قد خرجنا الى هذا العالم من بطون أمهاتنا لا نعى شيئا .. وعندما وعينا وجدنا أسماء ملتصقة بنا.. لا نعلم كنهها .. من كان صاحب النصيب فى اقتراح الأسم الفائز والذى كتب فى شهادة الميلاد .. قد يكون الوالد أو الوالدة .. أو العم أو الخال .. أو من قريب أو من بعيد .. المهم هو اسم مفروض .. ان رضيت به أو لم ترض... أما اليوم.. وبينما كنت أراجع رسائلكم الشيقة .. توقفت عند شخصيات "البورد" وأسمائهم المستعارة .. قلت فى يفسى سبحان الله .. بعضها .. بل وأغلبها .. " لا أنزل الله لها من سبحان " صحيح أنها مستعارة .. ولكن ما سبب اختيارها بهذه الصورة : مثلا .. ديك الجن .. يا ترى كان لشخصية ديك الجن ديكا مجنونا .. ومنه استنبط اسمه المستعار. بناديها: هل كان يعيش فى قصة حب قديمة ومازال يناديها.. بخاف : اعتقدت أن يخاف شيئا .. ولكنه طلع راجل جدع.. قرشو : أما الأستاذ قرشو .. هل بيحب القروش أم القرقوش ..واح انين ثلاثة ابرة الخياطة فيه الطاء وفيها الراء وفيها جميع المسصطفى .. عندى طربوش أحمر منقوش بتلاته قروش .. أحب الشاى مع القرقوش .. كولا: هل بيحب البيبسى ..
وهكذا .. وهكذا..
هل فيكم واحد فكر تفكيرى المخرمج ده..
لكن معليش ..
عجوز وبيخرف ..
-----------
05-09-2002, 09:43 PM
قرشـــو قرشـــو
تاريخ التسجيل: 02-05-2002
مجموع المشاركات: 11385
الحبيب سودانى عجوز ياخوى والله كل يوم بيتأكد لى ظرفك اكثر واكثر وبصراحة انت عملت فى قرشو ما لم يعمله ابو ثلاثة قروش واليك سيدى حكاية قرشو وهى حب بشىء لا يعرفه اولادنا وبناتنا وهو حب قرش العظام المقرشة يعنى اقرقش ليها فيها كده واخلى اى حاجة ثانية غيره وعندما اذهب للجزار اختار المنطقة الزاخرة بالعظام التى تقرقش ولذا جاءت كلمة قرشو وهى فعل ركبته بى مزاجى نتيجة القرش.. تحضرنى نكتة حكاها لى احدهم كان فى العراق وكانوا فى المطعم وكالعادة كانوا يقرشوا العظام حتى آخر ذرة فيها فمر عليهم احد العراقيين وكان متعجبا من حكاية قرش العضام هذه فخاطب السودانيين قائلا : انتوا فى السودان بتاكلوا اللحم كده ؟؟ اجابوه بالايجاب فقال لهم : طيب وبتخلوا شنو للكلاب طبعا الكلام ده ما عجبهم فقال له احده كلابنا بتاكل المكبوس وهى اكلة شعبية للعراقيين (ضاع على اسم الاكلة هى المكبوس ام شىء شبيه ولكنها اكلة شعبية محببة للعراقيين) شفت كيف يا عجوز انتو طبعا العضام دى ما عندكم شغلة بيها لانكم بتاكلوا الهامبرجر و المارتديلا واخواتها.. هاااااى شكرا لك ثانية عزيزى العجوز
قصه بخاف دي والله قصه اذكر ونحن طلاب في جامعه الخرطوم ايام العهد الذهبي - اتحاد المحايدين - كان هناك اسبوع مدرسه العلوم الرياضيه وكان الحفل الختامي بالفنان العظيم ابوعركي وكان يوما جميلا الا ان طلبه الاتجاه الاسلامي ارادوا غير ذلك وعندما بدا ابوعركي بغناء بخاف قام كلاب الجبهة الاسلاميه بقذف جموع الطلاب بالمولوتوف فتفرق الحفل واذكر ان الفنان ابوعركي ذكر بعد ذلك بانه لن يقوم باداء هذه الاغنيه مره اخري في جامعه الخرطوم هههههههههه ومنذ ذلك الوقت ظلت هذه الحادثه في الذهن وطبعا الاغنيه برضو وانا بهديها لعمر مهدي
05-09-2002, 10:12 PM
Bakhaf Bakhaf
تاريخ التسجيل: 03-06-2002
مجموع المشاركات: 2434
ألاخوان قرشو وبخاف شكرا على تعلقكما.. تعرف يا قرشو .. فكرت فى كل الاحتمالات .. لكن بصراحة .ز فاتت على قرقشة العظام دى .ز على الرغم من أنى نفسى احبها جدا.. لكن أنا أسميها " مصممصة العضام " لكن أقوليك حاجه .. هنا فى أمريكا ما ممكن تقرمش العضام بتاعة هنا .. سيبك عضام بلدنا ليه طعم تانى ..
وانت يا بخاف .. صدق أو لا تصدق .. كنت عايز أكتب حكاية أنو عركى البخيت .. لكنى كنت حأكتب انك من معجبى عركى البخيت .. لكن موضوع اعتذارك .. عجبنى وقررت أن أعطيه الأهمية..
يا ريت كل واحد يعطينا سبب تسميته .. ممكن نسميها بريك " BREAK " والى اللقاء
عمكم العجوز
05-09-2002, 10:26 PM
Wad Aljaili Wad Aljaili
تاريخ التسجيل: 04-26-2002
مجموع المشاركات: 1577
جدي العجوز فعلا قصة الاسماء دي غريبة جدا على العموم مرة سألت امي منوالسماني قالت لي سمتك ومرة صاحبتي ما تعرفها مالك ماعاجبك وحمرت لي عينا قلت ليها ده احسن اسم بس تعرف انا لي يومين بفكر في ظاهرة تغيير الاسماء يعني بعد اصحابها ما يكبروا لانها منتشرة اولاد او بنات
وتسلم يا غالي
05-09-2002, 10:18 PM
Bakhaf Bakhaf
تاريخ التسجيل: 03-06-2002
مجموع المشاركات: 2434
اخوتي لكم التحية... أعجبتني فعلا نظرية عمنا العجوز وأن الأسماء المستعارة عادة ما تعبر عن مكنونات أنفسنا وهي غالبا ما يختارها عقلنا الباطن دون وعي منا , قد ترتبط فعلا بموقف ما أو بحدث ظل محفورا في الذاكرة أو قد تكون دلالة علي شئ يتمناه أحدنا دون البوح بها أو قد.. أو قد.. والاحتمالات كثيرة... عن نفسي أتي أسمي من حبي الشديد للنيل وافتقادي له حيث كنت أعبره يوميا ذهابا وايابا ولأن الاحساس بالغربة يجعلنا ربما أكثر مغالاة في الحنين ..فكأني بنفسي تزيح عبئا عنها حينما أنادي ببنت النيل
الغالي عمو السوداني ما ح اقول عجوز لانو الشباب شباب القلب وانت ماشاء الله النشاط باين عليك وعينا عليك باردة والله يديك الصحة والعافية وطولة العمر ...آمييييييييين
ومشاء الله ملاحظات ما بيخطر على بال أحد انت الخلاك تفكر في الموضوع ده شنو
طبعا ح تقولي رجل ده معجب ببوش بتاع امريكا والخواجات وكده
لا يا عمو انا طلعته من بطن امي لقيت ده اسم جدي لابوي وانت عيشته في غرب السودان وعارف الاسماء كويس وفي بعص مناطق الشمالية برضو الاسم ده موجود لكن بيني وبينك لامن بوش الابن فاز في الانتخابات انا برضو فكرته في رئاسة السودان ما تخاف يا عمو ح اديك نائب الرئيس واخونا وليد ح يمشي بيوت الاشباح ههههههههههههايكه يا وليد ما تدافع عن ناس ديل احسن ليك والله بكره ح بيعوك زي ما بياعو شيخهم
هوووى يا تاجوج انتى دخلتى بى وين بس .. على الحرام ما شفتك يا بت انتى نطيتى بالشباك ولا شنو تاجوج والله الشجرة عندك يا بت بالله جبتيها من وين دى
بخاف تصدق حكاية القرش دى ما بقدر على فراقها تب .. مرة مشيت الدكتور وقرر يقلع لى ضرس شلت ليك جنس هم وحزنت جنس حزن مش على الضرس لكن خوفا من الوقوف من القرش لكن تعرف بعد يومين ثلاثة وراح الالم وحاتك رجعت اقرقش زى الترتيب ولا همانى
غدى كويس عرفت انك كنتى محتارة فى اسمى والله الحمد لله انفشيتى بس
نمير رائع يا ود اشكرك جدا وتعجبنى المعلومات المليانة زى دى تسلم يا ولد
يا عجوز معليش فوت الاخطاء البسيطة والغير مقصودة فالقارىء لا بد سيفهم المقصود وسلمت يا دغرى
هىىىىىى يا تاجوج البياباك منو يا انتى حرم ارميه بى الشباك .. كدى شوفى فى الركن التحت داك مافى شباك ؟؟ يا اختى والله حبابك عشرة بلا كشرة انتى اسمك سمح وشجرتك سمحة وكلامك سمح منو البيابا جيتك نحن ما راجينك من زمان لكن قولى لى انتى من شرقنا الحبيب ولا شنو تاجوج دى من الوليدات والبنيات الهنا ديل ما فى زول بيعرفها الا زول عجوز زينا كده وشاف نعمات حماد فى قاعة الصداقة زمان بتجسد شخصية تاجوج فى مسرحيتها وووووووب علينا وقتها
الف اهلا بيك يا ستى ونورتى البورت واكان ما شالك البورد تشيلك عيوننا وتشيلك قلوبنا وهنا كلنا اخوان وكلنا اصحاب وكلنا احباب تجمعنا ذكرى الوطن وهو كاف لان نكون كما ذكرت
زمان أيام المدرسة .. أيام ما كنا صغار .. كانت تصرف لنا كتب للمطالعة .. فكان كتاب تأجوج أكثر كتاب "متهرىء" يعنى من كتر قراية الشباب فيه .. بقى زى ماتقولوا كده .. جلد على عضم .. ول.. عضم بس .. هو عضم بس .. عضم بش ايه .. هو عم قرشو خلى فيه حاجه .. يعنى باختصار كنا كلنا نحلم فى يوم نعرس واحده فى سماحة وجمال تأجوج.. يا حليل الزمن الروح .. مش كده يا أستاذ قرشو .. ولا انت خايف من المدام ..وبالمناسبة أغنية بخاف دى رجعتنى لزكريات تلفزيون جمهورية السودان الديموقراطية "ختوا تحتها خط " فكان الله يمسيه بالخير الأستاذ اب عركى البخيت .. لما يقول بخاف .. كانت فتحتا نخرته "لمو آخذه" تتسعا بشكل عجيب .. الله .. احنا خرجنا عن الموضوع .. أما حكايتك يا أخ قرشو وقصة الأخت تاجوج اللى نطت من الشباك خلتنى أضحك بالصوت العالى .ز لغاية ما المدام قالت .. انت بتضحك مع منو فوق .. قلتليها دى حكاية تأجوج ..المهم.. قلت فى نفسى .. صحيح لم أممع عن تأجوج.. هتى اشتركت معانا.. وراجعت التاريح مرة أخرى وجدتها .. وجدتها .. اشتركت بالأمس فقط .. فأنا من هذه الزاويه الحرجة وهى لا تنطبق على زاوية أخينا المحبوب جعفر عباس.. أهنيك يا أخت تأجوج على مدخلاتك الظريفة وأقوليك .. ألف مرحب .. أما حكاية الشجرة فعلا جميلة جدا .. وعشان كده الأخ قرشو بغران ..لأنه عنده شجرتين نخل .. والمثل بيقول الما بتلحقه جدعه .. ولا أب سنتين بيضحك على أب سنه واحده .. معليش طولنا عليكم .. لكن دى كانت حكاية "تاجوج"
شكرا ليك يا عمي العجوز,,,وأنا بي صراحة قديمة شديد في متابعتكم لكن جديدة في المشاركة ..عشان كده حاسة اني ما غريبة و بتعامل معاكم و كأني بعرفكم والمجموعة الحلوة خلت نفوسنا تأبىالا وان نكون معاكم,,,,وربنا يديم المعرفة
05-10-2002, 10:27 PM
EXORCIST7 EXORCIST7
تاريخ التسجيل: 02-05-2002
مجموع المشاركات: 1103
سلام ليك يا عمنا سودانى عجوز إنت يظهر إنك عاوز نضارة كعب كباية لاحظت أنو ضميرك أنبك وقمت صلحت الغلط لكن فى غلط تانى: أنت قلت ما أنزل الله بها من سبحان الصحيح هو ما أنزل الله بها من سلطان طبعا حكيتها معاك لما كبت الدم !!! لكن براك مشيت تهبش
والله من وراء القصد
05-11-2002, 02:04 AM
Sudany Agouz Sudany Agouz
تاريخ التسجيل: 04-27-2002
مجموع المشاركات: 9014
عارف يا عجوز انت زكرت اسماء ناس ولم تزكر ليه انت سميت اسمك بعجوز ونحن نعرف ان العجوز هو الذي يعاني من العجز اي كبر السن والتوضيح ده عشان ما تفهمونا غلط علي اي حال انا وفقا لاصرار واحدة اعزها جدا طلبت مني ان اشارك في هذا البورد وبالمناسبة عندها قناعة اني كاتب المهم اشتركت واعجبتني المشاركة فاحترت ماذا اسمي نفسي وكنت ناوي من زمان انا لو اشتركت في بورد ح اسمي نفسي حبيبتي تخيل والله هذا ما كنت انوي اسمي نفسي به لكن انت عارف الحاصل راجع موضوع عندما اكتشفت ان حبيبتي تحب واحد تاني فاحترت وبدون مقدمات خطر لي رقم صفر اها من ديك وعييك طبعا خيبت املك لكن بعد داك الاسم عجبني وبس
05-11-2002, 03:01 PM
Sudany Agouz Sudany Agouz
تاريخ التسجيل: 04-27-2002
مجموع المشاركات: 9014
تعرف يا أخ رقم صفر أنا أسميك صفر على اليمين .. لأن أى رقم بجانبه يصبح رقما كبيرا..
وفى الأول والآخر .. أنت لست صفرا ..وحاشا عليكم هذا الاسم .. ولو أننى قرأت مشكلتك .. وقد أكون مخطئا .. ولكنى أشعر بأن خطيبتك يا أخى مظلومة .. لذلك أرجوك التروى فى الحكم عليها .. وأعطيها بعض الوقت .. وان شاء الله ستعود الأمور لمجاريها الطبيعية..
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Sudany Agouz
قرشـــو
Bakhaf
Wad Aljaili
bitalneel
BousH
ما تخاف يا عمو ح اديك نائب الرئيس واخونا وليد ح يمشي بيوت الاشباح ههههههههههههايكه
يا وليد ما تدافع عن ناس ديل احسن ليك والله بكره ح بيعوك زي ما بياعو شيخهم
EXORCIST7
bob
رقم صفر
فيس بوك
تويتر
انستقرام
يوتيوب
بنتيريست