الشباب السوداني بالتنسيق مع القوى السياسية السودانية بولاية كولارادو يدعون لوقفة يوم الأحد ٤ ديسمبر
أرقام قياسية سودانية: مرشحة لموسوعة جينيس العالمية Guinness World Records!
التفكير الاستراتيجي و التفكير الآني - بين العصيان المدني و المقاطعة الجزئية آراء و مقارنات
الوقفة الاحتجاجية الكبرى بفلادلفيا لدعم العصيان المدنى فى السودان
سقف العصيان ، زوال النظام ..هكذا يقول فقه الثورات !
منتديات سودانيزاونلاين    تحديث الصفحة    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest [دخول]
اخر زيارك لك: 12-03-2016, 11:47 PM الصفحة الرئيسية

مكتبة الفاتح يوسف جبرا(الفاتح يوسف جبرا)
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »

(ســـيناريوهات) :أبواب الدفع المقدم

02-23-2007, 04:50 AM

الفاتح يوسف جبرا
<aالفاتح يوسف جبرا
تاريخ التسجيل: 10-31-2006
مجموع المشاركات: 1617

للتواصل معنا

FaceBook
تويتر Twitter
YouTube

كيف احذف مداخلة من بوستى
(ســـيناريوهات) :أبواب الدفع المقدم

    العدد الأسبوعى لصحيفة السودانى
    الجمعة الموافق 23 فبرائر 2007م


    قام السيد المدير العام للهيئة القومية للجبايات بالدعوة لإجتماع طارئ وهام لمعاونيه وأركان حربه ومستشاريه وذلك لمناقشة الوضع المالى المتردى الذى آلت إليه الهيئة كما جاء فى دعوته المشار إليها وقد قام السيد المدير بإبتدار المدعويين للإجتماع قائلا:
    - يا جماعة طبعاً إنتو عارفين إنى ما قاعد أجتمع بيكم إلا فى (الشديد القوى) والليلة أنا أجتمعت بيكم لأنو فى موضوع هام وخطير عاوز أناقشوا معاكم وعاوزين نشوف ليهو حل
    - إن شاء الله خير يا ريس .. أنحنا جاهزين
    - أنا عاوز أقول ليكم إنو آخر مراجعة داخليه عملناها أثبتت ووضحت إنو (الهيئة) دى خسرانه – مواصلاً- أيوه الهيئة القومية للجبايات (خسرااانه) !!!
    -( أحد المجتمعين مقاطعاً) معقوله يا ريس؟؟ الخسارة دى تجى كيف ؟؟ هو أنحنا قاعديين ندفع حاجة من جيبنا ؟؟ ما كلو من جيب (الشعب) !!
    - (فى صرامة) : كيف ما قاعدين نطلع حاجة من جيبنا؟؟ الموظفين القاعدين يمشوا يلمو (الجبايات) ديل والعربات الراكبنها والبنزين الماشه بيهو العربات دى .. دى كلها ما قروش؟؟
    - (أحدهم) : كدى يا ريس أشرح لينا المسألة براحة براحة عشان نفهم !!
    - دى عاوزه ليها شرح ؟؟ كل يوم من صباح الرحمن الهيئة دى قاعده تجهز ليها 42324 بوكسى هايلوكس بى (سواقو) وتملاهو (بنزين) ويركبو فيهو (تلاته) موظفين وعسكرى (بى سلاحو) ومعاهو (50) طبلة عشان يمشو يجيبو لينا (التحصيل) إبتداء من (ستات الشاى) والناس الفارشين ساكت) مروراً (بالمحلات) والمطاعم والمغالق والصيدليات والكافتيريات إنتهاء بالمصانع وآخر اليوم يجونا فاضيين .. الشايل ليهو (قدرة فول) والشايل ليهو (ميزان) والشايل ليهو (منقد) – مواصلاً- عليكم الله فى خسارة أكتر من دى؟؟
    - لكن يا سعادتك تفتكر السبب شنو؟؟
    - السبب إنو التجار والناس ديل مما يشوفو (البوكس) بتاع الهيئة يقوموا يقفلوا (المحلات) بتاعتم و(يزوغوا) – مواصلا- أها أقول ليكم حاجة (الشهر) ده نحنا مواهى ما عندنا عشان ما قدرنا نتحصل قروش!!!
    - طيب يا ريس هسع المطلوب مننا شنو؟؟ يعنى عاوزنا نعمل شنو ؟؟
    - المطلوب إنو نحنا لازم نشوف لينا طريقه (مبتكرة) وفعالة نجبر بيها ونخلى بيها (الناس) دى تدفع وتبطل (الزوغان) عشان أمور الهيئة دى تمشى
    - وأنت يا سعادتك بتفتكر الحل شنو؟؟
    - هو كان أنا بفتكر حاجه كان ناديتكم ؟؟
    تنحنح مستشار المدير العام لشئون الإبتكار وقام بطلب التحدث :
    - والله يا ريس فعلاً الموضوع ده خطير وأنحنا لازم نشوف لينا (آلية) فعالة لجمع (الجبايات) دى وأنا بقترح إنو عشان ما نطول الزمن فى الموضوع ده حقو نستفيد من تجارب (الدول) فى الحته دى – مواصلاً- يعنى هسع دوله ذى (الصين) تعدادها 800 مليار و تلتمية مليون (نسمة) عندهم فى (بكين) براها سته مليون (سعد قشرة) وعشرين مليون (سوق ليبيا) وأربعتاشر مليون (ملجه) وتلتين مليون (ست شاى) – مواصلاً- أها ديل قاعدين يشيلو منهم (الجبايات) كيف؟؟؟ ما أكيد بيكون فى (نظام) وآلية (معينه ومبتكرة) وما (بتخرش الميه) !!
    - يعنى عاوزنا نعمل شنو ؟؟ نجيب خبراء ؟؟
    - خبراء شنو يا ريس النجيبهم ؟؟ نحنا نمشى ذاتنا نشوف (التجربه الصينية) دى على الطبيعة
    - والله كلامك برضو يا سعادة المستشار كويس أصلو ما تقول لينا (أربعة شهور) ما سافرنا بره !!!

    التجربه الصينية :
    فى سرعة (البرق) تم إستخراج (تأشيرات الخروج والدخول) وقطع (التذاكر) لأعضاء الوفد المسافر والبالغ عددهم (120) شخصاً والذى يترأسة السيد المدير العام للهيئة القومية للجبايات شخصياً وقد قامت (كاميرا الأخبار) بالتلفزيون من خلال فريق (تغطية الأخبار) بعقد لقاء سريع فى (صاله كبار الزوار) مع السيد ريئس الوفد المغادر قبل ركوبهم للطائرة أفاد فيه بأنهم ذاهبون إلى مهمة يحسب أن فيها خيراً كثيرا (للمواطنين) – على حد تعبيره – وبسؤال السيد ريئس الوفد عن العدد الكبير لأعضاء الوفد أفاد بأن الوفد يضم فى عضويته مختلف التخصصات مثل أعضاء مستشاريه الهيئة لشئون (المطاعم) وأعضاء من مستشاريه الهيئة لشئون (المغالق) وأعضاء من مستشاريه الهيئة لشئون (ستات الشاى) وأعضاء من مستشاريه الهيئة لشئون (ود عمارى) إلى آخر التخصصات المختلفة .
    وجد الوفد ترحيبا حاراً ن المسئولين الصينيين لما يربط البلدين من علاقات صداقة قديمه ومن علاقات أقتصادية وقد قام قام السيد المدير العام للهيئة القومية للجبايات بعقد مؤتمر صحافى فور وصوله (بكين) أوضح فيه الهدف الاساسى من الزيارة ألا وهو الإستفادة من الخبرات (الصينية) فى مجال تحصيل الجبايات والأتاوات وبعد نهاية المؤتمر تم فتح باب الأسئلة حيث قام أحد الصحفيين الصينيين بطرح سؤال على السيد المدير العام للهيئة القومية للجبايات كانت ترجمته كالآتى :
    - المعروف أنكن أصبحتم دولة نفطية وأن شركاتنا تقوم بإستخراج النفط لكم ؟ لماذا تأخذون إذن كل هذا العدد الهائل من الجبايات من المواطنين ؟؟ وأين تذهب أموال هذا النفط؟؟
    لم يضع السيد المدير العام للهيئة القومية للجبايات حسبانا لهذه السؤال لكنه بعد أن (إتنحنح) و(إرتبك) وما عرف اليقولو رد قائلاً :
    - والله يا جماعة قروش (البترول) القاعدين تطلعو لينا فيهو ده حافظنها (للشعب) لليوم الأسود و(الجبايات) دى قاعدين (نأكلو منها) و(نشربو منها) ونعمل ليهو باقى الخدمات من علاج وتعليم وطرق وكهرباء وموية وخلافه ... بس هو شعب (غبيان) وما عارف مصلحتو قاعد يقوم يتزاوغ من (الجبايات) دى قايلا قاعده تدخل علينا !!
    لم يفق (الريس) من سؤال الصحفى عن (عائدات البترول) حتى فاجأه صحفى آخر بسؤال لا يقل (خطورة) وقد جاء السؤال بعد ترجمته كالآتى :
    - نحنا فى دولة الصين هنا نعرف حاجة واحده بيدفعا (المواطن) إسمها ضريبة يعنى TAX فهل كلمة (جباية) هى ضريبه أم شيئاً آخر ؟؟
    - (بعد أن صلح نضارتو وإبتسم إبتسامه ماكرة) : الضريبه يعنى الـ TAX دى عندنا بالحيل لكن يا جماعة لأنو نحنا دوله (نايم) ذى ما إنتو عارفين لقينا إنها براها ما بتعمل حاجة قمنا عملنا رسوم والرسوم دى المواطنين بسموها (جبايات) وهى ما كتيرة يعنى ذى كم وتسعين كده !!
    بعد أن إنتهى (المؤتمر الصحفى) ولدهشة (الريس) أعلن أعضاء الوفد الصينى إنابه عن الشعب الصينى تضامنهم التام مع شقيقهم الشعب السودانى ورفض المسؤولون الصينيون إبدأء أى تعاون فى مجال (تحصيل الجباية) وفى
    وقد أوضحوا للوفد فى دبلوماسية بأنهم ليست لديهم أى خبرات فى هذا المجال وفى المطار والوفد يغادر عائداً قام أحد السودانيين المقيمين فى الصين والذين كانو فى وداع الوفد بالهمس فى أذن ريئس الوفد قائلاً :
    - إنتو الجابكم هنا شنو؟؟ ما كان تمشوا (جمهورية جبايستان) القريبه من هنا دى .. والله ديل أساتذه فى مسأله (الجبايات) دى !!
    فى جمهورية جباياستان :
    حطت الطائرة فى مطار (جمهورية جباياستان) بعد أن تم إخطار المسؤولين بقدوم الوفد والذى ما أن نزل أفراده من سلم الطائرة حتى وجدوا شخصاً وامامه تربيزه عليها (ختم) ودفاتر (إيصالات) و(ميزان) .
    حاول أعضاء الوفد تخطى ذلك الشخص والدخول إلى صالة المطار غير أن (شرطياً) قام بإعادتهم قائلاً لهم ما معناهو :
    - أيها الساده عليكم أولا دفع (رسوم) القدوم (الوزنيه) ... ثم شرح لهم نفس الشخص أنه يتوجب على كل قادم أن يقوم بالوقوف على الميزان إذ أن هذا النوع من الرسوم يؤخذ عن طريق وزن (القادم) حيث يتم حساب (الكيلو جرام) بدولار واحد فقط .. وبدأ أعضاء الوفد فى عملية الوزن والدفع .. وقف أحد أعضاء الوفد (منبهرا) من بنوعية (الجباية) يقول وهو يهتز طرباً :
    - آآى ده الشغل ده الشغل
    بينما رد عليه زميله الذى يقف عن يمينه فى إستياء :
    - شغل شنو عليك الله خلينا (الوزن) ده ح ينفض جيوبنا
    - جيوبكم ما تتنفض كلن إتنفضت إنتو بس (تاكلو ساااكت) وناسين (السفر)
    بعد أن قام جميع أعضاء الوفد بدفع رسوم القدوم (الوزنية) والتى سجلت بعض أرقامها حالات ترقى لوضعها ضمن مجموعة (جينيس) كان عليهم الدخول إلى صالة (الجمارك) عبر باب خشبى وقف خلفه أحد الموظفين وهو يحمل (دفتر إيصالات) وقلم .. الباب طوله حوالى المترين محفور على جنبتيه الوحدات (الطولية) بالبوصة وعلى عارضته مكتوب : (رسوم القدوم الطولية) ... كان على كل قادم من أفراد الوفد الدخول عبر هذا الباب والتوقف لدفع رسوم القدوم (الطولية) والتى تحتسب عن طريق قياس طول (القادم) بحساب (البوصة) بدولار واحد فقط !! الشئ الذى جعل ريئس الوفد يقول لنائبه فى نشوة :
    - شوف بالله الحاجات دى فايته علينا كيف والله لمن نرجع (المسافرين) جاهم بلا؟!!!
    مع المسؤولين فى جبايستان :
    قام الوفد بعقد لقاء فورى مع مسؤولى الهيئة العامة للجباية بجمهورية جبايستان والذين قاموا بتقديم الإعتذار لأعضاء الوفد لما لحق بهم من دفع رسوم وجبايات تجاوز عددها الخمسة وعشرين فقط منذ أن حطت بهم الطائرة وحتى وصولهم إلى أرض المؤتمرات حيث قال ريئس الوفد معتذراً :
    - معليش يا جماعة نحنا هنا فى جمهورية جبايستان ما عندنا فى موضوع الجبايات دى يا (يمة أرحمينى) يعنى لا بنعرف (ضيف) وإلا (مواطن) والا (سائح) عشان كده اعذرونا
    - نعذر ليكم شنو يا سعادتك ؟؟ والله ده الجابنا ليكم ذاتو !!
    - (فى إندهاش) : يعنى كده إنتو مبسوطين وكده؟
    - مبسوطين دى شنو؟؟ أنحنا فى قمة الإنبساط .. أحنا ح نطلع منكم بى تجارب (بت كلب) لكن الحقيقة بس أنحنا عندنا مشكلة بسيطه كده جيناكم عشان تساعدونا فى حلها لأنها غلبتنا تب
    قام ريئس الوفد بسرد المشكلة التى من أجلها قاموا بزيارة جبايستان والتى تنحصر فى صعوبة تحصيل الجبايات المختلفة من (التجار) وأصحاب المحلات و(ستات الشاى) نسبة لعمليات (الزوغان) المدروسة التى يقومون بها الشئ الذى قام برفع تكلفة (الكشات) مما جعل عمل الهيئة (بالخسارة) .. كان مدير (هيئة الجباية بجمهورية جبايستان) يبتسم وهو يستمع إلى (مشكلة الوفد) حتى إذا ما إنتهى ريئس الوفد من طرح المشكله خاطبه قائلاً :
    - إنتو ما سمعتو بى حاجه إسمها (أبواب الدفع المقدم) ؟
    - لا والله أنحنا بنعرف الدفع المقدم للموية .. والدفع المقدم للكهرباء .. يعنى الجمرة الخبيثه لكن أبواب الدفع المقدم دى يطرشنا ما سمعنا بيها .. –مواصلا- أها دى كيفنها ؟؟
    - طيب أنا أشرح ليكم نظريتا بى بساطه ... ثم مخاطبا ريئس الوفد :
    - إنت هسع عندكم كان ما عندك رصيد جمرة كهرباء النور بولع ؟؟
    - طبعا لا
    - وأكان ما عندك رصيد جمرة مويه .. الموية بتكب ؟؟
    - طبعا لا
    - أها الأبواب دى كان ما عندك رصيد (جباية) ما بتفتح !!!
    - الله لا كسبكم ؟؟... ودى عملتوها كيف ؟؟
    - نفس النظرية .. مما الجمرة تكمل الباب القفل بتاعو ينسد (إليكترونيا) وتانى كان ما مشيت إشتريت (جباية) شمشون ما يفتحو ليك!!!
    - والأبواب دى بتعملوها هنا ؟؟
    - ايوه ولو عاوزين أى كميات منها ممكن نصنعا ليكم ونرسل ليكم مهندسين يركبوها ليكم
    - كيفن ما عاوزين عليك أمان الله أنحنا مشكلتنا إتحلت تب
    عاد الوفد إلى البلاد وعلى عكس أعضاء الوفود التى تغادر لم يحضر أى من أعضاء الوفد معه أى هدية ولم يقم بشراء أى شئ من أسواق (جمهورية جبايستان) لأنو وببساطه قد قام جميع أفراد الوفد بدفع جميع ما معهم من مصروفات (النثرية والإقامة) فى شكل جبايات متعدده الأشكال والانواع .
    - أها يا ريس (المشكلة إتحلت) لكن الأبواب دى نجيبا كيف؟؟ نعمل ليها عطاء فى الصحف؟؟
    - أبواب شنو البنعمل ليها عطاءآت كمان؟؟ متين الحكومة دى شفتها بتعمل عطاءآت ؟؟
    - كيف يعنى؟؟
    - شنو الكيف يعنى ؟؟ هسع (اليخت الرئاسى) ده تمنو 4 مليون دولار عملو ليهو عطاء وجابوهو فى (الجرايد) وإلا بس (أبوابنا) دى النعمل ليها عطاء ؟؟
    - تقصد شنو يا ريس ؟؟
    - أقصد إنو (الأبواب) دى نعمل ليها (شركة) .. نجيبا نحنا ونشتغل الشغل ده كلو نحنا .. .. نفتح الإعتمادات ونستورد الأبواب ونجيب المهندسين ونركب الأبواب ونشيل تمنا من المواطنين والربح يدخل لينا نحنا !!! يعنى لو الباب كلفنا بى تركيبو ميتين دولار نبيعو للمواكن بى (خمسمية) !!

    وجاءت الأبواب :
    تفاجأ المواطنون بتحذير فى حجم صفحة كاملة من (الهيئة العامة للجبايات) تحذر فيه أصحاب المحلات التجارية جميعها من (بقالات) وصيدليات ومغالق ومحلات إتصالات ومطاعم وكافتيريات وتركيب عطور وتوابل وأحذية وخلافه ومصانع ومؤسسات واعمال من ضرورة تركيب (أبواب الدفع المقدم) فى ظرف أسبوع من تاريخ الإنذار وكل من لن يلتزم بذلك فسوف يكون عرضة لقفل المحل وتشميعه بالشمع الأحمر .
    وفى سبيل تبصير المواطنين بطريقه عمل أبواب الدفع المقدم والفوائد التى سوف يجنيها المواطن صاحب العمل من ذلك تم عمل لقاءآت تنويرية إذاعية وتلفزيونية وعلى صفحات الصحف السيارة
    - شوف يا مواطن العملية بسيطه جداً وبتوفر ليكا كتير من الوقت الرايح فى المساسقه وأمشى وتعال ومرات شايلين (الميزان) بتاع الدكان ومرات شايلين (التلاجه) ومرات ما عارف شايلين شنو؟؟ إنت تركب الباب والباب ده موصل بى شاشة عداد يعنى ( جمره خبيثة) أها قول الجبايات المفروض تدفعا فى السنه كلها من رسوم رخصة تجارية وأرباح أعمال ورسوم عرض خارجى ورسوم لافته مضيئة ورسوم دفاع مدنى ورسوم خدمات أمنية وعوائد وباقى (الجبايات) دى كلها قول طلعت ليك مثلاً تلاته مليون وستمية وخمسين ألف جنيه لمن تقسما على عدد أيام السنه الـ 365 ح تلاقى إنك مفروض تدفع فى اليوم عشرة تالاف جنيه يعنى لمن يكون رصيدك فى (جمرة الباب) عشرة تالاف جنيه معناها رصيدك ده بمشيك 24 ساعة بس تقدر تفتح وتقفل فيهم على كيفك لكن بعد الأربعه وعشرين ساعه دى ما تنتهى باب المحل تانى ما بفتح ليكا إلا بعد ما تملأ ليك جمرة تانى بى أقل شئ عشرة تالاف عشان تفتح يوم واحد بس وكان داير تملأ أكتر على كيفك !!! أها بعد كده نحنا وفرنا (كشاتنا) وبكاسينا وموظفينا وعساكرنا و(طبلنا) علينا نشوفكم إنتو بتعملو شنو؟؟ وعاوزين نقول ليكم ما تعملو (شواطين) وتقوموا ما تقفلوا الأبواب بالليل للنهاية عشان تانى يوم تفتحو (ملح) ساكت (الأبواب) لأنو دى مراقبة بى (شبكه كمبيوتر لاسلكية) وفى (كنترول) عليها وأى تلاعب بيظهر لينا وعواقبو وخيمه وطوالى ح نحول (الزول) المخالف لى (نيابة) أبواب الدفع المقدم .. يعنى بالعربى كده تانى زوغان مافى !! ح تدفعو يعنى ح تدفعو !!
    خوفاً من العقوبات والتهديدات التى وردت فى التحذير تدافع الجميع على شراء وتركيب أبواب (الدفع المقدم) ذات الشكل الموحد وفى ذات الوقت فقد قامت الهيئة القومية للجبايات بإفتتاح نقاط بيع فى كافة الأسواق وأماكن التجمعات
    الطاهر سيد الدكان :
    بالأمس حملت (جك الفول) لشراء العشاء للأولاد وإتجهت لدكان (الطاهر) الذى وجدته يجلس أمام دكانه المغلق وهو يمسك بورقة وقلم وأمامه عدد من الزباين وما أن رآنى حتى بادرنى :
    - عاوز شنو يا أستاذ ؟
    - فول بى ألف جنيه وزيت سمسم بى ألف وكيس عيش وعلبه سجائر ( والطاهر يقوم بكتابه إحتياجاتى على الورقه)
    - طيب ديل يا أستاذ خمسة تالاف
    بعد أن قمت بإعطاء الطاهر (الخمسة آلاف) قام بجمع (قروش الزبائن الواقفين) التى كان يمسك بها ثم نده على إبنه قائلاً :
    - قوم يا ولد أجرى جيب ليك (جمرة باب مقدم) بى خمستاشر ألف بى سرعه خلينا نفتح نمشى الزبائن ديل !!!
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

02-23-2007, 04:59 AM

Abdelmuhsin Said
<aAbdelmuhsin Said
تاريخ التسجيل: 10-10-2006
مجموع المشاركات: 2678

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: (ســـيناريوهات) :أبواب الدفع المقدم (Re: الفاتح يوسف جبرا)

    سلامات سيد جبرا

    (عدل بواسطة Abdelmuhsin Said on 02-23-2007, 06:44 AM)

                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

02-23-2007, 08:03 AM

الفاتح يوسف جبرا
<aالفاتح يوسف جبرا
تاريخ التسجيل: 10-31-2006
مجموع المشاركات: 1617

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: (ســـيناريوهات) :أبواب الدفع المقدم (Re: الفاتح يوسف جبرا)

    عزيزى عبدالمحسن
    التحايا والود
    الحمدلله الصحة شوية بقت أحسن وشكراً على المرور والسؤال ..
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

02-23-2007, 10:42 AM

Adel Sameer Tawfiq
<aAdel Sameer Tawfiq
تاريخ التسجيل: 10-05-2006
مجموع المشاركات: 1074

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: (ســـيناريوهات) :أبواب الدفع المقدم (Re: الفاتح يوسف جبرا)

    حمد الله على سلامتك أبو ناجي..
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

02-23-2007, 11:55 AM

Moneim Elhoweris

تاريخ التسجيل: 06-29-2006
مجموع المشاركات: 424

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: (ســـيناريوهات) :أبواب الدفع المقدم (Re: Adel Sameer Tawfiq)


    سلام يا الفاتح
    انت عارف اناعندى قناعة راسخة انو كتاباتك الكثيرة والجميلة عن الجبايات هى اللى خلت العديد من القراء ملاحظة كيف صارت هذه الجبايات كسياسة رسمية للدوله. تؤخذ من الفقراء والمساكين ويعفى منها الواصلين.
    واظن قرار مدير الشرطه الاخير (رغم الاراء حول اسبابه وموضوع قومية الشرطه او اقليميتها) ما كان ليصدر لولا سناريوهاتك وكتابات اخرين واضراب التجار.
    اكتب دائما ولا عدمناك اخى.
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

02-23-2007, 12:02 PM

الفاتح يوسف جبرا
<aالفاتح يوسف جبرا
تاريخ التسجيل: 10-31-2006
مجموع المشاركات: 1617

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: (ســـيناريوهات) :أبواب الدفع المقدم (Re: الفاتح يوسف جبرا)

    عزيزى عبدالمنعم
    تحياتى
    إن تغيير المنكر له آليات عده أضعفها هو ما نفعله من كتابات نرجو آملين أن تسلط الضؤ فيخجل من فى وجوههم قطرة ماء فيخافو الله فى هذا الشعب الطيب المسكين !!! تحياتى ليك يا منعم وألف شكر
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

02-23-2007, 12:54 PM

Moneim Elhoweris

تاريخ التسجيل: 06-29-2006
مجموع المشاركات: 424

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: (ســـيناريوهات) :أبواب الدفع المقدم (Re: الفاتح يوسف جبرا)


    اخى الفاتح
    القول ما قلت اخى. هذا هو اضعف الايمان بارك الله فيك.
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

02-23-2007, 01:16 PM

محمد الامين احمد
<aمحمد الامين احمد
تاريخ التسجيل: 08-28-2004
مجموع المشاركات: 5097

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: (ســـيناريوهات) :أبواب الدفع المقدم (Re: الفاتح يوسف جبرا)

    تحية طيبة للجميع

    سيناريو غريب عجيب، و يا استاذ الفاتح الحمدالله انك فى صف الشعب !

    تخيل اسه لو كنت مسؤول و الفكرة دى جاتك و طبقت ! الخوف بعد ده

    الجماعة يلفحوها و يعملوها !!! ما بعيدة عليهم .


    و بالمناسبة دى فكرة قريبة ليها حتطبق فى امارة دبى - دولة الامارات

    و يقال ان اساس الفكرة سنغافورة ، و حكومة دبى حتطبق الفكرة كحل لمشكلة

    الزحام الخانق الذى تعانى منه الامارة. يعنى عشان تمشى بالعربية فى الشارع

    لازم تدفع ، و مقدما كمان







    Quote: أعلنت هيئة الطرق والمواصلات عن توفير بطاقات الاشتراك الخاصة بعبور بوابات المرحلة الأولى من نظام التعرفة المرورية الالكترونية في دبي بقيمة 100 درهم بداية مايو المقبل. وقالت المهندسة ميثاء بن عدي المدير التنفيذي لمؤسسة المرور والطرق في الهيئة: ان البطاقات عبارة عن ملصقات ممغنطة يتم وضعها على الواجهة الأمامية لزجاج المركبة وتخول صاحبها عبور البوابات المحددة على جسر القرهود وشارع الشيخ زايد دون الحاجة إلى التوقف لدفع قيمة التعرفة يدوياً.


    وتستوفي بموجبه البوابات الالكترونية رسما مقداره 4 دراهم من مالك المركبة التي تستخدم شبكة الطرق في الإمارة وتجتاز أيا من بوابات التعرفة المرورية في الاتجاه الواحد سواء كانت مسجلة في الإمارة أم لم تكن. وسيتم توفير البطاقات الممغنطة في محطات البترول ومراكز ترخيص المركبات والتسوق بالإضافة إلى الموقع الالكتروني ،وعن طريق الطلب والتوصيل وذلك قبل إطلاق المشروع مطلع يوليو المقبل بحيث ستكون متوفرة باشتراكات سنوية وربع سنوية وشهرية ولمرة واحدة وتتميز بخاصية إمكانية تعبئتها في أي وقت عن طريق خدمة «SMS».



    للمزيد راجع موقع الصحيفة ادناه


    صحيفة البيان الاماراتية
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

02-23-2007, 02:25 PM

الفاتح يوسف جبرا
<aالفاتح يوسف جبرا
تاريخ التسجيل: 10-31-2006
مجموع المشاركات: 1617

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: (ســـيناريوهات) :أبواب الدفع المقدم (Re: الفاتح يوسف جبرا)

    يا محمد الأمين يا خوى نحنا عارفين جماعتنا ديل ياكلو مال النبى ذاتو أها ناس دبى ديل مالهم فلسوا ولا شنو !!!! تحياتى وتشكراتى على المتابعه والمرور
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

02-23-2007, 03:11 PM

Hussein Mallasi
<aHussein Mallasi
تاريخ التسجيل: 09-28-2003
مجموع المشاركات: 26185

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: (ســـيناريوهات) :أبواب الدفع المقدم (Re: الفاتح يوسف جبرا)

    اسه تلقاك متكيف من الإطراء الفوق دا يا جبرا .. صاح؟!

    ____
    حمد الله على السلامة.
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

02-23-2007, 03:16 PM

ناذر محمد الخليفة
<aناذر محمد الخليفة
تاريخ التسجيل: 01-28-2005
مجموع المشاركات: 28866

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: (ســـيناريوهات) :أبواب الدفع المقدم (Re: الفاتح يوسف جبرا)

    Quote: حمد الله على سلامتك أبو ناجي..
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

02-23-2007, 04:16 PM

AmroKamal
<aAmroKamal
تاريخ التسجيل: 11-21-2006
مجموع المشاركات: 795

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: (ســـيناريوهات) :أبواب الدفع المقدم (Re: ناذر محمد الخليفة)

    ************
    وأى تلاعب بيظهر لينا وعواقبو وخيمه وطوالى ح نحول (الزول) المخالف لى (نيابة) أبواب الدفع المقدم
    ************


    أستاذ جبرا

    تحياتى

    سؤال فنى ... وكده :-



    الأبواب دى فيها تحويل رصيد ؟؟؟؟؟؟؟؟؟؟؟
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

02-23-2007, 06:52 PM

الفاتح يوسف جبرا
<aالفاتح يوسف جبرا
تاريخ التسجيل: 10-31-2006
مجموع المشاركات: 1617

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: (ســـيناريوهات) :أبواب الدفع المقدم (Re: الفاتح يوسف جبرا)

    Quote: اسه تلقاك متكيف من الإطراء الفوق دا يا جبرا .. صاح؟!


    إنت يا ملاسى كييفى خليهو إن شاء الله تكون إنت (إتكيفت) بعد ما المره دى (قصرناهو) ليك !!

    كسرة :
    شكرا على حمدلتكم على سلامتنا ألف شكر !!

    (عدل بواسطة الفاتح يوسف جبرا on 02-23-2007, 07:04 PM)

                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

02-23-2007, 06:56 PM

الفاتح يوسف جبرا
<aالفاتح يوسف جبرا
تاريخ التسجيل: 10-31-2006
مجموع المشاركات: 1617

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: (ســـيناريوهات) :أبواب الدفع المقدم (Re: الفاتح يوسف جبرا)

    بالله يا أبوالنيذ بطل (الكوتيشنات) دى عاوزين (نسمعك) لأنو مشتاقين ليك كتير .. تحياتى وما تقول نسينا (صحن المرارة) !!
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

02-23-2007, 07:01 PM

الفاتح يوسف جبرا
<aالفاتح يوسف جبرا
تاريخ التسجيل: 10-31-2006
مجموع المشاركات: 1617

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: (ســـيناريوهات) :أبواب الدفع المقدم (Re: الفاتح يوسف جبرا)

    Quote: الأبواب دى فيها تحويل رصيد ؟؟؟؟؟؟؟؟؟؟؟


    عمرو إذيك وإن شاء الله إنت كويس ؟؟ حكاية تحويل الرصيد دى ما عارفا لكن البعرفو إنو الأبواب دى فيها مسكول يعنى الواحد يعمل لى سيد الدكان مسكول للباب بتاعو كان سيد الدكان ما رد عليهو معناها يكون قافل وممكن الزول يمر فى الخالة دى بالشارع بتاع الدكان بإطمئنان عشان ما يسألو :
    - عملت لينا شنو فى باقى الحساب !!!
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

02-25-2007, 09:37 AM

مازن عادل عبدالغني
<aمازن عادل عبدالغني
تاريخ التسجيل: 01-14-2007
مجموع المشاركات: 494

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: (ســـيناريوهات) :أبواب الدفع المقدم (Re: الفاتح يوسف جبرا)

    عزيزي / الفاتح يوسف جبرا
    ....كفارة وسلامتك والف وزير(اتحادي-ولائي)من الحكومة كرامتك....
    Quote: - إنتو الجابكم هنا شنو؟؟ ما كان تمشوا (جمهورية جبايستان) القريبه من هنا دى .. والله ديل أساتذه فى مسأله (الجبايات) دى !!

    - نحنا ذاتنا يا استاذ الفاتح بقينا دولة رائدة...قال ليك الوزير الفلسطيني يشيد بقوات الاحتياطي المركزي ودورها في حفظ الامن ...والراجل طبعا خبير في شؤون (القمع والكضبن والصهينة)...والدوويلات (تصغير دولة)..بقت تجي تستفيد من تجاربنا...

    كسرة : نحنا بانتظار (زيجات) الدفع المقدم

    لك الياسمين وللساقطين الرماد
    مازن عادل
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

02-25-2007, 01:26 PM

نيازي عبدالله مرحوم احمد
<aنيازي عبدالله مرحوم احمد
تاريخ التسجيل: 08-25-2006
مجموع المشاركات: 1006

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: (ســـيناريوهات) :أبواب الدفع المقدم (Re: مازن عادل عبدالغني)

    مليون سلام وتحية ليك يا استاذ الفاتح
    والقصة والله شديدة شدة الحرامي السرق كاس العالم عبر اجتياز بوابة سرية بس ما بتاعة دفع مقدم
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

02-26-2007, 08:29 AM

إسماعيل حميم
<aإسماعيل حميم
تاريخ التسجيل: 07-19-2005
مجموع المشاركات: 2213

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: (ســـيناريوهات) :أبواب الدفع المقدم (Re: نيازي عبدالله مرحوم احمد)



    عم الفاتح

    ســلامات

    مشـتاقين والله

    إنت الغائب

    ولا

    أنــا

    برغم عدم المتابعة

    حمداً لله على السـلامة

    إن شـاء الله خير

    مودتي


    إسماعيل حميم

                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

02-26-2007, 02:45 PM

الفاتح يوسف جبرا
<aالفاتح يوسف جبرا
تاريخ التسجيل: 10-31-2006
مجموع المشاركات: 1617

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: (ســـيناريوهات) :أبواب الدفع المقدم (Re: الفاتح يوسف جبرا)

    Quote: كفارة وسلامتك والف وزير(اتحادي-ولائي)من الحكومة كرامتك....




    إذيك يا مازن زإن شاء الله تكون كويس ... بينى وبينك بينفعوا يكونوا (كرامة) عشان (مدعلبين) و(معلوفين) كويس !!!

    تحياتى وما تقطع أخبارك
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

02-26-2007, 02:53 PM

الفاتح يوسف جبرا
<aالفاتح يوسف جبرا
تاريخ التسجيل: 10-31-2006
مجموع المشاركات: 1617

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: (ســـيناريوهات) :أبواب الدفع المقدم (Re: الفاتح يوسف جبرا)

    Quote: مليون سلام وتحية ليك يا استاذ الفاتح


    مليونين سلام ليك يا نيازى وربنا يقدرنا ننال رضاكم دائماً .. تحياتى
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

02-26-2007, 02:56 PM

الفاتح يوسف جبرا
<aالفاتح يوسف جبرا
تاريخ التسجيل: 10-31-2006
مجموع المشاركات: 1617

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: (ســـيناريوهات) :أبواب الدفع المقدم (Re: الفاتح يوسف جبرا)

    Quote: إنت الغائب

    ولا

    أنــا


    إذيك يا حميم ؟ وإذاى الأسرة الكريمة ؟؟ والله السؤال بتاعك ده صعب بالحيل ,اظن إجابتو إنو كلنا (غايبين) وإلا شنو؟؟ تحياتى
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

02-26-2007, 03:13 PM

عبدالأله زمراوي
<aعبدالأله زمراوي
تاريخ التسجيل: 05-22-2003
مجموع المشاركات: 658

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: (ســـيناريوهات) :أبواب الدفع المقدم (Re: الفاتح يوسف جبرا)

    الأستاذ الفاتح جبرا

    أتابع كتاباتك الهادفة منذ وقت ليس بالقصير.. أنها كتابات جديدة علينا نحن السودانيون، على الأقل بهذا العنفوان.

    وابان زيارتي للسودان، رجوت الأخ الطاهر ساتي ان يأخذني اليك لأشد من يدك مهنئا ومبديا أعجابي الفائق لما يخطه يراعك الثاقب...

    فهنيئا للوطن بالفاتح جبرا الذى جبر كسورنا بالكلمة الباسمة الساخرة!

    تخريمة:
    معليهش اخوك أعجمي فأرجو ان تغض الطرف عن الأخطاء النحوية خاصة المذكر والمؤنث قاتلهما الله.. يجهجهوا الواحد لذلك تجدني مجهجا كلما كتبت بالعربية!

    معلومة:
    لا توجد أندنا مؤنث او مذكر الكل سواسية كأسنان المشط!
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

[رد على الموضوع] صفحة 1 „‰ 1:   <<  1  >>

· دخول · ابحث · ملفك ·

اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia
فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de