دعواتكم لزميلنا المفكر د.الباقر العفيف بالشفاء العاجل
|
|
 يا ملاسى على بالطلاق (المنبر) ده خليتو ليك !!
|
يا جماعة الخير واحد يدى أخونا ملاسى ده راسو (الزول) ده متلحنى ليك كل ما أنزل (سيناريوهات) يتداخل بالعبارة التالية :
Quote: مش قلت ليك يا جبرا انو الناس ما حتحتمل
الإسهاب – و التكرار - دا كتير!
_____
ما تسمع كلام البيضحكك!! |
أول حاجه أنا ما عارفو بيقصد بـ(الناس) الما (حتحتمل) ديل منو؟؟ يا ربى يكونو أفراد الشعب (الفضل)؟؟ ولا يكونو (جماعتو)؟؟ وإلا منو ما عارف؟؟ بعدينك ما عارف (مش قلت ليك ) القاعد يقول فيها عمال على بطال دى لزوما شنو؟؟ وكأنو فى (قارئ) أبدى تزمرو وعدم إرتياحو من (مقالاتى) !!! والأدهى من ذلك كمان جابت ليها (ضحيك) قال أيه  ما تسمع كلام البضحكك) عليكم الله (الزول) ده ما بالغ ؟؟ عليكم الله أدو الزول ده رأسو عشان أنا ما فاضى ليهو.. ومش (المنبر) ده يا ملاسى على بالطلاق (خليتو) ليك !!
شوفو الرابط ده :
(سيناريوهات) : كنت فى جمهورية الأمازون]
|
|
 
|
|
|
|
|
|
|
 Re: يا ملاسى على بالطلاق (المنبر) ده خليتو ليك !! (Re: الفاتح يوسف جبرا)
|
Quote: ومش (المنبر) ده يا ملاسى على بالطلاق (خليتو) ليك !!
|
يا أُستاذ/ جبرا كدي صلي على النبي وخلي الحليفة دي غادي غادي...
أنا وغيري وكتيرييييييييييين دايرنك وبشدة (بيننا)...
لا تشيلك الهاشمية ساكت... قول بسم الله... ولو حسَّبتها تلقاها ماب تصل لي قدر دا...
لك ولحسين ملاسي كميات مودتي...
أبو الحســــــــين...
| |
|
|
|
|
|
|
|
|
|
Re: يا ملاسى على بالطلاق (المنبر) ده خليتو ليك !! (Re: الفاتح يوسف جبرا)
|
يا الفاتح,
ليكتب ملاسى ما يكتب وليملأ الصفحات بكلامه فهذا شأنه.
لكن أنت لابد لك من المواصلة, لأن هنالك أنآس وأنا أولهم ينتظرون سيناريوهاتك بكل الشوق واللهفة.
الأخ العزيز ملاسى: الفاتح جبرة صحفى يكتب ويبدع ويحس بنبضنا, فأرحمه من تعليقاتك الغير موفقة.
أما اذا كانت كتاباتات جبرا لا تنآسبك ولا تستسيغها,فهذا حقك ولكن أرجو أن تراعى حقوق الآخرين الذين يعشقونها.
وشكرآ,
عبدالمنعم الحويرص
| |
|
|
|
|
|
|
|
|
|
Re: يا ملاسى على بالطلاق (المنبر) ده خليتو ليك !! (Re: الفاتح يوسف جبرا)
|
استاذ الفاتح
مساء الخير
تفتكر إنو دة الحل?..يعنى تحرم عشرات الالاف من القراء عشان خاطر واحد? ...ليكتب الاخ ملاسى ما يشاء وهذا حقة ولنتفق اولنختلف معه وهذا حقنا...وبعدين لو ماعجباهو سيناريوهاتك ...ما يقراها...
قرصة:عليك الطلاق اقعد...فى ناس كتار بيكونوا منتظرينك
أخوك محمد مكى
| |
|
|
|
|
|
|
|
|
|
Re: يا ملاسى على بالطلاق (المنبر) ده خليتو ليك !! (Re: محمد مكى محمد)
|
والله بعد حليفتك بالطلاق دي كان اتراجعت عنها تكون زول كضاب
ياخي النسوان ديل رخيصات كدا مالهم
مصير اسرة كاملة واطفال واجيال ونسب ومصاهرة
محكوم بي بوست في صفحة اثيرية لا راحت ولا جات
ذنبها شنو المسكينة بي ملاسي ولا مقالاتك الطويلة؟
عشان تحدد مصير حياتها ومستقبل اسرتها وزواجها؟
| |
|
|
|
|
|
|
|
|
|
Re: يا ملاسى على بالطلاق (المنبر) ده خليتو ليك !! (Re: اساسي)
|
يا جبرة
اسمعني الجنا ملاصي ده مراهق جديد , بعدين في مرا محرشاهو يعني ده ما كلامو !!! ده كلام
ناقلو حسب التعليمات ... يا ملاصي : اسمعها مني كلمة : انت لو ما احترمت نفسك ... والله
بنفقعدك في علبك فاهم ؟؟ بعدين لما ترجع حاول تاخد الرضعة بتاعتك عشان بعدين لي قدام تلقي ليك
أخوان في الرضاعة.
فهمت ولا أعيد ليك بالالماني.
عالم وهم.
| |
|
|
|
|
|
|
|
|
|
Re: يا ملاسى على بالطلاق (المنبر) ده خليتو ليك !! (Re: الفاتح يوسف جبرا)
|
الأستاذ الفاتح يوسف جبرا
الكتابة هنا ملك خاص للعضو , وحرية شخصية
يكتب أو لا يكتب هذا شأنه
دخلت هنا لأن عنوان البوست يثير الغضب
هل الحلف بالطلاق لديك بهذه السهولة ؟؟ تعليق يخليك تحلف بالطلاق ؟؟!!
طيب إذا قررت العودة للكتابة هنا بناء على رغبة من طلبوا منك العودة
تكون زوجتك طالق يعني ؟؟ّّّ!!!!
وإذا استمريت في الكتابة في المنبر العام
تعليق خلاك تحلف بالطلاق
فإذا تعرضت لأي اعتراضات أو تعليقات أو نقد لأسلوبك ... حتقوم تعمل شنو ؟؟ حتحلف بالطلاق مرة تانية وتالتة ووو
يا أستاذ الفاتح , ذهابك يعد بالنسبة لي أفضل بكثير من استمرارك هنا بهذا الأسلوب
حفاظا على قدسية الزواج وإحتراما للمرأة
| |
|
|
|
|
|
|
|
|
|
Re: يا ملاسى على بالطلاق (المنبر) ده خليتو ليك !! (Re: معتصم الطاهر)
|
الرائع جبرا (مستشار الرئيس لشئون التنفيس)
يا خوي كلامك القاعد تككتبو دا لأنو ياهو البيعبر عن حالنا المزري عشان كدا بيكون زي السوط على ضهور ناس ملاسي ديل.
وعلى الحرام لو ما الزنقة الأسي هم واقعين فيها وولو ما الحركة شريك في الحكم كان زمان لحقوك أمات طه. وكان أسي ناس ملوص ديل شايلين سياطهم وقزاز ببسيهم الفاضي وشغالين فيك شغل نضيف.
أكتب ولاتنقطع عليك الله. وقد استجاب الأخ بكري لمطالبنا المتكررة بتخصيص مكتبة لسعادتكم. (مكتبة لجمع سيناريوهاتكم ! ما تفتكرا حاجة بتاكل من وراها عيش).
ويكفيك فخرا ما رأيته بعيني في القاهرة حيث يتجمع السودانيين كل جمعة أما مقاهي النت لطبع سيناريوهاتكم.
ناس ملاسي ديل يمكن "شظايا" ما مكفياهم ودايرين يزحفوا على السوداني.
وطبعا يا جبرا الزول دا من "نجوم القد" الكبار.
| |
|
|
|
|
|
|
|
|
|
Re: يا ملاسى على بالطلاق (المنبر) ده خليتو ليك !! (Re: الفاتح يوسف جبرا)
|
انا اتفق مع الكل انو الحليفة بالطلاق ما حاجة ساهلة لكن بالتاكيد لو ما الزعل الشديد ما كان الاستاذ الفاتح حلف بالطلاق وجل من لا يسهو .... فلنصفح عنة اذا كان مقتنع بانة مخطى ...
كسرة :
الحليفة بالطلاق عندنا واحدة من العادات والموروثات الخاطئية والمفروض انو الناس تفتح النقاش فيها والناس كلهم يعرفوا عواقبة عشان ما نحلف ساكت ودا اقتراح انو نفتح بوس عن مسالة الحليفة بالطلاق
وشكرا
| |
|
|
|
|
|
|
|
|
|
Re: يا ملاسى على بالطلاق (المنبر) ده خليتو ليك !! (Re: Abdelmuhsin Said)
|
أها يا جبرا
نجم نجوم "القد" جاء جاري وراء زولو وبعد شوية حيجيك أبو رزقة وبقية الأرزقية.
فالنجم أساسي كتب:
| Quote: ياخي النسوان ديل رخيصات كدا مالهم ] |
عليك الله كان ما رخيصات كنتوا بتتكلموا عن استعدادتكم لفض بكارة زوجاتكم.
بئس الزوج وبئس الزوجة.
طبعا ناس اساسي ديل من الناس الشاركوا في الحرب في الجنوب وقال تاني لو أتيحت ليهو الظروف حيمشي يحارب.
| |
|
|
|
|
|
|
|
|
|
Re: يا ملاسى على بالطلاق (المنبر) ده خليتو ليك !! (Re: Noon3)
|
| Quote: يا ملاسى على بالطلاق (المنبر) ده خليتو ليك !! |
ود جبرا إذهب واطعم عشرة مساكين أو صم ثلاثة أيام
وبعدين نحن ما عارفين انت حلفت طلاق من منو من المرة
أم طلاق من صيد السمك أم من كرعينك ...
بعدين الود ملاسي قاصد يخليك تسيب المنبر لأنه التعليمات
جاته كده ....!!!!!!!!
| |
|
|
|
|
|
|
|
|
|
Re: يا ملاسى على بالطلاق (المنبر) ده خليتو ليك !! (Re: الفاتح يوسف جبرا)
|
Quote: ود جبرا إذهب واطعم عشرة مساكين أو صم ثلاثة أيام
وبعدين نحن ما عارفين انت حلفت طلاق من منو من المرة
أم طلاق من صيد السمك أم من كرعينك ... |
نموذج حى لما يعرف بـ فقة السلطان !
-------------
الاستاذ الفاتح جبرا ، فى الحقيقة خسارة كبيرة،
و خسارة اعظم ان تترك كل هولاء المريدين بسبب تعليق فرد
و كما انه يهمنى انا كـ شخص تابعت كتاباتك المتفردة ان اعرف
ردك على موضوع (حليفة الطلاق) دى و اتمنى من كل قلبى انك تكون
ليه عزابى ، و ساعتها ممكن نعتبرها جنحة !
لا اعرف كيف ستخرج من هذة الكبوة! و لكن all the best
| |
|
|
|
|
|
|
|
|
|
Re: يا ملاسى على بالطلاق (المنبر) ده خليتو ليك !! (Re: الفاتح يوسف جبرا)
|
..
.
اوعاك تجى راجع يا جبرا
لانو طلاقك الفاكيهو على الهواء دا وقع امام 5 الف عضو !!
اسمع نصيحة اختنا نهال ..
والله يعدل طريقك
| Quote: مش ملاسي (صحبو) تبلدينا ذاتو ما يجي بجنبك..!!! |
هو زول بطلق على الهواء مباشرة وما احترم
الحياة الزوجية ولا ام العيال البجيبنى جنبو شنو !!؟؟
______________________
والله بقت حالتك صعبة يا كيكى ..
بتذكرنى بام دفانة .. عرفتها !!
| |
|
|
|
|
|
|
|
|
|
Re: يا ملاسى على بالطلاق (المنبر) ده خليتو ليك !! (Re: الفاتح يوسف جبرا)
|
الفاضل أستاذ الفاتح جبرا..
لا يترك المنبر لفلان أو علان.. لأن بالمنبر أذواق وأقلام ومتابعات تختلف من موضوع لآخر، ومن كاتب لآخر..
التعليقات (الظريفة) الممكن تتكتب في البوستات إما يترد عليها في مكانها أو يتم تجاهلها.. ولو أي زول مشى ورا الكلام القاعد يقراهو في المنبر ده، زماااااان كان بقى خلا.. إنت ما بتشوف كل يوم وفي أنصاص الليالي الحرابة بتقوم والعك بيوصل لغاية السما. وتاني يوم تجي تلاقي كأنه ما في شئ حصل..
طوًل بالك..
الحبيبة نهال..
سلام..
قلنا نخرًم هنا..
أحسب الطلاق الفي العنوان ده ليس (حقيقيا). وإنما هي الجملة (البغيضة) التي يرددها الرجال دايما في السوق وفي الشارع وكمان في المنبر.. ولأنها جملة كثيرة التداول ويسهل التعامل بها، فهي غير ذات قيمة لا للمرأة ولا للرجل زاته.. أنا بعرف أولاد صغار لسة ما عرًسو بيحلفو بيها!!!!
مع تثبيت عدم تأييدي للاستخفاف بامور زي دي. لأن هناك امور (جدها جد وهزلها جد)..
يا تبلدينا قلت لي 5000 قارئ شهدوا على الطلاق؟ طيب حكمك شنو في طلاق رئيس بلدكم الشهد عليه العالم كله وهسع القوات الدولية داخلة؟
والود للكل
| |
|
|
|
|
|
|
|
|
|
Re: يا ملاسى على بالطلاق (المنبر) ده خليتو ليك !! (Re: Raja)
|
هشام آدم
تحياتي
وشكرا على الإطراء 
العزيزة رجاء
تحياتي
Quote: أحسب الطلاق الفي العنوان ده ليس (حقيقيا). وإنما هي الجملة (البغيضة) التي يرددها الرجال دايما في السوق وفي الشارع وكمان في المنبر.. ولأنها جملة كثيرة التداول ويسهل التعامل بها، فهي غير ذات قيمة لا للمرأة ولا للرجل زاته.. أنا بعرف أولاد صغار لسة ما عرًسو بيحلفو بيها!!!!
مع تثبيت عدم تأييدي للاستخفاف بامور زي دي. لأن هناك امور (جدها جد وهزلها جد).. |
يا رجاء بما أن الأستاذ الفاتح جبرا صحفي وكاتب المفروض وعيه في هذه الأمور يكون أكبر من كده
الحليفة بالطلاق كتيرة لدا السودانيين , ودا قطعا ما صاح والمفروض من شخص في مكانته انه يساعد في نشر الوعي , مش يحلف بالطلاق بسبب تعليق وفي موقع إلكتروني !!!
كما قلتي انتي هناك أمور ( جدها جد وهزلها جد ) ومنها الطلاق , لا يمكن اعتبارها ( جملة بغيضة ) وما حقيقية
| |
|
|
|
|
|
|
|
|
|
Re: يا ملاسى على بالطلاق (المنبر) ده خليتو ليك !! (Re: Raja)
|
..
.
Quote: يا تبلدينا قلت لي 5000 قارئ شهدوا على الطلاق؟ طيب حكمك شنو في طلاق رئيس بلدكم
الشهد عليه العالم كله وهسع القوات الدولية داخلة؟ |
حلوة وملعوبة رئيس بلدكم ..
والله انا البلد عاجبانى ومكسرانى ورجعت ليها وما فايت كتاحتها
وسخانتها شبر ..
والبقية .. يعطى الملك لم يشاء وينزع الملك ممن يشاء
رئاسة البشير دا حكم الله ..
اما طلاقو واقع .. لو القوات دخلت بحسب قوانينها
بس واقع على المره الاولى
Quote: أحسب الطلاق الفي العنوان ده ليس (حقيقيا).
وإنما هي الجملة (البغيضة) التي يرددها الرجال دايما في السوق وفي الشارع وكمان في المنبر..
ولأنها جملة كثيرة التداول ويسهل التعامل بها، فهي غير ذات قيمة لا للمرأة ولا للرجل زاته..
أنا بعرف أولاد صغار لسة ما عرًسو بيحلفو بيها!!!! |
والله ليها قيمة وفيها عدم تقدير للمراة واستخفاف بهذا العقد الشرعى
وذلك الرباط الذى جمعهم ..
ولو الاولاد صغار حلفو بيها ديل صغار
لكن كدى ارفعى عيونك وشوفى ( ابوشنب ) دا .. دا كلام يقولو
___________________
جبرا طلاقك واقع واقع ..
| |
|
|
|
|
|
|
|
|
|
Re: يا ملاسى على بالطلاق (المنبر) ده خليتو ليك !! (Re: Tabaldina)
|
العزيزة نهال.. شكرا على ردك وإهتمامك..
العزيز تبلدينا.. شوف البلد ما مكسرة منو.. إلا كتاحتها وسخانتها دي خليتها ليكم ..
رئيس بلدكم، هو رئيس بلدنا، والبلد بلد البنت والولد.. مش أدونا ليها كده في الابتدائي ..؟
آسفين أستاذ جبرا على التخريمات الواجبة..
الود للكل
| |
|
|
|
|
|
|
|
|
|
Re: يا ملاسى على بالطلاق (المنبر) ده خليتو ليك !! (Re: Tabaldina)
|
Quote:
حلوة وملعوبة رئيس بلدكم ..
والله انا البلد عاجبانى ومكسرانى ورجعت ليها وما فايت كتاحتها
وسخانتها شبر ..
والبقية .. يعطى الملك لم يشاء وينزع الملك ممن يشاء
رئاسة البشير دا حكم الله ..
اما طلاقو واقع .. لو القوات دخلت بحسب قوانينها
بس واقع على المره الاولى
|
حكم الله ما عندنا فيهو كلام!لكن الفيك عرفناها! 
جنى
| |
|
|
|
|
|
|
|
|
|
Re: يا ملاسى على بالطلاق (المنبر) ده خليتو ليك !! (Re: Tabaldina)
|
Quote: : ود جبرا إذهب واطعم عشرة مساكين أو صم ثلاثة أيام
وبعدين نحن ما عارفين انت حلفت طلاق من منو من المرة
أم طلاق من صيد السمك أم من كرعينك ... |
| Quote: نموذج حى لما يعرف بـ فقة السلطان ! |
سلطان منو يا ملك !!!!
أنا لا أعترف إلا بسلطان مايرنو !!!!!!!!
| |
|
|
|
|
|
|
|
|
|
Re: يا ملاسى على بالطلاق (المنبر) ده خليتو ليك !! (Re: jini)
|
Quote: هل الحلف بالطلاق لديك بهذه السهولة ؟؟ تعليق يخليك تحلف بالطلاق ؟؟!!
طيب إذا قررت العودة للكتابة هنا بناء على رغبة من طلبوا منك العودة
تكون زوجتك طالق يعني ؟؟ّّّ!!!! |
الأخ الفاتح جبرة..
يعني ما قادر تقول يا ملاسي المنبر ده خليتو ليك ..بدون طلاق يعني حافي كده...
بعد العملتو في نفسك ده ..ما نشوفك تاني بهناإلا...!!
لا شكـ إنك لو توفق في إختيار الجملة المعنونة للبوست أو ربما تقصدها...
| |
|
|
|
|
|
|
|
|
|
Re: يا ملاسى على بالطلاق (المنبر) ده خليتو ليك !! (Re: hatim)
|
ومش (المنبر) ده يا ملاسى على بالطلاق (خليتو) ليك !!
كَب !
أنا أخوك أنتا !
مرجوعة يا زول
مرجوعة تب
وفي مسماها وحبلها
عبارة سودانية مفعمة بالمحبة والفنجرة
ولكنها لا تغني عن استحقاقاتها الشرعية والاخلاقية شيئا
الله يديم المودة
_______________
رب اشرح لي صدري
| |
|
|
|
|
|
|
|
|
|
Re: يا ملاسى على بالطلاق (المنبر) ده خليتو ليك !! (Re: هاشم الحسن)
|
قانون الأحوال الشخصية السواني لسنة 1991
حالات وقوع الطلاق.
129ـ يقع الطلاق:
(أ) باللفظ الصريح، أو الكتابة، وعند العجر عنهما، فبالاشارة المفهومة،
(ب) بالكتابة إذا نوى الزوج ايقاع الطلاق.
حالات عدم وقوع الطلاق.
المادة 130 - لا يقع الطلاق:
(أ) المعلق على فعل شئ، أو تركه، الا بالنية،
(ب) بالحنث فى يمين الطلاق، أو الحرام،
(ج) المقترن بالعدد لفظاً، أو كتابة، أو إشارة، الا طلقة واحدة رجعية.
| |
|
|
|
|
|
|
|
|
|
Re: يا ملاسى على بالطلاق (المنبر) ده خليتو ليك !! (Re: هاشم الحسن)
|
Quote: اسمع لي في قصص إنهم بينسخوا سيناريوهاتك في العتبة و انبسط!
____
بس عليك الله ما تنسى تلاحظ لقراء سيناريوهاتك في البورد في
الفترة الاخيرة بقوا كم .. و أحسن ليك ما تسمع كلام البيضحكك!! |
this is so mean
ya Malassi Jabra is one of the good writers and good people here.. why are you being so rude with him?
____
Jabra, i wish that you change your mind.
and i don't think it's fare to punish people who enjoy your writings to satisfy someone who donesn't.
please do your best to stay for us..
| |
|
|
|
|
|
|
|
|
|
Re: يا ملاسى على بالطلاق (المنبر) ده خليتو ليك !! (Re: Hussein Mallasi)
|
Quote: يا ياسر ما ممكن ياخي الكاتب – أي كاتب – يحتفي
بالإطراء و يطلق عند إبداء أي ملاحظة سلبية! |
في دي، صدقت شظاياك يا شيخ ملاسي أبوشظايتن نار... ولكن، وينا السلبية هنا؟؟
| Quote: – مجاني أو مستحق – |
في دي ـ لم تصدق يا شيخ ملاسي ـ كيف يكون مجانياً ما قد يمهر بدم كاتبه في حين تجاوز غير مقصود (للدستور)، أو ما يدفع فيه الغلابة حق فطورهم؟
ـــــــــــ
بالمناسبة:هل يغير الصحفيون في السودان على مضارب الصحفيين في السودان؟؟؟ و لماذا؟؟؟
ـــــــــــ
سنة يا صحافة بلدنا !!!
| |
|
|
|
|
|
|
|
|
|
Re: يا ملاسى على بالطلاق (المنبر) ده خليتو ليك !! (Re: إدريس البدري)
|
الأستاذ الفاتح جبرا
وجودك أهم كثيرا من وجود المدعو ملاسي
وصدقني لا وجود لشخص بعينه يدعى ملاسي وهو شخصيةوهمية تم تركيبها في مكتب جهاز الأمن بالمقرن، المكتب المخصص لمراقبة الشبكة والمواقع السودانية.
وأتمنى أن يكذب ملاسي هذه المعلومات وينشر صور شخصية مختلفة له شرطا تكون مع مع ناس من المنبر أو حتى من غير المنبر بدلا عن صورته الحالية.
| |
|
|
|
|
|
|
|
|
|
Re: يا ملاسى على بالطلاق (المنبر) ده خليتو ليك !! (Re: عاطف عبدالله)
|
..
.
بسم الله الرحمن الرحيم
يا عاطف مالك يا زول !!
السطرالاول قلنا دا كلام رمزى
السطر التانى جادى فيهو
الزول ما شفت ليهو صور خالص معانا
ياخى دا جارى وصحبي وفردتى كدا ( وضم الوسطى والسبابه معاً )
_________________________
عليك الله يا ملاسي ما دام بقيت امنجى
عايز لى تصديق تظليا وبطاقة امن ..
كرهونا بالمخالفات ناسكم ديل
| |
|
|
|
|
|
|
|
|
|
Re: يا ملاسى على بالطلاق (المنبر) ده خليتو ليك !! (Re: عاطف عبدالله)
|
Quote: وصدقني لا وجود لشخص بعينه يدعى ملاسي وهو شخصيةوهمية تم تركيبها في مكتب جهاز الأمن بالمقرن، المكتب المخصص لمراقبة الشبكة والمواقع السودانية.
وأتمنى أن يكذب ملاسي هذه المعلومات وينشر صور شخصية مختلفة له شرطا تكون مع مع ناس من المنبر أو حتى من غير المنبر بدلا عن صورته الحالية. |
موبالغة لاكين!
| |
|
|
|
|
|
|
|
|
|
Re: يا ملاسى على بالطلاق (المنبر) ده خليتو ليك !! (Re: ناذر محمد الخليفة)
|
Quote: أبوقوتة الجميل ....
لييييييييييييييييييييه الغلط يا بيه ؟؟؟؟؟؟؟؟!!!
ما عارف دي إشانة سمعة ليّّّّّ ولا للفاتح ؟؟؟
خاصة ونحن (موردة)!!!!!!!!!!!!! وبنلعب للهلال !!!! |
فاروق حامد محمد
انا آسف...ياخى انتو عندى زى النيلين الازرق والبيض والطوب والاسمنت
والفول والعدس وال q و u...
الفاتح جبرا
فاروق حامد
ابوبكر
الطيب شيقوق
بت طلحة...
كلكم ابناء دفعة ساهم فى دفع هذا البورد للامام..
كل ما اشوف احدكم اتذكر البقية
ليه الزعل ياناس..
يافاروق ود جبرا قول ل الفاتح حامد محمد
تعال راجع
البورد بدونك خراب..
زى الزراعة بدون سراب...
لا يواليها الشراب..
وتصبح ارضا جداب..
تعال املئ الجراب..
واكتب من اعلى الهضاب
الكل من يراك يهاب
ويحرق الفساد كاللهب...
صلى يارب عدد الشهب
على المصطفى النبى الارب
لابقوتة الناظم تزاح الحجب..
ويشكر الفاروق الذوق والادب..
| |
|
|
|
|
|
|
|
|
|
Re: يا ملاسى على بالطلاق (المنبر) ده خليتو ليك !! (Re: عبد المنعم سليمان)
|
| Quote: ومش (المنبر) ده يا ملاسى على بالطلاق (خليتو) ليك |
!
يا جبرا معقول تسيب البورد ده
كله علشان ملاسي انا خايف يكون فيه سبب تاني
و بعدين الناس ديل ما لهم في موضوع الحليفة دي
و الطلاق ... ما السودانيين ديل كلهم بحلفوا طلاق وما جادين
! كدي واحد يفسر لينا قوله تعالي
.....لا يؤاخذكم الله باللغو في ايمانكم...
و بعدين نفرض انه جبرا حلف و نحن اقنعناه و رجع البورد
الحاجة دي و الله اعلم عندها كفارة كما ذكر احد الاخوة اعلاه
الاخ عاطف عبدالله ...
و الله بالغت حسين ملاسي ده غير
صورنا الاتصورناها معاه الكتيرة هنا
بتلاقي و بنتكلم بالتلفون ....
و كمان من الصباح بنشتري الجرايد
من كشك و احد.... و تقول لس شخصية
و همية... كدي الواحد يتنفض كده يمكن
يكون هو ذاته وهمي....
اكان كده الناس الوهميين ديل كتار
ناذر
تبلدينا ... انا...
ولا كيف؟؟؟؟ غايته مداخلتك
دي اظرف مداخلة
| |
|
|
|
|
|
|
|
|
|
Re: يا ملاسى على بالطلاق (المنبر) ده خليتو ليك !! (Re: Waly Eldin Elfakey)
|
استنادا على مداخلة الأخ محمد عبدالمطلب أدناه:
وتحديدا المادة 130/ب
Quote: قانون الأحوال الشخصية السواني لسنة 1991
حالات وقوع الطلاق.
129ـ يقع الطلاق:
(أ) باللفظ الصريح، أو الكتابة، وعند العجر عنهما، فبالاشارة المفهومة،
(ب) بالكتابة إذا نوى الزوج ايقاع الطلاق.
حالات عدم وقوع الطلاق.
المادة 130 - لا يقع الطلاق:
(أ) المعلق على فعل شئ، أو تركه، الا بالنية،
(ب) بالحنث فى يمين الطلاق، أو الحرام،
(ج) المقترن بالعدد لفظاً، أو كتابة، أو إشارة، الا طلقة واحدة رجعية. |
لا يوجد أي مبرر لتوقفك عن الكتابة، .....
ويا جبرا يا أخوي انت عايز تتلح نظام دولة الأمازون، وعايزه يريحك.....!!!!
| |
|
|
|
|
|
|
|
|
|
Re: يا ملاسى على بالطلاق (المنبر) ده خليتو ليك !! (Re: الفاتح يوسف جبرا)
|
استاذي الفاتح جبرا,,, اذا كان هذا قرار نهائي غير قابل للتراجع رغم الاستجداءات ,, خينل نلاقيك في بورد تناي ,,لاننا لا نحصل باستمرار علي جريدة السوداني للتواصل معك ,, و اكيد الخلاك تحلف بالطلاق ده جاب ليك الضغط ,,لكن انت كدة اديتو الفي مرادو ,, و الله يديك الصحة و طولة البال
| |
|
|
|
|
|
|
|
|
|
Re: يا ملاسى على بالطلاق (المنبر) ده خليتو ليك !! (Re: الفاتح يوسف جبرا)
|
حبيبنا جبرا
بصراحة كدة العملتو ده ماكويس ..
زول قال رأى في مقالك تقوم تخلى ليهو الموقع ..؟
طيب لو زول تانى غير ملاسي رسل ليك رسالة بنفس الرأى في ايميلك حتقوم تخلي الجريدة ولا كيف ..؟
حبيبنا انت في وسط عام .. وانت سيد العارفين لمن الواحد يكون في وسط زى ده بيتصرف كيف تجاه الاراء
غايتو انا ماعارف وقوع الطلاق من عدمه في حالات زى دى
لكن على كل حال كان ممكن تعبر عن اختلاف رائك عن راى ملاسي بطريقة احسن من كدة ..
يا استاذنا والله بالغت عدييييييل ..
كدى لامن الاقيك
| |
|
|
|
|
|
|
|
|
|
Re: يا ملاسى على بالطلاق (المنبر) ده خليتو ليك !! (Re: WAD ELGAALI#4)
|
المسألة حلها بسيط يا أستاذ
يا أستاذ الفاتح، إليك أطيب تحياتي
الأخوان ناقشوك بما فيه الكفاية، وما عايز أكرر حججهم
ولكن عندي ليك حل بسيط. طالما إنت حلفت وما عايز تكسر حلفك، خليك من المنبر في الوقت الحالي.
إذا مقالاتك موجودة على السوداني بالشبكة، سأتطوع بنشرهاهنا، إذا لم يتطوع بنشرها أحد الأصدقاء من السودان حيث يسهل الحصول عليها ومتابعتها في وقتها. وخليك من ملاسي والمنبر مؤقتا حتى يهدأ البال. أرجو أن تبعث لي عنوان بريدك الإلكتروني على عنواني الموضح في البروفايل. مع خالص شكري وتقديري
ولنا عوودة
| |
|
|
|
|
|
|
|
|
|
Re: يا ملاسى على بالطلاق (المنبر) ده خليتو ليك !! (Re: WAD ELGAALI#4)
|
WAD ELGAALI
لم أقلل من إحترامي للأستاذ جبرا بكتابة رأيي هنالأكون غير محترمة !!
إن كان الإختلاف يعني لديك عدم الإحترام فهذا شأنك
من حقي أن أكتب اعتراضي على عنوان البوست
وهذا المكان قبل كل شيء منبر للحوار , من حق الجميع أن يبدوا آراءهم حتى ولو كانت ( للكبار )
طلما لا تتجاوز قوانين البورد أو حدود الإحترام
| |
|
|
|
|
|
|
|
|
|
Re: يا ملاسى على بالطلاق (المنبر) ده خليتو ليك !! (Re: الفاتح يوسف جبرا)
|
من هذا البوست أرجو من الباشمهندس بكرى أبوبكر
وليكن إقتراحا مني والإقتراح كالتالي :-
1- للعضو الحق فى فتح بوستين إثنين فقط في الشهر الواحد.
2- البوستات الخبرية ترسل إلي الإدارة لتنزل باسمها مع الإحتفاظ
لصاحبها بحق السبق الصحفي.
بهذا فقط تتنهي الهرجلة من شاكلة عضو واحد يفتح خمسة بوستات
في اليوم الواحد, كما أن البوستات الجيدة تجد مكانها في الصفحات
الأولي وأيضا يجد مدمني الكتابة (بطريقة أنظروا نحن هنا وبكثرة)
الفرص الجيدة والزمن للمداخلات وإثراء الحوار.
من يقتنع بوجهة نظرى ويمتلك كيبورد عربي أرجوه أن يفتح بوستا
بهذا المعني علي أن يكون العنوان واضح ويشي ما بالداخل.
| |
|
|
|
|
|
|
|
|
|
Re: يا ملاسى على بالطلاق (المنبر) ده خليتو ليك !! (Re: الفاتح يوسف جبرا)
|
أعزائى وأحبابى جميعاً (بمافيهم ملاسى)!!
لكم منى عاطر التحايا وأصدق الود :
أولا دعونى أقول لكم بأنى (ما عندى طلاق) والحاجه دى بيعرفوها ناس بسيطين فى (المنبر) أولهم مولانا (عادل سمير) !! ليه ؟؟ ممكن تسالو !! وهنا لابد من إبداء الشكر لكل من حاول أن يجد لى (مخرجا) وكذلك (اللوم) لبعض (بناتى) العزيزات اللواتى تبرعن وتفضلن بإلقاء (محاضرات) الإستهجان لفعل (الحليفه) لكونه – حسب إعتقادهن- ينتقص من قيمة (المرأة) عموما و(حرمنا المصون) بصورة خاصة وما درين أن (حرمنا المصون) محصنة ضد كل ما ينتقص من قيمة (المرأة) من طلاق و(تثنية وتثليث وتربيع) !! وأرجو منهن أن يجدن الشجاعة الكافية للوقوف أمام مسألة (التثنية والتثليث والتربيع) وإبداء رأيهن فيها ويخلو حليفتى دى (بى جنبه)!!!
أما حكاية البوست فلا يمكن لكل من يتدبر الأمر أن يعقل المسألة فهل يمكن لى (أو لأى عضو آخر) أن يترك المنبر لمجرد (رأى عضو – أو ملاحقة عضو) ؟ بالطبع لا يمكن إلا إنو الكلام يكون تحتو كلام !!
والكلام التحت الكلام هو إنى رأيت أن أضع حداً (لا أقول لسخف) ولكن (لعدم موضوعية) الأخ ملاسى ومحاولاته المتكررة عملية (الإغتيال المعنوى) التى يمارسها ضد (كتاباتى) وربما (كتابات آخرين) وأن أشهد علية أعضاء المنبر فى محاولة منى لتقويمة (ده لو ممكن يتوب) من (الحاجات دى) .. وبالفعل فقد أثمرت فكرتى وتصدى له معظم الأعضاء بالسيوف الصوارم !! وقعدوهو فى (علبو) !! وإن شاء الله يعى هذا الدرس لأنو لو ما خلى الحاجات دى يوم بيكتل ليهو زول ذى ما قال أحد المتداخلين .
تزامن موضوع بوست الحليفه ده مع إفتتاح موقعى على الشبكة العنكبوتية (على الطلاق مجرد تزامن) وهذا يجعلنى أتفرغ قليلا لرعاية الموقع وإدارته وهذا لا يمنع أننى سوف أكون متواجدا بين الحين والآخر ... ويا ملاسى لو عاوز تدخل الموقع مرحب بيك لكن بى (موضوعية) عشان ما أحلف تانى وأخليهو ليك !!!
أحبائى :
قلبى عامر بحبكم جميعا وحب هذا الوطن العظيم .. لم أتعود أن أحمل غلاً لأحد ... فلنختلف جميعا فى كيفية حبنا لهذه الأرض الطيبة ولكن فليكن الإختلاف بيننا (بشرف) .. يقول السيد المسيح عليه السلام :
ماذا يكسب الإنسان إذا ربح الدنيا وخسر نفسه
كسرة :
يا ملاسى حكاية البوست كانت (حركة) فى شكل (ورده) أعتذر لك إن أصابتك ببعض (الكدمات) التى كنت (أقصدها) !! وتانى أعمل حسابك عشان المرة الجايه ح تكون (ورده) فى شكل (حركه) بس ما (مسلحة) !!
كسرة أخيرة :
شكرا.. شكرا .. شكرا .. أحبابى جميعا
| |
|
|
|
|
|
|
|
|
|
Re: يا ملاسى على بالطلاق (المنبر) ده خليتو ليك !! (Re: الفاتح يوسف جبرا)
|
أحبائى :
قلبى عامر بحبكم جميعا وحب هذا الوطن العظيم .. لم أتعود أن أحمل غلاً لأحد ... فلنختلف جميعا فى كيفية حبنا لهذه الأرض الطيبة ولكن فليكن الإختلاف بيننا (بشرف) .. يقول السيد المسيح عليه السلام :
ماذا يكسب الإنسان إذا ربح الدنيا وخسر نفسه
it is a real pleasure to have you back
welcome
dr mustafa
| |
|
|
|
|
|
|
| |
الفاتح يوسف جبرا
أبو الحسين
Moneim Elhoweris
Hussein Mallasi
خضر حسين خليل
محمد مكى محمد
اساسي
Mohamed Abdelmotalib Hassan
هشام آدم
معتصم الطاهر
ALI KHAIR
Abdelmuhsin Said
فاروق حامد محمد
عبدالكريم الامين احمد
bayan
wadalzain
محمد الامين احمد
Raja
jini
waleed500
hatim
محمد عبدالقادر سبيل
تولوس
عوض حمزة
هاشم الحسن
Yassir Tayfour
abuguta
إدريس البدري
عاطف عبدالله
عبد المنعم سليمان
ناذر محمد الخليفة
nadus2000
تبارك شيخ الدين جبريل
Mustafa Mahmoud
Ali Alameen
abdulgafar mohd saeed
الطاهر ساتي
WAD ELGAALI#4
Atif Makkawi
بدر الدين الأمير
عادل فضل المولى
فيس بوك
تويتر
انستقرام
يوتيوب
بنتيريست