ناسف الموقع مغلق للصيانة مؤقتا
منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest [دخول]
اخر زيارك لك: 10-24-2017, 00:44 AM الصفحة الرئيسية

مكتبة مطر قادم محمد(مطر قادم)
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »

محمد ود حنينه قصيدة للدوش

07-15-2005, 01:25 PM

مطر قادم
<aمطر قادم
تاريخ التسجيل: 01-08-2005
مجموع المشاركات: 3876

للتواصل معنا

FaceBook
تويتر Twitter
YouTube


محمد ود حنينه قصيدة للدوش

    دقت الدلوكه
    قلنا الدنيا مازالت بخير
    اهو ناس تعرس وتنبسط
    تككت سروالى الطويل
    سويتلو رقعات فى الوسط
    فى خشمى عضيت القميص
    اجرى وازبد شوق وانط
    لامن وصلت الحفله زاحمت الخلق
    وركزت
    شان البنت سعاد
    اصلى عارف جنها فى زول بيركزوينستر
    لكنى عارف انها
    لوكل زول فى الحله بالستره انجلد
    يانى الازاها وجنها
    برضى عارف اظنها
    تحت تحت بتحبنى
    ديمه فى صرة وشها
    يلفحنى شوق نافر لبد
    وركزت للحرقه المشت فوق الضلوع
    تحت الجلد
    ضميت قزازتى مرقت عن طرف البلد
    وسكرت جد
    وانا جائى راجع منتهى لاقتنى هى
    قالت (تعال
    كبرت كراعى من الفرح
    نص فى الارض نص فى النعال
    اتلخبط الشوق بالزعل
    اتحاوروا الخوف والكلام
    ه_يى ياسعاد
    على ود سكينه وكلتى فى خشموا الرماد
    على ودسكينه ومات اسى
    وانا بت بلاك ملعون ابوى لو كنت ارضى اعرسها
    وانا ياسعاد وكتين تصبى سحابه تنزلى زى دعاش
    بفرش على روحى واجيك
    زولا هلك تعبان وطاش
    وانا ياسعاد وكتين اشوفك ببقى زول
    فرشولوا فرش الموت وعاش
    قالت سعاد بطل كلام الجرسه انجض ياولد
    مزقت روحى نتف نتف
    مرقت من جيب القميص
    تمباك وحب
    عرقى واسف
    طبيت قزازتى وصلت لى طرف البلد
    وسكرت جد
    اذنت فى الشوق والسلم
    وسرحت بالناس والغنم
    وركعت للعرقى البكر
    ورقدت فى الالم الحكر
    وحلمت زى شالنى ومشى
    فوق زحمة نبى الله الخضر
    صحانى صوت العمده قال مسؤل كبير زائر البلد
    قال لينا
    وكت الزول يجى لازم تقيفوا صفوف صفوف
    وتهيجو الخلا بالكفوف
    وتقولوا عاش يحيا البطل
    صلحت طاقيتى الحرير
    واتنحنح الحشا بالكلام
    ورميتو من حلقلى الوصل
    قت ليه ياعمده اختشى
    مسؤل كبير فى الدنيا غير الله انعدم
    ماشفنا زول رضع صغار
    ماشفنا زول نجح بهم
    ما شفنا زول لملم رمم
    لاصحينا عاجبنا الصباح
    لانمنا غطانا العشم
    والحله من كل الجهات محروسه
    بالخوف والوهم
    ومضينا من زمن قديم_ياعمده_مرسوم انتحار
    الموت مباح
    والحب نطاح
    والصدق من جنس الزنا
    العافيه مولودة سفاح
    والرغبه مكسورة جناح
    الحلم والوعد النبيل
    الطفله والام النخيل
    الرنه فى الوتر الاصيل
    تلقاها فى قاموس نكاح
    يايمه واح ياحله واح
    ياسعاد تعالى ولمى من كل البيوت
    عدة السفر الطويل
    زخرفى الكفن الجميل
    شخبطى الفجر النهار
    اربطى الضحى والاصيل
    المغرب
    الفجر
    النجوم
    فى صرة وارميها البحر
    خلينا فوق الشك نعوم
    والعمدة فاض
    العمده صار مليون عمد
    العمده فيل
    جبلا تقيل
    لبوه واسد
    حسنه وغضب
    جمعه واحد
    بقيت قزازتى
    مرقت عن طرف البلد
    وسكرت جد
    وانا جايى راجع اجهجهو
    لاقانى هو
    سايق العساكر والكلاب
    رامى بين عينى وعينو
    كلب وتكشيره وحراب
    ضاقت نعالى من الزعل
    من تحتها اتململ تراب
    الغيم سكب ضلو ومشى
    والدنيا غيما سراب سراب

    والحله زى بلدا بعيد
    زود بعادوا قرب سعاد
    اتجمعت كل البيوت فى راحتا
    زى بت لعاب
    مجنونه تصرخ فى الزوال
    ممزوجه فى الدم واللعاب
    عينى ضاقت نظرتها
    والجوف يطقطق بالكلام
    قبال يقولوا لى سلام
    اتلموا حولى بلا نظام
    شال وعمه
    توب وغمه
    فاس وطوريه وحزام
    شالونى بكل احترام
    ورمونى فى قعر السجن
    حصلنى قبل اليوم يتم
    جارنا المدرس ود خدوم
    قال لى لازول قام هتف
    لاكف مشت بتلاقى كف
    والعمده زى همبول وقف
    ياصمت اف
    يادنيا تف
    وانا ياسعاد للشوق نغم
    للهم علف

                   |Articles |News |مقالات |بيانات

07-15-2005, 03:57 PM

Sabri Elshareef

تاريخ التسجيل: 12-30-2004
مجموع المشاركات: 21072

للتواصل معنا

FaceBook
تويتر Twitter
YouTube


Re: محمد ود حنينه قصيدة للدوش (Re: مطر قادم)

    رحم الله الدوش شكرا مطر مطر
                   |Articles |News |مقالات |بيانات

07-16-2005, 12:12 PM

مطر قادم
<aمطر قادم
تاريخ التسجيل: 01-08-2005
مجموع المشاركات: 3876

للتواصل معنا

FaceBook
تويتر Twitter
YouTube


Re: محمد ود حنينه قصيدة للدوش (Re: Sabri Elshareef)

    *
                   |Articles |News |مقالات |بيانات

07-20-2005, 03:13 PM

امل فاروق محمد

تاريخ التسجيل: 03-08-2005
مجموع المشاركات: 100

للتواصل معنا

FaceBook
تويتر Twitter
YouTube


Re: محمد ود حنينه قصيدة للدوش (Re: مطر قادم)

    الاخ مطر
    قصيدة جميلة جدا,للشاعر الغنائى الكبير الدوش
    Quote: الحلم والوعد النبيل
    الطفله والام النخيل
    الرنه فى الوتر الاصيل

    شكرا وتحياتى. فوق
                   |Articles |News |مقالات |بيانات

07-16-2005, 10:07 AM

مطر قادم
<aمطر قادم
تاريخ التسجيل: 01-08-2005
مجموع المشاركات: 3876

للتواصل معنا

FaceBook
تويتر Twitter
YouTube


Re: محمد ود حنينه قصيدة للدوش (Re: مطر قادم)

    الاخ صبرى
    كل التحايا
    شكرا جزيلا واقدم اليك هذا المقطع من القصيدة
    Quote: الرنه فى الوتر الاصيل
                   |Articles |News |مقالات |بيانات

07-17-2005, 10:43 AM

MOHAMED ABDALLA SHERIEF


للتواصل معنا

FaceBook
تويتر Twitter
YouTube


Re: محمد ود حنينه قصيدة للدوش (Re: مطر قادم)

    up
                   |Articles |News |مقالات |بيانات

07-17-2005, 12:57 PM

مطر قادم
<aمطر قادم
تاريخ التسجيل: 01-08-2005
مجموع المشاركات: 3876

للتواصل معنا

FaceBook
تويتر Twitter
YouTube


Re: محمد ود حنينه قصيدة للدوش (Re: MOHAMED ABDALLA SHERIEF)

    Quote: الغيم سكب ضلو ومشى
    والدنيا غيما سراب سراب

    ياسلام على حلتكم التى كان يسكنها وبظرافته يقارن بين بودابست وامبده بست
    وتمشى معاى وتروحى
    تمشى معاى وسط روحى
    ولا البلقاه بيعرفنى
    ولا بعرف معاك روحى
    رحم الله شاعرنا الكبير الدوش.باكثر مما اعطى وقدم.
                   |Articles |News |مقالات |بيانات

07-24-2005, 11:05 AM

مطر قادم
<aمطر قادم
تاريخ التسجيل: 01-08-2005
مجموع المشاركات: 3876

للتواصل معنا

FaceBook
تويتر Twitter
YouTube


Re: محمد ود حنينه قصيدة للدوش (Re: مطر قادم)

    *
                   |Articles |News |مقالات |بيانات

07-17-2005, 09:06 PM

MOHAMED ABDALLA SHERIEF


للتواصل معنا

FaceBook
تويتر Twitter
YouTube


Re: محمد ود حنينه قصيدة للدوش (Re: مطر قادم)

    العزبز مطر
    تحيات وانت تموسق هذه المساحة برائعة المقيم الاستاذ الدوش ولكانى الان فى نهار تلك الجمعة الماطرة سنة 1998 فى حضرة صاحبةالجمال والنضال
    الاستاذه سعاد ابراهيم احمد والدوش يرفع حاجبيه رامقا سعاد الحاضرة نصا خارج النص وباصرا سعاد داخل النص ( وانا يا سعاد للشوق نغم * للهم علف)
    بعد ايام( كان الموت مباح والحب نطاح )
    والصدق من جنس الزنا * والعافية مولودة سفاح * والرغبة مكسورة جناح * فياسعاد تعالى ولمى من كل البيوت عدة السفرالطويل*( زخرفى الكفن الجميل * شخبطى الفجرالنهار) .
    مزيدا من ليل المغنين يامطر ثمة اشياء قبل رحيل الدوش كنت حاضرا حينها سارويها لاحقا و ان كره مثقفاتية الانقاذ
                   |Articles |News |مقالات |بيانات

07-18-2005, 02:31 AM

Bushra Elfadil
<aBushra Elfadil
تاريخ التسجيل: 06-05-2002
مجموع المشاركات: 5247

للتواصل معنا

FaceBook
تويتر Twitter
YouTube


Re: محمد ود حنينه قصيدة للدوش (Re: MOHAMED ABDALLA SHERIEF)


    الاخ ابوذر الماطر تحياتي
    شكراً لإيراد قصيدة الدوش وقد طال عهدي بها ففد قراها الشاعر الكبير علينا حين كنا طلبة بآداب جامعة الخرطوم .
    انظر للحركتين الرئيسيتين في القصيدة حركة الحب التي نجد نصها الصاعد هنا:
    كبرت كراعي من الفرح
    نص في الارض نص في النعال
    وحركة البغض التي نجد نصها الصاعد هنا:
    ضاقت نعالي من الزعل
    من تحتها اتململ تراب
    في الحركة الاولى نظر الشاعر لصورتهالشعرية من ناحية الكراع أي القدم .وفي الصورة الثانية نظر الشاعر للصورة نفسها من ناحية النعال وفي كلتا الحالتين تضخمت القدم لكن الدوش عدو للتكرار والصورة الشعرية عند الدوش يدخل فيها الحس مع المشاعر في توليفة آسرة .في الصورة الثانية صورة البغض نجد ان الغيم سكب ضلو ومشا.
    الراحل الدوش باق فينا.
    دمت ز
                   |Articles |News |مقالات |بيانات

07-21-2005, 03:39 AM

Mohammed Elhaj
<aMohammed Elhaj
تاريخ التسجيل: 12-12-2004
مجموع المشاركات: 1670

للتواصل معنا

FaceBook
تويتر Twitter
YouTube


Re: محمد ود حنينه قصيدة للدوش (Re: Bushra Elfadil)

    الدوش
    الشعر حين يلسع ثنايا الوعي
    ايقاع كطبل الدراويش يصطخب فيتدروش من يقرأ فيعِ
    لك الشكر مطر قادم

    و هذا لنك لكم من قصائد الدوش
    الدوش
    الشعر حين يلسع ثنايا الوعي
    ايقاع كطبل الدراويش يصطخب فيتدروش من يقرأ فيعِ
    لك الشكر مطر قادم

    و هذا لنك لكم من قصائد الدوش

    قصائد عمر الطيب الدوش
                   |Articles |News |مقالات |بيانات

07-22-2005, 07:58 AM

مطر قادم
<aمطر قادم
تاريخ التسجيل: 01-08-2005
مجموع المشاركات: 3876

للتواصل معنا

FaceBook
تويتر Twitter
YouTube


Re: محمد ود حنينه قصيدة للدوش (Re: Mohammed Elhaj)

    الاخ محمد الحاج
    كل التحايا
    افتتح الدوش قصيدته طه المدرس ود خدوم بالاتى:
    Quote: يا تلاميذى العُزاز

    بسم الله

    بسم المجد فى أحضان سُعاد

    اكتبوا التاريخ

    خمستاشر ربيع أول

    والمُوافِق

    موِلد الايقاع على خطوات سُعاد

    والمُرافِق للصباحات ، المناحات

    واخضرار الغيم وفقدان الشُعاع

    ارتفاع الموجهْ لى صدر الشراع

    وختمها هكذا:
    Quote: يا تلاميذى العُزاز

    اكتبوا التاريخ

    خمِستاشر سُعاد أوّل

    لشكرك وتعليقك ومرورك خير ما يقدم من جنس العمل بداية وخاتمة القصيدة اعلاه وآيات الشكر الكبرى.
                   |Articles |News |مقالات |بيانات

07-21-2005, 03:37 PM

مطر قادم
<aمطر قادم
تاريخ التسجيل: 01-08-2005
مجموع المشاركات: 3876

للتواصل معنا

FaceBook
تويتر Twitter
YouTube


Re: محمد ود حنينه قصيدة للدوش (Re: Bushra Elfadil)

    الاستاذ الدكتور بشرى الفاضل
    شكرا على مرورك وتعليق الجميل.
                   |Articles |News |مقالات |بيانات

07-20-2005, 09:52 PM

بدرالدين شنا
<aبدرالدين شنا
تاريخ التسجيل: 07-30-2002
مجموع المشاركات: 3514

للتواصل معنا

FaceBook
تويتر Twitter
YouTube


Re: محمد ود حنينه قصيدة للدوش (Re: مطر قادم)

    المطر القادم حبابك آلاف
    سلامي وإكرامي وإحترامي
    لك الشكر والتقدير وأنت تحي فينا ذكرى هذا الشامخ العاتي
    Quote: وانا ياسعاد وكتين اشوفك ببقى زول
    فرشولوا فرش الموت وعاش
    ونحن والله عندما نقراك نتأكد أنك عائش بيننا وتكبر نعال حرفك يا دوشنا يا جميل لك الرحمة والمغفرة أخاً وأستاذاً وصديقاً
                   |Articles |News |مقالات |بيانات

07-22-2005, 08:19 AM

مطر قادم
<aمطر قادم
تاريخ التسجيل: 01-08-2005
مجموع المشاركات: 3876

للتواصل معنا

FaceBook
تويتر Twitter
YouTube


Re: محمد ود حنينه قصيدة للدوش (Re: بدرالدين شنا)

    الاخ بدر الدين شنا
    كل التحايا

    سلامي وإكرامي وإحترامي ومرورك اللطيف والمعبر اسعدنى كثيرا يابدر البدور
                   |Articles |News |مقالات |بيانات

07-26-2005, 08:34 AM

بلدى يا حبوب
<aبلدى يا حبوب
تاريخ التسجيل: 05-29-2003
مجموع المشاركات: 8344

للتواصل معنا

FaceBook
تويتر Twitter
YouTube


Re: محمد ود حنينه قصيدة للدوش (Re: مطر قادم)

    مطر قادم
    Quote: ياصمت اف
    يادنيا تف

    ولو ان اكتفى الدوش بهذه الابيات لصور لنا بها واقعنا الذى نكوى به فى كلمات قليلة الحروف ولكنها غنية المعانى لك الشكر على نقل هذه القصيدة للشاعر الدوش
    تحياتى
                   |Articles |News |مقالات |بيانات

07-27-2005, 06:46 AM

مطر قادم
<aمطر قادم
تاريخ التسجيل: 01-08-2005
مجموع المشاركات: 3876

للتواصل معنا

FaceBook
تويتر Twitter
YouTube


Re: محمد ود حنينه قصيدة للدوش (Re: بلدى يا حبوب)

    الاخ بلدى ياحبوب
    شكرا لعمق وبعد نظرك لاختيار هذا المقطع
    Quote: ياصمت اف
    يادنيا تف

    وهو ما اختتم به الدوش قصيدته كمسك ختام. وتحياتى الحاره.
                   |Articles |News |مقالات |بيانات

[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de