|
دعواتكم لزميلنا المفكر د.الباقر العفيف بالشفاء العاجل
|
|
 Re: لو بي خمسة ... عزاء للهلالاب (Re: على محمد على بشير)
|
قالوا واحد من عندنا مشى لوردي عشان يغني ليهو في عرسو .. وردي قال ليهو بغني ليكم بخمسة آلاف» زمن الخمسة آلاف كانت بتجيب بيت و عربية ..
بلدياتنا رد مندهشاً «بهمسة» ألف ؟؟ «همسة» كتير والله يا وردي هليهو تلاتة. واصر وردي على «خمسة» و بلدياتنا يحنسه «بهمسة» .. «همسة كتير» هليهو تلاتة.
ومجاملة لبلدياته وافق وردي ان يغني بالثلاثة..
يوم العرس وردي أول ما بدأ الحفلة بأغنية « لو بهمسة» وقعد يردد « لو بهمسة .. لو بهمسة .. همسـ ااااهـ)
بلدياتنا إتخلع و غلبو اليسويهو .. شعر بموقفه محرج جداً ..
في النهاية بلديلتنا مشى على وردي و قعد يبشر فيهو .. قرب منه و قال ليهو «همسة .. همسة .. يا ابو الورود ما في مشكلة انت بس تغني ».
جدعة :
خمسة .. خمسة .. يا أبو الهل .. مافي مشكلة .. إنتو بس خليكم لجزيرة الفيل
| |
 
|
|
|
|
|
|
|
|
Re: لو بي خمسة ... عزاء للهلالاب (Re: على محمد على بشير)
|
الأخ / علي محمد علي بشير
تحياتي لك ..
| Quote: القال ليك قاعدين منو ,, مازمان شتتوا !! |
طيب يا علي ..
أخونا / عمر الفاروق دا ما شتت ليه ؟؟
عمر تلقاهو من أمس ما نام !!
عشان كدي شايفو من صباح الله يشيل ويبرر ..
مسكين أخوي عايز يبرد جوفو ..
لكن وين يا مان ..
الهمسة مي همسة نصاح ..
| |
|
|
|
|
|
|
|
|
|
Re: لو بي خمسة ... عزاء للهلالاب (Re: عصام دهب)
|
الأستاذ عصام دهب:
| Quote: تخيلوا لاعب دولي يقوم بتنفيذ رمية التماس و قبل أن تصل الكرة إلى الأرض تحسب عليه لمسة يد !! بالله دي عايز ليها كم كرت ؟؟ |
كضباً كاضب..
وامشي احضر المباراة من جديد عشان ما تبهت الراجل ساي..
الكورة إتحسبت رمية تماس عكسية ضد لاعب الهلال وما إتحسبت لمسة يد وامشي شوف لاعب الرجاء نفذ الكورة فاول ولا رمية تماس..
لاعب الهلال إتحسبت عليهو المخالفة رمية تماس خطأ بعد ما إنزلقت الكورة من يدو وحاول يمسكا تاني فالحكم إعتبر إنو الكورةطلعت من يد اللاعب يبقا رمية تماس إتنفزت بس بي صورة خطأ !!!!!!!!
يبقا الكورة ما إتحسبت لمسة يد واسألني انا يا ود دهب..
الهلال بالأمس لم يكن بهذا السوء الذي تتحدث عنه والهلال إنهزم بالأمس بالصدفة وليس العكس !!!
مالكم كيف تحكمون ؟؟؟؟؟؟؟؟؟؟؟؟
فريق يفوز بتجاوز خمسة فرق حتى الان وتقولون صدفة بينما عندما يخسر واحدة تكون هي الحقيقية ؟؟؟؟؟؟؟
الصدفة هي خسارة الهلال بالأمس وليس العكس..
محترفو الهلال مهرة جداً جداً ولمستهم داخل الميدان واضحة وحقت زول بيلعب كورة ولو بتقيس الأداء بي كده معناها ريال مدرير جاب من البرازيل ماسحين احذية مثل رونادو وروبينهو والذين لم يسجلو طيلة الفترة الماضي...
تحياتي
| |
|
|
|
|
|
|
|
|
|
Re: لو بي خمسة ... عزاء للهلالاب (Re: عمر الفاروق)
|
دهب
تحياتي
معليش
أصلوا
التحكيم كان كعب
والأرضية غير مساعدة
والجمهور كتير
والإضاءة سيئة
والبرد شديد
والشمس جاهرة الحارس
والمدرب ريكاردو عندو غدة
وهيثم مصطفى عندو حمى
والأرباب موقوف
وداريوكان موقوف
وجمعة كلتشات طارتو طارت
وطمبل دخلوه متأخر
والدفاع بنزل الكور للمهاجمين عناداً في الحكم
والحارس (بدق) اللاعبين لمن ما لقوا (شفع)
وناس المغرب بتاعين سحر
ونحنا ما متعودين نلعب بعد الساعة 10
!!!!
| Quote: إنتو بس خليكم لجزيرة الفيل |
والله ناس الجزيرة فرطوا في تلك المباراة!
| |
|
|
|
|
|
|
|
|
|
Re: لو بي خمسة ... عزاء للهلالاب (Re: othman mohmmadien)
|
| Quote: الكورة إتحسبت رمية تماس عكسية ضد لاعب الهلال وما إتحسبت لمسة يد وامشي شوف لاعب الرجاء نفذ الكورة فاول ولا رمية تماس |
اخوى عمر خبارك
الكورة إترمت إتزحلقت مفروض نعترف بى حاجة واحدة إنو نحنا إتهزمنا شر هزيمة
وإنو لسع ما تأهلنا للعبات دولية او خارج السودان ، يازول خت يدك معاى عشان نطالب
بتجميد المنافسات الدولية إلى حين تأهل فرقنا للقدرة على المنافسة ، تأكد ده لو
كان أى فريق سودانى غير الهلال كان برضو حيتملطش نفس الملطشة وربما أسوا ، يا خوى
كورتنا لسع كورة دافورى ولنوقف هذه المسألة للاسباب آنفة الذكر ونبدأ فى تدريب
دماء شابة من فرق الشباب يعنى دايرين لينا زى وقفة خمسة سنوات للجاهزية.
وارقد عافية
| |
|
|
|
|
|
|
|
|
|
Re: لو بي خمسة ... عزاء للهلالاب (Re: عصام دهب)
|
أخي / عمر الفاروق
تحياتي
| Quote: وامشي احضر المباراة من جديد عشان ما تبهت الراجل ساي |
أنا المباراة دي تاني كان أدوني شرتيت ما بشوفها و صدقني لو يساهر بي ضرس أخير من أسهر مع الأشباح بتاعينكم ديل .. بعدين يا عمر ما أردت قوله أن لاعب مثل الذي تزعم أنني بهته أحسن يفتش ليهو شغلة تانية .. عشان الشغلة دي هو ما مخارج معاها .
| Quote: الكورة إتحسبت رمية تماس عكسية ضد لاعب الهلال وما إتحسبت لمسة يد وامشي شوف لاعب الرجاء نفذ الكورة فاول ولا رمية تماس.. |
لن أغالطك في هذه يا متابع لأنني شاهدت لاعب الهلال و هو يتكبكب و يقبض الكرة وهي في الهواء بعد أن نفذ رمية التماس و شاهدت لاعب الرجاء بعد صفارة الحكم و هو يأخذ الكرة و يضعها لغرض تنفيذ ركلة حرة .. أما أن يكون الحكم قد أعاد تنفيذ الرمية فهذا ما لم أشاهده .. لكنني يا عمر متأكد من أن لاعب الرجاء أستلم الكرة بعد تنفيذ رمية التماس ووضعها على الأرض متاهباً لتنفيذ ركلة حرة و هذا ما زلت أعتقد أنه هو الذي تم حتى هذه اللحظة ..
| Quote: لاعب الهلال إتحسبت عليهو المخالفة رمية تماس خطأ بعد ما إنزلقت الكورة من يدو وحاول يمسكا تاني |
دي يمكن عشان القفازات اللابسنها و قاشرين بيها دي!!
| Quote: فريق يفوز بتجاوز خمسة فرق حتى الان وتقولون صدفة بينما عندما يخسر واحدة تكون هي الحقيقية ؟؟؟؟ |
المشكلة يا عمر إنو فريق يصل دور الأربعة و ينهزم بخمسة !! .. و بعدين الخمسات دي ما جديدة على فريقك يعني الصدفة هي التي أوصلت الهلال لدور الأربعة .. الهلال لم يصل لأنه فريق قوي بل لأن الفرق الأخرى ضعيفة و الدليل على ذلك سقوطه في أول مواجهة حقيقية .
| Quote: محترفو الهلال مهرة جداً جداً |
محترف بيجري و مدنقر راسو في الأرض زي الترزي البكف ليهو في بنطلون دا صدقني ما شفتو إلا عندكم !!
محترف مين و أقاشي شنو ؟؟
قربت أقول ليهم : ................. بلغة الهوسا ..
جدعة :
عينك قوية يا جوك ..
تحياتي
| |
|
|
|
|
|
|
|
|
|
Re: لو بي خمسة ... عزاء للهلالاب (Re: عصام دهب)
|
حبيبنا الدهب الذي لا يصدأ..(لكن شكلك بديت تبقا فالصو  )
ياخ حرام عليك تقول الهلال سقط في أول مواجهة حقيقية ؟؟؟؟؟؟؟؟؟؟؟؟؟؟؟
معقولة بس!!!!!!!!!!!!!!!!!!!!!!!
طيب يعني عشان غلبنا الوداد وطيرناهو بقا الوداد فريق ضعيف؟؟؟؟
وعشان غلبنا المصريين الشالو كاس افريقيا بقى حرس الحدود ضعيف..
وعشان الرجاء غلبنا بقينا نحن ضعيفين والرجاء القوي؟؟؟
أسة عليك الله لو كان الهلال امبارح إتعادل كان حا تودوا وشكم وين ؟؟؟
مش كان ده برضو طلعتوهو فريق ضعيف!!!!!!!!
ياناس عملتوها ظاااااااااااهرة وظهرتوها عاااااااااااااااااملة !!!!!
تخريمة :
يا قريبك عيني ما قوية لكن لسانكم الطويل ..
ولا شنو يا عمك ..
| |
|
|
|
|
|
|
|
|
|
Re: لو بي خمسة ... عزاء للهلالاب (Re: عصام دهب)
|
Quote: الهلال بالأمس لم يكن بهذا السوء الذي تتحدث عنه والهلال إنهزم بالأمس بالصدفة وليس العكس !!!
مالكم كيف تحكمون ؟؟؟؟؟؟؟؟؟؟؟؟ |
خمسة وصدفة؟؟؟
واللهي دي شذيت فيها
واسعة شوية !!!
| |
|
|
|
|
|
|
|
|
|
Re: لو بي خمسة ... عزاء للهلالاب (Re: Walid Safwat)
|
الاخ عصام دهب تحية نقية خالصة واتمنى ان نكون اصدقاء قبل ان ندخل فى جب الكرة السودانية
وان نراعى ادبيات الاختلاف لانها فى النهاية كورة يعنى رياضة يعنى روح تسامح وارجوا ان تتقبل
منى مثلما رميت سنارتك فى بحر الهلال وتصيدت اخطائه وهزائمه التى لا تعكس ضعف الهلال بقدر ما
تؤكد
انحسار الكرة السودانية التى ظل الهلال يحمل لوائها منذ بداية التسعينات فى ظل الخروج المبكر
والمتواصل للمريخ منذ الادوار الاولى عربيا وافريقيا وحتى محليا باعتبار ان دائرة المنافسة
فى السودان لا تتسع سوى للهلال والمريخ وبما ان الهلال ظل هو البطل الاوحد للدورى السودانى
للثلاث سنوات الاخيرة فى ظل وجود المريخ الذى مازال يبحث عن بطولة الدورى دون جدوى فى ظل
تفوق الهلال على كل فرق الدورى السودانى
اما الحديث عن المحترفين فارجوا ان لا نكيل بمكيالين والا نطلق الاحكام المتسرعة ولماذا لم يتحدث
احدا منكم عن ضعف محترفى الهلال يوم الوداد وهدف كلتشى العالمى وكذلك قودوين فقد شاهدنا
هدفين قل ان نشاهدهما فى ملاعبنا
بعدين ياجماعة الكلام عن المحترفين ده خلوه لان المريخ تفنن فى جلب المحترفين المضروبين
والا فاين ساندرو واين نيتو واين مشاوى واين زكريا الزامبى الذى اتهمه المريخاب ببيع مباراة
المريخ مع الجاموس الزامبى ثم اخيرا اين نجاد عجوز الصرب .. خلوها مستورة
| |
|
|
|
|
|
|
| |
عصام دهب
على محمد على بشير
عمر الفاروق
Rakoba
othman mohmmadien
ترهاقا
Walid Safwat
عامر تيتاوى
فيس بوك
تويتر
انستقرام
يوتيوب
بنتيريست