دعواتكم لزميلنا المفكر د.الباقر العفيف بالشفاء العاجل
|
|
 وزير المالية: سنوفر كل شئ للشعب بعد الإنفصال !!
|
بالله شوفو الناس ديل بطنهم غريقه كيف !!
ساكتين 21 سنه على الخبر الحلو دا منتظرين الجنوبيين يمشوا*
-
*
بلغة الرندوك : يشتتوا،
وبلغة الشرامه: يتخارجوا،
وبلغة الشباب: يكسِّحوا،
وبلغة أيام صبانا : يفرتِقوا،
وبلغة أيام صفانا : يهون عليك تهجرني..
|
|
 
|
|
|
|
|
|
|
|
Re: وزير المالية: سنوفر كل شئ للشعب بعد الإنفصال !! (Re: كمال عباس)
|
عزيزي كمال،
جرى استطلاع لرأي الشارع حول زيادة الأسعار فقال الجميع ما معناه أنها مرهقة لهم وأنهم وصلوا القاع،
سئل الوالي في ذات البرنامج ، إن أسعفتني ذاكرتي الخؤون ، عن كيفية ضبط الأسعار فأجب : الحشاش يملا شبكتو،
في حلقة لاحقة قال وزير الإعلام : الشعب تجاوب مع زيادة الأسعار،
بالأمس ، وفي جريدة آخر لحظة ن قال وزير المالية : ما ورد بعنوان البوست وأضاف ( أن سوق «الله أكبر» أحسن
سبل الرزق وأوسع أبوابه ) وهذه التصريحات لا تعني سوى شئ واحد ، أنه لاتوجد اي سياسة إقتصادية في الدولة،
وعليه فإن الصورة جد قاتمة.
| |
|
|
|
|
|
|
|
|
|
Re: وزير المالية: سنوفر كل شئ للشعب بعد الإنفصال !! (Re: الزبير صالح الزبير)
|
تحية طيبة للمرتضى وزواره
..
لدي ملاحظتان :
الأولى : الرجل قال : سنوفر للشعب
أوعى تكونوا حاسبين نفسكم من الشعب الذي أشار إليه الوزير .. حليلكم
إنتو الشعب الذي يغني
قرص الخبز قرص الشمس ينأى عن حشاشاتي
الملاحظة الثانية :
الرجل قال : ســــ ........
لكن الثورة التي تعالج مخاضها الآن لن تتيح لهم فرصة الوصول إلى محطة ( السين ) هذه.
| |
|
|
|
|
|
|
|
|
|
Re: وزير المالية: سنوفر كل شئ للشعب بعد الإنفصال !! (Re: مها عبد الله)
|
سنوفر كل شئ للشعب بعد الإنفصال !!
وهسسسسه مالو ؟؟
وشيل دا من دا يرتاح دا عن دا ,,,
ـــــــــــــــــــــ
ال تضى ! انت لو باريت كلام الوزراء ديل
بتتششششششششلا كلمتك ..
يتتشلا
او بتتشلع
او بتتسيك
او بتت
طبعا انت ما( بتموت) لووووب ..
تقول رئيس حزب ..
اها قول لى:: ادييينا انفصلنا .. تعال .
ولم تعد الاشياء هى الاشياء !
يعنى كل شىء دى ذاتها دايرا شرح
شكلها بقى مريب
تضى ازيك ياخ ..
يوم الاحد ابقى اسال مننا ياخ ,,
| |
|
|
|
|
|
|
|
|
|
Re: وزير المالية: سنوفر كل شئ للشعب بعد الإنفصال !! (Re: محمد الامين محمد)
|
يعني بعد ما الجنوبيين يتخارجوا حنبقى منغنغين؟
أححححمدك يا رب.
يالاّ إتخيل معاي .... لما دارفور تكسح .... ووراها جبال النوبة وكسلا والشرق والحلفاويين (ناس فيصل خليل والباشمهندس أبوبكر يدونا عجاج كرعيهم) ....... وكلما واحد يكسح ..... نحن تنفرج علينا.
لما السودان يبقى في حدود (المقرن) حنكون ما سائلين في الفراديس العُلى.
| |
|
|
|
|
|
|
|
|
|
Re: وزير المالية: سنوفر كل شئ للشعب بعد الإنفصال !! (Re: Hisham Ibrahim)
|
| Quote: وزير المالية: سنوفر كل شئ للشعب بعد الإنفصال !! |
أثناء واحدا من لقاءات التلفزيون مع هذا الوزير ( المسطح)، جهزت جوالي،لأتصل بهم لتبليغه رسالة قصيرة وهي:
والله يا معالي الوزير أنا أعتقد بأن جدكم الخليفة عبدالله التعايشي ( رحمه الله)،كان رجلا فاضلا، ووطنيا صادقا،
وسودانيا شجاعا، وقد فشل في إدارة الدولة السودانية بنسبة 100%، مما قضى بإستشهاده وزمرة طيبة من الشعب
السوداني البطل، وأدي إلى إعادة إستعمار السودان، وتمزيق لحمة المجتمع إلى أولاد غرب وأولا بحر، وكان كل هذا
الفشل لخطأ سيدى الخليفة في قراءة واقع الحال أو التعامل بفقه الحالة الراهنة، أو تطبيق معايير عالية الصفوة
وقاسية التطبيق، وبكل أسف هذا الشبل من ذاك الأسد، فأنت تفكر إقتصاديا بنرجسية عالية وبعدا كبيرا من واقع الحال
وتظن أن العودة للكسرة هي الحل ومن قال لك بأن الشعب السوداني ترفع عن أكل الكسرة؟ فهم ليسوا وزراء مثلك، ولا وارثين
مثلك، فأنت تقول ما لا تعرف، حتى الكسرة تعذر الوصول لها وبسبب لقاءك ذلك فقد أطلقت عليكم الوزير المسطح، وليتك سطحت
في قطار نيالا خريفا أو شتاء لتعرف معني مسطح، وأنصحك لوجه الله وحبى لسيدى الخليفة جدك .. فخير لك وألف خير أن تستقيل
وعاجلا قبل أن يحدث لك ما حدث لجدك وينهار كل البناء على رأسك.........
| |
|
|
|
|
|
|
|
|
|
Re: وزير المالية: سنوفر كل شئ للشعب بعد الإنفصال !! (Re: حماد الطاهر عبدالله)
|
أخي حماد الطاهر،
سلامات،
لم أك أدري أن الوزير المعني حفيد للتعايشي ، رغم أن هذا أمر لايتصل بوعوده
المزجاة بالمجان للجاهلين السذج من أمثالي ، لكنني من خلال سردك أتمنى على
الرجل أن ينظر إلى حالنا بعين الرحمة تفاديا لإعادة إنتاج الفجيعة.
_
صدق ودالمكي : إن الأماني إذ نشتهيها تعلقنا من سراويلنا في الهواء.
| |
|
|
|
|
|
|
|
|
|
Re: وزير المالية: سنوفر كل شئ للشعب بعد الإنفصال !! (Re: خضر حسين خليل)
|
| Quote: كل شئ كيف يعني ياوزير المالية ؟ |
مولانا خضر سلامات،
سؤالك وجيه والله ، تصدق لم أسأل نفسي عن ما تتضمنه عبارة (كل شئ) وفسرتها
وفقا لأحلامي الخائبة البائرة بلا انقطاع لكن الإنسان حيوان متفائل كما يقولون ، لما
قال (كل شئ) تبادرت إلى ذهني بيت بأوضتين ( محمد أحمد) وحوش سغير والأولاد
في المدارس مجانا ولما يمرضوا آخدهم لأقرب GP مجانا ( إيه رايك في GP دي)
وكيس الخدار معاهو ربع كيلو لحمه بأتفه الأسعار وباقي مشاكلي بسيطه..
بالريده بتُحل.
-
ياخ خوفتني ،
إن شاء الله ما يكون قاصد بعد الإنفصال سيوفر (كل شئ) بمعايير زولنا ( جلد وقطع ووو)..
| |
|
|
|
|
|
|
|
|
|
Re: وزير المالية: سنوفر كل شئ للشعب بعد الإنفصال !! (Re: محمد أبوالعزائم أبوالريش)
|
| Quote: لما السودان يبقى في حدود (المقرن) حنكون ما سائلين في الفراديس العُلى. |
يا أبوالريش الناس ديل من زمان قالوا الحجم والكم ليسا مهمين في حساباتم،
دوله صغيره حدودها من جبل كرري وأمبده وابوسعد ثم المقرن وحلو شمبات
مقيلا تكفي، إنت ما سمعت بالفاتيكان ، أو ليخنشتين أو موناكو أو الأندورا؟
ياخ اليابان تاني أقتصاد في العالم كانت تحتل الرقم 61 من حيث المساحة يوم كان
السودان يحتل المرتبة العاشرة.
| |
|
|
|
|
|
|
|
|
|
Re: وزير المالية: سنوفر كل شئ للشعب بعد الإنفصال !! (Re: محمد المرتضى حامد)
|
Quote: النقد الأجنبي في البلاد
هو المستثمرين الأجانب في السودان لأنهم يحولون أرباحهم للخارج |
يالزبير صالح الأزمة كبيرة جداً
وتحدث عنها عراب النظام الأقتصادى حمدى ومعه الشاب المتخوبر محمد النايل فى تلفزيون السلطة
وبعضمة لسانة قال فشلنا ومافى داعى نكذب على الناس وعدنا المستثمرين بإعفاءات ضريبية لكن السياسات الغير مسؤلة
فرضت تحويل 50% من أرباح استثمارهم وحدث التضخم للمرة الثالثة يعنى ال 50% ذاته انكمشت 3 مرات
قال نحنا محتاجين لثورة جديدة كما قال عمر فى افتتاح كبرى الحلفاية وذكر ان تخفيض الحكومات ضرورى وال 20% بتاعت الجنوبين لاتكفى
ومعتمدين على تحويلات المغتربين يعنى المغتربين لو سمعوا الكلام وحولوا خارج النظام المصرفى بكون خير وبركة
يعنى المسألة مستحمية
| |
|
|
|
|
|
|
|
|
|
Re: وزير المالية: سنوفر كل شئ للشعب بعد الإنفصال !! (Re: عبدالحافظ سعد الطيب)
|
Quote: يالزبير صالح الأزمة كبيرة جداً
وتحدث عنها عراب النظام الأقتصادى حمدى ومعه الشاب المتخوبر محمد النايل فى تلفزيون السلطة
وبعضمة لسانة قال فشلنا ومافى داعى نكذب على الناس وعدنا المستثمرين بإعفاءات ضريبية لكن السياسات الغير مسؤلة
فرضت تحويل 50% من أرباح استثمارهم وحدث التضخم للمرة الثالثة يعنى ال 50% ذاته انكمشت 3 مرات
قال نحنا محتاجين لثورة جديدة كما قال عمر فى افتتاح كبرى الحلفاية وذكر ان تخفيض الحكومات ضرورى وال 20% بتاعت الجنوبين لاتكفى
ومعتمدين على تحويلات المغتربين يعنى المغتربين لو سمعوا الكلام وحولوا خارج النظام المصرفى بكون خير وبركة
يعنى المسألة مستحمية |
أخي عبدالحافظ،
ربما يعتقد أولئك الذين لاخبرة لهم سوى مكاتب الروابط بالجامعات أن إدارة شؤون
الدولة في القرن الواحد والعشرين شئ يتفق مع (خبراتهم) تلك ، وأن عجلة الإقتصاد
تدار بشعاراتهم أيام إنتخابات الإتحادات من عينة ( شباب يستاكون بالرصاص ) وتلك
الخزعبلات ، أولئك الناس هجَّروا كل الكفاءات والخبرات التي كان يمكنها أن تدير
العملية الإقتصادية والتجارة الدولية والإستثمار بكل اقتدار وعلمية وجاء إلى
السوق جماعة ( من أراد أن تثكله أمه إلخ..) لذا كانت النتيجة كما ترى.
| |
|
|
|
|
|
|
|
|
|
Re: وزير المالية: سنوفر كل شئ للشعب بعد الإنفصال !! (Re: محمد المرتضى حامد)
|
Quote: Quote: | Quote: ومعتمدين على تحويلات المغتربين |
اها رجعنا للمُربع الاول تااااااااااااااني ...! |
وعودة ما يسمى بالمساهمة الإلزامية والحزمة المرافقة لها من تمغات أمر
لا محالة قادم ،
ياخ ديل شالوا مننا (زكاة) قلنا ليهم نحن دفهناها من شهرين بس ن قالوا
لينا ( محرم) دخل والزكاة مستحقة ، يعني مقدما ، الواحد قرَّب يقول ليهم يا اخوانا
ملنا غير متقوم ولم يبلغ النصاب ولم يمر عليه الحول ولم .. لكن طبعا الناس
ديل ...
آمين يارب...
| |
|
|
|
|
|
|
|
|
|
Re: وزير المالية: سنوفر كل شئ للشعب بعد الإنفصال !! (Re: أسامه الكرور)
|
انتو مسؤلين من الخير وزير الماليه ده مش ياهو زاتو بتاع الكسره (بكسر الكاف) ولا واحد تانى ياخ ده لمن كان عنده بترول قال الناس تاكل كسره يعنى بعد ما البترول يكون مافى حا يقول لينا ناكل( هواء) على قول الفلسطينيين ولا شنو؟ الزول ده احسن يسكت ما يتكلم لانه مما سمعنا بيهو ما قال كلام فيهو فايده..
| |
|
|
|
|
|
|
|
|
|
Re: وزير المالية: سنوفر كل شئ للشعب بعد الإنفصال !! (Re: د.محمد بابكر)
|
| Quote: انتو مسؤلين من الخير وزير الماليه ده مش ياهو زاتو بتاع الكسره (بكسر الكاف) ولا واحد تانى |
د. محمد،
موضوع الكِسره دا ما عندي عنو فكره ونرجو إفادتنا عن الواقعة ، (ذات الكسرة)،
لكن بعيدا عن الوزير الفريد في عصرو أنا من عشاق الكسره بالخُدره المفروكه والباميه بالشمار وليته يوفرها لنا ضمن (كل شئ)،
إنت قايلا رخيسه؟
| |
|
|
|
|
|
|
|
|
|
Re: وزير المالية: سنوفر كل شئ للشعب بعد الإنفصال !! (Re: أسامه الكرور)
|
Quote: سا جماعه إنتو فهمتو الزول دا غلط
هو ماقاصدإنفصال الجنوب
هو بقصد الإنفصال اللى بعده
أو اللى بعد اللى بعده
إنتو مستعجلين على كل شىء مالكم ؟؟؟
مش الأول تلقوا ( بعض شىء) ؟؟؟ |
كلام عَقُل يا أسامه،
العجله من الشيطان،
علينا أن نصبر 21 سنة أخرى كيما نجد (بعض الشئ).
بس المشكلة إنهم ما يصبروا علينا وتبقى علينا قصة أهدي ليك الروح وانت بي لاترضى
أعيش محروم يا جميل..
يا مدلل.
| |
|
|
|
|
|
|
|
|
|
Re: وزير المالية: سنوفر كل شئ للشعب بعد الإنفصال !! (Re: Ahmed al Qurashi)
|
| Quote: قلت لي قال شنو يا مرتضي ! |
طالما قال (كل شئ) إنت بالذات يا أحمد حا يجيب ليك الشيله وقال بيت مفروش والحفله والفنان عليهو* وحرَّم ما تقول شي.
مش في رئيس كدا قال للجماهير ( حا نزرع ليكم شعيريه)؟
أها وزيرنا دا حا يزرع ليكم سكسكانيه،
وبسكويت طويل التيله.
-
*
الفنان طبعا حقيبه عشانك،
والغنيه في الطيف أو في الصحيان..
| |
|
|
|
|
|
|
| |
محمد المرتضى حامد
BAKTASH
سلمى تاور
jini
كمال عباس
Elbagir Osman
الزبير صالح الزبير
Al-Shaygi
Ahmed al Qurashi
مها عبد الله
دينا خالد
محمد الامين محمد
محمد أبوالعزائم أبوالريش
خضر حسين خليل
Hisham Ibrahim
حماد الطاهر عبدالله
عبدالحافظ سعد الطيب
MOHAMMED ELSHEIKH
أسامه الكرور
د.محمد بابكر
فيس بوك
تويتر
انستقرام
يوتيوب
بنتيريست