|
دعواتكم لزميلنا المفكر د.الباقر العفيف بالشفاء العاجل
|
|
 Re: مبروك .. (Re: محمد المرتضى حامد)
|
Quote:
وعشان نغيزم ونفقع مرارتم قولوا لا إله إلا الله ..
|
من يوم وعينا يا مولانا ونحن بنقول: لا إله إلا الله محمداً رسول الله
ويشهد الله موحدين ومؤمنين
بس ولاد (.........) ما قادر أقولها بيتاجروا بيها ويسرقوا بيها وكأن ليدهم عند الله عهد....
بالله شفت الخرابي في خلاوي ود الفادني؟؟
ناصبوا الصوفية العداء ولما أتزنقوا هرولوا وحبوا ليهم
بس ما غلطتم ،،، غلطة أهل خلاوي المصالح والأمجاد الفتحوا ليهم الباب....
والكثير من الخلاوي موصدة أمامهم
وكلو بحسابه....
والتاريخ بيسجل بحروف من رخام
الشايقي
http://www.youtube.com/watch?v=WjNosdjuv7s
[email protected]
http://alkatwah.com
.
| |
 
|
|
|
|
|
|
|
|
Re: مبروك .. (Re: محمد المرتضى حامد)
|
وشتان ما بين ليل الشيخ قريب الله
وليل كرومة
تعرف الزول ده عمرو ما اتعلم المثل السوداني البقول
لسانك حصانك
انا الفاقع مرارتي الخطيب الاتكلم باسم الصوفية
ده ذبح الصوفية ولاتصوف والسودان والدول المجاورة حتى الامريكتين
ياخ في ناس جد ما عنده ضمير كلو كلو
| |
|
|
|
|
|
|
|
|
|
Re: مبروك .. (Re: د.محمد حسن)
|
Quote: انا الفاقع مرارتي الخطيب الاتكلم باسم الصوفية
ده ذبح الصوفية ولاتصوف والسودان والدول المجاورة حتى الامريكتين |
بالعكس يا محمد، الزول الأنا سمعتو يتحدث عن الصوفيين قال كلام مبطن
فقد دعا لزولك أن يقيض له البطانة الخيِّره.. وبعديها طوالي جابو لقطه لنماذج
من البطانه الخيِّره.. طبعن بعد ما جزء كبير البطانه إترشَّ..
هو فضل فوقا بطانه ولا دنـدر !!
| |
|
|
|
|
|
|
|
|
|
Re: مبروك .. (Re: محمد المرتضى حامد)
|
يا مولانا انت ملاحظ استخدام الشريعه و الدوله الاسلاميه بقي كيف؟ زمان لما أهلنا يكونو عاوزين يخوفونا من حاجه أو محل بيقولو ليك لو عملتا كده أو مشيت هناك بيطلع ليك البعاتى أو ود أمبعلو ... جماعتنا ديل بقو كل ما يتزنقو بيمدو ايدهم لى الشنطه الفيها عدة الشغل و يمرقو منها مره شريعه بدون دغمسه و مره اسلاميه بالطوه و مره عربيه بالبشملى .... كلو عدة شغل و هى لله هى لله
وينك انت و لا وين أنحنا؟
| |
|
|
|
|
|
|
|
|
|
Re: مبروك .. (Re: محمد المرتضى حامد)
|
Quote: بصفتي مواطن بسيط كنت فاكر الناس ديل 23 سنه بيحكمونا وفقا لشرع الله ،
على أية حال إذا لم يكونوا يحكمونا بشرع الله فما كان مبرر وجودهم طوال هذه المدة مع كل تلك الدماء؟؟
|
سلام يا مولانا .. إت ماك عارف الجماعة ديل ما ناس الدم زاتو ..
ما سمعت بي : فلترق منهم دماء أو ترق كل الدمـاء .. ومن داك اليوم والدم سايـل ..
| |
|
|
|
|
|
|
|
|
|
Re: مبروك .. (Re: أحمد الشايقي)
|
شريعة ضروري يا كاروري
الاسلام قبل القوت اما شريعة وللا نموت
او كماقال اهل الجبهة
ازيك ياخ ونشتاق ليك وانت معانا
| |
|
|
|
|
|
|
|
|
|
Re: مبروك .. (Re: khaleel)
|
| Quote: ما سمعت بي : فلترق منهم دماء أو ترق كل الدمـاء .. ومن داك اليوم والدم سايـل .. |
مولانا أحمد،
هل تعلم ان هناك جيلا بأكمله ولد وترعرع وتخرج وأكل فول وما رأى غير هؤلاء؟
يعني الأشكال دي بالنسبه لذلك الجيل أصبحت كالظواهر الطبيعية ، القمر يكتمل
في نصف الشهر الهجري والمطر يأتي في الخريف والبطانه والمبطن هم حكامنا..
معقول ياخ ؟؟
بعدين هسه لو سألوهم ماهي نتيجة كل تلك الدماء حايودوا وشهم وين..
المصيبة إنهم كمان بيجهزوا في دستور لجمهورية ثانية ..
شفت عمرنا اتبعزق كيف ؟
| |
|
|
|
|
|
|
|
|
|
Re: مبروك .. (Re: محمد المرتضى حامد)
|
الأخ محمد المرتضى
تحياتي - همباتة في الزمن الجميل راكبين البشاريات وضاربين الخلا كايسين ليهم إبل وقريب الصبح كدا الرزق سبح ولمن خلاص القمر قررب يغيب إدّلدوا عى تيس غزال وبركوا جمالهم وعقلوها وولعوا النار وشوا تيسهم وأكلوا لحمتهم وناموا وقبل النومة بشوية كدا ، السرحان شقا . قام واحد قال للتاني قوم صلي ليك ركعتين لي الله وأدعوه أن يحفظ ليك جملك دا . فرد عليه صاحبه ماني قايم والله جملي دا كان خطاك إنت القشة ما تعتر ليه !!!!
بحيراوي
| |
|
|
|
|
|
|
|
|
|
Re: مبروك .. (Re: البحيراوي)
|
لا أذكر انني يوما أكملت خطابا لهذا الرجل فالقليل من كلماته نطربني
سمعته ايام هجليج يقول انه تاني سلام مافي يا هم دخلوا الخرطوم يا نحن دخلتا حوبا
ولاول مرة يكون صادقا فلقد دخل وزير الدولة للخارجية السودانية اليوم جوبا مشاركا في العيد الاول لانفصال جنوب السودان
انتو حتلقوا رئيس احسن من كده وين
قوموا الى صلاتكم يرحمكم الله
| |
|
|
|
|
|
|
|
|
|
Re: مبروك .. (Re: البحيراوي)
|
Quote: شريعة ضروري يا كاروري
الاسلام قبل القوت اما شريعة وللا نموت
او كماقال اهل الجبهة |
يا حليل زمن (الكشه ضروري يا حموري)،
عارفك عارف قصة الإسلام قبل القوت دي ما وارده تب لأن المبدأ الشرعي الضرورات
تبيح المحظورات وكان عطشت وشارفت الهلاك الفودكا زاتا حلال وكان الجوع
الكافر كاد أن يودي بك فلحوم الأحصنة الميتة والحمير والخنازير خيار مثالي،
دفع المضار أولى على جلب المصالح يا خلي...
الله لم ينزل محمد (ص) ليهلك البشر وإنما (رحمة للعالمين) ..
لكن نسو شنو يا حبيب الكل..| Quote: ازيك ياخ ونشتاق ليك وانت معانا |
أنا لو عارف خصامك لي ايامو بتطول..
كنت ما اترددت لحظه وركبت أول طياره برعاية كفاك..
| |
|
|
|
|
|
|
|
|
|
Re: مبروك .. (Re: عمر علي حسن)
|
| Quote: والله جملي دا كان خطاك إنت القشة ما تعتر ليه !!!! |
صدق الرجل وصدقت يا بحيراوي،
علي اليمين قصه قميص عامر
الحافر على الحافر..
يمين لو ختونا قشه واحده ما تعتر لينا..
أما الإسلام فله رب يحميه مثلما قال عبدالمطلب لأبرهة أعد لي بعيري أما الكعبة فلها رب يحميها
| |
|
|
|
|
|
|
|
|
|
Re: مبروك .. (Re: محمد المرتضى حامد)
|
| Quote: وعشان نغيزم ونفقع مرارتم قولوا لا إله إلا الله .. |
أما العبد لله فـ"الفقع مرارتو" إنو المساكين ديلاك بطول حسهم قالوا "لا إله إلا الله"!!
حرم لو مكانهم، عشان أفقع مرارة الريس، ما بقولها يا مولانا
| |
|
|
|
|
|
|
|
|
|
Re: مبروك .. (Re: Ashraf el-Halabi)
|
صديقي و استاذ محمد المرتضى..حبابك
ياخي اصدق التحايا لأخونا القال ليهو (اختار البطانة الخيرة)..و دي ياها روح الصوفية..
العبارة ذكرتني.. ايام كنت طالب في الجامعة..و كنت عامل لي دقن كبيرة (بتاعة الشيوعيين المشلهتين ديك)..اها الوكت داك كانت في ظاهرة شفع ملحاحين كده التقول متفقين مع بتاعين الحافلات.. اول ما عدد الركاب يتم..يقوم الشافع يطلع و يحوم ليك الحافلة من اولها لأخرها (ساعدونا يا جماعة.. انا امي عيانة يا جماعة..و هكذا)..و كانت حافلة جاية من الأملاك و ماشة على ابوجنزير..و قمت ركبت فيها و الشافع المسلط من دون الخلق اتحلني ليك.. يا ابو دقن ساعدنا ياخي.. يا ابودقن انت ما عندك عيال بحوعو..!!..طبعا زهجت شديد..و قمت قلت ليهو (بنهرة طبعا): ابو دقن نص دينو ما عندو يجيب ليك من وين؟!!..
و عينك ما تشوف الإ النور.. ناس الجلاليب العاملة زي باب حمام العزابة..و الدقون التي تشع خبثا..لموا ليك فيني: اعوذ بالله.. العالم دي كفرت.. الإيمان بقى قليل.. ياخي لمن خفت و قلت العالم دي تهدر دمنا في نص الحر دي لا ايدنا لا كــراعنا..!
من اخر الحافلة.. واحد من الصوفية اياهم.. قال ليهم: ياعالم حرام عليكم.. نص الدين الزواج..و الشاب ده ما عندو القدرة على الزواج..عشان كده ما عندو قدرة على مساعدة الناس..!!!!
من ديك عرفت انو نحن ورلنا صقع..و قطرنا صفر عدييل..!!!
الخوف بعد شوية يبقى بنطلون الجينز من علامات الشيوعية و العلمانية (منتهى السطحية من اخونا الراقص اياه..و الناس على عادات ملوكها ياخي)..!!!
ناسف على التخريمة..
كبر
| |
|
|
|
|
|
|
|
|
|
Re: مبروك .. (Re: Kabar)
|
مولانا سلام..وبوستاتك دايماً همبريب (يعني خفيفة الظل). وعلى وزن "فقع المرارة" ، تؤمن بالله بوستك دا فقع مرارتي من الضحك!
بالمناسبة إنت في واحد من تعليقاتك وردودك الظريفة حذرت موسكو وبرلين وباريس وواشنطن .. وأفتكر فاس الما وراها ناس. بس يا اخوي
ما جبت خبر لندن ، وإنت عارف اخوك من سكان عاصمة الضباب ليه سنين! يعني نطمن نحن ما داخلين في الغضبة "المضرية" دي؟!
تخريمة:
يا مولانا إنت عشت في غرب السودان كتير حتى بقى جزء من تاريخك. ما سمعت بالورل؟؟ دا أكتر مخلوق "نفاخ". لكن ظهروا لي
مخلوقات تانية "أنفخ " من الورل!!
| |
|
|
|
|
|
|
|
|
|
Re: مبروك .. (Re: Muna Khugali)
|
Quote: ناسف على التخريمة..
كبر |
عزيزنا Kabar
أنت أدرى مني بأن الصوفية في جوهرها تسامح لأنها ارتقاء بالنفس فوق المألوف ، يعني لو
الصوفي الحقيقي كان رد فعله كالإنسان العادي يبقى يوفر وقتو وينسى التصوف وتأديب النفس
والتسامح وكل تلك القيم ويشوف ليهو (شغله) تانيه ،
والله يكضب شينة (الورل الصقع والقطر الصفَّر) يا كبر..
مافي أحلى من التخريمات في البوستات لكنك لم تُخرِّم وأخوك إختصاصي تخريمات
في البوستات كما ترى..
محبتي ..
| |
|
|
|
|
|
|
|
|
|
Re: مبروك .. (Re: محمد المرتضى حامد)
|
| Quote: لكن إيه رأيك في (الصولو) العملوا الصافي سندس؟ |
مباااااالغة.. خصوصاً إنو مرتجل وما مبرمج في برنامج الاحتفال..
يعني زي تقول شالتوا (الهاشمية) وراح (ختف) المايك.. وانفعل بالطريقة الصاح..
| |
|
|
|
|
|
|
|
|
|
Re: مبروك .. (Re: wadalzain)
|
| Quote: أوع يا مولانا بتاع "ولإن أحاط بنا السلاح" دا يكون عمك بتاع سندس!! |
الدقيقة 5:15 يا أشرف، الزول القال المداخله دي غير مبرمجه،
الختف المايك التوشيبا من رئيسنا - ولعلها الأولى في التاريخ - كدي شوفو..
ياخ مسرح اللامعقول زاتو قال دا ما معقول..
تقول لي صمويل بيكيت..
| |
|
|
|
|
|
|
|
|
|
Re: مبروك .. (Re: محمد المرتضى حامد)
|
بس يا اخوي
ما جبت خبر لندن ، وإنت عارف اخوك من سكان عاصمة الضباب ليه سنين! يعني نطمن نحن ما داخلين في الغضبة "المضرية" دي؟!
أستاذنا الصديق فضيلي،
علي اليمين الغضبه المضريه دي بدت بيكم وأياميها إنت كنت في قلب لندن ما جايب خبر ،
يمين طردوا سفيركم شر طردة وتناقلتها وكالات الأنباء ، وكان ما خانتني الذاكرة قالوا أول مره سفير بريطاني ينطرد..
وشوهد سفير اللنقليز ينتحب في محطة البلابل ..
وفي رواية أخرى أبوحمامه ..
قعد يغني كيف أفارق الضفه والكلاكله باللفه..
شايف كيف،
يا أبا شيراز نحن أي زول بيتطاول علينا بنواسيهو..
كمان نحن الفولكلاند ول الأرجنتين ؟
نحن كان ختينا الطيارات البتتفسح في بورتسودان دي تب ما بتجينا عوجه،
هيييع..
تخريمة:
يا مولانا إنت عشت في غرب السودان كتير حتى بقى جزء من تاريخك. ما سمعت بالورل؟؟ دا أكتر مخلوق "نفاخ". لكن ظهروا لي
مخلوقات تانية "أنفخ " من الورل!!
الورل السغير دا ؟
والله ناسك ديل "أنفخ" من أي منطاد..
يمين كان شافوهم هندنبرج وتسبلن يختو الخمسه في اللتنين.
| |
|
|
|
|
|
|
|
|
|
Re: مبروك .. (Re: محمد المرتضى حامد)
|
Quote: كمبيوترات وإنترنت ومسخرة تأتى مافى
تلفزيون وفضائيات وكليبات وتمثيل تأتى مافى |
دي لحِّقا لصاحبك فيصل يا ود الزين..
لكن برضو (التمثيل) دا ما بيخلوهو ..
كلـــو كلــو
| |
|
|
|
|
|
|
| |
محمد المرتضى حامد
Al-Shaygi
أحمد ابن عوف
مريم الطيب
د.محمد حسن
أحمد الشايقي
khaleel
البحيراوي
Ahmed al Qurashi
wadalzain
Ashraf el-Halabi
Kabar
فضيلي جماع
Muna Khugali
فيس بوك
تويتر
انستقرام
يوتيوب
بنتيريست