دعواتكم لزميلنا المفكر د.الباقر العفيف بالشفاء العاجل
|
|
 حفل سودانيزاونلاين لتكريم البت الجريدة بالمركز الالماني - الخرطوم ( صوووور)
|
في اطار احتفال اعضاء سودانيز اونلاين بالخرطوم لتكريم الاستاذة عواطف احمد اسحق ( البت الجريدة)
استضاف المركز الثقافي الالماني حفل تكريم الاستاذة عواطف احمد اسحق
الصحفية صاحبة جريدة الرحيل -
الفاشر الذي اقامه اعضاء سودانيزاونلاين من داخل وخارج السودان لهذا التكريم ,حضر الحفل قادة
العمل السياسي والثقافي والاعلامي من داخل السودان وخارجه
تقدمهم
الاستاذ ياسر عرمان القيادي بالحركة الشعبية بصفتة رئيس لجنة الاعلام بالمجلس الوطني
والاستاذ سيد
هارون وزير الثقافة والاعلام والسيد هاشم الجاز رئيس المجلس القومي للصحافة والمطبوعات
والاستاذ
التجاني حاج موسي مدير المصنفات الفنية والادبية الاتحادي كما حضر الحفل
الدكتور محمد محجوب هارون
مدير مركز دراسات المستقبل وقاده العمل الاعلامي ورؤساء التحرير وكتاب الاعمدة
تتقدمهم الاستاذة امال
عباس والدكتور مرتضي الغالي وممثل وزير الاعلام الاتحادي الدكتور مصطفي هاشم والاستاذة لبني احمد حسين
الصحفية والكاتبة
وجمهور غفير من اعضاء سودانيز اونلاين واسرهم وبعض المهتمين . وكان حفلا ساهرا
احيتة الفنانة اسرار بابكر والتي اغنت الحفل بوجودها وفنها الآثر .
|
|
 
|
|
|
|
|
|
|
|
Re: حفل سودانيزاونلاين لتكريم البت الجريدة بالمركز الالماني - الخرطوم ( صوووور) (Re: طلال عفيفي)
|
إنفطر قلبي من شدة هذا المشهد الإنساني
ومن تلك المبادرة ... ومن هذه الإستجابة ,
معقولة ده ... فهل نحن بخير ... وإلى هذا
المستوى من المشاركة ومن المشاعر ومن الصفاء ,
أي حواء نطفتنا ... وأي ضلوع إنبثقتنا ... وأي
مداد صاغ وجداننا ... تآلفوا فأنتم الشرفاء ,
فلتدم عواطف رمزا للفعل الجسور الصامت المهداف ,
وليبقى ماسا وبيجو وسحر وإشراقة وزينب معشرا للخلق
الأبي ... ولتصطف كل الشعاب وهي تحرس الطلق فى جوف
المحار ... عشتم ... ومن عيشكم ... نعيش ... بل نهنأ
... ونفاخر ..
| |
|
|
|
|
|
|
|
|
|
Re: حفل سودانيزاونلاين لتكريم البت الجريدة بالمركز الالماني - الخرطوم ( صوووور) (Re: عبد المنعم سليمان)
|
سلام للجميع ...
رغم اني فتحت الرد ده مخصوص عشان اقول لمنعم ياود يا بروتوكولات , البوست كلو حكومة ورسميات
كدة ! انشالله يسووك والي بورداب الخرطوم ...
لكن حقيقة حرقني كلام ولا اريد ان افسد عليكم متعة الاحتفال والالتقاء بهكذا بنت وعظمة وناس
ومبادرات ..
للاسف في بلادي اما ان تخدمك الصدفة او تموت وهم ..
كان المنهج المدرسي يهيئ التلاميذ من خلال الصحافة المدرسية والمناشط الفنية والثقافية والرياضية
من سيصبحون مثقفين ومثقفات , فنانين وفنانات وتبرزهم الدورات المدرسية وتلتقطهم الاعين التربوية
المفتوحة ليحركوا عجلة الزمن , ولا اقصد يا حليل زمان فانا فخور جدا بزماني هذا لكن اقصد صناعة
الابداع ورعايته فالامر ليس صدفة ...
صاحبة الرحيل ابداع يستحق التكريم والمساندة رغم الصدفة التي اكتشفتها وكان يمكن ان لا تكون لولا
الاعين الدربة وفضولها
شكرا للعريس الفنان الخير والصحفي الانسان علاء الدين وهما يتجولان عافية في دار فور
و لكم اعجبتني صاحبة الحفل والتكريم عندما طلبت منا الوقوف حدادا على ضحايا الحرب بدارفور
وعندنايامنعم صور لشخصيات مهمة وان كانت غير حكومية وبتلطف الجو كمان
وياسلاام ياسلااام يا اسرار والشايل الكاميرا برضو زول مهم ؟؟من هو الجائزة مقدمة من ...
والصور التحت دي من عدسة اخونا طلال عفيفي يديهو العافية
الفنانة اسرار بابكر و الاستاذة سحر صلاح مش مهمين؟
من اليسار الوريف ماسا وعواطف وسوسن(منعم يهدي الصورة لعمران) وعصام عبد الحفيظ ومنعم زاتو
والشخية المهمة انا وما قصرت ياطلال
وتاني شخصية مهمة الاستاذة الصحفية القديرة امال عباس وانا سوداني انا تحرك الحفل
وتلطف الجو بحضور ناديةالسر
والاستاذة غادة عبد العزيز
والعاقبة عندكم في المسرات
| |
|
|
|
|
|
|
|
|
|
Re: حفل سودانيزاونلاين لتكريم البت الجريدة بالمركز الالماني - الخرطوم ( صوووور) (Re: عبد المنعم سليمان)
|
ياخي شكراً وفيييييييراً يا منعم
والله الكلام ما بوفيكم حقكم ولو بقيت كلّي لسان
والكتابة ترتد مكسوفة لي سنة القلم من ضخامتكم
دمتم يا منعم ودامت ثورة التصحيح المنطلقة من سودانيزاونلاين
والبحث عن مبدعي بلادي التحتانيين ..
عواطف احمد اسحق .. شااااااامخة .. ونظرة التحدي تملأ عينيها.. اكاد اسمع صوت زفيرها .. وهي تنظر الى المستقبل المنير بي شعاعات سودانيزاونلاين .. وفي الانتظار نحن ايتها البت الجريدة .
شكرا بكري ابوبكر لمنحها العضوية المستحقة
ودمتم
| |
|
|
|
|
|
|
|
|
|
Re: حفل سودانيزاونلاين لتكريم البت الجريدة بالمركز الالماني - الخرطوم ( صوووور) (Re: عبد المنعم سليمان)
|
وتلأتي لحظة تكريم صاحبة الرحيل وتقديم بعض الهدايا التشجيعية
نيابة عن الوالدة خديجة عبد الكريم والدة عضو المنبر عبد الكريم الامين (كيكي) يتقدم الاستاذ ياسر
عرمان وشقيقه الاخ صلاح الامين الذي حضر من جنيف حيث يعمل لتقديم جهاز الكومبيوتر الذي تبرعت به و
يظهر في الصورة الاستاذ هاشم الجاز ريئس المجلس القومي للصحافة والمطبوعات (بالبدلة)
الدكتور محمد محجوب هرون و السيد هاشم الجاز يقدمان طابعة نيابة عن الاخ الفاضل عمران الفاضل بدبي
المذيعة اللامعة الصحفية سابقا صباح احمد تقدمني لتقديم مجكموعة كتب ومجلدات من (صحفيين من اجل
حقوق الانسان) شكرا طلال عفيفي شكرا علي عجب شكرا فيصل الباقر
الصحفي الفني المتألق دوما طارق شريف مع السيدة اوليه اوليفارك
الاستاذ علي عبد اللطيف حفيد البطل علي عبد اللطيف وتظهر في الصورة الاستاذة اخلاص من (darfur call
orgnization)هولندا وخلفها الكاتب الصحفي اللامع الاستاذ ضياء الدين بلال
الصحفية الجميلة اللامعة لبنى احمد حسين ورقصة
عواطف تشكر الجميع
ولكم مني الحب وخاصة شذى بلة
| |
|
|
|
|
|
|
|
|
|
Re: حفل سودانيزاونلاين لتكريم البت الجريدة بالمركز الالماني - الخرطوم ( صوووور) (Re: عبد العظيم أرباب)
|
Quote: التحية في هذا اليوم الرائع
لرائدات الصحافة السودانية
تكوي سركسيان ( بنت الوادي ) 1946 م
فاطمة أحمدإبراهيم( صوت المرأة ) 1955م
حاجة كاشف بدري ( مجلة القافلة ) 1956م
البنت الجريدة 2006م
|
أرباب
شكراً على اللفتة الكريمة رقم نسيانك لأهم صحفية في تاريخ السودان
السيدة الفاضلة / نون كامل ( صحيفة كردفان )
الراحلة المقيمة نفيسة كامل
والدة الشهيد / عبدالمنعم كرار
ومؤسسة إتحاد المرأة
وأكثر سيدات السودان عطاءً
رحمها الله
| |
|
|
|
|
|
|
|
|
|
Re: حفل سودانيزاونلاين لتكريم البت الجريدة بالمركز الالماني - الخرطوم ( صوووور) (Re: عبد المنعم سليمان)
|
اولا اششكر قادة الحملة الاعلامية من الكتاب والصحفيين
اششكر بكل حب وتقدير واحترام الاساتذة
الطاهر ساتي
عثمان شبونة
حيدر قاسم
حيدر المكاشفي
امال عباس
الحاج وراق
قرشي عوض
مرتضي الغالي
رندا سليمان
الطيب السراج
علاء الدين بشير
علاء الدين محمود
حسن بركية
طارق شريف
صباح احمد
مصعب الصاوي
ياسر عركي
اسامة عباس
خالد سعد ( مدير مكتب جريدة الشرق القطرية)
صلاح عووضه
اميرة الحبر
ضياء الدين بلال
احمد يونس
هنادي يوسف
لبني احمد حسين
فايز السليك
طلال حسب الله
وليد ومزدلفة من الصحافة
الشكر والتقدير لصحيفة قوون ( الصحيفة الرياضية الاكثر انتشارا)
صحيفة الايام
الوطن
راي الشعب
الوان
الصحافة
سودان تريبيون
الراي العام
تلفزيون السودان
وزارة الاعلام لحضور ممثلها
الاذاعة
الاخوة الممثلين
الاستاذ قرني
طارق الامين
عوض شكسبير
الشكر والتقدير والاحترام
للدكتور انس حمدان
خضر حسين خليل
الششكر والتقدير والعرفان للصحفيين والاعلاميين الذين ساهموا معنا في هذا
العمل الكبير والذين يساهمون في حملات الامل هنا وهنااك
الشكر والعرفان
لعواطف اسحق وغادة نوري
الشششششكر لهذا الوطن المعطاء
السودان
محبتي
منعم
| |
|
|
|
|
|
|
|
|
|
Re: حفل سودانيزاونلاين لتكريم البت الجريدة بالمركز الالماني - الخرطوم ( صوووور) (Re: عبد المنعم سليمان)
|
يا منعم ... ولا الحزن القديم
إنتِ
ولا لون الفرح
إنتِ
ولا الشوق المشيتْ بيهو
وغلبْنى أقيف
وما بِنْتِ !!
ويا عواطف الرايقة ..
بتطْلَعِى إنتِ من غابات
ومن وديان...
ومنى أنا..
ومِن صحْيَة جروف النيل
مع الموجَهْ الصباحيَّه
ومن شهقَة زهور عطشانَهْ
فوق أحزانهْا
متْكَّيهْ
بتَطْلَعى إنتِ من صوت طِفلَهْ
وسط اللمَّهْ منْسيَّهْ
ويا ماسا ....
تَجينى
معاكْ يجينى زمن
أمتِّع نفسى بالدهشَهْ
طبول بتْدُق
وساحات لى فرح نَوّر
وجمّل للحُزن..ممْشى
ويا نادية السر .. وتمشي معاي
خُطانا الإلفَهْ والوحشَهْ
وتمشى معاي... وتْرُوحى
وتمشى معاي وسط روحى
ولا البلْقاهو بِعْرِفنى
ولا بعرِف معاكْ ..روحى
وكل الحلوين ... الكانوا حضور ... والغيابهم كان حضور سري ... سعيدة بالجمال الذي عطر روحي .. بشذى مواقفكم النبيلة !!
| |
|
|
|
|
|
|
|
|
|
حفل سودانيزاونلاين لتكريم البت الجريدة بالمركز الالماني - الخرطوم ( صوووور) (Re: عبد المنعم سليمان)
|
الأخ / منعم
والاخوة بورداب الخرطوم صناع هذا العمل الجميل
دائماً اعمالكم تتحدث عنكم ودائماً نفتخر بكم
بما تقومون به من عمل جميل ورائع كونوا دائما هكذا
فلتحية لكم أخوتي بورداب الخرطوم والتحية من خلالكم
للبت الجريدة الأخت / عواطف أحمد اسحق
والتحية ايضاً لصاحب هذا الحوش الجميل الذي منحنا
شرف الانضمام لهذه الكوكبة الفريدة أخونا بكري أبو بكر
مع تمنياتي لكم بالتوفيق في حفل الأخت غادة نوري
سيروا في هذا الطريق الجميل وفقكم الله .
أبو كريم
| |
|
|
|
|
|
|
| |
عبد المنعم سليمان
mazin mustafa
عبدالكريم الامين احمد
محمدين محمد اسحق
Kabar
هجو الأقرع
Kostawi
بدر الدين الأمير
معروف حمدين
بكرى ابوبكر
Salah Waspa
طلال عفيفي
HAYDER GASIM
معتصم الطاهر
Tragie Mustafa
Shams eldin Alsanosi
معتز القريش
نصار
رأفت ميلاد
Moneim Elhoweris
ماجدة عوض خوجلى
طارق جبريل
الملك
امير عوض الجمري
عواطف احمد اسحاق
خالد عبد الله محمود
خضر حسين خليل
خالد ماسا
hanadi yousif
انعام حيمورة
Elbagir Osman
ALGARADABI
محمد عبدالرحمن
عواطف ادريس اسماعيل
محمد أبوالعزائم أبوالريش
ملكة سبأ
Yassir Tayfour
معتصم دفع الله
Dr.Saeed Zakarya Saeed
اميرة الحبر ادريس
سمرية
الفاتح خليل الفكي
أبو ساندرا
إسماعيل وراق
عاصم ابوبكر حامد
فيس بوك
تويتر
انستقرام
يوتيوب
بنتيريست