|
|
|
 Re: حكاية بوست (حليفة الطلاق) (Re: الطيب شيقوق)
|
الأستاذالفاتح
سلامات
ياريت كانت الحكايه لحليفة الطلاق ..
معذرة .. دخولنا من شبابيك السيناريوهات واليوميات ..
وكتر خير أخوناkabaros اللى أفادنا بالويب سايت .. لأنوحايكون مرجع لكل كتاباتك ..
ومنو أو فيه اهتميت بالمعينات بتاعتك ..(سيجارة بدون برنجى ما كفاية) !
وهناأضيف ..
حكيت حكاية الجنن عبد القادر لصديق عنده مشكلةفهم وإفهام بعدما فقد ذاكرة وبدأ من تحت الصفر
ولأنو لسه عندو مشكلةلذيذة فى التواصل ولازم تديه دفره .. المهم اجتهدت كتير عشان تلفق معاه
الحكايه.. فى النهايه الظاهر أبت تلفق .. قام قال والله ده قرآن بس ..
لك مودتى وتحياتى ..
| |
 
|
|
|
|
|
|
|
|
Re: حكاية بوست (حليفة الطلاق) (Re: بشير دفع الله)
|
العزيز الغالي
الفاتح
التحية والمحبة والمودة الخالصة
والعودة الحميدة
انا لحدي هسي ما فاهم اي حاجة
لكن بحاول افهم
بعدين ياناس
صاحبي ملاسي مالو
ياهو السطر البقولو وبودور بيهو الناس ده ولا في حاجة تانية ؟؟
الفاتح جايك في الماسنجر عندي فكرة عايزة ليها قعدة مدنكلة
وحكاية لي برنامج لي شهر رمضان
مودتي
| |
|
|
|
|
|
|
|
|
|
Re: حكاية بوست (حليفة الطلاق) (Re: الفاتح يوسف جبرا)
|
عزيزناود شيقوق :
وين يا راجل يا (نقى) إنت؟ مشتاقووووون والله العظيم أقصد (على بلالطلاق) !!
الحبيب بشير دفع الله :
إن شاء الله يكون الويب سايت عجبك .. تحياتى ليك
الرائع دوما الأستاذ محمد السنى :سعدت جدا لمداخلتك ياخى أنا كست ليك جنس كواسة؟ أخبارك إنقطعت من الورقه الكنت بتحضر فيها (ديك) وأنا راجيك .. (ملاسى) ده كان باقى ليا فى روحى .. قلت أقرصو قرصة صغيرة كده فى أضانو وأفتح علهو (نيران) الحبايب عشان يرعوى شوية .. أنا منتظرك على المسنجر أو على الويب سايت .. تحياتى وحبى
عزيزنا عبدالعظيم عثمان :
التحايا والود :
الويب سايت فيهو كل الأعمال ..سيناريوهات ويوميات .. منتظر رائك فيهو
فاروق حامد:
وين يا حبيبنا إنت؟ أخبارك مقطوعة .. (الجماعة) وعدونا بى زيارة لكن ما جونا قول ليهم نخنا زعلانين ذى زعلتم ديك !! أما مسألة (المنشية) والله يا فاروق أنا مش قاعد فى العاصمة دى لحدت هسع أكون جيت مارى بالمنشية مرتين بالكتير .. يا فاروق يا خوى نحن بتوع منشيات وسيتى قاردنهات أنحنا بتوع أمبده بالسبيل وألقماير وأطلع برة !!!وبعدين إنت قايل الشيخ ذى زمان ؟ والله الشيخ ذاتو هسع عاوز اليفتى ليهو وبعدين ما كلموك ما أنا ما عندى طلاق وكده نحن ناس (عليها نحيا وعليها نموت) والتفاصيل عند (كلمبوظه) .. الغريب إنو ما دخل البوست ده ؟ عليك الله أترو لينا !!
كسرة :
أشوفك فى الويب سايت !!
| |
|
|
|
|
|
|
|
|
|
Re: حكاية بوست (حليفة الطلاق) (Re: الفاتح يوسف جبرا)
|
الود الكلبوظه ده كلنا مشتاقين ليه!!
شكله كده باختفاءه ده بيعمل في عمله سوده..اختفاءه مريب موش؟
وانا كمان مشتاقه ليك خالص..
كيف هي أحوال الصحه وتقاريرها؟
احب كتاباتك كثيرا يالفاتح..
فأنت تخبرنا عن نبض الآخرين وصحتهم..عن لون الغبار ورائحته..
تحدثنا عن أسباب الحزن في عيونهم..وعن المصاريف المافي والبنطلونات المصممه خصيصا للسودان..
سمعت منهم أنهم قاموا بتصميم بنطلونات بدون جيوب..ومنك عرفت الأسباب..
وأنت تحدثنا عن فواتير العلاج التي يقرأها المريض وأهله فيتمنون الموت السريع ستره ..وفي
النفوس انكسار حزين..
استمر يالفاتح في كتاباتك عن شوارع اكتظت بالحديد ومازالوا هم اهلنا المساكين عاجزين عن
توفير ثمن تذكرتها..
عن بهرجة شارع المطار ورقي منظره.. والقماير ومافيها..
| |
|
|
|
|
|
|
|
|
|
Re: حكاية بوست (حليفة الطلاق) (Re: الفاتح يوسف جبرا)
|
الجميلة منى :
- الله يخليكى ويخلى ليكى (آية) قولى آمين
- الواد (الكلبوظة) ده أمرو حيرنا .. عندو إختفاءآت مريبه كده ..
- الصحة ما بطالة والحمدلله الأيام دى (القلب) ما نسحرو شغال كويس وتقسيمتو هادية وعال
العال
- أنا يا منى ما خائف من البنطلونات البقت بدون جيوب أنا خائف بعد شوية بنطلونات
ذاتا تكون مافى !!
- لك حبى الدائم
كلام سامت :
يا عمر الحليفة ذاتا ما طلعت (كلام ساكت) !! ناس (ملاسى) قايلنى بخلى ليهم البورد ..وهم ما عارفين إنو أنحنا لو مسكنا فى حاجه بنكنكش فيها ومت بنخليها هم يعنى (الجماعة) ديل البراهم بعرفوا يكنكشوا والله نحنا كنكاشين جنس كنكشة .. !!
كسرة : يباركو ليك عديلك يا عمر .. وكان already عندك عديل قبل كده باركوهو ليك ما مشكلة مالو .. عدل تانى .. مثنى وثلاث ورباع .. أبشر بالخير يا عمر !!
العزيز تولوس :
إنت وين يا راجل ؟؟ أيه الغيبه الطويلة دى ؟؟ زمن ما قاعد أشوف ليك بوستات أو مداخلات فى الورد .. إن شاء الله خير؟؟
| |
|
|
|
|
|
|
|
|
|
Re: حكاية بوست (حليفة الطلاق) (Re: الفاتح يوسف جبرا)
|
| Quote: ورجاءً ياخي خصص لينا حلقة من حلقاتك لأشكال ملاسي ومن لف لفه |
يا خضر ياخوى ديل حلقة واحده ما بتكفيهم ديل عايزين ليهم (مسلسل) ذى (بيتون بليس)
عليك أمان الله تجى تفتح (علبة البرنجى) عشان تشيل (سيجارة) تخاف يطلع ليك واحد منهم !!
كسرة :
(تخاف) دى من (الإستغراب) ما من (الخوف) وكده !!
| |
|
|
|
|
|
|
|
|
|
Re: حكاية بوست (حليفة الطلاق) (Re: الفاتح يوسف جبرا)
|
| Quote: أنا حاجز الدفرة الجاية |
بمناسبة حجزك للدفرة الجاية دى عندنا يا أشرف واحد جارناإسمو عم (السر) .. وكت كنا صغار عربيتو(هيلمان) كركعوبه وبتقوم دفرة ... كل صباح الحلة تقوم كلها تلزها ليهو وكان لمن الناس تبدأ فى عملية اللز يقول ليهم كلمة مشهورة :
- خليكم يا جماعه بالجنبات
عارف يا اشرف ليه ؟ أنا أقول ليك أصلو عربية عمنا (السر) دى لمن تدور ما معروفا تمشى وراء وإلا قدام !!!
| |
|
|
|
|
|
|
|
|
|
Re: حكاية بوست (حليفة الطلاق) (Re: الطيب شيقوق)
|
سيناريوهات (حليفة الطلاق)
اموكاشي...رجل في الخمسينات من عمره...عادة ما يسرح شعره لموجات...لتلعب بها الريح ذات اليمن وذات الشمال...تاركة اثرا لا تخطئئه العين أم عدسات لنظارته السوداء...في زمان ما عادت فيه العين المجردة بتوكل عيش...ولا تستطيع ان تنظم حبل شراع المركب...
فالعيون...في هذا الزمان قد انهكها البحث عن طرق سالكة للهروب...من الدمعات والدمغات...والدوشكات
والدرايب...والبحث فقط في كوم رماد للقمة عيش...ما فيها سجم رماد...
(اها يلا واصل)
| |
|
|
|
|
|
|
|
|
 Re: حكاية بوست (حليفة الطلاق) (Re: الفاتح يوسف جبرا)
|
الزميل الفاتح !!!
عودا حميدا ,,,
نورت البلد ,, أقصد المنبر ,, حضورك الجميل يزيدنا ألقا,,,
| |
|
|
|
|
|
|
| |
الفاتح يوسف جبرا
Ashraf el-Halabi
عبد المنعم سليمان
الطيب شيقوق
بشير دفع الله
محمد سنى دفع الله
عبدالعظيم عثمان
فاروق حامد محمد
Muna Khugali
تولوس
Moneim Elhoweris
خضر حسين خليل
نيازي عبدالله مرحوم احمد
رأفت ميلاد
عواطف ادريس اسماعيل
المسافر
فيس بوك
تويتر
انستقرام
يوتيوب
بنتيريست