|
دعواتكم لزميلنا المفكر د.الباقر العفيف بالشفاء العاجل
|
|
 Re: هذه هي المغنية الجد جد يا عثمان موسى.. (Re: Osman Musa)
|
يا وضاحة ..
الحرجل و المحريب يعني حاجة زى ( الأوفلتين ) كده ...
كانو بيبيعوهو في الخرطوم زمان و البياعين راكبين جُمال ...
_____________________________________
سلام مولانا ...
عثمان موسي ... حسي عمك المساح كان حضر الفيديوهات دي ... كان كتب شنو ؟
| |
 
|
|
|
|
|
|
|
|
Re: هذه هي المغنية الجد جد يا عثمان موسى.. (Re: يحي قباني)
|
Quote: وجععععععععععع
ذي ناس أبوروف... سمع وشوف |
أيوا يا محمد ،
الجمال لا يعترف بالجغرافيا والإحداثيات،
ممكن جدا تقول من علايل ابروف للمغالق
ومن (كييف) للخور للمزالق
وممكن جدا تقول ظبية أوكرانيا الفي الخمايل حانيه
الجمال مضاد للإستعمار ، يلغي الحدود ويمازج بين المفراكه والماتروشكا....
قدله يا مولاي ساهي ساهم بالسوخوي الشاقي السحاب..
إنت قايل شنو ..
| |
|
|
|
|
|
|
|
|
|
Re: هذه هي المغنية الجد جد يا عثمان موسى.. (Re: محمد المرتضى حامد)
|
Quote: هسعتي يا محمد يجيك زولك بتاع بحري الشعبية دأك
يمرق ليك أبوها عبدالله ده من قرية الفراعسين وعندو فدانين و13 نخلة و6 ارادب فاصوليا .
وبعد ما يخت السفة ويحك كوعو يقوليلك . البنية هيلنا تب . |
 يا عثمان ،
عاين أحفاد بلقيس لامن يدخلوا قصور القياصره،
صوت غريب ،
أسمع الصوت في الدقيقة 1:55 و 2:19
عارف يا عثمان بعد كده زولتك ديك إلا تغني : سنه يا ولد، سنه يا ولد البلاشفه دخلوا البلد..
| |
|
|
|
|
|
|
|
|
|
Re: هذه هي المغنية الجد جد يا عثمان موسى.. (Re: د.ماجدة ميرغني)
|
| Quote: البورد كلوا عسس نظام عام..هسه بيرموكم بالعلمانية وبعدين بالالحاد |
العسس يا ماجده ما بيدخلوا هنا لأنهم بمجرد قراءة العنوان بيستغفروا ويمشوا غادي غادي،
ديل بجردوا الألفية ، ربنا يديهم العافيه ويحفظم ويبعدهم عن سوزان وأخواتها،
قولي آمين..
| |
|
|
|
|
|
|
|
|
|
Re: هذه هي المغنية الجد جد يا عثمان موسى.. (Re: waleed Ahmed)
|
| Quote: عثمان موسي ... حسي عمك المساح كان حضر الفيديوهات دي ... كان كتب شنو ؟ |
يا باشمهندس،
كثيرا ما سألت نفسي ذات السؤال وأنا أشاهد حسان هذا الزمان ،
سألني أحد الأصحاب ، وكنا نشاهد الأخبار تقدمها إحدى المذيعات المغنسيوم ، ماذا كان سيكتب محمد ودالرضي تحديدا
، وهو من أبدع هوى الخلخال، و ما الذي كان سيقوله عنها صالح عبدالسيد الذي قال عن مواطنه عاديه
أعلم لولا ما طرفك للبيض الرقاق شاهر
إنسان عيني كاد يغرق في ماء خدك الزاهر
يا سلام على الحقيبة الأوكرانية..
| |
|
|
|
|
|
|
|
|
|
Re: هذه هي المغنية الجد جد يا عثمان موسى.. (Re: محمد المرتضى حامد)
|
Quote: شكراً جزيلاً على الروعة التي لا تنتهي
استمغت للأغنية مرّات ومرّات
وساعيد الاستماع إليها دائماً |
دا يا هاني أداء كالمذنب هالي ، يمر بجوار الأرض مرة واحدة كل 75 سنه، ودائما أقول أنه لايوجد
في الكون شئ يسمى (صدفة) ، ربنا تعالى نظم الكون بدقة متناهية ، اليمني الأسمر يتحرك من سد مأرب
ويمشي يلاقي أم سوزانا في الجليد (الدفئ) ويجيبوا سوزانا وصابرين والمقدر لابد يكون.
الشاعر مصطفى ود المأمور عندو قصيده بعنوان (سوزان) وكانت برضها هجين يوناني مصري..
قادر الله يا هاني..
| |
|
|
|
|
|
|
|
|
|
Re: هذه هي المغنية الجد جد يا عثمان موسى.. (Re: Hani Arabi Mohamed)
|
Quote: شيقوق إنت الجابك هنا شنو؟
أصبر ، لامن يوششينكو يتعلم الصقريه بناغمك. |
الحمد لله .. انا ماجيت ..
كنت ساكت اجيب لي روحي الكلام ؟ .. وانا ذاتي لا بعرف جنس ده .. ولا بعرف بقعدو ليهو علي ياتو صفحة ..
خلونا في الغنه والتلات مدات الفي سورة الكهف .. واقعدو انتو نفضو لينا في بوتين وتلات بوتات ..
زولكم البيعيط
عمر علي حسن
| |
|
|
|
|
|
|
|
|
|
Re: هذه هي المغنية الجد جد يا عثمان موسى.. (Re: Ahmed al Qurashi)
|
Quote: يا محمد المرتضي للعلم امها اوكرانية
البت دي كمان عندها احتها اسمها صابرين وكذلك هي مغنية |
صحيح يا وليد ، ربما لم تقرأ مداخلتي أعلاه التي كتبتها بالأمس وفيها
(ومن "كييف" للخور للمزالق..
وممكن جدا تقول ظبية "أوكرانيا" الفي الخمايل حانيه)
| Quote: الله يعين اخونا اليمني |
اليمني صابر ، قول الله يعين الباقين يا ود احمد..
| |
|
|
|
|
|
|
|
|
|
Re: هذه هي المغنية الجد جد يا عثمان موسى.. (Re: أسامة عبد الجليل)
|
Quote: العسس يا ماجده ما بيدخلوا هنا لأنهم بمجرد قراءة العنوان بيستغفروا ويمشوا غادي غادي،
ديل بجردوا الألفية ، ربنا يديهم العافيه ويحفظم ويبعدهم عن سوزان وأخواتها،
قولي آمين.. |
الحمدلله ربنا اغطيها واغطيكم..انالله جميلٌ ويحب الجمال
قول آمين
البنت من اوكرانيا يا البتسألو وكمان لو عايزيين ترجمه نحنا جاهزيين
| |
|
|
|
|
|
|
|
|
|
Re: هذه هي المغنية الجد جد يا عثمان موسى.. (Re: د.ماجدة ميرغني)
|
Quote: Quote:Quote: شيقوق إنت الجابك هنا شنو؟
أصبر ، لامن يوششينكو يتعلم الصقريه بناغمك. |
الحمد لله .. انا ماجيت ..
كنت ساكت اجيب لي روحي الكلام ؟ .. وانا ذاتي لا بعرف جنس ده .. ولا بعرف بقعدو ليهو علي ياتو صفحة ..
خلونا في الغنه والتلات مدات الفي سورة الكهف .. واقعدو انتو نفضو لينا في بوتين وتلات بوتات ..
زولكم البيعيط
عمر علي حسن |
ألف مرحب سعادتك،
يا مولاي حارم وصلي مالك،
زولنا الطيب شيقوق دا أعرف حدود مياهه الإقليمية وأعرف أن أقصى إبحاره بحيرة تانا ،
لذا كان غريبا علي أن أجده في مثلث برمودا أو بحر الظلمات ،
هذا الرجل أخشى عليه من ناس سوزانا لأنو ببساطه ممكن يشيل سوطه ويقول ليك حررررم إلا البطان،
.. الطيب دا زول (كييف) يا سعادتك .. ما بقعد ساي.
هذه الأماكن لابد أن تلد مثل سوزانا
| |
|
|
|
|
|
|
|
|
|
Re: هذه هي المغنية الجد جد يا عثمان موسى.. (Re: Ahmed al Qurashi)
|
| Quote: بالرعم اني ما فهمت الحوار لكن الدموع انهمرت اثناء لقاءها والدها |
يا أحمد ، بالطبع مثل هذه المواقف لاتحتاج إلماما باللغة ، شاهدت منظرا شبيها لطفلة
تركية تركتها أمها لأبيها ربما سنين عددا وشاركت الطفلة بعد أن كبرت في برنامج بأغنية
عن فقدها لأمها لم أفهم فيها حفا لكني فهمتها تماما، وكان اصحاب البرنامج قد رتبوا
مفاجأة من العيار الساحق حيث أتوا بأمها للأستوديو والطفلة تغني دون أن تعرف أن
أمها في الأستديو..
بعد أن كتبت الكلام الفوق دا قلت أفتش عن اللينك ووجدته
http://www.youtube.com/watch?v=HIO35oHu01I
.
| |
|
|
|
|
|
|
|
|
|
Re: هذه هي المغنية الجد جد يا عثمان موسى.. (Re: محمد المرتضى حامد)
|
Quote: إنت يا مولانا دحين البنية دي روسية ولا أكرانية؟؟
باقي أنا شايفها في النت ده كم مرة كدي قالوا أوكرانية.. |
يا أسامه نحن من جيل يرى في أوكرانيا وروسيا وبيلاروسيا شيئا واحدا كان يسمى USSR ،
الناس اللي كانوا بيدّوا أمريكا العين الحمرا قبل ما غورباتشيف يفك اللعب ويترك
الأمر لليانكي يبرطعوا زي ما دايرين وزي ما إنت شايف..
ما زال الأوكرانيون أصحاب تالث أكبر ترسانه نوويه يا حاج..لكن بسوزانا يبدو أنهم الأوائل..
تحت تحت سمعت إنهم هم زاتم اللي قال عليهم سيد عبدالعزيز العظما المثَّلوا أعظم دور..
| |
|
|
|
|
|
|
|
|
|
Re: هذه هي المغنية الجد جد يا عثمان موسى.. (Re: Osman Musa)
|
| Quote: البورد كلوا عسس نظام عام |
يا ماجده ، قلتي لي عسس ونظام عام؟
من فريع البان ال يسوح نديان منو يا سلام ماتقومي يا تاجوج قلدي فنونا من جمال ام زين روحي ممنونا العصير يوم جات شوفو طاعونا قلبي دا المرضان باقي مجنونا الصباح لو لاح عشت يومي جراح لاطبيب جراح لا جاب شفاي لا راح في المشي ما بنيش يملا قدمو تراب الصدير عالي حدو لي الانقاب من سبب 9 الساكن الجابراب كلمو لي اهلي اليعملولي حجاب في السمح والزين نظرا قط ماكان دا الظرف تاما خاتيه قولت ان كان من غرام 7 العريس طربان انتي يا الفردوس يا جنة امدرمان في السمح والزين زولي فايت الند مقدمك راجيك من 8 جد لون جسيما حرير جان صفا ما بهد العجب 7 كان تفك الحد قلت أشرب مر يبقى مر في مر والليالي تمر ياالله زيدنا عمر في حبو ياسلام واسمعي محمد احمد عوض هنا عمل شنو
http://www.sm3na.com/audio/e91ad1c5c5f4
| |
|
|
|
|
|
|
| |
محمد المرتضى حامد
garjah
Osman Musa
وضاحة
يحي قباني
الطيب شيقوق
Hani Arabi Mohamed
waleed Ahmed
Ahmed al Qurashi
أسامة عبد الجليل
فيس بوك
تويتر
انستقرام
يوتيوب
بنتيريست