دعواتكم لزميلنا المفكر د.الباقر العفيف بالشفاء العاجل
|
|
 القلب الملئ بحبكم !
|
بفضل الله وبفضل دعواتكم وإبتهالاتكم عدت فى الرابعة فجر اليوم إلى أرض الوطن الذى ما أن نبارحة حتى تملأ نفوسنا لواعج الشوق وأحزان الفراق … عدت وعاد القلب الملئ بحبكم ينبض بإيقاع جديد … كل الكلمات لا تكفى للتعبير عما يجيش بصدرى تجاه كل فرد منكم ….. نعم كل الكلمات لا تكفى للتعبير عما غمرتمونى به من حب وعطف وإهتمام .. جعل الله كل ذلك فى ميزان حسناتكم وحفظكم الله جميعا من كل مكروه وأدام عليكم نعمة الصحة والعافية ..
|
|
 
|
|
|
|
|
|
|
|
Re: القلب الملئ بحبكم ! (Re: الفاتح يوسف جبرا)
|
حمدلله... بسلامة صاحب الفكرة والموسوعة الثقافية الثرة
الانسان الشفيف المنفى فى جسد السخرية.....
السخرية التى تتدلى من كف الالوان المختلفة.....
كن بخير فى الوطن..وتكون العودة.....
فالعودة ذاكرة فى جسد الغربة
| |
|
|
|
|
|
|
|
|
|
Re: القلب الملئ بحبكم ! (Re: ناهد بشير الطيب)
|
سعداء جدا بي عودتك استاذ جبرا
هي عودة للروح.. وللمداد من غربة الرتابة
حمدا لله على السلامة
ويبدو ان القلب الكبير انفق كثيرا من المشاعر
مثلما عهدناه متدفقا تجاه الجميع..
وحا اكون انتهازي ... ممكن يا هندسة
الى جميع قراء جبرا نقول ان الرجل سيستانف الكتابة عبر
عموده (ساخر سبيل) فى صحيفة الراي العام اعتبارا من بعدغدالاربعاء
عشان بس الناس تطمئن على هذا القلم السيال والقلب المليان
طيبة ووفاء................
كسرة:
جبرا كان عيان ناهد بشير دي كانت وين
سائلين منك يا بت العم تحياتي
| |
|
|
|
|
|
|
|
|
|
Re: القلب الملئ بحبكم ! (Re: محمد عبد القادر)
|
استاذ جبرا
طبعا ازدادت قناعتي بانني غير سعيد اليوم
حينما وجدت اثارك على مكتبي
ولم اكن موجودا ...
نقعد كيف نحنا مع الطيارات البتتوقع زي الطير دي
المهم بدل ما نصلك وصلتنا
وهذا ما يميزك عنا
عموما شكرا على الحضور وناسف للغياب
| |
|
|
|
|
|
|
|
|
|
Re: القلب الملئ بحبكم ! (Re: محمد عبد القادر)
|
كسرة:
جبرا كان عيان ناهد بشير دي كانت وين
سائلين منك يا بت العم تحياتي
اهلا ود عمى الصحفى محمدعبد القادر....
انت بتجرى لمكان الطيارة ماوقعت...وتلقط الاخبار... وانا بى جاى
استطلاعات مع اهالى الضحايا ....ويجى الاستاذ جبرا
يطلع كلامنا ده كله فاشوش ....ويقول ليك الصحفيين ديل بقوا(اصحاف تجارى)
ومابعرفوا شنو داك ....ويعملنا موضوع لعدد الاربعاء....الله يستر
شكرا على السؤال ...وسلامى لكل الاهل بيغادى...
| |
|
|
|
|
|
|
|
|
|
Re: القلب الملئ بحبكم ! (Re: ناهد بشير الطيب)
|
ناهد بشير
سعيد جدا بي طلتك
Quote: انت بتجرى لمكان الطيارة ماوقعت...وتلقط الاخبار...
وانا بى جاى استطلاعات مع اهالى الضحايا . |
شفتي الشلهتة دي
ديل ضحايا مرة واحدة لكن نحنا طوالي ضحايا
ربنا يهون
طبعا جبرا دة فى حالة بحث دائم عن سيناريوهات
انا خايفو العدد الجايي يكتب
شنو كدة سال منها وقال لها اين انت يا ابنة عمي
وقالت لها ويعملنا موضوع على قولك
تحياتي
| |
|
|
|
|
|
|
|
|
|
Re: القلب الملئ بحبكم ! (Re: الفاتح يوسف جبرا)
|
السلام عليكم
يا لفرحة ملايين السودانيين بعودتك سالماً
معافى
انت من ظللت ترسم دوماً البسمة على شفاههم
في هذا الزمن المكفهر
عفواً استاذنا السني
فقد (لفحت)
زهورك الظريفة
لأعطر بها تهنئتي للرجل الظريف
...........
وما الناس إلا هالك وأبن هالك *** وذو نسب في الهالكين عريق
| |
|
|
|
|
|
|
|
|
|
Re: القلب الملئ بحبكم ! (Re: الفاتح يوسف جبرا)
|
الأحباب الأعزاء
حقيقى والله ما قادر أعبر عما بداخلى وأنتم تمنحونى هذا الفيض من المشاعر الصادقه النبيلة .. ربنا ما يجيب يوم شكركم وربنا يديم نعمته عليكم .. ووالله مع إنو الزول عامل فيها (كاتب) وشنو ما بعرف داك لكن كلامكم ده خلاهو فاقد كل أدوات التعبير ... حبى الصادق وتحياتى !
| |
|
|
|
|
|
|
|
|
|
Re: القلب الملئ بحبكم ! (Re: الفاتح يوسف جبرا)
|
الأحباء الأعزاء
شكراً على هذه المشاعر الجميلة ... ألف شكر .. وصلت تماما
كسرة : يا تولوس يا خوى ياهو الخروف بتاع مولانا عادل ذاااتو (الجارى) فرملت اليد لحدت ما عمك نفسو قام !!
| |
|
|
|
|
|
|
|
|
|
Re: القلب الملئ بحبكم ! (Re: الفاتح يوسف جبرا)
|
الغاليه سهام المجمر : الله يسلمك ويديك العافية يا رب .. ما قلنا ليهم دخلونا (القصر) مستشارين لشئون (التنفيس) عملو نايمين هسه الواحد كان عمل العمليه دى فى (ألمانيا) وعمل ليهو إستجمام فى (جزر المالديف) !
العزيزة عواطف إدريس: والله مشتاقين ياعواطف ياحنينة .. الله يسلمك ويحفظك ويديك العافية
الرائع : عصام أبوعكر .. الله يسلمك يا عصام ويسلم كل خريجى المدرسة الوطن (المؤتمر الثانويه أم درمان) .. وشكراً على البوست الفى (بوست المؤتمر) وبالمناسبه يا عصام أنا لحدت هسه ما لاقى ليا زول من دفعتنا .. بالله لو لقيت ليك زول كلمنى .. تحياتى وحبى
الحبيب ناذر : الله يسلمك يا أبوالنيز ويديك العافية وما تلخمنى ساااكت انا طالبك صحن مرارة ما ناسى !!
أستاذنا القدير والموسيقار الفذ الموصلى .. مرورك أسعدنى جدا .. بمثلك تزدهى قلوبنا المعتلة .. تحياتى يا راجل يا مبدع وإن شاء الله ما تشوف شر
| |
|
|
|
|
|
|
|
|
|
Re: القلب الملئ بحبكم ! (Re: الفاتح يوسف جبرا)
|
اســـتاذنا الكبير العزيز/ الفاتح
كنا منتظرين ومنتظرين . . فجأة العداد حرق . . وبعدها الكمبيوتر جاتو (زايدة ) واتعملت ليهو عملية . .
لما الأمور ( ظبطت ) . . ودخلت الحوش . . لقيت خروف عادل في خبر كان . . والشية خلصت . .
الف . . الف . . حمداً لله على سلامتك ياالفاتح . .
عبد الرحيم حامد
| |
|
|
|
|
|
|
| |
الفاتح يوسف جبرا
Hussein Mallasi
محمد عبد الماجد الصايم
محمد فضل الله المكى
ابراهيم قناوي
معتصم محمد صالح
Abdelmuhsin Said
ismeil abbas
baha eassa
Omer Abdalla
محمد سنى دفع الله
بكرى ابوبكر
عمرو كمال ابراهيم
Muna Khugali
shiry
الطيب شيقوق
Adel Sameer Tawfiq
النذير الطاهر عثمان
العوض المسلمي
ناهد بشير الطيب
محمد عبد القادر
Mohamed Yassin Khalifa
الفاتح خليل الفكي
بكري الخير
الزوول
Alsa7afa_30
محمد المرتضى حامد
Azzam Taha
أبو عبيدة البصاص
تولوس
emad altaib
Siham Elmugammar
عواطف ادريس اسماعيل
عصام ابوعكر
ناذر محمد الخليفة
Elmosley
Abdelraheem Hamed
الزاكى عبد الحميد
Nasruddin Al Basheer
فيس بوك
تويتر
انستقرام
يوتيوب
بنتيريست