قضيت عمرى داخل مصر لايب (1) شغل وبلا شغل عزله وغلايب ثلاثين عام مضت من اهلى غايب دنيا هلكت ناس كتير(كمل)(تلايب) (2) اللى كان بمسح اللى فى الدرب عايب اللى حاضرهم يسدعلى اللى غايب انحنا كانوا جدودنا قالعين الدرايب(3) بياخدوا الجزيه على الرحال ضرائب اللى من فوق(العدود)نصبوا الحرايب (4) اللى من صنف الدهب ملوا الجرايب(5) ولاد عم واهل وعزوه وقرايب
يا حليل وادينا كان الوقت طايب فى الوطن القديم كان لينا نايب نعاين للنخل فوقو الرطايب القنديل وبت تمود وعجوه وشلايب(6) والبركاوى مليان بالزكايب وسط اجدادنا ما جبنا نهايب وكان الحوت كتير راقد قلايب حلو بحر النيل بيشفى الجسمو دايب
انحنا كان الخير كتير عندنا سايب البقر المربط فى الزرايب غير السمنه واللبن الرايب وقمح وشعير وذره ومطايب انحنا نقابل الضيفان كتايب الغرابى والفوق الركايب
بنوا الخزان زمان بقت صعايب انحنا فى سنة اربعه وتلاتين قرايب بنينا على الجبل بيوت كعايب ومن يومها كل الناس تعايب جوا بنوا السد الجديد وذادت رعايب لكن نعمل ايه الوقت عايب جينا (كوم امبو) يا ما نسمع عجايب(7) شفتوا بعينى لامن عقلى جايب ماتوا الناس كتير شبان وشايب كمان هلكن حريم ستات حبايب وراح اطفال كتير اثر (التعايب) (8) غير المرضوا والراقدين دهايب نحنا من اثر المياه شافين صعايب حتى الارض بور وقفت جرايب سكنا فى خور شعيب مليان ترايب منزل زى الهبوب وارياح زعايب
عايزين نشد الرحال ونقصد حلايب فوق عشر تلاف جمل اصيل طلايب والفين ناقه من غير الجلايب والف من الخدم يملؤ القرايب عايز اروح (كسلا) لاعز الحبايب فيها امات رشوم نيران لاهايب وصفهم لى طير ان الرتايب توحد حويشهم باربعه عتايب فى (خشم القربه) توجد لى قرايب كرم الباديه عالين الحسايب معاى الفين(شقيع)فوق الضهايب(9) عشان يسندوا القافله لو حصلت مصايب
انتهى نميم الشيخ فى جلسة معه فى احدى قرى التهجير جنوب شرق مصر ولى عوده مفصله حاشيه:ـ (1)لايب معناها لاجىء (2)تلايب جمع تلب وهو الرجل الهمام الفارس (3)الدرايب مجموع درب (4)العدود جمع عد ويعن بئر او ترعه صغيره (5)الجرايب جمع جراب (6)انواع من البلح (7)كوم امبو من مدن جنوب مصر وهى تعتبر المركز الرئسى لقرى التهجير (8)التعايب جمع تعبان وهو الثعبان لكن حسب اللهجه ينطق تعبان (9)شقيع فارس هذا ما فسره لى الشيخ المسن ولنا رجعه تانى مفصله
(عدل بواسطة عبد الغفار عبد الله المهدى on 03-25-2007, 05:15 PM) (عدل بواسطة عبد الغفار عبد الله المهدى on 03-25-2007, 05:17 PM)
النوبيين بشقيهم(كنوز وفجكه) العليقات البشاريه العبابده الشايقيه(العونيه) الجعافره هؤلاء هم سكان القرى المهجره واللذين انقسموا ما بين السودان ومصر اثر التهجير وجميعهم لهم اهل بالسودان بل يعشيون كما السودانيين واكثر منهم ولا زالوا يحافظون على التقاليد والعادات السودانيه ى افراحهم واحزانهم وهناك بدا من مدينة كوم امبو انتهاء بقرى التهجير لاتسمع سواء الفن السودانى حتى انهم يجلسون جلسات دوبيات فى الامسيات ويتبادلون مربعات الشعر الارتجالى كما فى البطانه ومناطق الجعليين ونواصل.........
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
فيس بوك
تويتر
انستقرام
يوتيوب
بنتيريست