|
دعواتكم لزميلنا المفكر د.الباقر العفيف بالشفاء العاجل
|
|
 Re: ابوبكر سيد احمد ابو الانسانيه كلها كل سنه وانت طيب (Re: فضيلي جماع)
|
Quote: عفاف يا كلك ذوق..هل تتحدثين عن صديقي الرطان باشمهندس أبوبكر سيد احمد أم هو تطابق اسماء؟
كنا ندردش عبر الهاتف قبل يومين -هو وشخصي الضعيف- أول مرة في حياتنا..وكاني أعرف الرجل حياتي كلها. ربي يعطيك طول العمر ويمتعك بالصحة أيها السوداني المسربل بالوطن أينما حللت |
.
استاذي الفاضل/فضيلي جماع
شايف عظمه ابوبكر اهو جاب قامه كبيره زيك انت
لي في مكاني والله يااستاذ انا مدمنه ادمان لي جميع
كتباتك وطبعا غصبا عني لانه كلماتك دايما بتفرض
نفسها دون استاذان وتلامس شقاف القلب والروح
وبعد اقرا كلامك اصاب بحاله من الذهول والرهبه ويقلبني
التعبير عن اعجابي الكبير انااذا كنت بعز ابوبكر مره
اسي اكيد ح يكون مرات
تسلم لينا انت وابوبكر
| |
 
|
|
|
|
|
|
|
|
Re: ابوبكر سيد احمد ابو الانسانيه كلها كل سنه وانت طيب (Re: الطيب شيقوق)
|
Quote: والله يا ام احمد تتعبي ساى عمرو ما شفت لى رطاني ابو انسانية -
لكن يا عفاف انا الايام دى حاسي زى العندى حاجة ناقصة ابو بكر مشغول وما لامي فيهو وخالد ضارب طناش . |
اسي ياالطيب عليك الله ابوبكر اكان مره عليك
يوم من غير تتناكف معاه مابجيك وجع راس
ابوبكر لي البعرفوه زي صباح يوم العيد
لي زول وسط اهله وكلهم ملمومين حواليه ومبسوطين
زي لمه بنات عمك حواليك تحت الشجره الفي بيتكم
ربنا يحفظه لينا ولي وليداته
| |
|
|
|
|
|
|
|
|
|
Re: ابوبكر سيد احمد ابو الانسانيه كلها كل سنه وانت طيب (Re: عفاف أبو حريرة)
|
Quote: Dear uncle abubakr
on your birth day wishing you every thing please you
and filled with moments that make your day aspecial day
happy birthday
lina |
My nice daughter Lina
Do you believe that you mother Afaf is correct in her kind words about Alratani Abubaker
هيييييييييييع ام احمد تستنطق الصمت العصيا - الزمن ده كلو لنا ما اتكلمت الا الليلة وكلام عجمى سااااااااى بختك ود المحرب بقيتوا زينا من تك للمفك .
| |
|
|
|
|
|
|
|
|
|
Re: ابوبكر سيد احمد ابو الانسانيه كلها كل سنه وانت طيب (Re: عفاف أبو حريرة)
|
اعزائ ام احمد -الامير- فضيلي- خالد -ولياب ودشيقوق دون فرز ...
ادهشني عنوان البوست فلم اتوقع مطلقا ان تاريخ ميلاد كهل مثلي من ملح الارض يثير الانتباه ولكن صديقتي وبنتي لينا خالد كان لها ترتيب اخر فتمكنت من معرفة تاريخ ميلادي (15 مايو ) واصرت ام احمد (ام لينا - ايمانا بعدل يسمح للينا ما لاحمد) علي التهنئة الاسفيرية وانااخشي ان اكون انا مثار اهتمام اسفيري وناس كثيرين واحداث كثيرة هي الاهم فمعذرة ...وصراحة انا سعيد بحبكم لي واهتمامكم بي و بيوم ميلادي وما عندي لكم غير مزيد من الحب والتقدير والعرفان فانسانيتكم تنعشني وتضخ اكسجينا في خلاياي الكهلة وليعينني المولي علي اكثار من الحب والمودة ليشمل كل البشر...
مودتي
__________
حاشية : يا العرريب ودشيقوق انت اشتكتني لطوب الارض متهما اياي باني السبب في عدم مقدرتكم علي مواصلو رحلة عمر ومشوار سنيين واشتكيتني قانونا لمولانا عبدالمنعم وعندما افسحنا لك المجال انصرفت وتعللت بانك تحتاج الي وقت .. ياخي اربعيين سنة ما كفاية ؟؟ اصلك حتكتب مقدمة ابن خلدون؟واللا الموسوعة البريطانية ؟ ياخي انت رحلة عمرك ومشوار سنينك الواحد بيقسها بمسطرة البلاستيك الفيها 6 يوصة بس ودي ذاتها اطول من رحلتك؟؟..قال رحلة عمر ومشوار سنين انا نفسي اعرف الرحلة ايه والمشوار ايه واللا بس فنة في الفارغ ؟ روح اتلهي وسطح يا حتات
| |
|
|
|
|
|
|
|
|
|
Re: ابوبكر سيد احمد ابو الانسانيه كلها كل سنه وانت طيب (Re: abubakr)
|
يا سلام ، أبوبكر ده إنسان سمح ومحترم وعندو حب للناس ،
أنا عن ذات نفسي بحبو شديد ، وبرتاح لوجودو هنا في المنبر
لأنو زول بيعزز ثقتي في نفسي وما بيبخل علي بالكلمة المحترمة
والإشارة للممكن أعملو ، زول إيجابي ولطيف ...
بقول ليهو كل سن وإنت بطيب وبألف خير يا أبوبكر ويا رب
أقدر أشوفك في السنه الإحنا فيها دي ، عشان أنبسط وتحصل
لي البركه ..
| |
|
|
|
|
|
|
|
|
|
Re: ابوبكر سيد احمد ابو الانسانيه كلها كل سنه وانت طيب (Re: abubakr)
|
وليااااااااااااب
| Quote: أها يا أبوالطيب بتجيب الكلام لنفسك ، قبل ما يجيك قريبي وصديقك أبوبكر حينطوا في رقبتك الف رطاني |
والله الايام دى انا بتفسح ساااااااااى الرطانة كلهم مشغولون بمشوار نضال في منطقة امري - حقوا ترشحوا ابو بكر يكون ليكم نائب رئيس جمهورية لشئون الرطانة .
| |
|
|
|
|
|
|
|
|
|
Re: ابوبكر سيد احمد ابو الانسانيه كلها كل سنه وانت طيب (Re: abubakr)
|
| Quote: يا العرريب ودشيقوق انت اشتكتني لطوب الارض متهما اياي باني السبب في عدم مقدرتكم علي مواصلو رحلة عمر ومشوار سنيين واشتكيتني قانونا لمولانا عبدالمنعم وعندما افسحنا لك المجال انصرفت وتعللت بانك تحتاج الي وقت .. ياخي اربعيين سنة ما كفاية ؟؟ اصلك حتكتب مقدمة ابن خلدون؟واللا الموسوعة البريطانية ؟ ياخي انت رحلة عمرك ومشوار سنينك الواحد بيقسها بمسطرة البلاستيك الفيها 6 يوصة بس ودي ذاتها اطول من رحلتك؟؟..قال رحلة عمر ومشوار سنين انا نفسي اعرف الرحلة ايه والمشوار ايه واللا بس فن ة في الفارغ ؟ روح اتلهي وسطح يا حتات |
عفاف ما تخافي الله هسع جيتي انتى وبناتك مولعين النار . هو ذاتو في عيد ميلاد بسوهو زى ده انا زمان عيد ميلادى ببليلة عيش يقسموها كيمان كيمان في صينية وبشيلوها الوليدات عشان يدو كوم حاج فلان وكوم حاجة فلان واكتر حاجة يمسحوا البليلة بزيت سمسم بس .
الرطاني حمد الله بشوفتك ومبروك عيد ميلادك طبعا كنت شغال سلو دانسنج صاح وكتر خير ام احمد القلعتك من جحر .
| |
|
|
|
|
|
|
|
|
|
Re: ابوبكر سيد احمد ابو الانسانيه كلها كل سنه وانت طيب (Re: abubakr)
|
Quote: ده انا زمان عيد ميلادى ببليلة عيش يقسموها كيمان كيمان في صينية وبشيلوها الوليدات عشان يدو كوم حاج فلان وكوم حاجة فلان واكتر حاجة يمسحوا البليلة بزيت سمسم بس .
|
استاذنا شيقوق ، عايز تقول لينا إنك عارف تاريخ عيد ميلادك ؟ كان فيها بليلة عيش ياكا من ناس ؟؟19/1/1
شهادة بدل فاقد
ومن دييك وعييك
احمد ساطور
| |
|
|
|
|
|
|
|
|
|
Re: ابوبكر سيد احمد ابو الانسانيه كلها كل سنه وانت طيب (Re: abubakr)
|
أبوبكر
كل سنة وانت طيب
وكل سنة وكل الأمور المحزنة تبعد طريقا
وكل الأمانى الممكنة تصبح حقيقة
وكل الأمل يصبح حياة
وكل الحياة تصبح سعيدة
أم أحمد
الله يطيب حياتك ياطيبة
طيبتى نفوسنا المغمومة
الأيام دى كلها أحزان
ربنا يشفى المرضى
ويرحم الموتى
ويرحمنا وإياكم
ياأرحم الراحمين
.......
بالمناسبة قالوا مواليد شهر مايو يتسموا بالوسامة
عشان كده ياأبوبكر ماتنزل صورتك بنسحرك
| |
|
|
|
|
|
|
|
|
|
Re: ابوبكر سيد احمد ابو الانسانيه كلها كل سنه وانت طيب (Re: الطاهر ساتي)
|
عيد سعيد وعمر مديد وصحه وعافيه .
عفاف ما تخافي الله هسع جيتي انتى وبناتك مولعين النار . هو ذاتو في عيد ميلاد بسوهو زى ده انا زمان عيد ميلادى ببليلة عيش يقسموها كيمان كيمان في صينية وبشيلوها الوليدات عشان يدو كوم حاج فلان وكوم حاجة فلان واكتر حاجة يمسحوا البليلة بزيت سمسم بس
ودشيقوق شكيتك على الله . دا مو عيد ميلادك دى حاجه اسمها الرحمتات بعملوها
عشان المطر ينزل كرامة بليله عاوز تقولى عارف ميلادك انت من زمن داية الحبل
يعنى ولدوك upside down وعلقولك الوريقه قال عيد ميلاد قال انا موجود ماتقدر
تتحنكش اعلى هامان يافرعون
| |
|
|
|
|
|
|
|
|
|
Re: ابوبكر سيد احمد ابو الانسانيه كلها كل سنه وانت طيب (Re: عفاف أبو حريرة)
|
| Quote: انا جبت توبي ولحافي وهبابي رحلت البوست ده عديييييييييييل ونائم بس مراقب اى زول يكتب ويكضب في شكر الرطاني ده - ده رطاني بتشكر ما تخافوا الله . |
انت قايل هنا بكان تسطيح ؟ نائم ومراقب كيف يعني ؟ في الحلم ؟ انت رطان واحد ما قادر عليهو احسنلك اتلحف بتوبك وخليك بعيد من الرطان بعديين يمسحوك تركيين من نوع جلد الفار يخلي الضبان يهج ويخليلك البلد ؟؟
| |
|
|
|
|
|
|
|
|
|
Re: ابوبكر سيد احمد ابو الانسانيه كلها كل سنه وانت طيب (Re: الطيب شيقوق)
|
| Quote: انت قايل هنا بكان تسطيح ؟ نائم ومراقب كيف يعني ؟ في الحلم ؟ انت رطان واحد ما قادر عليهو احسنلك اتلحف بتوبك وخليك بعيد من الرطان بعديين يمسحوك تركيين من نوع جلد الفار يخلي الضبان يهج ويخليلك البلد ؟؟ |
ما تخاف الله بس اوع تسيسوا البوست ده وتبقى فيهو عنصريات رطانة وبطانة - اصلوا البطاحين ما عندهم نفس طويل هسع سمية بت طلحة بتتصل في ام احمد عشان تلغي البوست ده لو شعرت بتجمعات رطانة على حساب البطانة.
وانا ماشى اعمل بوست جديد اقول فيهو ( ام احمد فتنت الرطانة مع ناس البطانة)
| |
|
|
|
|
|
|
|
|
|
Re: ابوبكر سيد احمد ابو الانسانيه كلها كل سنه وانت طيب (Re: الطيب شيقوق)
|
Quote: ودشيقوق شكيتك على الله . دا مو عيد ميلادك دى حاجه اسمها الرحمتات بعملوها
عشان المطر ينزل كرامة بليله عاوز تقولى عارف ميلادك انت من زمن داية الحبل
يعنى ولدوك upside down وعلقولك الوريقه قال عيد ميلاد قال انا موجود ماتقدر
تتحنكش اعلى هامان يافرعون |
على الطلاق تقول ام احمد حلموها بالبوست ده الليلة جمع المن سقط لقط - انا ولدونى بالحبل عديييييييل كده ولا بدسها دسها انت التدس ......... ام اهلك .
سمياتي عتود فحل الناس كانوا شوية نادوهم كلهم اكلوا زييييييييين وجابوا الكفتيرة حقت الشاى الزمان الزرقاء والكباية دشرة واحدة مش زى سرامسكم البيعصروها ساعة عشان تعبي الكباية .
ما تكضبوا وتغطوا رؤسكم في الرمال كلكم كنتوا كده لكن خجلانيين والاستحوا ماااااااتوا
| |
|
|
|
|
|
|
|
|
|
 Re: ابوبكر سيد احمد ابو الانسانيه كلها كل سنه وانت طيب (Re: عفاف أبو حريرة)
|
... تـوأمـي الـحـبوب،
ابـوبكـر سـيـداحـمـد،
حـاجـه غـريبة واللـه!!!، كيف نكـون نحـن الأتنييـن "توأميـن"
وتكـون انت اتـولـدت في شـهـر مايو بتاع نميـري وشـهـر غـرق بلاد
النـوبه عام 1964، واكـون انا اتـولـدت في شـهـر نوفمبـر بتاع
عـبود الغــرق حـلفا!!!!.
اخـوي الكاشــف، كـل سـنة وادام اللـه عـليك الصـحـه والافـراح
وجـعـل كـل ايامك اعــياد ومسـرات، وأجـمل التهـاني واطـيب
الأمنيــات.
اخـوك: ابـوبكر سـيـداحـمـد.
| |
|
|
|
|
|
|
|
|
|
Re: ابوبكر سيد احمد ابو الانسانيه كلها كل سنه وانت طيب (Re: بكري الصايغ)
|
اخى بكري الصائغ
Quote: وتكـون انت اتـولـدت في شـهـر مايو بتاع نميـري وشـهـر غـرق بلاد
النـوبه عام 1964، واكـون انا اتـولـدت في شـهـر نوفمبـر بتاع |
ما تخافوا الله ابو بكر تخرج من كلية الهندسة المعمارية جامعة الخرطوم سنة 1970 وانا تخرجت من كلية الحقوق في جامعة الخرطوم سنة 83 كيف يكون ابو بكر اصغر منى - لا حولة ولا قوة الا بالله منكم
عفاف انت من هنا والنار طوالى
| |
|
|
|
|
|
|
|
|
|
Re: ابوبكر سيد احمد ابو الانسانيه كلها كل سنه وانت طيب (Re: الطيب شيقوق)
|
| Quote: انت يا الفضيلي منحاز عديييييييييل الزول زولك حسب ونسب وما عندك شهادة شهادتك مجروحة . |
خليك من انحيازي يا شيخ العرب..هسي في مناسبة زي دي مش كان أفضل تجي متلفح بي توبك ومن وراك العيال سايقين ليهم عجل ولا خروف حتى وترفع راسنا قدام الرطانة بدل ما خاتي عنيقريبك قدام صالون الباشمهندس في مناسبة زي دي وهاك يا نقة ؟
ام احمد الزول دا أفرزوا ليه عيشتو..يعني اعملو ليه شوية قهوة وشاي وخلوه يتطلب الله.
| |
|
|
|
|
|
|
|
|
|
Re: ابوبكر سيد احمد ابو الانسانيه كلها كل سنه وانت طيب (Re: AMNA MUKHTAR)
|
| Quote: خليك من انحيازي يا شيخ العرب..هسي في مناسبة زي دي مش كان أفضل تجي متلفح بي توبك ومن وراك العيال سايقين ليهم عجل |
عجل يا شيخ العرب !!!!!!! ده حرم ما يستاهل سحلية . لكن اكراما ليكم عندى ديك فحل علاعلو كبااااار بتكيهو طاااااااب جبرا لخاطركم وبكلم السمحة ام ولدى تتفوا ليكم مع المغربية وتسوى ليكم قدحا وهيييييييييط تاكلوا لحدى تقومواشايلين قلفة - القلفة دى يا ناس اللغة العربية كناية عن الشبعة السيدها بيعرق الى ان تتبلل رحاتاهو من تحت بالعرق ويشيلن تراب من تحت .
| |
|
|
|
|
|
|
|
|
|
Re: ابوبكر سيد احمد ابو الانسانيه كلها كل سنه وانت طيب (Re: عفاف أبو حريرة)
|
| Quote: ما تكضبوا وتغطوا رؤسكم في الرمال كلكم كنتوا كده لكن خجلانيين والاستحوا ماااااااتوا |
وينا الرمال ؟؟؟الكتاحة ما خلت حاجة ؟؟؟بعديين داية وبدفتر كانت حبوبتنا عشة فرح واسال ولد خالتي بشري سليمان هو الكان بشيل الدفتر؟ بشان كدة انا بعرف مولود متين : اول صباح (يعني واحدة صباحا) السبت 15 مايو 1948 (اها يا سناء لسه عندك مشكة في الحساب ) في قرية عمكة مركز وادي حلفا - المولود ذكر الاسم : ابوبكر ( الوالد الله يرحمو كان مجهز الاسماء ان ادفانص ) الوالدة : فاطمة الاب: سيداحمد...
اتحداك لو انت عارف ولدوك واللا جيت ناطي برة براك ؟
| |
|
|
|
|
|
|
|
|
|
Re: ابوبكر سيد احمد ابو الانسانيه كلها كل سنه وانت طيب (Re: جعفر عبد المطلب)
|
Quote: شكراً عفاف علي هذه اللفتة الرائعة .
الصديق أبوبكر كل سنة وانت طيب . العمر لا يقاس بعدد السنين ولكن بعمق تجربة الحياة وطولها وبمدي ما قدم الأنسان لوطنه ومجتمعه . العمر من أعظم نعم الله علي خلقه |
الفاضل/جعفر عبد المطلب
اذا كان مقياس العمر انجازات المرء
فالمفروض تكون دي الشمعه الالف اللي بيطفيها ابوبكر
كتر خيرك كتير
| |
|
|
|
|
|
|
|
|
|
Re: ابوبكر سيد احمد ابو الانسانيه كلها كل سنه وانت طيب (Re: abubakr)
|
| Quote: ناس امبدة في ملكهم وبلدهم حقهم وناس كي ال او اي اسم بالافرنجي سكن مؤقت .. اها منو الاحسن ..؟ |
طيب ما تترك الهملة دى وتجى السودان تبنى ليك بيت جالوص في الحاج يوسف اصلك انسان متواضع وبتحب اهلك ابقى ليهم زى واحد قريبكم جلست معاهو بالصدفة منتظر تاكسي جنب مشرع توتي او بنك السودان الجديد وعرفت انو بيتو منزلة للرطانة كلهم .
| |
|
|
|
|
|
|
|
|
|
Re: ابوبكر سيد احمد ابو الانسانيه كلها كل سنه وانت طيب (Re: abubakr)
|
باشمهندس أبوبكر سيد احمد
كل سنة وانت طيب وادام الله عليك الصحة والعافية
وبهذه المناسبة بعد بكره "الجمعة" عيد ميلاد ود المحرب المولود ذات نهار قائظ في يوم 18 مايو بمركز صحي الراهبات المتنقل قرب منطقة جوهر على يد الراهبة الايطالية تريزا ارمانو - قدس الله سرها..
ونقول له كل سنة وانت طيب يا جميل وعقبال الشمعة 125
------------------
انتو الطيب ده ولدوهو وين؟ ومتين؟؟؟؟
| |
|
|
|
|
|
|
|
|
|
Re: ابوبكر سيد احمد ابو الانسانيه كلها كل سنه وانت طيب (Re: abubakr)
|
احمد ابو حريرة
| Quote: انتو الطيب ده ولدوهو وين؟ ومتين؟؟؟؟ |
سنة النار قامت في حلتنا بوراء وزمن الطرادة ......... وزمن الصاقعة وقعت ......... ام الطويل والقصير وزمن الراية ما بدلوها الا كرام القوم وزمن الكعكول بسيل براااااااااهو من ساق الطلحة وزمن البقرة الوالدة جديد مافي زولا بقرب ليها وزمن خطيبتك تباري لشوفتها في محل الوردة .
| |
|
|
|
|
|
|
|
| |
عفاف أبو حريرة
خالدة البدوي
بدر الدين الأمير
ولياب
فضيلي جماع
الطيب شيقوق
abubakr
طلال عفيفي
ترهاقا
الطاهر ساتي
ود محجوب
شهاب الفاتح عثمان
خالد المحرب
محمد سنى دفع الله
Muna Khugali
AMNA MUKHTAR
Raja
حيدر حسن ميرغني
غادة عبدالعزيز خالد
عبدالمنعم الرزوقي
bayan
doma
جعفر عبد المطلب
ناذر محمد الخليفة
Mohamed Abdelgaleel
ابو جهينة
Ahmed Yousif Abu Harira
Adel Sameer Tawfiq
معتصم دفع الله
فيس بوك
تويتر
انستقرام
يوتيوب
بنتيريست