يا مجدي ، قسماً عظماً عارفو وشايفو.. زولك في الثانية 6 والثانية 13 بين الأشجار يراقب ويسخِّن في الأنجيرا من بعيد، أها قام بعد داك ، في الثانية 37 ، ظهر عديل وبيأشِّر كمان، بس الكلام دا خليهو بيناتنا.
_
يا مجدي مسئول من الخير ، أم فانله حمرا دي منو؟
06-08-2010, 02:07 AM
محمد المرتضى حامد محمد المرتضى حامد
تاريخ التسجيل: 08-14-2006
مجموع المشاركات: 10832
Quote: قطع شك الشافع اب صلعة ده كوستاوي , انا شايف روحي اكتر في التاني اب شعر
والله قصص، هسه الشاب ده علاقتو شنو بالصلعة؟ بعدين يا خدر حديث الصلع دا بجيب لينا كتاحه من أريزونا ويلخبط الأنجيرا بالمكرونه. أسكت ساي واستمتع بساكسفون الرائع Yared Teferra
06-08-2010, 02:43 AM
Osman Musa Osman Musa
تاريخ التسجيل: 11-28-2006
مجموع المشاركات: 23082
الغريبة يا عمكـ عندي إحساس إنو كوستاوي دا زمنو فارق في الغنا .. النوع البخلي الفنان لو عاين ليهو بمرق من الزمن عشان كـدا شايف الاتنين ديل ماف واحد قاعد يعاين للتاني!
06-08-2010, 01:29 PM
محمد المرتضى حامد محمد المرتضى حامد
تاريخ التسجيل: 08-14-2006
مجموع المشاركات: 10832
Quote: عندي إحساس إنو كوستاوي دا زمنو فارق في الغنا .
يا Messi ، شقيقي الرشيد من المعجبين برقص (علوبه) الشهير في حفلات الخرطوم، حكى لي إنو مره علوبه جا طالع والحفله يا دوب اشتغلت، سألوهو : وين يا علوبه ماشي؟ قال ليهم : ياخ زِحوا ، دا فنان أشتر وزمنو فارق بحلج رُكبنا ساكت.
هسه يعني كوستاوي دا نقول عليهو مأساة الحلاج؟
06-08-2010, 01:32 PM
محمد عبد الماجد الصايم محمد عبد الماجد الصايم
تاريخ التسجيل: 10-16-2005
مجموع المشاركات: 35312
يا عثمان ، الأخطر منو Getatchew Mekurya وهو كبيرهم الذي علمهم الزار والذي اشتهر بعزفه لموسيقى (عزه في هواك) بمستوى لايجارى، ، كدي شوفو عمل شنو هنا والشاب الرقص الإسكستا دا،
06-08-2010, 03:36 PM
Osman Musa Osman Musa
تاريخ التسجيل: 11-28-2006
مجموع المشاركات: 23082
يا ود حامد يا أخى Mekurya ده أصلو قاطع حبلو من زمان . ديل ناس فنانين نوع الفن العالى . يا أخى زولك البرقص ساعة وقع تخ أنا فاكرو مات . والله صاح الفنون جنون . .. غايتو لو ما خج الأنتخابات الفاتت دى كنا عملنا وحدة مع الحبشة عديل .
06-08-2010, 03:57 PM
Balla Musa Balla Musa
تاريخ التسجيل: 12-30-2004
مجموع المشاركات: 15238
حبيبنا أبوالعزائم، سلامات ياخ، سلامة النظر، أذكر أنك - منذ عقدين - كنت من المعجبين بمصطلح (تظبظب) الشهير في مسرحية شقائق النعمان للراحل الرائع الماغوط وبالطريقة الحلوه في نطق دريد لحام، أها كدي شوف الفيديو تاني - تظبظب وما تبالغ. تحايا لعزيزنا ماضي.
06-08-2010, 07:47 PM
خدر خدر
تاريخ التسجيل: 02-07-2005
مجموع المشاركات: 13188
يا محمد المرتضي الله يفتحا قدامك دنيا و آخرة , من الصباح قابلنى بوستك ده , خمشت الفيديو و رشيتو في الفيسبوك - و شكرتك هناك - حتى البت دى جات حايمة بي هناك ... و يومى استعدل عيب كلامك انت جبت سير و اسامى هنا بتطفش البهجة دى , بعاعيت و صلع و شنبات و حلاقيم .... المرة الجاية انتبه , سمح؟
06-08-2010, 08:28 PM
داليا الكباشى داليا الكباشى
تاريخ التسجيل: 07-23-2009
مجموع المشاركات: 4105
Quote: غايتو لو ما خج الأنتخابات الفاتت دى كنا عملنا وحدة مع الحبشة عديل .
معليش يا عثمان, حاول أنسى الخج وتذكر الأنجيرا، إهمل كل القصص الكذوب الزيوف المعنونة ب (تحت جزمتي) وتذكر Aster Aweke ، أعمل رايح من سالفة لاللسلطه ولا للجاه وتذكر إبداعات تالاهون، باختصار يعني ركِّز على الإيجابيات، الناس دي كلها ماشه يا أبا عفان والبقاء لله، هي لله .. أوكي؟
06-09-2010, 05:08 AM
محمد المرتضى حامد محمد المرتضى حامد
تاريخ التسجيل: 08-14-2006
مجموع المشاركات: 10832
يا دكتور مجدي أب بكور دا مش مفروض يرفد نفسه من البورد لمخالفته دستور بورد بكري? هى لو بقت على الصلعة ما كان قلنا حاجة لكن دا زول ساكن الحلفايا (لا مواخذا)
06-09-2010, 02:48 PM
Kostawi Kostawi
تاريخ التسجيل: 02-04-2002
مجموع المشاركات: 39980
أميره الشيخ سلام، نقطه؟ نقطه بس؟ المره الجايه أعمليها (مركز)، وفي رواية أخرى ( تُمنه)..
واحد زميلنا كان قاضي أيام الإنتفاضه ، قال لواحد ضابط شرطه ياخ إنتو ما عايزين تضرِبوا مع الناس ليه؟ الضابط قال ليهو : يا مولانا هسه كان رفدوك بتفتح ليك مكتب ، أها أنا أفتح لي نقطه؟
شكرا يا مريخية.
06-09-2010, 09:04 PM
محمد المرتضى حامد محمد المرتضى حامد
تاريخ التسجيل: 08-14-2006
مجموع المشاركات: 10832
Quote: عيب كلامك انت جبت سير و اسامى هنا بتطفش البهجة دى , بعاعيت و صلع و شنبات و حلاقيم .... المرة الجاية انتبه , سمح؟
والله يا عصام ، وما طالبني حليفه، كنت عارف (الأسماء) و(السِير) بتطفش الناس من الساكس والإسكستا والفرِك السووهو العيال ديل ، لكن نسوي شنو ، ربنا قاسم لينا صحبة البعاعيت على قولك ، والله أنا زاتي بتونس معاهم مِغَمِّد، وكمان جابت ليها طواقي بزيت فرامل.
06-10-2010, 02:13 PM
Kostawi Kostawi
تاريخ التسجيل: 02-04-2002
مجموع المشاركات: 39980
عارف يا كوستا ، الصوره دي بالذات كنت شاهدا على التقاطها وزولك ظابط خيمه في الخارج للحلف ايه والحلف الكتاب كلو لكن حوالي الساعه أربعه ، وبعد أن إطمأن إنو كلو في محلو وسالفة الغدا انتهت، تكأكأ عليه نفر ممن لا مواعيد لهم ونزلوا عليهو زي التقول فتح بوست عن ندى القلعه ، وللحيظات حسبت أن الباش حايقول ليهم (قرفنا) أو (كفايه) تكلفة البناء أرخس من كرامتو ، ومن يومها والمشاوير بين رأسه والشعر ( تزداد نأيا وبُعدا). ياخ في زول عاقل بيعزم ناس قرض؟
06-10-2010, 04:08 PM
داليا الكباشى داليا الكباشى
تاريخ التسجيل: 07-23-2009
مجموع المشاركات: 4105
عارف يا مجدي مع صورة بكري ( خذيني باليمين وانا زاحف شمال) دي مفروض تكتب شورت تكست مسجز زي بتاعت تلفزيزن السودان أو النيل البنفسجي أو الباقيات البرسلوها المشاهدين وأنا أرسل ليك رسائل وقال انا في الجزائر ومنبرنا راكِّي اريت أبصلعه طاير .. أصلو اليومين دي أخوك في إجازه ومتفرِّغ للرسائل..
06-10-2010, 07:58 PM
محمد المرتضى حامد محمد المرتضى حامد
تاريخ التسجيل: 08-14-2006
مجموع المشاركات: 10832
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
محمد المرتضى حامد
Osman Musa
خدر
Magdi Ahmed Elsheikh
ندى عثمان حسن
محمد عبد الماجد الصايم
محمد زكريا
طارق جبريل
محمد أبوالعزائم أبوالريش
داليا الكباشى
Kostawi
نجاة محمد بابكر
فيس بوك
تويتر
انستقرام
يوتيوب
بنتيريست