضوئية، وما ملأكَ لوحتئذ في مدينة اللؤلؤ وما تحس به
    ابشرك
    ايما استمتاع
    والله كنتا بتلفت اعاين
    اشوف ليك وش عليو النور مدلوق
    اشيل واغرف وانا في بالي انو حتجي ايام محل* اتوسل فيها بما اغترفت يداي..

    حين يكون الوجه دليل الوجدان والجوارح..
    حينها تكتفي فقط بما تراه دليلا على سلامة النفس وحسن الخلق..


    Quote: اللهم لا تجعل هذا اللحظة تختفي من حياته أبداً
    اللهم أجعل له لحظاتٍ يتمني أن يعيش فيها أبداً.
    اللهم اسقنا رشفاتٍ من هذه اللحظات كلما ذكرنا عبدك دكين.
    آآآمين

    وليك قدر المودة السقتها لينا واكتر






    ــــــــــــــ
    (محل) بفتح الميم وتنطق تماما على وزن (نحل) وتعني: شدة وجفاف
    الشرح لي آخينا دون غيره فاانا لا اثق كثيرا في معينو من مفردات عامية :)
                   |Articles |News |مقالات |بيانات

03-05-2010, 09:39 PM

أبو عبيدة البصاص
<aأبو عبيدة البصاص
تاريخ التسجيل: 29-09-2006
مجموع المشاركات: 4123

للتواصل معنا

FaceBook
تويتر Twitter
YouTube


Re: مداسٌ عند عتبات القـلب (Re: Hadeer Alzain)

    .
    .
    .
    الصمت في حرم الجمال جمال
                   |Articles |News |مقالات |بيانات

03-05-2010, 09:40 PM

DKEEN
<aDKEEN
تاريخ التسجيل: 30-11-2002
مجموع المشاركات: 6770

للتواصل معنا

FaceBook
تويتر Twitter
YouTube


Re: مداسٌ عند عتبات القـلب (Re: Hadeer Alzain)

    ادناه رد خاص لمولانا محمد المرتضى اثر حزنٍ جالد الرجل وفقد اعزاء في توالي محزن..

    يامرتضى

    القتو فعلا يبدو مؤلماً ..وكوارث كده متوالية ..
    بس دوما ثمة عزاء في كل كارثةٍ يتم تقديرها علينا كبشر..
    فكما نحزن بالموت ممكن نفرح لمجرد امل.. واهو قدامك دميعات ترقرقت في عيون احيت آمالي..

    بالنسبة لي موت الاصدقاء والرفاق يامحمد..
    الموت حقيقة ترعب الغالب من البشرية وبعض الهوام..ولشهور كتيرة ارقت مضاجعي في بداية الالفينات..
    مسالة مخيفة بصراحة ان تكون متجها الى ماتعلم كمسالة حتمية وانت لاتعلم كيف سيكون الامر هناك وماحال الجسد والبال والوجدان عموماً..
    خاصة انو قد يحصل الموت في أي لحظة ..
    ويكون اشدُ موتاً لو جاك كمان عبر مرض عضال وجرعك الاسى على مهل (نسال الله السلامة لي ولك ولسائر الخلق)
    يؤرقني موت من احب ..بس كنتا شايف انو مسالة انك تموت قبل من ُتحب دي، وحكاية المصريين بتاعة (ياريتي مت قبلك يا حبيبي) دي انانية ساي..فانا اعلم ان من يحبوني سيألمون كثيرا لموتي..
    لا اتمنى موت الاصحاب ..ولكن ان لم يكن يكن ثمة مفر فليموتوا قبلي..
    فانا ادري كيف اتدبر احزاني بعدهم..بس لا ادري كيف سيتدبرون احزانهم بعدي..
    صعبة على اخوانك واهلك وصحبك وحبيبتك لامن تفكهم في عالم عجيب لن يكترث لهم كثيرا بعد سندك..

    ان كان لافكاك من الموت فاليموتوا اولاً.
    الدنيا ليست المكان المناسب لتمتحن فيهم احبتك، وتخليهم في صولو منفرد مع نقارة الحياة العجيبة والعجاجة الحاصلة دي وتتحجج بالموت وتتوكل يامعلم مرتاحا الى ذلك المجهول.
    ان تكن تآلم فانهم سيألمون.
    ياخي قصة يخمو ليك الرماد والتراب، والكواريك في ضهر الحوش الوراني وإنشكاف حال الصابرين والفوضى البتحصل في البيت مسالة انا لامن اشوفا بنزعج.
    النحيب والمراثي التي ُتذكر والخواطر التي تمر في اسىً شديد الإيلام على بال من تحب امك اختك اخوك وهم ينتحبون بلا قيود، ويبكون بلا قيود، ويستغيثون بلا قيود، ويتوقعون بلاي قيود..
    حالة ضعف انساني مريعة..اكيد لن ترضاها للعائلة والاصحاب.
    وعلى اتفه التوقعات واكثرها دنيوية:
    ان يستغل اوغاد الدنيا حال الاسى على حبيبتك ويجي يحضنا ليك مُـربتاً على كتفها مُستغلاً حال فقدها الجلل، ملامساً نهدها متنسماً عطرها، دي مسالة اظنها تحرك الجثامين... (ويظل الامر ظناً على أي حال) املاً ان ننشغل بما هو الطف في ذلك القبر المنتظر.

    كما ترى ما في داعي للانانية، وخليهم يموتو قبلك وتألم انتا وتدبر احوال آلامك ..
    ماضرك ياخي لو ماتوا قبلك فحزنت لهم حزناً شديدا لطيفاً بالغاً، تضاري المكان وتلم باقي تفاصيلم المحببة التي تركوها دون ان يجدوا زمناً لترتيبها قبل ان يعاجلهم الله باخذ الامانة، الهديمات المجدعة، المقنيات التي احبوها والتي اجتهدوا في حياتهم الدنيا على ان تكون جزءً من مسيرة الحياة، ادوات المكياج والمتعلقات الشخصية وشتات حلو الايام لو كانت المتوفاة زوجتك التي تحب، وبالطبع ُقبلات الوداع التي لن تجد لها وقتاً بعد قليل، وتنصح الاقربين بالصبر والثبات وبالبكاء فانه يحيل الحزن خارج الجسد، وعلى أي حال لن يستمع إليك احد، فرتب حال بكائهم واجتهد وحدك لترتيب ماسبق..
    بعدها رتب حال نفسك ثم اعلن فجيعتك على الملا والكافة وتقبل التعازي وتدبر بعدها حال غسلهم/ها بنفسك.
    ده جانب
    الجانب التاني من الموت بصراحة جميل
    من اشد مانخافة في الموت الوحدة والانعزال عن الدنيا (على الاقل بالنسبة لي) اصلا لانو خبرتنا دنيونية فقط..
    مافي زول مشى بي غادي وجانا قال لقيت كيت وكيت.. اللهم إلا بتاع بقرة بني إسرائيل وداك ذاتو الناس ما سالوهو إلا من امر دنيوي لامن استقام حيا بين يديهم..
    الا فاعلم يا صاحبي: حين يموت عزيز وينتقل الى الجانب الاخر.. بكون عندك رصيد بي غادي ياصاحب
    يقل خوفك من ذاك القادم المرعب..لانو استوعب بعض الغالين..
    انا لو مات لي عزيز وفات بي غادي فقد تساوت الدنيا عندي مع الموت..
    وتبقى مسالة زمن لا اكتر..بعد ده تاني مافي شي ينخاف منو إلا ناس المؤتمر الوطني يعرسو مرتك بي سبب او ساي كده بلا سبب..
    بكون هنا وهناك واحد .. اكون قدرتا كسرتا رعب الموت..لانو ثمة احباب بي غادي..
    يا ود المرتضى اسمعا مني وانا اخوك:
    لن نعدم اصدقاء في الجنة وكذا لن نعدم اصدقاء في جهنم ..



    نسال الله السلامات وحسن الخاتمة وشفاعة الحبيب المصطفى.. ظني انو نحنا مابتحلنا إلا شفاعتو..
                   |Articles |News |مقالات |بيانات

03-05-2010, 10:16 PM

saadeldin abdelrahman
<asaadeldin abdelrahman
تاريخ التسجيل: 03-09-2004
مجموع المشاركات: 8854

للتواصل معنا

FaceBook
تويتر Twitter
YouTube


Re: مداسٌ عند عتبات القـلب (Re: DKEEN)

    آمين..
    و شكرا كتير على الكتابة الطاعمة وبيان الحال يا دكين،
    دحين مولانا ماعارف الناس بتألم حاليا
    بفقد تواصله معنا هنا؟

    تحياتي
                   |Articles |News |مقالات |بيانات

03-05-2010, 11:12 PM

حامد محمد حامد
<aحامد محمد حامد
تاريخ التسجيل: 19-11-2008
مجموع المشاركات: 3065

للتواصل معنا

FaceBook
تويتر Twitter
YouTube


Re: مداسٌ عند عتبات القـلب (Re: saadeldin abdelrahman)

    مررت لكى اقول سلاما وشكرا كثيرا
                   |Articles |News |مقالات |بيانات

04-05-2010, 00:01 AM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: مداسٌ عند عتبات القـلب (Re: حامد محمد حامد)

    دكين السمح ..
    شكرا على الإهداء..
    شكرا على كتابتك السمحه هنا
    والسمحه هناك النداء الاخــير
    أسأل المولى أن أعود،
    ( وإن تهامس الرفاق أني هناك بجانب التل أنام نومة اللحود .. أسُفُّ من ترابي وأشرب المطر) يا سيَّاب.
    سلم يراعك يا عزيز والخاطر
                   |Articles |News |مقالات |بيانات

04-05-2010, 03:19 AM

عمران حسن صالح
<aعمران حسن صالح
تاريخ التسجيل: 26-11-2004
مجموع المشاركات: 10123

للتواصل معنا

FaceBook
تويتر Twitter
YouTube


Re: مداسٌ عند عتبات القـلب (Re: محمد المرتضى حامد)

    باقي منو من الزينين ؟؟
    الطاعمة حروفم
    عازا شامي
    بت قضيم
                   |Articles |News |مقالات |بيانات

04-05-2010, 05:48 PM

JAD
<aJAD
تاريخ التسجيل: 05-02-2002
مجموع المشاركات: 4768

للتواصل معنا

FaceBook
تويتر Twitter
YouTube


Re: مداسٌ عند عتبات القـلب (Re: DKEEN)

    Quote: ومن فلح َ في ذلك وقفَ عند وصفي ومن وقف عند وصفي وصل بالضرورة الى مقصدي..
    ولن تفلحوا...
    وهسي انا القدامكم ده ذاتو بس لاني حاولتا اوصل "المقصد" تبلبت خواطري بالكاد اتمالك نفسي لتكملة هذه الكتابة، والامر صعيبٌ..
    فالمقصد مربوط بالرؤية والإصغاء لا بالنظرِ وإعمال الخيال، وانتم يا سادتي – ويا لأسفي - مجرد نظارة، وناس قراية وخيال ساي في هذا المقام..
    يعني مابتقدروا.. ولا تحاولوا ذاتو.. ليس لكونكم ببصائرَ كليلةٍ او بخيالات ضحلة..ولكن لان مقامكم في اصله مقام قراية وخيال لا مقام تدبرٍ وإبصار..
    وانا اطارحكم الاشواق من مقامي هذا، ليس رغبة مني في الإستزادة من مداد كلماتكم، وإنما لسببين:
    اولهما: فرحةً مني لما المَ بي مشاعرَ ازدِنتُ بها وددتُ ان يطلع عليها الناس.
    وثانيهما: إزاحةٌ لما عجزَ ان يحتمله الجسدَ والخيال وعموم الحال، فصار ينازعني في سكينتي وهرجي، وحلي وبلبال حالي.. فوددت أن أزيح بعضه عن كاهلي خوفَ أن يلتبسَ الأمر برمته علىَّ في كُـتماني له فأصبح وقد هومت ناحية ناس بسم الله وما تزال ألآمالُ عِراض.
    وعموماً بالغٌ مابلغ ارجل زول فيكم فما حيقدر يتخيل سجم خشمو..
    ومع ذلك ها أنذا دافقاً ماء وصفي في يبابِ خيالكم عله ينبت من بين سراباته زهراً اوعلني أجد من يشاركني الظمأ






    حاولت أن أقرأ هذه المنسوجة اللغوية في إطار الفهم العام لـ(الرسالة الثانية للحب) عل وعسى ..


    أنت قلت في ثقة ويد مليانة: ولن تفلحوا ..

    أهي أبعد منالاً وأحكم استعصاء من السباحة في ملكوت الله .. واجتياز أقطار السماء؟؟

    فقد قيل للجن (لا تنفذون إلا بسلطان) ..

    فاعطناإذاً شرطاً منك يشهد بأننا قد نجحنا في تسور بستان بيانك ..


    الحبيب دكين..::..

    مرحباً بك في بهاء عودك المتجدد دوماً ..


    جاد


                   |Articles |News |مقالات |بيانات

07-05-2010, 08:21 AM

DKEEN
<aDKEEN
تاريخ التسجيل: 30-11-2002
مجموع المشاركات: 6770

للتواصل معنا

FaceBook
تويتر Twitter
YouTube


Re: مداسٌ عند عتبات القـلب (Re: JAD)

    البصاص..
    د مرور جميل مريح ..
    فليت قومنا يعلمون..

    ـــــــــــــــــــــــ
    سعد الدين

    اشكرك على الكلام السمح..
    دحين نقلنا محبتك لي مولانا المرتضى..
    ورداهها لينا بعودة حميدة.
    ـــــــــــــــــــــــــ
    حامد

    ونرد السلام سلاما زيو وزايد ..

    ــــــــــــــــــــــ
    جاد العزيز

    سلامات كتار

    دليل الوقوف على هذا البيان (العطش)
    لومرقتا عطشان من هنا فقد تسورت حائط جنينة البهجة التي ازهرت فيهاايامي واتبلت بالندى
    ياجاد ياخوي
    شوف عيني دي
    ثمة بشرية لا تراعي حق الميتين في مراقد خالية من القلق..
    في موت الاحبة ده مافي اجمل من انك توفيهم حقهم حين يغيبون الى مالانهاية..
    تتحدى الغياب الاخير المرعب ده في عقر قبرهم..



    محبتي من زمان ولي قدام..
                   |Articles |News |مقالات |بيانات

06-05-2010, 01:33 PM

امير عبدالدائم
<aامير عبدالدائم
تاريخ التسجيل: 26-04-2010
مجموع المشاركات: 264

للتواصل معنا

FaceBook
تويتر Twitter
YouTube


Re: مداسٌ عند عتبات القـلب (Re: DKEEN)

    Quote: لا اتمنى موت الاصحاب ..ولكن ان لم يكن يكن ثمة مفر فليموتوا قبلي..
    فانا ادري كيف اتدبر احزاني بعدهم..بس لا ادري كيف سيتدبرون احزانهم بعدي..

    دى يا دكين مفروض تكون هى حكمة اليوم


    والتانية دى
    Quote: ان يستغل اوغاد الدنيا حال الاسى على حبيبتك ويجي يحضنا ليك مُـربتاً على كتفها مُستغلاً حال فقدها الجلل، ملامساً نهدها متنسماً عطرها، دي مسالة اظنها تحرك الجثامين... (ويظل الامر ظناً على أي حال) املاً ان ننشغل بما هو الطف في ذلك القبر المنتظر


    تتمنى ان يرقد جثمان هذا الوغد بجوارك مربتا على ..... ومتنسما رائحة حنوطك فترحب بة لانة اتاك مغازلا واتيتة منازلا

    اخونا دكين حرم انت ماك نصيح ياخى بتهبش فى افكار لا تصلح للكتابة دحين نحن بنفكر وانت اكتب يا زول من الليلة انت شيخى تب
                   |Articles |News |مقالات |بيانات

07-05-2010, 09:07 AM

DKEEN
<aDKEEN
تاريخ التسجيل: 30-11-2002
مجموع المشاركات: 6770

للتواصل معنا

FaceBook
تويتر Twitter
YouTube


Re: مداسٌ عند عتبات القـلب (Re: امير عبدالدائم)

    امير عبد الدايم

    السمحة تجقلب والشياخة لي دكين
    :)

    انا جادي هسي بفكر اعمل ليها قبة في الشمالية

    لميتك معاي في ملكوت مسيدها.. فابشر
    ــــــــــــــ

    Quote: ماتخاف هي لله
    كااااااااااك
    اب عاج اخوي
    لولا ماسبق من مساحة الود بينا في صيخود نجد لاتيتك راجلا وكاسرتك فيما قلت..
    حرم لاجالدنكم فيها حيا وميتاً..

    ومبحتي ليك زادت بعد نميري اتوفى..عليه وعليكم الرحمة
    مشتاقين والله يا عوبد..
    ــــــــــــــــــــــــــــــــــ

    خالد
    ياربي لامن كنتا في الرياض هي كانت وين وبتسو في شنو؟

    ــــــــــــــــــــــ
                   |Articles |News |مقالات |بيانات

04-05-2010, 05:22 AM

DKEEN
<aDKEEN
تاريخ التسجيل: 30-11-2002
مجموع المشاركات: 6770

للتواصل معنا

FaceBook
تويتر Twitter
YouTube


Re: مداسٌ عند عتبات القـلب (Re: walid taha)

    إماد ابدالله

    هبيب إر سى..


    شفتا كلام ود العبادي الفوق ده كيف.. (اعوزتني الكلام وانا عبد الكلام الكلام..)

    شفتا بس لامن تقيف ليك في حتة كده بين البلعوم(الحتة البتكون فيها عقدة الكرفتة ديك) وبين نهاية القفص الصدري (بين الزرارة التالتة والرابعة لو قميصك كريستين ديور زينا كده)..
    انا اول مرة احس بي ريدة تتجول تلك الانحاء ..
    لاتعرف تترحمن بيها كونها عند عتبات القلب في تلك الانحاء لا تعرف انتا مشتهيها وعايز تاكلا كونهاعند نواحي البلع..


    كده وريني ..
    انتا وينك..
    وين محابتك..

    ولا خلاص انقطع شيطان قلمك لامن طال البين والناس الحمر وصلو بلاد الهنود الحمر؟



    ـــــــــــــــــــــــ

    عشاري
    افتقدتك الدوحة حبة كده..

    النحكي ليك:

    قبل ستة سنين كنتا في الرياض عندي غرفة كده زي بيت الثعلب ..يتوافد عليها اصدقاء الجامعة (يحى قناوي وايمن تنقو ومروان العبادي ومعتز عبده وطارق ادم والزعيم واخرين لاتعلمهم لانهم كانو سنايرك في كليات اخرى غير القانون)
    اها بجو يتكلو ويتفرقتو عند اول الفجر..
    العايز اقولوا ليك انو اخونا المهندس (يحى قناوي) مرة بات معاي ..تميناها ونسة لحدوت ما نعس ونام..
    صحيت الصباح حوالي تسعة عاينتا لقيتو مافيش..
    اتخيل ..يعني تكون عندك باقي ونسة معلقة ..باقي طرفة جاتك..باقي شاي عتايز تكرمو بيهو..
    ضربتا ليهو تلفون بعد الصلاة : لقيتو في بيتم، قتا ليهو ياقناوي:
    من الذوق يا طيرة انك تقول لي مضيفك انا ماشي، انتا بايت مع شرا..........يط؟؟

    فياعمر ياخوي ياخ..
    الفيك اتعرفت
    :)

    اما عن جانب الحب الذي حدثتينه
    اعلم يا عشاري
    والله من محبتي لك فقد نصحتك ..وظني انك لن تستبين نصحي إلا ضحى الغدِ..
    ما لانو انتا قاصدني ..بس لانو انا عارف اقدار الناس الزيي وزيك..
    ماتقرض على حظ اخوك ياعمر..انتا ربنا اداك ..فلا تكون بطران..وحاتك لو ان الله اوفدها برسالة الجمال لسار الناس في صراطها..
    وتجي انتا تودر ربع عمرها وتكوس براني؟!

    احذر غضب الحليم يا حبيب..
    متل ديلاك ربنا مابخيب املهم واي احباط بي هناك قد ياتيك سخطا بي جاي..




    مودتي ياعمر واسمع كلام اخوك
    اخوك البحمل فســــوك
    ــــــــــــــ

    بعدين يا دين
    موضوع اخوي.. للمرة الالف.. تراك مسختها
                   |Articles |News |مقالات |بيانات

04-05-2010, 08:10 AM

عبد اللطيف بكري أحمد
<aعبد اللطيف بكري أحمد
تاريخ التسجيل: 13-11-2005
مجموع المشاركات: 7237

للتواصل معنا

FaceBook
تويتر Twitter
YouTube


Re: مداسٌ عند عتبات القـلب (Re: DKEEN)

    Quote: بعد ده تاني مافي شي ينخاف منو إلا ناس المؤتمر الوطني يعرسو مرتك بي سبب او ساي كده بلا سبب..

    لأول مرة أتمناها صادقاً أن أكون مؤتمر وطني ، وظني أنك قد إجتهدت
    هذه الجولة غاية الجهد في إختيارها على قالب سيدة السودان الأولى،،

    =
    لا تخف!!

    هي لله،،
    =
    كلامي هذا بعد مماتك ، فقد كلمتك في حياتك ولم تجب : سيان!!
                   |Articles |News |مقالات |بيانات

04-05-2010, 02:53 PM

خالد عبد الله محمود
<aخالد عبد الله محمود
تاريخ التسجيل: 28-11-2004
مجموع المشاركات: 5393

للتواصل معنا

FaceBook
تويتر Twitter
YouTube


Re: مداسٌ عند عتبات القـلب (Re: عبد اللطيف بكري أحمد)



    يادوب كده رجعت دكين بتاع الرياض يا وغد ؟؟
                   |Articles |News |مقالات |بيانات

04-05-2010, 09:29 PM

JAD
<aJAD
تاريخ التسجيل: 05-02-2002
مجموع المشاركات: 4768

للتواصل معنا

FaceBook
تويتر Twitter
YouTube


Re: مداسٌ عند عتبات القـلب (Re: خالد عبد الله محمود)

    Quote: وعلى اتفه التوقعات واكثرها دنيوية:
    ان يستغل اوغاد الدنيا حال الاسى على حبيبتك ويجي يحضنا ليك مُـربتاً على كتفها مُستغلاً حال فقدها الجلل، ملامساً نهدها متنسماً عطرها، دي مسالة اظنها تحرك الجثامين... (ويظل الامر ظناً على أي حال) املاً ان ننشغل بما هو الطف في ذلك القبر المنتظر.



    ويحك .. أيها الرجل المسكون ..

    ثكلتك سافيات الفيافي .. وأي شقي يجرأ وقتذاك الموقف المهيب ؟؟!!!!


    والله ضحكتني في خلوتي كالمجنون ..


    تم تمديد إقامتي هنا حتى حين ..



                   |Articles |News |مقالات |بيانات

04-05-2010, 11:06 PM

كمال سالم
<aكمال سالم
تاريخ التسجيل: 13-02-2008
مجموع المشاركات: 4785

للتواصل معنا

FaceBook
تويتر Twitter
YouTube


Re: مداسٌ عند عتبات القـلب (Re: JAD)

    ألم أقل لك لقد إفتقدك الكثيرون ؟؟
    شوف الجحافل الجات هنا دى ,, عليك
    الله ديل ناس ببتعدوا منهم ؟
    وبعدين ماتنسى إنو كلمات البعض التى
    تستفزك ,, بتخلينا نستمتع بردودك من
    درر التعابير المجنونه الساكنه فى حته
    لا أعلمها من قلبك الذى أرهقته كثيرا
    ( وطلعت دينو ) بالنداءات حتى إرتاح
    أخيرا فى حوش العمده .
    ياود أوعك تغيب تانى !
                   |Articles |News |مقالات |بيانات

05-05-2010, 10:03 AM

ahmed saeed
<aahmed saeed
تاريخ التسجيل: 24-11-2003
مجموع المشاركات: 662

للتواصل معنا

FaceBook
تويتر Twitter
YouTube


Re: مداسٌ عند عتبات القـلب (Re: كمال سالم)

    Quote: كنتا عايز اواصل الرد بطريقة ممنهجة على الاخوانا بس لقيت القصة دي ماشة زايدة بتاعة يهينك ويسعدك وانتا الاول وجاك الفرج وحاجات عايزة ايضاح



    لقيت البطيخة في اللؤلؤ
                   |Articles |News |مقالات |بيانات

05-05-2010, 11:50 AM

ايهاب
<aايهاب
تاريخ التسجيل: 06-05-2002
مجموع المشاركات: 2877

للتواصل معنا

FaceBook
تويتر Twitter
YouTube


Re: مداسٌ عند عتبات القـلب (Re: ahmed saeed)

    ملعوبه ومصصصصصرجه يا قرنفل هههههه
    Quote: لقيت البطيخة في اللؤلؤ


    انا شخصيا كنت فاكر انو حا يقوم هنا



    وجن
    منوره والله


    وتحياتنا للبت العسل دي طالعه لي ابوها موش هههه


    خدر والله والله مبالغه ما جايي هنا تاني لعل وعسى نسعد ونطرب بلقياك


    عزيز والحضوراسف والله على النط الكتير لكن هذا البوست هو سودانيزاونلاين العرفناها واللمه الحلوه الهنا دي هي العملت هذا المنبر والشوق بيعمل اكترمن كدا

    نموذج لي وطن فقدناهو وايه الدنيا غير لمه ناس في خير
    نطرب وننتشي نصا و لحنا واشراقه من قلوب حنينه ونقيه

    يا بكري ابو بكر

    this is sudaneseonlie




    كل التحايا
                   |Articles |News |مقالات |بيانات

05-05-2010, 05:17 PM

DKEEN
<aDKEEN
تاريخ التسجيل: 30-11-2002
مجموع المشاركات: 6770

للتواصل معنا

FaceBook
تويتر Twitter
YouTube


Re: مداسٌ عند عتبات القـلب (Re: ايهاب)

    Quote: تحت كدا فيها كنبه وشتلتين ومافي قرد بيجي بي هناك بتنزل ليها بي سلم عريض بتكون غاطس وما غاطس مرئي وغير منظور الكنبه زاتا فيها شي كدا زي( حاجه فيك )
    لم لم عواملك وجربا وانسى ... تاني الا تغطس في البحر ساعه غروب وتطلع راسك لحد ي عيونك بس وتعاين خط الافق وتشوف البرزخ ما بين السماء وموج البحر في مقطع جانبي حيث الفرق بين الموجه والتانيه جزء من الملي وابقى قابلني لو جيت طالع .... اوع ت كون ما بتعرف تعوم
    ياخي حميتنا الشغل زاتو

    خلعتنا ياخي
    انتا من راسك ولا من خيال ساي ولا لابد ليك فوق كلام؟

    ايهاب ياصحبي..
    لامن تجيك وتتخلخل يومياتك حينها حتعرف انو الله حق..
    مشكلتك في الدوحة دي غاطس وكاننا في كوكب وانت بغيره.. نشوفك من رمضان لي رمضان..
    وددت لوكترت الطلة علينا واخدنا وادينا معاك..
    متلك النضم سمح معاهو..



    اجمل مافي هذا البوست بصراحة
    طلة قرنفل العجيبة دي..
    ياخي والله انا قايلو انتقل للرفيق الاعلى..
    قرنفل ده شهد الايام الاولى ايام البحث المضني والضلال الابتدائي الذي يتغشى الباحثون عن استقرار وسط فلس قاهر..
    بعدين كان عندو احساس كده بي انوانا متأمر كبير وكان بتعامل معاي بي سماحة يشبوها حذر بالغ..

    ويتقاطع معاك في البوستات زي التقول كان قاعد جنبك..
    اظنو برضو عندو علاقة بي ود مدني السني
    ود ُفقرا زيك..
    بس انتا فقيرك في الحب شرق ومرقا في شاشاماني..
    احبك يا هوبة..
    دمتا عزيز ورايق..


    ــــــــــ
    بلاي رسل لي رسالة اشرح لي فيها قصد قرنقل بي قصة البطيخة واللؤلؤ دي ..

    انا البعرفو انو في صياد فتح سمكة لقى خاتم
    بس بطيخة في لؤلؤ دي إلا اسال ليك..
    :)
                   |Articles |News |مقالات |بيانات

05-05-2010, 05:47 PM

الصادق اسماعيل
<aالصادق اسماعيل
تاريخ التسجيل: 14-01-2005
مجموع المشاركات: 8597

للتواصل معنا

FaceBook
تويتر Twitter
YouTube


Re: مداسٌ عند عتبات القـلب (Re: DKEEN)

    كتب وائل بن السمري (لا أعرفه ولكن "قوقل" يعرفه قطع شك"

    Quote: أول الحب إدمان النظر، والعين كما يقولون مرآة الروح، ترى العاشق يتجه ببصره أنى يذهب المحبوب، وكأنه زهرة عباد الشمس، أينما ذهب يولى وجهه شطره، لا يرى المحب لعينه فائدة إلا فى الاتساع لرؤية عشيقه، يفتحها كما لو كان يريد أن يدخله فى جوفها، أو يغلقها كأنما يريد أن يحتفظ به إلى الأبد.

    نظرة إثر نظرة، والقلوب تفيض، دمعة إثر دمعة والجوارح تنتفض، هو الحب إذن ولا شىء غيره، هو الدرب الذى يعبر من خلاله العشاق إلى فضاء الحياة بمعناها الأكمل والأجمل، هنا لا وجود للحسابات 1 + 1 = 1 فما الحب إلا التماهى فى الحبيب، هنا تلغى الخرائط والحدود والمحظورات، هنا جنة لا مثيل لها، والعقاب الوحيد هو الحرمان من الحب.

    كل ما فى الحبيب محبوب، وكل ما يمت له بصلة مُشْتهى، اسمه، لونه، بلدته، عاداته، يقول «المجنون»: أحب من الأسماء ما شابه اسمها أو قاربه أو كان منه مدانيا «ويقول» أرانى إذا صليت يممت نحوها وإن كان المصلى ورائيا».

    الحب هو المسافر والطريق، هو البعيد وإن كان قريبا، هو المشغول بالفتنة والشاغل للقلب، هو القاسى والحانى، هو الرؤوف والجبار، هو المنعم والمانع، كل الأشياء تتجمع بين يديه، قلوب العاشقين لها عيون ترى ما لا يراه الناظرون، تطوف القلوب حول الحب فلا تدرك بدايته ولا منتهاه، رحلة الحب قاسية وممتعة، لا سلطان على العاشقين إلاه، ولا يشد الرحال إلا له.

    للعلامة الفقيه «ابن حزم الأندلسى» كتاب بعنوان «طوق الحمامة، يشرح فيه أحوال المحبين، ويؤسس من خلاله مشروعية الحب بين الناس، ويصف علاماته وطرائقه، يقول فيه إن المحب يصطفى حبيبه من بين الناس بلا رغبة منه أو إرادة، يحب حديثه ويميل إليه رغما عنه، كما لو كان مشدودا إليه بحبل سرى، يصدقه وإن كذب، ويوافقه وإن ظلم، ويشهد له وإن جار، ويسرع بالسير نحوه أنّى وجد، يستهين بكل ما يبعده عنه، وإن رأى المحب حبيبه يفاجأ به حتى لو كان يتوقع رؤيته، ويضطرب كلما سع اسمه أو رأى من يشابهه.

    وإذا استعرت نار الحب وتأجج حريقه ترى فى أحوال المحب علامات تكاد تشبه الجنون، فتجده لا يهدأ على حال، ينبسط بلا سبب وينقبض بلا علة، يقبل على الطعام أو يمتنع عنه، يميل إلى الوحدة ويأنس بالانفراد، يشبك ليله بنهاره، ودموع شوقه لا تفارقه.

    يقول صلاح عبدالصبور: حديث الحب يوجعنى ويطربنى ويشجينى/ ولما كان خفق الحب فى قلبى هو النجوى بلا صاحب/ حملت الحب فى قلبى.. فأوجعنى.. فأوجعنى/ ولما كان خفق الحب فى قلبى هو الشكوى إلى الصاحب/ شكوت الحب للاصحاب وللدنيا، فأوجعنى وأوجعنى» إذن فى الحب لا بد من «وجع» لكن آلام الحب مرغوبة من الجميع، ونسير إليها كما البوذى إلى أعماق النار يسير.

                   |Articles |News |مقالات |بيانات

05-05-2010, 08:26 PM

ahmed saeed
<aahmed saeed
تاريخ التسجيل: 24-11-2003
مجموع المشاركات: 662

للتواصل معنا

FaceBook
تويتر Twitter
YouTube


Re: مداسٌ عند عتبات القـلب (Re: DKEEN)

    DKEEN
    Quote:


    طلة قرنفل العجيبة دي..


    ده استنكار يا عزيز

    اللؤلؤ بركة العرفتو وما بداخله

    اما البطيخ فهو اما ( لاقي او لونو احمر او لونو ابيض ) والمعني واضح

    بالفلس للفلس والعشق
    مرة لقينا في جيبو ( ابو النوم بس ) لي حسي انا محتفظ بيهو ذكري منك يا عزيز

    تقاطعت معاك في الحلوة والمرة بس القلب ميال

    من منظوري انا كلامك الفوق يعبر عن قلبك .................


                   |Articles |News |مقالات |بيانات

05-05-2010, 08:14 PM

DKEEN
<aDKEEN
تاريخ التسجيل: 30-11-2002
مجموع المشاركات: 6770

للتواصل معنا

FaceBook
تويتر Twitter
YouTube


Re: مداسٌ عند عتبات القـلب (Re: ahmed saeed)

    اماني
    غايتو رجعة اخونا ود المرتضى دي حتخلي الميزان يتعدل..
    كمان لو جابت لينا الحبيب متوكل توم تكتمل بركات الغالية

    ودعناك الله
                   |Articles |News |مقالات |بيانات

06-05-2010, 00:43 AM

قرشى محمد عبدون
<aقرشى محمد عبدون
تاريخ التسجيل: 24-08-2008
مجموع المشاركات: 1767

للتواصل معنا

FaceBook
تويتر Twitter
YouTube


Re: مداسٌ عند عتبات القـلب (Re: DKEEN)

    Quote: الدنيا ليست المكان المناسب لتمتحن فيهم احبتك،


    Touching and amazing as usual
                   |Articles |News |مقالات |بيانات

06-05-2010, 09:23 AM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: مداسٌ عند عتبات القـلب (Re: قرشى محمد عبدون)

    من النداء الاخــير

    Quote: إعادة يا خدر:

    Quote: وان الأماني إذ نشتهيها
    تعلقنا من سراويلنا في الفضاء

    تعرف يا خدر ، ودالمكي دا زي إبن الحنفية وتلامذته ، كان يفتي في الفقه لمسائل
    لم تقع بعد ، كان يتنبأ لأمثال دكين كنوستراداموس ، أها هسه موضوع الأماني التي
    نشتهيها وتعلقنا من سراويلنا في الهواء وتخلينا في حالة شهقة ناقصة ، دا
    بالضبط الحصل لدكين وحاصلة لناس كتار فايتِّنو بالصبر ساي.
    بالفعل ودالمكي قَلَب الهوبه وألحقها بسمرسولت في التشبيه ، بس دكين زولتو دي قريبه
    منو وبعيده ما قادر يصلا ، تُدنيها منه الأماني والأخيلة ويبعدها عنه الواقع الفاجر السادي
    السادر مدا وجذرا فيما يعرف بال tantalization على موجة بث طولها جنبك ومشتهيك ياعيون
    وقال عنها جمَّاع أنت السماء بدت لنا ومدت لينا لسانا ، حالتو تريِّح يا خدر ، القاعد وسط روحو
    وضهبان ومُعَلَّق من سراويله في الهواء ، رددت صدى صيحاته الأسافير وما من وجيع أو مجير .
    اللهم اغسله بالماء والثلج والبرد.


    يا خدر.
                   |Articles |News |مقالات |بيانات

06-05-2010, 09:47 AM

طارق جبريل
<aطارق جبريل
تاريخ التسجيل: 11-10-2005
مجموع المشاركات: 22532

للتواصل معنا

FaceBook
تويتر Twitter
YouTube


Re: مداسٌ عند عتبات القـلب (Re: محمد المرتضى حامد)

    غايتو لمن تكون رايق بتجنن الكتابة جن
    دكين كيفنك ابوي
                   |Articles |News |مقالات |بيانات

06-05-2010, 10:49 AM

اسلام عبد الرحمن عمر
<aاسلام عبد الرحمن عمر
تاريخ التسجيل: 28-11-2004
مجموع المشاركات: 420

للتواصل معنا

FaceBook
تويتر Twitter
YouTube


Re: مداسٌ عند عتبات القـلب (Re: طارق جبريل)

    تسجيل حضور ومتابعه











    ____________________________________________________________________

    فرحه واعجاب شديد بى كتابه طاعمه طولنا منها
                   |Articles |News |مقالات |بيانات

06-05-2010, 11:04 AM

عمران حسن صالح
<aعمران حسن صالح
تاريخ التسجيل: 26-11-2004
مجموع المشاركات: 10123

للتواصل معنا

FaceBook
تويتر Twitter
YouTube


Re: مداسٌ عند عتبات القـلب (Re: اسلام عبد الرحمن عمر)

    أب

    __
                   |Articles |News |مقالات |بيانات

07-05-2010, 01:20 PM

DKEEN
<aDKEEN
تاريخ التسجيل: 30-11-2002
مجموع المشاركات: 6770

للتواصل معنا

FaceBook
تويتر Twitter
YouTube


Re: مداسٌ عند عتبات القـلب (Re: اسلام عبد الرحمن عمر)

    احمد سعيد (قرنفل)
    استنكار بتاع راسك قلبك..
    نحنا لاقنك وين لامن تغيب ووتغيب وتجي في بوستاتنا تتور علينا الكتابات السمحة..
    ايام البورد لسع ماطهروهو..
    ــــــــــــــ
    قرشي ابدون

    من اندنا باين عليك
    عبدون دي زيها وزي الهمبرتي (الحلفا) مابيقوم إلا في جهاتنا والسعودية..(:))

    سلام لمرورك
    ــــــــــــــ

    اسلام عمر

    مشكورة على الاطلاع والعبارات السمحة
    ـــــــــــــــ

    طارق بن جبريل

    الرايق انتا لسع ماشفتو..الرايق مر من هنا وغاب..
    ـــــــــــــــــــــــ

    المسافر

    ياخينا زدت الفهم غموض ..كان اخير كلمات قرنفل..
    اتكلمو معانا بالبسيط... انا فهمي كملتو مع (آخينا) ده..
                   |Articles |News |مقالات |بيانات

06-05-2010, 11:43 AM

المسافر
<aالمسافر
تاريخ التسجيل: 10-06-2002
مجموع المشاركات: 4962

للتواصل معنا

FaceBook
تويتر Twitter
YouTube


Re: مداسٌ عند عتبات القـلب (Re: قرشى محمد عبدون)

    Quote:


    لقيت البطيخة في اللؤلؤ




    أوووووو

    للنقر فوق أطراف هذه الحروف لا بد من السفر ربع قرن عبر أيام مضت

    وأتوقف " شوقاً للخليج".. ومن ثم ربع قرن آخر وأتوقف إحساساً بذروة ضفاف النيل

    في الربع الأول في الدوحة وهناك أغنية قطرية تقول

    "" يا يمة يا ميمة قالو البحر غدار ...

    يجيب اللؤلؤ مرة ومرة يجيب المحار...

    البحر والمحار والؤلؤ مسار أمل يبنيه البحارة في مسارات يلوحون فيها نحو اتجاهات متعددة يختارونها كيفما شاءوا...

    من المرسى إلى الخضم من الرسو إلى الغوص وعودة الفائزين بالمحار واللؤلؤ ...
    وقد كان هناك المحار...
    فلابد من اللؤلؤ..
    وقد كان اللؤلؤ..
    فلابد أن يبقوا
    حينها يغرس الأمل جذوره في وجودهم

    أما وقت بل الشوق في مشارفة الخليج والبحر ...
    وفي الربع قرن الثاني تتسرب الأفكار إلى مكان قصي بين جروف النيل ...
    محل الموجة الصباحية... واللوبا... وطعم الدميرة ... ونورة ومنجلها في قيالة شموس الصيف

    نفس الأمل يانورة..
    نفس الأمل يغرسه المزارع بالسلوقة
    وينبت مع الماقات ونوارها قلس وبزوغ الدقل الأخضر
    وإكتناز الطعم الأحمر في القاوون ... وقد أصبح بطيخة..
    بين يديك ومازال ينبض فيها الأمل

    نفس الأمل ينمو بإتجاهاته... مرة كما في المحار ... ومرة كما في ( البطيخة المقفولة)...

    وأيام الرجاء تعود دهراً وهاهو الطعم الأحمر ومساره الأسموزي جوة الجوف... يبرد حشا الزراع..

    وأيام الرجاء تبادر وها هو الؤلؤ لا غيره يبعث بالثقة والبقاء " الأرض والبيوت "" والبحارة

    ذلك الأمل إن كان طعماً أحمر أو لؤلؤ أبيض فهو أصل يتجلى ويتحقق
    وإن كان لا لن يتحقق إلا إن كان قلباً يسع كل شئ
    عساك وجدته..



                   |Articles |News |مقالات |بيانات

06-05-2010, 12:23 PM

طارق عبد اللطيف نقد
<aطارق عبد اللطيف نقد
تاريخ التسجيل: 13-11-2005
مجموع المشاركات: 2301

للتواصل معنا

FaceBook
تويتر Twitter
YouTube


Re: مداسٌ عند عتبات القـلب (Re: المسافر)

    اتلموا الاوغاد
    دكين وطارق
    اذن هو الابداع

    دكين نبارك ليك الحب
    وما تحاول تنكر
    لأنه الابداع ده
    ما بطلع ساكت

    انا عارفك لما يكون عندك فراغ عاطفي
    بتقعد تشاكل
    ولما يجيك مرض حامد
    تدفق لينا كده
    اذا مزيدا من الامراض الحوامد
    وزيدا من الابداع

    طارق تسليم يا مبدع
    منظرنك بالعمره
                   |Articles |News |مقالات |بيانات

06-05-2010, 01:18 PM

ahmed saeed
<aahmed saeed
تاريخ التسجيل: 24-11-2003
مجموع المشاركات: 662

للتواصل معنا

FaceBook
تويتر Twitter
YouTube


Re: مداسٌ عند عتبات القـلب (Re: المسافر)

    ينصر دينك يا المسافر

    انشاء الله يا دكين تكون فهمتا حاجة

    وايهاب كمان شرحا ليك قال زي الكورة با(غالب او مغلوب او تعادل )

    لاخ انتا متعب خلاس يا عزبز

    اصلو يا المسافر دكين ده قلبو مكون من عضلات ونتانه

    هسي هو لانو رايق استخدم عضلاتو الكتابية اما الاخري عند الحوجة
                   |Articles |News |مقالات |بيانات

06-05-2010, 11:25 PM

DKEEN
<aDKEEN
تاريخ التسجيل: 30-11-2002
مجموع المشاركات: 6770

للتواصل معنا

FaceBook
تويتر Twitter
YouTube


Re: مداسٌ عند عتبات القـلب (Re: ahmed saeed)

    يخوانا والله انا تعبتا من الرد..
    انا وحاة ربي كتبتا البتاع ده لاني ماقدرتا اشيلو براي
    لقيت الناس تداخلت وارغت وافاضت..
    يخوانا
    انا قصتي اني عندي شي شغل بالي.,والله مسالة اني ارد على الناس دي ما باباها بس بتودر علي العايز اقولو في حالة الشوق الخايف عليها دي..

    لومومها هي كان قدرتو.. بس انا تعبتا من الردود بالذات لامن بديت احس باني فقدتا بوصلة الريدة في مداخلاتكم دي..
    دمتم وشاكرين تواصلكم بس اصلا كان مفروض اكتفي بي اني ارسلها ليا في مسج وخلاص..
                   |Articles |News |مقالات |بيانات


[رد على الموضوع] صفحة 1 „‰ 2:   <<  1 2  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de