الشباب السوداني بالتنسيق مع القوى السياسية السودانية بولاية كولارادو يدعون لوقفة يوم الأحد ٤ ديسمبر
أرقام قياسية سودانية: مرشحة لموسوعة جينيس العالمية Guinness World Records!
التفكير الاستراتيجي و التفكير الآني - بين العصيان المدني و المقاطعة الجزئية آراء و مقارنات
بيان من نصرالدين المهدي نائب رئيس الجبهة الثورية بخصوص اعلان قوات الدعم السريع بطلب مجندين
سقف العصيان ، زوال النظام ..هكذا يقول فقه الثورات !
منتديات سودانيزاونلاين    تحديث الصفحة    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest [دخول]
اخر زيارك لك: 12-04-2016, 06:06 AM الصفحة الرئيسية

مكتبة الفاتح يوسف جبرا(الفاتح يوسف جبرا)
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »

ساخر سبيل : تقويم جديد !

11-09-2008, 07:15 AM

الفاتح يوسف جبرا
<aالفاتح يوسف جبرا
تاريخ التسجيل: 10-31-2006
مجموع المشاركات: 1617

للتواصل معنا

FaceBook
تويتر Twitter
YouTube

كيف احذف مداخلة من بوستى
ساخر سبيل : تقويم جديد !

    صحيفة الرأى العام
    عدد الأحد الموافق 9 نوفمبر 2008
    _____________________________________________________________________________________________


    نادى المسئول على (مدير مكتبه) فدخل اليه مسرعاً:
    - أى أوامر سعادتك؟
    - طبعاً فيه أوامر ...يعنى ناديتك ساااكت !
    - اؤمر سعادتك
    - أنا ملاحظ انو كل ما يجى (اكتوبر)الناس دى قاعده تتكلم وتكتب فى الجرايد وتعمل ندوات وكمان
    الشغلانية جابت ليها غناء وأناشيد و(إستادات) !
    - هو (أكتوبر) براهو سعادتك ما برضو لمن يجى (أبريل) بيحتفلو وآخر مقالات فى الجرايد والمجلات
    وآخر ندوات ولقاءآت وشنو ما بعرف داك !
    - أيواا ... يعنى الشعب يحتفل بى عيدين (أكتوبر وأبريل) ونحنا نحتفل بى (يونيو) بس؟ مش كده ؟
    - نعمل شنو سعادتك ! مافى حاجه نعملا
    - القال ليك منو مافى؟ أنا ناديتك هسه عشان نشوف الموضوع ده
    - نشوفو كيف سعادتك
    - أيواا أنا قررت إنو نشيل (أكتوبر وأبريل) ديل من شهور السنة ونخلى السنة عشرة شهور !
    - ده كلام شنو سعادتك ؟ الدنيا كووولها السنة فيها (إطناشر) شهر
    - أنحنا يا إبنى (كوم) وباقى دول العالم دى كووولها (كوم) نحنا لازم تكون حاجاتنا مختلفة ، مالو
    لو عملنا تقويم خاص بينا ؟ وإتخلصنا من الشهر الإسمو (إكتوبر) وكمان الشهر الإسمو (ابريل) ده !
    - لكن سعادتك كده نحنا ح نخالف (تقويم) العالم كلو
    - وأنحنا لمن (جرينا الوكت) ساعة لى وراء الحصل شنو؟ نحنا يابنى لازم يكون عندنا تقويمنا الخاص بينا
    ومفيش حد يفرض علينا التقويم بتاعو ... يابنى (من لا يملك تقويمو لا يملك قرارو) - مواصلا- كدى
    نادى ليا (مستشار شئون التقويم) حالاً !
    لم يمض وقت طويل حتى حضر سعادة المستشار لشئون(التقويم)الذى خاطب المسئول :
    - صباح الخير سعادتك
    - صباح النور .. (صلاح) مدير مكتبى ما كلمك؟
    - لا والله إن شاء الله خير ؟؟ عاوزين (تنقصو الساعة) تااانى؟؟
    - لا لا المرة دى عاوزين ننقص الشهور!
    - (فى إستغراب) : كيف يعنى !
    - عاوزين نشيل (أكتوبر وأبريل) ونشتغل بى (عشرة شهور) ! يعنى السنة تبقى عشرة شهور بس !
    - لكن سعادتك ده ما ممكن كده ح نخالف العالم !
    - ما ممكن ليه ؟ كل زول حر فى (تقويمو) ! إن شاء الله نعمل السنة (شهر واحد) والساعة (خمسين
    دقيقة) .. مش على كيفنا ! وإلا كمان دى فيها أمم متحدة ومجلس أمن ؟
    - طبعن سعادتك على كيفنا لكن بس (السنين) بتاعتنا بالنظام ده ح تمشى أسرع وح نفوت العالم !
    - النفوتو كان فوتناهو هو العالم ده أصلو ما نفوتو فى حاجه ..
    - لا ... لا سعادتك معليش لكن الكلام ده ما بجى كده
    - طيب إنت مستشار على شنو؟ ما تورينا الكلام البجى
    - (وهو يفكر) : سعادتك إنت عاوز تشيل (أكتوبر وأبريل) من شهور السنة صح؟
    - صح
    - ونحنا ما عاوزين المسألة دى تخلينا نتأثر بالتقويم العالمى كتير صح
    - صح
    - خلاص الأيام بتاعت (أكتوبر وأبريل) ديل نوزعا على باقى الشهور وبى كده تكون السنة بتاعتنا 365
    يوم قدر السنة الماشى بيها العالم كلو!

    تمت إجازة مشروع القرار القاضى بحذف (أكتوبر وأبريل) من شهور السنة وتوزيع أيامهما على بقية الشهور لتصبح بعض الشهور 36 يوما وبعضها 37 يوما ! وقد وجد القرار صدى واسع وتصدر نشرات الأخبار فى معظم القنوات الفضائية العالمية كما أصبح القرار محوراً للمناقشات والونسة فى (بيوت البكا) بدلاً عن (أخبار الكورة) و(الفساد) فهذا أحدهم يسأل فى دهشة :

    - معقولة بس الشهر 37 يوم؟ هو أنحنا مرتباتنا كنا بنصرفا أساسا يوم 37 هسه يعنى ح نصرفا متين؟
    - شنو يعنى المسألة ما واضحة ! يعنى عاوزه ليها يعنى (درس عصر؟) تانى تصرفوها معنى كده يوم 44 !

    بعد عدة أسابيع وبعد أن أثبتت التجربة فشلها الذريع قام المسئول بالإجتماع مع مستشار (شئون التقويم) :

    - شوف يا سعادة المستشار .. أنا شايف موضوع (العشرة شهور) فى السنة ده عمل (ربكة شديدة) للناس
    فعاوزك تغيرو ليا وتشوف لينا حل تانى
    - وأغيرو كيف؟
    - تخت لينا شهرين(يونيو) تاانى بدل الشهرين الشلناهم؟
    - (فى إندهاش) : يعنى السنة يكونو فيها 3 شهور (يونيو)؟
    - ومالو مش نحنا حرين نخت العاوزين نختو ونشيل العاوزين نشيلو؟
    - أكيد سعادتك دى طبعن ما فيها شك
    - خلاص يبقى يناير فبراير مارس ( يونيو) مايو (يونيو) يوليو أغسطس سبتمبر (يونيو) نوفمبر
    ديسمبر !
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

11-09-2008, 07:42 AM

Nasir Ahmed Elmustafa
<aNasir Ahmed Elmustafa
تاريخ التسجيل: 10-30-2007
مجموع المشاركات: 1865

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: ساخر سبيل : تقويم جديد ! (Re: الفاتح يوسف جبرا)

    ياجماعة المستشار دة ما بالغ عديل كدة الناس المولودة في يونيو ماخشو في ورطة!!!!!!!! يعني تلاتة اعياد ميلاد في السنة دة ما خراب بيوت عديييييل كدة!!!!!!
    والمشكلة الاكبر اللجنة العليا للاحتفالات باعياد الثورة ما حاتقدر تعمل تلاتة احتفالات في السنة وكمان يجي عليها احتفالات السلام نيفاشا + ابوجا بصراحة كدة دخلتونا في ورطة اما مواليد ابريل واكتوبر ربنا (ريحم) من اعياد الميلاد وقلة الحيا
    الله يجازي محنك يا استاذ جبرا
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

11-09-2008, 10:13 AM

محمد عمر الفكي
<aمحمد عمر الفكي
تاريخ التسجيل: 10-15-2006
مجموع المشاركات: 7305

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: ساخر سبيل : تقويم جديد ! (Re: Nasir Ahmed Elmustafa)

    انت يا جبرا اقعد بس واديهم في الافكار دي لمن يقوموا يطبقوها فينا جد جد، انا الايام دي بديت اشك انك دكتور "عبد المنتقم" ذاته
    تحياتي يا رايق
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

11-09-2008, 12:30 PM

ناهد بشير الطيب
<aناهد بشير الطيب
تاريخ التسجيل: 02-08-2008
مجموع المشاركات: 4179

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: ساخر سبيل : تقويم جديد ! (Re: محمد عمر الفكي)

    غايتو يااستاذ الفاتح لو ماكنت بينا (لاخترعناك) مباااااااااااااااااااااااااالغة
    طبعا ال10 شهور من صالحنا نحن المغتربين ديل معنى كدة جيتنا للسودان تانى حتكون عشرة شهوريا .....كدة
    زاتو زهجنا واهلنا زهجوا وناس الاعلام زهجوا من كلمة سنويا دى ......
    ________________________

    غايتوا الله يجازى محنك ......
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

11-09-2008, 02:40 PM

rosemen osman
<arosemen osman
تاريخ التسجيل: 06-06-2008
مجموع المشاركات: 2909

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: ساخر سبيل : تقويم جديد ! (Re: ناهد بشير الطيب)

    أستاذ الفاتح غايتو الجماعة ديل حيقيلوا عبد المنتقم ويعينوك مكانه

    أتوقع أتصالهم قريب كدة
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

11-09-2008, 12:38 PM

هاشم أحمد خلف الله
<aهاشم أحمد خلف الله
تاريخ التسجيل: 01-16-2007
مجموع المشاركات: 6441

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: ساخر سبيل : تقويم جديد ! (Re: الفاتح يوسف جبرا)

    معقولة بس يا أستاذ فاروق
    ياخي قطعت مصاريني بالضجك
    هي كان بقت على شهور السنة هينة كعب تمشي لاماكن تانية
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

11-09-2008, 02:08 PM

NEWSUDANI

تاريخ التسجيل: 10-10-2002
مجموع المشاركات: 1786

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: ساخر سبيل : تقويم جديد ! (Re: الفاتح يوسف جبرا)

    Typical المشير عمر البشير

    الله يديك العافية ياأستاذ الفاتح
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

11-09-2008, 02:22 PM

ASHRAF MUSTAFA
<aASHRAF MUSTAFA
تاريخ التسجيل: 08-04-2008
مجموع المشاركات: 11543

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: ساخر سبيل : تقويم جديد ! (Re: NEWSUDANI)

    استاذنا الكبير الفاتح جبرا

    لك مكانة خاصة في قلبي وربنا يديك الصحة والعافية ويجازي محنك

    دايما متابع سخرياتك واستفدت منها كثير

    كتر لينا من السخريات دي وكده يا راجل يا لزيز

    فتك بعافية

    اخوك دايما

    اشرف مصطفي
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

11-09-2008, 02:47 PM

ياسر عبدالكريم محمد
<aياسر عبدالكريم محمد
تاريخ التسجيل: 10-26-2008
مجموع المشاركات: 566

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: ساخر سبيل : تقويم جديد ! (Re: ASHRAF MUSTAFA)

    يا سلام يا استاز على افكارك النيرة
    الحمد لله عملوا يونيو 3 شهور
    لو كان عملوا رمضان 3 شهور
    كان الرماد كال السودان
    مرة اخرى تك التحية
    ياسر عبدالكريم
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

11-09-2008, 03:08 PM

Nasr
<aNasr
تاريخ التسجيل: 08-18-2003
مجموع المشاركات: 7747

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: ساخر سبيل : تقويم جديد ! (Re: الفاتح يوسف جبرا)

    مبالغة
    كالعادة
    وزي الناس الفوق الديل، خايفين تكون كادر سري وإسمك الحقيقي عبد المنتقم (ذاتو)
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

11-10-2008, 06:29 AM

الفاتح يوسف جبرا
<aالفاتح يوسف جبرا
تاريخ التسجيل: 10-31-2006
مجموع المشاركات: 1617

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: ساخر سبيل : تقويم جديد ! (Re: الفاتح يوسف جبرا)

    الأحباب (الناس الفوق) ديل كوووولكم ...
    شكرن ليكم كتير على مداومة القراءة لما أكتب ولولاكم (المقالات) دى كانت مشت الخوووور زمااانك .. شكرن شكرن وربنا يقدرنا نكتب ليكم ونكتب !
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

11-10-2008, 09:42 AM

عبدالكريم أحمد الامين
<aعبدالكريم أحمد الامين
تاريخ التسجيل: 08-04-2008
مجموع المشاركات: 6322

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: ساخر سبيل : تقويم جديد ! (Re: الفاتح يوسف جبرا)

    البروف ابو ناجي
    اها أديهم الإقتراح دا ,, مايخلو السنه سنة سجن (9شهور) ويشيلو ابريل ومايو واكتوبر ,, ويخلو بكده سنة السجن (6شهور) وطبعاً دا كلو في صالحهم وهم عارفين ونحنا عارفين..
    ** هاك التسميات الجديده :- يناير , فبراير, مارس , يونيو الاول , يونيو التاني , يونيو الثوره , يوليو , أغسطس , سبتمبر , يونيو الاخير , نوفمبر , ديسمبر..

    ** يا عبد المنتقم طلع لجبرا وأبو محمد حافز خاص وتذاكر سفر لماليزيا وأديهم مفتاح الفيلا بتاعتي هناك وكلم ناس السفاره عشان يستقبلوهم..
    (ابو محمد فؤاد - دبي)
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

[رد على الموضوع] صفحة 1 „‰ 1:   <<  1  >>

· دخول · ابحث · ملفك ·

اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia
فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de