دعواتكم لزميلنا المفكر د.الباقر العفيف بالشفاء العاجل
|
|
 حياتي ... ومعاها العطف النبيل
|
وحاتكم تنزلوا لينا الأغنية ده,
كان بصوت صاحبها ابراهيم الكاشف,
ول مقلده عباس تلودي ...
الدينا عندنا ويك إند ... ونبحث
عن مترعة للفرح ... سودانيا.
مع شكري المقدم لصاحب العطاء الفائز.
|
|
 
|
|
|
|
|
|
|
|
Re: حياتي ... ومعاها العطف النبيل (Re: انعام حيمورة)
|
قاتل الله مجايبك يا حيدر ..
أريتو ويك إندك إند السرور .
ثم ياخي بالكاشف .. خليها بالكاشف ..
و أقيف عند عمايلو الشحمانة في : روح يا ليل تعال يا ليل تعال يا ليل و روح يا ليل ..
....
حيدر ياخي خليك في فرحة أوباما ..
و بطل مهابشة فيما يجيب الكلام .
عشان الدنيا شتا هنا .. و ليل .
و الشتا بالليل عجيب .. و متروس لأبو عينو شجون ..
و الراس يودي و يجيب .
يا قول المغني : لو عارف شنو البحصل لي ساعة الليل يفلل .
| |
|
|
|
|
|
|
|
|
|
Re: حياتي ... ومعاها العطف النبيل (Re: عاطف عمر)
|
Quote: الزعيم .. كيفك مبروك عليكم فوز اوباما ..
اها بي صوت انعام حيمورة كيف بتنفع ؟؟!!
|
نعومة الرائعة ... كيفنك,
مشتاغووون والله.
ياخ يا ريت لو تنزليها وبي صوتك,
كمان , ما عادماك العيبة يا فنجرية ...
بس وحاتك تعفيني من صوت علاء حيمورة,
لحدما أسمع إنشاداته { الختمية } وبعد
داك لي حادثة حديث.
تحياتي لإشراقة ... وكل الأسرة الكريمة
| |
|
|
|
|
|
|
|
|
|
Re: حياتي ... ومعاها العطف النبيل (Re: HAYDER GASIM)
|
Quote: و أقيف عند عمايلو الشحمانة في : روح يا ليل تعال يا ليل تعال يا ليل و روح يا ليل ..
|
عماد عبدالله ... زارنا النبي,
وغشتنا طيوف عشق صوفية, من
بهاء حضورك فى حضرة الكاشف.
روح يا ليل تعال يا ليل, رسالة
لا تفهمها إلا النسائم, بس شلاقة
مننا ساكت ... نحن البشر.
قلت لي الدنيا عندكم شتاء, إتخيل
شتاكم ده بنقزقز بيهو إستعدادا
للصيف ... ولو متغطي بي بطانية,
معناها كبرت ياشاب.
عماد... ياخ أرفع لينا هنا أي أغنية
بي صوتك ... حتى وإن كانت فى قعدة,
عشان ما أوطد إحساسي الغائم ... بكونك
فنان شامل ...
تحياتي من خلالك ... لدينا خالد وعصام
عبد الحفيظ ... وسجن سجن غرامة غرامة.
... مع بيذخ مودتي
| |
|
|
|
|
|
|
|
|
|
Re: حياتي ... ومعاها العطف النبيل (Re: HAYDER GASIM)
|
Quote: بس وحاتك تعفيني من صوت علاء حيمورة,
لحدما أسمع إنشاداته { الختمية } وبعد
داك لي حادثة حديث. |
والله يا حيدر علاء الدين دا عندو ذكريات مع ابوي حيمورة والختمية لما كانوا صغار ذكريات جميلة جدا
طبعا انت مستغرب لكن بالجد عنده قصص كتييييرة هو وصلاح واحمد واسامة ..
| |
|
|
|
|
|
|
|
|
|
Re: حياتي ... ومعاها العطف النبيل (Re: انعام حيمورة)
|
أخوي ... عاطف عمر ... تسلم
آححححح ... إستغفرتك يا مالك روحي,
لكن ده أغنية رهيييبة ... لامن إتكيفت
من نفسي زاتو ... لكوني إصطفيتها لرادار
أحاسيسي ومطالع إختياراتي.
إن كان فى الغناء ثواب ... حاتخش الجنة.
فشكرا لهذه الإستجابة الأخوية المبينة, وشكرا
لما جعلت فرحي ممكنا.
... وأبقى طيب
| |
|
|
|
|
|
|
|
|
|
Re: حياتي ... ومعاها العطف النبيل (Re: HAYDER GASIM)
|
| Quote: طبعا انت مستغرب لكن بالجد عنده قصص كتييييرة هو وصلاح واحمد واسامة |
مصدقك واللاي يا إنعام ... بهظر ساكت ... ربنا يحفظ أخوانك ياخ وإغطيهم من كل مكروه.
ثم أني عدت اليوم أكثر تساوقا مع واقع مجتمعي, وأقل حماسة للأفكار الغير موصوله
بمجرى أحوال الناس... وشكلي كده حا أرغي فى السياسة ... لكن ده ما وكتو.
المهم ... نرجع لليل ونروح معاه على مركب الكاشف النشوان.
فدايرك تخلي الأغنية ده تفتح لمجرد الضغط على هذا البوست ...
... ممكن؟
مع فرحي بك
| |
|
|
|
|
|
|
|
|
|
Re: حياتي ... ومعاها العطف النبيل (Re: طارق جبريل)
|
Quote: حيدر كيفنك ياخ
غايتو انت وعماد دة
فترتوا الكلام وفترتوني من مساككة بوستاتكم |
طارق جبريل ... مطرقة الأشواق التي لا تنيخ.
وباعث الندي فى العمارات الأسمنتية النواشف.
لامن تدور تمشي السودان المرة الجاية ... أديني
خبر ... عشان ما نتصادف وندور لينا عشرة ونسة
حاااارة ... كما شواءآت محطة سبعة ... وقول يا
لطيف.
مع عاطر مودتي
| |
|
|
|
|
|
|
|
|
|
Re: حياتي ... ومعاها العطف النبيل (Re: غباشي)
|
| Quote: سلامات يا زعيم و مبروك لاوباما .... مشتاقين والله |
غباشي !!! يا حليييلك, إنت وين ياخ
شرفتنا والله ... وأضفت ذراعا طويلا من
المسرة لخاتمة إسبوعنا هذا.
إن شاء الله الغنا ده عجبك, إنتو يا
الناس السغار ... يا شهد المرحلة
وشهودها العيان.
نبقى نسمعك ... وما تختفي كده ياخ.
مع مودتي
| |
|
|
|
|
|
|
|
|
|
Re: حياتي ... ومعاها العطف النبيل (Re: haroon diyab)
|
الاخ حيدر قاسم وضيوفه الافاضل السلام عليكم ورحمة الله وبركاته
اسعد الله اياكم وجعلها باسقة وارفة بكل المعاني النضرات حب في الانسانية الخير والبهاء
معجب انا اخي حيدر ومدن دوما لمتابعة بوستاتك الجميلة الثرية بكل ابداعات الحياة
لعن الله الغربة ايامها ولياليها ساعاتها الملة وخطواتها الرتيبة والكئبه تجعل دموعنا تنبجث بدون مبررات كافية لكنه الحنين
تخيل انك بعيدا في مشارق الارض حزينا اسيفا ثم انك تتابع هذا البوست وفجاة تنبعث اصوات الهرم الكبير في وجدان كل سوداني الكاشف ماذا ستفعل غير البكاء
لك ولضيوفك ويك اند ندي
عبد القادر سومطرة
| |
|
|
|
|
|
|
|
|
|
Re: حياتي ... ومعاها العطف النبيل (Re: Abdelgadir Galal Ahmed)
|
Quote: حيدرنا
سلام ياجميل
وليك وحشة
ومبروك فوز اوباما
وحياة الحب بسميها السعادة بكل معانيها
اقيم ليلاي اغنيها روح ياليل تعال ياليل
-----
ينصر دينك |
هارون دياب ... كيفنك يا أبوي
مشتاقين بالمرة
والله إبارك فيك, ففوز
أوباما هو فوز للخير,
آملا أن يعم كل الناس.
شفت حياة الحب ده كيف, حاجة
فنانة ... إتخيل ده أغنية
ممكن تصويرا بسهولة وترسم منها
لوحة ... وربما عرض مسرحي صغير.
فده الروعة ... وهؤلاء هم المبدعون
... وكن بخير
| |
|
|
|
|
|
|
|
|
|
Re: حياتي ... ومعاها العطف النبيل (Re: HAYDER GASIM)
|
Quote: تخيل انك بعيدا في مشارق الارض حزينا اسيفا ثم انك تتابع هذا البوست وفجاة تنبعث اصوات الهرم الكبير في وجدان كل سوداني الكاشف ماذا ستفعل غير البكاء
|
أخونا الكريم ... عبدالقادر جلال
قادر أتخيل كلامك أعلاه, من شدة ما هو
واقعي ومرتبط بمجرى مشاعرنا المهاجرة.
وحقيقة فإن الغربة تضيف أعباءا نفسية
لا بد من الإنتباه إليها, وتفريغها أولا
بأولا ... وإلا فسوف تتحول بمرور الزمن
إلى أزمة نفسية مستعصية ... وحمانا الله.
شكرا أخي على تلك اللحظات التي إجتمعنا
فيها سودانيا ... من حول ذلك الهرم الشامخ
الكاشف ... فهنا منهل للتزود بطاقة معنوية
جديدة ... وهنا نهر دفاق يحملنا إلى صبى
الحب وقمم الجمال ... فإستمتعوا يا ناس.
... مع مودتي
| |
|
|
|
|
|
|
|
|
|
Re: حياتي ... ومعاها العطف النبيل (Re: HAYDER GASIM)
|
ويا ريت لو نسمع نفس الأغنية
بصوت الفنان تلودي, فقد أضاف
عمقا صوتيا بحنجرته الماهلة
وبعض موسيقى كذلك...وكله مشروع
بهجة وتقافي سوداني على ضفاف
نهر المحبة.
علما بأن الشحنة المشاعرية الأولى لهذه
الأغنية من صدح الكاشف وصدعه المبين,
... وللبقية ريع الإستذكار
| |
|
|
|
|
|
|
|
|
|
Re: حياتي ... ومعاها العطف النبيل (Re: HAYDER GASIM)
|
الحبيب حيدر..
سلااام كتير
من الزند..على قول خبراء اللحمة
يا زول الاغنية دى حكااية طويلة و سلسلة من الذكرياات
نطت كلها جات قدامى هسى..
الحدبث منها بت حيمورة و مصطفى السنى و بقية الشلة
عندهم التفااصيل...لى هنا انا بسكت تب..
شكرا ليك يا جميل و مبرووك فوز زولنا..
يديك العاافية...
| |
|
|
|
|
|
|
|
|
|
Re: حياتي ... ومعاها العطف النبيل (Re: محمد عثمان)
|
Quote: الحبيب حيدر..
سلااام كتير
من الزند..على قول خبراء اللحمة
يا زول الاغنية دى حكااية طويلة و سلسلة من الذكرياات
|
محمد عثمان ... الزول الرائع ... كيفنك.
يا ريت نسمع الحكاية الطويلة ده, وبكل
مصحوبها من الذكريات ... ومانا مستعجلين.
أراك تنثر كثيرا من الدرر بين الفينة والأخرى.
بسمع وأستمتع وأعيد الكرة ... بس وحاتك أعذرني,
فما قاعد أعلق لما أستحول ... فمن إختيارتك ما
يعصب الروح ويذيب البدن.
مع مودتي
| |
|
|
|
|
|
|
|
|
|
Re: حياتي ... ومعاها العطف النبيل (Re: عامر تيتاوى)
|
حيدرنا .. اختيارك صادف اهله 
ال لهم نحن ... على قول ريا وسكينة
الميتين اللى تحت ,,
اها اقول ليك
براااااااااااااءة ,, براءة الذئب من دم يعقوب ....
ولا سجن ولا غرامة .. هو انت شبهه كدا ؟
انت تقول العايزو ... ومعاك العطف النبيل
ـــــــــــ
لو قلنا وحياتى .. بيقيموا على الحد خليها فى سرك 
| |
|
|
|
|
|
|
|
|
|
Re: حياتي ... ومعاها العطف النبيل (Re: دينا خالد)
|
Quote: اخوي الكاشف / حيدر قاسم
كيفنك
انانتظر معاك بشوق ولهفة سماع الأغنية الجميلة بصوت ولد حلتنا / عباس تلودي
كنا في سنوات السبعينات ننتشى بصوت عباس وهو يدندن في جلسات اولاد الحي بأغنيات الراحلين العظيمين / الكاشف وعثمان حسين
شكرا ياحيدر على هذه النغمة الحلوة .. الله يعطيك العافية |
أخوي الكاشف/ عمر عبدالسلام ... كيفنك يا أبوي
جميل مرورك من هنا, لجملة الروابط والمشاعر
والشجون ... من بكور إحاسيسنا كشباب فى مدرسة
المقرن, إلى كريم إقامتنا المشتركة فى الصحافة,
لي حبنا لى تلودي, لي بوست الصحافة ... لي مهجرنا
الراهن ... وإن إختلفت جغرافيته.
فكان الكاشف ... هو خيط الوصل ... وكان العطف الجميل
هو سقف مشاعرنا المهتاجة فى ظلال الغربة وإتون الركض
للوطن ... فلتدم المحبة.
مع عاطر تحياتي
| |
|
|
|
|
|
|
|
|
|
Re: حياتي ... ومعاها العطف النبيل (Re: HAYDER GASIM)
|
Quote: حيدر قاسم ياصاحب المزاج العالى
حتى طلباتك مدهشة ومريحة مع ويك اند
مليان بنشوة الفرح باوباما
الغنية دى لما بسمعا فى حاجة فيها بتطمن
قلب الواحد وتختو فى علبو
ياربى ده يكون من شنو |
عامر تيتاوي ... تسلم ... حبيبنا
وتشكر على هذه الكلمات الوديعة,
وعلى تلك الدفقة العالية من الأحاسيس
النبيلة, فقد إستولت حياة الحب على
متوننا, وإسترجعتنا طيوفا من الوله
والإعجاب بالحبيب ونذر الحياة لأجله,
مش حاجة عجيبة ... إذ هذا واقعنا الذي
نستغرق فيه, وربما كل مراماتنا التي قيدناها
على أجنحة المودة...وضفائر المحبوبة.
... وكن رائعا ... كما أنت
| |
|
|
|
|
|
|
|
|
|
Re: حياتي ... ومعاها العطف النبيل (Re: HAYDER GASIM)
|
بإسم الحب بقدم ليك حياتى ومعاها العاطفة النبيلة
عليك ياحب تحياتى
عليك اوقفته غاياتى
لحبى اضحى بحياتى
احب الحب وايامو
وذكرياتو واحلامو
ومايوحيه الهامو
حياة الحب اسميها السعادة بكل معانيها
اقيف ليلاى اغنيها روح ياليل تعال ياليل
احب فى كل اوقاتى الاقى حبيبى يوماتى
اقيف ليهو يقول لى العهود بيناتنا مرعية
اقول ليهو تعال لى حبيب ريدى تعال لى
نجلس جلسة غزلية امتع فيك عينى
اشوفك وانسى آلامى اقول حققته احلامى
على تميل
عليك اميل عشان نميل سوا ياجميل
فيك امعنته نظراتى وجدتك كل مسراتى
وافراحى وملزاتى
احبك وانسى فيك زاتى
حبيبى غرامى تقديسك ويرتاح قلبى بى حديثك
حديثك شفى العليل
وحاتك يالصادق نبيل البيشبه حبى الاصيل
يكون جميل
وانا ياجميل اهوى الجميل يكون جميل
__________________
أستاذنا الاكثر من الرائع ...صباحك خير .....بتوقيتنا .....
مثلث هويتك... هو
الابداع ....والثقافة..... وحب الجمال
انت من قمم اختيار مفردة الابداع
وتعيش بين اضلع الثقافة
وتكتب فى حب الجمال ...الى حد الغياب
لناتى نحن ونشاطرك هذا الثالوث
__________________________
كن بخير
ناهد
| |
|
|
|
|
|
|
|
|
|
Re: حياتي ... ومعاها العطف النبيل (Re: ناهد بشير الطيب)
|
Quote: أستاذنا الاكثر من الرائع ...صباحك خير .....بتوقيتنا .....
مثلث هويتك... هو
الابداع ....والثقافة..... وحب الجمال
انت من قمم اختيار مفردة الابداع
وتعيش بين اضلع الثقافة
وتكتب فى حب الجمال ...الى حد الغياب
لناتى نحن ونشاطرك هذا الثالوث
__________________________
كن بخير
ناهد |
شكرا ... ناهد ... وتسلمي
وحاتك ده كتير خلاص, أديتني جرعة أكبر
من حلقومي وطلعتيني السماء, فيما أنا
أحبو بين الناس وعلى الأض بالطبع ,فالإبداع
مأثرة إنسانية لم أملك من نواصيها غير
الفرح بها, والثقافة بحر تتلاطم أمواجه
بغير هدأة, فيما أطالع على ساحلها بعضا
من صفحات مرشوشة برزاز ذلك البحر العظيم.
وحب الجمال ... لا أخفي كونه مرآة حياتي,
بحسب رغبتي فى أن أري الوجود جميلا, لكن
ثمة قبح موازي يسلب عطايا الجمال, ويجعل
المحصلة النهائية أقرب للصفر, من الإقتران
العالي بالعطف النبيل.
لهذا ... لا مندوحة من تحالف الإبداع مع حشود
الجمال ... لأجل سيادة قيم الخير والمحبة
والتسامح...وبين كل الناس.
... مع فارع تقديري
| |
|
|
|
|
|
|
|
|
|
Re: حياتي ... ومعاها العطف النبيل (Re: HAYDER GASIM)
|
اخى الحيدر القاسم ....
كلنا يتلمس هذا الطريق
بل ....ومحاولة الوصول الى حرمه ....الزاهيات.....
قد يراها البعض ...(المحاولة) لاتخرج عن كونها تهويمات او تلوينات وخطوط و(شخابيط) فى حياتنا
لن تستمر .....الاحساس بالجمال هو مانرنو اليه ...او بالاصح مانتوقعه ..
.بعض منا يسعى اليه
بشتى السبل ...الاخر قد يقع فى الطريق قبل ان يصل ....(وهذا يكفيه شرف المحاولة ...)
لنمهر صباحاتنا بالجمال
ولنمسى بالجمال والعيش فى طيلسانه ......
اعتقد ان من شروط الحياة ايضا ان تكون محبا وليس جميلا فقط
____________________________
نتمنى دوما ان نتعطر بالجمال ....................
| |
|
|
|
|
|
|
|
|
|
Re: حياتي ... ومعاها العطف النبيل (Re: عمران حسن صالح)
|
Quote: اخى الحيدر القاسم ....
كلنا يتلمس هذا الطريق
بل ....ومحاولة الوصول الى حرمه ....الزاهيات.....
قد يراها البعض ...(المحاولة) لاتخرج عن كونها تهويمات او تلوينات وخطوط و(شخابيط) فى حياتنا
لن تستمر .....الاحساس بالجمال هو مانرنو اليه ...او بالاصح مانتوقعه ..
.بعض منا يسعى اليه
بشتى السبل ...الاخر قد يقع فى الطريق قبل ان يصل ....(وهذا يكفيه شرف المحاولة ...)
لنمهر صباحاتنا بالجمال
ولنمسى بالجمال والعيش فى طيلسانه ......
اعتقد ان من شروط الحياة ايضا ان تكون محبا وليس جميلا فقط
__________________________
نتمنى دوما ان نتعطر بالجمال .................... |
شكرا ... الرائعة ... ناهد
ودوما نجدك فى محل الآثر وجابر الخاطر,
فوصلاتك الإنسانية تعلو سقف الغناء والجمال
وتتحول إلى مدرسة للتنزه الإنساني فكر وخلقا.
فكوني كما أنت ... وعظيم تقديري
| |
|
|
|
|
|
|
| |
HAYDER GASIM
انعام حيمورة
Emad Abdulla
عاطف عمر
علاء الدين حيموره
طارق جبريل
غباشي
haroon diyab
Abdelgadir Galal Ahmed
omer abdelsalam
عامر تيتاوى
دينا خالد
ناهد بشير الطيب
عمران حسن صالح
عابدون محمد عابدون
ثروت سوار الدهب
فيس بوك
تويتر
انستقرام
يوتيوب
بنتيريست